Friday, August 2, 2013

ကော့ကရိတ်ရေဘေး က အလိမ်အညာတွေ


Thaw Zin

    ပြည်ထောင်စုသမ္မတမြန်မာနိုင်ငံတော် သတင်းထုတ်ပြန်ရေးအဖွဲ့က သတင်းထုတ်ပြန်ချက် ၁၁/ ၂၀၁၃ ကို ယနေ့ ထုတ်ပြန်ခဲ့ပါတယ်။

    အဲဒီသတင်းထုတ်ပြန်ချက်မှာ ကရင်ပြည်နယ်နဲ့ မွန်ပြည်နယ်မှာ ရေဘေးကယ်ဆယ်ရေးနဲ့ ပြန်လည် ထူထောင်ရေးလုပ်ငန်းများကို ကြီးကြပ် ဆောင်ရွက်နိုင်ဖို့ အတွက် ဒုတိယသမ္မတ ဦးဥာဏ်ထွန်း ဦးဆောင်တဲ့ ကြီးကြပ်ကွပ်ကဲရေး အဖွဲ့က ဇူလိုင်လ ၃၁ ရက်နေ့မှာ အဲဒီဒေသကိုရောက်ရှိလုပ်ငန်းဆောင်ရွက် နေပြီဖြစ်ကြောင်းဖော်ပြထားပါတယ်။

    သတင်းထုတ်ပြန်ချက်မှာ ကရင်ပြည်နယ်အတွင်း လှိုင်းဘွဲ့၊ ကော့ကရိတ်၊ ကြာအင်ဆိပ်ကြီး၊ မြ၀တီနဲ့ ကမမောင်းမြို့နယ်များမှာ အိမ်ထောင်စု ၆၇၃၃ စုမှ လူဦးရေ ၃၃၄၀၉ ဦးကို ကယ်ဆယ်ရေးစခန်း ၇၉ ခုမှာ ကူညီစောင့်ရှောက်ထားကြောင်း၊ ရေလွှမ်းမိုးမှုကြောင့် လူ သုံးဦး သေဆုံးပြီး တစ်ဦးပျောက်ဆုံးနေကြောင်းဖော်ပြထားပါတယ်။
    ဒုတိယသမ္မတ ဦးဥာဏ်ထွန်း ဦးဆောင်တဲ့ ကြီးကြပ်ကွပ်ကဲရေး အဖွဲ့ကို ကော့ကရိတ်ခရိုင်အုပ်ချုပ်ရေးမှူးနဲ့မြို့နယ်အုပ်ချုပ်ရေးမှူးတို့ရဲ့လိမ်လယ်လှည့်စားမှုမခံရအောင်ပြောချင်ပါတယ်၊
    ကော့ကရိတ်မှာ ၂၆.၇.၂၀၁၃ နေ့ညနေမှစပြီးရေကြီးနစ်မြုပ်မှုဖြစ်ပါတယ်၊စစချင်း ဂရုဏာဖေါင်ဒေးရှင်းမှအဖွဲ့ဝင်တွေနဲ့ ကြက်ခြေနီအဖွဲ့ဝင်တွေကယ်ဆယ်ရေးစလုပ်ပါတယ်၊
    ယနေ့အထိ ခရိုင်၊မြို့နယ်အုပ်ချုပ်ရေးအဖွဲ့တွေမတွေ့ရပါ၊ရေဘေးဒုက္ခသည်များဟာ ဂရုဏာဖေါင်ဒေးရှင်းကကျွေးမွေးထားလို့အသက်ရှင်နေရတာပါ၊
    ဂရုဏာဖေါင်ဒေးရှင်းက နာယကဆရာတော်ကိုယ်တိုင် မိုးထဲရေထဲမှာဒုက္ခသည်များကိုကယ်ဆယ်ရင်း ကိုယ်တိုင်ထမင်းထုပ်တွေဝေနေတာယနေ့ဆို(၇)ရက်ရှိပါပြီ၊
    စ.က.ခ (၁၂) က ဆန်(၁၄)အိတ်၊ ဒီကေဘီအေ ဗိုလ်မှူးကျော်သက်က ဆန် (၂၀) အိတ်၊ ကေအင်န်ယူကေအင်န်အယ်အေ ဗိုလ်မှူးတိုင်းဂါးက ခေါက်ဆွဲခြောက်ပါကင်၃၀၊
    မြို့သူမြို့သားအလှူရှင်တွေကလဲ ဆန်အိတ်၊ရေသန့်၊ခေါက်ဆွဲခြောက်၊တို့ကို ဂရုဏာဖေါင်ဒေးရှင်းထံလာရောက်လှူဒါန်းကြပါတယ်၊
    ကော့ကရိတ်ခရိုင်အုပ်ချုပ်ရေးမှူးနဲ့မြို့နယ်အုပ်ချုပ်ရေးမှူးတို့ကတော့ ဘာမှကူညီပံ့ပိုးပေးတာမရှိပါ၊
    ယနေ့မှ ဒုတိယသမ္မတ ဦးဥာဏ်ထွန်း ဦးဆောင်တဲ့ ကြီးကြပ်ကွပ်ကဲရေး အဖွဲ့ကော့ကရိတ်ကိုလဲလာမယ်သတင်းကြားတာနဲ့
    ကော့ကရိတ်မြို့နယ်အုပ်ချုပ်ရေးမှူးဦးဆန်းဦးက ဆန်ဆိုင်တွေဖြစ်တဲ့ ကိုမျိုးဆိုင်က ဆန်အိတ်(၅၀)၊
    ကိုခင်ရီဆိုင်က ဆန်အိတ်(၃၀)၊ မဒေ၀ီဆိုင်ကဆန်အိတ်(၂၀)၊ မျက်နှာပြောင်တိုက်ချေးငှားခဲ့ပါတယ်၊
    ဒုတိယသမ္မတ ဦးဥာဏ်ထွန်း ဦးဆောင်တဲ့ ကြီးကြပ်ကွပ်ကဲရေး အဖွဲ့ပြန်သွားရင်ပြန်ပေးပါမယ်လို့လဲ ဆန်ဆိုင်တွေမှာ ကတိခံခဲ့ပါတယ်၊
    ကော့ကရိတ်ရေဘေးကယ်ဆယ်ရေးစခန်းလေးခုဖြစ်တဲ့
    ဇိနသုခဓမ္မာရုံကယ်ဆယ်ရေးစခန်းမှာ ဆန်အိတ်(၅၀)
    အမှတ်(၄)ရပ်ကွက်ဓမ္မာရုံကယ်ဆယ်ရေးစခန်မှာ ဆန်အိတ်(၂၅)
    အထက်ရွာစခန်းမှာ ဆန်အိတ်(၅၀)
    ၀င်းကြီးဓမ္မာရုံစခန်းမှာ ခေါက်ဆွဲခြောက် ပါကင် ၂၀ (ရေကျသွားလို့ဒုက္ခသည်မရှိတော့ပါ)
    ဆိုင်များမှခေတ္တချေးငှားပြီလူကြီးတွေအပြကောင်းအောင်ပုံထားပါတယ်၊
    တခါမှဒုက္ခသည်စခန်းကို မလာဖူးတဲ့ ကြံ့ခိုင်ရေးတွေလဲ လူကြီးတွေလာမယ်အသံကြားတာနဲ့
    ဆန်တစ်အိမ်ထောင်ကိုတစ်ပြီလာဝေပါတယ်၊လူကြီးအပြကောင်းအောင်၊အပြောလွတ်ရုံ
    စေတနာမပါဘဲ လာလုပ်နေကြတာကို မြို့ခံတွေအားလုံးသိနေကြပါတယ်၊
    ဒုတိယသမ္မတ ဦးဥာဏ်ထွန်း ဦးဆောင်တဲ့ ကြီးကြပ်ကွပ်ကဲရေး အဖွဲ့အလိမ်အညာမခံရအောင်တင်ပြအပ်ပါတယ်။

0 အကြံပြုခြင်း: