Thursday, October 3, 2013

သံတွဲပဋိပက္ခ လူ ၆ ဦးကို ဖမ်းဆီးထိန်းသိမ်း



RFA Burmese


အောက်တိုဘာလ ၁ ရက်နေ့က ရခိုင်ပြည်နယ် သံတွဲမြို့နယ်မှာ ဖြစ်ပွားခဲ့တဲ့ မီးရှို့တိုက်ခိုက်မှုနဲ့ ပတ်သက်ပြီး သံသယရှိသူ ၆ ဦးကို သံတွဲခရိုင်ရဲစခန်းက ဖမ်းဆီးပြီး သံတွဲအကျဉ်းထောင်ကို ဒီနေ့ပို့လိုက်ပြီလို့ သိရပါတယ်။

သံတွဲမြို့နယ် RNDP ဥက္ကဌ ဦးမောင်ပု အပါအ၀င် ၆ ဦးကို ဖမ်းဆီးစစ်ဆေးခဲ့တာဖြစ်တယ်လို့ ရခိုင်တိုင်းရင်းသားများ တိုးတက်ရေးပါတီ RNDP ဥက္ကဌ ဒေါက်တာအေးမောင်က ပြောပါတယ်

"အခုဆိုရင် ကျနော်တို့ပါတီက ဥက္ကဌ ကိုမောင်ပုကို မနေ့ကည ၁၁ နာရီမှာဖမ်းတယ်၊ ဖမ်းတယ်ဆိုတာ စိစစ်ဖို့၊ ပြီးရင်ကျနော်တို့ဆီမှာ စာရင်းရပါတယ်၊ ၆ ယောက်လောက် အရေးယူစိစစ်နေတယ်လို့ ကျနော်တို့ကြားပါတယ်၊ အဲဒီလိုစိစစ်တာမျိုးဟာ ဖွဲ့စည်းပုံအခြေခံဥပဒေနဲ့ ကိုက်သလား၊ ကျနော်တို့မေးမြန်းဖို့ရှိပါတယ်၊ ၂၄ နာရီပြည့်လို့ စုံစမ်းစစ်ဆေးနိုင်တဲ့ကဏ္ဍကျော်လွန်ပြီးရင် တရားလူကြီးရဲ့ ခွင့်ပြုချက်နဲ့ သူ့မှာဝရမ်းပါဖို့လိုတယ်၊ ပုဒ်မတစ်ခုခုပါဖို့လိုတယ်"

အဲဒီဖမ်းဆီးခံရသူ ၆ ဦးထဲမှာ သံတွဲမြို့နယ် အမျိုးဘာသာ၊ သာသနာအဖွဲ့က ကိုကျော်ကျော်၊ ကိုသိန်းဝင်းနဲ့ ကိုသိန်းစံတို့လည်း ပါဝင်တယ်လို့ သံတွဲမြို့ အမျိုးဘာသာ၊ သာသနာအဖွဲ့မှ ကိုမြင့်မိုးက ပြောပါတယ်။

"မနေ့ညက အမျိုး၊ ဘာသာ၊ သာသနာအဖွဲ့က အလုပ်အမှုဆောင်သုံးယောက်၊ စီးပွားရေးလုပ်ငန်းရှင်တစ်ယောက်၊ RNDP က ဥက္ကဌတစ်ယောက်ကို ည ၁၁ နာရီနဲ့ ၁၂ နာရီကြားထဲမှာ လာဖမ်းသွားတယ်"

ဖမ်းဆီးခံရသူတွေကို ညနေပိုင်းမှာ သံတွဲမြို့နယ် တရားရုံးမှာ ရုံးထုတ်စစ်ဆေးခဲ့ပြီး ရာနဲ့ချီတဲ့မြို့ခံတွေ သွားရောက်ကြည့်ရှုခဲ့ကြပါတယ်။ အဲဒီနောက် သူတို့အားလုံးကို သံတွဲအကျဉ်းထောင်ကို ပို့ဆောင်လိုက်တယ်လို့ မျက်မြင်တွေက ပြောပါတယ်။

တချိန်တည်းမှာ ရခိုင်ပြည်နယ်အစိုးရက သံတွဲမြို့နယ် သဗြုချိုင်၊ ပေါက်တောစတဲ့ကျေးရွာတွေမှာ အောက်တိုဘာလ ၁ ရက်နေ့က မီးရှို့မှုတွေကြောင့် နေအိမ်အလုံးရေ ၁၀၀ ကျော် မီးထဲပါသွားခဲ့ပြီး သေဆုံးသူ ၅ ဦးရှိတယ်လို့ ရခိုင်ပြည်နယ်ဥပဒေချုပ် ဦးလှသိန်းက အခုလို အတည်ပြုပြောဆိုပါတယ်။

"ကျနော်တို့ရရှိတဲ့စာရင်းအရ ပျက်စီးဆုံးရှုံးမှုအနေနဲ့ အိမ်ပေါင်း ၁၀၂ အိမ်ဖြစ်ပါတယ်၊ နောက်တဲ ၁ တဲ၊ ဗလီ ၂ လုံး၊ ဈေးဆိုင် ၁ ဆိုင်၊ သေဆုံးမှုကတော့ စုစုပေါင်း ၅ ဦးဖြစ်ပါတယ်၊ ဒဏ်ရာရတာကတော့ ကျား ၄ ဦးဖြစ်ပါတယ်၊ ဒုက္ခသည်များအနေနဲ့ ဆိုလို့ရှိရင်တော့ အိမ်ထောင်စုပေါင်း ၁၀၃ စု၊ ကျား ၂၁၃ ဦး၊ မ ၂၃၅ ဦး စုစုပေါင်း ၄၄၈ ဦးတော့ အိုးမဲ့အိမ်မဲ့ဖြစ်တယ်လို့ ကျနော်တို့စာရင်းရရှိထားပါတယ် "

အိုးမဲ့အိမ်မဲ့ဖြစ်ခဲ့တဲ့ အိမ်ထောင်စု ၁၀၀ ကျော်နဲ့ ဒုက္ခသည်ပေါင်း ၄၅၀ လောက်ကို ရခိုင်ပြည်နယ် အစိုးရက စားနပ်ရိက္ခာကူညီပေးနေသလို ဒါဏ်ရာရသူတွေကိုလည်း သံတွဲဆေးရုံမှာ ဆေးကုသပေးနေတယ်လို့ သိရပါတယ်။



RFA Burmese
သံတွဲပဋိပက္ခအပြီး လူ ၁၆ ဦးကို ဖမ်းဆီးထိန်းသိမ်းထား
သံတွဲမြို့နယ်အတွင်းမှာ ဖြစ်ပွားခဲ့တဲ့ မီးရှို့တိုက်ခိုက်မှုနဲ့ ပတ်သက်ပြီး ဒီကနေ့အထိ သံသယရှိသူ စုစုပေါင်း ၁၆ ဦးလောက်ကို ဖမ်းဆီးထိန်းသိမ်းထားပြီးဖြစ်ကြောင်း အမည်မဖော်လိုတဲ့ ရခိုင်ပြည်နယ်အစိုးရ အရာရှိတစ်ဦးက RFA ကို ပြောပါတယ်။
သံတွဲခရိုင် ဒုရဲမှူး ဦးကျော်တင့်ကလည်း လက်ရှိဖမ်းဆီးထားတာ ၁ဝ ဦးအထက်ရှိသွားပြီလို့ RFA ကို ပြောပါတယ်။
ရဲတပ်ဖွဲ့က ဖမ်းဆီးထားတဲ့ သံသယရှိသူတွေထဲမှာ သံတွဲမြို့နယ် အမျိုးဘာသာ၊ သာသနာအဖွဲ့ဝင် သုံးဦးအပြင် သံတွဲမြို့နယ် ရခိုင်တိုင်းရင်းသားများ တိုးတက်ရေးပါတီ(RNDP) ဥက္ကဌ ဦးစောလှိုင်(ခ) ဦးမောင်ပုလည်း ပါတယ်လို့ သိရပါတယ်။
ဒါ့အပြင် မနေ့က သံတွဲမြို့နယ် လင်းသီကျေးရွာမှာ ဂျင်ကလိ၊ ဓာတ်ဆီလောင်စာပုလင်းတွေ စုဆောင်းထားရှိတဲ့ ရွာသား ၃ ဦးကိုလည်း ဖမ်းဆီးထားတယ်လို့ သိရပါတယ်။
သံတွဲမြို့နယ် သဗြုချိုင်၊ ပေါက်တောစတဲ့ကျေးရွာတွေမှာ အောက်တိုဘာလ ၁ ရက်နေ့က မီးရှို့မှုတွေကြောင့် နေအိမ်အလုံးရေ ၁ဝဝ ကျော် မီးထဲပါသွားခဲ့ပြီး သေဆုံးသူ ၅ ဦးရှိတယ်လို့ ရခိုင်ပြည်နယ်ဥပဒေချုပ် ဦးလှသိန်းက အတည်ပြုပြောပါတယ်။

ဗိုလ်ချုပ် ဆန္ဒမပြရ ဥပဒေ ပြဌာန်း



===================

ဗိုလ်ချုပ်အောင်ဆန်းပုံ အသုံးပြုပြီး ဆန္ဒပြရင် အရေးယူမယ့်ပုဒ်မ ပါဝင်တဲ့ ဥပဒေကြမ်း ကို အောက်တိုဘာ ၂ ရက်နေ့က ကျင်းပတဲ့ ပြည်သူ့လွှတ်တော်မှာ အတည်ပြုလိုက်ပါတယ်။ ၁၉၅၄ ခုနှစ် နိုင်ငံတော် အထိမ်းအမှတ်များ (ဆင်ယင်ပြသမှု ကန့်သတ်ရေး) အက်ဥပဒေကို ပြင်ဆင်တဲ့ ဥပဒေကြမ်းမှာ အမျိုးသားခေါင်းဆောင် ဗိုလ်ချုပ်အောင်ဆန်းရဲ့ပုံကို ဆန္ဒပြရာမှာ အသုံးပြုရင် အရေးယူမယ့် ပုဒ်မ အပါအဝင် ပုဒ်မ ၁၀ ခုပါ ဥပဒေကြမ်းကို အတည်ပြုလိုက်တာပါ။

ရွှေပြည်သာ မဲဆန္ဒနယ်က ပြည်သူ့လွှတ်တော် ကိုယ်စားလှယ် ဦးတင်မောင်ဦးက ၁၉၅၄ ခုနှစ် နိုင်ငံတော် အထိမ်းအမှတ်များ (ဆင်ယင်ပြသမှု ကန့်သတ်ရေး) အက်ဥပဒေကို ပြင်ဆင်တဲ့ ဥပဒေကြမ်းကို တင်သွင်းခဲ့တာ ဖြစ်ပါတယ်။ အဲဒီဥပဒေကြမ်းမှာ ဗိုလ်ချုပ်အောင်ဆန်းပုံကို ဆန္ဒပြ တဲ့ နေရာတွေမှာ သုံးစွဲရင် တရားဝင် အသင်းအဖွဲ့မဟုတ်တဲ့ အခြားသူ ဖြစ်ရင် တစ်နှစ် အထိ ထောင်ဒဏ်ဖြစ်စေ၊ ကျပ်ငါးသောင်းထက် ပိုသော ငွေဒဏ်ဖြစ်စေ၊ ပြစ်ဒဏ်နှစ်ရပ်လုံး ဖြစ်စေ ချမှတ်ခြင်းခံရမှာဖြစ်ပြီး တရားဝင် အသင်းအဖွဲ့ ဖြစ်ရင်တော့ ကျပ်တစ်သိန်းထက် မပိုသော ငွေဒဏ် ချမှတ်ခြင်း ခံရမယ်လို့ ပါရှိပါတယ်။

DVB TV News

၁၁ ဘီလီယံ လွှတ်တော်တင်