Saturday, May 12, 2012

ကိုရင်လေး

DVB entertainment

ကိုဘောကြီးရဲ့ ရင်ဖွင့်သံ

INTERVIEW BY NAY ZAW(TH-Z)

ရှေ့တန်းတပ်ရင်းမှာ တပ်တွင်း ပစ်ခတ်မှုကြောင့် သေဆုံးမှုရှိ

2012-05-12
စစ်ကိုင်းတိုင်း ဒေသကြီး၊ တမူးမြို့နယ်၊ တွီဗန်ကျေးရွာ အခြေစိုက် ရှေ့တန်းတပ်ရင်း ခလရ (၂၆၆) မှာ မေလ ၁၀ ရက်နေ့ ည ၁၁ နာရီခွဲလောက်က တပ်တွင်း ပစ်ခတ်မှု ဖြစ်ပွားခဲ့ပါတယ်။
ရဲဘော်(၂) ဦးက သေနတ်နဲ့ ပစ်ခတ်တဲ့အတွက် အရာရှိတဦး၊ ဒုတပ်ကြပ်တဦးနဲ့ ရဲဘော် (၂) ဦး စုစုပေါင်း (၄) ဦး သေဆုံးခဲ့တဲ့ အကြောင်းနဲ့ ပတ်သက်လို့ ဒေသခံတဦးက အခုလို ပြောပါတယ်။
“ကျနော်တို့ တွီဗန်ရွာမှာရှိတဲ့ တပ်ရင်းပေါ့နော်။ ညမှာ ဒုတပ်ကြပ်နဲ့ စစ်သားတွေက ရန်ဖြစ်တယ်လို့ ပြောပါတယ် ခင်ဗျ၊ ဒုတပ်ကြပ်က ရဲဘော်တစ်ယောက်ကို ပါးရိုက်လိုက်တယ်လို့ ပြောပါတယ်။ အဲဒီမကျေနပ်တော့ ဒီရဲဘော်နဲ့ သူ့သူငယ်ချင်း နောက်ရဲဘော်တစ်ယောက်တို့က ရဲဘော်၂ ယောက်ရယ်၊ ဒုတပ်ကြပ်ရယ်၊ ၂ ပွင့် ဗိုလ်တယောက်ရယ်ကို သေနတ်နဲ့ ပစ်လိုက်ပါတယ်။ ပြီးတော့ M16 ပေါ့နော်။ သေနတ်ရှည် ၄လက်ရယ်၊ ၂ ပွင့်ဗိုလ်ကိုင်ထားတဲ့ ပစ္စတို တလက်ရယ်၊ ကျဉ်ကပ်၊ ကျဉ်တောင့် (၅၀၀) ကျော်ယူပြီးတော့ ဆိုင်ကယ် ၂ စီးနဲ့ ထွက်သွားတယ်။”
ဒီလိုဖြစ်ပွားတာ ဟုတ်မှတ်ကြောင်း အဆိုပါ ရှေ့တန်းတပ်ရင်း ရုံးမှ အရာရှိတစ်ဦးက အတည်ပြု ပြောကြားလိုက်ပြီး သေဆုံးသူ တွေကတော့ ဗိုလ်ရာဇာထွေး၊ ဒုတပ်ကြပ် ထွန်းထွန်း၊ တပ်သား ဇော်ဇော်လွင်နဲ့ ဝင်းကျော်တို့ ဖြစ်ကြပြီး၊ ပစ်ခတ်ခဲ့သူတွေ ကတော့ တပ်သား အောင်ဇော်ဌေးနဲ့ လှိုင်ဝင်းကျော်တို့ ဖြစ်တယ်လို့ သိရပါတယ်။
ပစ်ခတ်သူတွေကို ပြန်လည်ဖမ်းဆီးရမိခြင်း မရှိသေးဘူးလို့ သိရပါတယ်။
http://www.rfa.org/burmese/news/shooting-in-army-05122012100214.html

ပိတ်ဆို့မှုတွေ ပိုမိုလျှော့ပေါ့ရေး အမေရိကန် စောင့်ကြည့်နေ

RFA Burmese


အမေရိကန်အစိုးရက မြန်မာနိုင်ငံအပေါ် ချမှတ်ထားတဲ့ အရေးယူ ပိတ်ဆို့မှုတွေ ပိုမိုလျှော့ပေါ့ပေးဖို့နဲ့ မကြာခင်မှာ သံအမတ်အကြီး
အဆင့် ပြန်ခန့်အပ်ဖို့ စောင့်ကြည့်နေသလို ပြုပြင်ပြောင်းလဲရေး ဆောင်ရွက်နေတဲ့ မြန်မာအစိုးရနဲ့ ထဲထဲဝင်ဝင် ပူးပေါင်း ဆောင်ရွက်နေတယ်လို့ အမေရိကန် နိုင်ငံခြားရေး ဌာနရဲ့ မြန်မာနိုင်ငံဆိုင်ရာ လက်ထောက် အထူးကိုယ်စားလှယ် မစ္စတာ ပက်ထရစ် မာဖေး (Patrick Murphy) က ပြောလိုက်ပါတယ်။

ဒါပေမယ့် မြန်မာအစိုးရက ဆောင်ရွက်မယ်လို့ ကတိပေးထားတဲ့ ပြုပြင်
ပြောင်းလဲမှုတွေ ထဲမှာ တိုးတက်အောင် ဆောင်ရွက်ရမယ့်ကိစ္စတွေ ကျန်နေသေးတယ်လို့ မစ္စတာ မာဖေးက ပြောပါတယ်။

အရေးယူပိတ်ဆို့မှု Sanction ပိုပြီး လျှော့ပေးနိုင်ဖို့ အတွက် အမေရိကန် နိုင်ငံခြားရေးဌာနဟာ အမေရိကန် လွှတ်တော် အပါအဝင် သက်ဆိုင်ရာ အစိုးရ အရာရှိတွေနဲ့ ပူးပေါင်း ဆောင်ရွက်နေတယ်လို့ သိရပါတယ်။

မိမိတို့ ချမှတ်ထားတဲ့ အရေးယူပိတ်ဆို့မှု အားလုံးဖေါ်ပြပြီး၊ ဒီဟာတွေကို ဘယ်လိုလျှော့ပေးနိုင်မလဲ ဆိုတာ လေ့လာဆောင်ရွက်ဖို့ ရှေ့နေ အယောက် ၂၀ ပါတဲ့အဖွဲ့ လိုအပ်တယ်လို့လည်း မစ္စတာ ပက်ထရစ် မာဖေး - က
ပြောပါတယ်။

အမေစုကော့မှုးဆေးရုံလိုအပ်ချက်များအားနားထောင်

Thiha Thwe


ဒေါ်အောင်ဆန်းစုကြည် ကော့မှူး ပြည်သူ အခက်အခဲ သွားရောက်လေ့လာ
2012-05-12 အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ပြည်သူ့လွှတ်တော် ကိုယ်စားလှယ် တစ်ဦး အဖြစ် သူတာဝန်ရှိတဲ့ ရန်ကုန်တိုင်း ကော့မှူးမြို့နယ်က ဒေသခံပြည်သူတွေရဲ့ အခက်အခဲကို ဒီကနေ့ လက်တွေ့ ကွင်းဆင်း လေ့လာခဲ့ပါတယ်။ ဒါ့အပြင် ဒေသခံအုပ်ချုပ်ရေးမှူးတွေနဲ့လည်း တွေ့ဆုံခဲ့တယ်လို့ ဒေါ်အောင်ဆန်းစုကြည်ရဲ့ ကိုယ်ရေးအရာရှိတဦး ဖြစ်တဲ့ ဦးခွန်သာမြင့်က RFA ကို ပြောပါတယ်။ "ကျောင်းထိုင်ဘုန်းတော်ကြီးကျောင်းကို သွားရောက် ကန်တော့အပြီး ကော့မှူး ကျေးရွာပေါင်းစုံမှာ ရှိတဲ့ ဘွဲ့ရ အလုပ်လက်မဲ့ လူငယ် ၁၅၀ ခန့်ကို ဒေါ်အောင်ဆန်းစုကြည်က တွေ့ဆုံခဲ့ပါတယ်။ သူတိုရဲ့ လိုအပ်ချက်တွေ သူတို့ ဖြစ်စေချင်တာတွေကို မေးမြန်းခဲ့ပါတယ်။ ခရစ်ယာန်၊ မူဆလင်၊ ဗုဒ္ဓဘာသာ အသင်းအဖွဲ့တွေနဲ့ တွေ့ဆုံပြီး ဘာသာရေးဆိုင်ရာ ကိစ္စရပ်များကို ဆွေးနွေးခဲ့ပါတယ်။ ဒါ့အပြင် ကော့မှူးမြို့နယ်ထဲမှာ ရေရှားပါးလို့ ရေရရှိရေး ပြုလုပ်ပေးနေကြသော ပညာရှင်များ၊ အလှူရှင်များနဲ့ဆွေးနွေးပါတယ်။ အဲဒီနောက် မြို့နယ် ဆေးရုံက မြို့နယ်ဆရာဝန်ကြီးနဲ့ တွေ့ပြီး ကျန်းမာရေးအတွက် ဘာတွေ ဖြည့်ဆည်းပေးဖို့ လိုသလဲလို့ မေးပါတယ်။ အခု လောလောဆယ်မှာ မြို့နယ်အုပ်ချုပ်ရေးမှူးနဲ့ စကားပြောနေပါတယ်။" အခုလို ကော့မှူးဒေသခံတွေနဲ့တွေ့ဆုံပြောဆိုခဲ့ရာမှာ အထူးသဖြင့် လက်ရှိ အခက်အခဲ (၂) မျိုး တွေ့ရတယ်လို့ ဦးခွန်သာမြင့် က ပြောပါတယ်။ အဲဒါတွေကတော့ အလုပ်လက်မဲ့ ပြဿနာနဲ့ လယ်သမားတွေရဲ့ အခက်အခဲဖြစ်ပြီး ကျန်အခက်အခဲတွေကတော့ ပညာရေးနဲ့ ကျန်းမာရေး စောင့်ရှောက်မှု လိုအပ်ချက်တွေ ဖြစ်တယ်လို့ ဆိုပါတယ်။ ဒေါ်အောင်ဆန်းစုကြည်ရဲ့ ဒီနေ့ ခရီးစဉ်မှာ မိဘမဲ့ ကျောင်းတကျောင်းနဲ့ မူကြိုကျောင်း တကျောင်းကိုလည်း ဝင်ရောက်ကြည့်ရှုပြီး နှုတ်ဆက်စကား ပြောခဲ့ပါတယ်။
http://www.rfa.org/burmese/news/assk-kawhmu-05122012094915.html

နိုင်ငံတော် သမ္မတကြီး ၏ လမ်းညွှန် မိန့်ကြားချက် (၂၀၁၂ ခုနှစ် ၊ မေလ ၁၁ ရက်)

by Yangon Media Group on Saturday, May 12, 2012 at 8:59am ·
အစည်းအဝေးကို တက်ရောက်လာကြတဲ့ ဒုတိယ သမ္မတနှင့်
    ပြည်ထောင်စု ဝန်ကြီးများ ၊ တိုင်းဒေသကြီး / ပြည်နယ် အစိုးရ ဝန်ကြီးချုပ်များ ၊
    ကိုယ်ပိုင်အုပ်ချုပ်ခွင့်ရ တိုင်းနှင့် ဒေသ ဥက္ကဌ များခင်ဗျား
    ဒီနေ့ အစည်းအဝေးကို ခေါ်ယူရတဲ့ ရည်ရွယ်ချက်ကတော့ ကျွန်တော်တို့ အစိုးရရဲ့ နိုင်ငံတော် ဖွံ့ဖြိုးတိုးတက်မှုအတွက် ပြုပြင် ပြောင်းလဲရေး မဟာဗျူဟာ ပထမအဆင့် (First Stage of Reform Strategy for National Development) ကို အတိုင်းအတာ တစ်ခုအထိ ဆောင်ရွက်ခဲ့ကြပြီး ဖြစ်ပါတယ်။ ယခု ပြုပြင်ပြောင်းလဲရေး မဟာဗျူဟာ ဒုတိယအဆင့် (Second Stage of Reform Strategy for National Development) ကို တစ်ဆင့်တက်ပြီး ဆောင်ရွက်ရမှာ ဖြစ်ပါတယ်။
ပြီးခဲ့တဲ့ ကြားဖြတ်ရွေးကောက်ပွဲ အတွေ့အကြုံအရ ဒီနေ့ ပြည်သူတွေရဲ့ ဆန္ဒက အပြောင်းအလဲကို လိုချင်ပြီး ကျွန်တော်တို့ အစိုးရရဲ့ အောက်ခြေ ရပ်ကွက် ကျေးရွာအဆင့်မှ မြို့နယ် ၊ တိုင်းဒေသကြီး/ ပြည်နယ်မှ ပြည်ထောင်စု အဆင့်အထိ ရှေးယခင် လုပ်နည်း လုပ်ဟန်တွေ အတိုင်းလုပ်ကိုင်ဆောင်ရွက် နေကြတာကို မကြိုက်တော့ဘူးဆိုတဲ့ အနေအထားကို ပြသခဲ့ခြင်း ဖြစ်ပါတယ်။ ဒါ့ကြောင့် Reform ကို ထိထိရောက်ရောက် ပြောင်းလဲ လုပ်ရမယ် ဆိုတဲ့ သဘော ဖြစ်ပါတယ်။
ကျွန်တော်တို့က လမ်းကြီးတွေဖောက် ၊ တံတားကြီးတွေ ဆောက်၊ စက်မှုဇုန် ၊ စီးပွားရေးဇုန်တွေ တစ်ဘက်က တည်ဆောက်နေပေမယ့် ဒီတည်ဆောက်မှုတွေထက် ပြည်သူတစ်ဦးချင်း ထိတွေ့ခံစား နေရတဲ့ နေ့စဉ် တွေ့ကြုံနေတဲ့ စားဝတ်နေရေး ၊ သွားလာနေထိုင်ရေး ၊ အလုပ်အကိုင် အခွင့်အလမ်းတွေ ပြောင်းလဲတိုးတက်အောင် တစ်နည်းအားဖြင့် ပြည်သူတစ်ဦးချင်းရဲ့ လူမှု စီးပွားရေး ဘဝကို ထိထိရောက်ရောက် တိုးတက်အောင် ဆောင်ရွက်ပေးနိုင်မယ့် အစီအမံတွေကို ကျေးရွာမှအစ ကျေးရွာဖွံ့ဖြိုးမှု အစီအမံ၊ မြို့နယ်ဖွံ့ဖြိုးတိုးတက်မှု အစီအမံ၊ ဒေသ ဖွံ့ဖြိုးတိုးတက်မှု အစီအမံတွေ ထိထိရောက်ရောက် စီမံကြဖို့ အရေးတကြီး လိုအပ်လာပါတယ်။ ဥပမာ အားဖြင့် နေထိုင်စရာ နေအိမ် အဆောက်အအုံ နဲ့ ရေလိုအပ်ချက်၊ မီးလိုအပ်ချက်၊ သွားလာစရာ ဘတ်စ်ကား ကြပ်တည်းမှု ၊ အဆင်မပြေမှု လိုအပ်ချက်တွေ၊ အလုပ်အကိုင် အခွင့်အလမ်းတွေ စီမံ ဖန်တီးပေးဖို့ ၊ သိသိသာသာ ပြောင်းလဲ တိုးတက်အောင် ဆောင်ရွက်ပေးဖို့ လိုအပ်မှာ ဖြစ်ပါတယ်။
မြန်မာနိုင်ငံမှာ လူဦးရေအများဆုံးဖြစ်တဲ့ ရန်ကုန်မြို့တော်ဟာ တစ်နိုင်ငံလုံး လူဦးရေရဲ့ ၁၀ ပုံ ၁ပုံ ရှိပြီး ထိုင်းနိုင်ငံ ၊ ဘန်ကောက် နဲ့ နှိုင်းယှဉ်ရင် များစွာ ကွာဟနေမှုအပေါ် အားမလို အားမရ ဖြစ်တဲ့ လူတန်းစားအလွှာတွေ ရှိသလို ၊ ထက်ဝက်ကျော်သော မြို့လူထု ရဲ့ နေထိုင်ရာ ရပ်ကွက်တွေဟာ ပျဉ်ကာ ၊ ထရံကာ မီးဘေး စိုးရိမ်ရတဲ့ အဆင့်ကနေ တိုက်တာပေါ် မတင်နိုင်သေးတဲ့ အနေအထားတွေ ၊ သူတို့ရဲ့ ရေ လိုအပ်ချက် ၊ မီးလိုအပ်ချက်တွေ ၊ သွားလာရေးမှာလည်း ဘတ်စ်ကား ကြပ်တည်းမှုနဲ့ လုပ်ငန်းခွင်သွားဖို့ မနက်ပိုင်းမှာ နှစ်နာရီလောက် သွားလာရေးအတွက် အချိန်ကုန်ရသလို ၊ လုပ်ငန်းခွင်က အပြန်မှာလည်း ည မိုးချုပ်မှ အိမ်ပြန်ရောက် ၊ မနက် မိုးလင်း အစောကြီး ပြန်သွား ၊ အလုပ်အကိုင် အခွင့်အလမ်း နည်းပါးလို့ မကျေမနပ် အားမလို အားမရ ဖြစ်နေတဲ့ လူတန်းစား အလွှာတွေ ရှိနေတာ တွေ့ရမှာ ဖြစ်ပါတယ်။ ဈေးကွက်နေရာ ဖန်တီး မပေးနိုင်လို့ ဖြစ်စေ လမ်းဘေး ဈေးသည်များနဲ့ အာဏာပိုင်များရဲ့ အပြန်အလှန် တားမြစ်နေမှု မြင်ကွင်းများ ၊ မြို့တွင်း ကားရပ်နားရန် နေရာ ရှားပါးလာတဲ့ ပြဿနာက အစ ဒီမြင်ကွင်း အားလုံးကို ပြောင်းလဲသွားအောင် ကျွန်တော်တို့ စီမံရမှာ ဖြစ်ပါတယ်။ ရန်ကုန်တိုင်းဟာ လူဦးရေ များပြား၍ သိသာထင်ရှားပြီး နိုင်ငံရေး ၊ စီးပွားရေး အချက်အခြာ၊  ထင်ရှားတဲ့ ဥပမာ ဖြစ်လို့ မြင်သာအောင် ဥပမာ ပေးရခြင်း ဖြစ်ပါတယ်။ အခြား တိုင်းဒေသကြီး/ ပြည်နယ်များလည်း အလားတူ ဖြစ်စဉ်များ သူ့နေရာနဲ့သူ ရှိကြပါတယ်။
တစ်နည်းအားဖြင့် ပြောရရင် ပြည်သူ တစ်ဦးချင်း နေ့စဉ် ကြုံတွေ့ နေရတဲ့ အခက်အခဲတွေ ပြေလည်ပြီး ပြည်သူတို့ရဲ့ လူမှုစီးပွားရေးဘဝ သိသိသာသာ ပြောင်းလဲ သွားအောင် Reform လုပ်ရမှာ ဖြစ်ပါတယ်။ Reform လုပ်ရာမှာ ငါးပွက်ရာ ငါးစာချ ၊ မြေပုံ ကြည့်ပြီး ကြုံသလို နေရာချ ဆောင်ရွက်မှုမျိုး ရှောင်ကြဉ်ပြီး မြို့ပြ ဖွံ့ဖြိုးတိုးတက်မှု စီမံကိန်းကို နောင် ရေရှည်အတွက် တိုးတက်လာမယ့် လူဦးရေနဲ့ ဖွံ့ဖြိုးလာမယ့် မြို့ပြ စီးပွားရေး အခြေအနေတွေကိုပါ ထည့်သွင်းတွက်ချက်ပြီး ခပ်မြန်မြန် ဆောင်ရွက်နိုင်မယ့် အစီအမံများကို ဆောင်ရွက်သွားကြရမှာ ဖြစ်ပါတယ်။
ပြည်တွင်းပြည်ပ ရင်းနှီးမြှုပ်နှံမှုတွေထဲမှာ မြို့ပြတွေမှာ စားသောက်ဆိုင် ဖွင့်ချင်တာ ၊ Shopping Mall ၊ ကာရာအိုကေ ၊ ကာစီနို၊ ဖွင့်ချင်တာက အစ လာရောက် စုံစမ်းကြပြီး ဒေသ အသီးသီးမှာ ရရာ မြေနေရာ ၊ ရရာ အဆောက်အဦ ရရှိရေး ကြိုးစားနေကြတာ တွေ့ရှိနေရ ပါတယ်။ ဒေသ လူတွေကလည်း မြေနေရာ လွတ်ရင်ပြီးရော ၊ ပေးလို့ရတာ အရင်ပေး စနစ်နဲ့ သွားရင် နောင်တစ်ချိန်မှာ မြို့ပြ ဖွံ့ဖြိုးမှု အခင်းအကျင်း ပုံစံ မမှန်တော့ဘဲ Environmental Impact, Social Impact တွေ ရလာနိုင်မှာ ဖြစ်ပါတယ်။ အခြားနိုင်ငံ မြို့ကြီး ပြကြီးတွေလို City Development Master Plan ရေးဆွဲပြီး ဘယ်နေရာကတော့ Residential Area ၊ ဘယ်နေရာကတော့ Commercial Area၊ ဘယ်နေရာကတော့ Plantation ၊ ဘယ်နေရာကတော့ Forest Area , ဘယ်နေရာကတော့ Industrial Area စသဖြင့် ကြိုတင် လျာထား အကွက်ချဖို့ လိုအပ်ပါတယ်။ မြေလွတ်မြေရိုင်းများနဲ့ တောင်သူ လယ်သမားတွေ စိုက်ပျိုး ဖြစ်ထွန်းမှု မြေဆီ မြေသြဇာ မကောင်းတဲ့ မြေတွေမှာ တစ်ဧကအပေါ်မှာ ရတဲ့ အကျိုးအမြတ်နဲ့ စက်ရုံတစ်ရုံမှာ ရရှိတဲ့ အလုပ်အကိုင် အခွင့်အလမ်းတွေကို နှိုင်းယှဉ် တွက်ချက်ပြီး ကြိုတင် လျာထား စီမံ သွားကြရမှာ ဖြစ်ပါတယ်။
မြို့နယ်တွေမှာ အစိုးရ ဘတ်ဂျက်နဲ့ စည်ပင်သာယာ ရတဲ့ အခွန်လေး ပေါ်မှာ မြို့လူထုအတွက် ရေ ၊ မီး ၊ လမ်းပန်း ဆက်သွယ်ရေးက အစ ထိရောက်အောင် မလုပ်ပေးနိုင်တာက ငွေကြေး အရင်းအနှီး လိုအပ်ချက်ကြောင့် ဖြစ်တာ တွေ့ရပါတယ်။ လယ်တစ်ဧကပေါ်မှာ ရတဲ့ အခွန်အခနဲ့ စက်ရုံ တစ်ရုံပေါ်မှာ ရရှိမယ့် အခွန်အခ ၊ အခြား ရရှိမယ့် ရေခွန် ၊ မီးခွန် ၊ ကုန်ထုတ်လုပ်မှု အခွန်အခများဟာ မြို့နယ်တစ်ခုအတွက် အခွန် တိုးတက် ရရှိစေမယ့် နည်းလမ်းတွေကိုလည်း တိုးတက် ကြံဆ သွားရမှာ ဖြစ်ပါတယ်။ နိုင်ငံတကာမှာ မြို့ပြတွေကို ကောင်စီ အုပ်ချုပ်ရေး ဘုတ်အဖွဲ့ များကို ရွေးချယ် တင်မြှောက်ပြီး မြို့တိုးတက်အောင် ဆောင်ရွက်နိုင်မယ့် လူများနဲ့ နေ့စဉ် ၊ အပတ်စဉ် လေ့လာ ဆွေးနွေး တိုင်ပင် ဆောင်ရွက်ယင်း မြို့ပြတွေ တစ်နှစ်ထက် တစ်နှစ် အရှိန်အဟုန်နဲ့ တိုးတက်အောင် ဆောင်ရွက် နေတဲ့ အနေအထားတွေ လေ့လာ အတုယူ ဆောင်ရွက်သွားရမှာ ဖြစ်ပါတယ်။
ဒါကြောင့် ပြုပြင်ပြောင်းလဲရေး မဟာဗျူဟာ ဒုတိယအဆင့် (Second Stage of Reform Strategy for National Development) ကို ဆောင်ရွက်ရာမှာ
(၁)    ပြည်သူလူထုရဲ့ လူမှုစီးပွားရေး လိုအင်တွေကို ထိထိ ရောက်ရောက် အကောင်အထည်ဖော် ဆောင်ရွက် ပေးနိုင်မယ့် ပြည်သူလူထု ဗဟိုပြု ဖွံ့ဖြိုးတိုးတက်ရေး (People Centered Development) ဖြင့် ဆောင်ရွက်ရေး ၊
(၂)    ပြည်သူလူထု ဗဟိုပြု တိုးတက်ရေး ဆောင်ရွက်ရာတွင် အရေးပါ လာသည့် လူမှုရေး ၊ စီးပွားရေး အသင်းအဖွဲ့များ ပါဝင်သော လူမှုအဖွဲ့အစည်း (Civil Society) များ၏ ပူးပေါင်း ဆောင်ရွက်မှု အရေးပါ လာသည့်အလျောက် မြို့နယ် တိုင်းမှာ လူမှုရေး ၊ စီးပွားရေး အသင်းအဖွဲ့များ ၊ ကျေးလက် သမဝါယမ အစုအဖွဲ့များ ၊ မြို့နယ် သမဝါယမ အသင်းများ တိုးချဲ့ ဖွဲ့စည်းပေးပြီး လူ့စွမ်းအား အရင်းအမြစ်များ ဖွံ့ဖြိုး တိုးတက်အောင် တိုးချဲ့ ဆောင်ရွက် ခြင်းဖြင့် တိုင်းပြည်၏ စွမ်းအားကို မြှင့်တင် ဆောင်ရွက်ရေး ၊
(၃)    နိုင်ငံတော် ဖွံ့ဖြိုးတိုးတက်မှုနှင့် ပြည်သူတို့၏ လူမှု စီးပွားရေး တိုးတက်မှုအတွက် ငွေကြေး အရင်းအနှီးများ ရင်းနှီးမြှုပ်နှံ သုံးစွဲ နိုင်မှု အခြေအနေ အခွင့်အလမ်းသည် လူ့စွမ်းအား အရင်းအမြစ် ပြီးလျှင် အခြေခံ အကျဆုံး အဓိက လိုအပ်ချက် ဖြစ်သည့်အတွက် ဘဏ္ဍာရေး မူဝါဒ ၊ ငွေကြေး မူဝါဒ ပြုပြင်ပြောင်းလဲမှုများနှင့်အညီ အောက်ပါ ငွေကြေးဆိုင်ရာ စီမံခန့်ခွဲ ရင်းနှီးမြှုပ်နှံမှုများကို ထိရောက် အကျိုးရှိစွာ ပြုပြင် ပြောင်းလဲ ဆောင်ရွက်ရေးတွင်  -
(က)    နိုင်ငံတော် ဘဏ္ဍာငွေ ဘတ်ဂျက် တိုးမြှင့် သုံးစွဲနိုင်ရေး၊ အခွန်အကောက် တိုးတက် ရရှိရေးနည်းလမ်းများ ပြုပြင် ပြောင်းလဲ ဆောင်ရွက်ခြင်း ၊ ပြည်သူ့ ဘဏ္ဍာ (Public Finance) အား ထိရောက်သော စီမံခန့်ခွဲမှုဖြင့် ဆောင်ရွက်ခြင်း၊
( ခ )    ပြည်သူတို့၏ ငွေကြေး ရင်းနှီးမြှုပ်နှံ လုပ်ကိုင်မှုများ တိုးပွားလာစေရန် ကုမ္ပဏီများ ၊ အများပိုင် ကုမ္ပဏီများ ဖွဲ့စည်းခြင်းနှင့် ငွေကြေး ဈေးကွက် ဖြစ်ပေါ်လာရေး ဆောင်ရွက်ခြင်း ၊
( ဂ )    ဘဏ်များ ၊ ငွေစုငွေချေး လုပ်ငန်းများ ၊ သမဝါယမ အစုအဖွဲ့များ စုပေါင်း ရင်းနှီးမြှုပ်နှံ လုပ်ကိုင်မှု တိုးချဲ့ ဆောင်ရွက်ခြင်း၊
(ဃ)    နိုင်ငံခြား အကူအညီ အထောက်အပံ့များ အကျိုးရှိ ထိရောက်စွာ ခွဲဝေ အသုံးပြုခြင်း ၊
( င )    နိုင်ငံခြား ချေးငွေများအား နိုင်ငံတော် စီမံကိန်းများနှင့် ဒေသန္တရ စီမံကိန်းများတွင် အကျိုးရှိ ထိရောက်စွာ အသုံးပြုခြင်း၊
( စ )    ကုန်သွယ်မှုနှင့် ရင်းနှီးမြှုပ်နှံမှု လုပ်ငန်းများ၏ ငွေကြေး စီးဆင်း လည်ပတ်မှုများ စနစ်တကျ မှန်ကန်အောင် ဆောင်ရွက်ခြင်း၊
(၄)    ဒေသအလိုက် ဖွံ့ဖြိုးတိုးတက်မှု အတွက် (Regional Development Plan, City Development Plan, Township Development Plan, Village Development Plan) တွေ ကြိုတင် ရေးဆွဲ၍ မြေ အသုံးချမှု မူဝါဒ နှင့် အစီအမံ (Land Use Policy and Plan) ထားရှိပြီး ပြည်တွင်းပြည်ပ ရင်းနှီးမြှုပ်နှံမှု များကို ဖိတ်ခေါ် တိုးချဲ့ ဆောင်ရွက်ရေး၊
(၅)    မြို့နယ် ဖွံ့ဖြိုးတိုးတက်ရေး အစီအမံတိုင်းတွင် ဖွံ့ဖြိုးတိုးတက်ရေး အမြင်ဖြင့် ဆောင်ရွက်ယင်း သဘာဝပတ်ဝန်းကျင်နှင့် လူမှု စီးပွားရေး ပြဿနာများ ဒွန်တွဲ ပါလာမှု အပေါ် ဥပဒေ စည်းမျဉ်းဖြင့် ထိန်းကျောင်း နိုင်သည့် လုပ်ထုံးလုပ်နည်းများ (Code of Conduct for Township Development) ရေးဆွဲ ဆောင်ရွက်ရေး ၊ ကူးသန်း ရောင်းဝယ်ရေး အဟန့် အတားများ ၊ ခရီးသည်နှင့် ကုန်စည် ပို့ဆောင် သွားလာရေး အဟန့်အတားများ၊ ရုံးဌာန ညွှန်ကြားချက်နှင့် ထောက်ခံချက်များ ဆိုင်ရာ အဟန့် အတားများ စသည့် အုပ်ချုပ်မှု ဆိုင်ရာ စီမံခန့်ခွဲမှု (Administration Management) များကို Decentralize လုပ်ပြီး ဥပဒေ စည်းမျဉ်းဖြင့် သာ ထိန်းကျောင်း၍ ပြည်သူများ အတွက် သိသာထင်ရှားသော အပြောင်းအလဲ တစ်ရပ် ပေါ်ပေါက်ရေး တစ်နည်းအားဖြင့် ကောင်းမွန်သော အုပ်ချုပ်မှုစနစ် (Good Governance ) သန့်ရှင်းသော အစိုးရ အုပ်ချုပ်မှုစနစ် (Clean Government) ဖြစ်ပေါ်လာရေး ၊
(၆)    နိုင်ငံတော် ဖွံ့ဖြိုးတိုးတက်ရေး စီမံကိန်းတွင် အပါအဝင်ဖြစ်သော အောက်ပါ စီမံကိန်းများကို ပိုမို ထိရောက်စွာ တိုးမြှင့် ဆောင်ရွက်ရေးတွင် -
(က)    ကျေးလက်ဒေသ ဖွံ့ဖြိုးရေးနှင့် ဆင်းရဲမှု လျှော့ချရေး လုပ်ငန်းတွင် ကျေးရွာတိုင်း၌ ကျေးရွာ အစုအဖွဲ့များ တိုးချဲ့ ဖွဲ့စည်းရေးနှင့် မြို့နယ် အဆင့်တွင်လည်း မြို့နယ် သမဝါယမ အသင်းများကို အမိန့်ပေးစနစ်ဖြင့် မဟုတ်ဘဲ ၎င်းတို့ ဆန္ဒအရ ဖွဲ့စည်း၍ တစ်ဦးချင်း ကုမ္ပဏီ မထောင်နိုင်မီ စုပေါင်း ထည့်ဝင် ဆောင်ရွက်တတ်သည့် အလေ့အထဖြင့် ကုန်သွယ်မှုနှင့် ရင်းနှီးမြှုပ်နှံမှု လုပ်ငန်းများ ဆောင်ရွက် တတ်သည့် အလေ့အထများ ဖြစ်ပေါ် လာအောင် ဆောင်ရွက်ခြင်း ၊
( ခ )    လူ့စွမ်းအား အရင်းအမြစ် ဖွံ့ဖြိုးတိုးတက်မှု စီမံကိန်းတွင် ဘဏ်ဝန်ဆောင်မှု ၊ ဟိုတယ်နှင့်ခရီးသွား ဝန်ဆောင်မှု ၊ သယ်ယူပို့ဆောင်ရေး ဝန်ဆောင်မှုနှင့် အခြား ကုန်ထုတ် လုပ်မှု၊ ရင်းနှီးမြှုပ်နှံမှု အသီးသီး၌ ကျွမ်းကျင် ဝန်ထမ်းများ ပိုမို လိုအပ်လာသည့် အလျောက် အသက်မွေး ဝမ်းကျောင်း ကျွမ်းကျင်မှု သင်တန်းများကို ဖွင့်လှစ်၍ လေ့ကျင့် ပြုစုပျိုးထောင်ခြင်း ၊ အလုပ်အကိုင် အခွင့်အလမ်းများ ချိတ်ဆက် ဖန်တီးပေးခြင်း ၊
( ဂ )    ကျန်ကဏ္ဍစီမံကိန်း (၁၄) ခုအား ဒေသအလိုက် ပိုမိုဖွံ့ဖြိုး တိုးတက် လာစေရန် ကဏ္ဍ စီမံကိန်း တာဝန်ယူသော ပြည်ထောင်စု ဝန်ကြီးဌာနများနှင့် ဒေသ စီမံကိန်း တာဝန် ယူသော ပြည်နယ်/ တိုင်းဒေသကြီး အစိုးရများ ညှိနှိုင်း ပူးပေါင်း ဆောင်ရွက်ခြင်း၊
အချက်များဟာ ဒုတိယအဆင့် ပြုပြင် ပြောင်းလဲရေး မဟာဗျူဟာ အတွက် အဓိက ဆောင်ရွက်သွားရမယ့် အချက်တွေ ဖြစ်ကြောင်း ပြောကြားလိုပါတယ် ။

အထက်ပါ မဟာဗျူဟာ လုပ်ငန်းစဉ်များကို ဆောင်ရွက်ရာတွင် ပြည်ထောင်စု ဝန်ကြီးဌာနများအလိုက် နိုင်ငံတော် စီမံကိန်းများကို လည်းကောင်း ၊ တိုင်းဒေသကြီး/ ပြည်နယ် များအလိုက် ဒေသန္တရ စီမံကိန်းများကို လည်းကောင်း ဆောင်ရွက်ရာမှာ ပြည်ထောင်စု အစိုးရရဲ့ ချမှတ် ဆောင်ရွက်မယ့် မူဝါဒဟာ တစ်နိုင်ငံလုံးအတွက် တူညီသော်လည်း တိုင်းဒေသကြီး / ပြည်နယ်များ ၊ ကိုယ်ပိုင် အုပ်ချုပ်ခွင့်ရ တိုင်း/ဒေသ များရဲ့ တည်နေရာ အကျယ်အဝန်း မတူညီမှု၊ လူမျိုး ဓလေ့နှင့် လူဦးရေ အချိုး အစားချင်း မတူညီမှု ၊ သဘာဝ အရင်းအမြစ်နဲ့ ရာသီဥတု မတူညီမှု စတဲ့ ကွဲပြား ခြားနားမှု များကြောင့် လည်းကောင်း၊ လုံခြုံရေး ၊  လမ်းပန်း ဆက်သွယ်ရေးနှင့် သွားလာရေး အခြေအနေ များကြောင့် လည်းကောင်း၊ ဆင်းရဲချမ်းသာ ကွာဟမှု ၊ အလုပ်အကိုင် အခွင့်အလမ်း မတူညီမှု စတဲ့ အခြေအနေများ အပေါ်မှာ တိုင်းဒေသကြီး / ပြည်နယ် အစိုးရများ ၊ ကိုယ်ပိုင် အုပ်ချုပ်ခွင့်ရ တိုင်း/ ဒေသ များ အနေနဲ့ အသေးစိတ် အစီအမံ နည်းလမ်းများကို ကိုယ်တိုင် ဝါယမထုတ် ၊ လေ့လာကြံဆ ကြိုးပမ်း အားထုတ်ဖို့ လိုအပ်ကြောင်း ပြောကြားလိုပါတယ်။
ရှေးကကဲ့သို့ ပြည်ထောင်စု အစိုးရက Top Down ချမှတ်ပေးမှ ဆောင်ရွက် အကောင်အထည်ဖော်တဲ့ ပုံစံအစား ကိုယ့်ဒေသ ဖွံ့ဖြိုးဖို့ ကိုယ်တိုင် လေ့လာ ကြံဆကြိုးပမ်းပြီး Bottom Up Initiative နဲ့ ကိုယ်လုပ်ချင်တဲ့ အစီအမံတွေကို ပြည်ထောင်စု အစိုးရထံ အသိပေး တင်ပြပြီး ဆောင်ရွက်သွားကြဖို့ လိုပါတယ်။ ပြည်ထောင်စု အစိုးရအနေနဲ့ကလည်း တိုင်းဒေသကြီး/ ပြည်နယ်များကို တင်ပြ ဆောင်ရွက်စေခြင်းဟာ ပြုပြင်ပြောင်းလဲရေးကာလ (Transition Period) မှာ အောက်ပါ အချက်များကို အခြေခံ အုတ်မြစ် (Foundation) ခိုင်မာအောင် အပြန်အလှန် ပေါင်းစပ်ညှိနှိုင်းရမယ့် ကာလတစ်ရပ် ၊ အချိန်တစ်ရပ် လိုအပ်ချက်ကြောင့် ဆောင်ရွက် နေခြင်းဖြစ်ပြီး အောက်ခြေအဆင့်အထိ ဆောင်ရွက်မှုများ အဆင်ပြေ ချောမွေ့ ခိုင်မာ သွားတဲ့အခါမှာ အခြားနိုင်ငံများ နည်းတူ နိုင်ငံတော် အဆင့်က လုပ်ရမယ့်အပိုင်း ၊ ပြည်ထောင်စု အဆင့် ဝန်ကြီးဌာန များက လုပ်ရမယ့်အပိုင်း ၊ တိုင်းဒေသကြီး/ ပြည်နယ် များက လုပ်ရမယ့်အပိုင်း ၊ ကိုယ်ပိုင် အုပ်ချုပ်ခွင့်‌ရ တိုင်း/ဒေသများက လုပ်ရမယ့်အပိုင်း ၊ ခရိုင်အဆင့်၊ မြို့နယ်အဆင့်က လုပ်ရမယ့် အပိုင်းတွေ ဆိုပြီး သူ့အဆင့်နဲ့သူ အုပ်ချုပ်ရေး စီမံခန့်ခွဲမှု (Administrative Management System) ပြောင်းလဲ တိုးတက်လာမှာ ဖြစ်ပါတယ်။
ဒါကြောင့် ယခုလို အပြောင်းအလဲ ကာလမှာ ပြည်ထောင်စု အစိုးရနဲ့ တိုင်းဒေသကြီး/ ပြည်နယ် အစိုးရများဟာ
-    မူဝါဒ ညှိနှိုင်းခြင်း ၊
-    မဟာဗျူဟာ ၊ နည်းဗျူဟာ အကောင်အထည် ဖော်မည့် လုပ်ငန်းစဉ်များ ညှိနှိုင်းခြင်း၊
-    မြေအသုံးချမှု အပါအဝင် သဘာဝ သယံဇာတ အရင်းအမြစ် အသုံးချမှုများ စီမံခန့်ခွဲမှု ညှိနှိုင်းခြင်း၊
-    တိုင်းဒေသကြီး/ပြည်နယ်များ၏ ဖွံ့ဖြိုးတိုးတက်မှု စီမံကိန်းနှင့် ပြည်သူတို့၏ လူမှု စီးပွားရေး ညွှန်းကိန်း တိုးတက်ရန် လိုအပ်ချက်များ ညှိနှိုင်းခြင်း၊ ကျေးလက်ဒေသ ဖွံ့ဖြိုးရေးနှင့် ဆင်းရဲမှု လျော့ချရေး ၊ လူ့စွမ်းအား အရင်းအမြစ် ဖွံ့ဖြိုးရေး ဆိုင်ရာ လုပ်ငန်းများ ညှိနှိုင်းခြင်း၊
-    နိုင်ငံတော် ဘဏ္ဍာငွေ ဘတ်ဂျက် ခွဲဝေ သုံးစွဲမှု ညှိနှိုင်းခြင်း၊ အခွန်အကောက် ဆိုင်ရာ ခွဲဝေ သုံးစွဲမှု ညှိနှိုင်းခြင်း၊
-    နိုင်ငံခြား အကူအညီ အထောက်အပံ့ဆိုင်ရာ ထိရောက်စွာ ခွဲဝေ သုံးစွဲမှု ညှိနှိုင်းခြင်း၊
-    ဒေသအလိုက် ဖွံ့ဖြိုးတိုးတက်မှုအတွက် ပြည်တွင်းပြည်ပ ရင်းနှီး မြှုပ်နှံမှုများ ဖိတ်ခေါ် ရင်းနှီးမြှုပ်နှံ ဆောင်ရွက်ရေး ညှိနှိုင်းခြင်း၊
-    ပြည်ထောင်စုအစိုးရ ဝန်ကြီးဌာနများနှင့် တိုင်းဒေသကြီး/ ပြည်နယ် အစိုးရ အုပ်ချုပ်မှု လုပ်ငန်းများ ခွဲဝေ ဆောင်ရွက်ရေးဆိုင်ရာ ညှိနှိုင်းခြင်း၊
-    ကဏ္ဍ စီမံကိန်းများ ၊ ဒေသန္တရ စီမံကိန်းများနှင့် သီးခြား ဖွံ့ဖြိုးရေးလုပ်ငန်းစီမံကိန်းများ ၊ နိုင်ငံခြား အကူအညီ အထောက်အပံ့များ ၊ ရင်းနှီးမြှုပ်နှံမှုများနှင့် ပြည်သူ လူထုနှင့် ထိတွေ့ ဆောင်ရွက်နေသော လုပ်ငန်းများကို လေးလပတ်အလိုက် လေ့လာ သုံးသပ် အကဲဖြတ်ခြင်းနှင့် လေ့လာသုတေသနပြုရေး လုပ်ငန်းများ ညှိနှိုင်းခြင်း
စတဲ့ ပေါင်းစပ်ညှိနှိုင်း ဆောင်ရွက်ရမယ့် လုပ်ငန်းတွေကို လေးလပတ် အစည်း အဝေးတွေ ပြုလုပ်ပြီး ဆောင်ရွက် သွားကြရန် လိုအပ်မှာ ဖြစ်ပါတယ်။
နိုင်ငံတော်ဖွံ့ဖြိုးတိုးတက်ရေး ၊ ဒေသ ဖွံ့ဖြိုးတိုးတက်ရေး လုပ်ငန်းတွေကို အစီအစဉ် ရှိရှိ၊ ထိထိရောက်ရောက်ဖြစ်အောင် ယခုဆိုရင် ဘဏ္ဍာရေး ကော်မရှင်ကဲ့သို့ စီမံကိန်း ကော်မရှင်ကို ဖွဲ့စည်း ဆောင်ရွက်သွားမှာ ဖြစ်ပါတယ်။ ဖွဲ့စည်းပုံ အခြေခံ ဥပဒေများ ဘဏ္ဍာရေး ကော်မရှင် ဖွဲ့စည်းမှု ပါဝင်ပြီး ယင်းကော်မရှင်မှာ တိုင်းဒေသကြီး/ပြည်နယ် အစိုးရ ဝန်ကြီးချုပ်များနဲ့ ဘဏ္ဍာရေးနှင့်အခွန် ဝန်ကြီးဌာန ဝန်ကြီးတို့သာ ပါဝင်သော်လည်း စီမံကိန်း ကော်မရှင်မှာတော့ ပြည်ထောင်စု ဝန်ကြီးဌာနများ အားလုံး နဲ့ တိုင်းဒေသကြီး/ပြည်နယ် အစိုးရ ဝန်ကြီးချုပ်အားလုံး ပါဝင်ကြမှာ ဖြစ်ပါတယ်။
အလားတူ နိုင်ငံခြား အကူအညီ အထောက်အပံ့များ ထိရောက်စွာ စီမံခန့်ခွဲ အသုံးပြု နိုင်ရန်အတွက် နိုင်ငံခြား အကူအညီ အထောက်အပံ့များ စီမံခန့်ခွဲမှု ဗဟိုကော်မတီ ဖွဲ့စည်း ထားပြီး ဖြစ်ပါတယ်။ ယင်းဗဟိုကော်မတီ အောက်မှာ အကောင်အထည်ဖော် ဆောင်ရွက် ကြမယ့် ပြည်ထောင်စု ဝန်ကြီးဌာနများနဲ့ လုပ်ငန်းကော်မတီ ဖွဲ့စည်းထားပြီး ပုဂ္ဂလိက ကဏ္ဍ ကမ်းလှမ်းလာမှု များအတွက် (Civil Society) ကို ကိုယ်စားပြုတဲ့ မြန်မာနိုင်ငံ လူမှုစီးပွားရေး အကြံပေး ကောင်စီ ဖွဲ့စည်း ဆောင်ရွက်မှာ ဖြစ်ပါတယ်။ နိုင်ငံခြား အကူအညီ အထောက်အပံ့များကို သုံးစွဲရာမှာ တိုင်းဒေသကြီး/ ပြည်နယ်များ ၊ ကိုယ်ပိုင်အုပ်ချုပ်ခွင့်ရ တိုင်း/ဒေသ များမှာ ဒေသ ဖွံ့ဖြိုးရေးနဲ့ ပြည်သူများရဲ့ လူမှု စီးပွားရေး ဘဝ ထိရောက် အကျိုးရှိစွာ ဖြစ်ထွန်းရေး အတွက် အဓိက စောင့်ကြည့် ကြပ်မတ် ပူးပေါင်း ဆောင်ရွက် အကောင်အထည်ဖော်ကြရမှာ ကတော့ တိုင်းဒေသကြီး/ ပြည်နယ် အစိုးရများနဲ့ ဒေသအလိုက် ၊ မြို့နယ်အလိုက် အုပ်ချုပ်ရေး အဖွဲ့အစည်းများဘဲ ဖြစ်ပါတယ်။ ဒီလို ဆောင်ရွက်မှသာ ထောင်စုနှစ် ရည်မှန်းချက်အတိုင်း ဆင်းရဲမှုနှုန်းကို လျှော့ချနိုင်မှာ ဖြစ်သလို ဘတ်ဂျက်ငွေနဲ့ ဒေသ ဖွံ့ဖြိုးမှု တိုးတက်အောင် လုံလောက်မှာ မဟုတ်တဲ့အတွက် နိုင်ငံခြား အကူအညီ အထောက်အပံ့များကို ထိရောက် အကျိုးရှိအောင် ဒေသအတွက် ဆောင်ရွက်ပေးကြရမှာ ဖြစ်ပါတယ်။ များသော အားဖြင့် နိုင်ငံတကာ အဖွဲ့အစည်းများ အနေနဲ့ ၎င်းတို့ ခန့်အပ်သောသူများနဲ့ တိုက်ရိုက်ဆောင်ရွက်ပြီး ၎င်းတို့ သုံးသော ဝန်ဆောင်မှုစရိတ်က (၃၀% - ၄၀%) ခန့် ရှိနေတဲ့အတွက် ပြည်သူများအတွက် တစ်ဝက်ကျော် ခန့်ဘဲ ခံစားရတာ ဖြစ်ပါတယ်။ အလှူရှင်နိုင်ငံများနှင့် နိုင်ငံတကာ အဖွဲ့အစည်း များကလည်း ၎င်းတို့၏ ကူညီ ပံ့ပိုးမှုများကို အစိုးရ အဖွဲ့အစည်းများ လက်သို့ အပ်နှံ ဆောင်ရွက်ပါက Corruption နှင့် ၎င်းတို့ သုံးစေလိုသောနေရာ မရောက်ရှိသည့် အတွက် ၎င်းတို့ ခန့်အပ်သူများနှင့် ဒေသရှိ လူမှုရေး အဖွဲ့အစည်းများ တိုက်ရိုက်ချိတ်ဆက် ပေးအပ်ခဲ့တာကို တွေ့ရပါတယ်။ ဒီနေရာမှာ ဒေသရှိ လူမှုရေး အဖွဲ့အစည်းများကလည်း အကူအညီ အထောက်အပံ့ ရရင် ပြီးရော သဘောထားပြီး နိုင်ငံတကာ အဖွဲ့အစည်းများ၏ လုပ်ငန်းနှင့် စာရင်းဇယားများကို တောင်းယူ သိရှိနိုင်ခြင်း မရှိဘဲ ပေးသမျှဖြင့် ဆောင်ရွက် ခဲ့မှုများ ရှိသလို အချို့ အောက်ခြေ ပါတီ နိုင်ငံရေး အဖွဲ့အစည်းများ ၊ လူမျိုးစု လက်နက်ကိုင် အဖွဲ့အစည်းများနှင့် တိုက်ရိုက်ချိတ်ဆက် ပေးခဲ့သည့်အတွက် ပြီးခဲ့သည့် ကိုးကန့် အရေးအခင်းတွင်  နိုင်ငံခြား ရိက္ခာထောက်ပံ့ရေး အဖွဲ့အစည်း တစ်ခုမှ ရိက္ခာများသည် အဖွဲ့အစည်း အသုံးပြုရန်သာ ဖြစ်ခဲ့ပြီး ပြည်သူ့ လက်ဝယ် မရောက်ရှိခဲ့သည်ကို တွေ့ရှိရပါတယ်။ အချို့ကလည်း နိုင်ငံရေးပါတီ အဖွဲ့ အစည်းမှ ပုဂ္ဂိုလ်များကို ခန့်အပ် တာဝန်ပေးပြီး ဆောင်ရွက်မှုကြောင့် ပြည်သူက ထိုသူနှင့် ထိုပါတီက ကူညီသည်ဟု ထင်မှတ်မှားခဲ့သည်ကို တွေ့ရှိခဲ့ ရပါတယ်။
နိုင်ငံခြား အကူအညီ အထောက်အပံ့များ စီမံခန့်ခွဲရေး ဗဟို ကော်မတီ အနေနဲ့ နိုင်ငံတကာမှ အစိုးရဖြစ်စေ ၊ အစိုးရမဟုတ်သော အဖွဲ့အစည်း ဖြစ်စေ မည်သည့် အဖွဲ့အစည်း ၊ မည်သည့် အကူအညီ ၊ မည်သည့် ချေးငွေ လာသည်ဖြစ်စေ ပင်မ သက်ဆိုင်သည့် ပြည်ထောင်စု ဝန်ကြီးဌာနနှင့် ကနဦးညှိနှိုင်း MOU နှင့် Agreement များကို တရားဝင် ဆောင်ရွက်စေပြီးမှသာ တိုင်းဒေသကြီး/ ပြည်နယ် အသီးသီးတွင် ခွဲဝေ ဆောင်ရွက်စေမှာ ဖြစ်ပါတယ်။
ဒါ့ကြောင့် တိုင်းဒေသနှင့်ပြည်နယ် အစိုးရများဟာ မိမိတို့ ဒေသအတွင်း နိုင်ငံတကာ အကူအညီ အထောက်အပံ့ ပေးမည့် အဖွဲ့အစည်းများ ရောက်ရှိလာပါက သတင်းပို့စေပြီး ၎င်းတို့၏ လုပ်ငန်း Project များကို ရှင်းလင်းတင်ပြစေခြင်း ၊ မြို့နယ် ဒေသအထိ ပူးပေါင်း ဆောင်ရွက် ကြီးကြပ်မှု အသွင်ဖြင့် ဆောင်ရွက်ခြင်း လုပ်ငန်းများကို ခြောက်လပတ် အလိုက် တိုးတက်မှု အကဲဖြတ်ခြင်း များကို ညှိနှိုင်း ဆောင်ရွက်သွားရမှာ ဖြစ်ပါတယ်။
ဒီနေရာမှာ မြန်မာနိုင်ငံအတွင်း ကမ္ဘာ့ ကုလသမဂ္ဂ အဖွဲ့အစည်း (၉)ခုနဲ့ နိုင်ငံတကာ အစိုးရမဟုတ်သော အဖွဲ့အစည်း INGO ပေါင်း (၅၃) ခုခန့် ရှိပြီး ၎င်းတို့အနေနဲ့ တိုင်းဒေသကြီး/ ပြည်နယ် အစိုးရများနဲ့လည်းကောင်း ၊ ပုဂ္ဂလိက လူမှုရေး ၊ စီးပွားရေး အသင်း အဖွဲ့များ ၊ ဖောင်ဒေးရှင်းများနှင့် တိုက်ရိုက် ချိတ်ဆက်၍လည်းကောင်း ဆက်သွယ်ပေးအပ်ရန် ကမ်းလှမ်းကြတာကို တွေ့ရပါတယ်။  နိုင်ငံတကာ အစိုးရမဟုတ်သော အဖွဲ့အစည်း INGO များအနေနဲ့ ပြည်ထဲရေး ဝန်ကြီးဌာနမှာ မှတ်ပုံတင်ပြီးခြင်း ၊ ၎င်းတို့လုပ်မယ့် လုပ်ငန်းကဏ္ဍနဲ့ ဆိုင်တဲ့  ပြည်ထောင်စု ဝန်ကြီးဌာနထံ သတင်းပို့ တင်ပြပြီး ယင်းမှ နိုင်ငံတကာ အကူအညီ အထောက်အပံ့များ စီမံခန့်ခွဲမှု ဗဟို ကော်မတီ ခွင့်ပြုချက် ရယူ ဆောင်ရွက်ရေးကို ပြည်ထောင်စု အစိုးရ ဝန်ကြီးဌာနများနဲ့ တိုင်းဒေသကြီး/ ပြည်နယ် အစိုးရ များက တိကျစွာ လိုက်နာဖို့ လိုအပ်မှာ ဖြစ်ပါတယ်။
ဒီနေရာမှာ တိုင်းဒေသကြီး/ပြည်နယ် အသီးသီး အနေနဲ့ မြို့နယ်တိုင်းမှာ နိုင်ငံတကာ အဖွဲ့အစည်းတွေက ဝင်ရောက် ဆက်သွယ်လာလျင် အစိုးရနဲ့ရော နိုင်ငံရေး ပါတီများ ၊ လူမျိုးစု လက်နက်ကိုင် အဖွဲ့အစည်းများနဲ့ပါ ပတ်သက်ခြင်း မရှိဘဲ ဒေသ ဖွံ့ဖြိုးရေး အမြင် သက်သက်ဖြင့် ဆောင်ရွက်နေကြတဲ့ အောက်ပါ လူမှုရေး ၊ စီးပွားရေး အဖွဲ့အစည်းများကို ဖွဲ့စည်းသွားရန် ဖြစ်ပါတယ် -
-    ကုန်သည် အသင်းအဖွဲ့များ
-    စိုက်ပျိုးရေး ၊ မွေးမြူရေး အသင်းအဖွဲ့နှင့် အစုအဖွဲ့များ
-    သမဝါယမ အသင်းများ
-    ဖောင်ဒေးရှင်းများ
-    အများနှင့် သက်ဆိုင်သော ကုမ္ပဏီများ ၊ အထူးပြု ကုမ္ပဏီများ
နိုင်ငံတကာ အဖွဲ့အစည်းများ အနေနှင့်လည်း မြို့နယ် အဆင့်သို့ ကွင်းဆင်း ဆောင်ရွက်ရာ၌ ၎င်းတို့ ခန့်အပ် တာဝန်ပေးသူများကို ယုံကြည်စိတ်ချရမှု မရှိခြင်း၊ ဒေသခံများကလည်း စွမ်းဆောင်ရည်နှင့် အတွေ့အကြုံ မရှိခြင်း စသည့် အခက်အခဲ များကြောင့် မြို့နယ်များ၌ စွမ်းဆောင်ရည် ရှိသော ၊ ပြည်သူများက လက်ခံ သော လူမှုရေး စီးပွားရေး အသင်းအဖွဲ့များ ၊ အစုအဖွဲ့များ ၊ ဖောင်ဒေးရှင်းများကို ဖွဲ့စည်း သွားဖို့ လိုအပ်ပါတယ်။ ဒါမှလည်း အနာဂတ်မှာ အရေးပါ လာမယ့် Civil Society များဟာ အစိုးရဌာနများနဲ့ရော နိုင်ငံတကာ အဖွဲ့အစည်းများနဲ့ပါ ပူးပေါင်း ဆောင်ရွက်တတ်တဲ့ အလေ့အကျင့်ကောင်းများ ရရှိလာပြီး လူ့စွမ်းအား အရင်းအမြစ် ဖွံ့ဖြိုး တိုးတက်ရေးကို အထောက်အကူပြုတဲ့ လူသားအရင်းအမြစ်များ ပေါ်ထွန်းလာမှာ ဖြစ်ပါတယ်။
နိုင်ငံတကာ အကူအညီအထောက်အပံ့များ စီမံခန့်ခွဲမှု ဗဟို ကော်မတီကလည်း အလှူရှင် နိုင်ငံနှင့် နိုင်ငံတကာ အဖွဲ့အစည်းများနှင့် Donors Meeting တွေ ကျင်းပဖို့ ရှိပြီး Driver Seat ကို မြန်မာနိုင်ငံကဘဲ တာဝန်ယူထားမှာ ဖြစ်ပါတယ်။ Donors Meeting ကျင်းပတဲ့အခါ အလှူရှင် နိုင်ငံများ၊ အဖွဲ့အစည်းများ အနေနဲ့ မြန်မာနိုင်ငံရဲ့ ဖွံ့ဖြိုးမှု စီမံကိန်း (Development Plan) နဲ့ ပြုပြင် ပြောင်းလဲရေး မဟာဗျူဟာ (Reform Strategy) ကို သိလိုကြကြောင်းနှင့် ယင်းကဲ့သို့ သိမှသာ ၎င်းတို့ စိတ်ဝင်စားသော ပေးအပ်လိုသည့် အကူအညီ ပေးလိုသော နယ်မြေဒေသနှင့် လုပ်ငန်းကဏ္ဍကို ရွေးချယ် အသိပေးစေလိုကြောင်း မကြာခဏ မေးမြန်း ပြောဆိုကြတာ ရှိပါတယ်။
ဒါ့ကြောင့် ဒီနေ့ အစည်းအဝေးဟာ မြန်မာနိုင်ငံရဲ့ နိုင်ငံတော် ဖွံ့ဖြိုးတိုးတက်မှု စီမံကိန်း (National Development Plan) နဲ့ ဒေသန္တရ ဖွံ့ဖြိုးတိုးတက်မှု စီမံကိန်း (Regional Development Plan) ကိုရော ၊ ပြုပြင် ပြောင်းလဲရေး မဟာဗျူဟာ (Reform Strategy) ကိုရော မူဝါဒ ရေးရာ ချပြ ညှိနှိုင်းခြင်းနဲ့ နိုင်ငံခြား အကူအညီ အထောက်အပံ့များ ထိရောက် အကျိုးရှိစွာ စီမံခန့်ခွဲရေး (Foreign Aid Effective Management) အတွက် ညှိနှိုင်း အစည်းအဝေး ဖြစ်ပါတယ်။
နိုင်ငံတော် ဖွံ့ဖြိုးတိုးတက်ရေး စီမံကိန်းတွေထဲမှာ ကျေးလက်ဒေသ ဖွံ့ဖြိုးရေးနဲ့ ဆင်းရဲမှု လျှော့ချရေး စီမံကိန်း ၊ လူ့စွမ်းအား အရင်းအမြစ် ဖွံ့ဖြိုးတိုးတက်ရေး စီမံကိန်း  တွေဟာ နိုင်ငံခြား အကူအညီ အထောက်အပံ့ တွေနဲ့ ဆောင်ရွက်ရမယ့် Development Plan တွေ ဖြစ်ပြီး တိုင်းဒေသကြီး/ ပြည်နယ်များရဲ့ လူမှု စီးပွားရေး ညွှန်းကိန်းများ အချိုးကျ ဖွံ့ဖြိုးတိုးတက်ရေး အတွက် တိုင်းဒေသကြီး/ ပြည်နယ် အစိုးရများနဲ့ ပြည်ထောင်စု ဝန်ကြီးဌာနများ ညှိနှိုင်း တွက်ချက်ပြီး နိုင်ငံခြား အကူအညီ အထောက်အပံ့များ စီမံခန့်ခွဲရေး ဗဟိုကော်မတီသို့ မေလကုန် အပြီး တင်ပြရန်ဖြစ်ပြီး မေလ နောက်ပိုင်းမှာ Donors Meeting တွေကို ကျင်းပတဲ့အခါ မိမိတို့ လိုအပ်တဲ့ လုပ်ငန်းကဏ္ဍနဲ့ နယ်ပယ်ကို ချပြ ဆွေးနွေး တောင်းဆိုနိုင်မှာ ဖြစ်ပါတယ်။
နိုင်ငံတော် ဖွံ့ဖြိုးတိုးတက်ရေး စီမံကိန်းနဲ့ ဒေသ ဖွံ့ဖြိုးတိုးတက်ရေး စီမံကိန်းတွေထဲမှာ ဘတ်ဂျက်နဲ့ နိုင်ငံခြား အကူအညီ မရနိုင်တဲ့ ဖွံ့ဖြိုး တိုးတက်ရေး လုပ်ငန်းစဉ်တွေကို ပြည်တွင်းပြည်ပ ရင်းနှီးမြှုပ်နှံမှုများ ဖိတ်ခေါ် ဆောင်ရွက်ရမှာ ဖြစ်ပါတယ်။ ယခုအခါ ရင်းနှီးမြှုပ်နှံလိုသည့် နိုင်ငံနဲ့ လုပ်ငန်းရှင် အများအပြား လာရောက်ကြပေမယ့် ရင်းနှီးမြှုပ်နှံခွင့် ပြုနိုင်တဲ့ လုပ်ငန်း ကဏ္ဍ (Investment Sector) နဲ့ ရင်းနှီးမြှုပ်နှံခွင့် ပြုနိုင်တဲ့ နယ်မြေဒေသ (Investment Potential Area) ကို အချို့ တိုင်းဒေသကြီး/ပြည်နယ် တွေမှာ သဘာဝ ပတ်ဝန်းကျင်နဲ့ လူမှုစီးပွားရေး ထိခိုက်မှု (Environmental and Social Impact) ၊ မြေ အသုံးချမှု မူဝါဒနှင့် စီမံခန့်ခွဲမှု (Land Use Policy and Plan) ပြဿနာတွေကြောင့် ရင်းနှီးမြှုပ်နှံမှုများကို အသင့်လက်ခံနိုင်တဲ့ အခြေအနေ (Readiness) မဖြစ်တာကို တွေ့ရမှာ ဖြစ်ပါတယ်။ Readiness ဖြစ်ဖို့အတွက် Township Development Plan, Village Development Plan ရေးဆွဲထားပြီး ဘယ်နေရာတွေကိုတော့ လူဦးရေတိုးတက်မှုအတွက် နေထိုင်ရန် ရပ်ကွက် ၊ ကျေးရွာတွေ ချထားရန် လျာထားခြင်း ၊ သောက်သုံးရေနဲ့ သဘာဝ ပတ်ဝန်းကျင်အတွက် သစ်တောမြေ လျာထားခြင်း ၊ ဒေသခံ ပြည်သူများ လူမှု စီးပွားရေး လုပ်ကိုင်စားသောက်မှု အခွင့်အလမ်း အတွက် စိုက်ပျိုးမြေနှင့် ရင်းနှီးမြှုပ်နှံ လုပ်ကိုင်နိုင် မည့် စက်ရုံ အလုပ်ရုံ ၊ စက်ရုံစု လျာထားမြေ ၊ လက်လီဈေး ၊ လက်ကားဈေး နှင့် သယ်ယူ ပို့ဆောင်ရေး ၊ ပညာရေး ၊ ကျန်းမာရေး ၊ လျှပ်စစ်မီး လျာထားခြင်းတို့ကို မြို့နယ်တိုင်း အတွက် အသင့် ရှိနေမှသာ ရင်းနှီးမြှုပ်နှံမှုများ မြန်မြန်ဆန်ဆန် လွယ်လွယ်ကူကူ ဆောင်ရွက်နိုင်ပြီး ဒေသခံ ပြည်သူများရဲ့ လူမှု စီးပွားရေး အလုပ်အကိုင် အခွင့်အလမ်းများ ဖွံ့ဖြိုးတိုးတက် ရရှိ လာမှာ ဖြစ်ပါတယ်။ ဒီနေရာမှာ GDP ကိန်းဂဏန်း Plan ထက် Physical Plan ဟာ ပိုမို အရေးကြီးပါတယ်။ ရှေးယခင် ကာလများကဲ့သို့ အထက် ဌာနများက မြေပုံကြည့်ပြီး နေရာချထား သတ်မှတ်ပေးရုံ သက်သက် စီမံခန့်ခွဲရင်တော့ ရှေးယခင် လိုဘဲ ထွေ/အုပ်က တစ်မျိုး ၊ သစ်တောက တစ်မျိုး ၊ စည်ပင်က တစ်မျိုး ၊ မြေစာရင်းက တစ်မျိုး အောက်ခြေမှာ အမိန့် မျိုးစုံ ၊ နားလည်မှု မျိုးစုံနဲ့ ဆောင်ရွက်ခဲ့ကြတဲ့အတွက် ရေရှည်မှာ ယခုလို တံခါးဖွင့်ပြီး ရင်းနှီးမြှုပ်နှံမှု လက်ခံတဲ့အခါ မြေယာ ပြဿနာ အခက်အခဲဟာ တိုင်းဒေသကြီး/ ပြည်နယ်တိုင်းမှာ ဖြစ်ပေါ်နေတာကို တွေ့ရမှာ ဖြစ်ပါတယ်။ ဒါနဲ့ စပ်လျဉ်းပြီး မြို့ပြ စီမံကိန်း ရေးဆွဲ စီမံခန့်ခွဲ အုပ်ချုပ် လုပ်ကိုင်မှုတွေကို ပြန်လည် လေ့လာ ကြည့်စေတဲ့အခါ ဥပဒေ ၊ စည်းမျဉ်း ၊ လုပ်ထုံး လုပ်နည်းများ (Code of Conduct) များဟာ အသီးသီး ရေးဆွဲ ထားရှိခဲ့ကြပေမယ့် လက်တွေ့ နယ်ပယ်များ အသုံးပြု စီမံ ခန့်ခွဲနိုင်ခြင်း မရှိတော့တာ တွေ့ရပါတယ်။ ဘာကြောင့်လဲဆိုတော့ ဥပဒေ စည်းမျဉ်းနဲ့ အုပ်ချုပ်ခြင်းအစား အမိန့်ပေးစနစ် ၊ အစည်းအဝေး ဆုံးဖြတ်ချက် စနစ် တွေနဲ့ ဦးစားပေး လုပ်သွားတဲ့ အတွက်ကြောင့် ဖြစ်ပါတယ်။ နောင်အခါမှာ ဥပဒေ ၊ စည်းမျဉ်းနဲ့အညီ (Rule of Law) နဲ့ လုပ်မှသာ စဉ်ဆက်မပြတ် ဖွံ့ဖြိုးတိုးတက်မှု (Sustainable Development) ကို ရရှိစေနိုင်မှာ ဖြစ်ပါတယ်။
ဒါ့ကြောင့် Township Development Plan ကို မြို့နယ် စီမံကိန်း ရေးဆွဲ အကောင်အထည် ဖော်ရေး ကော်မတီများ ဖွဲ့စည်း ဆောင်ရွက်စေသော်လည်း အတွေ့အကြုံ အလေ့အကျင့် မရှိသေးတဲ့ အတွက် လုံးဝ ပုံအပ်ထားခြင်းဖြင့် ဥပဒေ ၊ စည်းမျဉ်း ၊ လုပ်ထုံး လုပ်နည်းများ (Code of Conduct) များကို မျက်ကွယ်ပြု၍ အဖွဲ့အစည်းနှင့် အစည်းအဝေးထိုင် ဆုံးဖြတ်လျင် ရသည်ဟူ၍ ထင်မြင်ယူဆ ဆောင်ရွက်ခြင်းမျိုး မရှိစေရန် နှင့် မြို့နယ်အဆင့်က ရေးဆွဲ တင်ပြမှုကို တိုင်းဒေသကြီး/ ပြည်နယ် အစိုးရများက လွှတ်တော် ကိုယ်စားလှယ်များ ၊ ကျွမ်းကျင်သူ ပညာရှင်များ ၊ လူမှုရေး ၊ စီးပွားရေး အဖွဲ့အစည်းများနှင့် တစ်မြို့နယ်ချင်းအပေါ် ပြည်သူများရဲ့ စားဝတ်နေရေး လိုအပ်ချက် ၊ လူမှုရေး လိုအပ်ချက် နဲ့ မြို့နယ်အတွက် တိုးတက် ရရှိလာမယ့် အခွန်အကောက်နဲ့ မြို့နယ် ဖွံ့ဖြိုးတိုးတက်မှုကို တစ်ဆင့်ပြီး တစ်ဆင့် ဆောင်ရွက်သွားနိုင်မယ့် စီးပွားရေး တွက်ခြေကိုက်ပြီး ဖွံ့ဖြိုးတိုးတက် စေမယ့် အစီအမံများကို အောက်ပါ ရည်မှန်းချက်များနဲ့ အသေးစိတ် လေ့လာ ကြံဆ စီမံ သွားကြဖို့ မှာကြားလိုပါတယ် -
အသေးစိတ် လေ့လာ ကြံဆ စီမံ သွားကြဖို့ မှာကြားလိုပါတယ် -
အသေးစိတ် လေ့လာ ကြံဆ စီမံ သွားကြဖို့ မှာကြားလိုပါတယ် -
-    နိုင်ငံတကာနှင့် ရင်ဘောင်တန်း၍ ဖွံ့ဖြိုးတိုးတက်စေရန်
-    တိုင်းဒေသကြီး/ပြည်နယ် အလိုက်
အစီအမံများကို အောက်ပါ ရည်မှန်းချက်များနဲ့ အသေးစိတ် လေ့လာ ကြံဆ စီမံ သွားကြဖို့ မှာကြားလိုပါတယ် -
-
-    နိုင်ငံတကာနှင့် ရင်ဘောင်တန်း၍ ဖွံ့ဖြိုးတိုးတက်စေရန်
-    တိုင်းဒေသကြီး/ပြည်နယ် အလိုက်၊ နယ်မြေ အခြေအနေအလိုက်  မြို့ရွာများ အမြန် ခေတ်မီ ဖွံ့ဖြိုး တိုးတက်ရန်
-    ပြည်သူတစ်ဦးချင်း ၊ တစ်အိမ်ထောင်ချင်း နေထိုင်စရာ နေရာ မြေယာ အဆောက်အအုံ အဆင်ပြေ တိုးတက်စေရန်၊
-    ပြည်သူတစ်ဦးချင်း ၊ တစ်အိမ်ထောင်ချင်း ရေ၊မီး အဆင်ပြေစေရန်၊
-    ပြည်သူများ သွားလာရေး အဆင်ပြေ လွယ်ကူစေမည့် လမ်းတံတားနှင့် သယ်ယူ ပို့ဆောင်ရေး တိုးတက်စေရန် ၊
-    ပြည်သူများ စီးပွားရေး ၊ အလုပ်အကိုင် အခွင့်အလမ်း တိုးတက်ရေးနှင့် ဈေးကွက် ဖွံ့ဖြိုးရေး ၊ ကုန်သွယ်မှုနှင့် ရင်းနှီးမြှုပ်နှံမှု တိုးတက်စေရန်
ပြုပြင်ပြောင်းလဲ ဆောင်ရွက်ရမှာ ဖြစ်ပါတယ်။
ဒါကြောင့် ပြုပြင်ပြောင်းလဲရေး မဟာဗျူဟာ ဒုတိယအဆင့် (Second Stage of Reform Strategy for National Development) ကို ပြည်သူလူထုရဲ့ လူမှုစီးပွားရေး လိုအင်တွေကို ထိထိရောက်ရောက် အကောင်အထည်ဖော် ဆောင်ရွက်ပေးနိုင်မယ့် ပြည်သူလူထု ဗဟိုပြု ဖွံ့ဖြိုး တိုးတက်မှု (People Centered Development) အရ သိသိသာသာ ပြုပြင်ပြောင်းလဲ ဆောင်ရွက်သွားကြရန် ပြောကြားခဲ့ခြင်း ဖြစ်ပါတယ်။
အလားတူ (Regional Plan, City Development Plan, Township Development  Plan, Village Plan) တွေ ကြိုတင် ရေးဆွဲပြီး မြေ အသုံးချမှု မူဝါဒ နှင့် အစီအမံ (Land Use Policy and Plan) ထားရှိခြင်း ၊ မြို့နယ် ဖွံ့ဖြိုးတိုးတက်ရေး အစီအမံ တိုင်းတွင် ဖွံ့ဖြိုးတိုးတက်ရေး အမြင်ဖြင့် ဆောင်ရွက်ယင်း သဘာဝပတ်ဝန်းကျင်နှင့် လူမှု စီးပွားရေး ပြဿနာများ ဒွန်တွဲ ပါလာမှု အပေါ် ဥပဒေ စည်းမျဉ်းဖြင့် ထိန်းကျောင်းနိုင်သည့် လုပ်ထုံးလုပ်နည်းများ (Code of Conduct for Township Development) ရေးဆွဲ ဆောင်ရွက်ရေး ၊ ကူးသန်း ရောင်းဝယ်ရေး အဟန့်အတားများ ၊ ခရီးသည်နှင့် ကုန်စည် ပို့ဆောင် သွားလာရေး အဟန့်အတားများ ၊ ရုံးဌာန ညွှန်ကြားချက်နှင့် ထောက်ခံချက်များ ဆိုင်ရာ အဟန့်အတားများ စသည့် အုပ်ချုပ်မှုဆိုင်ရာ စီမံခန့်ခွဲမှု (Administration Management) များကို Decentralize လုပ်ပြီး ဥပဒေ စည်းမျဉ်းဖြင့် သာ ထိန်းကျောင်း၍ ပြည်သူများအတွက် သိသာထင်ရှားသော အပြောင်းအလဲတစ်ရပ် ပေါ်ပေါက်ရေး ကို အဓိက ထားရမှာဖြစ်ကြောင်း အဖွင့်မှာ ပြောကြားခဲ့တာ ဖြစ်ပါတယ်။
ယခင်တစ်ပတ် ပြည်နယ်နှင့်တိုင်း အစိုးရအဖွဲ့ ဝန်ကြီးချုပ်များကို ဖိတ်ကြားပြီး ၂၀၁၁ - ၂၀၁၂ ဘဏ္ဍာနှစ်နဲ့ ၂၀၁၂ - ၂၀၁၃ ဘဏ္ဍာနှစ် ဆိုင်ရာ ညှိနှိုင်း အစည်းအဝေး ပြုလုပ်ခဲ့စဉ်က တစ်နိုင်ငံလုံးရဲ့ အသားတင် ထုတ်လုပ်မှုတန်ဖိုး ဂျီဒီပီ ဟာ ကျပ် (၄၄၇၃၃.၃) ဘီလီယံ၊ အမေရိကန် ဒေါ်လာ (၅၅.၉) ဘီလီယံခန့် ရှိတာကို တွေ့ခဲ့ရမှာ ဖြစ်ပါတယ်။ ဒီအသားတင် ထုတ်လုပ်မှု တန်ဖိုး အမေရိကန် ဒေါ်လာ (၅၅.၉) ဘီလီယံ ဝန်းကျင်နဲ့ ရင်းနှီးမြှုပ်နှံ လုပ်ကိုင်သွားရင် တိုးတက်လာမယ့် တိုးတက်မှုနှုန်းဟာ ငါးနှစ် ကြာတဲ့အခါ (၁.၅)ဆ တိုးတက်မှု ဖြစ်ပါတယ်။ လက်ရှိ လူတစ်ဦးကျ ဝင်ငွေ ဒေါ်လာ (၁၀၀၀) ရှိရင် နောင် ငါးနှစ်ကြာရင် တစ်ဦးကျ ဝင်ငွေ ဒေါ် လာ (၁၅၀၀) ခန့်သာ ရှိမှာဖြစ်ပါတယ်။ ကျွန်တော့် အနေနဲ့ နိုင်ငံတကာ အကူအညီ အထောက်အပံ့များ ၊ ချေးငွေများ ၊ ပြည်တွင်းပြည်ပ ရင်းနှီးမြှုပ်နှံမှုများကို တိုးချဲ့ဖိတ်ခေါ် လုပ်ကိုင်နိုင်မယ် ဆိုရင် လူတစ်ဦးကျ ဝင်ငွေ ဒေါ်လာ (၃၀၀၀) တန်းကို ရောက်အောင် ကြိုးစားနိုင်လိမ့်မယ်လို့ ရည်မှန်းထားပါတယ်။ တစ်နည်းအားဖြင့် လက်ရှိ အခြေအနေတွက်ချက်မှုအရ တိုးတက်မှုနှုန်း (၁.၅)ဆ အစား တိုးတက် မှုနှုန်း (၃) ဆ တိုးတက်အောင် ကြိုးစားမယ်လို့ ဆိုလိုရင်း ဖြစ်ပါတယ်။
ကျွန်တော်တို့ နိုင်ငံမှာ အသားတင် ထုတ်လုပ်မှုတန်ဖိုး (ဂျီဒီပီ) (၅၅.၉) ဘီလီယံရှိရာမှာ အစိုးရ ဘတ်ဂျတ်အနေဖြင့် လက်ရှိ ( ၃.၉ ဘီလီယံ)၊ (၆.၉%)  ခန့်အသုံးပြုလျက် ရှိပြီး ၊ ပုဂ္ဂလိက အဖွဲ့အစည်း ကဏ္ဍမှ အမေရိကန်ဒေါ်လာ (၅၂ ဘီလီယံ) ၊ (၉၃.၁ %) ပါဝင် ပါတယ်။ ဒီနှုန်းအတိုင်း သွားရင် နောင်ငါးနှစ်အကြာမှာ ယခု လက်ရှိ ဂျီဒီပီရဲ့ တစ်ဆခွဲပဲ တိုးတက်လာမှာ ဖြစ်ပါတယ်။ သုံးဆ တိုးဖို့ ကြိုးစားမည် ဆိုပါက ဘတ်ဂျက်က အကန့်အသတ် ရှိလို့ အောက်ပါ နည်းလမ်းများကို ဘယ်လို တိုးတက် ရင်းနှီးမြှုပ်နှံမလဲ ၊ ရအောင် ဆောင်ရွက် မလဲဆိုတာ စဉ်းစားရမှာ ဖြစ်ပါတယ် -
-    နိုင်ငံခြား အကူအညီ အထောက်အပံ့
-    နိုင်ငံခြား ချေးငွေ
-    နိုင်ငံတော် ဘတ်ဂျတ်နှင့် အခွန်အကောက် တိုးတက် ရရှိနိုင်မည့် နည်းလမ်းများ
-    ပြည်တွင်းပြည်ပ ရင်းနှီးမြှုပ်နှံမှုများ

စဉ်    တစ်ဦးကျ ဝင်ငွေ အဆ    လက်ရှိ GDP အရ    တိုးတက်ရရေး ကြိုးပမ်းရမည့် အရင်းအနှီး
        နိုင်ငံပိုင်/ သမ ပိုင်    ပုဂ္ဂလိက ပိုင်    နိုင်ငံခြား ရင်းနှီးမြှုပ်နှံမှု     ထောက်ပံ့ငွေ / ချေးငွေ    စုစုပေါင်း
၁    ၂    ၃    ၄    ၅    ၆    ၇
၁    ၁.၅ ဆ    ၁၃.၀    ၁၅.၉    ၇.၁    ၁.၁    ၃၇.၁
၂    ၂.၀ ဆ    ၁၃.၀    ၁၅.၉    ၁၀.၀    ၁၀.၄    ၄၉.၃
၃    ၂.၅ ဆ    ၁၃.၀    ၁၅.၉    ၁၅.၀    ၁၇.၇    ၆၁.၆
၎    ၃.၀ ဆ    ၁၃.၀    ၁၅.၉    ၂၅.၀    ၂၀.၀    ၇၃.၉
မှတ်ချက်     ၁။    လာအို နိုင်ငံတွင်  ထောက်ပံ့ငွေ ၊ Loan, Aid, Grant တစ်နှစ်လျှင် ပျမ်းမျှ  အမေရိကန်ဒေါ်လာ ဘီလီယံ ၀.၄ မှ  ၀.၅ ဘီလီယံကြား ရရှိပါသည် ၊   ကမ္ဘောဒီးယား တွင်  အမေရိကန်ဒေါ်လာ  ၀.၆  မှ  ၀.၈  ဘီလီယံ ကြား ရရှိပါသည် ။ ဗီယက်နမ်တွင်  အမေရိကန်ဒေါ်လာ  ၂.၄   မှ  ၃.၀ ဘီလီယံ ကြား  ရရှိပါသည် ။
၂။   မြန်မာနိုင်ငံတွင် ၂၀၁၁-၁၂ တွင် ချေးငွေ ၅၁၀၅.၂ ကျပ် သန်း ( အမေရိကန် ဒေါ်လာ ၆.၃၈၁ သန်း) ၊ ထောက်ပံ့ငွေ ကျပ်သန်း ၁၄.၇(အမေရိကန်ဒေါ်လာ ၀.၀၁၈ သန်း) သာရရှိပါသည် ။
၃၊  နိုင်ငံ ခြား ရင်းနှီး မြှုပ်နှံမှု မှာလည်း လက်ရှိ အခြေအနေတွင် တစ်နှစ်ပျမ်းမျှ ၃ ဘီလီယံ  ခန့်သာ ရရှိ ပါသည် ။
၎၊  သို့ဖြစ်ပါ၍ တစ်ဦး ကျဝင် ငွေ အမေရိကန်ဒေါ်လာ ၃၀၀၀ ရရှိရေး အတွက်  ၃ဆ တိုးတက်နိုင်ရန် ခဲယဉ်း ပြီး အများဆုံး ၂ဆ သာ တိုးတက်နိုင်မည် ။
ပြည်ထောင်စု စီမံကိန်းကြီးများမှာတော့ နိုင်ငံတော် ဘတ်ဂျက်နဲ့ ဆောင်ရွက်နိုင်ခြင်း မရှိတဲ့ စီမံကိန်းများကို နိုင်ငံခြား ချေးငွေနဲ့ ဆောင်ရွက်ရမှာ ဖြစ်ပါတယ်။ ပြည်ထောင်စု ဝန်ကြီးဌာနများ အနေနဲ့ လွှတ်တော်မှာ တင်ပြ မေးမြန်း ဆွေးနွေးကြတဲ့အတိုင်း နိုင်ငံတော်အတွက် အမှန်တကယ် အကျိုးရှိပြီး အကျိုးအမြတ် ပြန်ပေါ်မယ့် ကိစ္စရပ်များနဲ့ ချေးငွေ ပြန်ဆပ်နိုင်မှု ၊ တာဝန်ခံနိုင်မှု အပေါ် တွက်ချက်စဉ်းစား ချေးယူရမှာ ဖြစ်ပါတယ်။
နိုင်ငံခြား အကူအညီ အထောက်အပံ့ (Grant) များကတော့ တိုင်းဒေသကြီး/ ပြည်နယ်များ ကျေးလက်ဒေသဖွံ့ဖြိုးရေးနှင့် ဆင်းရဲမှု လျော့ချရေး၊ လူ့စွမ်းအား အရင်းအမြစ် ဖွံ့ဖြိုးတိုးတက်ရေး ၊ ပြည်သူတို့၏ ပညာရေး ၊ ကျန်းမာရေး ၊ လူမှုစီးပွားရေးဘဝ မြင့်မား တိုးတက်ရေးနဲ့ သဘာဝ ဘေးအန္တရာယ် တားဆီးရေး ကိစ္စရပ်များမှာ အသုံးပြုရမှာ ဖြစ်ပါတယ်။
ပြည်တွင်းပြည်ပ ရင်းနှီးမြှုပ်နှံမှုများကတော့ ကန့်သတ်မှုမရှိဘဲ ဥပဒေနဲ့အညီ တိုင်းဒေသကြီး/ ပြည်နယ် အသီးသီးမှာ ဖိတ်ခေါ် တိုးချဲ့ဆောင်ရွက်ရမှာ ဖြစ်ပါတယ်။ ပြည်တွင်း တိုင်းရင်းသား ရင်းနှီးမြှုပ်နှံမှုများနဲ့ စပ်လျဉ်းပြီး စည်ပင်သာယာ လုပ်ငန်းလိုင်စင် ၊ အိမ်တွင်းစက်မှုလက်မှု လုပ်ငန်း လိုင်စင် ၊ ဆက်သွယ်ရေး ၊ စာတိုက်ကြေးနန်း ဝန်ကြီးဌာန၊ သတ္တုတွင်း ဝန်ကြီးဌာန ၊ သစ်တော ရေးရာဝန်ကြီးဌာန ၊ မွေးမြူရေးနှင့် ရေလုပ်ငန်း ဝန်ကြီးဌာန စတဲ့ ဝန်ကြီးဌာနတွေမှာ ခွင့်ပြုမိန့် ပေးပြီး လုပ်တဲ့ လုပ်ငန်းများစွာနဲ့ ရင်းနှီးမြှုပ်နှံ လုပ်ကိုင်နိုင်သလို ရင်းနှီးမြှုပ်နှံမှု ဥပဒေနဲ့ အခွန်အခ သက်သာခွင့်များ ရယူ ဆောင်ရွက်နိုင်တဲ့ MIC ခွင့်ပြုမိန့် လုပ်ငန်းများ များစွာ ရှိပါတယ်။ ဒီ ခွင့်ပြုမိန့်တွေ အပေါ်မှာ ပြည်ထောင်စု အစိုးရ ဝန်ကြီးဌာနများ ၊ တိုင်းဒေသကြီး/ ပြည်နယ် အစိုးရများ အကြား ဆွေးနွေး ညှိနှိုင်းခြင်း ၊ ခေတ်နှင့် မလျော်ညီသော လုပ်ထုံးလုပ်နည်း များကို ညှိနှိုင်း ပြင်ဆင်ရေးဆွဲခြင်း ၊ လူတစ်စုသာ လုပ်ကိုင်ခွင့် ရရှိနေသော လုပ်ငန်းများကို ပြည်သူ အများစု ပါဝင် ဆောင်ရွက်ခွင့် ရရှိစေခြင်းဖြင့် တိုးချဲ့ပေးခြင်း၊ ပြည်ထောင်စု အစိုးရနဲ့ ပြည်နယ် အစိုးရများအကြား အခွန်အခ ဆိုင်ရာများ ညှိနှိုင်းခြင်း တို့ကို လုပ်ငန်း နယ်ပယ် တစ်ခုချင်းအလိုက် Case Study များ ပြုလုပ်ခြင်း ၊ Survey ပြုလုပ်ခြင်း ၊ အားသာချက် ၊ အားနည်းချက်များ နှင့် ပြုပြင်ပြောင်းလဲ ဆောင်ရွက်မည့် နည်းလမ်းများကို သမ္မတရုံး ၊ အစိုးရအဖွဲ့ရုံးနှင့် သက်ဆိုင်ရာ စီမံကိန်း လုပ်ငန်း ဗဟိုကော်မတီများသို့ ပေးပို့၍ ယခု ကျင်းပသော အစည်းအဝေးများတွင် မူဝါဒ ချမှတ် ဆောင်ရွက်သွားရန် လိုအပ်ပါတယ်။
 (၁)    ပြည်သူတွေရဲ့ လူမှု စီးပွားရေး ဘဝ သိသာစွာ တိုးတက် ကောင်းမွန် ရေးနဲ့ ဒေသအလိုက် ဖွံ့ဖြိုးတိုးတက်လာဖို့ ၊ တစ်နိုင်ငံလုံး ဖွံ့ဖြိုးတိုးတက် လာဖို့ ပြုပြင် ပြောင်းလဲရေး မဟာဗျူဟာ (Reform Strategy) ကို ကဏ္ဍ (Sector) အလိုက်၊ ဒေသ (Region) အလိုက် မဟာဗျူဟာ လုပ်ငန်းစဉ် ၊ ဦးစားပေး လုပ်ငန်းစဉ်များ ရေးဆွဲပြီး ၂၀၁၂ ခုနှစ် ၊ မေလ ကုန် အပြီး တင်ပြရန် ၊
(၂)    အမျိုးသား ဖွံ့ဖြိုးတိုးတက်ရေး စီမံကိန်း (National Development Plan) အောက်တွင် အပါအဝင် ဖြစ်သော ကဏ္ဍ (Sector) အလိုက်၊ ဒေသ (Region) အလိုက် ဖွံ့ဖြိုးမှု စီမံကိန်း (Development Plan) များကို ရေးဆွဲ ဖော်ပြ ဆောင်ရွက်ကြရန် ၊
(၃)    ထိုစီမံကိန်း (Plan) နှင့် မဟာဗျူဟာ လုပ်ငန်းစဉ် (Strategy) ပေါ် အခြေပြုပြီး -
-    ဆင်းရဲမှု လျှော့ချရေး ၊ လူမှုစီးပွား တိုးတက်ရေး ၊ ဒေသ ဖွံ့ဖြိုးရေး အစီအမံများကို ကဏ္ဍအလိုက် ၊ ဒေသအလိုက် Master Plan များ ရေးဆွဲ အကောင်အထည်ဖော် ဆောင်ရွက်ပါ။
-    နိုင်ငံခြား အထောက်အပံ့ (Grant) များကို ဖွံ့ဖြိုးမှု လိုအပ်သော နယ်ပယ်များတွင် အချိုးကျ ထိရောက်စွာ ခွဲဝေ အသုံးပြုပြီး ဒေသ ဖွံ့ဖြိုးတိုးတက်မှုနှုန်းကို အကဲဖြတ် တွက်ချက်ပါ။
-    နိုင်ငံခြား ချေးငွေ (Loans) ကို နိုင်ငံတော်အတွက် အမှန်အကျိုးရှိပြီး စီးပွားရေး တွက်ချေကိုက်၍ အကြွေးပြန်ဆပ်နိုင်မည့် လုပ်ငန်းများတွင် ထိရောက်စွာ အသုံးပြုပါ။
-    ပြည်တွင်းပြည်ပ ရင်းနှီးမြှုပ်နှံမှု လုပ်ငန်းများကို ဒေသအလိုက် နိုင်ငံတော် ဘတ်ဂျက်ဖြင့် မလုပ်နိုင်သော လုပ်ငန်းများတွင် ဆောင်ရွက်ပါ။
နိဂုံးချုပ်အနေနဲ့
    နိုင်ငံဖွံ့ဖြိုးတိုးတက်ဖို့အတွက် နိုင်ငံသားတိုင်းမှာ တာဝန်ရှိပါတယ်။ တိုးတက်လိုတဲ့ဆန္ဒသာရှိပြီး အလုပ်ကို ကြိုးစားမလုပ်ရင်၊ စည်းကမ်းမရှိရင်၊ စည်းလုံးမှုမရှိရင် သူများနိုင်ငံနောက်က လိုက်နေရမှာဖြစ်ပါတယ်။ ဘယ်လောက်ပဲ ကောင်းမွန်တဲ့ ရေမြေတောတောင်သဘာဝအရင်းအမြစ်တွေကို ပိုင်ဆိုင်ထားသော် လည်း အလုပ်ကို ကြိုးစားပမ်းစားနဲ့မလုပ်ရင် ဆင်းရဲမြဲ ဆင်းရဲနေမှာဖြစ်ပါတယ်။
    အဆင်းရဲဆုံး LDC နိုင်ငံဘဝကရုန်းထွက်နိုင်ဖို့အတွက် တစ်ခုတည်းသော နည်းလမ်းဟာ ဥပဒေနဲ့အညီအလုပ်လုပ်ကြဖို့ ဖြစ်ပါတယ်။ ယခု ကောင်းမွန်တဲ့ မူတွေ ချပေးပြီးဖြစ်ပါတယ်။ မူတွေကောင်းသော်လည်း လူတွေ မကောင်းရင် မအောင်မြင်နိုင်ပါဘူး။ တိုးတက်လိုတဲ့အမြင်မရှိတဲ့ ရှေးရိုးစွဲတွေ၊ ခေတ်နောက်ပြန် ဆွဲလိုသူတွေကိုတော့ နောက်မှာချန်ထားခဲ့ရပါမယ်။ ခေတ်စနစ်တွေ ပြောင်းလဲနေပြီ ဖြစ်ပါတယ်။ နိုင်ငံရေးနဲ့ဟန်ချက်ညီစွာ စီးပွားရေးကဏ္ဍကို ကျွန်တော်တို့ တွန်းတင် ရပါမယ်။ တစ်နှစ်ကုန်သွားပြီ ဖြစ်လို့ Second Wave တွန်းတင်ကြဖို့ တိုက်တွန်း ရင်း နိဂုံးချုပ်လိုက်ပါတယ်။

တရုပ်ကင်းလွတ်ဇုံဆိုလို့ နန်းမြို့ရိုးကြီးအတွင်းသာ ယဲ့ယဲ့ရှိ

Khant Nyi Pe
မန္တလေးနယ်တ၀ိုက်မှာ တရုပ်ကင်းလွတ်ဇုံဆိုလို့ နန်းမြို့ရိုးကြီးအတွင်းသာ ယဲ့ယဲ့ရှိပါတော့တယ်..။



တရုတ်လုပ်ငန်းရှင်များ မှော်ဘီ၊ တိုက်ကြီးမြို့နယ်မှ လယ်ဧကသုံးသိန်း ငှားရမ်းလုပ်ကိုင်ခွင့် ကမ်းလှမ်း
[ ၂၀၁၂ ခုနှစ် မေလ ၁၀ ရက်နေ့ထုတ် 7 Day News ဂျာနယ် ]
တရုတ်နိုင်ငံမှ လုပ်ငန်းရှင်များက မှော်ဘီနှင့် တိုက်ကြီးမြို့နယ်များ အတွင်းရှိ လယ်မြေဧက သုံးသိန်းတွင် ""တစ်ဧကလျှင် စပါးတင်း ၂၀၀ ကျော်ထွက်အောင်"" အာမခံစိုက်ပျိုးရန် ကမ်းလှမ်းထားကြောင်း မွေးမြူရေးနှင့် ရေလုပ်ငန်းညွှန်ကြားမှုဦးစီးဌာန၊ ညွှန်ကြားရေးမှူးချုပ် ဒေါက်တာမြင့်သန်းက ပြောသည်။
“သူတို့က တရုတ်ပြည်မှာ တစ်ဧက တင်း ၂၅၀ ထွက်အောင် စိုက်ထားတာ ကျွန်တော်တို့ကို ခေါ်ပြတယ်။ အဲဒီ့လယ်တွေကို နှစ် ၃၀ ပေးပါလို့ တောင်းတယ်။ ကျွန်တော်က မပေးနိုင်ဘူးလို့ ပြောလိုက်တယ်။ အခုတောင်းတာက လယ်ကောင်းတွေမို့ သူတို့က ခူးပြီးခပ်ပြီးသား အဆင်သင့် စိုက်ချင်ကြတာ” ဟု ၄င်းက မြန်မာနိုင်ငံ ငါးလုပ်ငန်းအဖွဲ့ချုပ်၏ (၁၃)ကြိမ်မြောက် နှစ်ပတ်လည်အခမ်းအနားတွင် ပြောသည်။
မြန်မာနိုင်ငံ၏ မူဝါဒအရ မြန်မာပြည်သူများ နှစ် ၅၀ အတွင်း စပါးစိုက်ပျိုး၍ မရသေးသော ချင်းတောင်၊ ပူတာအိုနှင့် အခြားမဖွံ့ဖြိုးသေးသော ဒေသများတွင်သာ လာရောက်လုပ်ကိုင်နိုင်ရန် စီစဉ်ပေးထားကြောင်း ၄င်းကပြောသည်။ ထို့အပြင် စပါးစိုက်ပျိုးထုတ်လုပ်သည့် နည်းပညာ၊ စက်ကိရိယာ၊ စက်ရုံနှင့် အရင်းအနှီးများ စိုက်ထုတ်ပေးရေးအတွက် ဆောင်ရွက်ပေးမည့်သူများကိုသာ လိုလားကြောင်း ၄င်းကပြောသည်။
“ကျွန်တော်တို့ ပြည်သူတွေ အကျိုးရှိမယ့် ကိစ္စကိုတော့ ကျွန်တော်တို့ဘက်က ဘာမှမထိမ်ချန်ဘူး၊ သို့သော် ပြည်သူတွေ လုပ်စားရမယ့် စားကျက်ကို လုတာတော့ မပေးနိုင်ဘူး” ဟု ဒေါက်တာမြင့်သန်းက ပြောသည်။ ဝန်ကြီးဌာနမှ ပုဂ္ဂလိကကဏ္ဍ တိုးတက်ရန်အတွက် ကူညီဖို့ရန် အသင့်ဖြစ်နေသောကြောင့် ပြည်သူများ အကျိုးရှိစေမည့် ပြည်ပမှ ရင်းနှီးမြှုပ်နှံလိုသူများအား ဌာနနှင့် ပုဂ္ဂလိကများက ခေါ်လာစေလိုသည်၊ သို့ရာတွင် ပြည်သူများ နစ်နာမှု မဖြစ်စေလိုကြောင်း ၄င်းက ပြောပြခဲ့သည်ဟု ၂၀၁၂ ခုနှစ် မေလ ၁၀ ရက်နေ့ထုတ် 7 Day News ဂျာနယ်တွင် ဖော်ပြထားပါသည်။

သမ္မတဦးသိန်းစိန်ပြန်လာဖို့ ခေါ်တာရဲရင့်ငယ်မပါသေးပါ

Planet Myanmar Network
ပြည်ပနိုင်ငံများသို့ ရောက်ရှိနေသည့် မြန်မာနိုင်ငံသား ပညာရှင်များကျွမ်းကျင်သူများ၊ လုပ်ငန်းရှင်များအား နိုင်ငံတိုးတက်ရေးအတွက် အမိနိုင်ငံသို့ ပြန်လာကြရန် သမ္မတဦးသိန်းစိန်က ထပ်မံ ဖိတ်ခေါ်လိုက်သည်။
ယမန်နေ့ နံနက်ပိုင်းက နိုင်ငံတော်သမ္မတရုံးတွင် ကျင်းပသော နိုင်ငံတော် ဖွံ့ဖြိုးတိုးတက်ရေး၊ ဒေသဖွံ့ဖြိုးတိုးတက်ရေးများကို ပိုမိုထိရောက်စွာ ပြုပြင်ပြောင်းလဲ ကြိုးပမ်းဆောင်ရွက်ရေးဆိုင်ရာ လုပ်ငန်းညှိနှိုင်းအစည်းအဝေးတွင် သမ္မတဦးသိန်းစိန်က ထိုသို့ ထည့်သွင်းပြောကြားသွားခြင်း ဖြစ်သည်။

နိုင်ငံကြီးသား မပီသပေမယ့်စာသားလေးကိုတော့ သဘောကျတယ်

Tharr Kong Burma
ဒီနေ့ မနက် မဟာမြိုင်မှတ်တိုင်နားမှာ သင်တန်းသွားတက်ရင်း KMD နဲ့ မဟာမြိုင်မှတ်တိုင်ကြား လမ်းလယ်ခေါင် အုတ်ခုံမှာရေးထားတဲ့ စာတန်းလေးကိုတွေ့လို့ဓါတ်ပုံ ရိုက်လာတာပါ........ ဒီလုပ်ရပ်က နိုင်ငံကြီးသား မပီသပေမယ့် ရေးရဲတဲ့သတ္တိရယ် စာသားလေးကိုတော့ သဘောကျတယ်....... လက်ရှိမြန်မာပြည်မှာ ဖြစ်ပွားမှုအများဆုံး ပြသနာကို ပြည်သူတွေ ကိုယ်စား ရပ်တန့်ခိုင်းလိုက်တာပါ...... အမြန်ဆုံး ပြည်သူတွေအတွက် အကျိုးမရှိတဲ့အလုပ်တွေပြင်မှ ဒီလိုလုပ်ရပ်တွေမလုပ်တော့မှာပါ....... ပြည်သူတွေအတွက် အကျိုးမရှိတဲ့လုပ်ရပ်တွေ ချက်ချင်းရပ်တန့်ပေးပါ...........

ဝိုင်းနေတဲ့အထဲ စစ်ထောက်လှမ်းရေး တစ်ယောက် ပါနေ

Zaw Lwin Win Thursday Weekly Express Times ၏ သဘောထားထုတ်ပြန်ချက်ကို NLD သို့ပေးပို့ခြင်း ဆိုတာလေး ဒီနေ့မှ ဖတ်လိုက်ရပါတယ်။
မေလ ၈ ရက်၊ တနင်္လာနေ့ မနက် ၉ နာရီအချိန် မြန်မာနိုင်ငံကုန်သည်များ နဲ့ စက်မှုလက်မှုအသင်းချုပ် UMFCCI မှာကျင်းပတဲ့ ရွှေမင်းသားဖေါင်ဒေးရှင်းရဲ့ ၄ နှစ်ပြည့် အခမ်းအနားကို ဖိတ်ကြားချက်အရ ကျွန်တော်လည်း တက်ရောက်ခဲ့ပါတယ်။
ကျွန်တော် အပါအ၀င် သတင်းဓါတ်ပုံ သမားတွေဟာ အမေစု ၀င်လာကတည်းက ပရိသတ်တွေကို လုံးဝ ဂရုမပြုနိုင်လောက်အောင်ဘဲ အမေစုရှေ့ ၀ိုင်းပြီး သူ့ထက်ငါ ဦးအောင် ဓါတ်ပုံတွေရယူခဲ့ကြတာပါ။ အမေစုရှေ့ အားလုံး ၀ိုင်းနေတာ ဆယ်မိနစ်ကျော် ကြာလာတဲ့အခါ အခမ်းအနားမှူးက လိုအပ်တဲ့ ဓါတ်ပုံရယူပြီးရင် ရှေ့မှာ ပိတ်မနေဘဲ အခမ်းအနား အမြန်ကျင်းပနိုင်ရေးအတွက်ကူညီပေးပါလို့ အသံချဲ့စက်နဲ့ အော်ပြီး မေတ္တာရပ်ခံခဲ့ပါတယ်။
(ကျွန်တော်ကတော့ အမေစုရှေ့ကနေ ခွါပြီး စတိတ်စင်ပေါ်ကနေ ဆက်ရိုက်ခဲ့ပါတယ်။)
လုံခြုံရေး ၀န်ထမ်းတွေ အနေနဲ့ အခမ်းအနား အမြန်ကျင်းပနိုင်ရေး ကူညီခဲ့သလို အမေစု လုံခြုံရေးအတွက်လည်း ဘေးကနေ စောင့်ကြည့်နေခဲ့တာကို သေချာ မြင်ခဲ့ပါတယ်။
Weekly Express Times သတင်းထုတ်ပြန်ချက်မှာ ပါတဲ့ စာသားဖြစ်တဲ့ “ဟေ့ကောင် ဓာတ်ပုံမရိုက်နဲ့” ဆိုတဲ့စကားသံ လုံးဝ မကြားခဲ့ရဘဲ ကျွန်တော်ကို လာပြောသမျှ စကားသံ အားလုံးကတော့ မေတ္တာသံတွေနဲ့ ပြောသံသာ ကြားရပြီး စိတ်ထဲ လုံးဝ စိတ်ဆိုးစရာ မရှိခဲ့ပါဘူး။ ကျွန်တော့် စိတ်ထဲမှာလည်း ဓါတ်ပုံဆရာတွေ အနေနဲ့ အခုလို အနီးကပ်ပိတ်ပြီး ၀ိုင်းနေပုံဟာ နည်းနည်း လွန်တယ် နောက်က ပရိသတ်ကိုလည်း မလေးစားရာကျတယ် လို့ ထင်မြင်မိသလို အမေ့ လုံခြုံရေးအတွက်လည်း စိုးရိမ်မိတာ အမှန်ပါဘဲ။

ပရိုဖက်ရှင်နယ်လ် ကင်မရာမန်းတွေအနေနဲ့ ရှေ့မှာသာ လူတွေပိတ်မနေကြဘူးဆိုရင် အမေစုပုံ သတင်းဓါတ်ပုံ ယူနိုင်ဖို့အတွက် ငါပေခန့်အထိ ကပ်ပြီး ၀န်းနေဖို့ မလိုအပ်ပါဘူး။ ဆယ်ပေ ဆယ့်ငါးပေလောက်ကနေ အကောင်းဆုံးပုံတွေ လှမ်းရိုက်လို့ရနိုင်ပါတယ်။
အခုတော့ ၀ိုင်းနေတဲ့အထဲမှာ ဖုန်းကင်မရာလေးနဲ့ ရိုက်နေတဲ့သူလည်းပါသလို MP-4 နဲ့ ရိုက်နေတာလည်းတွေ့ခဲ့ရပါတယ်။ အားလုံးက သတင်းထောက် မဖြစ်နိုင်သလို ၀ိုင်းနေတဲ့အထဲ ကျွန်တော်နဲ့ မျက်မှန်းတမ်းမိတဲ့ စစ်ထောက်လှမ်းရေး တစ်ယောက် ပါနေတာလည်း သတိထားမိပါတယ်။
NLD က လုံခြုံရေးတာဝန်ယူနေတဲ့ သူတွေအနေနဲ့ လက်နှက်ကိုင်ပြီး လုံခြုံရေး တာဝန်ယူရသူတွေ မဟုတ်လေတော့ ဒီလို ၀ိုင်းနေတဲ့အချိန်မှာ အမေ့လုံခြုံရေးအတွက် စိုးရိမ်မယ်ဆို စိုးရိမ်စရာပါဘဲ။

ကျွန်တော်အခုလို ပြောတာဟာ ဘ၀တူ ဓါတ်ပုံဆရာတွေကို မစာနာဘဲ NLD ဖက်က လိုက်ပြီးပြောနေတယ်လို့ မထင်စေ့ချင်ပါဘူး။ ကျွန်တော်စိုး၇ိမ်တာက လူထုခေါင်းဆောင် အမေစု လုံခြုံရေးနဲ့ သတင်းထောက်တွေအနေနဲ့ စည်းကမ်းတကျ သတင်းယူနိုင်ဖို့ ဖြစ်ပါတယ်။
အမေစု ၀င်လာတယ် ဓါတ်ပုံဆရာ သုံးဆယ်လောက် ၀ိုင်းတယ်။ နောက်ကပရိသတ်ကို ဂရုမပြုကြဘူး။ မင်းကိုနိုင် တို့ ၀င်လာတယ် ၀ိုင်းကြပြန်တယ်။ သီတဂူ ဆရာတော် အရှင် ဥာဏိဿရလာ ၀င်လာပြန်တယ် အားလုံးဝိုင်းကြပြန်တယ်။ ဒီလိုပုံစံထက် စည်းကမ်းတကျ သတင်းယူတဲ့ပုံစံလေး ရှိဖို့ လိုအပ်လာပါပြီ။

ကျွန်တော့် အနေနဲ့ Weekly Express Times က ထုတ်ပြန်ကြေငြာထားတဲ့ စာပိုဒ်လေးထဲမှာ
“ဟုတ်ကဲ့ပါ . . .ကျွန်တော် ဒီတစ်ပုံလောက်ရိုက်ပါရစေ””ဟု ကိုဟိန်းကိုစိုးက ပြောကြားပြီးဓာတ်ပုံမှတ်တမ်းတင်ရန် ကြိုးပမ်းစဉ် ဦးကျော်စိုးနိုင်က ကင်မရာကိုင်သော လက်ကို ရိုက်ချလိုက်ပြီး ““မင်းကို ငါမရိုက်နဲ့လို့ ပြောတာနားမလည်ဘူးလား ဟေ့ကောင်””ဟု ဆိုကာ UMFCCI ရုံးချုပ်၏ အိမ်သာအတွင်းသို့ ခေါ်ဆောင်သွားပြီး သတင်းထောက်ကိုဟိန်းကိုစိုး၏ အင်္ကျီရင်ဘတ်ကို အကြိမ်ကြိမ်ဆွဲစောင့်ကာ ““မင်းတို့ မီဒီယာသမားတွေက ပိုက်ဆံရလို့ အလုပ်လုပ်နေတာ။ ငါတို့က ဘာစောက်တစ်ပြားမှမရဘဲ ထောင်အကျခံပြီး နိုင်ငံရေးလုပ်နေတာကွ။ ဘယ်ကောင့်ကိုမှ စောက်ဂရုမစိုက်ဘူးလို့ မင်းတို့အယ်ဒီတာတွေကိုပြောလိုက် . . . .+ - x -ံ့ သားရဲ့ . . . ””ဟု လက်ရောက်မှု ကျူးလွန်ကာဆဲရေး တိုင်းထွာစော်ကားပြောဆိုပါသည်။" ..လို့ ပါတယ်။

Weekly Express Times က ထုတ်ပြန်ကြေငြာထားတဲ့ အတိုင်းသာ မှန်ရင်တော့ ကျွန်တော်လည်း NLD လုံခြုံရေး တာဝန်ခံတွေကို ရှုံ့ချပါတယ်။ ကျွန်တော့်အနေနဲ့ ဖြစ်ခဲ့တာတွေကို တိတိကျကျ လုံးဝ မမြင်ခဲ့တာကတော့ အဲ့ဒီမှာ ရှိနေတဲ့ ကျွန်တော့်အနေနဲ့ ညံ့ဖျင်းမှုကြောင့် ဖြစ်နိုင်ပါလိမ့်မယ်။ ကျွန်တော့်ကိုတော့ အဲ့ဒီလို လုံးဝ တားဆီးခဲ့ခြင်း မရှိပါဘူး။ ဒါပေမယ့် သတင်းဓါတ်ပုံ ဆရာတွေအနေနဲ့ သတင်းဓါတ်ပုံ ရယူတဲ့နေရာမှာ အများကို လေးစားမှုပေးသင့်ပြီး စည်းကမ်းတကျလေး ဖြစ်သင့်တယ်လို့ မြင်ပါကြောင်း ထပ်ဆင့် ပြောကြားလိုပါတယ်။

လူငယ်တွေ အသုံးပြုမယ်ဆို အခန့်မသင့်ရင် သေနိုင်ပါတယ်။

အဂ္ဂမဟာ ဒီမိုဖက်တီး


ဒီလို ကြော်ငြာလို့ ရသားပဲ။ ကံစမ်းမဲတောင် ပေးမှာဆိုပဲ။ ဂျာနယ်ကြီးတစ်ခုမှာ ပါလာတဲ့ကြော်ငြာတစ်ခုကို တွေ့လို့တင်ပေးလိုက်ပါတယ်။
via Hein Htike Zan

Caverta® is Ranbaxy's brand of the most effective treatment for impotence or Erectile Dysfunction (ED) in men.

အမှန်တကယ် ဆိုရင် Prescription ဆရာဝန် ညွှန်ကြားမှ သောက်ရတဲ့ ကာမ
ပြည့်ဝဆေးကို လုံးဝ ကြေငှာခွင့် (ဂျာနယ် ၊ ဘီဘုတ် ၊ တီဗီ ၊ ဗီစီဒီ) မပေးထား
ပါဘူး။ ဥပဒေ အတိအကျရှိပါတယ် ..... ဥပဒေ စိုးမိုးမှုသာ မရှိတာပါ .....း))

ဒီလိုဆေးမျိုးကို လူငယ်တွေ အသုံးပြုမယ်ဆို အခန့်မသင့်ရင် သေနိုင်ပါတယ်။
Responsible and Law-abiding Media ??? မပြောတော့ပါဘူး ..... ဟဲ ဟဲ