Thursday, May 2, 2013

လူအများအပြား စုရုံးပြီး နိုင်ငံတော်သီချင်း သံပြိုင် သီဆို


CJMyanmar's photo.


မေလ ၂ ရက်နေ့ ညပိုင်း၊ မန္တလေးမြို့ ၃၅လမ်း၊ ၇၆ x ၇၇ကြားတွင် လုံခြုံရေးအရ စောင့်ကြပ်နေသော ရဲတပ်ဖွဲ့ဝင်များကိုတွေ့ရစဉ်။
မေလ ၂ ရက်နေ့ ညပိုင်း၊ မန္တလေးမြို့ ၃၅လမ်း၊ ၇၆ x ၇၇ကြားတွင် လုံခြုံရေးအရ စောင့်ကြပ်နေသော ရဲတပ်ဖွဲ့ဝင်များကိုတွေ့ရစဉ်။
အခု မန္တလေးမြို့ ၃၂လမ်း၇၈လမ်းတွင် လူအများအပြား စုရုံးပြီ နိုင်ငံတော်သီချင်း သံပြိုင် သီဆိုလျှက်ရှိပါသည်၊အွန်လိုင်းသတင်းသမား သတင်းယူနိုင်ကြပါတယ်၊ဘာကြောင့်ဆိုတာ မသိရသေးပါ
(ဟာဂျူလီ ကသာ)

နာဂစ်အထိမ်းအမှတ်ရုပ်တု



U Tay Za
ရုပ်တုကို နာဂစ်မုန်တိုင်းဒဏ်ကြောင့် ထွက်ပြေးတိမ်းရှောင်နေတဲ့ မိသားစုပုံနဲ့ ထုလုပ်ထားပြီး
ရေပန်းဖြင့်အလှဆင်ထားပါသည်။ အရှေ့မျက်နှာစာတွင် ဘိုကလေးမြို့နယ်အတွင်း နာဂစ်မုန်တိုင်းကြောင့် ပျက်စီးဆုံးရှုံးခဲ့တဲ့ အချက်အလက်တွေကို မြန်မာစာ၊ အင်္ဂလိပ်စာဖြင့်လည်းကောင်းရေးထွင်းထားပါတယ်။

ရုပ်တု၏လက်ဝဲဘက်မှာ မုန်တိုင်းတိုက်ခတ်နေတဲ့ ပုံစံရုပ်ကြွပန်းချီကားဖြင့်လည်းကောင်း၊
ရုပ်တု၏လက်ယာဘက်တွင် မုန်တိုင်းတိုက်ခတ်ပြီးသည့်အခြေအနေကိုဖော်ပြထားသည့် ရုပ်ကြွပန်းချီဖြင့်လည်းကောင်း တပ်ဆင်ထားရှိပါသည်။

နာဂစ်မုန်တိုင်းဟာ မိမိတို့မြန်မာ့သွေးချင်းတို့ရဲ့ အသက်၊ အိုးအိမ် တို့ပျက်စီးစေခဲ့ပါတယ်။ ထိုသို့သော ဘေးအန္တရာယ်မျိုးမှ နောက်နောင် မြန်မာပြည်သူပြည်သားများ ပယ်ရှားကင်းဝေးပါစေကြောင်း ဆုတောင်းလျက် အတိတ်ဆီမှ Htoo Foundation နှင့် Air Bagan တို့၏ ပုံရိပ်များကို နာဂစ်မုန်တိုင်း၏ ၅ နှစ်ပြည့် အနေဖြင့် ဖော်ပြအပ်ပါတယ်။ မိမိအနေနဲ့ မြန်မာလူမျိုး၊ မြန်မာနိုင်ငံသား တစ်ဦးအနေနဲ့ တိုင်းပြည်လူမျိုးအတွက် ဦးတည်ဆောင်ရွက်ရင်း ဒေသဖွံ့ဖြိုးရေးလုပ်ငန်းများကို မိမိတတ်စွမ်းသမျှ အရှိန်အဟုန်မပြတ် ကြိုးပမ်းဆောင်ရွက်သွားပါမည်။ — ဧရာဝတီတိုင်း၊


ပြည်ထောင်စုကြံခိုင်ရေးနှင့် ဖွံဖြိုးရေးပါတီဥက္ကဋ္ဌရာထူး ဦးသူရရွှေမန်း လွှဲပြောင်းရယူ



ပါတီဥက္ကဋ္ဌရာထူးရယူထားခြင်းကြောင့် ဝေဖန်မှုများခံနေရသည့် ပြည်ထောင်စု ကြံခိုင်ရေးနှင့် ဖွံဖြိုးရေးပါတီ ဥက္ကဋ္ဌ နိုင်ငံတော်သမ္မတ ဦးသိန်းစိန်ရာထူးမှ နုတ်ထွက်လိုက်သဖြင့် ပြည်သူ့လွှတ်တော်ဥက္ကဋ္ဌ သူရဦးရွှေမန်း က ပါတီဥက္ကဋ္ဌရာထူး လွှဲပြောင်းရယူလိုက်ကြောင်း ပြည်ထောင်စုကြံခိုင်ရေးနှင့် ဖွံဖြိုးရေးပါတီ ဒု - ဥက္ကဋ္ဌ ဦးဌေးဦးက ပြောကြားခဲ့သည်။

ပြည်သူ့လွှတ်တော်ဥက္ကဋ္ဌ သူရဦးရွှေမန်း ပါတီဥက္ကဋ္ဌရာထူး တရားဝင်လွှဲပြောင်းယူလိုက်ကြောင်းကို ယနေ့ ကျင်းပပြု လုပ်ခဲ့သည့် ကြံခိုင်ရေးပါတီလူငယ်ညီလာခံတွင် တရားဝင်ကြေညာခဲ့ခြင်းဖြစ်ကြောင်း ပါတီဗဟိုအလုပ်အမှုဆောင် ကော်မတီ ဝင် ဦးအောင်သိန်းလင်း ကအတည်ပြုပြောကြားခဲ့သည်။

၂၀၁၂ ခုနှစ် အောက်တိုဘာလ ၁၇ ရက်နေ့တွင်ကျင်းပပြုလုပ်ခဲ့သည့် ကြံခိုင်ရေးပါတီဗဟိုညီလာခံတွင် နိုင်ငံတော် သမ္မတဦးသိန်းစိန်က ပါတီဥက္ကဋ္ဌအဖြစ် ပြန်လည်အရွေးချယ်ခံခဲ့ရပြီး အခြေခံဥပဒေပုဒ်မ ၆၄ အရ နိုင်ငံတော်သမ္မတသည် ပါတီ တစ်ခု၏ လုပ်ငန်းတာဝန်များ ထမ်းဆောင်ခွင့်မရှိသောကြောင့် သူရဦးရွှေမန်းကို ပါတီဥက္ကဋ္ဌ၏ လုပ်ငန်းတာဝန်များ လွဲအပ်ထား ခဲ့ခြင်းဖြစ်သည်။

ပြည်ထောင်စုကြံခိုင်ရေးနှင့် ဖွံဖြိုးရေးပါတီ ဥက္ကဋ္ဌသစ် သူရဦးရွှေမန်းသည် ယနေ့နံနက်တွင်ကျင်းပခဲ့သည် ပါတီ၏ လူငယ်တွေ့ဆုံပွဲနှင့် လူငယ် စွမ်းရည်မြှင့်တင်ရေး အစည်းအဝေးသို့ တက်ရောက်ခဲ့ပြီး သဘာပတိ ပြု လုပ်ကာ အဖွင့်မှာစကား ပြောကြားခဲ့ကြောင်း သိရသည်။

၎င်း၏အမှာစကားတွင် ပါတီစတင်တည်ထောင်ခဲ့သော ၁၉၉၃ ခုနှစ် ကတည်းကပင် လူငယ်များနှင့်စတင်ဖွဲ့ စည်းခဲ့ ခြင်းဖြစ်ကာ ပါတီ၏ သမိုင်းကြောင်းကို ကြည့်ပါက လူငယ်များကို မဏ္ဍိုင်ပြု၍ ဖွဲ့စည်းခဲ့ခြင်းဖြစ်ပြီး အဆိုပါအစဉ်လာ ကောင်း ကို ဆက်လက်ထိန်းသိမ်းရန်အတွက် လူငယ်များနှင့် အားသစ်လောင်းရန်လိုအပ်ကြောင်း ပါတီဥက္ကဋ္ဌ သူရဦးရွှေမန်းက ပြော ကြားခဲ့သည်။

ပါတီ၏ ရည်မှန်းချက်ဖြစ်သည့် ခေတ်မီဖွံဖြိုးတိုးတက်သော နိုင်ငံတော်တည်ဆောင်နိုင်ရန်အတွက် လွှတ်တော် အသီးသီးတွင် နေရာယူထားကြသော ပါတီ၏ လွှတ်တော်ကိုယ်စားလှယ်များက မိမိတို့အစိုးရ အကောင်အ ထည်ဖော်နေသော ကဏ္ဍများတွင် အဆင်ပြေချောမွေ့နိုင်ရန် ကူညီဆောင်ရွက်ရမည်ဖြစ်ပြီး သို့မှသာလျှင် ပါတီ၏အစဉ်လာကောင်းကို ထိန်းသိမ်း နိုင်မည်ဖြစ်ကြောင်း ၎င်းက ပြောကြားခဲ့သည်။

ဒီမိုကရေစီစနစ် အောင်မြင်ရန်အတွက် ဦးနှောက်နှင့်တွေး၊ ပါးစပ်နှင့်ပြောနေရုံဖြင့် မရဘဲ လက်တွေ့အကောင် အထည်ဖော်ဆောင်ရွက်နိုင်မှသာ အောင်မြင်မည်ဖြစ်ပြီး အပြောနှင့်အလုပ်မညီပါကလည်း ပြည်သူလူထုမှ ပါတီအပေါ် ယုံကြည်မှုကျဆင်းသွားမည်ဖြစ်ကြောင်းနှင့် ယခင်ကာလများကဖြစ်ပွားခဲ့သည့် မကောင်းသည့် အစဉ်အလာကိစ္စရပ်များကို သင်ခန်းစာယူကာ ဖျောက်ဖျက်ရမည်ဖြစ်ပြီး ထိုသို့ဖျောက်ဖျက်နိုင်ရာတွင် အကြံပြုချက်များကို နားထောင်ရန်၊ ဆွေးနွေးချက် များကို လက်ခံရန်၊ အပြန်အလှန်ဆွေးနွေးမှုအပေါ်မူတည်ပြီး အကောင်းဆုံးရလဒ် တို့ကိုအကောင် အထည်ဖော်ရမည် ဖြစ် ကြောင်း ၎င်းကထပ်မံပြောကြားခဲ့သည်။

ပြည်သူများ၏ လိုအပ်ချက်များ၊ အခက်အခဲများကို မိမိတို့ပါတီအနေဖြင့် မပြတ်နားစွင့်နေရမည်ဖြစ်ပြီး လူပုဂ္ဂိုလ် တစ်ယောက်၏ အကျိုးနှင့် ပါတီ၏ အကျိုးကိုယှဉ်လာမည်ဆိုပါက ပါတီ၏အကျိုးကိုဦးစားပေးမည်၊ ပါတီ၏ အကျိုးနှင့် နိုင်ငံ၏ အကျိုးယှဉ်လာပါက နိုင်ငံ၏အကျိုးကိုဦးစားပေးမည် ဟူသည့် ပါတီ၏ခံယူချက်အတိုင်း လက်တွေ့ဆောင်ရွက်နိုင်ပါက ပြည်သူ များ၏ ယုံကြည်လေးစားမှုကို ရရှိလာမည်ဖြစ်ကြောင်း ၎င်းကပြောကြား ခဲ့ကြောင်းသိရှိရသည်။

အဆိုပါအစည်းအဝေးသို့ ဦးသူရရွှေမန်းအပါအဝင် ပါတီဒုတိယ ဥက္ကဋ္ဌများ၊ ဗဟိုအလုပ်မှုဆောင်ကော်မတီဝင် များ၊ တိုင်းဒေသကြီး၊ ပြည်နယ်ပါတီဥက္ကဋ္ဌများ(ဝန်ကြီးချုပ်)၊ ပါတီကိုယ်စားပြုလွှတ်တော်ကိုယ်စားလှယများ အပါအဝင် ဖိတ်ကြား ခံရသူ ၆၂၇ ဦးခန့် တက်ရောက်ခဲ့ကြောင်း သိရှိရသည်။

Yangon chronicle

နာဂစ် ငါးနှစ်


ငရဲ သား


လွန်ခဲ့တဲ့ ... ငါးနှစ် ...။

ဒီနေ့ ဒီအချိန် မှာ မင်းတို့ငါတို့ရဲ့ မလှမ်းမကမ်းက မြစ်ဝကျွန်းပေါ်ဒေသတွေမှာ သေမင်းငင်သံတွေ ညံခဲ့တယ်...။

အဲဒီမတိုင်ခင်နှစ်ရက်သုံးရက်က ထူးထူးခြားခြား Cobra Gold စစ်ရေးလေ့ကျင့်မှုလုပ်နေတဲ့ အမေရိကန် ပစိဖိတ်ရေတပ် မိုးလေ၀သဌာနကတော့ တိုင်းတာရေးလေယာဉ်နဲ့ မုန်တိုင်းထဲဝင်လေ့လာပြီး .. မြန်မာနိုင်ငံကို မီဒီယာတွေကတစ်ဆင့် သတိပေးခဲ့ပါတယ်.။.. နာဂစ်ဟာ မြန်မာနိုင်ငံကို ဦးတည်မယ် ..တဲ့............။ ဦးထွန်းလွင်က ဒါကိုကိုးကားပြီး ပြောကြားခဲ့ပါတယ်.. ထူးခြားတာက ပြည်သူထဲကို ဒီစကားမရောက်လိုက်ပါဘူး..။

ကိုယ့်နိုင်ငံက ငါသိ.. ငါတတ် ဘဘကြီးများက အေးဆေးပါ..။ ယတြာတွေနဲ့ ရိုးမကြီးကိုအားကိုးပြီး အချိန်တန် ဘင်္ဂလားဒေ့ရှ် ရေမြောသွားမယ်ထင်တာပေါ့...........။ ဒါပေမယ့် နာဂစ်ဟာ မှန်းတဲ့အတိုင်း ကွေ့ဝင်လာခဲ့ပါတယ်..။

ဟိုင်းကြီး၊ ပြင်စလူတို့ ငပုတောတို့ ပုသိမ်တို့ ပထမတစ်ရက်မှာ ပလုံ..သွားတယ်..။ တစ်နာရီ ဆယ်မိုင်နှုန်းရွေ့လျားလာတဲ့ တိုက်ခတ်နှုန်း မိုင် ၁၅၀ ရှိတဲ့ လူသတ်သမားကြီးက တဖြေးဖြေးချင်း ရွေ့လာပြီးအမှည့်ချွေချွေလာခဲ့တယ်..။ မြို့တစ်မြို့ကိုတိုက်ရင် ဆယ်နာရီလောက် ကြာတယ်..။

အဲဒီတော့မှ မျက်ကလဲဆန်ပြာ နာဂစ် ဆိုတာ မျိုးဖြုတ်လူသတ်သမားမှန်း ငါတို့တွေ သိကြရတော့တယ်..။ ရေဒီယိုထဲက ပလူပျံနေတာပေါ့.. ။ ဒါပေမယ့် အားလုံး......... နောက်ကျသွားပါပြီ..။ မုန်တိုင်းသတိပေးချက် သတင်းစာဖြတ်ပိုင်းလေးက အလောင်းတွေကို လှောင်ပြောင်နေသယောင်ပါပဲ.....။ အမေရိကန်ကြီးကတော့ .. ငါမပြောဘူးလား.... တဲ့..။ ဦးထွန်းလွင်လည်း အငြိမ်းစားဘ၀ ရောက်သွားပါတယ်..။

ငပုတောက နာဂစ်ဒဏ်ခံ ရွာလေးတစ်ရွာရဲ့ ဇာတိရှင် သမ္မတကြီးကို တောင်းဆိုချင်ပါတယ်..။ နာဂစ်အမှတ်တရအနေနဲ့ နိုင်ငံတော်မှ တစ်ခုခုလုပ်ပေးသင့်ပါကြောင်း..။

အဲဒီတုန်းက မြစ်ဝကျွန်းပေါ်မှာ... ငါရှိနေခဲ့တယ်..။

=========================================================

မှတ်ချက် -

ထိုအချိန်က မြန်မာကမ်းခြေနှင့် မိုင်(၆၀)ကျော် ကပ္ပလီပင်လယ်ပြင်တွင် USS Essex, USS Juneau နှင့် USS Harpers အမေရိကန် ရေတပ်သင်္ဘော (၃) စီး (ပုံပါအတိုင်း)ရောက်နေပြီး ဧရာဝတီတိုင်း ဒုက္ခသည်များအား ကူညီရန် အသင့်ရှိနေသည်။ မြန်မာစစ်အစိုးရဘက်မှ မီးစိမ်းပြသည်နှင့် ဧရာဝတီတိုင်းသို့ တိုက်ရိုက် မောင်းတက်နိုင်မည့် ကမ်းတက် ရေယာဉ်များ၊ ခေတ်မီ ခွဲစိတ်ခန်းများကို နာရီပိုင်းအတွင်း မြန်မာကမ်းခြေရောက်အောင် လုပ်နိုင်သည်။
အမေရိကန်တပ်မတော်မှာ တိုက်ခိုက်ရုံအတွက်မဟုတ်ပဲ ကယ်ဆယ်ရေးနှင့် ကမ္ဘာ့ သဘာဝဘေးအန္တရယ် ကာကွယ်ရေးအတွက် စနစ်တကျသင်တန်းပေးဖွဲ့စည်းထားခြင်းဖြစ်ကြောင်း၊ လက်နက်ကိုင် သင်္ဘောများ မပါဝင်ဟု ပစိဖိတ်ရေတပ်ဗိုလ်ချုပ်ကြီးက ပြောဖူးပါသည်..။

သို့သော်....
ထိုအချိန်က ရေ လည်ပင်းရောက်နေခဲ့သော ဧရာဝတီတိုင်းသားများ ရဟတ်ယာဉ် တိုက်ရိုက်ကယ်တင်မှုစနစ်၊ ရှပ်ပြေးကမ်းတက်ယာဉ်များ မရှိသဖြင့် ..ကံမကောင်းပါ...။ သောင်းနဲ့ချီ ရေတိမ်နစ်ခဲ့ရပါသည်..။

မြန်မာထက် အဆပေါင်းများစွာ တိုးတက်သောနိုင်ငံများ၏ ဥပမာ-
(၁) အင်ဒိုနီရှား ဆူနာမီ ကံကောင်းခဲ့ပါသည်၊ ရဟတ်ယာဉ်အခေါက်ပေါင်းသောင်းကျော် တိုက်ရိုက်ကယ်တင်ပျံသန်း၊ ဆေးရုံသင်္ဘောဖြင့် လူသောင်းနဲ့ချီ အသက်ချမ်းသာရရအောင် အကူအညီရခဲ့ပါသည်။

(၂) ဂျပန်ဆူနာမီလည်း ထိုနည်းလည်းကောင်းပင်..။ ဂျပန်ပင်လယ်အနီးရှိ အသင့်ရှိနေသော စစ်သင်္ဘော(၈)စင်းနှင့် စစ်သည်အင်အား လေးသောင်းခန့် အကူအညီရခဲ့ပါသည်..။

(၃) မြန်မာနိုင်ငံအတွင်း အမေရိကန်မ၀င်အောင် မဟာဗျူဟာအရ ကာကွယ်ပေးခဲ့သော တရုတ်နိုင်ငံမှာ နာဂစ်နှင့်မရှေးမနှောင်း ငလျှင်ကြီးလှုပ်သဖြင့် လူပေါင်းသောင်းချီသေကြေပျက်စီးသောအခါ အမေရိကန်စစ်သားအကူအညီနှင့် အမေရိကန် အနံ့ခံစစ်ခွေး အကူအညီကိုပါ (မေတ္တာရပ်ခံတောင်းယူ) ခဲ့သည်ကိုကြည့်လျှင်.. မြန်မာအစိုးရများ ..သင်ခန်းစာရသင့်ပါသည်။)


မြန်မာအာဏာပိုင်တွေကို အမေရိကန်ဗီဇာပိတ်ပင်မှု ရုပ်သိမ်း



ကိုသားညွှန်ဦး

03.05.2013
အမေရိကန်ပြည်ထောင်စုရဲ့ မြန်မာနိုင်ငံနဲ့ပတ်သက်လို့ ၁၉၉၆ ခုနှစ် အမေရိကန်ပြည်ဝင်ခွင့် ပိတ်ပင်မှု သမ္မတထုတ်ပြန်ချက်ကို ပြန်လည် ရုပ်သိမ်းလိုက်ပြီ ဖြစ်ပါတယ်။ မြန်မာနိုင်ငံတွင်း ဖြစ်ပေါ်နေတဲ့ အပြောင်းအလဲတွေကြောင့် မြန်မာနိုင်ငံနဲ့ပိုပြီး ထိစပ်ဆက်ဆံနိုင်ဖို့ အခုလိုဆောင်ရွက်တာဖြစ်တယ်လို့ အမေရိကန်နိုင်ငံခြားရေးဌာနက ထုတ်ပြန်ပါတယ်။ အသေးစိတ်ကိုတော့ ကိုသားညွန့်ဦးက ပြောပြပေးပါမယ်။

အမေရိကန်ပြည်ထောင်စုကို မြန်မာသမ္မတ ဦးသိန်းစိန် အခုမေလကုန်ပိုင်း လာရောက်မယ်လို့ သတင်းတွေ ထွက်ပေါ်နေချိန်မှာပဲ၊ မြန်မာနိုင်ငံ အစိုးရအာဏာပိုင်တွေနဲ့ မိသားစုဝင်တွေကို အမေရိကန်ပြည်ဝင်ခွင့် ပိတ်ပင်ထားတဲ့ ၁၉၉၆ ခုနှစ် သမ္မတထုတ်ပြန်ချက်ကို အမေရိကန်နိုင်ငံခြားရေး ၀န်ကြီးကနေ ပယ်ဖျက်လိုက်တာဖြစ်ပါတယ်။ မြန်မာနိုင်ငံ တွင်းမှာ ပြုပြင်ပြောင်းလဲမှုတွေ ရှိလာတာကြောင့်၊ ဒီအခြေအနေနဲ့အညီ အမေရိကန်-မြန်မာဆက်ဆံရေး တိုးတက်ကောင်းမွန်လာစေဖို့ ရည်မှန်းပြီး ဒီဆုံးဖြတ်ချက်ထွက်ပေါ်လာတာလို့ အမေရိကန်နိုင်ငံခြားရေးဌာန ပြောခွင့်ရသူ အရာရှိတဦးက ဗွီအိုအေ မြန်မာပိုင်းကို ပြောပါတယ်။

“၁၉၉၆ ခုနှစ် ဗီဇာပိတ်ပင်မှုလို့ အသိများတဲ့ သမ္မတရဲ့ထုတ်ပြန်ချက်ဟာ ဆက်ပြီး အသက်မ၀င်တော့ဘူးလို့ နိုင်ငံခြားရေးဝန်ကြီးက ဆုံးဖြတ်လိုက်ပါပြီ။ မြန်မာနိုင်ငံရဲ့ ဒီမိုကရေစီအသွင်ကူးပြောင်းရေးကို အနှောက်အယှက်ပြုစေတဲ့ မူဝါဒ၊ လုပ်ဆောင်မှုတွေမှာ တာဝန်ရှိသူတွေနဲ့ သူတို့ရဲ့ မိသားစုဝင်တွေကို အမေရိကန်ပြည်ထောင်စုတွင်း ၀င်ရောက်ခွင့်တွေ ပိတ်ပင်ထားတဲ့ သမ္မတထုတ်ပြန်ချက်ကို ပယ်ဖျက်လိုက်တာပါ။ မြန်မာနိုင်ငံဟာ လူ့အခွင့်အရေးနဲ့ ဒီမိုကရေစီရေးအတွက် ပိုင်းဖြတ်ချက်နဲ့ ဆောင်ရွက်နေချိန် မှာပဲ၊ နောက်ထပ် ပြုပြင်ပြောင်းလဲမှုတွေ အားကောင်းလာအောင် အမေရိကန်အစိုးရအနေရဲ့ ဟန်ချက်ညီညီ ဆောင်ရွက်ချက်ဖြစ်ပါတယ်။”

၁၉၉၆ ခုနှစ် Visa Ban ထုတ်ပြန်ချက်ဟာ အရင်စစ်အစိုးရလက်ထက် လူ့အခွင့်အရေး ချိုးဖောက်မှုတွေကြောင့် စစ်တပ်အရာရှိကြီးတွေ၊ အစိုးရ၀န်ကြီးဌာနကပိုင်း ထိပ်ပိုင်းတာဝန်ရှိသူတွေ၊ အစိုးရ၀န်ထမ်းတွေ၊ ပင်စင်စားတချို့နဲ့ သူတို့ရဲ့ မိသားစုဝင်တွေကို အမေရိကန်ပြည် လာလို့မရအောင် ပိတ်ပင်ထားတာပါ။ ဒါပေမဲ့ ပြီးခဲ့တဲ့နှစ်တုန်း ကတော့ မြန်မာနိုင်ငံက အပြောင်းအလဲတွေကြောင့် သမ္မတဦးသိန်းစိန်၊ ပြည်သူ့လွှတ်တော် ဥက္ကဋ္ဌ သူရဦးရွှေမန်း အပါအ၀င် ပြုပြင်ပြောင်းလဲရေးမှာ အရေးပါတဲ့သူတချို့ကို အဲဒီစာရင်းကနေ ပယ်ဖျက်ပေးခဲ့ပြီးသားပါ။

၁၉၉၆ ခုနှစ် Visa Ban မှာ ပါဝင်တဲ့ အမေရိကန်အစိုးရရဲ့ စိုးရိမ်ချက်တွေကို ပြီးခဲ့တဲ့ ၂ နှစ်အတွင်းမှာ မြန်မာအစိုးရအနေနဲ့ အတော်လေး ပြုပြင်ဆောင်ရွက် လာခဲ့တာမို့၊ အခုတော့ ၁၉၉၆ ခုနှစ် စာရင်းတခုလုံးကို ပယ်ဖျက်ပေး လိုက်ခြင်းဖြစ်တယ်လို့ အမေရိကန်နိုင်ငံခြားရေးဌာန အရာရှိက ပြောပါတယ်။

“ဒီ ပြည်ပခရီးသွားလာခွင့် ကန့်သတ်ချက်ကို ၁၉၉၆ ခုနှစ်က ချမှတ်ခဲ့တာဖြစ်ပြီးတော့ မြန်မာနိုင်ငံထဲ အမျိုးသားဒီမိုကရေစီအဖွဲ့ချုပ်ကို ဖိနှိပ်မှုအပါအ၀င် စစ်အစိုးရရဲ့ လူ့အခွင့်အရေးချိုးဖောက်မှုတွေ အပေါ်မှာ အရေးယူဆောင်ရွက်ခဲ့တာဖြစ်ပါတယ်။ ၂၀၁၁ ခုနှစ်ကစပြီး အရပ်သားဦးဆောင်တဲ့ မြန်မာအစိုးရဟာ မြန်မာနိုင်ငံတွင်း သိသာထင်ရှားတဲ့ လူမှုရေး နိုင်ငံရေး စီးပွားရေး ပြုပြင်ပြောင်းလဲမှုတွေကို ဆောင်ရွက်လာ ခဲ့ပါတယ်။ ဒါဟာ ၁၉၉၆ ခုနှစ်ထုတ်ပြန်ချက်ပါ စိုးရိမ်မှုတွေ၊ ဖော်ပြထားတဲ့ အချက်တွေအပေါ်မှာ တိုးတက်အောင်မြင်လာမှုပါ။ ပြုပြင်ပြောင်းလဲမှုတွေ ထဲမှာတော့ အမျိုးသားဒီမိုကရေစီအဖွဲ့ချုပ် ၀င်ရောက်ယှဉ်ပြိုင်တဲ့ ၂၀၁၂ ခုနှစ် ကြားဖြတ်ရွေးကောက်ပွဲနဲ့ မြန်မာလွှတ်တော်ထဲမှာ သူတို့ အောင်အောင်မြင်မြင် နေရာယူနိုင်ခဲ့တာတွေ ပါဝင်ပါတယ်။”

အခုလို ၁၉၉၆ ခုနှစ် Visa Ban ထုတ်ပြန်ချက်ကို ပယ်ဖျက်လိုက်ပေမဲ့လည်း အမေရိကန်ပြည်ထောင်စုက မြန်မာနိုင်ငံအပေါ် ချမှတ်ထားတဲ့ ၁၉၉၇ ခုနှစ် အမျိုးသားအရေးပေါ် အက်ဥပဒေ၊ ၂၀၀၃ ခုနှစ် မြန်မာနိုင်ငံဒီမိုကရေစီနဲ့ လွတ်မြောက်ရေးအက်ဥပဒေ၊ ၂၀၀၈ ခုနှစ် JADE အရေးယူမှု ဥပဒေ၊ ၂၀၁၂ ခုနှစ် သမ္မတအမိန့်တွေအတိုင်း ကန့်သတ်ချက်တွေကတော့ ဆက်ပြီး အကြုံးဝင်နေဦးမှာဖြစ်တယ်လို့ နိုင်ငံခြားရေးဌာနက ပြောပါတယ်။ ဒါကြောင့် ၂၀၀၃ ခုနှစ်နောက်ပိုင်း ပစ်မှတ်ထားအရေးယူခဲ့တဲ့ စာရင်းတွေတော့ မပါသေးဘူးလို့ ဆိုရမှာပါ။
=========================================================
 မြန်မာအပေါ် ၉၇ ဒဏ်ခတ်မှုသက်တမ်းတိုးဖို့ အိုးဘားမား လိုလား
ကိုသားညွှန်ဦး

03.05.2013
၁၉၉၇ ခုနှစ် သမ္မတ ဘီလ်ကလင်တန် လက်ထက်က မြန်မာနိုင်ငံအပေါ် ချမှတ်ခဲ့တဲ့ အရေးယူမှုဥပဒေကို သက်တမ်းတိုးဖို့ သမ္မတအိုဘားမားက အမေရိကန်လွှတ်တော် နှစ်ရပ်ကို အသိပေးခဲ့ပါတယ်။ အမေရိကန်ပြည်ထောင်စု အနေနဲ့ မြန်မာနိုင်ငံအပေါ် မူဝါဒပြောင်းလဲကျင့်သုံးရာမှာ၊ ထိစပ်ဆက်ဆံရေးမူ ကို ကျင့်သုံးနေသလို တဘက်မှာ ဖိအားပေးတဲ့ အရေးယူမှုတွေရှိသေးတယ် ဆိုတာကို ပြတာပါလို့ လူ့အခွင့်အရေး လှုပ်ရှားသူတွေက ပြောပါတယ်။ ကိုသားညွန့်ဦးက ဆက်သွယ်မေးမြန်းပြီး တင်ပြထားပါတယ်။

မြန်မာနိုင်ငံမှာ သိသာတဲ့တိုးတက်မှုတွေ ရှိနေပြီး၊ ပြုပြင်ပြောင်းလဲရေးအတွက် အားထုတ်ဆောင်ရွက်နေပေမဲ့ မြန်မာနိုင်ငံဟာ အမေရိကန်ပြည်ထောင်စုရဲ့ လုံခြုံရေးနဲ့ နိုင်ငံခြားရေးမူဝါဒ အပေါ်မှာ အန္တရာယ်ရှိနေဆဲဖြစ်တဲ့အတွက် အမျိုးသား အရေးပေါ် အက်ဥပဒေကို သမ္မတ ဘရက်အိုဘားမားက ၁ နှစ် ထပ်မံ သက်တမ်းတိုးဖို့ လွှတ်တော်ကို အကြောင်းကြား လိုက်တာပါ။ ဒီလုပ်ရပ်အပေါ်မှာတော့ အမေရိကန်အခြေစိုက် မြန်မာအရေးလှုပ်ရှားမှုအဖွဲ့ USCB က ၀မ်းမြောက်ကြိုဆိုတဲ့ အကြောင်း အဲဒီအဖွဲ့ရဲ့ အမှုဆောင် ညွှန်ကြားရေးမှူး Jennifer Quigley က ဗွီအိုအေ မြန်မာပိုင်းကို ပြောပါတယ်။

“ဒါဟာ လုပ်သင့်တဲ့ကိစ္စပါ။ အချို့နေရာတွေ ပြောင်းလဲတိုးတက်မှုတွေ ကျန်နေသေးတယ် ဆိုတာကို ပြသဖို့ ထိရောက်တဲ့ ကန့်သတ်ချက်တွေ ရှိထားရမှာပါ။ အထူးသဖြင့် မြန်မာစစ်တပ်နဲ့ ပတ်သက်နေတဲ့ကိစ္စရပ်တွေမှာပါ။ ဆိုလိုရင်းကတော့ အရေးယူဒဏ်ခတ်မှုတွေ ရှိနေသေးတယ်ဆိုတာပါ။ အခုလို သက်တမ်းတိုးခြင်းအားဖြင့် စစ်တပ်နဲ့ပတ်သက်မှုတွေကို ကန့်သတ်တာ အပါအ၀င် အရေးယူဒဏ်ခတ်မှုတရပ်လုံး ရှိနေသေးတယ်ဆိုတာ ပြပါတယ်။”

အမေရိကန်နိုင်ငံခြားရေးဌာနရဲ့ မြန်မာနိုင်ငံကိစ္စနဲ့ပတ်သက်လို့ ရှင်းလင်းမှုမှာတော့ မြန်မာနိုင်ငံအတွင်း အမေရိကန်ပြည်ထောင်စုက စိုးရိမ်ပူပင်နေတဲ့အခြေအနေ အတော်များများမှာ အရေးကြီးတဲ့ တိုးတက်မှုတွေ ဆက်ဖြစ်နေတယ်လို့ ဆိုပါတယ်။ အထူးသဖြင့်တော့ နိုင်ငံရေးအကျဉ်းသား ၈၅၀ လွတ်မြောက်ခဲ့တာ၊ လက်နက်ကိုင်တိုင်းရင်းသား အင်အားစုတွေနဲ့ အပစ်အခတ်ရပ်စဲရေး ကြိုးပမ်းဆောင်ရွက်တာ၊ နိုင်ငံတွင်းမှာလည်း လွတ်လပ်စွာ ပြောဆိုရေးသားခွင့် နိုင်ငံရေးမှာ လွတ်လွတ်လပ်လပ် ပါဝင်လှုပ်ရှားခွင့်တွေ ရှိလာတာကို ထောက်ပြပါတယ်။

ဒါပေမဲ့ ရခိုင်ပြည်နယ်အတွင်း လူမျိုးရေးအဓိကရုဏ်း၊ တိုင်းပြည်တွင်း အခြားနေရာတွေက ဘာသာရေးအဓိကရုဏ်းတွေနဲ့ နိုင်ငံရေးအကျဉ်းသားတွေ ရှိနေသေးတာ အပါအ၀င် ဖြေရှင်းလုပ်ကိုင်စရာ အတော်များများ ရှိသေးတယ်လို့ အမေရိကန် နိုင်ငံခြားရေးဌာန အရာရှိတွေက ပြောပါတယ်။ Jennifer Quigley ကတော့ အိမ်ဖြူတော်ရဲ့ ဒီ ထုတ်ပြန်ချက်ဟာ မြန်မာနိုင်ငံအပေါ် ကန့်သတ်ချက်တွေ ရှိနေသေးတယ်ဆိုတာ ပြသတဲ့အကြောင်း ယူဆပါတယ်။

“၁၉၉၇ ခုနှစ် သမ္မတဘီလ်ကလင်တန်လက်ထက်က ချမှတ်ခဲ့တဲ့ ဒီ ဥပဒေ အသက်ဝင်ဖို့ဆိုရင် နှစ်စဉ် ပြန်ပြီး သက်တမ်းတိုးရပါတယ်။ ဒါကြောင့် မြန်မာနိုင်ငံအပေါ်မှာ ဘဏ္ဍာရေးနဲ့ ရင်းနှီးမြှုပ်နှံမှုဆိုင်ရာ အရေးယူမှုဥပဒေကို သက်တမ်းတိုးဖို့ အစီအစဉ်ရှိတယ်ဆိုတာကို သမ္မတအိုဘားမားက လွှတ်တော်ကို အသိပေးတာပါ။ ဒါဟာ ပြီးခဲ့တဲ့နှစ်တုန်းက ရင်းနှီးမြှုပ်နှံမှုတားမြစ်မှုကို ပြန်ရုပ်သိမ်းထားတာကို ပြန်နောက်ဆုတ်စေလိုတဲ့သဘောတော့ မဟုတ်ဘူး။ ဆိုတော့ မြန်မာနိုင်ငံထဲ ရင်းနှီးမြှုပ်နှံမှုတွေ နဲ့ ငွေကြေးဝန်ဆောင်မှုလုပ်ငန်းတွေ လုပ်ကိုင်ခွင့်တော့ ခွင့်ပြုထားဆဲပါ။ ဒါပေမဲ့ ယာယီရုပ်သိမ်းထားတာမဟုတ်တဲ့ ကန့်သတ်ချက်တွေကို ဆက်ရှိစေဖို့ ဒီ ဥပဒေကို ဆက် သက်တမ်းတိုးတာဖြစ်ပါတယ်။ ”

အထူးသဖြင့်တော့ စစ်တပ်နဲ့ ဆက်နွယ်တဲ့ စီးပွားရေးလုပ်ငန်း ရင်းနှီးမြှုပ်နှံမှုတွေ ကို အမေရိကန်ပြည်ထောင်စုက ဆက်ပြီး ကန့်သတ်ထားတာဖြစ်တယ် လို့ ပြောပါတယ်။ အမေရိကန်ပြည်ထောင်စုကနေ မြန်မာအပေါ် အရေးယူမှုတွေကို ဆိုင်းငံ့ထားရာမှာ လည်း အဲဒီ ဥပဒေတခုလုံးကိုမဟုတ်ဘဲ၊ အစိတ်အပိုင်းပဲဖြစ်တာမို့ ကျန်နေတဲ့ အရေးယူမှုတွေဟာ ဥပဒေအတိုင်း ဆက်ရှိနေဖို့လိုအပ်တာကြောင့် ဖြစ်တယ်လို့ Jennifer Quigley က ပြောပါတယ်။

“ဆိုင်းငံ့ထားတာက ဒီ ဥပဒေရဲ့ အစိတ်အပိုင်းပဲဖြစ်ပါတယ်။ အရေးယူမှု အားလုံးကို ဆိုင်းငံ့ထားတာ မဟုတ်ပါဘူး။ ဥပမာပြောရရင် ဒီ ဥပဒေကို သက်တမ်းတိုးခြင်းအားဖြင့်တော့ ရင်းနှီးမြှုပ်နှံမှုအချို့ကိုတော့ ခွင့်ပြုမှာဖြစ်ပါတယ်။ ဒါပေမဲ့ စစ်တပ်နဲ့ ပတ်သက်ဆက်နွယ်တဲ့ ရင်းနှီးမြှုပ်နှံမှုမျိုးတွေကိုတော့ ဆက်ပြီး တားမြစ်ထားပါတယ်။”

အမေရိကန်အစိုးရအနေနဲ့ မြန်မာနိုင်ငံပတ်သက်လို့ ကန့်သတ်ချက်တွေ အရေးယူမှုတွေကို၊ မြန်မာနိုင်ငံရဲ့ ဖြစ်ပေါ်နေတဲ့ အခြေအနေနဲ့အညီ ဟန်ချက်ညီ ဆောင်ရွက်သွားနိုင်ဖို့လည်း အစိုးရနဲ့ လွှတ်တော်အကြား မမြဲမပြတ် ညှိနှိုင်းဆောင်ရွက်နေတယ်လို့ အမေရိကန်နိုင်ငံခြားရေးအရာရှိတွေ က ပြောပါတယ်။

ကျန်နေတဲ့ အရေးယူမှုတွေကတော့ လက်ရှိသွားနေတဲ့ မြန်မာနိုင်ငံ ရဲ့ ပြုပြင်ပြောင်းလဲရေးကို အနှောက်အယှက်ပေးမယ့် သူတွေအတွက် ပစ်မှတ်ထား ဆောင်ရွက်မှာဖြစ်တယ်လို့လည်း ပြောပါတယ်။ ဒါ့အပြင် မြန်မာနိုင်ငံက ဒီမိုကရေစီရေး အသွင်ကူးပြောင်း မှု ပြန်ပြီး နောက်မလှည့်သွားနိုင်အောင်လို့ အမေရိကန်ပြည်ထောင်စု အနေနဲ့ အားပေးဆောင်ရွက်သွားဖို့ကိုလည်း သန္နိဌာန် ချထားတယ်လို့ လွှတ်တော်ကို မနေ့က ရက်စွဲနဲ့ပေးပို့တဲ့ သမ္မတအိုဘားမားရဲ့ အကြောင်းကြားစာ ထဲမှာ ဖော်ပြထားပါတယ်။
burmese.voanews.com