Monday, June 18, 2012

Dr ကောင်းမြတ်ကျော်ဘာသာ ပြန်သည့်အမေစုနိုဘယ်လ်မိန့်ခွန်း

The Voice Weekly


နော်ဝေနိုင်ငံ အော်စလိုမြို့တွင်နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည် ပြောကြားခဲ့သော မိန့်ခွန်း ဘာသာပြန် စဆုံး

ဘုရင်မင်းမြတ်၊ တော်ဝင် အမျိုးအနွယ်ဝင်များ၊ အစိုးရအဖွဲ့ဝင်လူကြီးမင်းများ၊ နှင့် ဂုဏ်သရေရှိ နော်ဝေနိုင်ငံမှ နိုဘယ်ဆုပေးအပ်ရေး အဖွဲ့ဝင်များ လူကြီးမင်းများနှင့် မိတ်ဆွေသင်္ဂဟအပေါင်းတို့ရှင့်….

လွန်ခဲ့တဲ့ နှစ်တော်ကြာတုန်းက ဒါကတစ်ခါတစ်လေလည်း ဟိုးဘ၀ပေါင်းများစွာတုန်းကလို ထင်မိပါတယ်… ကျွန်မ အောက်စဖို့မှာ နေနေတုန်း Desert Island Discs လို့ခေါ်တဲ့ ရေဒီယို အစီအစဉ်လေးကို ကျွန်မရဲ့သားငယ် အလက်ဇန္ဒားနှင့် အတူတူ နားထောင်ခဲ့ဖူးတယ်။ ဒီရေဒီယိုအစီအစဉ်က တော်တော်လေး လူကြိုက်များပြီး ကျွန်မသိသလောက် အခုချိန်ထိ ဆက်လက်ထုတ်လွှင့် နေတယ်ဆိုပါတယ်။ ဒီအစီအစဉ်မှဆိုရင် လူတန်းစားပေါင်းစုံက ကျော်ကြားသူတွေကို ဖိတ်ကြားပြီး ဓါတ်ပြား ရှစ်ချပ်စာလောက် ဆွေးနွေး ပြောကြားကြတယ်။ ဒီအကြောင်းတွေကို ထုတ်ထားတဲ့ စာအုပ်ဟာဆိုရင် သမ္မာကျမ်းစာနှင့် ရှိတ်စပီယား ၀တ္ထုတွေလောက် ရောင်းအားသွက်ခဲ့ပါတယ်ပြီး လူသူအရောက်အပေါက်နည်းတဲ့ ကျွန်းမှာတစ်ယောက်တည်း ကျန်ခဲ့ရင်တောင် ကိုယ်နှင့်မကွာ ရှိနေစေချင်ကြတဲ့ အမြတ်တနိုးပစ္စည်း အသုံးအဆောင်လို့တောင် ဆိုကြပါတယ်။ ဒီအစီအစဉ်ကိုနားထောင်လို့ အပြီးမှာ သားလေးကကျွန်မကို မေမေ တစ်ချိန်ချိန်မှာ မေ့မေ့ကို Desert Island Discs မှာ ဒီလိုပြောခွင့် ရမယ်လို့ထင်လား လို့မေးပါတယ်။ ဘာလို့မရ မလဲ ဟုကျွန်မက ခပ်အေးအေးပဲ ပြန်ဖြေခဲ့ပါတယ်။ သားလေးက ဒီအစီအစဉ်တွေကို ယေဘုယျအားဖြင့် ထင်ပေါ်ကျော်ကြားတဲ့သူတွေပဲ ပါဝင်နိုင်တယ်ဆိုတာ သိရက်နှင့်ပင် ကျွန်မကို ဘာအတွက်ကြောင့် မေမေ့ကိုဖိတ်မယ်လို့ ထင်တာလဲလို့ ရိုးရိုးတန်းတန်းသိချင်တဲ့ သဘောနဲ့ ဆက်မေးခဲ့ပါတယ်။ ကျွန်မခဏလောက်စဉ်းစားလိုက်တယ် ပြီးမှ မေမေက စာပေဘက်မှာ နိုဘယ်ဆုရခဲ့ရင်ပေါ့ သားရယ်လို့ ပြောပြီး ကျွန်မတို့ ၂ ယောက်စလုံး ရယ်လိုက်ကြပါတယ်။ မှန်းချက်ကတော့ ဟုတ်နေတာပဲ ဒါပေမယ့်တကယ်ဖြစ်လာဖို့သာခက်တာပါ။

အခုတော့ကျွန်မဘာလို့ ဒီလိုဖြေခဲ့လဲဆိုတာ စဉ်းစားလို့ရပြီ အဲဒီအချိန်မတိုင်ခင်က နိုဘယ်ဆုရခဲ့တဲ့ စာအုပ်တစ်အုပ်ဖတ်ခဲ့လို့ ဖြစ်နိုင်သလို Desert Island ရဲ့ပင်တိုင်တွေဟာလည်း ကျော်ကြားတဲ့ စာရေးဆရာတွေ ဖြစ်လို့ပဲဖြစ်မှာပါ။

၁၉၈၉ တုန်းက ကျွန်မရဲ့ကွယ်လွန်သွားပြီဖြစ်တဲ့ ခင်ပွန်း မိုက်ကယ်အဲရစ်က ကျွန်မနေအိမ်တွင်း အကျဉ်းကျခံ နေရတုန်းလာတွေ့တယ်။ သူက ဂျွန်ဖန်နစ် လို့ခေါ်တဲ့ သူငယ်ချင်းတစ်ယောက်က ကျွန်မကို နိုဘယ်ငြိမ်းချမ်းရေးဆုအတွက် နာမည်ပေးသွင်းထားကြောင်း ပြောပါတယ်။ အဲ့ဒီအချိန်မှာလည်း ကျွန်မရယ်ခဲ့တယ်။ ခဏလောက်တော့ မိုက်ကယ်က အံ့သြသွားတယ်. နောက်မှ ကျွန်မဘာလို့ ရယ်တာလဲ ဆိုတာကို နားလည်သွားပါတယ်။ နိုဘယ်ဆုလေ မှန်းချက်ကသာဟုတ်နေတာလေ ဖြစ်လာဖို့ဆိုတာမှ မလွယ်တာ။ ဒါကြောင့် ကျွန်မတကယ် နိုဘယ်ဆုရတဲ့အခါ ကျွန်မဘယ်လို ခံစားရသလဲ။ ဒီမေးခွန်းက ကျွန်မကို ခဏခဏမေးဘူးတယ် ဒီအချိန်မှာတော့ နိုဘယ်ဆုဆိုတာ ကျွန်မအတွက်ဘာလဲ ငြိမ်းချမ်းရေးဆိုတာ ကျွန်မဘယ်လို အဓိပ္ပာယ်ဖော်လည်းဆိုတာ ကိုပြန်လည်သုံးသပ်ရမယ့် အသင့်တော်ဆုံးအချိန်ဖြစ်နေပါပြီ။

ကျွန်မ အင်တာဗျူးတော်တော်များများမှာ လည်းအကြိမ်ကြိမ်ပြောခဲ့ဘူးပါတယ်… တစ်ညနေမှာရေဒီယိုက ကျွန်မနိုဘယ် ငြိမ်းချမ်းရေးဆုရကြောင်းကြေငြာသွားတာကြားလိုက်ရတယ်။ ကျွန်မ မအံ့သြခဲ့ပါဘူး ဒီမတိုင်ခင် ရသတ္တပါတ်က ကျွန်မဟာ နိုဘယ်ဆုအတွက် စကာတင်ထဲမှာပါတယ်ဆိုတာကို ထုတ်လွှင့်မှုတွေမှာ ဖော်ပြတာကိုကြားခဲ့ရပါတယ်။ အခု ဒီမိန့်ခွန်းတွေအတွက် စာကြမ်းစီနေတုန်းမှာပဲ ကျွန်မ ဆုကိုကြေငြာလိုက် တဲ့အချိန်ပြီးပြီးချင်း ဘယ်လိုဖြစ်သွားလည်းဆိုတာကို ကြိုးကြိုးစားစား တွေးခဲ့ပါသေးတယ်။ ကျွန်မသိပ် မသေချာဘူးလို့ထင်တယ် သြော်သူတို့တွေ ငါ့ကိုဒီဆုပေးဖို့ ဆုံးဖြတ် လိုက်တာကိုဆိုတာမျိုးလောက်ပဲ။ ဒါကလည်း သိပ်ပြီး တကယ်မဟုတ်သလိုပဲ ဘာလို့လည်းဆိုတော့ ကျွန်မကိုယ်တိုင်ကိုယ်က သိပ်ပြီး လက်တွေ့မဆန်သလို၊ တကယ်မဟုတ်သလို ခံစားခဲ့ရပါတယ်။

ကျွန်မနေအိမ်အကျယ်ချုပ်နှင့် နေရစဉ်က မကြာခဏဆိုသလို ကိုယ့်ကိုယ်ကို တကယ့် လောကကြီးနဲ့ တစ်ဆက်တည်း နေရတာမဟုတ်သလို ခံစားရတယ်။ အိမ်ကပဲကျွန်မ ရဲ့ကမ္ဘာ။ တခြားသူတွေရဲ့ မလွတ်လပ်တဲ့ ကမ္ဘာလည်း ရှိသေးတယ် ဒါပေမယ့်သူတို့ဟာ ထောင်ထဲမှာ လူအဖွဲ့အစည်းလေး တစ်ခုအနေနှင့် ရှိကြတယ်။ နောက်ပြီး လွတ်လပ်တဲ့ ကမ္ဘာဆိုတာလည်း ရှိသေးတယ်။ ဒီကမ္ဘာတွေက သူ့လမ်းကြောင်းနဲ့သူ သီးခြားစကြ၀ဠာမှာ လည်ပတ်နေသလိုပဲ။ နိုဘယ်ငြိမ်းချမ်းရေးဆုက ကျွန်မကို ကျွန်မနေတဲ့ သီးခြား ကမ္ဘာလေးထဲကနေ တစ်ဖန်ပြန်ပြီး တခြားလူသားတွေနေတဲ့ နေရာကို ပြန်ဆွဲထုတ် ပေးလိုက်သလိုပဲ၊ ပိုပြီး စစ်မှန်တဲ့ တကယ့်လက်တွေ့ ဘ၀ထဲကို ပြန်ထည့်ပေးလိုက်သလို ခံစားရပါတယ်။ ဒါကလည်း ချက်ခြင်းကြီးဖြစ်လာတာတော့ မဟုတ်သေးပါဘူး၊ ဖြတ်သန်းခဲ့ရတဲ့ နေ့လရက်အချိန်တွေ လေလှိုင်းကြားကနေ ဖြတ်လာကြတဲ့ ဒီဆုကို တုန့်ပြန်မှု သတင်းတွေနှင့် ဒီနိုဘယ်ဆုရဲ့ အရေးပါပုံကို ကျွန်မနားလည်လာ ရပါတယ်။ ဒီဆုဟာကျွန်မကို မြန်မာနိုင်ငံရဲ့ ဒီမိုကရေစီ နှင့်လူ့အခွင့်အရေး အတွက် လှုပ်ရှား ရုန်းကန်ရာမှာ ကမ္ဘာရဲ့ အာရုံစိုက်မှုကို ရစေပါတယ်။ ကျွန်မတို့ကို မေ့မသွားကြပါဘူး။

မေ့သွားကြမယ်ဆိုရင။် ပြင်သစ်လူမျိုးတွေပြောတာက ခွဲခြားထားခြင်းဟာ နည်းနည်းခြင်း သေဆုံးဖို့တဲ့။ အမေ့ခံရတယ်ဆိုတာကိုယ်တိုင်ကိုက နည်းနည်းလေး သေဆုံးပျက်စီးကြစေပဲတဲ့။ ဒီလိုသာဖြစ်မယ်ဆိုရင် ကျွန်မတို့ကိုတွယ်ဆက်ထားတဲ့ လူ့အဖွဲ့အစည်းရဲ့ ကျန်တဲ့အပိုင်းတွေနဲ့ တွယ်ဆက်ထားတဲ့နေရာ အချို့ ပြတ်တောက်သွားမှာဖြစ်ပါတယ်။ ကျွန်မ ထိုင်းမှာ မြန်မာရွှေ့ပြောင်းအလုပ်သမားတွေနှင့် ဒုက္ခသည်တွေ ဆီကို မကြာသေးမီကမှ သွားရောက်တွေ့ဆုံခဲ့ပါတယ် အဲ့ဒီမှာလူအများက ကျွန်တော်တို့ကို မေ့မထားပါနဲ့ လို့အော်ကြတယ်။ သူတို့ဆိုလိုတာက သူတို့ရဲ့ ဒုက္ခတွေကို မေ့မထားပါနဲ့၊ သူတို့ကိုကူညီနိုင်တဲ့ကိစ္စတွေကို မေ့မထားပါနဲ့၊ ကျွန်တော်တို့ကလည်း ခင်ဗျားတို့နဲ့ တစ်ကမ္ဘာတည်းနေနေတာပါဆိုတာမေ့မထားပါနဲ့ပေါ့။ နိုဘယ်ဆုရွေးချယ်ရေး ကော်မတီက ကျွန်မကို နိုဘယ်ငြိမ်းချမ်းရေးဆု ပေးအပ်လိုက်တဲ့အခါ ကမ္ဘာက ဖိနှိပ်ခံ၊ သီးသန့်နေထိုင်နေကြတဲ့မြန်မာလူမျိုးတွေကလည်း ဒီကမ္ဘာမြေရဲ့ တစ်စိတ်တပိုင်းပါလား ဆိုတာကိုသတိပြုမိလာကြတယ်။ လူသားတွေအားလုံး အတွက်တစ်ခုတည်းဖြစ်တဲ့ လူသားချင်း စားနာထောက် ထားရမှာတွေကို သတိပြုမိလာကြတယ်။ ဒါကြောင့်ကျွန်မအတွက် နိုဘယ်ငြိမ်းချမ်းရေး ဆုရခြင်းဟာ ကျွန်မရဲ့ ဒီမိုကရေစီနှင့် လူ့အခွင့်အရေးလှုပ်ရှားမှုတွေကို မြန်မာနိုင်ငံရဲ့ တစ်ခုတည်း အတွက် မဟုတ်ပဲနိုင်ငံရဲ့ နယ်နိမိတ်ကို ကျော်လွန် ထွက်သွားစေပါတယ်။ ဒီဆုဟာ ကျွန်မ နှလုံးသား တံခါးကို ပွင့်သွားစေပါတယ်။

မြန်မာတွေရဲ့ ငြိမ်းချမ်းရေးနှင့် ပတ်သက်လို့ ခံယူချက်ကတော့ ဘေးဒုက္ခတွေနဲ့ မကောင်းမှုတွေကနေ ရပ်တန့်သွားတဲ့ အတွက်ကြောင့် ဖြစ်ပေါ်လာတဲ့ ပျော်ရွှင်မှုခံစားချက်လို့ ဆိုပါတယ်။ ငြိမ်းချမ်းဆိုတဲ့ စကားနှစ်လုံးကပဲ တိုက်ရိုက်ဘာသာပြန်ရင် မီးငြိမ်းသွားတဲ့အခါမှာ ဖြစ်တဲ့ ကောင်းမွန်တဲ့အေးချမ်းမှုလို့ ဆိုပါတယ်။ ဆင်းရဲတဲ့ခံစားမှုနှင့် အကြမ်းဖက်မှုကြောင့် ဖြစ်လာတဲ့မီးတွေဟာ ကမ္ဘာမှာ တဟုန်းဟုန်းတောက် လောင်နေပါတယ်။ ကျွန်မရဲ့ နိုင်ငံအတွင်းမှာရော မြောက်ဖက်ပိုင်းက ရန်မီးတွေကလည်း မငြိမ်းသေးသလို အနောက်ဘက်မှာလည်း အကြမ်းဖက်မှုတွေကြောင့် မီးရှို့ဖျက်စီးမှုတွေ၊ လူသတ်မှုတွေ ဟာလည်း ကျွန်မဒီခရီးမထွက်ခင် ရက်အနည်းငယ် အတွင်းကမှ ပေါ်ပေါက်လာခဲ့ပါတယ်။ ကမ္ဘာမြေရဲ့ အခြားနေရာက ရက်စက်မှုတွေရဲ့သတင်း တွေလည်း အများကြီးရှိပါတယ်။ ငတ်ပြတ်မှုသတင်းတွေ၊ ရောဂါဘယတွေ၊ တိုက်ခိုက်အနိုင်ယူတာတွေ၊ အလုပ်လက်မဲ့တွေ၊ ဆင်းရဲမွဲတေမှုတွေ၊ တရားမမျှတမှုတွေ၊ ခွဲခြားဆက်ဆံ ခံရတာတွေ၊ အယူဝါဒအစွဲတွေ၊ ကိုယ့်အယူဝါဒနဲ့မတူရင် နှိပ်ကွပ်တာတွေ ဟာဆိုရင် နေ့စဉ်တွေ့နေရပါတယ်။ နေရာတိုင်းမှာ ငြိမ်းချမ်းမှုကို တိုက်စားပစ်တဲ့ အဖျက်အမှောင့် အင်အားတွေ ဆိုတာရှိပါတယ်။ နေရာတိုင်းမှာ ကမ္ဘာကြီး ပျော်ပျော်ရွှင်ရွှင်နဲ့ စည်းချက်ညီညီ ဖွံ့ဖြိုးဖို့ထိမ်းသိမ်းရန်လိုအပ်တဲ့ ပစ္စည်းနဲ့ လူ့စွမ်းအားအရင်း အမြစ်တွေ အလဟသတ်ဆုံးရှုံးနေတယ်ဆိုတာ တွေ့နိုင်ပါတယ်။

ပထမကမ္ဘာစစ်ဟာဆိုရင် ကမ္ဘာမြေအတွက် ကောင်းတဲ့အင်အားတွေဖြစ်စေမယ့် လူငယ်တွေနဲ့ သူတို့ရဲ့ အလားအလာတွေ ဆိုးဝါးစွား ပျက်စီးဆုံးရှုံးခဲ့ရတဲ့ သာဓကတစ်ခုဖြစ်ပါတယ်။ အဲ့ဒီခေတ်က ကဗျာတွေဟာ ဆိုရင် ကျွန်မအတွက် အထူးပဲ အရေးပါလှပါတယ်။ ဘာဖြစ်လို့လဲဆိုတော့ ကျွန်မစဖတ်တဲ့ အချိန်ဟာဆိုရင် ဒီလို ပွင့်ခါနီးမှာ အညွန့်ချိုးခံလိုက်ရတဲ့ လူငယ်တွေ အရွယ်မို့ပါ။ ပြင်သစ်တပ်တွေနဲ့အတူတိုက်နေရတဲ့ အမေရိကန် လူငယ်လေးတစ်ယောက်ဆိုရင် ၁၉၁၆ တိုက်ပွဲမှာမကျခင် ဒီလိုရေးသားခဲ့ပါတယ် `အငြင်းပွားဖွယ်ရာ ရှေ့တန်းစစ်မျက်နှာ အချို့မှာ´ `ဒဏ်ရာများနဲ့ပြည့်နှက်နေတဲ့ စစ်မျက်နှာပြင် တောင်စောင်းတွေမှာ´ `မီးတွေတဟုန်းဟုန်း တောက်နေတဲ့ မြို့ကြီးတွေဆီမှာ´။ လူငယ်တွေနှင့် ချစ်ခြင်းမေတ္တာနှင့် ဘ၀တွေဟာဆိုရင် အေးစက်တဲ့ အဓိပ္ပာယ်မဲ့ လုပ်ရပ်တွေ အောက်မှာ မထင်မရှား၊ လူမသိ ထာဝရ တိမ်မြုပ်ခဲ့ရတယ်။ ဘာအတွက်လည်း။ ၁၀ စုနှစ်တစ်ခုသာ ကုန်ခဲ့တယ် ကျေနပ်တဲ့ အဖြေမျိုး မရသေးပါဘူး။

ကျွန်မတို့ရဲ့ လူ့ဘောင်ကြီးနှင့် အနာဂတ်ကို အကြမ်းဖက်မှုတွေ၊ မတည်ငြိမ်မှုတွေ၊ မရေရာမှုတွေ ကနည်းအောင်မလုပ်နိုင်ရင် ကိုယ့်ကိုယ်ကို အပြစ်ရှိတယ်လို့မခံစားရဘူးလား။ စစ်ဆိုတာ ငြိမ်းချမ်းရေး အသတ်ခံလိုက်ရတဲ့ ကြိုးဝိုင်းတစ်ခုပါပဲ။ ဘယ်လိုပဲ ဒီဒုက္ခ သုက္ခတွေ လျစ်လျူရှုခံရပါစေ ဒီလိုခံရတာတွေအတွက် အငြင်းပွားမှုတွေ၊ ခွဲခြားခံရတယ်လို့မြင်လာတာတွေ၊ မတရားခံရမှုအတွက် ဖြစ်ပေါ်လာတဲ့ မကျေနပ်ချက်တွေ၊ ဒေါသတွေ ကတော့ တစ်ချိန်ချိန်မှာ အညောင့်ပေါက်လာကြမှာပါ။

အကျယ်ချုပ် နေလိုက်ရတဲ့ ကောင်းတဲ့အချက်တစ်ခုကတော့ ကျွန်မဘ၀မှာ သိလာ ခံယူလာတဲ့အမြင်တွေ၊ နဲ့စကားလုံးတွေရဲ့ အဓိပ္ပာယ်ကို ကောင်းကောင်းတွေးဆဖို့ အချိန်အလုံ အလောက်ရခဲ့တာပါပဲ။ ဗုဒ္ဓဘာသာဝင် တစ်ယောက်အနေနဲ့ ဒုက္ခဆိုတဲ့ စကားလုံးကို ငယ်ငယ်တည်းက ရင်းနှီးခဲ့ပါတယ် ယေဘုယျဒုက္ခဆိုတာ ခံစားရခြင်းလို့ ဘာသာပြန်နိုင်ပါတယ်။ နေ့တိုင်းလိုလို ကျွန်မနားက လူကြီးတွေနဲ့ တစ်ချို့သိပ်မကြီးသေးတဲ့ သူတွေပါ သူတို့နည်းနည်း နာတာကျင်တာခံစားရတဲ့ အခါမှာဖြစ်ဖြစ်၊ အသေးအဖွဲ စိတ်ညစ်စရာလေးတွေ ကြုံရင်ပဲဖြစ်ဖြစ် ဒုက္ခ ဒုက္ခ ဆိုပြီး ညည်းနေကြတယ်။ ဒါပေမယ့် ကျွန်မ နေအိမ် အကျယ်ချုပ်နဲ့ နေရတဲ့အချိန်မှာမှာ ဒုက္ခဆင်းရဲခြောက်မျိုး အကြောင်းကို သေချာလေ့လာခွင့်ရခဲ့တာပါ။ ပဋိသန္ဓေနေရခြင်း၊ အိုရခြင်း၊ နာရခြင်း၊ သေရခြင်း၊ ချစ်ခင်သူနှင့်ခွဲခွာရခြင်း၊ မချစ်ခင်သူနဲ့ အတူတကွနေရခြင်း တို့ဖြစ်ပါတယ်။ ကျွန်မဟာ ဒီခြောက်ချက်ကို နေ့စဉ်ဘ၀မှာ ဘာသာရေးအမြင်နဲ့မဟုတ်ပဲ လောကီအမြင်နဲ့ လေ့လာပါတယ်။ ဒီဒုက္ခတွေဟာ ကျွန်မတို့ ရဲ့ဘ၀မှာ ရှောင်လို့မရနိုင်ရင်၊ လက်တွေ့ကျကျ လျော့နည်းနိုင်သမျှ နည်းအောင်လုပ်ရမယ်။ ကိုယ်ဝန်ဆောင်စဉ်နဲ့ မွေးပြီးချိန်မှာ မိခင်နှင့်ကလေး စောင့်ရှောက်မှုအတွက် အစီအစဉ်တွေကိုပိုပြီး ထိထိရောက်ရောက် ဖြစ်အောင်လုပ်ပေးရမယ်၊ သက်ကြီးရွယ်အိုတွေ အတွက် လိုအပ်တဲ့ ၀န်ဆောင်မှုတွေကိုပေးနိုင်ရမယ်၊ ကျန်းမာရေးအခြေခံစောင့်ရှောက်မှု တွေ၊ မေတ္တာစေတနာနှင့်သုနာပြုစုမှုတွေ၊ နောက်ဆုံးနေ၀င်ချိန်မှာ စောင့်ရှောက်မှုပေးတဲ့ လုပ်ငန်းတွေကို ကောင်းကောင်း ဖြည့်ဆည်းပေးရမယ်။ နောက်ကကျန်တဲ့ ချစ်သောသူနှင့် ကွေကွင်းရခြင်း မချစ်မနှစ်သက်သူနှင့် အတူနေရခြင်းဆိုတဲ့ဒုက္ခ နှစ်မျိုးကို ကျွန်မပိုပြီး စိတ်ဝင်စား အလေးပေးမိပါတယ်။ ကျွန်မတို့ရဲ့ ဗုဒ္ဓဘုရားရှင်ဟာသူကိုယ်တိုင် ဘာလို့ဒီနှစ်မျိုးကို သူဘာတွေ ကြုံတွေ့ခဲ့ဘူးလုိ့ ဒုက္ခထဲမှာ ထည့်ခဲ့တာပါလိမ့်။ ကျွန်မကတော့ အကျဉ်းသားတွေ၊ ဒုက္ခသည်တွေ၊ ရွေ့ပြောင်း အလုပ်သမားတွေ၊ လူကုန်ကူးခံရတာ သူတွေဟာဆိုရင် အစုလိုက်အပြုံလိုက်ကို သူတုိ့ရဲ့နေရာဒေသ၊ အိမ်တွေ၊ မိသားစုတွေ၊ မိတ်ဆွေ သူငယ်ချင်းတွေဆီ ကနေပြီး လိုလိုလားလားမရှိတဲ့ တစိမ်းတရံစာ ကြားတွေထဲမှာနေဖို့ ဆွဲနှုတ်ပြောင်းရွေ့ ခံခဲ့ရသလိုပါပဲ။

ကျွန်မတို့ဟာ လူ့အခွင့်အရေးအပြည့်နှင့် အထောက်အကူ ကောင်းကောင်းနှင့် အသက်အရွယ် ကြီးသည်အထိ မိမိတို့ဆန္ဒအလျောက် ဒါမှမဟုတ် လိုအပ်ချက်အလျောက် နေရနေရမယ်ဆိုရင်ကံကောင်းပါတယ်။ ကျွန်မဟာလည်း ဒီအသက်အရွယ်ထိ ဒီလိုအကျဉ်းသားတွေရဲ့ အရေးကို နေရာတိုင်းမှာ လူတိုင်းစိတ်ဝင်စား တဲ့အချိန်၊ ဒီမိုကရေစီနှင့် လူ့အခွင့်အရေးတွေကို တစ်ကမ္ဘာလုံး မဟုတ်တောင် တော်တော်များများက လူတိုင်းရဲ့ မွေးရာပါ အခွင့်အရေးဆိုပြီး လက်ခံလာတဲ့ အချိန်ထိနေရတာ ကံကောင်းပါတယ်။

နေအိမ်အကျဉ်းကျနေတဲ့ အချိန်တော်တော်များများမှာ ကျွန်မဟာ လူအခွင့်အရေး ကြေငြာစာတမ်းက အကြိုက်ဆုံး စာပိုဒ်တွေကနေပြီးတော့ အားအင်တွေ မွေးယူခဲ့ရပါတယ်။

……….လူသားတွေ ရသင့်တဲ့အခွင့်အရေးကို မရတာ မျက်ကွယ်ပြုတာဟာ ဆိုရင် ရိုင်းစိုင်းပြီး လူမဆန်တဲ့ အပြုအမူမျိုးဖြစ်ပါတယ်။ လူသားတိုင်း လွတ်လပ်စွာ ပြောဆိုယုံကြည်ခွင့်တွေရလာမယ့် အချိန်၊ အကြောက်တရားတွေ ကင်းပြီး လူသားတိုင်း ရသင့်တဲ့အမြင့်ဆုံးအခွင့်အရေးတွေ လိုအပ်ချက်တွေကို ရလာမယ့်အချိန်………

…… လူသားတွေဟာ အနန္တရာယ်ရှိတဲ့ အလုပ်မျိုးကို အဓမ္မ ခိုင်းစေခံရတာမျိုးကို ကြံရာမရလို့ဖြစ်စေ၊ အာဏာသုံး၍ မတရားခိုင်းစေတာမျိုး၊ ဖိနှိပ်တာမျိုး မဖြစ်အောင် လူ့အခွင့်အရေးကို တရားဥပဒေနဲ့ ကာကွယ်သင့် ပါတယ်….

ကျွန်မကို မြန်မာနိုင်ငံမှာ လူအခွင့်အရေး လှုပ်ရှားမှုတွေဘာကြောင့် လုပ်နေရသလဲလို့ မေးလာရင် အပေါ်က စာပိုဒ်တွေဟာအဖြေပါပဲ။ ဘာဖြစ်လို့လဲဆိုတော့ ကျွန်မကဒီမိုကရေစီဆန်တဲ့ အဖွဲအစည်းနှင့် လုပ်ဆောင်မှုတွေဟာ လူ့အခွင့်အရေးကို အာမခံချက်ပေးဖို့အတွက်လိုအပ်တယ်ဆိုတာကိုယုံတယ်။

ပြီးခဲ့တဲ့နှစ်တွေကဆိုရင် မြန်မာနိုင်ငံက ဒီမိုကရေစီနှင့် လူ့အခွင့်အရေးတွေဟာ ယုံကြည်သူတွေ အတွက်ဆိုရင် စတင်ပြီး အသီးအပွင့်တွေခံစားရမယ့် လက္ခဏာမျိုးတွေ့လာရပါပြီ။ ကောင်းတဲ့ဘက်ကို ပြောင်းလဲမှုမျိုးကိုမြင်နေ ရပြီ၊ ဒီမိုကရေစီစနစ်ဖြစ်ဖို့အတွက် ခြေလှမ်းတွေစတင်နေပြီလို့မြင်နိုင်ပါတယ်။ ဒါပေမယ့် ကျွန်မ ဟာသတိကြီးကြီးနဲ့ အကောင်းအမြင် ၀ါဒကို လုပ်ဆောင်နေတယ် ပြောလို့ရပါတယ် ဒါဟာ ကျွန်မ နောက်အနာဂါတ်ကို မယုံလို့မဟုတ်ပါဘူး ဒါဟာကျွန်မ မျက်ကန်းမြင် ယုံကြည်မှုမျိုး မဖြစ်စေချင်လို့ သတိကြီးကြီးနဲ့ လုပ်ဆောင်နေတာပါ။ အနာဂါတ်ကို မယုံပဲနှင့်၊ ဒီမိုကရေစီ စံနှုန်းတွေအပေါ် ခိုင်မာတဲ့ ယုံကြည်ချက်မျိုးမရှိပဲနှင့် လူအခွင့်အရေး အခြေခံအချက်တွေဟာ ကျွန်မတို့လူ့အဖွဲ့အစည်းမှာ တကယ်လိုအပ်တာမက ဖြစ်နိုင်ခြေတယ် ဆိုတာမျိုးပါ မယုံပဲနှင့် ကျွန်မတို့လှုပ်ရှားမှု ဟာဒီလို ခက်ခဲကြမ်းတမ်း တဲ့နှစ်တွေမှာ ကြံ့ကြံ့ခံတည်တံ့ လာဖို့မလွယ်ပါဘူး။ တချို့တချို့သောကျွန်မတို့ရဲ့ ရဲဘော်ရဲဘက်တွေ သူတို့ရဲ့ရပ်တည်ချက်တွေကနေ ပြိုလဲခဲ့တယ်၊ ကျွန်မတို့ကိုစွန့်ခွာခဲ့တယ်၊ တကယ့်ကို စိတ်ဓါတ်ခိုင်မာတဲ့ အမာခံတွေပဲ ရဲရဲဝံ့ဝံ့ ယုံယုံကြည်ကြည်နှင့် ကျန်ခဲ့ပါတယ်။ ကုန်ခဲ့တဲ့နှစ်တွေကိုပြန်ကြည့်မယ်ဆိုရင် ဒီလိုခက်ခက်ခဲခဲ ကျိုးစားလုပ်ဆောင်ရတဲ့ အချိန်တွေမှာ သစ္စာရှိရှိ ကျန်ခဲ့တဲ့သူတွေ တော်တော်များတယ် ဆိုတာကျွန်မ အံ့သြမိတယ်။ ကျွန်မတို့ရဲ့လမ်းကြောင်းအပေါ် သူတို့က မျက်ကန်းယုံတာမျိုး မဟုတ်ဖူး၊ သေချာမျက်လုံးဖွင့် လေ့လာပြီး၊ သူတို့ကိုယ်ပိုင်စွမ်းအားနဲ့ ကြံ့ကြံ့ခံပြီးမှ ကျွန်မတို့ပြည်သူတွေရဲ့ စိတ်အားထက်သန်မှုကို လေးစားတဲ့အနေနှင့် ကျန်ခဲ့တာပါ။

အခုကျွန်မ ရှင်တို့နဲ့ စကားပြောနေနိုင်တာကလဲ ကျွန်မတို့နိုင်ငံရဲ့မကြာခင်ကပြောင်လဲခဲ့မှုတွေကြောင့်ပါ။ ဒီပြောင်းလဲမှု တွေကလည်း သင်တုိ့ကြောင့်နှင့် တခြားသော လွတ်လပ်ရေးနှင့် တရားဥပဒေကို မြတ်နိုးသူတွေ ကနေပြီးတော့ ကျွန်မတို့အခြေအနေကို တစ်ကမ္ဘာလုံး သတိထား မိလာအောင် လုပ်ဆောင်နိုင်မှု တို့ကြောင့်ပါပဲ။

ကျွန်မနိုင်ငံ အကြောင်းဆက်မပြောခင် ယုံကြည်ချက်ကြောင့်အကျဉ်းကျခံနေရတဲ့ အကျဉ်းသားတွေကိစ္စ နည်းနည်းပြောချင်ပါတယ် ဒီလိုအကျဉ်းသားတွေ မြန်မာနိုင်ငံမှာရှိနေသေးပါတယ်။ လူသိများတဲ့ ယုံကြည်ချက်အကျဉ်းသားတွေ လွတ်လာသော်လည်း လူသိမများတဲ့ သူတွေကျန်ပါသေးတယ် သူတို့အမေ့ခံ နေရမှာကို ကြောက်မိပါတယ်။ ကျွန်မဟာအခုဒီမှာရပ်နေရတာဟာလည်း တစ်ချိန်က ကျွန်မကိုယ်တိုင် ယုံကြည်ချက် အကျဉ်းသား တစ်ယောက်ပါ။ ကျွန်မကိုကြည့်နေတုန်း ကျွန်မပြောတာ နားထောင်နေတုန်း မှာ ယုံကြည်ချက်အကျဉ်းသားဟာ တစ်ယောက်ပင်ဖြစ်ပါစေ များလွန်းတယ်ဆိုတဲ့ ဘယ်အခါမှမပြောင်းလဲတဲ့ အမှန်တရားကို သတိရကြပါ။ ကျွန်မတို့နိုင်ငံမှာ မလွတ်ကြသေးတဲ့သူတွေ၊ တရားဥပဒေ စိုးမိုးမှုမခံရသေးတဲ့ သူတွေဟာ တစ်ယောက်မက များပါတယ်။ ကျေးဇူးပြု၍ သူတို့ကိုမမေ့ပါနှင့်၊ သူတို့ကိုမြန်မြန်နှင့် ချွင်းချက်မရှိ လွတ်ပေးနိုင်ရန် သက်ရောက်စေမဲ့ မည်သည့်လုပ်ရပ်ကို မဆိုလုပ်ဆောင်ပေးကြပါ။

မြန်မာနိုင်ငံဟာ တိုင်းရင်းသားလူမျိုးပေါင်းစုံနှင့် ဖွဲ့စည်းထားတာဖြစ်ပါတယ် နိုင်ငံရဲ့ အနာဂါတ်ကို ယုံကြည်စွာနဲ့ တည်ဆောက်ဖို့ရန် တစ်ခုတည်းသောအရာမှာ စစ်မှန်တဲ့ပြည်ထောင်စုစိတ်ဓါတ်ဖြစ်ပါတယ်။ ၁၉၄၈ ခုနှစ်ထဲက လွတ်လပ်ရေးရခဲ့တယ်ဆိုပေမယ့် တစ်နိုင်ငံလုံးအေးချမ်းတည်ငြိမ်မှုရှိခဲ့တယ်ဆိုတဲ့ အချိန်မျိုးမရှိခဲ့ပါဘူး။ ပြသနာတွေရဲ့အရင်းမြစ်ကို ဖြေရှင်းနိုင်ဖို့ လိုအပ်တဲ့ယုံကြည်မှုနှင့် နားလည်းမှုကို မတည်ဆောက်နိုင်ခဲ့ပါဘူး.။ ၁၉၉၀ မှ ၂၀၁၀ ကြားအပစ်အခတ်ရပ်ဆဲရေးကြောင့် တောက်ပလာတဲ့ မျော်လင့်ချက်တွေဟာ ဆိုရင် ပြီးခဲ့တဲ့ လတွေက ဖြစ်ရပ်တွေကြောင့် ပြိုလဲခဲ့ရပါတယ်။ တစ်ချက်တည်းသော မဆင်မခြင် လုပ်ရပ်တွေဟာဆိုရင် နှစ်ပေါင်းများစွာ တည်ဆောက်လာတဲ့ အပစ်အခတ်ရပ်စဲရေး ကိုတစ်ခါတည်း ရပ်တန့်သွားနိုင်ပါတယ်။ ပြီးခဲ့တဲ့လတွေကဆိုရင် တိုင်းရင်းသား လက်နက်ကိုင်တွေနဲ့ အစိုးရကြားမှာ တွေ့ဆုံဆွေးနွေးမှုတွေ တိုးတက်အောင်မြင်တာကို တွေ့ရပါတယ်။ ကျွန်မယုံကြည်တာက အပစ်အခတ်ရပ်စဲရေး သဘောတူညီမှုတွေ ဟာ လူတွေရဲ့ လိုလားချက်နဲ့ ပြည်ထောင်စု စိတ်ဓါတ်အပေါ်မှာ မူတည်ပြီး နိုင်ငံရေး တည်ငြိမ်မှုတွေကို ဖြစ်ပေါ်စေမှာပါ။

ကျွန်မရဲ့ပါတီဖြစ်တဲ့ အမျိုးသားဒီမိုကရေစီအဖွဲ့ချုပ်နှင့် ကျွန်မဟာ တိုင်းရင်းသား ပြန်လည် သွေးစည်းညီညွတ်ဖို့ အတွက် ကျရာကဏ္ဍမှ ပါဝင်ရန် အသင့်ရှိပါတယ်။ ပြန်လည်သင့်မြတ်ရေး လှုပ်ရှားမှုများဟာဆိုရင် သမ္မတကြီး ဦးသိန်းစိန် အစိုးရရဲ့စတင်ပေးခဲ့ပြီး အမြဲတမ်း အကောင်အထည်ပေါ် ခိုင်မြဲနေစေဖုိ့ကတော့ ပြည်တွင်းမှာရှိတဲ့ အဖွဲ့အစည်းတွေဖြစ်တဲ့ တပ်မတော်၊ တိုင်းရင်းသားအဖွဲ့အစည်း၊ နိုင်ငံရေးပါတီ၊ မီဒီယာတွေ၊ လူမှုအဖွဲ့အစည်းတွေ၊ စီးပွားရေးအဖွဲ့အစည်းတွေ နှင့် အရေးအကြီးဆုံးဖြစ်တဲ့ ပြည်သူတစ်ရပ်လုံးက ပါးပါးနပ်နပ် ပါဝင် ဆောင်ရွက်ကြဖို့လိုပါတယ်။

ပြည်သူတွေရဲ့ ဘ၀တွေတိုးတက်မှုရှိတယ်ဆိုမှ ပြန်လည်သင့်မြတ်ပေါင်းစည်းတာအောင်မြင်တယ် လို့ ကျွန်မတို့ ဆိုနိုင်ပါလိမ့်မယ်၊ ဒီနေရာမှာ နိုင်ငံတကာအဖွဲ့အစည်းတွေရဲ့ အခန်းကဏ္ဍကလည်း အရေးကြီးပါတယ်။ ဖွံ့ဖြိုးမှုနှင့် လူသားခြင်းစာနာထောက်ထားသောကူညီမှုများ၊ နှစ်ဦးနှစ်ဖက် သဘောတူညီမှုများနှင့် ရင်းနှီးမြုပ်နှံမှုများကိုလည်း ပူးပေါင်း ဆောင်ရွက်ပေးပြီး၊ လူမှုဘ၀တိုးတက်စေရန်၊ နိုင်ငံရေးနှင့် စီးပွားရေး တိုးတက်မှု ဘက်ညီ၍ ရေရှည်ဖြစ်စေရန် အမြဲတိုင်းတာ စောင့်ကြည့်ထိန်း သိမ်းပေးဖို့လည်းလိုပါသည်။ ကျွန်မတို့ နိုင်ငံဟာ အလားအလာ အလွန်ကောင်းတဲ့ နိုင်ငံဖြစ်တယ်။ ဒီအလားအလာကို ဖော်ထုတ်ပြီး တိုးတက်အောင် လုပ်ယူပြီး တိုးတက်တဲ့နိုင်ငံဖြစ်ယုံသာမက လူအခွင့်အရေး ပြည့်ဝတဲ့နိုင်ငံ ကျွန်မတို့ပြည်သူလူထု ငြိမ်းငြိမ်းချမ်းချမ်း၊ လွတ်လွတ်လပ်လပ်နှင့် လုံခြုံမှုရှိတဲ့ ဒီမိုကရေစီဆန်တဲ့ လူ့အဖွဲ့အစည်းမှာ နေနိုင်အောင် လုပ်ဆောင်ရမှာ ဖြစ်ပါတယ်။

ကျွန်မတို့ကမ္ဘာကြီးရဲ့ ငြိမ်းချမ်းရေးဟာ ခွဲခြားလို့မရပါဘူး။ ကမ္ဘာကြီးရဲ့ဘယ်နေရာမှာမဆို မကောင်းတဲ့အား က ကောင်းတဲ့အားထက်သာနေရင် ကျွန်မတို့အားလုံး ဒုက္ခရောက်နိုင်ခြေရှိတယ်။ မကောင်းတဲ့အားတွေ အကုန်လုံးကိုရော ဖယ်နိုင်ပါ့မလားလို့ မေးခွန်းထုတ်စရာ ရှိပါတယ်။ ရိုးရှင်းတဲ့အဖြေကတော့ မထုတ်နိုင်ဘူးလို့ ပဲဖြစ်ပါတယ်။ အကောင်းနှင့်အဆိုး တွဲပြီးရှိနေတတ်တာ လူ့သဘာဝပါ။ ဒါပေမယ့် လူရဲ့ စွမ်းအားနဲ့ ကောင်းတဲ့ဘက် ပိုများလာအောင် မကောင်းတဲ့ဘက် နည်းသွားအောင်၊ ပျက်သွားအောင် လုပ်လို့ရပါတယ်။ ရာနှုန်းပြည့် ငြိမ်းချမ်းမှုကတော့ ဒီကမ္ဘာမှာ မရနိုင်တဲ့ရည်မှန်းချက်ပါ။ ဒါပေမယ့် ကျွန်မတို့ဟာ ငြိမ်းချမ်းရေးဘက်ကို ဦးတည်ပြီး ခရီးဆက်သွားရမှာဖြစ်သလို၊ မျက်လုံးတွေကလည်း ကန္တာရခရီးသွား လမ်းပြကြယ်တွေကို လမ်းမပျောက်အောင် မမှိတ်မသုန်ကြည့်နေသလို ငြိမ်းချမ်းရေးကိုဦးတည်ပြီး ကြည့်နေရပါမယ်။ ပြစ်မျိုးမှဲ့မထင် ငြိမ်းချမ်းရေးမျိုး ကဒီကမ္ဘာမှာမရှိလို့ မရနိုင်ရင်တောင် ငြိမ်းချမ်းရေးရဲ့ ရဖို့အခြေခံ လုပ်ဆောင်နိုင်တဲ့ လုပ်ဆောင်ချက်တွေနှင့် လူတစ်ဦးချင်း၊ နိုင်ငံတစ်ခုချင်းစီကို ယုံကြည်မှုနှင့် မိတ်ဖွဲ့နေကြမယ်ဆိုရင်၊ လုံခြုံပြီး မေတ္တာတရားနှင့် ပို၍ကြင်နာတက်သော လူ့ဘောင်အဖွဲ့အစည်းကြီး တည်ဆောက် နိုင်အောင် ကူညီပေးနိုင်ပါလိမ့်မယ်။

ကျွန်မ ပို၍ကြင်နာတက်သော ဆိုတဲ့စကားလုံးကို သေချာစဉ်းစားပြီးမှ သုံးခဲ့တာပါ စဉ်းစားတာ နှစ်ပေါင်းများစွာ ကြာတယ်လို့တောင် ဆိုနိုင်ပါတယ်။ ချိုတယ်ဆိုတဲ့ အရသာအမျိုးမျိုး ရှိတဲ့အထဲက၊ ကျွန်မကို ဒီအရသာ အများကြီး မရှိဘူးလို့တောင် ပြောခွင့်ပေးပါ၊ ကျွန်မ အချိုမြိန်ဆုံးသော အရာကိုတွေ့ရှိခဲ့ပါတယ်….။ အားလုံထဲမှာမှ တန်ဖိုးလည်း အရှိဆုံး ဖြစ်တဲ့ ကျွန်မသိခဲ့ရတာကတော့ အကြင်နာ မေတ္တာတရားရဲ့တန်ဖိုးကို သိခဲ့ရတာပဲဖြစ်ပါတယ် တွေပဲဖြစ်ပါတယ်။ ကျွန်မရခဲ့သမျှ အကြင်နာမေတ္တာတွေဟာ ကြီးကြီးဖြစ်ဖြစ်၊ သေးသေးဖြစ်ဖြစ် သေချာစေတာကတော့ ဒီကမ္ဘာကြီးမှာ အကြင်နာမေတ္တာ တရားပိုသွားတယ်ဆိုတာ မရှိပါဘူး။ ကြင်နာတက်ဖို့ဆိုတာကတော့ သူုတပါး မျှော်လင့်ချက်နဲ့ လိုအပ်ချက်တွေကို စာနာနားလည်ပြီး လူသားဆန်တဲ့နွေးထွေးမှု နဲ့တုန့်ပြန်ပေးရမှာ ဖြစ်ပါတယ်။ အကြင်နာတရားနှင့် ခဏလေး ထိတွေ့ကိုင်တွယ်လိုက် တာလေးသည်ပင် နှလုံးသားကို အင်အားဖြစ်စေပါတယ်။ အကြင်နာမေတ္တာတရားက လူသားတွေရဲ့ဘ၀ကို ပြောင်းလဲစေနိုင်ပါတယ်။ နော်ဝေ နိုင်ငံဟာဆိုရင် အကြင်နာ တရားရဲ့ ပြယုဒ်တစ်ခုပါပဲ ကမ္ဘာမြေရဲ့ တစ်နေရာက အဖယ်ခံလိုက်ရတယ် သူတွေအတွက် နေစရာပေးတယ်။ သူတို့နိုင်ငံက မလွတ်လပ်လို့ မလုံခြုံလို့ တိမ်းရှောင်လာတဲ့ သူတွေကို ပုန်းအောင်းစရာ နေရာပေးတယ်။

ကမ္ဘာရဲ့ဘယ်နေရာမှာမဆို ဒုက္ခသည်ဆိုတာရှိတာပဲ. ကျွန်မ ထိုင်းနိုင်ငံ မယ်လ ဒုက္ခသည် စခန်းမှာတုန်းက တကယ့်ကိုပဲ ကိုယ့်လိုသူတွေရဲ့ဒုက္ခတွေ ပင်ပန်းဆင်းရဲမှုတွေကနေ လျော့ရင် တော့ ရန်ပုံငွေတွေ လျော့ မယ်။ နောက်တစ်ခုက ပထမတစ်ခုရဲ့ရလာဒ်ပါ စာနာထောက်ထားမှု လျော့တာ ကတော့ ဂရုစိုက်မှုတွေလျော့ကုန် တာပေါ့။ ဒါကိုကျွန်မတို့ တားနိုင်မလား။ ဒုက္ခသည်တွေရဲ့လိုအပ်ချက်က များလာပြီး မျက်လုံးကန်းတာမဟုတ်ရင် ဒုက္ခရောက်နေတာတွေကို မမြင်ခြင်ယောင်ပဲဆောင်လိုက်တာများလား။ ကမ္ဘာပေါ်မှာရှိတယ် အလှူရှင်တွေကို ကျွန်မ မေတ္တာရပ်ခံလိုတာက ခိုလှုံဖို့အတွက် မရေမရာ ရှာနေတဲ့ သူတို့ရဲ့ လိုအပ်ချက်လေးတွေကို ဖြည့်ပေးဖို့ပါ။

မယ်လမှာတုန်းကဆိုရင် ဒီစခန်းနဲ့ တခြားသော ဒုက္ခသည်စခန်းတွေရှိတဲ့ တပ်ဒေသက ထိုင်းအာဏာပိုင်တွေနှင့် အဖိုးမဖြတ်နိုင်တဲ့ ဆွေးနွေးခွင့် ရခဲ့ပါတယ်။ သူတို့က ဒုက္ခသည်စခန်းနှင့် ပတ်သတ်တဲ့ အရေးကြီးတဲ့ပြသနာတွေ ပြောပြတယ်။ သစ်တောဥပဒေ ချိုးဖောက်တာတွေ တရားမ၀င် ဆေးဝါးသုံးစွဲမှုတွေ၊ ချက်အရက်တွေ၊ ငှက်ဖျားရောဂါပြသနာတွေ၊ သွေးလွန်တုပ်ကွေးနှင့် ၀မ်းရောဂါတွေပေါ့။ အာဏာပိုင်တွေ ပူပန်တာကလည်း ဒုက္ခသည် တွေပူပန်တာလိုိမျိုးပဲ။ လက်ခံတဲ့နိုင်ငံက လည်း သူတို့ရဲ့ တာဝန်ဝတ္တရားတွေနှင့် ကြုံတွေ့ရတဲ့အခက် အခဲတွေကို ဖြေရှင်းဖို့ စဉ်းစားဖို့နှင့် လက်တွေ့ကျကျ ကူညီနိုင်ဖို့လည်း လိုပါတယ်။

နောက်ပိုင်း ကျွန်မတို့ရဲ့ရည်ရွယ်ချက်က ထွက်ပြေးခိုလှုံလာတဲ့သူတွေ၊ အိမ်ရာမဲ့တွေ၊ ရည်မှန်းချက်မဲ့တွေ မရှိတော့တဲ့ ကမ္ဘာရဲ့ နေရာတိုင်းဟာ နေထိုင်သူတွေဟာ လွတ်လပ်စွာ၊ ငြိမ်းချမ်းစွာ နေထိုင်နိုင်မယ့် နေရာတွေဖြစ်လာဖို့ပါ။ အတွေးတိုင်း၊ စကားတိုင်း၊ အလုပ်တိုင်းဟာ ငြိမ်းချမ်းရေးအတွက် ကောင်းမွန်တဲ့ ဘက်က၊ ကုသိုလ်ဘက်က ထည့်ဝင်တဲ့အားတွေဖြစ်ဖို့ လိုပါတယ်။ ကျွန်မတို့ တစ်ဦးတစ်ယောက်ချင်းစီဟာ ဒီလိုလုပ်နိုင်တဲ့ အရည်အချင်းတွေ ရှိပါတယ်။ ကျွန်မတို့အေးချမ်းစွာ အိပ်စက်ပြီး အေးချမ်းစွာ နိုးထနိုင်မဲ့ ကမ္ဘာကြီးဖြစ်အောင် ကျွန်မတို့လက်တွေ ခိုင်မြဲစွာတွဲထားပြီး ကြိုးစားကြပါစို့…..။

(အထက်ပါတို့မှာ ဒေါ်အောင်ဆန်းစုကြည်၏ အလွန်ကောင်းသော နိုဘယ်လ်ငြိမ်းချမ်းရေးဆုယူ မိန့်ခွန်းကို တတ်နိုင်သမျှ ဘာသာပြန်ထားခြင်း ဖြစ်ပါသည်…. ဘယ်လောက်ပဲ ကြိုးစားပြန်သော်လည်း လူထုခေါင်းဆောင်၏ မူရင်းအဓိပ္ပာယ်နှင့် ပါတိတ်စ အတွင်းနှင့် အပြင်လို ကွာပါသည်…… တုပ်ကွေးမိရက် တန်းလန်းနှင့် live မကြည့်နိုင်သော မြန်မာနိုင်ငံသားများအတွက် မည်သူမှ ဘာသာ မပြန်သေးသောကြောင့် နံနက် ၂း၃၀ အထိ ကြိုးစားပြန်ထားခြင်း ဖြစ်ပါသည်။ အမှားနှင့် အလွဲများရှိခဲ့ပါက ကျွန်တော့် တာဝန်သာ ဖြစ်ပါသည်။ သည်းခံကြပါ။

Dr ကောင်းမြတ်ကျော်ဘာသာ ပြန်သည်။။

ကောင်းကင်ယံမှ အဖြူရောင် မီးလုံး သဏ္ဌာန်ကြောင့် မန္တလေးမြို့ခံများ လှုပ်လှုပ်ရှားရှားဖြစ်

The Voice Weekly

ရန်ကုန်၊ ဇွန် ၁၈

မန္တလေးမြို့ အရှေ့ဖက် ကောင်းကင်ယံ တိမ်တိုက်များ အတွင်းတွင် ခပ်မှိန်မှိန် မီးလုံး သဏ္ဌာန်တစ်ခု ဘယ်ညာလူးလာ ပြေးနေသည်ကို ယနေ့ညက လူအများအပြား တွေ့မြင်ခဲ့ရကြောင်း မန္တလေး မြို့ခံများထံမှ သိရသည်။

အဆိုပါ ကိစ္စပတ်သက်၍ မိုးလေဝသပညာရှင် ဦးထွန်းလွင်ထံ ဆက်သွယ်မေးမြန်းရာ တိတိကျကျ မပြောနိုင်သေးကြောင်း ပြန်လည်ဖြေကြားခဲ့ပြီး မန္တလေးမြို့ မိုးဇလ ဦးစီးဌာနသို့ ဆက်သွယ် မေးမြန်းရာတွင် မိမိတို့မှာ မိုးလေဝသနှင့်သာ သက်ဆိုင်သည့်အတွက် ယခုကိစ္စ အပေါ် မှတ်ချက် တစ်စုံတစ်ရာ မပေးနိုင်ကြောင်း ပြန်လည် ဖြေကြားသည်။

အဆိုပါ မြင်တွေ့ရသည် ဖြစ်စဉ်မှာ သုံးနာရီခန့် ကြာမြင့်ခဲ့ပြီး ယခုအခါ တိမ်တိုက်များ အုံ့မှိုင်း နေသောကြောင့် မန္တလေးမြို့ အချို့နေရာများမှသာ မြင်တွေ့ရတော့ကြောင်း ထပ်မံ သိရှိရသည်။

အဆိုပါ ဖြစ်စဉ်နှင့် ပတ်သက်၍ မန္တလေး မြို့ခံတစ်ဦးက “ကျွန်တော်တိုလည်း ဆိုင်တစ်ဆိုင်မှာ ထိုင်နေတုန်း လူတွေ လမ်းပေါ်ထွက် အရှေ့ဘက် ကောင်းကင်ကို လက်ညှိုးတွေထိုး မော့ကြည့်နေကြလို့  ထွက်ကြည့်လိုက်ပါတယ်။ တကယ်ပဲ အဖြူရောင် အလင်းရောင် အလုံး တစ်လုံးက ကောင်းကင်မှာ ဟိုဘက်ဒီဘက် ဝဲနေပါတယ်။ တော်တော်ကြာကြာ ကြည့်နေမိတုန်း ကောင်လေး ကောင်မလေးတွေ တစ်ချို့ က ဆိုင်ကယ်နှင့် ရောက်လာပြီး ဦးလေးတို့  ဘာမှ မဟုတ်ဘူး။ ကျွန်တော်တို့ လည်း ဘာလဲဆိုပြီး ဆိုင်ကယ်နှင့် လိုက်ကြည့်တာ ၆၂လမ်း ဟိုဘက်က အဆောက်အဦးတစ်ခု အပေါ်က မီးဆလိုက် ထိုးနေတာ။ အလင်းတန်းက ဝေးရင် မမြင်ရဘူး။ အနီးရောက်မှ မြင်ရတာလို့ ပြောပါတယ်။ ဒီလို ရာသီ မိုးတိမ်လေးတွေက မြေပြင်နှင့် ခပ်နိမ့်နိမ့် ရှိနေတော့ အောက်ကထိုးတဲ့ မီးက တိမ်ထုမှာ အဖြူရောင် အလုံးလို ဖြစ်နေတာ နေမှာပေါ့” ဟု Facebook စာမျက်နှာပေါ်တွင် ရေးသားထားသည့် အတွက် The Voice Weekly မန္တလေး သတင်းထောက်က ၆၂ လမ်းသို့ သွားရောက် စုံစမ်းခဲ့ရာ အဆိုပါ ပြောဆိုချက်မှာ မှန်ကန်မှု မရှိကြောင်း သိရှိရသည်။

အလားတူ ဗန်းမော်မြို့နှင့် စစ်ကိုင်းမြို့များ မှလည်း အဆိုပါ ဖြစ်စဉ်ကို တွေ့မြင်ရကြောင်း ဒေသခံများက ဆက်သွယ် ပြောကြားသည်။

အထက်ပါ ဖြစ်စဉ်များနှင့် ပတ်သက်၍ The Voice Weekly က မန္တလေးခရိုင် ရဲတပ်ဖွဲ့မှူးရုံးထံ ဆက်သွယ်၍ အတည်ပြုချက် ရယူခဲ့ရာ အဆိုပါ ကောင်းကင်ယံမှ မီးလုံးသဏ္ဌာန်မှာ ဆလိုက်မီးထိုးရာမှ ဖြစ်ပေါ်သည် ဟုလည်းကောင်း၊ ဘုရား ရောင်ခြည်တော် ကွန့်မြူးနေသည်ဟု လည်းကောင်း ကောလာဟာလ ပြောဆိုမှုများ ရှိနေပြီး အသေးစိတ် အချက်အလက်ကိုမူ ၎င်းတို့လည်း အတည်ပြု ပြောဆိုနိုင်ခြင်း မရှိသေးကြောင်း ပြန်လည် ဖြေကြားသည်။

ဒေါ်အောင်ဆန်းစုကြည် Dublin မြို့ ခရီးသတင်းရုပ်သံ

Watch Daw Aung San Suu Kyi in the round table discussion live on the rule of law


Zaw Win Tomorrow, Tuesday, 10:30 AM London Time
Tomorrow, Tuesday, 5:00 PM yangon Time
Watch Daw Aung San Suu Kyi in the round table discussion live on the rule of law, transitional justice, avoiding ethnic conflicts and demilitarization in Burma. If you are in UK it will be broadcast live on ITN, BBC, Sky, etc. If you are elsewhere there is a link below to watch the live webcast of the LSE roundtable.

If you are outside UK, are in UK but unable to be at the venue, or have unreliable broadband connection you can still watch this live on: BBC News, Sky News, ITN and CNN.

It's been confirmed that these networks will take the event live.

http://www2.lse.ac.uk/publicEvents/events/2012/06/20120619t1030vLSE.aspx
 
http://www2.lse.ac.uk/newsAndMedia/videoAndAudio/LSELive.aspx  
Please spread the word.

The Amnesty International Ambassador of Conscience Award at the Bord Gais Energy Theatre in Dublin, Ireland

Myat Lay Ngon
2 hours ago

Myanmar's pro-democracy leader Aung San Suu Kyi smiles as she walks on stage before being awarded the Amnesty International Ambassador of Conscience Award at the Bord Gais Energy Theatre in Dublin, Ireland June 18, 2012.


Myanmar democracy icon Aung San Suu Kyi (C) accepts from Sail Shetty, Secretary General of Amesty International (L) and Irish singer Bono (R) the Ambassador of Conscience Award at the Bord Gais Energy theatre in Dublin, Ireland on June 18, 2012. Aung San Suu Kyi landed in Ireland with U2 star Bono by her side for a flying visit on her European tour that was to see her pick up a prize honouring her unwavering commitment to human rights.


Myanmar's pro-democracy leader Aung San Suu Kyi makes a speech after being awarded the Amnesty International Ambassador of Conscience Award at the Bord Gais Energy Theatre in Dublin, Ireland June 18, 2012.

အိုင်ယာလန် သမ္မတ Michael D. Higgins

Wikileaks မှ ပြောသည့် ရိုဟင်ဂျာ များနှင့် Al Qaeda ၊ မြန်မာ သောင်းကျန်းသူများ အဆက်အသွယ် ရှိခြင်း

By James Mmt on Wednesday, October 19, 2011 at 10:49pm

အကျဉ်းရုံးအနေဖြင့် - ဘင်္ဂလားဒေ့ရ်ှအစိုးရ၏ ဖိအားပေးမှုကြောင့် ARNO ဟာ သူတို့အဖွဲ့အစည်းနေရာအား ကရင်နီ အဖွဲ့အစည်းဖြစ်တဲ့ KNPP ထိမ်းချုပ်ထားသည့် ထိုင်း-မြန်မာ နယ်မြေအတွင်းသို့ ပြောင်းရွှေ့ရန်အတွက် 2002 သြဂုတ်လနှောင်းပိုင်းမှာ ဆက်သွယ်ခဲ့ပါတယ်။ မြန်မာထောက်လှမ်းရေးဘက်က အစီရင်ခံစာအရ ARNO ဟာ ထိုင်း-မြန်မာနယ်စပ်မှာ လှုပ်ရှားနေသည့် Democratic Alliance of Burma နှင့် အဖွဲ့ဝင်ဖြစ်ရန် ကြိုးပန်းခဲ့ပါတယ်။

KNPP ဟာ ARNO ရဲ့ ဆက်သွယ်ချက်ကို ငြင်းပယ်ခဲ့တာကို ကြေငြာခဲ့ပါတယ်။ DAB ဟာလည်းပဲ ARNO ၏ အဖွဲ့ဝင်အဖြစ် လျှောက်လွှာအား ငြင်းပယ်ခဲ့ပြီး စာရွက်စာတန်းများအရ စစ်ရေးမဟာမိတ်အဖြစ် ပြောင်းလဲခဲ့ပါတယ်။ ARNO ဥက္ကဌ Nurul Islam ဟာ အမေရိကန်ဗီဇာအား ဆော်ဒီအာရေးဗျ ဘက်မှ လှည့်ပါတ်လျှောက်ထားခြင်းဖြင့် ရယူခဲ့တယ်လို့ မြန်မာဘက်ကလည်း သတင်းပို့ပါတယ်။ အဆိုပါကိစ္စမှာ မြန်မာပြည်ဘက်က အစီရင်ခံစာဟာ ဖြစ်နိုင်ချေရှိပါတယ်။ သူ့ရဲ့ရည်ရွယ်ချက်ဟာ ၎င်းတို့ ARNO နှင့် ထိုင်းနယ်စပ်တွင်ရှိသည့် မြန်မာသောင်းကျန်းသူများအား ပံ့ပိုးနေသည့် Al Qaeda နှင့် အဆက်အသွယ် ရယူရန် ရည်ရွယ်ရင်းဖြစ်နိုင်ပါတယ်။

အောက်ပါ အကြောင်းအရာများဟာ မြန်မာထောက်လှမ်းရေး၏ ARNO အပေါ်တွင်ရေးသားထားသည့် သတင်းပို့ချက်မှ ကောက်နှုတ်ချက်ဖြစ်ပါတယ်။ အပြင်ပန်းအားဖြင့် မကြာသေးခင်က ရှင်းလင်းခဲ့သည့် မြန်မာပြည် အခြေစိုက် ARNO နှင့် Al Qaeda အဖွဲ့အစည်းတို့၏ လက်မခံနိုင်သည့် ဆက်သွယ်မှု သတင်းပေးပို့ချက်အား ဗိုလ်မှူးချုပ် ကျော်သိန်းမှ အောက်တိုဘာ ၇ ရက် တွင်ပေးပို့ခဲ့ပါတယ်။ ဗိုလ်မှူးချုပ် ကျော်သိန်း၏ အဆိုအရ ARNO နှင့် Al Qaeda ဟာအဆက်အသွယ်ရှိပြီး ARNO ၏ အခြေစိုက်စခန်းအားလုံးသည် ဘင်္ဂလားဒေ့ရှ် အရှေ့တောင်ဘက်မှာ ရှိပါတယ်။

ARNO ၏ သမိုင်းကျောင်းနောက်ခံနှင့် နောက်ဆုံးအခြေအနေ (စက်တင်ဘာ ၂၀၀၂ ခုနှစ်အထိ)အားရှင်းပြရလျင် မွတ်စလင် စစ်သွေးကြွ အကြမ်းဖက် အဖွဲ့အစည်းများဖြစ်ကြသည့် စည်းလုံးညီညွတ်သော ရိုဟင်ဂျာ အဖွဲ့အစည်း (RSO)၊ အာရကန် ရိုဟင်ဂျာ အစ္စလာမ်မစ် တပ်ဦး (ARIF) နှင့် Hak-Kavt အဖွဲ့အစည်းတို့ဟာ ပူပေါင်းပြီး 1998 အောက်တိုဘာ 28 ရက်နေ့တွင် ရိုဟင်ဂျာ အမျိုးသားကောင်စီ (RNC) ကိုဖွဲ့စည်းခဲ့ပါတယ်။

RNC ဟာ အာရကန် ရိုဟင်ဂျာ အမျိုးသားကောင်စီ (ARNC) အဖြစ်သို့ ပြောင်းလဲဖွဲ့စည်းခဲ့ပါတယ်။ အားလုံးသော လက်နက်ကိုင် သောင်းကျန်သူ အဖွဲ့အစည်းများအား ပူးပေါင်းပြီး ရိုဟင်ဂျာ လွတ်လပ်ရေး တပ်မတော် (RLA) ကိုလည်း ဖွဲ့စည်းခဲ့ပါတယ်။ မြန်မာပြည် ပြင်ပရှိ မွတ်စလင်အဖွဲ့အစည်းများ၏ ဖိအားကြောင့် အမျိုးမျိုး ကွဲပြားနေသော ရိုဟင်ဂျာ သောင်းကျန်းသူများအား စုစည်းပြီး အဖွဲ့အစည်းတစ်ခု၏အောက်သို့ ထားရှိအုပ်ချုပ်ရန် ARNO အားဖွဲ့စည်းခဲ့ပါတယ်။

ARNO ရုံးချုပ်အား ဘင်္ဂလားဒေ့ရ်ှနိုင်ငံ၊ စစ်တကောင်းရှိ ဂျုမခါ ရပ်ကွက်၊ ဂျုမခါလမ်း၊ အိမ်နံပါတ် (၃၀)မှာ ဖွင့်လှစ်ထားပါတယ်။ သူတို့၏ စခန်းများမှာ Zai-Lar-Saw-Ri HQ camp--map reference (PG-2916), Daw-Maw-Sri camp--map reference (P6-0537) and Kyar-Laung-Taik camp--map reference (PG-2026) မှာ အခြေချ တည်ရှိပါတယ်။ ARNO အဖွဲ့အစည်းဟာ ခန့်မှန်းခြေအားဖြင့် သောင်းကျန်းသူ 200 ခန့်အင်အားရှိပြီး၊ 170 ခန့်ဟာ အမျိုးမျိုးသော လက်နက်များ တပ်ဆင်ထားပါတယ်။ ARNO ၏ ဗဟိုကော်မတီအား အောက်ပါအတိုင်း ဖွဲ့စည်းထားပါတယ်။

- ဥက္ကဌ

- စစ်ရေးတာဝန်ခံ

- အတွင်းရေးမှူး

- လက်ထောက်အတွင်းရေးမှူး၊ စစ်တကောင်း ရုံးတာဝန်ခံ

- ဗဟိုကော်မတီ အဖွဲ့ဝင်၊ လက်ထောက် စစ်ရေးတာဝန်ခံ

- ဗဟိုကော်မတီ အဖွဲ့ဝင်

- နိုင်ငံခြားရေးရာ ဆက်ဆံရေးတာဝန်ခံ

- တိုင်းတပါး ထောက်ပံ့ငွေများများရရှိရေး ဦးဆောင်သူ)

- မလေးရှားနိုင်ငံအတွက် ကိုယ်စားလှယ်

- တောင်ဘဇာ စည်းရုံးရေး တာဝန်ခံ

- ငွေရေးကြေးရေးဆိုင်ရာ အရာရှိ

- ဆက်ဆံရေး အရာရှိ

- အကြံပေး

- စခန်းအုပ်ချုပ်သူ အရာရှိ (Zai-La-Saw-Ri Camp)

- ဒုတိယ စခန်းအုပ်ချုပ်သူ အရာရှိ

- စခန်းအုပ်ချုပ်သူ အရာရှိ (Daw-Maw-Sri Camp)

- စခန်းအုပ်ချုပ်သူ အရာရှိ (Kya-Long-Taik Camp)

ARNO's Chairman Nurul Islam

ARNO အဖွဲ့ဝင် 5 ဦးဟာ တာလီဘန်ခေါင်းဆောင် Osama Bin Laden နှင့် အစည်းအဝေးပြုလုပ်ခဲ့ပါတယ်။ အဆိုပါ GOB မှ ဆက်လက်စုံစမ်း လေ့လာဆဲဖြစ်တဲ့ အဖွဲ့ဝင် 5 ဦးဟာ Al Qaeda ကိုယ်စားလှယ်နှင့်အတူ 15 မေ 2000 တွင် အဆင့်မြင့်အရာရှိ သင်တန်းအား တက်ရောက်ခဲ့ပြီး ဘင်္ဂလားဒေ့ရ်ှသို့ 22 ဇွန်လတွင် ပြန်လည်ရောက်ရှိခဲ့ပါတယ်။ အဆိုပါ သင်တန်းတက်ရောက်နေစဉ်အတွင်း နိုင်ငံရေးနှင့် စစ်ရေးဆိုင်ရာ အချက်အလက်များ၊ လက်နက်၊ ခဲယမ်းမီးကျောက်များနှင့် ငွေကြေးဆိုင်ရာကိစ္စများကို Osama Bin Laden နှင့် ဆွေးနွေးခဲ့ပါတယ်။ တာလီဘန် အဖွဲ့အစည်းမှ မိုဟာမက် အာဂျူးတိုင်ဒါနှင့် မိုဟာမက် ရာရှိတ်အာမာဒါစီလည်း အဆိုပါ အစည်းအဝေးမှာ တက်ရောက်ခဲ့ပါတယ်။

ARNO အဖွဲ့ဝင် 19 ဦးဟာ လစ်ဗျားနှင့် အာဖဂန် နစ်စတန်တွင် 2001 သြဂုတ်လတွင် ပြုလုပ်ခဲ့သည့် ပြောက်ကျားစစ်သင်တန်း၊ အမျိုးမျိုးသော ဖောက်ခွဲရေးသင်တန်း၊ လက်နက်ကြီးသင်တန်းများအား တက်ရောက်ရန် ရွေးချယ်ခံခဲ့ပါတယ်။ အဆိုပါ အဖွဲ့ဝင်များထဲမှ 13 ဦးဟာ ဖောက်ခွဲရေးနှင့် လက်နက်ကြီးသင်တန်းများမှာ ပူးပေါင်းတက်ရောက်ခဲ့ပါတယ်။ Zai-La-Saw-Ri စခန်းတွင်ရှိသည့် ARNO ရုံးချုပ်သို့ တာလီဘန် အဖွဲ့ဝင်များ ဖြစ်ကြသည့် အယ်ဟာဆက်နှင့် အယ်ဂျာဟစ်တို့ဟာ 2001 နိုဝင်ဘာ 2 ရက်နေ့တွင် RSO ၏ Kann-Grat-Chaung စခန်းမှ ရောက်ရှိခဲ့ပါတယ်။

သူတို့ဟာ ဥက္ကဌ Nur Islam၊ အတွင်းရေးမှူး ဇဖာအာမက်၊ စစ်ဆင်ရေးအကြီးအမှုး ဖာရော့အာမက်၊ အဖွဲ့ဝင်များနှင့် တွေ့ဆုံခဲ့ပြီး RSO နှင့် ARNO အား ပြန်လည်ဖွဲ့စည်းရန် ဆွေးနွေးခဲ့ပါတယ်။ ထိုမှတဆင့် ARNO/RSO နှင့် တာလီဘန်အဖွဲ့အစည်းတို့ဟာ 2001 နိုဝင်ဘာ 15 ရက်နေ့မှာ အစည်းအဝေးပြုလုပ်ရန် ရည်ရွယ်ခဲ့ပါတယ်။ ARNO ဥက္ကဌ Nur Islam ဟာ ARIF နှင့် RSO တို့ဟာ ARNO ၏ပူးပေါင်းအဖွဲ့ဝင်အဖြစ် ပြင်ဆင်ဖွဲ့စည်းရန် သဘောတူခဲ့တယ်လို့ ကြေငြာခဲ့ပါတယ်။ သို့သော်လည်း RSO မှ မူလာဒီမာဟာ အဆိုပါ ပူးပေါင်းခြင်းအား သဘောမတူခဲ့ပဲ ၎င်း၏နောက်လိုက်နောက်ပါများနှင့် ခွဲထွက်သွားခဲ့ပါတယ်။

တိုင်းတပါး အဆက်အသွယ်ဖြစ်သည့် ဘင်္ဂလားဒေ့ရ်ှမှ ဘာဒါဘန်၊ GOB မှ စုံစမ်းဆဲဖြစ်သည့် ဟာဆာအာမက်နှင့် နိုင်ငံခြားသားနှစ်ယောက်တို့ဟာ Zai-La-Saw-Ri စခန်းရှိ ARNO ရုံးချုပ်သို့သွားရောက်ခဲ့ပြီး Salein တပ်သားများ၏ အကြီးအကဲ စစ်ရေးလှုပ်ရှားမှု တာဝန်ခံနှင့် တွေ့ဆုံခဲ့ပါတယ်။ သူတို့ဟာ အောက်ပါအချက်အလက်များကို စုံစမ်းခဲ့ပါတယ်။

- ARNO အားဖွဲ့စည်းခဲ့သည့် ခုနှစ်၊ လ၊ ရက်

- သဘောထားနှင့် ရည်ရွယ်ချက်

- မြန်မာပြည်မှ ARNO ခွဲထွက်ခဲ့သည့်နှစ်

- လက်ရှိ စစ်သည်အင်အား

- လက်နက်အမျိုးအစားနှင့် အရည်အသွေး

- ပြည်မမှ ခွဲထွက်ပြီး လွတ်လပ်သော ရခိုင်ပြည်နယ်တည်ဆောက်ရန် သို့မဟုတ် ဒီမိုကရေစီ တောင်းဆိုရန် ဟုတ်မဟုတ်

- ဘင်္ဂလားဒေ့ရ်ှရှိ မြန်မာအစိုးရအား ဆန့်ကျင်နေသည့် အဖွဲ့အစည်းစာရင်း

- အဆိုပါ အဖွဲ့အစည်းများတွင် မူစလင် နှင့် မူစလင် မဟုတ်သည့် အဖွဲ့အစည်းများအား ခွဲခြားဖော်ပြရန်

- လိုအပ်သည့် ရံပုံငွေနှင့် ရံပုံငွေ ထောက်ပံ့နေသည် နိုင်ငံများ

- လက်ရှိ ငွေရေးကြေးရေး အခြေအနေ

ARNO ၏ ဒုတိယဥက္ကဌ ဖာရော့အာမက်သည် ထိုင်းအခြေစိုက် သောင်းကျန်သူ ခေါင်းဆောင်များနှင့်တွေ့ဆုံခဲ့ပါတယ်။ 2002 သြဂုတ်လ 27 ရက်နေ့တွင် ဘင်္ဂလားဒေ့ရ်ှမှ ဘန်ကောက်သို့ ချင်းမိုင်မှတစ်ဆင့် ရောက်ရှိလာသည့် ဖာရော့အာမက်နှင့်အတူ ညီညွတ်သော အာရကန်ပါတီ (NUPA) မှ ဦးမောင်လူကြီးလည်း တောက်လျှောက်ပါခဲ့ပါတယ်။ ထို့နောက် DAB အေးဆောင်၏ မိန်းမ အင်္ဂလိပ်အမျိုးသမီ ပိုက်ပါကာရန်၏ကူညီမှုနှင့် မြန်မာနယ်စပ် အဖွဲ့အစည်းများမှတစ်ဆင့် KNPP ခေါင်းဆောင်များ ဖြစ်ကြသည့် ဒုတိယဥက္ကဌ ဦးအောင်သာလေး၊ အထွေထွေ အတွင်းရေးမှူး ဦးရေမွန်ထူး၊ တွဲဖက် အထွေထွေအတွင်းရေးမှူး ဦးခါရယ်၊ စစ်တပ်အကြီးအမှုး အောင်မြတ်တို့နှင့် စကားပြောဆိုခဲ့ပါတယ်။

ဖာရော့အာမက်မှ ဘင်္ဂလားဒေ့ရှ် အာဏာပိုင်များသည် ARNO အား ဘင်္ဂလားဒေ့ရ်ှမှ ထွက်ခွာရန်ပြောခဲ့သဖြင့် ၎င်းတို့အနေဖြင့် ဘင်္ဂလားဒေ့ရ်ှတွင် ဆက်လက်နေထိုင်ရန် မဖြစ်နိုင်ကြောင်း ပြောခဲ့ပါတယ်။ အမေရိကန်နှင့် အခြားသော အဖွဲ့အစည်းများမှလည်း Al Qaeda အဖွဲ့အစည်းနှင့် ၎င်းတို့ဆက်ဆံမှုဖြစ်စဉ်အား စဉ်ဆက်မပြတ် စောင့်ကြည့်နေကြောင်း ရည်ညွှန်းပြောဆိုခဲ့ပါတယ်။ ထို့ကြောင့် KNPP ပိုင်နက်အတွင်း သင့်တော်သည့်နေရာတွင် စခန်းဖွင့်ခွင့်ပြုပါရန် တောင်းဆိုခဲ့ပြီး၊ ထိုင်း နိုင်ငံသည် ၎င်းတို့အတွက် အလွန် သင့်တော်သည့် နိုင်ငံဖြစ်ကြောင်း ပြောခဲ့ပါသည်။

ဖာရော့အာမက်သည် ပလောင်လွတ်မြောက်ရေးတပ်ဦး (PSLF) အဖွဲ့မှ အတွင်းရေးမှူး မေအိုက်ဖုန်၊ ပအို့ဝ်ပြည်သူ့လွတ်မြောက်ရေးအဖွဲ့အစည်း (PPLO) ဥက္ကဌ ဦးခွန်ဥက္ကာ၊ လားဟူ အမျိုးသားအုပ်စုမှ ဦးအေးမောင်တို့နှင့် တွေ့ဆုံခဲ့ပါတယ်။ ထပ်မံပြီး ၎င်းမှ ARNO အဖွဲ့၏ ခက်ခဲသည့်အခြေအနေအား VOA, BBC နှင့် RFA သတင်းမီဒီယာများ၊ ထိုင်းနိုင်ငံရှိ NGO အဖွဲ့အစည်းများနှင့် ရှေ့ထွက် ချင်းအမျိုးသားများ (CNF) မှ ရွှေခါးတို့နှင့် ဆွေးနွေးခဲ့ပါတယ်။ သူဟာ မဲဆောက်သို့ ချင်းမိုင်မှ စက်တင်ဘာလ 5 ရက်နေ့တွင် KNU ရုံးချုပ်သို့ သွားရောက်ခဲ့ပြီး ဒုတိယ ဥက္ကဌ ဗိုလ်မြ၊ အထွေထွေအတွင်းရေးမှူး ဖဒိုမန်းရှာ နှင့် တာမလာဘောတို့နှင့်လည်း စကားပြောခဲ့ပါတယ်။

အထက်ပါ အကြောင်းအရာများနှင့် ပါတ်သက်ပြီး ARNO အနေဖြင့် DAB အဖွဲ့ဝင်အဖြစ် ဖြစ်နိုင်ချေရှိမရှိအား ဖာရော့အာမက်ဟာ KNU နှင့်ဆွေးနွေးခဲ့ပါတယ်။ ARNO ၏ DAB အဖွဲ့ဝင် လျှောက်လွှာအား အာရကန် ဒီမိုကရက်တစ်ပါတီ (DPA) မှ အောင်စိန်းသာ၊ အာရကန် လွတ်မြောက်ရေး ပါတီ (ALP) မှ ခိုင်စိုးအောင် တို့က သဘောမတူပဲ ကန့်ကွက်ခဲ့ပါတယ်။

ခိုင်စိုးအောင်နှင့် အောင်စိန်းသာတို့နှစ်ဦးအနေဖြင့် ၎င်းတို့ အဆိုပြုချက်အား ရိုဟင်ဂျာလူမျိုးများဟာ ရခိုင် တိုင်းရင်းသားများမဟုတ်ကြောင်းနှင့် လူမျိုးစု တစ်ခုအနေဖြင့်လည်း လက်မခံနိုင်ကြောင်းကို အခြေခံ၍ ခါးခါးသီးသီး ငြင်းဆိုခဲ့ပါတယ်။ ထို့အတွက်ကြောင့် DAB အနေဖြင့် ARNO အား အဖွဲ့ဝင်အဖြစ် လက်မခံခဲ့ပဲ စစ်ရေးမဟာမိတ်အနေသာ လက်ခံခဲ့တယ်လို့ ယူဆရပါတယ်။

ဖာရော့အာမက်၏ အဆိုအရ ARNO စစ်ရေးတာဝန်ခံ ဆလမ်းအူလာသည် Al Qaeda နှင့် အဆက်အသွယ်ရှိပြီး၊ ARNO တပ်သားအချို့ဟာလည်း အာဖဂန်ရှိ တာလီဘန်များနှင့် ပူးပေါင်းပြီး အမေရိကန်အား တိုက်ခိုက်ခဲ့စဉ်အတွင်း အဖမ်းခံခဲ့ရတယ်လို့ ဆိုပါတယ်။ အဆိုပါ ARNO တပ်သားများဟာ ပါကစ်စတန်၊ ကရာချိမြို့ရှိ ရိုဟင်ဂျာ အုပ်စုမှတစ်ဆင့် အာဖဂန်သို့ ပို့ဆောင်ခဲ့ပါတယ်။

ပါကစ်စတန်၊ အိန္ဒိယ၊ ဆော်ဒီအာရေဗျ၊ မလေးရှား၊ UAE၊ ပါလက်စတိုင်းနှင့် သြစတေးလျတို့မှာ ရိုဟင်ဂျာ အုပ်စုများ အနေနဲ့ ရှိနေပါတယ်။ ဥက္ကဌ Nurul Islam ဟာ ဆော်ဒီအာရေဗျ နိုင်ငံသားအနေဖြင့် အမေရိကန် နိုင်ငံသို့ ခရီးတို သွားရန် ဗီဇာအား ရရှိခဲ့သဖြင့် ဘင်္ဂလားဒေ့ရ်ှမှ ဆော်ဒီအာရေဗျသို့ ထွက်ခွာသွားခဲ့ပါတယ်။ ထိုင်းနိုင်ငံတွင် နေခဲ့သည့် ခရီးတိုကာလအတွင်း ဖာရော့အာမက်သည် NCGUB နိုင်ငံခြားရေးဌာနမှ Dr. Allen၊ KNU မှ ဒေးဗစ်ထော၊ ဗမာ့ ရှေ့နေကောင်စီ (BLC) မှ ဒေးဗစ်စမိုင်းတို့နှင့် တွေ့ဆုံခဲ့ပါတယ်။ ၎င်းဟာ သတင်းဌာနတစ်ခု၏ အယ်ဒီတာအနေဖြင့် ထိုင်းနိုင်ငံသို့ သွားရောက်ခဲ့ပြီး စက်တင်ဘာ 12 ရက်နေ့တွင် ဘင်္ဂလားဒေ့ရ်ှသို့ ပြန်လည်ရောက်ရှိခဲ့ပါတယ်။

စင်္ကာပူတွင် ဖမ်းဆီးခံခဲ့ရသည့် ရိုဟင်ဂျာ ဂျီဟတ်အဖွဲ့ဝင်များအား စစ်ဆေးခဲ့ရာတွင် ဒေသတွင်း ၀င်ရောက် စွက်ဖက် လှုပ်ရှားနေသည့် ရက်ဘီတာတူ မူဂျာဟစ်ဒင် အုပ်စု၏ စီစဉ်မှုဖြင့် ဖွဲ့စည်းထားသည့် ဂျမား အစ်စလမ်မီးယား (JI) ၏ခေါင်းဆောင်များမှာ ဟန်ဘလီနှင့် ဘာရှားတို့ဖြစ်ကြောင်း သိခဲ့ရပါတယ်။ ဒေသတွင်း မူစလင်အဖွဲ့အစည်းများ၏ အဆက်အသွယ်မှတစ်ဆင့် တက်ကြွတဲ့ ပူပေါင်းဆောင်ရွက်မှုတွေဟာ သင်တန်းများ၊ လက်နက်ဝယ်ယူခြင်း၊ ဘဏ္ဍာရေး၊ သတင်းဖလှယ်ခြင်းနှင့် စစ်ရေးအကြမ်းဖက်မှုလုပ်ငန်းများမှာ အတိုင်းအတာတစ်ခုအထိ အောင်မြင်ခဲ့ပါတယ်။

အခြားသော ပူးပေါင်းလုပ်ဆောင်သည့် အဖွဲ့အစည်းများမှာ ဂျရာကန် အာ့ခ်ျ မာဒီကာ (GAM)၊ ထိုင်းနိုင်ငံတောင်ပိုင်းနှင့် ရခိုင်ရှိ အခြားအဖွဲ့အစည်းနှစ်ခုနှင့် မြန်မာပြည်တွင်းရှိ ရိုဟင်ဂျာ လက်နက်ကိုင် အကြမ်းဖက် အဖွဲ့အစည်းများ ဖြစ်ပါတယ်။ ARNO ဟာ Al Qaeda နှင့်ဆက်သွယ်ရန် စတင်ခဲ့ပြီး၊ ဧပြီ 2001 တွင် ARNO ၏ ဗဟိုကော်မတီဝင် 5 ဦးဟာ အာဖဂန်နစ်စတန်သို့ သွားရောက်ခဲ့ပါတယ်။ အခြားအနေဖြင့် Republic of Islam Aceh (RIA) နှင့် အီဂျစ်ရှိ Jammah Jihad Mesir (JJM) တို့နှင့်လည်း ARNO ဟာ ပူးပေါင်းခဲ့ပါတယ်။ ဒါကိုကြည့်ခြင်းအားဖြင့် သေးငယ်သည့် ရိုဟင်ဂျာအစုအဖွဲ့ဟာ မလေးရှားနိုင်ငံ ပတူဝပ် မှာရှိတယ်လို့ ယူဆနိုင်ပါတယ်။

မြန်မာတွေရဲ့ သတင်းပေးပို့ချက်ဟာ ပြည့်စုံလုံလောက်သော ဖြစ်နိုင်ချေတွေရှိပါတယ်။ ဘင်္ဂလားဒေ့ရှ် အစိုးရ၏ အကြံပေးချက်အရ မေလတွင် ARNO ဟာ ဘင်္ဂလားဒေ့ရှ် အရှေ့တောင်ပိုင်းရှိ ၎င်းတို့၏ စခန်းများအား ဖယ်ရှားခဲ့ပြီးပြီးခြင်းတွင် အာရကန် စစ်တပ်အဖွဲ့ဝင် 195 ဦးဟာ မြန်မာပြည်ထဲသို့ ၎င်းတို့ဖာသာ ၀င်ရောက်ခဲ့ပါတယ်။ ယခုအထိတော့ ARNO ဟာ ဘင်္ဂလားဒေ့ရ်ှကနေ မရွှေ့ပြောင်းသေးပါဘူး။ မြန်မာတွေရဲ့ အဆိုအရ ARNO နှင့် RSO တို့ဟာ ဘင်္ဂလားဒေ့ရ်ှအတွင်းရှိ စခန်း 8 ခုအား အတူတကွထိမ်းသိမ်းလျက် ရှိတယ်လို့ ဆိုပါတယ်။ တကယ်လို့ မြန်မာတွေ သတင်းပေးပို့ချက်ဟာ မှန်ကန်သည် ဆိုပင် ဆိုသော်ငြား ၎င်းတို့လုပ်ငန်းစဉ်အတွက် စခန်းအသစ်တစ်ခု ရှာဖွေနေတာ သေခြာပါတယ်။

မြန်မာတွေအမြင်မှာတော့ ၎င်းတို့အုပ်စုဟာ လက်နက်ကိုင်တဲ့ အကြမ်းဖက် အဖွဲ့ဝင်တွေ ဖြစ်ပါတယ်။

အဆိုပါ သတင်းပေးပို့ချက်အရ ARNO နှင့် ထိုင်းနယ်စပ်ရှိ မြန်မာလက်နက်ကိုင် အဖွဲ့တို့ ထူးခြားသည့် ဆက်သွယ်မှုအား သတိထားစေရန် အသိပေးလျက် ရှိပါတယ်။ ဖြစ်တန်ရာရှိသည်မှာ ၎င်းတို့အနေဖြင့် (မြန်မာအစိုးရအား ဆိုလိုဟန်ရှိပါသည်) အကြမ်းဖက်မှု တိုက်ဖျက်ရေးအား အမေရိကန်နှင့် ပူပေါင်းဆောင်ရွက်ခြင်းဖြင့် အမှတ်ယူရန် မျှော်လင့်ထားခြင်း ဖြစ်နိုင်ပါတယ်။

မှတ်ချက် ။ ။ 10/10/2002 တွင် ရန်ကုန်မြို့ရှိ အမေရိကန် သံရုံးမှ မှတ်တမ်းတင်ခဲ့သည့် 02RANGOON1310 စာတန်းအား Wikileaks မှကူးယူ၍ ဘာသာပြန်ပါသည်။


Wikileaks စာမျက်နှာမှ ဖေါ်ပြသည့် မူလစာမူကို အောက်ပါ Link တွင် လေ့လာဖတ်ရှုရန်
http://wikileaks.org/cable/2002/10/02RANGOON1310.html#
http://www.taunggyitime.com/2012/06/wikileaks-al-qaeda.html

မသီတာထွေးကို သတ်သူများ သေဒဏ်ချမှတ်


RFA Burmese

ရခိုင်ပြည်နယ် ရမ်းဗြဲမြို့နယ် ကျောက်နီမော်ကျေးရွာအုပ်စု သပြေချောင်း ရွာသူ မသီတာထွေး လုယက်၊ မုဒိန်းပြုကျင့်၊ သတ်ဖြတ်ခဲ့သူ တရားခံ နှစ်ဦးကို ကျောက်ဖြူခရိုင် တရားရုံးက ဒီကနေ့ သေဒဏ်မိန့် ချမှတ်လိုက်ပါတယ်။ အမှုစီရင်တာကိ်ု တရားရုံးမှာ ကိုယ်တိုင်တက်ရောက် နားထောင်ခဲ့တဲ့ ကျောက်ဖြူမြို့ ဒေသခံတဦးက ပြောပြပါတယ်။

"ဒီနေ့မနက် ၁၀ နာရီမှာ ကျောက်ဖြူခရိုင် တရားသူကြီး အမျုိးသမီးက စီရင်ချက်ကို ဖတ်ပါတယ်။ စစ်ဆေးချက်တွေ အားလုံးကို ဖတ်ပြတယ်။ အားလုံး သူ ၂ နာရီလောက်ကြာပါတယ်။ ပြီးတော့ စီရင်ချက် ချပါတယ်။ ၃ ယောက်မှာ တယောက်က သူ့ကိုယ်သူ သတ်သေသွားတဲ့အတွက်
တစုံတရာ အမိန့်ချစရာ မလိုတော့ဘူးလို့ ပြောပါတယ်။ နောက် ၂ယောက်ကိုတော့ ကျောက်ဖြူခရိုင် တရားရုံးကနေ သေဒဏ်ချမှတ်လိုက် ပါတယ်။ အဲဒါကို ပြည်ထောင်စု လွှတ်တော် တရားရေးချုပ်၊ သူက အတည်ပြုမယ်လို့ ပြောပါတယ်။ အဲဒီက အတည်မပြုခင် ၇ ရက်အတွင်းမှာ အယူခံတင်လို့ ရတယ်ဆိုတာကိုလည်း တရားခံတွေကို တရားသူကြီးကပဲ ဆက်တိုက်ပြောလိုက်ပါတယ်။ "

တရားသူကြီး ဒေါ်ဌေးဌေးကြည်က တရားခံတွေဖြစ်တဲ့ ရော်ဖိ နဲ့ လူယုဆိုသူတွေကို သေဒဏ်မိန့်စီရင်ချက် ချမှတ်လိုက်တာပါ။ အမိန့်ချပြီး တပတ်အတွင်း အယူခံဝင်နိုင်သေးတယ်လို့ သိရပါတယ်။
ဒီအမှုမှာ တရားခံအဖြစ် တရားစွဲဆိုခံရတဲ့ လူ သုံးဦးထဲက တဦးဖြစ်တဲ့
ထက်ထက်ခေါ်ရော်ရှီးခေါ် ဖြိုးဇေယျာကျော်ဟာ ကျောက်ဖြူ
အကျဉ်းထောင်ထဲ ဇွန် ၉ ရက်ညနေက ကြိုးဆွဲချပြီး သူ့ကိုယ်သူ
သတ်သေသွား ခဲ့ပါတယ်။

သူတို့ သုံးဦးကို အဓမ္မပြုကျင့်မှု ပုဒ်မ ၃၇၆၊ လူသတ်မှု ပုဒ်မ ၃၀၂ နဲ့
လုယက်မှု ပုဒ်မ ၃၉၂ တို့နဲ့ စွဲချက်တင်ပြီး ဇွန် ၈ ရက်နေ့က အမှုစတင်
စစ်ဆေးခဲ့ပါတယ်။ အသက် ၂၆ နှစ်ရွယ် မသီတာထွေးဟာ ကျောက်နီမော်
စံပြရပ်ကွက် စက်ချုပ်သင်တန်းကနေ သပြေချောင်းရွာကို ဇွန်လ ၂၈ ရက်
ညနေပိုင်းကအပြန် ကျောက်ထရံရွာနားမှာ လူသုံးဦးက သူ့ကို
မုဒိန်းကျင့်၊ သတ်ဖြတ်၊ ရွှေထည်ပစ္စည်းလုယူမှု ကျူးလွန်ခဲ့တာပါ။

ပိုက်ဆံမပါရင်နာရီချွတ်ထဲ့ခိုင်းတဲ့ဘုန်းဘုန်း

မနေ့ကတိုရန်တိုဘုန်းကြီးကျောင်းမှာရခိုင်ပြည်နယ်တွင်သေဆုံးသူအားလုံးအတွက်ဆုတောင်းပွဲနှင့် အတူအလှုငွေကောက်ခံပွဲကျင်းပခဲ့ပါသည်။အရှင်ကောဝိဒ(သာကီသွေး)ရဲ့ ရဲရဲတောက်တရားတိုလေး အချိန်ရရင်နာကြည့်ပါ။

စက်ရုံအလုပ်သမားများ၏ အနိမ့်ဆုံးယာယီလစာကို ကျပ် ၅၆၇၀၀ ဟု အလုပ်သမားဝန်ကြီးဌာနမှ သတ်မှတ်

Sunday, 17 June 2012 13:25
7374
လုပ်ငန်းရှင်များအား အလုပ်သမား ရေးရာဝန်ကြီးဌာနမှ တာဝန်ရှိသူတစ်ဦးက ယာယီ အခြေခံလစာ ဆိုင်ရာ ရှင်းလင်းနေစဉ်
အလုပ်သမား ၀န်ကြီးဌာနမှ စက်မှုဇုန်များရှိ စက်ရုံအလုပ်သမားများ ၏ အနိမ့်ဆုံးယာယီလစာအား ကျပ် ၅၆၇၀၀ သတ်မှတ်လိုက်ကြောင်း၊ အမြန်ဆုံး ဆောင်ရွက်နိုင်ရန် လုပ်ငန်းရှင်များဘက်မှ အကောင်ထည်ဖော် ပေးရန် ၀န်ကြီးဌာနမှ မေတ္တာရပ်ခံခဲ့ သတင်းရရှိသည်။
အဆိုပါ အနိမ့်ဆုံးယာယီလစာ သတ်မှတ်ခြင်း အခမ်းအနားကို လှိုင်သာယာစက်မှုဇုန် ကနောင်မင်းသား ကြီးခန်းမတွင် ဇွန်လ ၁၂ ရက်နေ့က ပြုလုပ်ခဲ့ကာ အလုပ်သမားရေးရာ ၀န်ကြီးဌာနမှ အနိမ့်ဆုံးယာယီလစာ အား(OT ကြေးမပါ) ကျပ် ၅၆၇၀၀ သတ်မှတ်လိုက်ကြောင်း၊ တရားဝင် အလုပ်သမားများမှာ ရှားပါးစရိတ်၊ Day ကြေး၊ ထုတ်လုပ်မှုစရိတ် အပိုကြေးစသည်တို့အား ထပ်မံခံစားခွင့်များ ရရှိမည်ဖြစ်ကြောင်း သိရသည်။
ယာယီ အခြေခံလစာ သတ်မှတ်ရန်အတွက် ဇွန်လ ၅ ရက်နေ့တွင် ညှိနှိုင်းအစည်းအဝေး ပြုလုပ်ခဲ့ရာစက်မှု ဇုန်များရှိ စက်ရုံများအား ကဏ္ဍ အလိုက် ခွဲခြားကာ ယာယီ အခြေခံ လစာကို သတ်မှတ်ပေးသွားမည်ဟု ဆိုသော်လည်း ယခုအခါစက်မှုဇုန်များရှိ စက်ရုံများအား အနိမ့်ဆုံးယာယီအခြေခံလစာကို တစ်ပြေးညီသတ်မှတ်၍ စက်ရုံ လုပ်ငန်းရှင်များလည်း ပါဝင် ဆောင်ရွက်ရန် မေတ္တာရပ်ခံခဲ့သည်။
ဝန်ကြီးဌာနတာဝန်ရှိသူ တစ်ဦးက “ကျွန်တော်တို့အနေနဲ့ အနည်းဆုံး အနိမ့်ဆုံးယာယီ အခြေခံလစာ ကို ဌာနပေါင်း ၃၈ ခုနဲ့ ညှိနှိုင်းပြီး သတ်မှတ်လိုက်ပါတယ်။ အမြန်ဆုံး အကောင်ထည်ဖော်နိုင်ဖို့ အတွက် စက်ရုံလုပ်ငန်းရှင်တွေက အရေးကြီးပါတယ်။ ဒါကြောင့် ကျွန်တော့်အနေနဲ့ လုပ်ငန်းရှင်တွေကို ၀န်ကြီးဌာနက သတ်မှတ်လိုက်တဲ့အတိုင်း ပြုလုပ် ဆောင်ရွက်ပေးသွားစေချင် ပါတယ်။  အတင်းအကျပ် တိုက်တွန်းတာမဟုတ် ဘဲ မေတ္တာရပ်ခံခြင်း ဖြစ်ပါတယ်”ဟု ပြောကြားခဲ့သည်။
အနည်းဆုံး ယာယီလစာသတ်မှတ်ရန်အတွက် စက်ရုံလုပ်ငန်းရှင် များနှင့် ညှိနှိုင်းမှုများ ပြုလုပ်ရာတွင် စက်ရုံ ၂၀ ကျော်ခန့် အဆင်ပြေမှုများ ရရှိခဲ့ကြောင်း၊ ယခင်က ဆန္ဒထုတ် ဖော်မှုများ မပြုလုပ်ခင်က စက်ရုံဝန်ထမ်း တစ်ဦး၏ အခြေခံလစာမှာ ကျပ် ၈၀၀၀ မှ ကျပ် ၃၀၀၀၀ ထိသာ ဖြစ်ကြောင်း သိရှိရသည်။
ဇူလိုင်လ ၄ ရက်နေ့တွင်စတုတ္ထ အကြိမ်မြောက်ကျင်းပမည့် လွှတ်တော်တွင် အနည်းဆုံးအခကြေးငွေ ဥပဒေကို တင်ပြသွားရန် ရေးဆွဲပြီးနေကြောင်း၊ နိုင်ငံတကာစံနှုန်းနှင့်အညီ အနိမ့်ဆုံး အခကြေးငွေကို ဆောင်ရွက်ပေးသွား မည်ဖြစ်ကြောင်း ဇွန်လ ၃ ရက်နေ့ တွင် CMP  လုပ်ငန်းများ ဖွံ့ဖြိုးတိုးတက်ရေးနှင့် စိန်ခေါ်မှုစုပေါင်း ဆွေးနွေးပွဲတွင် အလုပ်သမားဝန်ကြီး ဦးအောင်ကြည်က ပြောကြားခဲ့ပါသည်။
news-eleven.com

ဘင်္ဂလီလူမျိုးတစ်ဦး နိုင်ငံသားစိစစ်ရေးကတ်ပြား အတုဖြင့် ပတ်စ်ပို့လာလျှောက်

နိုင်ငံသားစိစစ်ရေးကတ်အတုဖြင့် ပတ်စ်ပို့လာလျှောက်သူ ဖမ်းမိ

ဘင်္ဂလီလူမျိုးတစ်ဦး နိုင်ငံသားစိစစ်ရေးကတ်ပြား အတုဖြင့် ပတ်စ်ပို့လာလျှောက်ရာမှ ဗဟန်း မြို့နယ်နိုင်ငံကူးလက်မှတ်ရုံးတွင် ဖမ်းဆီးရမိခဲ့သည့်ဖြစ်ရပ်တစ်ခု ဇွန် ၁၂ ရက်က ဖြစ်ပွားခဲ့သည်။
ယင်းနေ့ ၃ နာရီခွဲခန့်တွင် လ၀ကဦးစီးအရာရှိ ဦးဝင်းလှိုင်သည် ပတ်စ်ပို့ရုံးရှိ မှတ်ပုံတင်ရေးဌာန တွင် တာဝန်ဆောင်ရွက်နေစဉ် ကျော်ခင်(ခ) အဒူဟာရှင်(၃၀) နှစ် ဘင်္ဂလီလူမျိုး၊ ၁၂၃ လမ်း၊ သပြေကုန်းရပ် ကွက်၊ မင်္ဂလာတောင်ညွှန့်နေသူသည် နိုင်ငံသား စိစစ်ရေးကတ်ပြားအတု ကိုင်ဆောင်ပြီး နိုင်ငံကူးလက်မှတ်လာ ရောက်ပြုလုပ်ရာမှ ယခုကဲ့သို့ ဖမ်းဆီးရမိခဲ့ခြင်းဖြစ်သည်။
“အခုဒီကိစ္စကို ဗဟန်းရဲစခန်းက တာဝန်ယူစစ်ဆေးနေတယ်။ နိုင်ငံကူးလက်မှတ်ကို လိမ်လည် လျှောက်ထားတာပဲ။ မှတ်ပုံတင်အတုကို ဘယ်ကလုပ်တာလဲ။ ဘယ်သူပြုလုပ်ပေးတာလဲစတဲ့အချက်တွေ စနစ် တကျစစ်ဆေးပြီး စုံစမ်းဖော်ထုတ်သွားမယ်။ ထိထိရောက်ရောက် ဥပဒေအရ အရေးယူသွားမှာပါ” ဟု မြန်မာနိုင် ငံရဲတပ်ဖွဲ့မှ တာဝန်ရှိသူတစ်ဦးက ပြောသည်။
မြန်မာနိုင်ငံအတွင်းရှိ သက်ဆိုင်ရာလူဝင်မှုကြီးကြပ်ရေးနှင့် အမျိုးသားမှတ်ပုံတင်ရေး ဦးစီးဌာန များ၌ နိုင်ငံကူးလက်မှတ်ကို မမှန်မကန်မပြုလုပ်ရေး၊ တိုင်းတစ်ပါးသားများကို နိုင်ငံကူးလက်မှတ်ပြုလုပ်မပေး ရေး၊ အချက်အလက်မှန်မှန်ကန်ကန်ဖြစ်စေရေး၊ လာဘ်ပေးလာဘ်ယူကင်းရှင်းစေရေးစသည့် အချက်များကို သက်ဆိုင်ရာရုံးများတွင် အသီးသီးဖော်ပြထားကြောင်း သိရသည်။
“ခုလိုအချိန်မှာ ဘင်္ဂလီလူမျိုးတစ်ဦးနိုင်ငံသား စိစစ်ရေးကတ်ပြားအတုကိုင် ပတ်စ်ပို့လျှောက် တာဟာ စိတ်ဝင်စားစရာကိစ္စပဲ။ ဒါနဲ့ပတ်သက်ပြီး ဘာမှမှတ်ချကမပေးလိုဘူး” ဟု လူဝင်မှုကြီးကြပ်ရေးနှင့်ပြည် သူ့အင်အားဦးစီးဌာနမှ တာဝန်ရှိသူတစ်ဦးက ပြောသည်။
အဆိုပါအမှုကို ဗဟန်းရဲစခန်းမှ (ပ) ၂၈၉/၁၂၊ ပုဒ်မ-၄၂၀/၄၆၈ ဖြင့် စုံစမ်းစစ်ဆေးဆောင်ရွက် လျက်ရှိကြောင်းသိရသည်။
Source: The article first appeared on Flower News Journal(ပန်းသတင်းဂျာနယ်) - အတွဲ ၈၊ အမှတ် ၂၃
by teashoptalk.com

ဒေါ်အောင်ဆန်းစုကြည်ဒပ်ဗလင်သွားရန် ဘိုနိုက ဂျက်လေယာဉ်ပေးအပ်


မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နှင့် U2 အဖွဲ့ မှ ဘိုနို တို့  ကို နော်ဝေ ရှိ အော်စလို ဖိုရမ် တွင် တွေ့ ရစဉ်
ဓါတ်ပုံ - Cathal McNaughton/Reuters


ဒီနေ့ Dublin လေဆိပ်မှာ အမေ့ကို လာကြိုတဲ့ ကိုဇာဂနာ
ဓါတ်ပုံ - Reuters


ခဲအိုကြီး ဟာ အမေ့အတွက်တော့ အစ်ကိုတစ်ယောက် အစားရသလိုပါပဲ ...



နော်ဝေနိုင်ငံက အမေ့ခြေရာ
ဓါတ်ပုံ - Thit Sar


Norway's FM meets Aung San Suu Kyi at the Foreign Ministry for a meeting in Oslo,
Sunday, June 17, 2012.
AP Photo


နော်ဝေနိုင်ငံ ဒုတိယမြို့တော် Bergen ရောက် ဒေါ်အောင်ဆန်စုကြည်
ဓါတ်ပုံ - Helgheim/NRK



ဒေါ်အောင်ဆန်းစုကြည်အား နိုင်ငံတကာလူအခွင့်အရေးဆုပေးအပ်ပွဲနှင့်U2အဖွဲ့အပါအဝင်ကမ္ဘာကျော်အဆိုတော်များ၊သရုပ်ဆောင်များမှ ဂုဏ်ပြုတင်ဆက်မည့် Electric Burmaအမည်ရှိဂီတပွဲတော်သို့ ဒေါ်အောင်ဆန်းစုကြည်ဆက်ရောက်မည်ဖြစ်သည်။ ဂီတပွဲတော်အပြီး ဒပ်ဗလင်ရှိ ဂုဏ်ပြုရင်ပြင်တွင် အိုင်ယာလန်ပြည်သူများကို အမှတ်တရစကားပြောကြားမည်ဖြစ်သည်။ ယနေ့မနက်နော်ဝေနိုင်ငံတွင် နှစ်စဉ်ကျင်းပသော Oslo Forumတွင်အိုင်းရစ်အဆိုတော်ဘိုနိုတက်ရောက်ခဲ့ပြီး ဒေါ်အောင်ဆန်းစုကြည်အားယနေ့ဒပ်ဗလင်မြို့သို့သွားရောက်ရန်အတွက်သူ၏ကိုယ်ပိုင်ဂျက်လေယာဉ်ကိုပေးအပ်ခဲ့ကြောင်း နော်ဝေနိုင်ငံရေးဝန်ကြီးဌာနကသတင်းတရားဝင်ထုတ်ပြန်ခဲ့သည်။

Credit to Aung Pan.

RFA Burmese
ဒေါ်အောင်ဆန်းစုကြည်ကို အဆိုတော်ဘိုနို ကိုယ်ပိုင်ဂျက်လေယာဉ်နဲ့ကြို
2012-06-18
ဒေါ်အောင်ဆန်းစုကြည်ဟာ ဒီကနေ့ ညနေ အိုင်ယာလန် နိုင်ငံ ဒပ်ဘလင်မြို့ကို ရောက်ရှိလာပါတယ်။ နော်ဝေ နိုင်ငံကနေ အိုင်ယာလန်ကို လာရောက်ဖို့ အတွက် ကမ္ဘာကျော် ယူတူး ရော့ခ်တေးဂီတအဖွဲ့ခေါင်းဆောင် ဘိုနိုက ဒေါ်အောင်ဆန်းစုကြည်ကို သူ့ကိုယ်ပိုင် ဂျက်လေယဉ်နဲ့ လာရောက်ကြိုဆိုခဲ့တာပါ။
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ ဒီကနေ့ နော်ဝေနိုင်ငံမှာ အော်စလိုမြို့နားမှာ ကျင်းပတဲ့ "အော်စလို ငြိမ်းချမ်းရေး ညှိနှိုင်းမှု အစည်းအဝေး" ကို တက်ရောက်ခဲ့ပါတယ်။
အဲဒီ အစည်းအဝေးကို နိုင်ငံတကာခေါင်းဆောင် ၁၀၀ နီးပါးလောက် တက်ရောက်ခဲ့ပြီး ကမ္ဘာကျော် ရော့ခ်အဆိုတော် U2 အဖွဲ့ခေါင်းဆောင် ဘိုနိုလည်းတက်ရောက်ခဲ့သလို ဆွီဒင်နိုင်ငံခြားရေးဝန်ကြီး Carl Bildt အပြင် မြန်မာ အစိုးရစက်မှုဝန်ကြီး ဦးစိုးသိန်းတို့လည်း တက်ရောက်ခဲ့တယ် လို့ သိရပါတယ်။
အော်စလို ငြိမ်းချမ်းရေး ညှိနှိုင်းမှု အစည်းအဝေးဟာ နိုင်ငံတွေရဲ့ အပြောင်းအလဲကာလအတွင်းမှာ အရေးကြီးတဲ့ တွေ့ဆုံဆွေးနွေး အဖြေရှာခြင်း ခေါင်းစဉ်နဲ့ ဆွေးနွေးတာလို့ သိရပါတယ်။
အဲဒီ ဆွေးနွေးပွဲမှာ မြန်မာနိုင်ငံနဲ့ အာရပ်ကမ္ဘာက နိုင်ငံရေး အပြောင်းအလဲတွေကို အဓိကထား ဆွေးနွေးခဲ့ကြတယ်လို့ ဆိုပါတယ်။
ဒပ်ဗလင်မြို့မှာ ဒေါ်အောင်ဆန်းစုကြည်ကို ဂုဏ်ပြုတဲ့ "Electric Burma" စင်တင်တေးဂီတနဲ့ ဖျော်ဖြေမှာ ဖြစ်ပါတယ်။ အဲဒီပွဲကို နိုင်ငံတကာ လွတ်ငြိမ်းချမ်းသာခွင့်အဖွဲ့ကြီး အေအိုင်က စီစဉ်ကျင်းပတာဖြစ်ပြီး ပွဲအပြီးမှာ ဒေါ်အောင်ဆန်းစုကြည်ရဲ့ ၆၇ နှစ်ပြည့် မွေးနေ့ဆုတောင်းပွဲကို ကျင်းပမှာဖြစ်ပါတယ်။
ယူတူးပွဲကို ပရိသတ် ငါးထောင်လောက် တက်ရောက်ဖို့ရှိပြီး ကမ္ဘာကျော် အနုပညာရှင်တွေလည်း တက်ရောက်မယ်လို့ ဆိုပါတယ်။

ဝါရင့်စာရေးဆရာကြီး (လူထု ဦးစိန်ဝင်း) ယနေ့ ည (၁၁) နာရီ (၁၇/၆/၂၀၁၂) တွင် SSC ဆေးရုံ၌ကွယ်လွန်အနိစ္စရောက်


RFA Burmese
ဝါရင့်သတင်းစာဆရာကြီး လူထု ဦးစိန်ဝင်းကွယ်လွန်
2012-06-17
ဝါရင့်သတင်းစာဆရာကြီး လူထုစိန်ဝင်း(အသက် ၇၁ နှစ်) ဟာ ရန်ကုန်မြို့ ရွှေဂုံတိုင် အထူးကုဆေးရုံမှာ မနေ့ ည ၁၁ နာရီခွဲလောက်က အဆုတ်ရောဂါနဲ့ ကွယ်လွန်သွားခဲ့ပါတယ်။
သတင်းစာလောကအတွက် အလွန်ကြီးမားတဲ့ဆုံးရှုံးမှုတခု ဖြစ်တယ်လို့ ပြည်သူ့ခေတ်ဂျာနယ် အတိုင်ပင်ခံအယ်ဒီတာသတင်းစာဆရာ မောင်ဝံသက ပြောပါတယ်။
"အင်မတန်မှ စိတ်မကောင်းဖြစ်ရပါတယ်။ အင်မတန်မှ ဝမ်းနည်းကြေကွဲရ ပါတယ်။ နောက်ပြီးတော့ နှမြောတသတယ်လို့လည်း ပြောရမှာပေါ့ဗျာ။ ဘာဖြစ်လို့လဲဆိုတော့ သူ့အသက်အရွယ်နဲ့ဆိုလို့ရှိရင် ကျန်းမာရေး သာကောင်းမယ်ဆိုလို့ရှိရင် အများကြီးကို တိုင်းပြည်အတွက် စာကောင်းပေကောင်းရေးနိုင်သေးတယ်။ နောက်သူအင်မတန် ထက်မြက်တယ်ဗျာ။ အင်မတန်ရဲရင့်တဲ့ ကလောင်တချောင်းဖြစ်တယ်။ ကျန်းမားရေးချို့တဲ့တာ နှစ်တော်တော်ကြာကြာကို ချို့တဲ့နေတဲ့ကြားထဲ ကနေပြီးတော့ ဒီအောက်ဆီဂျင်ပိုက်တန်းလန်းနဲ့ စာတွေဆက်ရေးနေတယ်။ ရေးတဲ့စာမှန်သမျှကလည်း စေတနာလည်းပါတယ်ဗျာ။ အင်မတန် ရဲရင့်ပြောင်မြောက်တယ်။ တိုင်းပြည်ကို ပြုပြင်တဲ့ကလောင်ပေါ့။ နောက် ဝေဖန်ထောက်ပြစရာရှိတဲ့ နေရာမှာလည်း ဘယ်သူ့ကိုမှ မငဲ့ညှာပဲနဲ့ ဝေဖန်ထောက်ပြတယ်။ အဲဒီလို ကလောင်တချောင်း ဆုံးရှုံးရတာကို ကျွန်တော်ကတော့ အင်မတန် နမြောတသပါတယ်"
လူထု ဦးစိန်ဝင်းဟာ ဇွန်လ ၁၇ ရက်နေ့မှာ ကျန်းမာရေးအခြေအနေ ဆိုးရွားလာတာကြောင့် အထူးကုဆေးရုံမှာ တက်ရောက်ကုသခံယူရင်း ကွယ်လွန်သွားခဲ့တာပါ။

လီကွန်ယူ နဲ့ ဂိုချုပ်တောင် J ၀င်နေကြတယ်

The Straits Times ..... via May Ni