Saturday, September 15, 2012

မိုဟာမက်ဗီဒီယိုကလစ်ကိုဖျက်ချပေးရန် အိမ်ဖြူတော်၏ တောင်းဆိုချက်ကို Google ပယ်ချ



Reuters
စက်တင်ဘာ ၁၅၊ ၂၀၁၂


အရှေ့အလယ်ပိုင်းဒေသတွင် အမေရိကန်ဆန့်ကျင်ရေးဆန္ဒပြပွဲများ ဖြစ်ပေါ်စေသည့် အငြင်းပွားဖွယ် YouTube
ဗီဒီယိုကလစ် အင်တာနက်တွင် ဆက်လက်ထားရှိမည်ဟူသော ဆုံးဖြတ်ချက်ကို ပြန်လည်စဉ်းစားပေးရန် အိမ်ဖြူတော်၏ တောင်းဆိုချက်ကို Google က သောကြာနေ့တွင် ပယ်ချလိုက်သည်။

အမေရိကန်သံရုံးများ ၀င်ရောက်စီးနင်းတိုက်ခိုက်ခံရသည့် အီဂျစ်နိုင်ငံ၊ လစ်ဗျားနိုင်ငံတို့တွင် ထိုဗီဒီယိုကလစ် ကြည့်ရှုနိုင်ခြင်း မပြုနိုင်ရန် စီစဉ်လိုက်ပြီးဖြစ်ကြောင်း၊ အိန္ဒိယနိုင်ငံ၊ အင်ဒိုနီးရှားနိုင်ငံတို့ရှိ အင်တာနက်သုံးသူများအတွက် ထိုဗီဒီယိုကလစ်ကို ဆင်ဆာ ဖြတ်တောက်နေကြောင်း Google က ပြောကြားလိုက်သည်။
လစ်ဗျားတွင် အမေရိကန်သံရုံး အင်္ဂါနေ့က တိုက်ခိုက်ခံခဲ့ရပြီး သံအမတ်နှင့် အမေရိကန်အရာရှိ ၃ ဦး သေဆုံးသွားသည်။
Google က ဗီဒီယိုကလစ်များ အင်တာနက်တွင် ကန့်သတ်ပစ်ရန်မှာ နိုင်ငံရေးဖိအားကြောင့် မဟုတ်ဘဲ သက်ဆိုင်ရာနိုင်ငံ၏ ဥပဒေကြောင့်သာ ဖြစ်လိမ့်မည်ဟု ပြောသည်။
“အိန္ဒိယ နဲ့ အင်ဒိုနီးရှားနိုင်ငံတို့မှာ ဥပဒေနဲ့ မညီတဲ့အတွက် ဗီဒီယိုကလစ်တွေကို အကန့်အသတ် လုပ်လိုက်တယ်၊ ပြီးတော့ အီဂျစ် နဲ့ လစ်ဗျားတို့မှာတော့ အကဲဆတ်တဲ့အခြေအနေတွေကြောင့် ကန့်သတ်ပေးလိုက်တာ ဖြစ်ပါတယ်” ဟု Google က ပြောသည်။
အရှေ့အလယ်ပိုင်းဒေသတွင် အမေရိကန်ဆန့်ကျင်ရေးဆန္ဒပြပွဲများ ဖြစ်ပေါ်စေသည့် အငြင်းပွားဖွယ် YouTube
အငြင်းပွားဖွယ် ဗီဒီယိုကလစ်က YouTube ၏ သတ်မှတ်စည်းကမ်းများနှင့် ညီညွတ်ခြင်း ရှိမရှိ ပြန်လည် စစ်ဆေးပေးရန် အိမ်ဖြူတော်က Google ကို တောင်းဆိုခဲ့ပြီးဖြစ်သည်။
သတ်မှတ်စည်းကမ်းများနှင့် ညီညွတ်ကြောင်း Google က ပြန်လည် တုံ့ပြန်ထားသည်။
အငြင်းပွားဖွယ် ထိုရုပ်ရှင်ကား ထုတ်လုပ်သူ အသက် ၅၅ နှစ် အရွယ် Nakoula Basseley Nakoula သည် ကယ်လီဖိုးနီးယား ပြည်နယ်မှ ဖြစ်သည်။
အဆိုပါပုဂ္ဂိုလ်သည် ၂၀၁၀ ပြည့်နှစ်က ဘဏ်လုပ်ငန်းဆိုင်ရာနှင့် ပတ်သက်ပြီး ပြစ်ဒဏ်ကျခံခဲ့ဖူးပြီး ဇွန်လက ချွင်းချက်ဖြင့် ထောင်မှ ပြန်လွတ်လာသူဖြစ်သည်။
အမေရိကန်အာဏာပိုင်တို့က အဆိုပါပုဂ္ဂိုလ်သည် ထောင်မှလွတ်မြောက်ပြီး သတ်မှတ်စည်းကမ်းချက်များ ဖောက်ဖျက်ခြင်း ရှိမရှိ စုံစမ်းစစ်ဆေးမည်ဟု ပြောသည်။

- translated by Moemaka

နိုင်ငံရေး အကျဉ်းသား အားလုံး လွတ်မြောက်ရေးဒေါ်အောင်ဆန်းစုကြည်ပါဝင် လက်မှတ် ရေးထိုး

အမျိုးသားဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်က နိုင်ငံရေး အကျဉ်းသား အားလုံး လွတ်မြောက်ရေးတောင်းဆိုသည့် လက်မှတ်ထိုးလှုပ်ရှားမှုတွင် ပါဝင် လက်မှတ် ရေးထိုးကာ ထောင်အတွင်း ကျန်ရှိနေသည့် နိုင်ငံရေး အကျဉ်းသားအားလုံး လွှတ်ပေးရန် တောင်းဆိုလိုက်သည်။

ကျပ်သန်းထောင်ချီ ကြေးနီ အလွဲသုံးစားမှု စတင်အရေးယူ

-

စနေနေ့ ၊ စက်တင်ဘာလ ၁၅ရက် ၂၀၁၂ ခုနှစ် သတင်း - The Voice Weekly

ဝန်ထမ်း ၄၆ ဦးက အသိပေး ဖော်ထုတ်ခဲ့သည့် ကျပ်သန်းပေါင်း ၂၇၀၀ကျော် တန်ဖိုးရှိ ကြေးနီတန် ၃၀၀ကျော် အလွဲ သုံးစားမှုတွင် ပါဝင်သည်ဟူသော စွဲချက်ဖြင့် ကြေးနီ စီမံကိန်း စက်ရုံမှူးနှင့် ဝန်ထမ်း တစ်ဦးတို့က ဆားလင်းကြီးမြို့နယ် ရဲတပ်ဖွဲ့ စခန်းတွင် ထိန်းသိမ်းထားပြီး တရားစွဲဆိုနိုင်ရန် အမှုတည်ဆောက်နြေေ

ကာင်း ဆားလင်းကြီးမြို့နယ် ရဲစခန်းမှူး ဦးလှငွေက အတည်ပြု ပြောကြားသည်။

ဒေါ်လာ ၃ ဒသမ နှစ်သန်းကျော် တန်ဖိုးရှိ ကြေးနီတန် ၃၀၀ ကျော် အလွဲ သုံးစားမှုမှာ စစ်ဆေးဆဲ ဖြစ်နေသဖြင့် ဆားလင်းကြီးမြို့နယ် ရဲတပ်ဖွဲ့ စခန်းတွင် ထိန်းသိမ်း ခံထားရသော ကြေးနီ စီမံကိန်း စက်ရုံမှူးနှင့် ဝန်ထမ်း တစ်ဦးတို့ကို တရားရုံး တင်မည့်ရက် ရွှေ့ဆိုင်း၍ ရမန်ကြီး တစ်ပတ် ထပ်ယူထားကြောင်း ၎င်းက ဆိုသည်။

ထိန်းသိမ်း ခံထားရသည့် မုံရွာ ကြေးနီ စီမံကိန်း စက်ရုံမှူး ဦးအောင်လောဟာ နှင့် ကြေးနီပို့ တာဝန်ခံ ဦးကျော်ဆွေတို့ ကို သြဂုတ်လ ၂၉ ရက်နေ့တွင် ဆားလင်းကြီး မြို့နယ် ရဲတပ်ဖွဲ့ စခန်းတွင် ဖမ်းဆီးထားခဲ့ပြီး ၁၄ ရက် ပြည့်မြောက် ဖြစ်သည့် စက်တင်ဘာလ ၁၂ ရက်နေ့ တွင် တရားရုံးသို့ ရုံးတင် စစ်ဆေးရန် စီစဉ်ထားကြောင်း၊ သို့သော် ယင်းနေ့ နေ့လယ်ပိုင်းတွင် ကျောင်းဖွင့်ပွဲ အခမ်း အနားသို့ တက်ရောက်လာသော သမဝါယမ ဝန်ကြီးဌာန ပြည်ထောင်စု ဝန်ကြီး ဦးကျော်ဆန်း၏ ခရီးစဉ် ရှိသောကြောင့် မြို့နယ် တရားသူကြီးမှာ ညနေ ၄ နာရီကျော်မှ တရားရုံးသို့ ပြန်လည် ရောက်ရှိပြီး မြို့နယ် ဥပဒေ အရာရှိမှာ လည်း ယင်းအမှုအတွက် ကြည့်ရှုရမည့် စာရွက်စာတမ်း အထောက်အထားများ မှာ အလွန် များပြားသည့်အတွက် သေချာစွာ ဖတ်ရှုနိုင်ရန် ရမန်ကြီး တစ်ပတ် ထပ်ယူ ခဲ့ရကြောင်း ထိန်းသိမ်း ခံထားရသူများ၏ အကျိုးဆောင် ရှေ့နေ ဦးဝင်းမြင့်က ပြော ကြားသည်။

သတ္တုတွင်း ဝန်ကြီးဌာနနှင့် အိုင်ဗင်ဟိုး ကုမ္ပဏီတို့ အကျိုးတူ ပူးပေါင်း လုပ်ကိုင်ခဲ့သော အဆိုပါ ကြေးနီ စီမံကိန်း ကို မြန်မာ့စီးပွားရေး ဦးပိုင် လီမိတက်နှင့် တရုတ်ဝမ်ဘောင် ကုမ္ပဏီတို့ထံ လွှဲပြောင်း ရောင်းချခဲ့သည့် အတွက် ၂၀၁၀ ပြည့် နှစ် ဒီဇင်ဘာလ ၃၁ ရက်နေ့ ညသန်းခေါင် မှစတင်ပြီး ထုတ်လုပ်မှု ရပ်ဆိုင်းရန် ညွှန်ကြားခဲ့ကြောင်း၊ သို့သော်လည်း ၂၀၁၁ ခုနှစ် ဇန်န၀ါရီလ ၄ ရက်နေ့ အထိ တရားမဝင် စက်လည်ပတ်၍ ကြေးနီတန်ချိန် ၃၃၈ ဒသမ ၉၃၂ တန်ကို အလွဲသုံးစား ပြုလုပ် ခဲ့သဖြင့် ကြေးနီ သတ္တုတွင်း ဝန်ထမ်းများက ၂၀၁၁ ခုနှစ် စက်တင် ဘာလ ၁ ရက်နေ့တွင် တိုင်းဒေသကြီး ဝန်ကြီးချုပ်နှင့် ပြည်ထောင်စု ဝန်ကြီးထံသို့ တိုင်ကြားစာများ ပေးပို့ခဲ့ကြောင်း၊ သို့သော် အရေးယူ ဆောင်ရွက်မှုများ အပေါ် ကျေနပ်မှု မရှိသောကြောင့် နိုင်ငံတော် သမ္မတကြီးထံသို့ တိုင်ကြားစာ ထပ်မံ ပေးပို့ခဲ့ရကြောင်း ကြေးနီ သတ္တုတွင်း ဝန်ထမ်းများက The Voice Weekly သို့ ဆက်သွယ် ပြောကြားသည်။ အဆိုပါ အလွဲသုံးစားမှုကို အရေးယူ ဆောင်ရွက်ပေးရန် ၂၀၁၁ ခုနှစ် အောက်တိုဘာလ ၁၄ ရက်နေ့တွင် သတ္တုတွင်း ဝန်ကြီးဌာနမှ ဒုတိယ ညွှန်ကြားရေးမှူး ဦးဖေသိန်းက ဆားလင်းကြီးမြို့နယ် ရဲတပ်ဖွဲ့စခန်း၌ (ပ) နံပါတ် ၂၈၅/၂၀၁၁ ဖြင့် တိုင်ကြား ခဲ့သော်လည်း တစ်နှစ်နီးပါး ကြာမြင့်လာသည့် တိုင်အောင် ထိရောက်သော အရေးယူ ဆောင်ရွက်မှု မရှိကြောင်း၊ ပြစ်မှု ကျူးလွန်သူများတွင် အဓိက ပါဝင်ဖွယ်ရှိသော နိုင်ငံခြားသား အထွေထွေ မန်နေဂျာနှင့် အတွင်းရေးမှူးတို့မှာ ၂၀၁၁ ခုနှစ် စက်တင်ဘာ လဆန်းကပင် ပြည်ပနိုင်ငံသို့ အလွယ်တကူ ထွက်ပြေး တိမ်းရှောင် သွားခဲ့ကြောင်း ကြေးနီသတ္တုတွင်း ဝန်ထမ်းများနှင့် ထိန်းသိမ်း ခံထားရသူနှစ်ဦး၏ မိသားစုဝင်များက ပြောကြားသည်။

ယင်းကဲ့သို့ အမှုကိစ္စ ကြန့်ကြာရမှု အခြေအနေနှင့် ပတ်သက်၍ The Voice Weekly က စက်တင်ဘာလ ၆ ရက်နေ့ ၌ ဒဂုံမြို့နယ် တရားရုံးတွင် သတ္တုတွင်း ဝန်ကြီးဌာန ညွှန်ကြားရေးမှူး ဦးဇော်ကိုကို ကို မေးမြန်းခဲ့ရာ ပုဒ်မ ၆/၁ ဖြင့် ဝန်ထမ်း နှစ်ဦးကို ဖမ်းဆီး ထားသည်ဟု ကြားသိရ ကြောင်း၊ အဆိုပါ အမှုကို ဌာန ဆိုင်ရာ စုံစမ်း စစ်ဆေးမှု သာမက တိုင်းဒေသကြီး စာရင်းစစ် အဖွဲ့၊ ပတ်ဝန်းကျင် ထိန်းသိမ်းရေးနှင့် သစ်တောရေးရာ ဝန်ကြီးဌာန ပြည်ထောင်စုဝန်ကြီး ဦးဝင်းထွန်းနှင့် အထူး စုံစမ်း စစ်ဆေးရေး ဦးစီးဌာနတို့က ဝင်ရောက် စစ်ဆေး နေသောကြောင့် ကြန့်ကြာ ခြင်းသာ ဖြစ်ကြောင်း ပြောကြားသည်။

ကြေးနီတန် ၃၀၀ ကျော် အလွဲသုံးစား မှုနှင့် ပတ်သက်၍ အသိပေး ဖော်ထုတ် တိုင်ကြားခဲ့သော ဝန်ထမ်း ၄၆ ဦးကို သတ္တုတွင်း ဝန်ကြီးဌာန အမှတ်(၁)သတ္တု တွင်းလုပ်ငန်း ခေတ္တ ဦးဆောင် ညွှန်ကြား ရေးမှူးနှင့် အကြီးတန်း အရာရှိများက ၂၀၁၂ ခုနှစ် ဇန်န၀ါရီလ ၂၉ ရက်နေ့ တွင် လာရောက် တွေ့ဆုံခဲ့ပြီး အလွဲသုံးစားမှု မှန်ကန်ကြောင်း ပြည်ထောင်စု စာရင်းစစ်ချုပ်၏ စစ်ဆေးတွေ့ရှိမှု အစီရင်ခံစာကို ဖတ်ပြ၍ မုံရွာမြို့တွင် သစ်တောရေးရာ ဝန်ကြီးဌာန ပြည်ထောင်စု ဝန်ကြီး အမှုစစ်ဆေး နေစဉ်မှာပင် ကြေးနီသတ္တုများ ပြန်လည် သိမ်းဆည်း မိကြောင်း အသိပေးခြင်း၊ နိုင်ငံတော် သမ္မတကြီး၏ နှုတ်မိန့်အရ အဆိုပါ သိမ်းဆည်းရမိသော ကြေးနီများကို လေလံတင် ရောင်းချရာမှ ရရှိသော နိုင်ငံခြားငွေများ ကို ဘဏ်တွင် အပ်နှံခြင်း၊ ယင်းငွေထဲမှ ရန်ကုန်နှင့် မန္တလေး ပြည်သူ့ ဆေးရုံကြီး များတွင် ကင်ဆာရောဂါကုစက်များ လှူဒါန်း ခဲ့ခြင်းတို့ ပြုလုပ်ခဲ့ကြောင်း ၎င်းတို့ကို အသိပေး ပြောကြားခဲ့သည်ဟု ကြေးနီ သတ္တုတွင်း ဝန်ထမ်းများက ပြောကြားသည်။

ရန်ကုန်နှင့် မန္တလေး ပြည်သူ့ ဆေးရုံကြီးတို့တွင် သတ္တုတွင်းဝန်ကြီး ဌာနကသော်လည်းကောင်း၊ မြန်မာအိုင် ဗင်ဟိုး ကုမ္ပဏီက သော်လည်းကောင်း ကင်ဆာ အထူးကု စက်များ လှူဒါန်းထားမှုရှိ မရှိကို The Voice Weekly သတင်း အဖွဲ့က စက်တင်ဘာလ ၁၂ ရက်နေ့တွင် အတည်ပြု မေးမြန်းခဲ့ရာ ရန်ကုန်ပြည်သူ့ဆေးရုံကြီးတွင် အများ စုပေါင်း လှူဒါန်း ထားသော ကင်ဆာ ဓာတ်ရောင်ခြည် စက်နှစ်လုံးသာ ရှိပြီး အလှူရှင်များ စာရင်းတွင် သတ္တုတွင်း ဝန်ကြီးဌာနပါဝင် ခြင်း မရှိကြောင်း ကင်ဆာ ဓာတ်ရောင်ခြည် ဌာန ဌာနမှူး ပါမောက္ခ ဒေါက်တာ စိုးဦးမောင်က ပြောကြားသည်။

မန္တလေး ပြည်သူ့ ဆေးရုံကြီး ကင်ဆာဌာနတွင်လည်း ကျန်းမာရေး ဝန်ကြီးဌာန အစီအစဉ်ဖြင့် ဝယ်ယူထား သော ဓာတ်ရောင်ခြည် စက်နှစ်လုံးသာ ရှိပြီး တစ်လုံးမှာ တပ်ဆင်ထားခြင်း မရှိသေးသော စက်အသစ်ဖြစ်ကြောင်း အဆိုပါ ဌာန တာဝန်ရှိသူ တစ်ဦးက ပြောကြားသည်။

၂၀၁၁ ခုနှစ် ဇန်န၀ါရီလ ပထမပတ်က ဖြစ်ပေါ်ခဲ့သော ကြေးနီတန် ၃၀၀ ကျော် အလွဲသုံးစားမှုတွင် ကြေးနီစက်ရုံ ဝန်ထမ်းနှစ်ဦးကို ဖမ်းဆီး ထားသော်လည်း အဆိုပါ ကြေးနီများကို ရန်ကုန်မြို့အထိ သယ်ယူခဲ့ရာ၌ ပါဝင်ခဲ့သူများနှင့် ရှစ် လ နီးပါးကြာ လက်ခံ သိမ်းဆည်း ထားသူများကိုမူ အရေးယူနိုင်ခြင်း မရှိသေးကြောင်း ကြေးနီ သတ္တုတွင်း ဝန်ထမ်းများ နှင့် ထိန်းသိမ်းခံရသူ နှစ်ဦး၏ မိသားစုဝင်များက ပြောကြားသည်။

“ဒီတန်ချိန် ၃၀၀ ကျော်ကြီးကို ဒီနှစ်ယောက် တည်းနဲ့တော့ လုံးဝ မဖြစ်နိုင် ပါဘူး။ ကြီးကြီးပိုင်းက မပါဘဲ နဲ့တော့ လုပ်ရဲမှာ မဟုတ်ပါဘူး။ ကျွန်တော်တို့ ကလည်း အမှန်အတိုင်း ဖြစ်စေချင်ပါတယ်” ဟု ဆားလင်းကြီး ရဲတပ်ဖွဲ့ စခန်း တွင် ထိန်းသိမ်း ခံထားရသော ကြေးနီ စီမံကိန်း ဝန်ထမ်း ဦးကျော်ဆွေ၏သား ဖြစ်သူ ဦးသက်ဝင်းထွန်းက ပြောကြားသည်။

ပြည်သူ့လွှတ်တော် ငွေစာရင်း ကော်မတီသို့ ပေးပို့သော ပြည်ထောင်စု စာရင်းစစ်ချုပ်၏ အရေးကြီးသော စစ် ဆေး တွေ့ရှိချက် အစီရင်ခံစာ ၃/၂၀၁၂ တွင် ကြေးနီ ၃၃၈ ဒသမ ၉၃၂ တန်ကို စာရင်း မဖော်ပြဘဲ မမှန်မကန် ထုတ်ယူခဲ့ သည့် မှတ်တမ်း အထောက်အထားများ ကြိုတင် ဖျောက်ဖျက်ထားခြင်း များကို မြန်မာအိုင်ဗင်ဟိုး ဝန်ထမ်းများ ဖြစ်သော ဌာနမှူး ဦးအောင်လောဟာ၊ General Manager Mr.Glenn E.Forl နှင့် ဒေါ်သီရိတို့က ပူးပေါင်း ဆောင်ရွက်ခြင်း ဖြစ်ကြောင်း၊ ဝန်ထမ်းများ၏ တိုင်စာကို စစ်ဆေးရာမှ အစုရှယ်ယာ ရောင်းချခြင်း တွင် ကျသင့်ငွေ ဒေါ်လာသန်း ၁၀၀ ကို မြန်မာ့စီးပွားရေး ဦးပိုင် လီမိတက်က ပေးချေခြင်း မဟုတ်ဘဲ ဝမ်ဘောင် ကုမ္ပဏီက ပေးချေ ခဲ့သည်ကို တွေ့ရှိရကြောင်း ဖော်ပြ ထားသည်။

ဇန်န၀ါရီလ ၁ ရက်နေ့မှ ၄ ရက် နေ့အထိ လေးရက်တာ ကာလအတွင်း ဒေါ်လာသုံးသန်းကျော် တန်ဖိုးရှိသော ကြေးနီ တန်ချိန် ၃၃၈ ဒသမ ၉၃၂ တန် ကို ထုတ်လုပ် နိုင်ခဲ့သော မြန်မာအိုင်ဗင်ဟိုး ကုမ္ပဏီ၏ အစုရှယ်ယာ ၅၀ ရာခိုင်နှုန်း ကို မြန်မာ့ စီးပွားရေး ဦးပိုင် လီမိတက်သို့ ဒေါ်လာသန်း ၁၀၀ ဖြင့် ရောင်းချခဲ့ခြင်း မှာ မေးခွန်း ထုတ်ရမည့် အခြေအနေသို့ ရောက်ရှိနေကြောင်း အမျိုးသား လွှတ်တော် သတ္တုနှင့် သယံဇာတ ကော်မတီဝင် ဦးဖုန်းမြင့်အောင်က ပြောကြားသည်။
“ကျွန်တော် အမှန်အတိုင်း ပြောရရင် MEC နဲ့ ဦးပိုင်မှာ စီမံခန့်ခွဲရေး လုပ်နေတဲ့ လက်တစ်ဆုပ်စာ လူတစ်စုကို အယုံအကြည် မရှိဘူး။ တပ်မတော်က လုပ်တဲ့ စီးပွားရေး လုပ်ငန်းတွေက ရှုံးတာ များတယ်။ မြင်းခြံ သံမဏိ စက်ရုံကို ဝန်ကြီးဌာန လက်ထဲ ပြန်လွှဲပြောင်း လိုက်သလို၊ ဦးပိုင်က လုပ်နေတဲ့ လုပ်ငန်းတွေ ကိုလည်း ဝန်ကြီးဌာန လက်ထဲ လွှဲပြောင်း ပေးရင်၊ ပုဂ္ဂလိကပိုင် ပေးမယ်ဆိုရင်လည်း Open Tender ပေးစေ ချင်တယ်” ဟု ဦးဖုန်းမြင့်အောင် က ဆိုသည်။

အနာဂတ် ကာလတွင် အကောင်အထည်ဖော် ဆောင်ရွက်မည့် စီမံကိန်း များကို ဒေသခံများ၏ သဘောဆန္ဒ ရယူပြီးမှ ဆောင်ရွက်သွားရန်နှင့် စီမံကိန်းပါ အချက်အလက်များနှင့် ရရှိမည့် အကျိုး အမြတ်များကို ပွင့်လင်း မြင်သာမှု ရှိစွာဖြင့် ဆောင်ရွက်သွားရန် လိုအပ်ကြောင်း မုံရွာမြို့သို့ ရောက်ရှိနေသော ၈၈ မျိုးဆက် ကျောင်းသား ကိုဂျင်မီက ဝက်မှေး ဒေသခံများနှင့် တွေ့ဆုံရာတွင် ပြောကြားသည်။

“လေးရက်ကို ဒေါ်လာသုံးသန်းနဲ့ တွက်မယ် ဆိုရင် ခြောက်လ ကြာတာနဲ့ အရင်းကျေပြီ။ လျှော့ဈေးနဲ့ လက်သိပ် ထိုးရောင်း မရောင်းဆိုတာ ကာယကံရှင်တွေပဲ သိနိုင်မှာပါ။ အသွင် ကူးပြောင်းရေး ကာလ ဖြစ်တဲ့အတွက် နိုင်ငံပိုင် လုပ်ငန်း တွေကို ပုဂ္ဂလိက လက်ထဲ လွှဲပြောင်းတာတွေ အများကြီး ရှိခဲ့တယ်” ဟု ပြည်သူ့ လွှတ်တော် ငွေစာရင်း ကော်မတဝင်တစ်ဦး က ပြောကြားသည်။

အဆိုပါ မုံရွာ ကြေးနီ စီမံကိန်း အနီး ပတ်ဝန်းကျင်ရှိ ကျေးရွာ လေးရွာမှာ ရွှေ့ပြောင်းပေးရန် ဖိအားပေး ခံခဲ့ရခြင်း၊ လယ်ယာမြေ ဧကပေါင်း ၇၈၀၀ ကျော် သိမ်းဆည်း ခံခဲ့ရသဖြင့် တောင်သူများ ၏ အလုပ်အကိုင် အခွင့်အလမ်းများ ဆုံးရှုံးခဲ့ရခြင်း၊ ကြေးနီ စီမံကိန်း စွန့်ပစ် မြေစာပုံများကြောင့် သဘာဝပတ်ဝန်း ကျင် ပျက်စီးခြင်းများ ကြုံတွေ့နေရခြင်း စသည့် ရလဒ်များကြောင့် ဒေသခံများမှာ အဆိုပါ စီမံကိန်း ရပ်ဆိုင်းရန် ဇွန်လ ပထမပတ်မှ စတင်ကာ ငြိမ်းချမ်းစွာ ဆန္ဒပြ တောင်းဆိုလျက် ရှိပြီး စက်တင်ဘာလ ဒုတိယပတ်တွင် မုံရွာမြို့ပေါ်သို့ ကူးစက်ခဲ့သည်။

ကလေးမြို့နယ်ထဲမှာ ခိုးဝင်ဘင်္ဂလီ ဆယ်ယောက်ကို ဖမ်းဆီးရမိ


Saturday, 15 September 2012

-----------------------------------
စစ်ကိုင်းတိုင်းမြောက်ပိုင်း၊ ကလေးမြို့နယ်၊
ပေါက်တောရွာမှာ ခိုးဝင်လာသူ ဘင်္ဂလီကုလား အယောက် သုံးဆယ် အနက်က ဆယ်ယောက်ကို
မနေ့က စက်တင်ဘာလ ၁၄-ရက်နေ ညခုနစ်နာရီခန့်မှာ ဖမ်းမိခဲ့တယ်။

အလောင်းတော် ကဿပသွား တောလမ်းမှာ ရွာသားတစ်ယောက်ကတွေ့လို့ သတင်းပို့တဲ့အတွက် ကျေးရွာအုပ်ချုပ်ရေးမှူးနဲ့ အရံမီးသတ်တပ်ဖွဲ့ဝင်တွေက ဝိုင်းဝန်းဖမ်းဆီးခဲ့ကြတာဖြစ်တယ်။ ပေါက်တောရွာ အုပ်ချုပ်ရေးမှူးအိမ်မှာ ခေတ္တ ထိန်းသိမ်းထားပြီးနောက် ကလေးမြို့ရဲစခန်းက စက်လှေနဲ့ လာခေါ်သွားခဲ့တယ်။

ဖမ်းမိတဲ့ ဆယ်ကျော်သက်အရွယ် ဘင်္ဂလီ ဆယ်ယောက်ကို လမ်းပြခေါ်လာခဲ့သူ ဗုဒ္ဓဘာသာဝင် ဗမာလူမျိုး ကိုစိန်ဝင်းဟာ မင်းကင်းနယ် တောင်တွင်းရွာကဖြစ်ပါတယ်။ တမူးမှ ကလေးကို ဆိုင်ကယ်ဖြင့် ပို့ဆောင်ခ ငါးသိန်းကျပ်ရပြီးတော့၊ တမူးကနှေ မန္တလေးတရောက် ပို့ပေးရင် တစ်ယောက်ကို (၁၅)သိန်းရတယ် လို့ဆိုပါတယ်။ ခါတိုင်းလိုပဲ အလွယ်တကူ ဖြတ်ကျော်လို့ရမယ်ထင်ပြီး အတင့်ရဲရဲ ဖြတ်ကျော်လာတဲ့အတွက် ဖမ်းမိသွားတာဖြစ်တယ်လို့ ဆိုပါတယ်။

အခု ဖမ်းမိတဲ့ ဘင်္ဂလီတွေဟာ(၂၇)ယောက်အုပ်စုအနေနဲ့ ၀င်လာကြတာဖြစ်ပြီး၊ ကျန်(၁၇)ယောက်
ကတော့ လွတ်မြောက်နေသေးတယ်။

အနီးအနားက ဆင်ရွာမှာလည်း (၃၀)ယောက် အုပ်စုတစ်အုပ်စု ရှိနေသေးတယ်လို့ သတင်းထွက်တယ်။ အင်းစိန်တံငါရွာမှာလည်း ဘင်္ဂလီများ ရောက်ရှိနေကြောင်း ကြားရလို့ နေသာရွာ ဆရာတော် ဦးဓမ္မိက က လူလွှတ်ပြီး စုံစမ်းနေတယ်လို့ သိရပါတယ်။

အခု ဖမ်းမိတဲ့ ကိုစိန်ဝင်းဟာ လမ်းပြအဆင့်သာဖြစ်ပြီးတော့ ဘင်္ဂလီတွေကို ခိုးသွင်းပေးနေတဲ့ ဂိုဏ်းခေါင်းဆောင် ဒေသခံ တစ်ဦး ကလေးမြို့မှာ ရှိနေပြီလို့ တွက်ဆကြတယ်။ အဆိုပါ ဒေသခံခေါင်းဆောင်ဟာလည်း ဗုဒ္ဓဘာသာဝင် ဗမာလူမျိုးတစ်ယောက်ပဲ ဖြစ်ပြီးတော့ စုံစမ်းရှာဖွေဆဲဖြစ်တယ်။

ပြီးခဲ့တဲ့ စက်တင်ဘာလ (၁၃)ရက်နေ့က ကလေးမြို့မှာ ပူပူနွေးနွေး ကျင်းပထားတဲ့ ဘင်္ဂါလီခိုးဝင်သူရှုတ်ချပွဲကြောင့် အခုလို ပြည်သူလူထုဘက်က ပူးပေါင်းဆောင်ရွက်ပေးတာကို ဒေသခံပြည်သူ့ရဲတွေကလည်း အားရကျေနပ်နေကြတယ်
လို့သိရတယ်။

လူဝင်မှုကြီးကြပ်ရေးဝန်ကြီးဦးခင်ရီကတော့ ဘင်္ဂလီတွေ ခိုးဝင်လာတာကို
မတွေ့ရဘူး ဆိုတဲ့သဘာမျိုးကို မကြာသေးခင်က သတင်းစာရှင်းလင်းပွဲ တစ်ခုမှာ
ပြောကြားသွားခဲ့တယ်။
----------------------------
Coral Arakan News Agency

ဝက်မှေးကျေးရွာမှ မသွဲ့သွဲ့ဝင်း၊ မအေးနက်၊ မဖြူဖြူဝင်း တို့မုံရွာအကျဉ်းထောင်မှ ပြန်လည် လွတ်မြောက်

7Day News Journal

တူနီးရှားနိုင်ငံ အမေရိကန်သံရုံးအနီးမှ ဆန္ဒပြမှုများ

တူနီးရှားနိုင်ငံတွင် ဖြစ်ပွားခဲ့သည့် အမေရိကန်ဆန့်ကျင်ရေး ဆန္ဒပြမှုအတွင်း ၃ ဦးသေဆုံးပြီး ၂၉ ဦး ဒဏ်ရာရရှိခဲ့ကြောင်း သိရသည်။

အစ္စလာမ်ဘာသာရေး ဆန္ဒပြမှု ဩစတြေးလျှသို့ကူးစက်

(၂၀၁၂ခု စက်တင်ဘာလ ၁၅ရက်)

ဦးကျော်မောင်ချေ အသုဘလူပေါင်း နှစ်သောင်းနီးပါးခန့် ပို့ဆောင်

September 14, 2012 at 12:59 pm
ဦးကျော်မောင်ချေ အသုဘတွင် လူသတ်တရားခံ အစစ်အမှန်ကို ဖေါ်ထုတ်ပေးရန် ပြည်သူများ တောင်းဆို ယမန်နေ့က ပြုလုပ်သော ဦးကျော်မောင်ချေ အသုဘတွင် သူ့အား သတ်ဖြတ်သူ တရားခံ အစစ်အမှန်များကို ဖေါ်ထုတ်ပေးရန် အသုဘ လာသူများက ပိုစတာများ ကိုင်ဆောင်ပြီး တောင်းဆိုခဲ့သည်ဟု သိရသည်။
ရခိုင်ပြည်နယ်တွင် တာဝန်ရှိသူ အများအပြားသည် ပြစ်မူ ကျူးလွန်သူများထံမှ လာဒ်ငွေ အမြောက်အမြား ယူပြီး လွတ်ပေးကာ ပြစ်မူ မကျူးလွန်သူများကိုသာ ဖမ်းဆီး အရေးယူလေ့ရှိနေကြောင်း သိရသည်။

သို့အတွက် ယခု ဦးကျော်မောင်ချေ အမူတွင်လည်း အမှန်တကယ် ပြစ်မူ ရှိသူများကို ဖမ်းဆီး အရေးယူခြင်း မရှိဘဲ လူသတ်မူ ကျူးလွန် ခြင်း မရှိသူ အခြေအနေမဲ့ သာမန် လူများကို ဖမ်းဆီးကာ အရေးယူပြမည်ကို ပြည်သူများက စိုးရိမ်နေကြောင်း သိရသည်။
သို့အတွက်  အသုဘတွင် ပိုစတာများထောင်ပြီး တရားခံ အစစ်အမှန်ကို ဖေါ်ထုတ်ပေးရန် တောင်းဆိုရခြင်း ဖြစ်ကြောင်း  ကျောက်တော် ဒေသခံ တစ်ဦး ဖြစ်သည်။
“ အခု လူတွေက စိုးရိမ်နေတာ အမှန် တကယ် ပြစ်မူ ကျူးလွန်တဲ့သူတွေကို ဖမ်းဆီး အရေးမယူဘဲ ဘာမှမဟုတ်တဲ့ လူတွေကို ဖမ်းဆီး အရေးယူမှာကို စိုးရိမ်နေကြပါတယ်” ဟု အမည်မဖေါ်လိုသူ ကျောက်တော် ဒေသခံ တစ်ဦးက ပြောသည်။
ယခင်ကလည်း ယခုလို ငွေကြေး လာဒ်လာဘ ယူပြီး ပြစ်မူ ကျူးလွန်သူများကို အရေးမယူ မဖမ်းဆီးဘဲ မျက်ကွယ် ပြုထားသော  ပြစ်မူများလည်း အများအပြားရှိသည်ဟု ဆိုသည်။
“ ကျွန်တော်တို့ လက်ပူ လက်ကြပ် မိတာတော့ မဟုတ်ဘူး။ ဒါပေမယ့် ဒီလို သံသယ ဖြစ်စရာတွေ အများကြီး ရှိနေတယ်။ ကျောက်တော်မှ ရခိုင်တွေကို တိုက်ခိုက်ခဲ့တဲ့ ဘင်္ဂလီတွေကို တစ်ဦး တစ်ယောက်ကိုမှ အရေးယူတာ မရှိခဲ့ပါဘူး” ဟု ဆိုသည်။
၂၀၁၂ ခုနှစ် ဇူလိုင်လ ၁၀ ရက်နေ့က ရှမ်းရွာမှ အိမ်တစ်ဆောင် မီးရှို့ခံခဲ့ရပြီး ဇူလိုင်လ ၁၄ ရက်နေ့ကလည်း ပိုက်သည်ရက်ကွက်မှ ဆိုင်ကယ်သမား ကိုစံရွှေ (၃၁)  နှစ်ကို ဘုရားပေါင်းကျေးရွာကို လူသွားပို့ပြီး  အပြန်တွင် ဘင်္ဂလီ ပိုက်သည်ရွာမှ ရွာသား ၂၀ ခန့်က တုတ်ဓါးများဖြင့် တိုက်ခိုက်ခဲ့သည့်အတွက် ဆေးရုံ တင်ပို့ခဲ့ရသည်။
အလားတူ ၂၀၁၂ ခုနှစ် သြဂတ်စ်လ ၂ ရက်နေ့ ညဥ့်အချိန်ကလည်း အသစ် တည်ဆောက်ထားသော ကျောက်တော် ရွှေပြည်သစ်ကားဂိတ် အဆောက်အဦးနှင့် ဆိုင်ခန်းများကို ဘင်္ဂလီ လူအုပ်စု တစ်ခုက ၀င်ရောက်ဖြိုဖျက်သွားခဲ့ပြီး သြဂတ်စ်လ ၅ ရက်နေ့ကလည်း  တောင်ပေါက်ရွာမှ ရခိုင်အမျိုးသားပိုင် မီးစက်ကြီး တစ်လုံးကို မီးရှို့ ဖျက်ဆီးသွားခဲ့သည်။
သို့သော်လည်း တစ်ဦး တစ်ယောက်ကိုမှ အရေးယူခြင်း၊ ဖမ်းဆီးခြင်း  မရှိခဲ့ကြောင်း သိရသည်။ သို့အတွက် ကျောက်တော် ဒေသခံများက အာဏာပိုင်များ၏ ပြုမူ ဆောင်ရွက်မူများ အပေါ်  သံသယ အကြီးအကျယ် ဖြစ်ပေါ်နေကြောင်း သိရသည်။
ကျောက်တော်မြို့နယ်တွင် ဆူပူ ဖြစ်စဉ်တွင် ရခိုင်လူမျိုး ၃၁ ဦး အဖမ်းခံခဲ့ရပြီး ထိုအထဲတွင် အမျိုးသမီးများလည်း ပါဝင်သည်။ ဖမ်းဆီးခံရသူ ရခိုင် အမျိုးသား  အများစုမှာ ဆင်းရဲသူများ ဖြစ်ကြသည်ဟု ဆိုသည်။

 September 14, 2012 at 12:01 pm
ဦးကျော်မောင်ချေ အသုဘ ကျောက်တော်တွင် လူပေါင်း နှစ်သောင်းနီးပါးခန့် ပို့ဆောင် ရက်စက်စွာ သတ်ဖြတ်ခံလိုက်ရသော ဦးကျော်မောင်ချေ အသုဘ အား စက်တင်္ဘာလ ၁၃ ရက်နေ့က ကျောက်တော်တွင်ပြုလုပ် သဂြိုလ်ရာ လူပေါင်း နှစ်သောင်းနီးပါးခန့် လိုက်ပါ ပို့ဆောင် ပေးခဲ့သည်။
ဦးကျော်မောင်ချေ အသုဘ ( ဓါတ်ပုံ- ရွှေမြန်မာ) “ ဒီလောက် များတဲ့ လူတွေ ကို အသုဘ တစ်ခါမှ မတွေ့ဖူးပါဘူး။ တစ်မြို့လုံးပြည့်နေတယ်။ ခန့်မှန်းခြေ တစ်သောင်းကျော်၊ နှစ်သောင်း နီးပါးခန့်ရှိ နိုင်ပါတယ်” ဟု အသုဘသို့ သရဏဂုံ သွားရောက် တင်ပေးခဲ့သူ ဆရာတော် တစ်ပါးက မိန့်ကြားသည်။
အသုဘအား နေ့လည် ၂ နာရီကျော် အချိန်တွင် မီးသဂြိင်္ုလ်ရာ  ကျောက်တော်မြို့ပေါ် က ပြည်သူများသာမက ကျောက်တော်မြို့နယ် တစ်ခုလုံးမှ လူပေါင်းမြောက်မြားစွာ အသုဘ လိုက်ပါ ပို့ဆောင်ပေးခဲ့သည်ဟု ဆိုသည်။
အသုဘ လိုက်ပါ ပို့ဆောင်နေစဉ် ဆူပူအုံကြွမှု  ပေါ်ပေါက်မည့် အခြေအနေများ ဖြစ်ပေါ်ခဲ့သဖြင့်  ဒေါသ ထွက်နေသော လူအုပ်ကြီးကို ရဟန်းတော်များနှင့် အာဏာပိုင်များက ဖျောင်းဖျ ထိန်းသိမ်း ခဲ့ရသည်ဟု ဆိုသည်။
“ ဆရာတော်တို့က ပြောတာက တရားဥပဒေနဲ့ အညီ တာဝန်ရှိသူတွေက အရေးယူလိမ့်မယ်။ အကြမ်းဖက်မူတွေ မလုပ်ဖို့ မေတ္တာရပ် ခံရပါတယ်။ အကယ်၍ လူသတ် တရားခံတွေကို တရား ဥပဒေနဲ့  ရဲအဖွဲ့ က အရေးမယူဘူးဆိုရင်တော့ အဲဒီခါမှသာ ဆရာတော်တို့ကိုယ်တိုင် ဦးဆောင်ပြီး အရေးဆိုမူတွေ လုပ်မယ်လို့ ပြောဆို ဖျောင်းဖျရပါတယ်။ အခုတော့ ရဲက တရားခံနှစ်ဦးကို ဖမ်းဆီး မိထားပြီလို့ သိရပါတယ်” ဟု ဆရာတော်က မိန့်ကြားသည်။
ယခုအခါ ဦးကျော်မောင်ချေ အား သတ်ဖြတ်မူနှင့် ပြစ်မှုကျူးလွန်သူဟု စွပ်စွဲခံရသူ ပိုက်သည်ရွာ သား ရွှေမောင်(ခေါ်) အဒူမာလိတ်နဲ့ လာလူး (ခေါ်) ဖော်ရီအာမတ်တို့ ဖမ်းဆီးထားကြောင်း သိရ သည်။ တခြား သတင်းရပ်ကွက်အရ အဆိုပါ ဖမ်းဆီးထားသူ နှစ်ဦးမှာ စစ်တွေမြို့မှ လာရောက်သူ များ ဖြစ်ကြောင်းနှင့်  သူတို့ နှစ်ဦးနှင့် အတူ ယခု လူသတ်မူတွင်  အနည်းဆုံး လူပေါင်း (၈) ဦးခန့် ပါဝင်နိုင်ကြောင်း သူတို့ ကျူးလွန်သော ပြစ်မူကို ကြည့်ပြီး ပြောဆိုသည်။
ဦးကျော်မောင်ချေ (၆၄ နှစ်) သည် စက်တင်ဘာလ (၁၁) ရက်နေ့ ညနေ ၅ နာရီခန့်တွင် မလေးရှားရှိ သူ့သားထံမှ ပေးပို့သော ငွေကို ကျောက်တော်မြို့မှ ထုတ်ယူပြီး သူနေထိုင်ရာ သရက်အုပ် ကျေးရွာ သို့  အပြန်တွင် ရက်ရက်စက်စက် သတ်ဖြတ်ခံခဲ့ရသည်။
“ သူသတ်ဖြတ်ခံရတာက ရိုးရိုး  လူသတ်မူ မဟုတ်ပါဘူး။ လုယက်မူလည်း မဟုတ်ပါဘူး။ လည်ပင်းကို လှီးထားတဲ့ အတွက် ဒါဟာ ဘာသာရေး အစွန်းရောက်သူတွေက တမင် ကျူးလွန်တာ ဖြစ်ပါတယ်။ ရမ်းဗြဲ ကျောက်နီမော်က မသီတာထွေး လည်ပင်းကို လှီးထားတာနဲ့ အခု လှီးထားတာဟာ တစ်ထေရာတည်း တူနေပါတယ်” ဟု အလောင်းကို ကိုယ်တိုင် သွားကြည့်ခဲ့သူ ကျောက်တော် သင်္ဘောဆိပ်မှ ကိုနီအောင်ကျော်က နိရဉ္စရာသို့ ပြောသည်။
ယခုအခါ ကျောက်တော်မြို့နယ်တွင် ဦးကျော်မောင်ချေ အသတ်ခံရမူနှင့် ပတ်သက်ပြီး  မကျေနပ်မူများ အထူး တိုးပွားနေပြီး သက်ဆိုင်ရာမှ ငွေစားပြီး အမူမှန်ကို မဖေါ်ထုတ်ဘဲ ထားမည်ကို ပြည်သူများက အထူး စိုးရိမ်နေကြသည်ဟု သိရသည်။
အခင်းမဖြစ်ပွားမီ နံနက်ပိုင်းကလည်း  သရက်အုပ် ကျေးရွာမှ ဈေးသွား ဈေးလာများအား ပိုက်သည်ရွာ ဘက်မှ  တုတ်၊ ဓားများ ကိုင်ဆောင်ထားသူ အကြမ်းဖက် သမားများက ရန်ပြုမည့် အနေအထားမျိုး  ရှိနေကြောင်း   သရက်အုပ်ကျေးရွာ အုပ်ချုပ်ရေးမှူး ဦးမောင်သန်းနှင့် ဦးကျော်မောင်ချေတို့မှ  မြို့နယ်အုပ်ချုပ်ရေးမှူးကို တင်ပြခဲ့သော်လည်း တစ်စုံတစ်ရာ အရေးယူ ဆောင်ရွက်ခဲ့ခြင်း မရှိကြောင်း သိရသည်။
ဦးကျော်မောင်ချေ အသတ်ခံရသော ညနေပိုင်းကလည်း ရွာသားများ အလောင်း တွေ့ချိန်တွင် က၀ိရတနာ ဘုန်ကြီးကျောင်းတွင် တပ်စွဲထားသော မြောက်ဦး အခြေစိုက် ခမရ (၃၇၈) တပ်ရင်းသို့ သွားရောက် တိုင်ကြားရာ တပ်ရင်းမှုးက တပ်သားများကို  မလိုက်ရဟု တားမြစ်ကြောင်း သိရသည်။
အလားတူ ကျောက်တော် ရဲစခန်းသို့ အကြောင်းကြားရာ တာဝန်ရှိသူ ရဲစခန်းမှူးက  ရွာသား များ အား မင်းတို့ အလောင်းကို ယူလာနိုင်ရင် ယူလာကြပါဟု ပြောကြားပြီး ရဲသား တစ်ဦး တစ်ယောက် မှ စေလွှတ်ခြင်း မရှိကြောင်း  သိရသည်။
ရခိုင်တွင် တာဝန်ကျနေသော  ဗမာလူမျိုး အရာရှိကြီးများ အထဲမှ တချို့သည် “ရခိုင်နဲ့ ကုလားဖြစ် တာ- တို့ အနေသာကြီးပါ” ဟု စိတ် သဘော ထားကာ ပြုမူ ဆောင်ရွက် လုပ်ကိုင် နေသဖြင့် မလို လားအပ်သော ပြဿနာများ နောင်တွင် ပိုမို  ဖြစ်ပေါ်လာနိုင်သည်ဟု ပြည်သူများက ယုံကြည်နေကြသည်။
 http://www.narinjara.com/burmese/

ပြည်ခိုင်ဖြိုး ရခိုင်တာဝန်ခံ မောင်တောတွင် ရောက်ရှိနေစဉ် ရခိုင်အမျိုး သားတစ်ဦး ဓါးခုတ်ခံရ

September 15, 2012 at 10:40 am မောင်အေး

ရခိုင်ပြည်နယ် ပြည်ခိုင်ဖြိုး တာဝန်ခံ ဦးမောင်ဦးနှင့် မောင်တောမြို့နယ် ပြည်သူ့ လွတ်တော် ကိုယ်စားလှယ် ဦးအောင်ဇော်ဝင်းတို့ မောင်တောမြို့သို့ရောက်နေစဉ် ရခိုင်အမျိုးသားတဦးကို တိုက်ခိုက်ခံရပြီး ဒဏ်ရာ ပြင်းထန်သဖြင့် ဆေးရုံ တင်ပို့လိုက်ရသည်ဟု သတင်း ရရှိသည်။

တိုက်ခိုက်ခံရသူမှာ မောင်တောမြို့နယ် ရွာသာယာကျေးရွာမှ ဦး အောင်လှဖြူ ဖြစ်ပြီး စက်တင်ဘာ လ ၁၄ ရက် သောကြာနေ့ ညနေ ၈ နာရီကျော်ခန့်တွင် လယ်တဲ စောင့် နေစဉ် ဘင်္ဂလီ ၂၀ ခန့်က သေနတ် တုတ်ဓါးများဖြင့် ၀ိုင်းဝန်းတိုက်ခိုက်ခဲ့သည်ဟု ဆိုသည်။
ဖြစ်ပွားပုံနှင့်ပတ်သတ်ပြီး ဦးအောင်လှဖြူ၏ မိသားစုဝင်တဦးက ယခုကဲ့သို့ ပြောသည်။
“ဖြစ်တာက ည ၈ နာရီမှာ ဖြစ်တာပါ။ လယ်တဲမှာဖြစ်တာပါ။ လယ်တဲနဲ့ ရွာနဲ့က ၅ မိ နစ်ခန့် ဝေးပါတယ်။ သူက အသက် ၆၀ နီးပါးရှိပါပြီ။ ဒဏ်ရာတွေက ၀မ်းဗိုက်နဲ့ လည်ပင်းမှာ ဒဏ်ရာ ၃ ချက်ရှိ ပါ တယ်။ အားလုံးက ဓါးဒဏ်ရာပါ။ သူက ရွာနဲ့နီးတဲ့ အတွက် သူ့မယားနဲ့ လယ်တဲ စောင့်နေတာပါ။ ပြဿနာ ဖြစ်မှ အော်သံကြားတဲ့အတွက် ရွာကလူတွေ လိုက်သွားတော့ ဒဏ်ရာတွေနဲ့ မြေကြီးမှာ လဲနေတာကို တွေ့ရပါတယ်”  ဟု ဆိုသည်။
ဦးအောင်လှဖြူအား တိုက်ခိုက်ခဲ့သူများမှာ ပန်းဇင်းပြင်ရွာနှင့် ညောင်ချောင်း ဘင်္ဂလီရွာမှ  ဖြစ်ကြောင်း မိသားစုဝင်များက ပြောကြားသ်ာလည်း နိရဉ္စရာမှ သီးခြား အတည်ပြုနိုင်ခြင်း မရှိသေးပေ။
“ သူတို့လယ်တဲကို လာပြီး ဘင်္ဂလီ ၂၀ ခန့်က လာဝိုင်းတဲ့အတွက် အော်တဲ့အချိန်မှာ ရွာသားတွေ ထွက်လိုက်သွားတဲ့အတွက် ထွက်ပြေးသွားတယ်။ အောင် လှဖြူမှာတော့ ဓါးဒဏ်ရာ ၃ ချက်နဲ့ အခုတော့ မောင်တော  ဆေးရုံ ကိုပို့ထားပါတယ်။ သေမယ် ရှင်မယ်တော့မသိရပါဘူး” ဟု သူက ဆက်ပြောသည်။
အောင်လှဖြူ၏ ဇနီးဖြစ်သူမှာ လယ်တဲမှ ထွက်ပြေး လွှတ်မြောက်ခဲ့ကြောင်း သိရသည်။
ယခုအခါ အဆိုပါ ကျေးရွာတွင် အခင်းဖြစ်ပွားပြီးနောက် နစက တပ်ဖွဲ့ဝင် ၅ ဦးရောက်ရှိ နေပြီး လုံခြုံရေးယူထားကြောင်း သူကဆက်ပြောသည်။
ယခုကဲ့သို့ ရခိုင်အမျိုးသားတဦး တိုက်ခိုက်ခံရချိန်တွင်  မောင်တောမြို့သို့  ယခင်ပြည် ထဲရေး ၀န်ကြီးဟောင်း၊ ရခိုင်ပြည်နယ် တိုင်းမှူးဟောင်းလည်းဖြစ်ခဲ့သူ ရခိုင် ပြည်ခိုင်ဖြိုး တာဝန်ခံ ဦးမောင်ဦး၊ ဗိုလ်ချုပ်ဘုန်းဆွေနှင့် မောင်တောမြို့နယ်မှ မွတ်ဆလင် လွတ်တော် ကိုယ်စား လှယ်တဦးဖြစ်သူ အောင်ဇော်ဝင်းတို့ ရောက်ရှိနေချိန်လည်း တိုက်ဆိုင်နေသည်။
ဦးမောင်ဦး ဦးဆောင်သည့်အဖွဲမှာ စက်တင်ဘာလ ၁၂ ရက်နေ့က စစ်တွေကနေ ဘူး သီးတောင်သို့ အမြန်ယဉ်နှင့်ရောက်ရှိလာခဲ့ပြီး ဘူးသီးတောင်မြို့တွင် ဦးမောင်ဦးနှင့် အဖွဲ့ ကို ဘူးသီးတောင်မြို့ခံ သံဃာတော်များက တွေ့ဆုံရန်ကြိုးစားခဲ့သော်လည်း အတွေ့ မခဲဘဲ မောင်တောသို့ လုံခြုံရေးအပြည့်နှင့် ထွက်ခွာခဲ့သည်။
မောင်တောသို့ရောက်ရောက်ချင်း ကြံ့ခိုင်ရေးရုံးတွင် မွတ်ဆလင် ခေါင်းဆောင် များနှင့်တွေ့ ဆုံခဲ့ပြီး စက်တင်ဘာလ ၁၃ ရက်နေ့ နေ့လည်ပိုင်းတွင် ငခူရကျေးရွာသို့ ဦးအောင် ဇော်ဝင်းနှင့်အတူ သွားရောက်ခဲ့ပြီး ဘင်္ဂလီများနှင့် တွေ့ဆုံခဲ့ကြောင်း သိရသည်။
ထိုသို့ တွေ့ဆုံစဉ် ၂၀၁၅ ခုနှစ် ကြံ့ဖွတ်ပါတီ မဲရရှိရေးကို ပြောကြားခဲ့ကြောင်း လည်း မောင်တောမြို့ခံများကပြောသည်။
ဦးမောင်ဦးနှင့်အဖွဲ့ မောင်တောသို့ လာရောက်စဉ် မောင်တောမြို့မှ ရခိုင်အမျိုး သမီး များ ဆန္ဒပြရန်စီစဉ်ခဲ့သော်လည်း အာဏာပိုင်များက ဟန့်တားခဲ့သည့်အတွက် ဖျက် သိမ်းခဲ့ရသည်ဟု သိရသည်။
 http://www.narinjara.com/burmese/?p=2161

NCGUB ဖျက်သိမ်းကြောင်းထုတ်ပြန်ကြေညာချက်

ရိုဟင်ဂျာမှာ တိုင်းရင်းသား မဟုတ်ကြောင်းအီရန် သံအမတ်အား ရှင်းလင်း တင်ပြ

September 13, 2012 at 3:40 pm
အီရန် သံအမတ် စစ်တွေသို့ လာရောက်လည်ပတ် မြန်မာနိုင်ငံ ဆိုင်ရာ အီရန် သံအမတ်သည် ယနေ့ နံနက်က ရန်ကုန်မှ စစ်တွေသို့ ရောက်ရှိလာခဲ့သည်ဟု သိရသည်။
စစ်တွေတွင် နံနက် ၉ နာရီမှ ၁၂ နာရီထိ လူမူ အဖွဲ့အစည်းများမှ ခေါင်းဆောင်များ၊ မြို့မိမြို့ဖများနှင့် ရခိုင်ပြည်နယ် လွှတ်တော် ခန်းမတွင် တွေ့ဆုံခဲ့သည်ဟု ဆိုသည်။

ထိုသို့ တွေ့ဆုံစဉ်  ရခိုင်ပြည်နယ်တွင် ဖြစ်ပွားခဲ့သော ဆူပူ အကြမ်းဖက်မူနှင့် ပတ်သက်ပြီး ဘာသာရေး လူမျိုးရေး အဓိဂရုဏ်းဆံဆံ ပြောကြားသဖြင့် တက်ရောက်လာသူများမှ ဘာသာရေး လူမျိုးရေး အဓိဂရုဏ်း မဟုတ်ပါကြောင်း ရှင်းပြ ပြောကြားခဲ့သည်ဟု သိရသည်။
“ သူပြောတာကတော့ ဘာသာရေး လူမျိုးရေး အဓိဂရုဏ်းဆိုပြီး ပြောပါတယ်။ ဒါကို တက်ရောက်လာတဲ့ သူတွေက လူမျိုးရေး ဘာသာရေး ပဋိပက္ခ မဟုတ်ဘူးလို့ ပြောပါတယ်။ ဆူပူ အကြမ်းဖက်လိုသူတွေက တမင် ဆူပူလိုလို့ လုပ်တယ်လို့ ပြန်လည် ရှင်းပြကြပါတယ်” ဟု တွေ့ဆုံ ဆွေးနွေးပွဲသို့ တက်ရောက်ခဲ့သူ တစ်ဦးက ပြောသည်။
ရခိုင်လူမျိုးများ အနေဖြင့် မည်သည့် ဘာသာ မည့်သည့် လူမျိုးကိုမှ မုန်းတီးခြင်း၊ တိုက်ခိုက်လိုစိတ် မရှိပါကြောင်း၊ ဤသည်ကို သမို်င်းနှင့်ချိဲပြီး လေ့လာနိုင်ပါကြောင်း၊ ယခု ဖြစ်ပွားပြဿနာမှာ ဆူပူမူကို လိုလားသူ လူတစ်စုက တိုင်းပြည် မတည်မငြိမ် ဖြစ်ရန် အတွက် အကွက်ကျကျ စီစဉ် ဖန်တီးရာမှ ဖြစ်ပွားခြင်းသာ ဖြစ်ကြောင်း  ပြောကြားသဖြင့် သံအမတ်ကြီးမှာ နားလည် သဘောပေါက်သွားပုံရကြောင်း သူက ဆက်ပြောသည်။
သံအမတ်ကြီးသည် ရိုဟင်ဂျာ တိုင်းရင်းသားဆိုသော စကားလုံးကိုလည်း သုံးနုန်းခဲ့ကြောင်း အဆိုပါ ကိစ္စနှင့် ပတ်သက်ပြီးလည်း သမိုင်းကြောင်းနှင့်  ချီပြီး ရိုဟင်ဂျာမှာ တိုင်းရင်းသား မဟုတ်ကြောင်း ရှင်းလင်း တင်ပြပြောကြားခဲ့ကြသည်ဟု သိရသည်။
အီရန် သံအမတ်နှင့် အဖွဲ့သည် တွေ့ဆုံဆွေးနွေးပွဲအား နံနက် ၉ နာရီမှ ၁၂ နာရီထိ ပြုလုပ်ခဲ့ကြောင်း သိရသည်။
၎င်းနောက်ပိုင်းတွင် ဒုက္ခသည်များ ခိုလုံရာ စခန်းများသို့ သွားရောက် လည်ပတ် ကြည့်ရှု့ခဲ့သည်ဟု သိရသည်။
ရခိုင်ပြည်နယ် စစ်တွေမြို့တွင် ယခုအခါ  နိုင်ငံခြား သံတမန်များ၊ နိုင်ငံခြားမှ အစိုးရ အဖွဲ့ဝင် တာဝန်ရှိသူများ၊ အန်ဂျီအိုများ၊ ကော်မရှင် အဖွဲ့ဝင် လူကြီးများ၊ ပြည်တွင်း အန်ဂျီအိုများ၊ သတင်းထောက်များ  နေ့စဉ် ၀င်လာမစဲ  တသဲသဲ ဖြစ်နေကြောင်း သတင်း ရရှိသည်။
အီရန် သံအမတ်သည် ယနေ့တွင် စစ်တွေမှ  ရန်ကုန်သို့ ပြန်သွားမည်ဟု သိရသည်။
http://www.narinjara.com/burmese/?p=2143

လ၀က ၀န်ကြီး သို့ အိတ်ဖွင့်စာပေးသောနေမျိုးဝေ

လ၀က ၀န်ကြီး သို့ အိတ်ဖွင့်ပေးသော ဆောင်းပါး
နေမျိုးဝေ - ရေးသည် - ပေးသည် -

လူဝင်မှုကြီးကြပ်ရေးမှမြေယာကိုထိခိုက်ခြင်း

ဒီအချက်ကတော့ အခြားကဏ္ဍတစ်ခုကနေပြီး မြေယာကို ထိခိုက်စေ တဲ့အချက်ပါဘဲ ။ နိုင်ငံနယ်နိမိတ်ဆုံးရှုံးစေတဲ့နည်းတွေထဲမှာ -
- နိုင်ငံခြားသားများအနေဖြင့် နိုင်ငံ၏မြေယာများကို တနည်းနည်းဖြင့် နေထိုင်အသုံးပြုခွင့်ရယူလိုက်ခြင်း ဆိုတဲ့အချက်ကို ပထမပိုင်းမှာ မိတ်ဆက် ခဲ့ပါသေးတယ် ။ တဲ့တဲ့ပြောရရင် မြန်မာနိုင်ငံပေါက် တရုပ်လူမျိုး ကုလားလူမျိုး တွေရှိနေကြတော့ လူဝင်မှုကြီးကြပ်ရေးကတာဝန်မဲ့ ခြစားပြီး နိုင်ငံခြားသား ““တရုပ်ပြည်က တရုပ်နဲ့ ကုလားပြည်က ကုလား””ကို မှတ်ပုံတင်လုပ်ပေးလို့ လွယ်ပါတယ် ။ ဥရောပတိုက်သားတွေကိုတော့ ပုံမှားရိုက်လို့မရပါဘူး ။
အဲဒီလို ပြည်တွင်းတရုပ်ကုလားနဲ့ ပုံမှားရိုက်ပေးလိုက်ခြင်းဟာ နောက်ဆက်တွဲ မြေယာဝယ်ယူခွင့် တွေပါ ရရှိသွားပြီး မန်္တလေးမြို့ကြီးထဲ နိုင်ငံခြားသားတရုပ်တွေဝင်သွားပြီး မြန်မာတွေက ၀ိုင်းရံစောင့်ရှောက် နေရတဲ့ဘ၀ကိုရောက်သွားစေပါတယ် ။
ဒီပြဿနာမျိုးဟာမြေယာဥပဒေတစ်ခုတည်းနဲ့ ကာကွယ် နိုင်တာ မျိုးမဟုတ်ပါဘူး ။ လူဝင်မှုကြီးကြပ်ရေးဥပဒေနဲ့ ခြစားမှု ကင်းတဲ့ဘောင်ကနေ ကာကွယ်ရမှာပါ ။ နိုဝင်ဘာလထုတ် ဒိုင်ဗားစတီးရဲ့ - ““အမျိုးသားနေ့ကို ၂၁ ရာစုမျက်လုံးဖြင့်ကြည့်ခြင်း ”” ဆိုတဲ့အာဘော်တစ်ခုမှာ - ““ယခု ၂၁ ရာစုဖြစ်သည် ။ နိုင်ငံတစ်ခုကို လက်နက်နှင့် သိမ်း ဆည်းဖို့ အကြောင်းပြချက်တွေ အတော်ပင်လိုသည် ။ ၂၁ ရာစုသည် လက်နက် ရာစုမဟုတ် ငါ - ဗမာကွ ၊ တရုပ်ကွ၊ ကုလားကွ ၊ အင်္ဂလိပ်ကွ ၊ ဂျာမနီကွလို ကြွေးကြော်ကြမည်မဟုတ် ။ နေရာ ။ မြေနေရာ ။ မြေနေရာကိ်ု အစွဲပြုပြီး မြန်မာ့မြေဖြစ်လျှင် ““ မြန်မာကွ ”” လို့လာနေမည် ။ ကုလားမြေဖြစ်လျှင် ““ကုလားကွ”” လို့ကြွေးကြော်ပြီးနေလို့ရရင်နေချင်သည် ။ ဂျာမနီမြေမှာ နေရဖို့ ““ ဘာကွ ””လို့ အော်ရမည်နည်း အော်မည် ။အမျိုးသားရေး အထိုင်ရွှေ့ သွားလေပြီ ။ ကိုယ့် အမှတ်လက်္ခဏာကိုနောက်တန်းပို့ပြီး ကိုယ့် ကိုယ်လုံး ကြီး အသက်ရှုချောင်ဖို့ မြေကြီးကို လုမည် ။ လက်နက်နှင့်လုမည်မဟုတ် ငွေကိုသုံးမည် ။ အမှတ်လက်္ခဏာကို ပြောင်းချိတ်မည် ။ အဓိက က အသက်ရှုချောင်ရေးဖြစ်သည် ။ မိမိလူမျိုးတွေ မြေနေရာရရေးဖြစ်လာပေ ပြီ ။ လက်နက်နှင့်ကာကွယ်ရမည်မဟုတ် ။ မှတ်ပုံတင်နှင့်ကာကွယ်ရ မည် ။ စစ်တပ်နှင့် ဖြဲရမည်မဟုတ် လ၀က နှင့်ဖြဲရမည့် ရာစုဖြစ် လေသည် ။
မြန်မာနိုင်ငံ သိပ်တော့မကျယ်လှ ။သို့သော် လူဦးရေ နှင့်အချိုး ကျသော် - လူ အချိုး မြေ ဧ၇ိယာ မှာ အတော်ချောင်ချိသည် ။ ဒါသည် - အမျိုးသားရေးကို၂၁ ရာစု မျက်လုံးဖြင့် ဒေါက်ထောက် ကြည့်ဖို့ လိုလာခြင်းဖြစ်သည် ။
မတူကွဲပြားခြင်းနှင့်ငြိမ်းချမ်းရေးပါတီသည် ““လူသားဆန်သော ဒီမိုကရက်တစ်နိုင်ငံသားဝါဒ”” ကို ကိုင်စွဲသည် ။ လူမျိုးရေးဝါဒ မဟုတ် နိုင်ငံသားဝါဒဖြစ်သည် ။ သို့သော် ဒီနိုင်ငံအတွက် တည်ဆောက်ပြုပြင်ဖို့ ဒီနိုင်ငံသားတွေရဲ့ အခွန်အတုတ်တွေနဲ့ လုပ်နေရလေသမျှ အခြားနိုင်ငံသားတွေ အတွက် နေရာပေးလို့မရသေး ။ အမျိုးဂုဏ်ဇာတိဂုဏ်ကို အဖျက်ခံပြီး မှတ်ပုံတင်မှာ ဗမာကွ ၊ ရှမ်းကွ ၊ ချင်းကွ ၊ ကရင်ကွ၊ ကယားကွ ၊ မွန်ကွ ၊ ရခိုင်ကွ ၊ ကချင်ကွ လို့ အော်ပြီးနိုင်ငံခြား သားတွေ လာနေမည် ။ နိုင်ငံတွင်းပေါက်တရုပ်ကွ ၊ ကုလားကွ လို့လုပ်လာမည် ဆိုလျှင်ကော ။ လူမျိုးကို အခြေခံခွဲ နေတာမဟုတ် ။ နောင်မျိုး ဆက်အတွက် မြေမကျပ်ရေး စဉ်းစားပြနေ တာသာဖြစ်ပါသည် ။ အမျိုးသားနေ့ကို ၂၁ ရာစု မျက်လုံးဖြင့် ကြည့်ကြရန် တိုက်တွန်းလိုက်ရပါသတည်း ။”” လို့ ဖော်ပြခဲ့ဘူးပါတယ် ။
အနှစ်ချုပ်ရရင်တော့ - မြေယာတွေမဆုံးရှုံးစေဖို့ ၊ ဒေသခံလူမျိုး တွေမြေမကျပ်စေဖို့ ၊ နောက်မျိုးဆက်အတွက် အမွေချန်ခဲ့ဖို့ - အရေး - မြေယာဥပဒေကို လ၀က နှင့်လာရောက်ဖေးမဖို့လိုသည်လို့ထောက်ပြ လိုချင်းဖြစ်ပါသည် ။

နေမျိုးဝေ - 098610719

ရွှေဝါရောင်တော်လှန်ရေးနေ့ နှစ်ပတ်လည် ဖိတ်ကြားလွှာ

"နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ နှစ်ပတ်လည် ( ၅ )နှစ်မြောက် အခမ်းအနားဖိတ်ကြားလွှာ"

အစီအစဉ်

ကျင်းပမည့်နေ့ရက်
၁၈- ၉- ၂၀၁၂ (အင်္ဂါနေ့)

ကျင်းပမည့်အချိန်
နံနက် (၁၁း၀၀)နာရီမှ နေ့လည် (၂း၀၀)နာရီထိ။

ကျင်းပမည့်နေရာ
ငွေကြာရံပရိယတ္တိစာသင်တိုက် (တောင်ဥက္ကလာပ)။
အခမ်းအနားကို နေ့လည် (၁၂)နာရီတွင် စတင်ပါမည်။

နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ နှစ်ပတ်လည် အခမ်းအနား
၂၀၀၇           -            ၂၀၁၂

ဖိတ်ကြားလွှာ

 နိုင်ငံလုံးဆိုင်ရာ ရွှေဝါရောင်တော်လှန်ရေး နှစ်ပတ်လည်အခမ်းအနား ကျင်းပခြင်း၏ရည်ရွယ်ချက်-
၁ )-ပြည်တွင်းငြိမ်းချမ်းရေး။
၂ )-နိုင်ငံရေးအကျဉ်းသားများ အားလုံးလွှတ်ပေးရေး။
၃ )-ပြည်ပရောက် ဒီမိုကရေစီအင်အားစု အားလုံးလွတ်လပ်စွာ ပြန်လာခွင့်ပေးရေး။
၎ )-အမျိုးသား ပြန်လည်သင့်မြတ်ရေး။
၅ )-အခြေခံဒီမိုကရေစီ အခွင့်အရေးများ အပြည့်အ၀ရရှိရေး။
စသည့်နိုင်ငံရေး အနှစ်သာရရှိစွာ ( ၅ )နှစ်မြောက် နိုင်ငံလုံးဆိုင်ရာ ရွှေဝါရောင်တော်လှန်ရေးနေ့ နှစ်ပတ်လည် အခမ်းအနားကို
ကျင်းပမည်ဖြစ်ပါသဖြင့် ပူးပေါင်းဆောင်ရွက်ခြင်း စိတ်ဓါတ်ဖြင့် ကြွရောက်ချီးမြှင့်ပါရန် လေးစားစွာ ဖိတ်ကြားအပ်ပါသည်။

ကျင်းပရေးကော်မတီ
နိုင်ငံလုံးဆိုင်ရာ ရွှေဝါရောင်တော်လှန်ရေးနေ့။

စင်္ကာပူမှပြည်တော်အပြန်နှင့်စာအုပ်အဟောင်းလေး