Friday, January 31, 2014

အခြေခံဥပဒေ ပြင်ဆင်ရေးအတွက်ဖိုက်တဲ့ သူရဦးအောင်ကို

ပြည်သူ့လွှတ်တော်ကိုယ်စားလှယ် ဦးရွှေမောင်အား အရေးယူမည်



ပြည်သူ့ အာဏာ

ဘူးသီးတောင်မြို့နယ် ပြည်သူ့လွှတ်တော်ကိုယ်စားလှယ် ဦးရွှေမောင်အား အသရေဖျက်မှု၊ ဆူပူအောင်လှုံ့ဆော်မှု၊ နိုင်ငံတော်တည်ငြိမ်အေးချမ်းရေးကို ပျက်ပြားစေမှု၊ နိုင်ငံသားကဒ်ပြားလိမ်လည်ရယူမှု စသည့် စွဲချက်များဖြင့် တရားစွဲဆို အရေးယူသွားမည် ဖြစ်ကြောင်း သိရသည်။

ဘင်္ဂလီလူမျိုးတစ်ဦးဖြစ်သော ဦးရွှေမောင်သည် နိုင်ငံသားမှတ်ပုံတင် ရရှိရေးကို လိမ်လှည့်စာရင်းသွင်း ရယူထားခြင်း ရှိ-မရှိ စစ်ဆေးသွားမည် ဖြစ်ကြောင်း၊ တစ်ချိန်တည်းမှာပင် နိုင်ငံတော်သိက္ခာကျဆင်းစေရန် သတင်းဌာနများနှင့် နိုင်ငံတကာအဖွဲ့အစည်းများသို့ မဟုတ်မမှန် သတင်းများ ဖြန့်ချိခြင်း၊ ရခိုင်ပြည်နယ်အတွင်း ဆူပူမှုများ ဖြစ်ပေါ်လာစေရန် လှုံ့ဆော်ခြင်း၊ နိုင်ငံတော်အပေါ် သစ္စာဖောက်ဖျက်ခြင်း၊ မြန်မာနိုင်ငံရဲတပ်ဖွဲ့အား ဂုဏ်သိက္ခာကျဆင်းစေရန် မဟုတ်မမှန် စွပ်စွဲပြောကြား အသရေဖျက်ခြင်း၊ နိုင်ငံတော်အား အကြည်ညို ပျက်စေခြင်း စသည့် လုပ်ဆောင်ချက်များ လုပ်ဆောင်ခဲ့သည့် အထောက်အထားများ တွေ့ရှိရကြောင်း ရဲတပ်ဖွဲ့ထံမှ သိရှိရသည်။

ဇန်န၀ါရီလ ၂၉ ရက်နေ့တွင် DVB သတင်းဌာန၏ မေးမြန်းချက်အား ပြန်လည် ဖြေကြားရာ၌ ဦးရွှေမောင်က "ရဲက ထိန်းချုပ်ထားလို့ အပြင်လူ ၀င်နိုင်စရာ အကြောင်း မရှိဘူး။ အပြင်လူ ၀င်ပြီးမှ မီးရှို့တယ် ဆိုရင်လည်း ဒါကို ရဲက မိမှာပဲ။ ဒါ တစ်ချက်။ နောက်တစ်ချက်က အဲဒီအနီးပတ်ဝန်းကျင်က ရွာတွေက လူတွေက ကျွန်တော့်ကို တယ်လီဖုန်းနဲ့ သေချာခိုင်မာစွာ သတင်းပို့တာကတော့ အဲဒီ ရဲတွေ ကိုယ်တိုင်ပဲ မီးရှို့ခဲ့တာ သူတို့မြင်တယ်" ဟု ထည့်သွင်း ပြောကြားခဲ့သည်။

လွှတ်တော်ကိုယ်စားလှယ်တစ်ဦးအား တရားစွဲဆို အရးယူခြင်းနှင့်ပတ်သက်၍ ဥပဒေကြောင်းအရ မည်သို့ ဆောင်ရွက်နိုင်သည် ကို တရားလွှတ်တော်ရှေ့နေပညာရှင်တစ်ဦးက "လွှတ်တော်အမတ်လည်း ဥပဒေ လိုက်နာရမှာပဲ။ ချိုးဖောက်ခွင့် မရှိဘူး ။ အရေးယူရမှာပဲ။ လွှတ်တော် ဥပဒေတွေအရ လွှတ်တော်အစည်းအဝေးခန်းထဲမှာ အစည်းအဝေးကျင်းပနေတဲ့အချိန် ဆွေးနွေးတာ ပြောဆိုတာ ဆိုရင်တော့ ငြိစွန်းတဲ့ ပုဒ်မနဲ့ အရေးယူလို့ရပါတယ်။ အကယ်၍ ဦးရွှေမောင်က လွှတ်တော်အစီအစဉ်မှာ ပါဝင်ဆွေးနွေးနေတဲ့အချိန်မှာ ပြော တယ်ဆိုရင်တော့ လွှတ်တော်ဥက္ကဌက စီမံခန့်ခွဲမှုနည်းလမ်းနဲ့ပဲ အရေးယူရမယ်။ အခုကိစ္စက လွှတ်တော်အစည်းအဝေးကျင်းပချိန် မဟုတ်ဘဲ DVB ရုပ်သံနဲ့ အမေးအဖြေလုပ်ထားတာ ဆိုတော့ အရေးယူလို့ ရပါတယ်။ ဥပဒေနဲ့ ညီပါတယ်။ ခုနက ပြောတဲ့ ပြစ်မှုတွေ အကုန်လုံးနဲ့ တရားစွဲဆိုမယ် ဆိုရင်တော့ ကျူးလွန်တာ မှန်ရင် နှစ်ရှည်ထောင်ဒဏ် ကျခံရပါလိမ့်မယ်။ ဒါက အသက်ညှာဆုံး ခန့်မှန်းပြီးပြောတာပါ။ နိုင်ငံတော်သစ္စာဖောက်ဖျက်မှု ဆိုရင် သေဒဏ်အထိ ပေးလို့ ရပါတယ်" ဟု ရှင်းလင်းပြောဆိုသည်။

ဦးရွှေမောင်သည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဘူးသီးတောင် မြို့နယ်မှ ၂၀၁၀ ရွေးကောက်ပွဲတွင် ၀င်ရောက်ယှဉ်ပြိုင်ကာ ပြည်သူ့လွှတ်တော်ကိုယ်စားလှယ် ဖြစ်လာခဲ့သူ ဖြစ်သည်။ ၄င်းအား ရွေးကောက်ပွဲစည်းမျဉ်းစည်းကမ်းနှင့် ညီညွတ်ခြင်းမရှိ၍ လွှတ်တော်ကိုယ်စားလှယ်အဖြစ်မှ ရုပ်သိမ်းပေးရန် ပြည်သူများက လက်မှတ်ထိုး တောင်းဆိုခဲ့သော်လည်း ဥပဒေ
မရှိသဖြင့် အရေးယူနိုင်ခြင်း မရှိသေးကြောင်း ပြည်ထောင်စုရွေးကောက်ပွဲ ကော်မရှင်က ပြန်ကြားထားသူ (၃)ဦးတွင် အပါအ၀င် ဖြစ်သည်။ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ကိုယ်စားလှယ်အများစု ပါဝင်သည့် ပြည်ထောင်စုလွှတ်တော်သည် ပြည်သူများမှ ပြန်လည်ဖြုတ်ချခွင့် (၁%)ကို မဖြစ်သင့် ဟု ဆိုကာ ပိတ်ပင်ထားခြင်း ဖြစ်သည်။

ဆိုင်ကယ်နဲ့မတိုက်မိအောင်ဆုတောင်း

ဒီနေ့ကာတွန်း

သမိုင်းကပြင်လိမ့်မယ်၊လူထုကပြင်မှပဲရမယ်၊

ဒေါ်လာပိုက်၍ ပြည်ပပြန်သွားပြီဆိုသူ သူရိယနေ၀န်း ဦးမိုးဟိန်း ရန်ကုန်တွင်ရှိနေ



 မြန်မာ သံတော်ဆင့်

အမေရိကန်ဒေါ်လာ ၆ သိန်း ပိုက်၍ ပြန်သွားပြီဆိုသူ သူရိယနေ၀န်းဂျာနယ်၏ အမှုဆောင်အရာရှိချုပ်(CEO) ဦးမိုးဟိန်းသည် ခေတ္တ အနားပေး ထားခြင်းသာ ဖြစ်၍ ရန်ကုန်၌သာ ရှိသည်ဟု ဇန်န၀ါရီလ ၃၀ ရက် သူရိယနေ၀န်း ဂျာနယ်ရုံးခန်းတွင် ထုတ်ဝေသူ ဦးခင်အေး က မြန်မာ သံတော်ဆင့်သို့ ပြောသည်။

၂၀၁၄ ခုနှစ် ဇန်န၀ါရီ ၂၇ ရက်ထုတ် အလင်းခေတ် သတင်းဂျာနယ် အတွဲ(၁)၊ အမှတ်(၄) မျက်နှာဖုံးနှင့် အချပ်ပို(D)တွင် ““နေ၀င်းခေတ်မိုးဟိန်း အထုပ်ပိုက်၍ သူရိယနေ၀န်း ဂျာနယ်အား စွန့်ခွာ”” ခေါင်းစဉ်ဖြင့် ဖော်ပြခဲ့သော သတင်းတွင် CEO ဦးမိုးဟိန်းသည် ၂၀၁၃ ခုနှစ် ဒီဇင်ဘာလမှစ၍ ၎င်းဂျာနယ်မှ စွန့်ခွာခဲ့ပြီး ထိုဂျာနယ်တွင် အစဉ်တစိုက် ရေးသား တိုက်ခိုက်ခဲ့သည့် ပုဂ္ဂိုလ်နှင့် ညှိနှိုင်းမှု ရယူကာ ထွက်သွားခြင်း ဖြစ်ကြောင်း၊ သတင်းတပ်ဖွဲ့ (SB) ၏ အကြီးတန်း ရဲအရာရှိတစ်ဦး၏ ပြောကြားချက်အရ ဦးမိုးဟိန်းသည် ဒေါ်လာ ၆ သိန်း ပိုက်၍ ထွက်သွားသည်ဟု ကြားသိရကြောင်း၊ ထုတ်ဝေသူ ဦးခင်အေးကလည်း ဦးမိုးဟိန်းသည် အမေရိကန် နိုင်ငံသား ဖြစ်၍ ဒီဇင်ဘာလ ကတည်းက ထုတ်ပယ်ပြီး ဖြစ်ကြောင်း စသည်ဖြင့် အသေးစိတ် ရေးသား ဖော်ပြထားသည်။ အလင်းခေတ် သတင်းဂျာနယ်တွင် အဆိုပါ သတင်းဖော်ပြ ပြီးနောက် မြန်မာသံတော်ဆင့်မှ ထပ်မံ၍ သတင်း အချက်အလက် ရယူခဲ့ရာ ဇန်န၀ါရီလ ၃၀ ရက်တွင် ထုတ်ဝေသူ ဦးခင်အေးနှင့် တွေ့ဆုံစဉ် ယခုကဲ့သို့ မြန်မာသံတော်ဆင့်သို့ ပြောကြားခဲ့သည်။

““ဦးမိုးဟိန်းက ရန်ကုန်မြို့မှာပဲ ရှိပါတယ်။ ဂျာနယ်တိုက်က မထွက်ပါဘူး။ လိုရာဆွဲပြီး ရေးသွားတာ။ သူ့ကို ခေတ္တ အနားပေးထားတာပါ။ ဒီကိစ္စနဲ့ ပတ်သက်ပြီး ဖြေရှင်းမှု မလုပ်ဘူး။ နေ့တိုင်းနေ့တိုင်း ဂျာနယ်ကြီး မှာ သူ့မျက်နှာ အမြင်ကတ်အောင် ပါနေတာပဲ။ အဲဒါ သက်သက် လျှောက်ပြောနေတာ။ SB ဆိုတဲ့ လူကိုလည်း သိတယ်။ ပြည်ပထွက်ရင် လ၀က သိရမှာပေါ့။ ၆ သိန်း နည်းတာပေါ့။ ၆ သန်းလို့ ပြောရမှာ။ ဟိုကမေးတော့ ဦးက စိတ်ဆိုးပြီး မရှိဘူး ထုတ်လိုက်ပြီလို့ ပြောလိုက်တာ။ အဲဒါကို ပြောတာရော၊ မပြောတာရော လိုရာဆွဲ ရေးသွားတာ””ဟူ၍ ဦးခင်မောင်အေးက အသေးစိတ် ဖြေကြားခဲ့သည်။

ဦးမိုးဟိန်းနှင့် ညှိနှိုင်းမှု ရယူခဲ့သည်ဟု သတင်း ထွက်ပေါ်နေသော ထူးကုမ္ပဏီများအုပ်စုပိုင်ရှင် ဦးတေဇသည် ပုဂ္ဂိုလ်ရေး တိုက်ခိုက် ရေးသားသည့် သူရိယနေ၀န်း ဂျာနယ်၊ ဦးမိုးဟိန်းနှင့် အခြားပြည်တွင်း ဂျာနယ်များကို တရားဥပဒေ ဘောင်အတွင်းမှ ဖြေရှင်းသွားမည်ဟု ဦးတေဇ Facebook စာမျက်နှာတွင် ဖော်ပြပြီးနောက် ဦးတေဇက မည်သည့် ဂျာနယ်ကိုမျှ တရားစွဲဆိုခဲ့ခြင်း မပြုခဲ့သည့်အတွက် ဦးမိုးဟိန်းနှင့် စပ်လျဉ်း၍ တရားစွဲဆိုမှု ပြု၊ မပြုကို မြန်မာသံတော်ဆင့်မှ မေးမြန်းခဲ့ရာ ၎င်းတို့အနေဖြင့် စိတ်ဝင်စားမှု မရှိတော့ကြောင်း ရုံးအဖွဲ့မှူး ဦးညီညီအောင်က ယခုကဲ့သို့ ပြောကြားသည်။

““ကိုမိုးဟိန်းနဲ့ ဦးတို့နဲ့ ဘာအဆက်အသွယ်မှ မရှိပါဘူး။ သူတို့ဘာသာ ပြောချင်တာပြော လုပ်ချင် တာလုပ်ပြီး ဗီဇာပြည့်လို့ ပြန်တာ ဖြစ်ပါလိမ့်မယ်။ သူ့ကို စိတ်မ၀င်စားတော့တာ ကြာပြီ။ အခုပြောနေတဲ့ အပေါ်မှာလည်း ဘာမှတ်ချက်မှ ပေးစရာမရှိပါဘူး””ဟု ဦးညီညီအောင်က ပြောသည်။

သူရိယနေရ၀န်း ဂျာနယ်၏ အမှုဆောင်အရာရှိချုပ် (CEO) ဦးမိုးဟိန်းနှင့် စပ်လျဉ်း၍ စာနယ်ဇင်း လောကသား တစ်ဦးဖြစ်သူ ဦးလှထွဋ်စိုးက ““ဒီကိစ္စနဲ့ ပတ်သက်ပြီး သိထားတာ မရှိဘူး၊ အမေရိကန် နိုင်ငံသား ဖြစ်နေတဲ့ အတွက် သူ့ကို ဒီက ဥပဒေက ဘာမှမလုပ်နိုင်ဘူး။ ရှောင်လွှဲနိုင်တယ်။ ရင်ဆိုင်စရာလည်း မလိုဘူး။ သူက အေးအေးဆေးဆေး ပြန်သွားမှာပဲ။ တချို့သတင်းတွေက သတင်းထောက်တွေ ရနိုင်မယ့် အမေးအဖြေတွေ မဟုတ်ဘူး။ သူများ မလုပ်နိုင်တဲ့ အလုပ်ကို ကိုယ်စား လုပ်ရင် လုပ်တဲ့ဂျာနယ်ကို အားပေးတာ၊ လက်ခုပ်တီးတာ ပဲလေ။ ဒါပေမဲ့ ဒီလို သတင်းရတယ်ဆိုတာ နှစ်နည်းပဲ ရှိတယ်။ အရင် ထောက်လှမ်းရေး Black ဖိုင်က ရရင်ရ/ ခရိုနီ အချင်းချင်းထဲက ပေးတာ ဒါပဲဖြစ်နိုင်တယ်။ သူ ပြည်ပသွားတယ် ဆိုရင် သူနဲ့ရင်းနှီးတဲ့ သူတွေထဲမှာ ကျွန်တော်နဲ့ ရင်းနှီးသူတွေ ရှိတယ်။ ဘာမှမကြားပါဘူး။ ဒီမှာရှိနေမှာပါ””ဟု သုံးသပ် ပြောကြားခဲ့သည်။

ဦးလှထွဋ်စိုးသည် ၁၉၈၄ ခုနှစ် နိုင်ငံခြားရေး ၀န်ကြီးဌာန သံတမန်ရေးရာ ဦးစီးဌာနတွင် လုပ်ကိုင်ခဲ့ပြီး ၁၉၈၈ အရေးတော်ပုံတွင် ပါဝင်လှုပ်ရှားခဲ့သူတစ်ဦး ဖြစ်သည်။ ၁၉၈၈ နောက်ပိုင်း စစ်အစိုးရ လက်ထက် အာဏာ သိမ်းပြီးနောက် နိုင်ငံရေး လှုပ်ရှားမှုများ ဆက်လက် လုပ်ကိုင်ခဲ့ပြီး ၁၉၈၉ ခုနှစ် နိုဝင်ဘာလ ၂၀ရက်တွင် ဗမာနိုင်ငံလုံးဆိုင်ရာ ကျောင်းသား သမဂ္ဂအဖွဲ့ချုပ် (ဗကသ) ၆၉ ကြိမ်မြောက် အမျိုးသားနေ့ အထိမ်းအမှတ် အခမ်းအနား စီစဉ်နေစဉ် အဖမ်းခံခဲ့ရကာ အင်းစိန်ထောင်တွင် ထောင်(၃)နှစ် ကျခံခဲ့ရသူ ဖြစ်သည်။ ထို့နောက် ပုဒ်မ အမျိုးမျိုးဖြင့် ပြစ်ဒဏ်များ ကျသင့်ခံခဲ့ရကာ၂၀၀၅ ခုနှစ်တွင် လွတ်မြောက်လာပြီး နောက်ပိုင်းမှစ၍ နိုင်ငံရေး လှုပ်ရှားမှု မပြုလုပ်ဘဲ စာနယ်ဇင်း လောကတွင် ကျင်လည်လျက် ရှိသည်။ သူရိယအလင်း ဂျာနယ် ပြဿနာ ဖြစ်ပြီးနောက် သူရိယနေ၀န်း အမည်ဖြင့်၂၀၁၃ ခုနှစ် အောက်တိုဘာလ ၂၆ ရက်မှ စတင်ထုတ်ဝေ ခဲ့ရာ အတွဲ(၁)၊ အမှတ်(၁၄)ထိ ထုတ်ဝေပြီး ဖြစ်သည်။

ဝတ်ရည်နွေးနွေး

မန္တလေးတိုင်း ၀န်ကြီးချုပ် ဦးရဲမြင့်ရဲ့ယာဉ်တန်း မိုင်းဆွဲ တိုက်ခိုက်ခံရ



BBC Burmese
မန္တလေးနေ့စဉ် သတင်းစာက သတင်းထောက် ကိုမဲကြီး(ခ) မန်းကိုကို နဲ့ မန္တလေးတိုင်း သတ္တုတွင်း ၀န်ကြီး ဦးသန်းစိုးမြင့်ရဲ့ ကိုယ်ရေးအရာရှိ ၁ယောက် ဒဏ်ရာအနည်းငယ်ရရှိသွားလို့ မန္တလေးဆေးရုံမှာ ကုနေရတဲ့အကြောင်း မန္တလေးတိုင်းသတင်း တပ်ဖွဲ့မှ အတည်ပြုပြော ဒီကနေ့ ဇန်န၀ါရီ ၃၁ ရက် ညနေ ၃နာရီဝန်းကျင်က မန္တလေးတိုင်းဝန်ကြီးချုပ် ဦးရဲမြင့်ရဲ့ယာဉ်တန်း မန္တလေးတိုင်းနဲ့ ရှမ်းပြည်နယ်အစပ် နောင်ချိုမြို့နယ်ထဲက မိုးကုတ်ပြင်ဦးလွင်သွားကားလမ်းမှာ မိုင်းဆွဲ တိုက်ခံခဲ့ရပါတယ်။

ဒီဖြစ်စဉ်ကြောင့် လိုက်ပါသတင်းယူတဲ့မန္တလေးနေ့စဉ်သတင်းစာ က သတင်းထောက် ကိုမဲကြီး (ခ) မန်းကိုကို နဲ့ မန္တလေးတိုင်း သတ္တုတွင်းဝန်ကြီး ဦးသန်းစိုးမြင့်ရဲ့ ကိုယ်ရေးအရာရှိ ၁ယောက် ဒဏ်ရာ အနည်းငယ်ရရှိသွားလို့ မန္တလေးဆေးရုံမှာ ကုနေရတဲ့ အကြောင်း မန္တလေးတိုင်း သတင်းတပ်ဖွဲ့မှ အတည်ပြုပြောကြား ပါတယ်။

အစိုးရကို ဆန့်ကျင်ရင် ထောင်ထဲပို့မယ် ပြောစကားကို လွှတ်တော်အမတ်တွေ ကန့်ကွက်




အောက်ခြေလူတန်းစား ရွာသားတွေကို သူပေးမှရမယ်။ သူမပေးချင်ရင် ဘာတတ်နိုင်လဲ၊ ရသလောက် ယူ၊ အစိုးရကို ကျေးဇူးတင်၊ မဟုတ်ပဲ အထွန့်တက် တောင်းရင် ဘောပဲရမယ်ဆိုတဲ့ အချိုးနဲ့ ပစ်ပစ်နှစ်နှစ်ကို စော်ကားရုံမက ၊ သူ့ကိုယ်သူလဲ ကိုယ်ရည်သွေး၊ တိုင်းပြည်အတွက် စွန့်လွှတ်ထားတဲ့ စေတနာရှင်ကြီး လိုလိုနဲ့။ တကယ့်ကို Psychopath တွေပဲ။ အဲဒီအရူး စိတ်လွတ် ကိုယ်လွတ် ပြောချင်ရာပြောနေတာကို ရအောင် ဖမ်းရိုက်ထားသူကို ကျေးဇူးတင်သဗျာ ။ ဒီလို လူမျိုးကို ကျေးလက်ဖွံ့ဖြိုးရေး အတွက် တာဝန်ပေးထားတဲ့ ဦးသိန်းစိန် အစိုးရတော့ အံ့သြတယ်။

(( Nanda Lynn ))




 Zin Thaw Naing
ကိုယ့်အခွင့်အရေးကိုယ် သိဖို့လိုသည်
====================

မွေး/ရေ၀န်ကြီး ဦးအုန်းမြင့်ရဲ့ အသံဖိုင် အွန်လိုင်းမှာ တော်တော်လေး ဂယက်ရိုက်နေလို့ နားထောင် ကြည့်မိပါတယ်။ ဘုရား ... ဘုရား။ ပြည်ထောင်စု ၀န်ကြီးရဲ့ နှုတ်ထွက်စကား ဆိုတာ ဗီဒီယိုဖိုင် မို့လို့သာ ယုံလိုက်ရတယ်။ နို့မဟုတ်ရင် စာမတတ် ပေမတတ် သူခိုးဂျပိုး လမ်းဘေး လူမိုက်က ပြောနေသလားလို့ ထင်ရတယ်။ သူပြောနေတဲ့ အဓိက အကြောင်းရင်းကို သုံးသပ် ကြည့်တော့လည်း ကျေးရွာ ဖွံ့ဖြိုးရေး ကိစ္စတွေကို နိုင်ငံပိုင်ငွေနဲ့ သွားလုပ်ရင်း သက်သက် အာဏာပြပြီး ဒေသခံတွေကို ခြိမ်းခြောက် နိုင်ငံရေးသမား တွေကိုပါ အပုတ်ချ သွားတာမျိုး ဖြစ်နေတယ်။

ဒီနေရာမှာ ပြောချင်တာက စစ်သား ဘ၀ကနေ လာတဲ့ ၀န်ကြီး တစ်ဦးရဲ့ စိတ်နေစိတ်ထား Mindset ပဲ။ ပြည်သူကို ကျွန်လို သဘောထားပြီး ကိုယ်ပေးမှရမယ်၊ ကိုယ်သနားမှ ချမ်းသာရာ ရမယ်ဆိုတဲ့ စိတ်ဓာတ်မျိုးကို ရှင်းရှင်းလင်းလင်း တွေ့လိုက်ရတယ်။ တကယ်တော့ ဒါဟာ သူ့အတွက် မဖြစ်မနေ လုပ်ကို လုပ်ပေးရမယ့် အလုပ်တွေပဲ။ သူ့စကားထဲမှာ ပါတဲ့အတိုင်း မြန်မာပြည်မှာ ကျေးရွာပေါင်း ခြောက်သောင်းကျော် ရှိတယ်ဆိုရင် အဲဒီ ခြောက်သောင်းလုံးကို ပြည့်ပြည့်၀၀ လုပ်မပေး နိုင် တဲ့အတွက် တကယ်ဆိုရင် သူကတောင် ပြန် တောင်း ပန် ရဦးမှာ။ ဒါကိုပဲ သူလက်သင့်ရာ စားတော်ခေါ်ပေး တာကို ကျေးဇူးပြန် တင်ရမယ့် အပေါက်။ ကျလည်း ကျလောက်စရာ။

နိုင်ငံရေး သမားတွေ ပြောပြောနေတဲ့ လူ့အခွင့်အရေး ဆိုတာ အဲ့ဒါပဲ။ ပေးတာလေးယူ ကျွေးတာလေးစား အဘတို့ ပြောသမျှ မှန်ပါတယ် ဆိုပြီး ခေါင်းငြိမ့်နေ စရာ မလိုဘူး။ ဘယ်ဟာက ကိုယ်ရသင့်တဲ့ အခွင့်အရေး ဆိုတာ ကောင်းကောင်း နားလည်ပြီး ပြည့်ပြည့်၀၀ ရဖို့ ရဲရဲဝံ့ဝံ့ တောင်းရဲဖို့ လိုတယ်။ ဒါကိုမှ မပေးနိုင်ဘူး ဆိုရင် ဒီလို အစိုးရမျိုးကို သက်တမ်းပြည့်ရင် ညောင်းတော့ပေါ့။ ဘာမှ လွမ်းစရာ မရှိဘူး။

လယ်ယာမြေ အသိမ်းခံရတာ၊ ဆန္ဒဖော်ထုတ်လို့ အဖမ်းခံရတာ၊ အတင်း အကြပ် လုပ်အားပေး ခိုင်းစေခံရတာ၊ ကလေးစစ်သား စု ဆောင်းခံရတာ၊ အစိုးရ၊ စစ်တပ်နဲ့ ရဲတပ်ဖွဲ့ ၀င်တွေရဲ့ နှိပ်စက် ညှင်းပန်းမှု ခံရတာ၊ လူကုန်ကူး ခံရတာ၊ စစ်ဘေး ဒဏ်ကြောင့် နေရပ်စွန့်ခွာပြေးရတာ၊ အခွင့် အာဏာ အလွဲ သုံးစားပြုပြီး ပြည်သူတွေကို နိုင့်ထက်စီးနင်း လုပ်တာ၊ အကျင့်ပျက်ခြစားတာ၊ တရားရေးမှာ ဘက်လိုက် စီရင်တာ တွေ အားလုံးဟာ လူ့အခွင့်အရေး ချိုးဖောက်တာတွေပဲ။

ဒီတော့ ပြည်သူတွေ ကိုယ့်အခွင့် အရေးကိုယ် သိကုန်ကြမှာ စိုးတဲ့ လူတစ်စုက လူ့အခွင့်အရေး ဆိုတာ ကုလား အားပေးတဲ့ ၀ါဒလိုလို ပုံဖျက်ပစ်ပြီး အမျိုးသားရေး မှိုင်းနဲ့တိုက်တယ်။ ဥာဏ်ရည် နုံနဲ့တဲ့ သူတွေက အဲဒီမှိုင်းထဲမှာ မျောပြီး လူ့အခွင့်အရေး မလိုချင်ပါဘူး ဘာညာဆိုပြီး ဖြစ်ကုန်ကြတယ်။ ဒီလိုလူတွေ များနေလေလေ လူ့အခွင့်အရေး ချိုးဖောက်ချင်တဲ့ အာဏာရှင် လက်သစ်တွေ သဘောကျလေပေါ့။ တစ်ရာဖိုးလောက် လုပ်ပေးရမယ့် နေရာမှာ တစ်ကျပ်ဖိုးလောက်ပဲ လုပ်ပေးပြီး မှိုင်းလေး နည်းနည်းလောက် တိုက်လိုက်ရင်ပဲ အစိုးရ ကျေးဇူး မြင့်မိုရ်ဦး ဖြစ်ကုန်ကြရော။ ကဲ ... ဘယ်လောက် တန်လိုက်သလဲ။

သမီးကလေးကျေးရွာကိုတပ်ပိုင်မြေဟုဆိုကာရွာလုံးကျွတ်ဖယ်ရှားရန်အမိန့်စာထုတ်၊



Eleven Media Group
လှည်းကူးမြို့နယ်ရှိသမီးကလေးကျေးရွာကိုတပ်ပိုင်မြေဟု
ဆိုကာရွာလုံးကျွတ်ဖယ်ရှားရန်အမိန့်စာထုတ်၊
မြို့နယ်အထွေထွေအုပ်ချုပ်ရေးမှူးမှထုတ်ပြန်ခဲ့ခြင်းဖြစ်

ဗိုလ်ချုပ်မှူးကြီးဟောင်း သမီးရဲ့ သရက်ခြံအတွက် ဒေသခံလယ်မြေတွေ သိမ်းယူ

ဘုန်းကြီးနဲ့ဘီး၊စစ်တပ်နဲ့ဒီမ်ိုကရေစီ



Aungmyo Tun
(၁) ဒီချုပ် ဥက္ကဌကို အကျယ်ချုပ်ကလွှတ်ပေးတဲ့ (၂) ၂၀၁၂ ကြားဖြတ်
ရွေးကောက်ပွဲဝင်ခွင့်၊ အနိုင်ရခွင့်၊ လွှတ်တော်တက်ခွင့်၊ ဟိုနိုင်ငံ ဒီနိုင်ငံသွားခွင့်
စတဲ့အခွင့်အရေးများ ပေးလိုက်တဲ့အတွက် (၁) လူထုနဲ့  စစ်အစိုးရကြားက
ပဋိပက္ခများ လျော့ကျသွားပါတယ်။ (၂) အမေရိကန်ကိုယ်စားပြုထားတဲ့
အီးယူနိုင်ငံများ၊ စကင်ဒီနေးဗီးယားနိုင်ငံများ၊ ဂျပန်နဲ့ အင်န်ဇပ်စ် ANZUS
နိုင်ငံများအကြား တင်းမာမှုများ လုံးဝလျော့ကျသွားခဲ့ပါတယ်။
မြန်မာနဲ့ အမေရိကန်၊ ဂျပန်နဲ့ အီးယူတို့ ရဲ့  ဘက်စုံဆက်ဆံရေးများ
အနုတ်ကနေ အပေါင်းပြောင်းရုံသာမက အမြှောက်ပါဖြစ်သွားခဲ့ပါတယ်။
Su Factor ကို ပြောင်းကစားခဲ့တဲ့အတွက် ကြံ့ဖွံ့ အစိုးရဟာ ဗျူဟာမြောက်
အကျိုးအမြတ်များ အောတိုက်ပြီးရခဲ့ပါတယ်။

သမိုင်းအရ လစ်ဘရယ်ဒီမိုကရေစီဖြစ်ပေါ်ပုံ ပုံသဏ္ဍာန် (၃) မျိုးရှိပါတယ်။
ပထမပုံစံက အင်္ဂလိပ်ပုံစံပါ။ ၀န်ကြီးချုပ်ကိုယ်စားပြုတဲ့ပုံစံပါ။ ၁၉၄၇ ဖွဲ့ စည်းပုံက
အင်္ဂလိပ်ပုံစံပါ။ ဒုတိယပုံစံက ပြင်သစ်ပုံစံပါ။ သမ္မတက အရေးပါပါတယ်။
တတိယပုံစံက အမေရိကန်ပုံစံပါ။ အမေရိကန်သမ္မတရွေးကောက်ပွဲက
ကမ္ဘာကျော်ပါ။ အင်အားအကြီးဆုံး စီးပွားရေး၊ စစ်ရေး၊ အာဏာပိုင်မှုကို
သမ္မတထံ လွှဲထားတာပါ။ ကမ္ဘာပေါ်မှာ စစ်မိန့် ပေးခွင့်ရှိတဲ့သမ္မတဟာ
အမေရိကန်နဲ့  တရုတ် PRC ပါဘဲ။ ဗမာက အင်္ဂလိပ်ကျွန်ဖြစ်ခဲ့တော့
ဘာဖြစ်ဖြစ် အင်္ဂလိပ်စတိုင်က မပျောက်ချင်တာ သိပ်မဆန်းပါဘူး။

အခုတလော ဖွဲ့ စည်းပုံပြင်တဲ့ကိစ္စမှာ စစ်တပ်ကိုတစ်စုပေးဖို့ ပြောလာဆိုလာကြတာ
တွေ့ ရပါတယ်။ တုန့် ပြန်မှုက NO ဆိုတော့ ကမ်းလှမ်းရတဲ့ဘက်က
နည်းနည်းလေးတော့ “အောက်”တာပေါ့။ ဒီနေရာမှာ တခုရှင်းရှင်းသဘောထား
ရမှာက ၂၀၀၈ ဖွဲ့ စည်းပုံစည်းမျဉ်းဥပဒေနဲ့  ပုံဖော်ထားတဲ့ ဖွဲ့ စည်းပုံလွှတ်တော်
အမျိုးမျိုး၊ အစိုးရအဖွဲ့ အမျိုးမျိုး၊ လုံခြုံရေးအဖွဲ့ အစည်းအမျိုးမျိုး၊ စစ်တပ် ကြည်း/
ရေ/လေ၊ အင်ဂျင်နီယာ၊ ထောက်ပံ့ရေး၊ ကြေးနန်း၊ လက်နက်ကြီးအမျိုးမျိုး၊
ရဲတပ်ဖွဲ့ ၊ လူဝင်မှုကြီးကြပ်ရေးအဖွဲ့ စတဲ့ အစိုးရရဲ့  State Apparatus လို့ 
တခွန်းတည်းချုပ်ပြောရရင် ဒီအုပ်ချုပ်ရေးယန္တရားတစ်ခုလုံးဟာ State Machinery
စစ်ပုံစံသွင်းထားတဲ့ ယန္တရားကြီးပါဘဲ။ အရေးကြီးပေါ်လစီကို စီမံခန့် ခွဲတဲ့အရာရှိ
လုပ်နည်းကိုင်နည်းအားလုံးဟာ စစ်ပုံစံသွင်းထားတာချည်းပါဘဲ။ ဒီမိုကရေစီပုံစံ
သွင်းထားတာ လုံးဝမဟုတ်ပါဘူး။ အရပ်အမောင်း အပိန်အ၀တောင် ပုံစံကိုက်
လုပ်ချင်တာ။ လူတွေ၊ သက်ရှိတွေ ဖြစ်နေလို့ ပါ။ ဒါဟာ ဖက်ဆစ်ဂျပန်ဟန်ပါ။
ဆီးဂိမ်းနဲ့ ပါရာဂိမ်းဖွင့်ပွဲပိတ်ပွဲတွေကို သတိပြုကြည့်လိုက်ရင် လှုပ်ရှားမှု
အားလုံးဟာ အင်မတန် စစ်ဆန်နေတာ Militarized လုပ်ထားတာကို တွေ့ ကြ
ရမှာပါ။ ဒီတော့ ၂၀၀၈ ဖွဲ့ စည်းပုံပြင်ဖို့  စစ်တပ်ကို တစ်ယူနစ်ပေးထားတာဟာ
လက်တွေ့ မကျပါဘူး။ တကယ်လို့  ကာ/လုံ ကို Democratic Dialogue အတွက်
တစ်ခုပေးရင် သိပ်ပြီး လက်တွေ့ ကျမှာဖြစ်ပါတယ်။ အခုတော့ NO အလုပ်ခံရတာ
အောက်ပါတယ်။ ပွင့်တော့ပွင့်ကျသွားပါတယ်။ ကောင်းပါတယ်။

နှစ်ပေါင်း (၇၀၀၀) ခန့် ရှိပြီဖြစ်တဲ့ လူ့ သမိုင်းမှာ စစ်တပ်ဆိုတာ ဘယ်လို
လူမှုအစုအစည်း Social Force မျိုးလည်းဆိုတာ နည်းနည်းခြေရာကောက်ကြည့်
ချင်ပါတယ်။ ရှေးဘုံစနစ်ပြိုကွဲပြီး အသစ်ဖြစ်ထွန်းလာတဲ့ လူ့ အဖွဲ့ အစည်းများဟာ
ပုဂ္ဂလိကပိုင်စနစ် ကျင့်သုံးတဲ့ လူ့ အဖွဲ့ အစည်းများဖြစ်ပါတယ်။
လူ့ အဖွဲ့ အစည်းများအတွင်းမှာ Private Ownership ပုဂ္ဂလိကပိုင်စနစ်ကို
ကာကွယ်ဖို့  အထူးလူမှုအစုတစ်စုကို (a special social force ) စုစည်းလာခဲ့ကြ
ပါတယ်။ အဲဒီ အထူးလူမှုအစုဟာ တိုက်ရည်ခိုက်ရည်ရှိပြီး ခွန်အားဗလကြီးသူများ၊
တင်းပုတ်၊ ၀ါးချွန်၊ ကျောက်စူး၊ ကျောက်ချွန်များ၊ လောက်လွှဲများ (လေးခွများ)ကို
ကျွမ်းကျင်စွာ သုံးစွဲနိုင်သူများ၊ သားရဲတိရစ္ဆာန်များနဲ့ သတ်ပုတ်ရဲသူများဖြစ်ပါတယ်။
သူတို့ ဟာ သားရဲတိရစ္ဆာန်များကို ဖမ်းဆီးတတ်လာကြတယ်။ အစုတစ်စုနဲ့ တစ်စု
(အကြောင်းမျိုးစုံနဲ့ ပဋိပက္ခဖြစ်လာတဲ့အခါ) ကိုယ့်အစုရဲ့ အသက်နဲ့ စားရေရိက္ခာ
များကို ကာကွယ်ဖို့ တိုက်ခိုက်တဲ့ လူမှုအစု Fighting Social Force ဖြစ်ပေါ်လာ
ပါတယ်။ အဲဒီလူမှုအစုဟာ ခေတ်သစ်စစ်တပ်များရဲ့  ရှေးဦးစစ်သားများပါဘဲ။

(၁) ရှေးဘုံစနစ်ပြိုကွဲပြီးတဲ့နောက် (၂) ပထမဆုံး လူတန်းစားလူ့ အဖွဲ့ အစည်းကြီး
ဖြစ်တဲ့ ကျေးကျွန်ပိုင်လူ့ အဖွဲ့ အစည်း (၃) ဒုတိယ လူတန်းစားလူ့ အဖွဲ့ အစည်း
ဖြစ်တဲ့ ပဒေသရာဇ်လူ့ အဖွဲ့ အစည်း (၄) တတိယ လူတန်းစားလူ့ အဖွဲ့ အစည်းကြီး
ဖြစ်တဲ့ Capitalist Society (Capitalist Mode of Production) အရင်းရှင်
လူ့ အဖွဲ့ အစည်း၊ ဒီကနေ့ တွေ့ နေကြရတဲ့ ကမ္ဘာအနှံ့ က လူ့ အဖွဲ့ အစည်းများဟာ
ခေတ်သစ်အရင်းရှင်လူ့ အဖွဲ့ အစည်းကြီးများချည်းဖြစ်ပါတယ်။ (၅) ပဉ္စမ
လူ့ အဖွဲ့ အစည်းကတော့ မာ့စ်ဝါဒရဲ့ သမိုင်းရုပ်ဝါဒအမြင်အရ ပြောရရင်
ဒီကနေ့ တရုတ်ပြည်ကို ဆိုရှယ်လစ်လူ့ အဖွဲ့ အစည်းလို့  (၁၉၆၆ မေလ ၁၆ ရက်
ယဉ်ကျေးမှုတော်လှန်ရေးကြီးမတိုင်ခင်အထိ) သဘောထားခဲ့ကြပါတယ်။
အမှတ်စဉ် (၂)က အမှတ်စဉ် (၅)အထိ ဖြစ်တည်ခဲ့တဲ့ လူ့ အဖွဲ့ အစည်းတိုင်းမှာ
ဖြစ်ပေါ်လာခဲ့တဲ့ “စစ်တပ်”ဆိုတဲ့ လူမှုယန္တရား စတင်ပေါ်ထွက်လာကတည်းက
ဒီမိုကရေစီကိုဖော်ဆောင်တဲ့ လူမှုယန္တရားအဖြစ် ပေါ်ထွက်လာတာ (လုံးဝ)
လုံးဝမဟုတ်ခဲ့ပါဘူး။ အကျိုးစီးပွားချင်းမတူတဲ့ လူတန်းစားများ၊ လူမှုအစုများ
အကြားက အကျိုးစီးပွားကို ကာကွယ် (သို့ မဟုတ်) လုယူရေး ရည်ရွယ်ချက်နဲ့ 
သမိုင်းလိုအပ်ချက်အရ ပေါ်ထွက်တဲ့အကြမ်းဖက် (လက်နက်တစ်မျိုးမျိုးနဲ့ 
လက်နက်တပ်ဆင်ထားတဲ့)လူမှုအစုအစည်းတစ်မျိုးဖြစ်ပါတယ်။

မြန်မာ့လူ့ အဖွဲ့ အစည်းအတွင်း သမိုင်းခေတ်အလိုက် ပေါ်ထွက်လာတဲ့
ဘယ်စစ်တပ်မျိုးဘဲဖြစ်ဖြစ် ဒီမိုကရေစီကိုကာကွယ်ဖို့  (သို့ မဟုတ်) ဖန်တီးဖို့ 
ပေါ်ထွက်လာတာမျိုး အလျဉ်းမဟုတ်ပါဘူး။ မတူခြားနားတဲ့ အကျိုးစီးပွား
တစုံတရာအတွက် လူမှုအစုအကျိုးစီးပွားကို ရယူဖို့  (သို့ မဟုတ်) ကာကွယ်ဖို့ 
အခြားလူမှုအစုများကို အကြမ်းဖက်အင်အားသုံး ချေမှုန်းဖို့ သာဖြစ်ပါတယ်။
စစ်တပ်ဆိုတာ အကြမ်းဖက်ဖိနှိပ်ရေး ယန္တရားမှတစ်ပါး အခြားဘာမှမဟုတ်ပါဘူး။
ခေတ်သစ်နိုင်ငံရေးသိပ္ပံသီအိုရီမှာ စစ်တပ်ဆိုတာ State Apparatus နိုင်ငံတော်
အုပ်ချုပ်ရေးယန္တရားရဲ့ မဏ္ဍိုင်နဲ့  အချက်အခြာအာဏာဖြစ်ပါတယ်လို့ 
ဖော်ပြပါတယ်။

ဒီတော့ စစ်တပ်ဆိုတာ ဘယ်လိုနိုင်ငံမျိုးက စစ်တပ်ဘဲဖြစ်ဖြစ် ဒီမိုကရေစီ
ထုတ်လုပ်တဲ့ ယန္တရားမဟုတ်ရုံသာမက အင်အားသုံးတဲ့ အကြမ်းဖက်ယန္တရားသာ
ဖြစ်ပါတယ်။ မြန်မာ့လွတ်လပ်ရေးခေတ် (၆၆)နှစ်မှာ ဒီစစ်တပ်ဟာ ပြည်သူလူထု
အပေါ် စစ်ပြုတဲ့စစ်တပ်သာဖြစ်ပါတယ်။ စစ်အာဏာရှင်စနစ်ကျင့်သုံးပြီး
အမျိုးသားအာဏာနဲ့  ဥစ္စာဓနကို လုယက်ထားတဲ့ စစ်တပ်သာဖြစ်ပါတယ်။
လူမျိုးစုံတိုင်းရင်းသား အမျိုးသားလူထုများအပေါ် “ဗမာဓနရှင်လူမျိုးကြီးဝါဒ”
ကျင့်သုံးပြီး စစ်ပြုခဲ့တဲ့ စစ်တပ်လည်းဖြစ်ပါတယ်။

၂၀၀၈ ဖွဲ့ စည်းပုံအသက်က လုံခြုံရေးနဲ့ ကာကွယ်ရေးကောင်စီပါဘဲ။
စစ်အာဏာရှင်များက သူတို့ ဟာ အမျိုးသားရေးတာဝန်များကို အမြဲတမ်း
ကာကွယ်ရပါတယ်တဲ့။ ကောင်းပြီ။ ၁၉၅၁ ခုနှစ်က ဗြိတိသျှဓနသဟာယအဖွဲ့ ကြီး
British Common Wealth နဲ့  အိန္ဒိယနေရူးအစိုးရတို့ ပေါင်းပြီး ဖဆပလ
ရန်ကုန်အစိုးရ သူပုန်လက်ထဲကျသွားမှာစိုးလို့  ခဲယမ်းလက်နက်ထောက်ပံ့ခဲ့တယ်။
ဒါဟာ အမျိုးသားအကျိုးစီးပွားကို ကာကွယ်တာလား။ ဖဆပလ လက်ျာဂိုဏ်း
ပြည်တွင်းစစ်မီး “စ”မွှေးတဲ့သူတွေကို ကာကွယ်တာလား။ ၁၉၅၈/၁၉၆၂
ခုနှစ်အတွင်း အာဏာရ ဖဆပလအစိုးရအတွင်း တည်မြဲ/သန့် ရှင်း/စစ်တပ်ဂိုဏ်း
(၃)ဂိုဏ်းကွဲပြီး ၁၉၅၈ စက်တင်ဘာနဲ့  ၆၂ မတ်လ ၂ ရက်နေ့  စစ်အာဏာသိမ်းပွဲ
များဟာ အမျိုးသားအကျိုးစီးပွားကို ကာကွယ်တာလား။ စစ်တပ်က တစင်ထောင်ပြီး
အာဏာသိမ်းတာလား။ အမျိုးသားဥစ္စာဓနကို လုယက်သိမ်းပိုက်တာလား။
ရှင်းရှင်းကလေးပါ။ ၁၉၆၂၊ ၁၉၈၈ ခုနှစ်အတွင်းမှာ စစ်အာဏာရှင်စနစ်ကျင့်သုံး၊
စစ်ဗျူရိုကရက် လက်ဝါးကြီးအုပ်အရင်းရှင်စနစ် ထူထောင်တာလား။ အမျိုးသား
အကျိုးစီးပွားကို ကာကွယ်တာလား။ ၁၉၈၈ ဒီမိုကရေစီအုံကြွမှုကြီးက မဆလ
စစ်အစိုးရကို ဖြိုချတဲ့အခါ န၀တ၊ နအဖ၊ ပခမ (ကြံ့ဖွံ့ )အစိုးရများအဖြစ် ပုံပြောင်းပြီး
နိုင်ငံတော်အာဏာနဲ့  အမျိုးသားဓနဥစ္စာကို ဆက်လက်ဆုပ်ကိုင်ရယူထားတာဟာ
“အမျိုးသားအကျိုးစီးပွားကို ကာကွယ်တာလား” “စစ်အာဏာရှင်စနစ် (အာဏာ)နဲ့ 
စစ်ဗျူရိုကရက်လက်ဝါးကြီးအုပ် (အရင်း/ဥစ္စာဓန)များကို ကာကွယ်တာလား”။
၂၀၀၈ ဖွဲ့ စည်းပုံဆိုတာဟာ စစ်အာဏာနဲ့  (၁၉၆၂/၂၀၁၄) ၅၂ နှစ်တိုင်တိုင်
လုယက်သိမ်းပိုက်ထားတဲ့ ဥစ္စာဓနကို ကာကွယ်သွားဖို့  ကြံကြံရွယ်ရွယ်ရေးဆွဲ
ထားတဲ့ ဖွဲ့ စည်းပုံသာဖြစ်ပါတယ်။

(၁) စစ်တပ်ဆိုတာ “စ”ပေါ်လာကတည်းက အကြမ်းဖက် ယန္တရားသာ
ဖြစ်ပါတယ်။ ခေတ်ပြောင်းလာလို့ ယူနီဖောင်းပြောင်းတာသာဖြစ်ပါတယ်။
၁၉၇၄ ခုနှစ်ယူနီဖောင်း။ အခု ၂၀၀၈ ယူနီဖောင်းပေါ့။
(၂) ဗမာပြည်စစ်တပ်ရဲ့  သန္ဓေနဲ့ ဗီဇက ဂျပန်ဖက်ဆစ်များနဲ့  အင်္ဂလိပ်နယ်ချဲ့ 
စနစ်က ပံ့ပိုးထူထောင်ပေးခဲ့တဲ့စစ်တပ်ပါ။ ကွန်မြူနစ်ဆန့် ကျင်ရေး၊
လူမျိုးစုဆန့် ကျင်ရေး၊ လူထုဆန့် ကျင်ရေးစစ်တပ်ပါ။ (၁၉၄၈/၂၀၁၄)။
စစ်အာဏာရှင်စနစ်ကျင့်သုံးတဲ့စစ်တပ်ပါ။ (၁၉၆၂/၂၀၁၄)။ အမျိုးသားဥစ္စာဓနကို
၁၉၅၈ ကနေ ကနေ့ အထိ ပုံစံမျိုးစုံနဲ့ လုယက်ထားတဲ့စစ်တပ်ပါ။
ဒီလိုစစ်တပ်ထံက ဆွေးနွေးညှိနှိုင်းခြင်းဖြင့် ဒီမိုကရေစီရမယ်လို့ 
မျှော်လင့်ထားတာဟာ Hallucination အမြင်မှောက်မှားတာ ဖြစ်ရင်ဖြစ်
(ဒါမှမဟုတ်) နိုင်ငံရေး ထုံအတာမှတစ်ပါး အခြားဖြစ်စရာမရှိပါဘူး။
ဒါဟာ ဗမာပြည်ဖြစ်တယ်ဆိုတာ မေ့သွားကြလို့ မဖြစ်ပါဘူး။

အောင်သာ (ပီသုံးလုံး)

(News Watch ဂျာနယ် အတွဲ ၈ အမှတ် ၃၅ မှ ထုတ်နုတ်ဖော်ပြပါသည်)

Unity journal သတင်းထောက် ကိုလူမော်နိုင် အား သက်ဆိုင်ရာ လာရောက် ခေါ်ဆောင်



 Thiha Thwe
Unity journal တွင်ဖေါ်ပြ ခဲ့သောလျှိုဝှတ် ဓါတုလက်နှက်စက်ရုံသတင်းဆောင်းပါးနှင့်စပ်လျှင်း၍ အရေးယူဆောင်ရွက်မှု ဟုယူဆရသော စစ်ဆေးမှုများကို အာဏာပိုင်များ ကဆောင်ရွက် လျှက်ရှိပြီး ယနေ့ ည တွင် ပေါက်မြို့ နေ Unity journal သတင်းထောက် ကိုလူမော်နိုင် အား သက်ဆိုင်ရာ လာရောက် ခေါ်ဆောင်သွားကြောင်းနှင့် ၊ အခြား ရန်ကုန်နေ သတင်းထောက် ၃ ဦး ၏နေအိမ်များသို့ ယနေ့ ညတွင် ဝင်ရောက်စစ်ဆေးမှု များရှိကြောင်း ဌင်း Unity Journal အယ်ဒီတာ ဖြစ်သူ ကိုတင်ဆန်း မှပြောကြားပါသည်။


လျှိုဝှတ် ဓါတုလက်နှက်စက်ရုံဆောင်းပါး

http://www.yeyintnge.com/2014/01/blog-post_449.html#.Uuw0qLQirhM

နိုင်းနိုင်း ရဲ့စတုတ္ထမြောက်ရင်သွေး

Thursday, January 30, 2014

၈၈မျိုးဆက်(ငြိမ်းချမ်းရေးနှင့်ပွင့်လင်းလူ့အဖွဲ့အစည်း) မှ သတင်းမီဒီယာများအား ဖိတ်ကြားခြင်း



▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫
၈၈မျိုးဆက်(ငြိမ်းချမ်းရေးနှင့်ပွင့်လင်းလူ့အဖွဲ့အစည်း)
လူထုဆက်ဆံရေးဋ္ဌာနမှ ထုတ်ဝေမည့် “ ပြည်ထောင်စု
သမ္မတမြန်မာနိုင်ငံတော် ရပ်ကွက်/ကျေးရွာအုပ်စုအုပ်ချုပ်ရေး
(သို့မဟုတ်)အခြေခံအစိုးရများ၏ ပြုပြင်ပြောင်းလဲရေး
ဆိုင်ရာအစီရင်ခံစာ(၂၀၁၃-၂၀၁၄) ” နှင့်ပတ်သက်၍ သတင်း
ထုတ်ပြန်ရာတွင် သတင်းမီဒီယာများအနေဖြင့် တက်ရောက်
သတင်းယူနိုင်ရန် ဖိတ်ကြားအပ်ပါသည်။

နေ့ရက် - ၃၁-၁-၂၀၁၄ (သောကြာနေ့)။
အချိန် - နေ့လယ် (၂း၀၀) နာရီ။
နေရာ - ၈၈မျိုးဆက်(ငြိမ်းချမ်းရေးနှင့်ပွင့်လင်းလူ့အဖွဲ့အစည်း)ရုံး။
အမှတ်(၁၀၃၉/၁၀၄၀)၊ သုမင်္ဂလာလမ်း၊၁၆/၁ ရပ်ကွက်၊
သင်္ဃန်းကျွန်းမြို့နယ်၊ ရန်ကုန်တိုင်းဒေသကြီး။

- လူထုဆက်ဆံရေးဋ္ဌာန -
၈၈မျိုးဆက်(ငြိမ်းချမ်းရေးနှင့်ပွင့်လင်းလူ့အဖွဲ့အစည်း)


</span>

၂၀၁၅ ရွေးကောက်ပွဲ White Card ကိုင်ဆောင်သူများ မဲပေးခွင့်ပြုပါက ကန့်ကွက်မည်ဟုဆို



The Voice Weekly

လာမည့် ၂၀၁၅ ခုနှစ် အထွေထွေ ရွေးကောက်ပွဲတွင် မြန်မာနိုင်ငံသား မဟုတ်ဘဲ ယာယီသက်သေခံကတ် (White Card) ကိုင်ဆောင်ထားသူများကို မဲပေးခွင့်ပြုပါက ရွေးကောက်ပွဲ ကော်မရှင်ကို ကန့်ကွက်မည် ဖြစ်ကြောင်း အမျိုးဘာသာ သာသနာစောင့်ရှောက်ရေးအဖွဲ့ ခေါင်းဆောင် ဆရာတော် အရှင်ဝီရသူက မိန့်ကြားသည်။

“ဒီမိုကရေစီဝါရင့် နိုင်ငံကြီးတွေဖြစ်တဲ့ အမေရိကန်နိုင်ငံမှာတောင် Green Card ကိုင်ခွင့်ရတဲ့လူတွေ မဲပေးခွင့် မရှိဘူး၊ ဂျပန်နိုင်ငံမှာ ကိုရီးယားကနေ ရောက်နေတဲ့ သုံးဆက်မြောက် မျိုးဆက်တောင် ဖြစ်နေတဲ့ ကိုရီးယားတွေ အမြဲနေထိုင်ခွင့် ပေးထားပေမယ့် မဲပေးခွင့် မရဘူး။ မြန်မာနိုင်ငံမှာက White Card ကိုင်တဲ့ လူတွေကို မဲပေးပိုင်ခွင့် ရှိနေတယ်။ ဒါကြောင့် ၂၀၁၅ ခုနှစ် အထွေထွေ ရွေးကောက်ပွဲမှာ White Card တွေကို မဲပေးခွင့် ပြုမယ်ဆိုရင် အမျိုးဘာသာသာသနာ စောင့်ရှောက်ရေးအဖွဲ့ အနေနဲ့ ကန့်ကွက်မယ်။ ဘယ်လို ကန့်ကွက်မယ်ဆိုတာတော့ ထုတ်မပြောဘူး။ အချိန်ကာလနဲ့ လိုက်လျော ညီထွေ လုပ်ဆောင် သွားမှာပါ” ဟု အရှင်ဝီရသူက မိန့်ဆိုသည်။

မန္တလေးမြို့တော် မစိုးရိမ်တိုက်ဟောင်း နိရုတ္တိနယူပဒေသ ကျောင်းတိုက်တွင် ဇန်နဝါရီလ ၂၇ ရက်နေ့ မွန်းလွဲ ၁ နာရီတွင် ကျင်းပသော အမျိုးဘာသာ သာသနာ စောင့်ရှောက်ရေး အဖွဲ့၏ သတင်းစာ ရှင်းလင်းပွဲတွင် ဆရာတော်က အထက်ပါအတိုင်း မိန့်ကြားခြင်း ဖြစ်သည်။

“ကော်မရှင်အနေနဲ့ကတော့ သက်ဆိုင်ရာ ရွေးကောက်ပွဲ ကော်မရှင်ဆိုင်ရာ ဥပဒေတွေအရ မဲပေးခွင့်ရှိတဲ့ လူတွေ မဲပေးခွင့်ရအောင် လုပ်ကိုင် ဆောင်ရွက်ရတာပါ၊ White Card တွေနဲ့ ပတ်သက်ပြီး လွှတ်တော်မှာ ဥပဒေတွေ ပြင်ဆင်ဖို့ ရှိနေပါတယ်။ လွှတ်တော်က ဆုံးဖြတ်ပြီး ရွေးကောက်ပွဲ ကော်မရှင်ဆိုင်ရာ ဥပဒေတွေ ပြင်ဆင် သတ်မှတ်ရင်တော့ ကျွန်တော်တို့က သက်ဆိုင်ရာ ဥပဒေအတိုင်း ဆောင်ရွက်သွားဖို့ပါပဲ” ဟု ရွေးကောက်ပွဲ ကော်မရှင် ဒုတိယ ညွှန်ကြားရေးမှူး ဦးလှမောင်ချိုက ဆိုသည်။

အမျိုးဘာသာသာသနာ စောင့်ရှောက်ရေးအဖွဲ့ကို မန္တလေးခရိုင် ခုနစ်မြို့နယ်တွင် သတင်းထုတ်ပြန်ရေးဌာန၊ ဘဏ္ဍာရေး အထောက်အကူပြုဌာန၊ သင်တန်းရေးရာ ဌာန၊ အသိပညာပေး စည်းရုံးရေးဌာန၊ သုတေသနနှင့် သမိုင်းမှတ်တမ်းဌာန၊ စာရင်းစစ်ဌာန၊ ဥပဒေရေးရာဌာန တို့ဖြင့် ရဟန်း၊ သီလရှင် ၄၂၆ ပါးဖြင့် ဇန်နဝါရီလ ၁၅ ရက်နေ့က မန္တလေး အတုမရှိ ကျောင်းတော်ကြီးပေါ်တွင် ဖွဲ့စည်းခဲ့သည်။

“ဆရာတော်ဝီရသူရဲ့ ဆန္ဒနဲ့ ကျွန်တော်တို့က တစ်ထပ်တည်း ကျပါတယ်။ ဖွဲ့စည်းပုံအခြေခံ ဥပဒေ ပုဒ်မ ၄ မှာ အချုပ် အခြာအာဏာသည် နိုင်ငံသားထံမှ ဆင်းသက်သည်လို့ ရှိပါတယ်။ မဲပေးတယ်ဆိုတာ အချုပ်အခြာ အာဏာကိစ္စပဲ။ နိုင်ငံသားတွေသာ အချုပ်အခြာ အာဏာပိုင်ရမှာ ဖြစ်တယ်။ ဒါကြောင့် White Card ကိစ္စကို လွှတ်တော်မှာ ဥပဒေပြင်ဆင်ဖို့ လုပ်နေပါတယ်။ ဒါ့အပြင် နိုင်ငံရေးပါတီ တချို့နဲ့ နိုင်ငံရေး ပါတီဝင်တွေ နိုင်ငံသား မဟုတ်ဘဲ ပါတီတွေနဲ့ ပတ်သက်နေတဲ့ ကိစ္စကိုလည်း ရှေ့အပတ်လောက် လွှတ်တော်မှာ တင်ပြဖို့ ရှိနေပါတယ်” ဟု ရခိုင်အမျိုးသား လွှတ်တော် ကိုယ်စားလှယ် ဒေါက်တာအေးမောင်က ဆိုသည်။

မြန်မာနိုင်ငံတွင် ဥပဒေအရ မဲပေးပိုင်ခွင့်ရှိသည့် White Card ကိုင်ဆောင်သူဦးရေ ခြောက်သိန်းခန့် ရှိကြောင်း လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီး ဌာန ပြည်ထောင်စုဝန်ကြီး ဦးခင်ရီက ရန်ကုန်တိုင်းဒေသကြီး လွှတ်တော်ရုံး၌ အောက်တိုဘာ ၂ရက်က ပြုလုပ်သည့် သတင်းစာ ရှင်းလင်းပွဲတွင် ပြောကြားခဲ့သည်။

ပြီးခဲ့သည့် ၂၀၁၀ ရွေးကောက်ပွဲတွင် နိုင်ငံသား မဟုတ်သူများကို ယာယီနိုင်ငံ သားကတ်များ ထုတ်ပေးပြီး တပ်မတော် အစိုးရက မဲပေးခွင့် ပြုခဲ့ရာ နိုင်ငံရေးသမားများ၊ အတိုက်အခံများနှင့် မီဒီယာများက ဝေဖန်ခဲ့ကြသည်။

‌ဒေါ်စုကြောင့်‌ရခိုင်‌မှာအဓိကရုံး‌တွေဖြစ်‌၊ဥပ‌ဒေရဲ့အထက်‌မှာရှိ့‌နေတယ်‌လို့ဦးဝီရသူပြော



Thu Ya

‌ဒေါ်စုရဲ့စကားတစ်‌ခွန်း‌ကြောင့်‌ရခိုင်‌မှာအဓိကရုံး‌တွေအကြီးအကျယ်‌ဖြစ်‌တယ်‌ဆိုဘဲ၊‌ဒေါ်စုဟာဥပ‌ဒေရဲ့အထက်‌မှာရှိ့‌နေတယ်‌ဆိုဘဲ

နေမျိုးဝေဟာ လျှောက်ခဲ့တဲ့ လမ်းတစ်လျှောက်


Aung Zin Latt

ပြောရရင် နေမျိုးဝေဟာ လျှောက်ခဲ့တဲ့ လမ်းတစ်လျှောက် ထင်ထင်ရှားရှာ ပြတ်ပြတ်သား လျှောက်ခဲ့တဲ့သူပါ။

၂၀၀၈ ခြေဥကို ၂၀၀၈ ကတည်းက တက်တက်ကြွကြွထောက်ခံခဲ့တဲ့သူ၊

ယက်တောအမှုမှာ ဒေါ်စုကို အင်မတန်အောက်တန်းကျတဲ့ လမ်းဘေးစကားတွေနဲ့ တိုက်ခိုက်ခဲ့တဲ့သူ၊

စစ်အစိုးရကို ဆန့်ကျင်အန်တုနေသူတွေကို ဒေါ်လာစားတွေ အမှိုက်တွေ တဇောက်ကန်းတွေလို့ တရစက်တိုက်ခိုက်ခဲ့တဲ့သူ၊

၂၀၁၀ မှာ ပါတီထောင်ပြီး စစ်အစိုးရရဲ့ ၂၀၁၀ ရွေးကောက်ပွဲကို အိမ်ဖြည့်ပေးတဲ့သူ၊ ဒီအတွက် စစ်အစိုးရက သူ့ကို အမတ်တနေရာပေးမယ်လို့ မျှော်လင့်တကြီး ထားခဲ့သူ၊

ဦးအောင်သိန်းလင်း တို့လို ကြံ့ဖွံ့ခေါင်းဆောင်တွေနဲ့ အလွန်ကောင်းတဲ့ အဆက်အဆံရှိတာကြောင့် ကြံ့ဖွံ့က သူ့ပါတီအတွက် တနေရာ ချန်ကိုချန်ပေးထားမယ်၊ လွှတ်တော်ကြီးကြည့်ကောင်းအောင် အရောင်စုံအောင် သူတို့ကို လွှတ်တော်ထဲ သွင်းကိုသွင်းမယ်လို့ အပိုင်တွက်ထားခဲ့တဲ့သူ။

တကယ်တန်း ကြံ့ဖွံ့က ခြေတနေစာတောင် ချန်မထားတော့ ကိုအေးလွင်တို့လိုပဲ အကြီးအကျယ်ပေါက်ကွဲ ခဲ့တဲ့သူ။

ဒီနောက်မှာ ကြံ့ဖွံ့ထဲ အခန့်သားနေရာဝင်နေတဲ့ ခရိုနီကြီးတွေကို ဦးတည်ပြီး ပေါက်ကွဲတိုက်ခိုက်တဲ့သူ။

( ဒီနေရာမှာလည်း အဘ အဘနဲ့ ဦးအောင်သိန်းလင်းနဲ့ သူ့ဆက်ဆံရေးကိုကြည့်ပြီး၊ သူလယ်သမားအရေးလုပ်ခဲ့တာ တင်ကြိုနေရာယူထားတာမျိုးလား၊ သူနဲ့ ကြံ့ဖွံ့ထိက်သီးတွေကြား ဘယ်လိုဆက်ဆံရေးရှိသလဲ၊ ဦးခင်ရွှေနဲ့ အသေအချာငြိသားနဲ့ ဦးဝင်းချိုတို့လို ကိုထင်ကျော်တို့လို မဟုတ် အဖမ်းအဆီးမခံရ ပါးပါးနပ်နပ် နေနိုင်တာ ဘာကြောင့်လဲ ဆိုတာက စဉ်းစားစရာ)။

တောင်ကုတ်ပြဿနာဟာ နေမျိုးဝေအတွက် ရွှေတောင် ငွေတောင်ကြီးပါပဲ။

မူလ လယ်သမားအရေး အသံတိတ်သွားပြီး ဟစ်တလာစတိုင်ကို ပေါ်တင်ယူလာတဲ့သူ။

ဒီတော့ နေမျိုးဝေ လမ်းကြောင်းက ရှင်းပါတယ်၊ ဟိုးအရင်ကတည်းက ရှင်းရှင်းလင်းလင်းပဲ စစ်အာဏာရှင်ကြီးတွေ လက်ကိုင်တုတ် သုံးချင်ရာသုံး။


မြန်မာ့ပိုင်နက်ကို အိန္ဒိယကျူးကျော်ဟု နိုင်ငံတော်သမ္မတက သဝဏ်လွှာပေးပို့




The Voice Weekly

မြန်မာ -အိန္ဒိယ နယ်စပ်တွင် အိန္ဒိယနိုင်ငံဘက်က လူနေအိမ်၊ အားကစားကွင်းနှင့် ကားလမ်းများ နယ်နိမိတ် ကျူးကျော် ဆောက်လုပ် ထားသောကြောင့် နှစ်နိုင်ငံ ပူးပေါင်း စစ်ဆေးဖယ်ရှားနေ ရကြောင်း နိုင်ငံတော်သမ္မတက ဇန်နဝါရီ ၂၈ ရက်တွင် ကျင်းပသော ပြည်ထောင်စု လွှတ်တော်သို့ သဝဏ်လွှာ ပေးပို့လိုက်သည်။

ကျူးကျော် ဆောက်လုပ်ထားသည် များမှာ နှစ်နိုင်ငံကြား နယ်နိမိတ်မှတ်တိုင် စိုက်ထူခြင်း မပြုရသေးသော နယ်ခြားမှတ်တိုင် BP (boundary Pillar) ၇၆ နှင့် စိုက်ထူပြီးသော BP ၇၇ ကြားရှိ အိန္ဒိယနိုင်ငံ ဟောင်လင်းဖိုင်ရွာမှ နေအိမ်၊ ကစားကွင်းနှင့် ကားလမ်းတို့ ဖြစ်ကြောင်း၊ ယင်းအပြင် BP ၇၈ နှင့် BP ၇၉ ကြားရှိ လူနေအိမ်နှင့် ခြံဝင်းအချို့ အပါအဝင် မီးတိုင် ၃ တိုင်လည်း ကျူးကျော် တည်ရှိနေသည်ကို စစ်ဆေးတွေ့ရှိရသဖြင့် ဖယ်ရှားရေးကို ဆက်လက် လုပ်ဆောင်နေရကြောင်း သမ္မတ၏ သဝဏ်လွှာတွင် ဖော်ပြထားသည်။

ထို့အပြင် နှစ်နိုင်ငံကြားတိုင်းတာ သတ်မှတ်ပြီးဖြစ်သော နယ်နိမိတ်အတွင်းမှ ၁၀ မီတာဇုန်အတွင်း (မြန်မာ ပိုင်နက်အတွင်း) အိန္ဒိယဘက်မှ ကျူးကျော်ထားသည်ကို တွေ့ရှိရပြီး နယ်စပ်ကြား အငြင်းပွားနေရသည့် နယ်မြေဒေသများကို နှစ်နိုင်ငံ နယ်နိမိတ် သတ်မှတ်လုပ်ငန်း အဖွဲ့အစည်းများက ဖြေရှင်းနေရကြောင်း ဆက်လက် ဖော်ပြထားသည်။

အဆိုပါ လုပ်ငန်း ဆောင်ရွက်ချက်များကို ပြည်ထောင်စုလွှတ်တော်က မှတ်တမ်းတင်ကြောင်း လွှတ်တော်နာယက သူရဦးရွှေမန်းက ကြေညာခဲ့သည်။

မြန်မာ-အိန္ဒိယနယ်စပ်သည် ဘင်္ဂလားဒေ့ရ်ှမှ တရုတ်နယ်စပ်အထိ ၉၀၃ မိုင် ရှည်လျားပြီး နယ်စပ်မှတ်တိုင် စိုက်ထူရာတွင် နှစ်နိုင်ငံ နယ်စပ်ကြား အချင်းများမှုများ ဖြစ်လျက်ရှိပြီး မြန်မာနိုင်ငံအတွင်း ကျူးကျော်ထားသည့် ကိစ္စကြောင့် မြန်မာဘက်မှ ကန့်ကွက်စာ ၁၁ ကြိမ် ပေးပို့ထားကြောင်း တမူးခရိုင်မှ နယ်စပ်သတ်မှတ်ရေး စီမံခန့်ခွဲမှု ကော်မတီ ဥက္ကဋ္ဌ ဦးကျော်ဇောလင်းက ပြောကြားသည်။

အောက်က ကုလားက ၀င် ၊ အထက်က တရုပ်က သိမ်း



*****ပြည်သူအသံ******

တရုပ်ကလည်း ကျွန်တော်တို့ မန်လေး တံတားဦး ကျောက်ဆည်း မြစ်သား ကူမဲ ဘက်မှာ မြေတွေ ရ သလောက် အကုန် မတန် တဆ ပေးပြီး ၀ယ်နေတယ်
ရရင်ပြီးရော ဆိုတဲ့ သဘောပေါ့
ပွဲစားတွေ ကတော့ ပြောတယ် မြေ၀ယ်တာ မဟုတ်ဘူး ပြည်ကိုဝယ်နေတာ
မြန်မာ ပြည်ကို ၀ယ်နေတာ တဲံ
မတ္တရာ ဘက်က ဧက 1500 လည်း တရုတ်က ၀ယ်သွားပြီ
ရွှေကူ ဘက်မှာလည်း ဧက 3000 တရုတ်က ၀ယ်ထားတယ်
တံတားဦးမှာ ဧက ၁၀၀၀ ကျော် တရုပ်တွေ ၀ယ်ထားတယ် လို့ ပြောတယ် မြေပွဲ စားတွေ က
အောက်က ကုလားက ၀င် ၊ အထက်က တရုပ်က သိမ်း နဲ့ မြန်မာပြည်တော့ ဘယ်လို များဖြစ်မလဲ မသိဘူးဗျာ
ကျန်တာတွေ လည်း ရှိဦးမှာ ကိုယ်တွေ့ကတော့ အဲဒါတွေ ပဲလေ

Htoo Ein Linn

လင်းလင်းနှင့် ချစ်သုဝေတို့၏ မင်္ဂလာညစာစားပွဲ



Eleven Myanmar
 Published on Jan 30, 2014

ဇန်န၀ါရီ ၃၀ ညနေပိုင်းတွင် စိန့်မေရီဘုရားကျောင်း၌ လင်းလင်းနှင့် ချစ်သုဝေတို့၏ မင်္ဂလာညစာစားပွဲ ပြုလုပ်ခဲ့
မင်္ဂလာအစီအစဉ်မှတ်တမ်းများကို မီးအိမ်ကဗျာဗီစီဒီတွင် မေတ္တာလက်ဆောင်ထည့်ပေးမည်

ဒီနေ့ကာတွန်း

FACEBOOK ပေါ်မှာ ရင်ဖွင့် ခံစား မိလို့ အရေးယူအပြစ်ပေးခံလိုက်ရတဲ့ လ၀က ၀န်ထမ်း ( ၁ )ဦး



ဟာဂျူလီ ကသာ
 ****************
 ၂၀၁၃ခုနှစ်...နိုဝင်ဘာလအတွင်းက လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနမှ ဒု.လ၀ကမှူးလုပ်သက် (၁၂)နှစ်ရှိသည် ၀န်ထမ်းတစ်ဦးဖြစ်သူ ဦးကျော်သက်ဟန် အား ဌာနအတွင်း အပြောင်းအေ၇ွှ့ ကိစ္စများ....၇ာထူးတိုးမြှင့်သည့်ကိစ္စများ....ဂွင်ဖန်တီးသည့် ကိစ္စရပ်များ....လက်ဝါးကြီးအုပ်ကိုင်ပီး ချုပ်ကိုင်သည့် ကိစ္စရပ်များ....လူကိုခင်လျှင် မူကိုပြင်သည်...လူကိုမုန်းလျှင် မူကိုသုံးသည်..ဆိုသည့် ကိစ္စရပ်များ....အမြီးကျက်အမြီးစား ခေါင်းကျက်ခေါင်းစား လုပ်ရပ်များ....မျက်နှာကြီးရာဟင်းဖတ်ပါသည့်ကိစ္စရပ်များ....မူမရှိပဲလူနှင့်ကျင့် သုံးသည့်ကစ္စိရပ်များ ထို့အပြင် ၀န်ကြီးနှင့်အတူပြောင်းရွှေ့လိုက်ပါလာသည့် ရဲတပ်ဖွဲ့မှ လ၀က အသွင်ပြောင်း အရာရှိကြီးများ ၏ဗိုလ်ကျ အနိုင်ကျင့်မှုများအား သည်းမခံနိုင်တော့သည့် အတွက် facebook ပေါ်တွင် CARE TAKER အမည်ဖြင့် ခံစားချက်များပေါက်ကွဲပီးရေးသား တင်ပြထားခြင်း အပေါ် ဦးစီးဌာနမှ မြန်မာ့ဆက်သွယ်ရေးလုပ်ငန်ှးကူညီဆောင်ရွက်မှုဖြင့် ၄င်း သုံးစွဲနေသည့် IP Address အားစုံစမ်းဖော် ထုတ်ခဲ့ပီး ယင်းဝန်ထမ်းအား နေပြည်တော်သို့ခေါ်ယူပီး ဦးစီးဌာန(ရုံးချုပ်)တွင် စုံခုံဖွဲ့ စစ်ဆေးမေးမြန်းခဲ့ပါသည်.....ထိုသို့စစ်ဆေးမေးမြန်း ခဲ့ရာတွင် ၄င်းဝန်ထမ်းတစ်ဦးတည်းသာ စုံခုံဖွဲ့ စစ်ဆေးမေးမြန်းခဲ့ခြင်းမဟုတ်ပဲ ၄င်း facebook wall ပေါ်တွင် Friend အဖြင့် လက်ခံထား ရှိသည့် အနယ်နယ်အရပ်ရပ်မှ ၀န်ထမ်းများနှင့် like လုပ်ထားမိသည့်ဝန်ထမ်းများအားလည်းနေပြည်တော်သို့ ခေါ်ယူစစ်ဆေးမေမြန်းခဲ့ကြပီး .....ထိုသို့ ခေါ်ယူစစ်ဆေးမေးမြန်းခံရသည့်အထဲတွင် ဒု.ညွှန်မှူးအဆင့်ရှိသည့် အရာရှိကြီးများလည်း ပါဝင်ခဲ့ကြပါသည်....ထိုနောက်၎င်း ၀န်ထမ်းအား ရာထူးတိုးမြှင့် ခြင်းကို ( ၂ )နှစ်ရပ်ဆိုင်းခဲ့သည့် အပြစ်ဒဏ်နှင့်အတူ စစ်ကိုင်းတိုင်း..ဖောင်းပြင် မြို့နယ်ရုံးသို့ပြောင်းရွှေ့အမိန့် စာအားထုတ်ပြန်ခဲ့ပါသည်....၄င်းစုံခုံဖွဲ့ စစ်ဆေးရာတွင်ပါဝင်ခဲ့သည့် ၀န်ကြီး၏တပည့်ရင်းတစ်ဦးဖြစ်သု မြန်မာနိုင်ငံရဲတပ်ဖွဲ့မှ လ၀က သို့ ဒု.ညွှန်မှူး၇ာထူးဖြင့်ပြောင်းရွှေ့လိုက်ပါလာခဲ့သည့် ဦးယဉ်ထွေးမှ နောင်တွင် မည်သည့် ၀န်ထမ်းမဆို အင်တာနက်မှ သော်လည်းကောင်း... သတင်းဝက်ဆိုဒ်ဌာနများမှသော်လည်းကောင်း....ဂျာနယ်များတွင်သော်လည်းကောင်း လ၀က ၀န်ကြီးဌာနအကြောင်းများအား ရေးသားဖော် ပြ သတင်းပေးပို့သွားပါက မိမိ တို့မှ မ၇၇အောင် စုံစမ်းဖော်ထုတ်ပီး ၀န်ထမ်းများနှင့် သတင်းဖော်ပြပေးသည့် အင်တာနက်ဝက်ဆိုဒ်ဂျာနယ် များအား တရားစွဲဆိုဆောင်၇ွက်သွားမည်ဖြစ်ကြောင်ြးုခိမ်းခြောက်ပြောဆိုခဲ့ပါသည်....၁၉-၈-၂၀၁၃ ရက်နေ့ထုတ်7 Daily new သတင်း စာတွင်ပါရှိသည့် အယ်ဒိတာထံပေးစာတွင်ပါရှိသည့် နေမျိုးကျော်စွာ ရေးသားသည့် လ၀က ၀န်ကြီးဌာန၏ မုမမှန်သည့်ကြိုးနီစနစ်များ... ဆိုသည့် ပေးစာ....အင်တာနက် ၀က်ဆိုဒ် သတင်းဌာနများတွင်ဖော်ပြခဲ့သည့် လ၀က ၀န်ကြီး လွှတ်တော်တွင် အရှက်တော်ကွဲခဲ့သည့် အတွက် ကျောက်တံခါးမြို့နယ်ရုံးဝန်ထမ်းများအား အရေးယူခဲ့မှု သတင်းများလည်း ထွက်ပေါ်ခဲ့ပါသည်..ထိုကဲ့သို့ဝန်ထမ်းများမှအင်တာနက်မှ နေပီးသတင်းများတင်နေခဲ့ခြင်းအပေါ် ကန့်သတ်ထိန်းချုပ်ရန်အတွက်..နေပြည်တော်ဝန်ကြီးဌာနတွင် လွှင့်တင်ထားသည့် ၀ိုင်ဖိုင်များအား ၀န်ထမ်းငယ်များအားလုံးဝသုံးစွဲစေခြင်းမရှိပဲ အင်တာနက် သုံးစွဲမှူအား ထိန်းသိန်းထားရှိခဲ့ပါသည်....ပြည်သူ့လွှတ်တော်မှစုံစမ်းရေးကော်မရှင် ဖွဲ့စုံစမ်းခဲ့သည့် ဒေါက်တာဆိတ်ဖွား ကိစ္စမှာ ပေါ်ပေါက်ခြင်းမရှိခဲ့ပဲ နောက်ဆုံးတွင် အဖျားရှူးသွားခဲ့ရသော်လည်း လ၀ကဦးစီးဌာနမှစုံစမ်း ဖော်ထုတ်ခဲ့သည့် CARE TAKER ကိစ္စမှာ စုံစမ်းပေါ်ပေါက်ခဲ့ပီး ကာယကံရှင် ၀န်ထမ်းမှာ အရေးယူအပြစ်ပေးခြင်းခံလိုက်ရပြီးဖြစ်ပါသည်... ထိုဖြစ်စဉ်ပေါ် လ၀က ဝန်ထမ်းများမှ ဒေါက်တာ ဆ်ိတ်ဖွား မှာ အကောင်ကြီးမားလွန်းသည့်အတွက် ပေါ်ပေါက်ခြင်းမရှိသော်လည်း CARE TAKER မှာ အကောင်ငယ်သည့်အတွက် ပေါ်သွားခြင်းဖြစ်နိုင်ကြောင်းခန့်မှန်းပြောဆိုနေကြပါသည်....ထိုကိစ္စနှင့်ပက်သက်ပီး ဦးစီးဌာန မှ အမျိုးသမီးတစ်ဦးမှ ရင်ဖွင့်ခဲ့ရာ..." ၄င်းရေးသားထားခဲ့သည့် အကြောင်းအရာများအားလုံးမှာ အမှန်များသာလျှင်ဖြစ်ကြောင်း...၄င်းအား စုံခုံဖွဲ့စစ်ဆေးနေစဉ်တွင်လည်း သူ့အားသွားရောက်အားပေးခဲ့ကြကြောင်း....အောက်ခြေ၀န်ထမ်းအများစုမှ သူအားဝိုင်းဝန်းထောက်ခံအားပေး ခဲ့ကြကြောင်း....၄င်းဖြစ်စဉ်ဖြစ်ပွားခဲ့သည့်အပေါ် ညွှန်မှူးအတော်များများနှင့် အောက်ခြေ၀န်ထမ်းများမှ ၀န်ကြီးအပေါ်အမြင်မကြည်ကြ ကြောင်း...ယခု အင်တာနက်ခေတ်ကြီးတွင် facebook သုံးစွဲမှုမှာ ယဉ်ကျေးမှုတစ်ရပ်လိုဖြစ်နေကြောင်း...ထိုကဲ့သို့ facebook သုံးစွဲနေကြ သည့် လူတိုင်း လူတိုင်းသည် မိမိတို့ ၀မ်းသာ/၀မ်းနည်းခံစားချက်များအားမိမိ ဝေါပေါါ်တွင်အသီးသီး ရင်ဖွင့်ဖော်ထုတ် ရေးသားလာခဲ့သည်မှာ ထုံးတမ်းအစဉ်အလာတစ်ခုလိုဖြစ်နေကြောင်း....ထိုထက်ပိုဆိုးသည်မှာ သူငယ်ချင်းအဖြစ်လက်ခံထားသူများ....like လုပ်ထားမိသည့်ဝန်ထမ်း များကိုပါ ခေါ်ယူစစ်ဆေးမေးမြန်းခဲ့သည်မှာ မဖြစ်သင့်တော့ကြောင်း....ယခုလို ဒီမိုကရေစီ ခေတ်ကြီးသို့ ချီတက်နေကြသည့်အချိန်တွင်ထိုဖြစ် စဉ်သည် ၀န်ထမ်းများအား ခြိမ်းခြောက်သည့် အဆင့်သို့ရောက်ရှိသွားခြင်းဖြစ်ကြောင်း.....ထိုကြောင့် fb သုံးစွဲနေသည့် ၀န်ထမ်းများသည် လ၀က ၀န်ကြိးဌာနနှင့်ပက်သက်သည့် သတင်းကောင်းကောင်း...သတင်းဆိုးဆိုး...တို့ကို share ဖို့မပြောနှင့် like ပင်မလုပ်ရဲတော့ ကြောင်း....နိုင်ငံတော် အစိုးရမှ ဦးဆောင်ပီး ဒီမိုကရေစီ စနစ်ကြီးသို့ ဦးတည်သွားနေချိန်တွင် ကျွန်မ တို့ ၀န်င်္ကြးမှ ဦးဆောင်ပီးတော့ နောက်သို့ ဆုတ်ရန် ကြိုးစားနေကြကြောင်း....ဌာနအတွင်း ဒီမိုကရေစီ မပြောနှင့်...လွပ်လပ်စွာပြောဆိုခွင့်မရှိကြောင်း....၀န်ထမ်းများအားလည်းအကြောက် တရားဖြင့်သာ အုပ်ချုပ်ထားကြောင်း....ထိုကဲ့သို့သာ ဆက်လက်သွားနေမည်ဆိုပါက တစ်ချိန်ချိန်တွင်အတွင်းစည်းပေါက်သွားပီး အင်တာနက် ၀က်ဆိုဒ်သတင်းဌာနများမှ ဌာန အတွင်းရေးများထွက်ရှိလာနိုင်ကြောင်း .....ထိုဖြစ်စဉ် ဖြစ်ရပ်သည် မကောင်းသည့်ရှေ့ဆက် အလားလာဖြစ်ကြောင်း" ပြောဆိုရင်ဖွင့်သွားခဲ့ပါသည်.....

{ထိုဖြစ်စဉ်အား မီဒီယာလောက သားများ အားလုံးသိရှိအောင် ရှယ်ပေးခြင်းဖြင့် ၀ိုင်းဝန်းကူညီဆောင်ရွက်ပေးကြပါ ´}ု
A.Z.L

ရှေ့နေဦးအေးပိုင် ဗိုလ်စိန်မှန်ပွဲမှာပါဝင်ဟောပြောမယ်လို့ အွန်လိုင်းမှာ နာမည်ထွက်ပေါ် (သူ့ရဲ့ ဖြေကြားချက်)


၂.၂.၂၀၁၄ နေ့ကျင်းပမယ့် ဗိုလ်စိန်မှန်ပွဲကိစ္စမှာ ဦးအေးပိုင် ပါဝင်ဟောပြောမယ်လို့ အွန်လိုင်းမှာ နာမည်ထွက်ပေါ်နေတာနဲ့ပတ်သက်ပြီးတော့ ကျွန်တော့်မိတ်ဆွေ ကိုသိင်္ခ က ရှေ့နေဦးအေးပိုင် ဆီကို ၂၉.၁.၁၄ နေ့ညပိုင်းက ဖုန်းနဲ့ဆက်သွယ်ပြီးမေးမြန်းရာမှာ သူ့ရဲ့ ဖြေကြားချက်ကို ဖော်ပြပေးလိုက်ပါတယ်။ "ကျွန်တော်သတင်းတော့ ကြားတယ် ၊ ဘာမှ မပြောရသေးဘူး။ ကျွန်တော့ကိုဖိတ်ထားတယ်။ ကျွန်တော်ဘာမှ ပြန်မပြောရသေးဘူး။ ဘယ်အချိန်တောင်မသိသေးဘူး။ ၂ ရက်နေ့ ဗိုလ်စိန်မှန်ကွင်းမှာတဲ့။ ကျွန်တော့်ကို ဟောပြောပေးပါဦးတဲ့။ဘာကိုပြောရမှာလဲဆိုတော့ ….ဖွဲ့စည်းပုံအခြေခံကိစ္စ ဟောပြောဖို့ရှိတယ်တဲ့။ ကျွန်တော်ကတော့ ဒီလိုနိုင်ငံရေးလမ်းကြောင်းတွေ ကို ငါသိပ်မပြောချင်ဘူးကွာ။လို့ ပြောထားတယ်။" အွန်လိုင်းမှ ခင်ဗျားနာမည်ပါနေတယ်... "ဒါကို ကျွန်တော်မသိသေးဘူးဗျ။အင်တာနက်မှာ ပါနေတာ ကျွန်တော်မသိသေးဘူးဗျ။ သူတို့က ဘာအကြောင်းကို ပြောမှာလဲ။ " ၅၉ စကို မပြင်သင့်တာကိုဟောပြောမှာ..... "ဒါကို ကျွန်တော်မသိဘူး။ " "ကျွန်တော်က ၂ ရက်နေ့ကို ဓနုဖြူကိုသွားရမှာ ဖိတ်ခေါ်ထားတဲ့အတွက်။ မနက် ၇ နာရီထဲကသွားရမှာ ။မောင်သွေးချွန်တို့နဲ့သွားမှာ။ " " သူတို့ဖိတ်ခေါ်တာက ၂ရက်နေ့မှာ အဲ့ဒီကွင်းထဲမှာ ဟောပြောပွဲရှိတယ်လို့ပြောတယ်။ ဆရာ ဥပဒေရေးရာနဲ့ပတ်သက်ပြီးဟောပြောပေးပါလို့ ကျွန်တော့ကို ပြောတယ်။ကျွန်တော်က အဲ့နေ့ မောင်သွေးချွန်တို့နဲ့ ဓနုဖြူသွားရမှာ ။ ငါလာဖို့မသေချာဘူးလို့ပြောလိုက်တယ်။ ဘာဟောပြောပွဲလဲလို့မေးတော့ဖွဲ့စည်းပုံဥပဒေ ကို ဥပဒေရှုထောင့်ကနေ ဆရာ ဟောပြောပေးပါလို့ပြောတယ်။ ဒါက နိုင်ငံရေးမို့လို့ငါမဆွေးနွေးချင်ဘူး လို့ပြန်ပြောလိုက်တယ်။ " " နေမျိုးဝေကတော့ လွန်ခဲ့ တဲ့ ၆ လလောက်က ကျွန်တော်နဲ့ဆွေးနွေးဖူးတယ် ၂ ကြိမ် ၃ ကြိမ် လောက်ဆွေးနွေးဖူးတယ်။ အဓိကတော့ နိုင်ငံရေးမဟုတ်ဘူး။ အစ္စလာမ်ကိုရမ်ကျမ်းကို တရားစွဲဖို့ကိစ္စ။ အဲ့ဒါပဲ ဆွေးနွေးဖူးတယ်။ ခုပြောတဲ့ ၅၉ စကို ပြင်ဆင်ရေးမပြင်ဆင်ရေးကိစ္စ ဆွေးနွေးရမယ်ဆိုရင် ငါကတော့ပြင်ဆင်ရေးဘက်ကဆွေးနွေးရမယ်။ တိုင်းပြည်အတွက် လိုအပ်ရင် လိုအပ်သလို ပြင်ဆင်ရမယ်။ အဲ့လို ကျွန်တော်က အကြမ်းဖျင်းပြောထားတယ်။" "ကျွန်တော်ကတော့ ရှင်းရှင်းပြောရရင် ဖွဲ့စည်းပုံပြင်ဆင်ရေးကိစ္စကို ပြင်ဆင်ဖို့ ကျွန်တော်ကတော့ ထိပ်ဆုံးကပါဗျာ။ ပြင်ရမယ်။ ပြင်ကို ပြင်ရမယ်။ ဘယ်ဟာပြင်မယ်ဆိုတာကိုတော့ ပြည်ထောင်စုလွှတ်တော်ကဆုံးဖြတ်မှာပေါ့ဗျာ။ပြင်ဆင်ရေး ပြောဖို့ကတော့ ကျွန်တော်ကထိပ်ဆုံးကပဲ။ " " ကျွန်တော်ပြင်စေချင်တဲ့ တစ်ချက်ပြောမယ်။ တပ်မတော်ကာကွယ်ရေးဦးစီးချုပ်ကိစ္စပြင်ကိုပြင်ရမယ့်ကိစ္စ။ ဒီဖွဲ့စည်းပုံအခြေခံဥပဒေအရ ရှင်းရှင်းပြောရရင် အစိုးရက တပ်မတော်ကာကွယ်ရေးဦးစီးချုပ်အောက်ကို ရောက်နေတယ်ဗျာ။အဲ့ဒါကို တောင်းဆိုသံ မကြားရဘူး။တပ်မတော်ကာကွယ်ရေးဦးစီးချုပ်ဆိုတာ ကာကွယ်ရေးဝန်ကြီးအောက်မှာဘဲ ရှိရမယ်။ဒါတွေက ပြင်ကိုပြင်ရမယ့်ကိစ္စတွေ ။ ဒါတွေ တောင်းဆိုသံမကြားရဘူးဗျာ။ ဒါတွေတောင်းဆိုရမယ်။ " ၂ရက်နေ့လုပ်မယ့်ပွဲက ၅၉ စ ကို မပြင်ဆင်ရေးလို့ ခေါင်းစဉ်ဖြစ်နေတယ် အကိုသဘောကဘယ်လိုရှိလဲ ။ "အဲ့ ဒါကျွန်တော်မသိဘူး။၅၉ စလုံး ပြင်ပါ မပြင်ပါ မပြောဘူး။ ပြင်ရေးမပြင်ရေးကို ကျွန်တော်ပြောမှာမဟုတ်ဘူး။ တစ်ခုရှိတာက ကျွန်တော်အဆင့်ကသေးသေးလေးပါ။ ကျွန်တော်ပြောလဲ ဘာမှ မဖြစ်ပါဘူး။ မပြောလဲ ဘာမှ မဖြစ်ပါဘူး။"
========================================
ကဲ ...ဖတ်ကြည့်ပြီးတော့ အခုသူတို့လုပ်မယ့်ပွဲဟာ သူတို့အချင်းချင်းတောင် ဘာမှန်းသေချာမသိဘဲ မလိမ့်တပတ် ဖိတ်ခေါ်နေရတဲ့ လုပ်ပွဲ ဖြစ်နေတာ မိမိဘာသာ သုံးသပ်ကြည့်ပါ။ ( ဒီပြောကြားချက် အသံဖိုင် သက်သေရှိပါကြောင်း )

Lin Thurein

ထောင်ထဲပို့မယ်ဆိုတဲ့ဝန်ကြီး



 Zaw Naung Linn
နယ်တကာလှည့်ပြီး သတင်းယူရဲတယ်ကွ ဆိုပြီး အင်တာဗျူးတွေ ချိတ်လာတာ၊ ရှင်းတယ်နော် ကျွန်တော်ပြောတာ၊ ဘယ်နိုင်ငံရေးပါတီ မှလည်း မကြောက်ဘူး။ ကျွန်တော် အခုမှ ဒီ စကား စပြော တာပဲ။ စာနယ်ဇင်းသမားဆိုတာ ကိုယ်အမြင်မကြည်တဲ့ကောင် တွယ်မှာပဲ။ ပါးစပ်နဲ့ တွယ်လို့ မရရင် ဂျာနယ်ထဲထည့်မှာပဲ။ နိုင်ငံတကာမှာလည်း ဒီလိုပဲ ကျင့်သုံးနေတယ်။ ကျွန်တော်တို့ကို ဆန့်ကျင်တဲ့ကောင်ဆိုရင် သွား မင်း ဂျာနယ်ထဲမှာသေ။ ငါတို့ ဂျာနယ်ထွက်ရင် မင်းသေပြီမှတ်၊ ဒါပဲ ... ... ရေးခွင့်ရှိတဲ့အတွက် ကျွန်တော်ရေးတယ် ။ကျွန်တော်တို့ ဂျာနယ်က ခက်ခက်ခဲခဲ နဲ့ အောင်မြင်ပြီး နေရာရလာတာ။ ခင်ဗျားတို့ ဘုဂလန့်မပြောနဲ့ ၊ပြောရင် ခင်ဗျားတို့အတွက် တစ်ပြားမှကောင်းတာရေးမပေးဘူး။ တိုင်ချင်တဲ့နေရာတိုင်လို့ ရတယ်။
ဘာ နိုင်ငံရေးသမားကိုမှ ဂရုမစိုက်ဘူး။ ခင်ဗျားတို့ မှတ်ထားကြ။ ကျွန်တော့်နာမည် ဇော်နောင်လင်း၊ ဇော်နောင်လင်း ဆိုပြီး နယ်တကာလှည့်ပြီး သတင်းယူရဲတယ်ကွဆိုပြီး အင်တာဗျူးတွေချိတ်လာတာ၊ ရှင်းတယ်နော် ကျွန်တော်ပြောတာ၊ ဘယ်နိုင်ငံရေးပါတီမှလည်း မကြောက်ဘူး။ ကျွန်တော်အခု
မှ ဒီစကား စပြောတာပဲ။ စာနယ်ဇင်းသမားဆိုတာ ကိုယ်အမြင်မကြည်တဲ့ကောင် တွယ်မှာပဲ။ ပါးစပ်နဲ့ တွယ်လို့မရရင် ဂျာနယ်ထဲထည့်မှာပဲ။ နိုင်ငံတကာမှာလည်း ဒီလိုပဲ ကျင့်သုံးနေတယ်။ ကျွန်တော်တို့ကို ဆန့်ကျင်တဲ့ကောင်ဆိုရင် သွား မင်းဂျာနယ်ထဲမှာသေ။ ငါတို့ဂျာနယ်ထွက်ရင် မင်းသေပြီမှတ်၊ ဒါပဲ ... ... ရေးခွင့်ရှိတဲ့အတွက် ကျွန်တော်ရေးတယ် ။ကျွန်တော်တို့ဂျာနယ်က ခက်ခက်ခဲခဲနဲ့ အောင်မြင်ပြီး နေရာရလာတာ။ ခင်ဗျားတို့ ဘုဂလန့်မပြောနဲ့ ၊ပြောရင် ခင်ဗျားတို့အတွက် တစ်ပြားမှကောင်းတာရေးမပေးဘူး။ တိုင်ချင်တဲ့နေရာတိုင်လို့ ရတယ်။ တိုင်ရင်လည်း ကျွန်တော်ရေးတာမဟုတ်လို့ပါ ပြောလိုက်ရုံပဲ ရှင်းတယ်နော် ...။

[Unity Weekly News ဂျာနယ်ပါ မွေးမြူရေး လုပ်ငန်းနှင့် ကျေးလက်ဒေသ ဖွံ့ဖြိုးရေးဝန်ကြီး ဦးအုန်းမြင့်၏ မိန့်ခွန်းကို ကိုးကားပါသည်။]



(( Moe Zay Nyein ))

ပြည်သူက ရွေးကောက်တင်မြောက်တာမဟုတ်လို့ ပြည်သူကို မလေးစားတာ ကတော့ ပြောစရာ မရှိဘူးဗျ။ ဘာဖြစ်လို့လဲဆိုတော့ ခင်ဗျားတို့က လက်သင့်ရာ စားတော်ခေါ်လို့ ၀န်ကြီးဖြစ် လာတဲ့ သူတွေလေ။ ကိုယ်ပိုင်အရည်အချင်းရှိတာမှ မဟုတ်တာဗျာ။ ဒါပေသိ အဲဒလို ကိုယ်ပလတ်ကျွတ်၊ ခဲလွတ်နေတာကို လူသိအောင် ချချပြနေတာကတော့ ရှက်စရာကောင်းတယ်ဗျ။ ၂၉ က ပုဂ္ဂိုလ် က ခွေးစကားပြောတယ်။ ၃၃ က အမတ်က ကိုယ့်ကိုကိုယ်ဘ၀င်မြင့်တယ်။ ခု ၁၇ က လူက လူမိုက် စကားပြောတယ်။ ရှက်တတ်ရင်တော့ ရှက်စရာကြီးပါဗျာ။ ရှက်ကြပါ။

မွေးရေ၀န်ကြီး အုန်းမြင့်၏ အကောင့်
www.facebook.com/jastin.minn


ပြည်ထောင်စုဝန်ကြီး ဦးအုန်းမြင့်၏ မကွေးတိုင်းတွင် ပြောကြားခဲ့သော မှတ်သားဖွယ် စကားမှ ကောက်နှုတ်ချက်များ ....

" ဘာနိုင်ငံရေးသမားကိုမှ ဂရုမစိုက်ဘူး။ ခင်ဗျားတို့ မှတ်ထားကြ။ ကျွန်တော့်နာမည် ဗိုလ်ချုပ် အုန်းမြင့်။ ဗိုလ်ချုပ်အုန်းမြင့်ဆိုပြီး နယ်တစ်ခါ (နယ်တကာ) လှည့်ပြီး ပါးရိုက်ရဲ တယ်ကွဆိုပြီး မိန့်ခွန်းပြောလာတာ၊ ရှင်းတယ်နော်။"

"တက်နေတဲ့ အစိုးရအပေါ်မှာ စော်ကားတဲ့ကောင် တွယ်မှာပဲ၊ ပါးစပ်နဲ့ တွယ်လို့မရရင် အချုပ်ထဲ တည့်မှာဘဲ"

"ကျွန်တော်တို့ ခါးခြားမှာ (ခါးကြားမှာ) သေနတ်ထိုးပြီးတော့ ပုခုံးပေါ်မှာ သေနတ်လွယ်ပြီး အုပ်ချုပ်ခဲ့တာပဲဟာ ဘာမှ မတိုးတက်ဘူးပြော၊ သောက်ရူးတွေ ပြောနေတာ။ ခင်ဗျားတို့ သောက်ရူးတွေပြောတာ မယုံနဲ့။"

"အဲဒီလွှတ်တော်ကြီး ဘယ်သူ ဆောက်ခဲ့သလဲမေး စစ်တပ်က ဆောက်ခဲ့တာ။ အဲဒီမြို့ကြီး ဘယ်သူ တည်ထောင်ခဲ့လဲ စစ်တပ်က တည်ခဲ့တာ။ ဒီလမ်းမကြီး ဘယ်သူဖေါက်ခဲ့သလဲ စစ်တပ်က ဖေါက်ခဲ့တာ၊"

"ကျွန်တော်တို့အစိုးရက ခက်ခက်ခဲခဲနဲ့ မဲနိုင်ပြီး နေရာရလာတာ"

"ခင်ဗျားတို့ ဘုဂလန့် မပြောနဲ့၊ ပြောရင် ခင်ဗျားတို့အတွက် တစ်ပြားမှ လုပ်မပေးဘူး တိုင်ချင်တဲ့နေရာ တိုင်လို့ရတယ်။ ခင်ဗျားတို့ တိုင်ရင်လည်း ကျွန်တော် မရောက်သေးလို့ပါ ပြောလိုက်ရုံပဲ။ ရှင်းတယ်နော်။"

"တန်းစီလှည့်တာလည်း မပြောဘူး၊ ကြိုက်သလောက်လှည့် မကျေနပ်ရင် လဲသေ၊ ကိုယ်လုပ်စရာရှိတာတော့ လုပ်ပေးတယ်"

Credit to Chann Nyein Htun

Hawdeka Khalaylay

ဦးသန်းရွှေက အုန်းမြင့်ကို အသုံးချပြီး အာရုံလွှဲလိုက်တာပါ ၊ ယူနတီဂျာနယ် က သတင်းတစ်ခုကို ရေဆုံးရေဖျားမလိုက်ပဲ သတင်းတွေကို မှေးမှိန်အောင် အာရုံလွှဲသွားအောင်လုပ်တတ်ပါတယ် ၊ ဦးသန်းရွှေ ဘယ်ပြ ညာရိုက်ပါတော့မယ် သတိထားကြပါ ၊ (နေပြည်တော် အထူးသတင်း) ဦးသန်းရွှေက ဘယ်ပြညာရိုက် အရမ်းတော်ပါတယ် ၊ ဦးသန်းရွှေရဲ့ အကွက်တွေကို စေ့အောင်ကြည့်နိုင်တာ ကျနော်တို့ အဘ ဦးခင်ညွန့်ပဲရှိပါတယ် ၊ ဒါကြောင့် ကျနော်တို့အုပ်စုတွေကို ပြန်မလွှတ်ရဲသေးတာပါ ဟု ထောက်လှမ်းရေး အရာရှိဟောင်းတစ်ဦးကပြောကြားသည် ၊ အခုလည်း အုန်းမြင့်ကို အသုံးချပြီး အာရုံလွှဲလိုက်တာပါ ၊ သွေးတိုးစမ်းတာရောလည်း ပါပါတယ် ၊ ဦးသန်းရွှေက အလုပ်တစ်ခုကို အနည်းဆုံး အဓိပ္ပါယ် နှစ်ခုထွက်အောင် လုပ်တတ်ပါတယ် ၊ သူတို့ နဲ့ ပတ်သတ်တဲ့ ဂျာနယ်တွေကိုလည်း ဂရုတစိုက် သတိထားဖတ်စေလိုပါတယ် ၊ သတင်းတွေကို ပုံဖျက်ပစ်တာ မှေးမှိန်အောင်လုပ်ပစ်တာ ၊ လူတွေရဲ့ ဒေါ်သအရှိန်ကို ဆဲဆိုခိုင်းနှိုင်းတာတွေသုံးပြီး လျှော့ပစ်တတ်တာတွေ အကုန် ဦးသန်းရွှေတိုက်ရိုက်ခိုင်းနေတာပါပဲ ၊ ယူနတီဂျာနယ်ကို နမူနာကြည့်ပါ ၊ ဦးသန်းရွှေ ရဲ့ နျူကလီးယား အစီအစဉ် ဓါတုလက်နက်အစီအစဉ်တွေကို ခရေစေ့တွင်းကျ လိုက်လံဖော်ထုတ်တာမရှိပါဘူး ၊ ဟိုလိုလို ဒီလိုလိုနဲ့ စက်ရုံ အဟောင်းတွေရိုက်ပြပြီး သတင်းတွေကို ဝေဝါးအောင်လုပ်ပစ်တာပဲ များပါတယ် ၊ ဒါတွေက တည်ကြက်တွေပါ ၊ မျက်လှည့်သဘောပြောရင် ဘယ်ပြညာရိုက်ပေါ့ ၊ ယူနတီဂျာနယ်ကို ပြန်ဖတ်ကြည့်ရင်တွေ့နိုင်ပါတယ် ၊ ယူနတီလိုတခြားဂျာနယ်တွေလည်း ရှိပါသေးတယ် ၊ ကဲ အခု ယူနတီဂျာနယ်က အုန်းမြင့်အကြောင်းပါလာတယ်ဆိုတော့ ဒါကို ဘယ်ပြတာလို့မှတ်ယူရင် ညာရိုက်က ဘာဖြစ်နိုင်မလဲ ၊ သေချာလောက်တာက နေပြည်တော် တစ်နေရာရာမှာ မြောက်ကိုးရီးယားတွေ ဝင်ထွက်သွားလာနေပါပြီ ၊ အဲဒီညာရိုက်ဟာ ဘာဖြစ်နိုင်သလဲဆိုတာ သေသေချာချာ စောင့်ကြည့်သင့်ပါတယ် ၊ အုန်းမြင့်တစ်ယောက်လည်း သနားစရာပါပဲ ၊ စာရွက်ထဲပါတာတွေကို ဖတ်ပြရတဲ့ အဆင့်ပါပဲ ၊ လက်ပံတောင်းတောင်မှာလည်း လယ်တီဆရာတော်ကြီးရဲ့ သိမ်နေရာကို အတုလို့ ပြောထားတာရှိနေပါတယ် ၊ ဦးသန်းရွှေက အုန်းမြင့်ကို ထုတ်ကစားပြီး ပွဲဆူအောင်လုပ်လိုက်တာဟာ အားလုံးရဲ့ အာရုံကို အုန်းမြင့်ဆီရောက်သွားအောင်လုပ်လိုက်တာဟာ ဘာကို ဖုံးကွယ်ချင်လို့လဲ ဆိုတဲ့ အတွေးနဲ့ ကြည့်ရပါမယ် ၊ ကျနော်တိုအ အဘက အားလုံးကို မှာထားပြီးသားပါ ၊ ၂၀၁၅ မှာ ကျနော်တို့က ဒေါ်အောင်ဆန်းစုကြည် ရဲ့ ဒီချုပ်ပါတီ အနိုင်ရအောင် နည်းမျိုးစုံနဲ့ ဝိုင်းကူညီရမှာပါ ၊ လက်ရှိအချိန်မှာ ကျနော်တို့ ဘဝတွေက ကျီးလန့်စားစား နေနေရတုန်းပါပဲ ၊ တကယ်ဒီမိုကရေစီရမှသာကျနော်တို့လည်း လွတ်လပ်မှာပါ ၊ ကျနော်တို့လိုပါပဲ ၊ စစ်တပ်က အငြိမ်းစားယူထားတဲ့ အရာရှိတော်တော်များများလည်း အမှန်ကို သိနေကြပါပြီ ၊ မြန်မာပြည်ကို ဦးသန်းရွှေ လက်ခုပ်ထဲက လွတ်စေချင်နေကြပါပြီ ၊ ထောက်လှမ်းရေး အရာရှိဟောင်းတစ်ဦးမှ ရင်ဖွင့်ပြောကြားသွားခြင်းဖြစ်သည် ၊ နေပြည်တော်သတင်းရပ်ဝန်းမှ ပေးပို့လာသော အထူးသတင်းဖြစ်သည် ၊

Wednesday, January 29, 2014

သ ခင် အောင် ဆန်း နဲ့ မ ရင် အေး တို့ ဇာတ် လမ်း




 Kyaw Naing


သခင်အောင်ဆန်း အတွက်ကတော့ မြစ်ဝကျွန်းပေါ် ရွာကြီး တစ်ရွာက မြေပိုင်ရှင် စက်သူဌေး သမီးကလေး `` မရင်အေး ´´ ကို ကျွန်တော်ရွေးပါတယ်။ မရင်အေးကို ရွေးရတဲ့အကြောင်းရင်းကတော့ မရင်အေးဟာ ရုပ်ရည်ချောသလောက် သဘောလည်း ကောင်းတယ်။ စိတ်လည်း ရှည်တယ်။ ပြီးတော့ သူ့မှာ အုပ်ထိန်းသူဆိုလို့ အမေတစ်ယောက်တည်းဘဲ ရှိတယ်။ အမွေဆိုင်ကလည်း မောင်လေးတစ်ယောက်ပဲရှိတယ်။ အဲဒီ မောင်ကလေးကလည်း ကျွန်တော်တို့ ဒို့ဗမာ အစည်းအရုံးဝင် သခင်တစ်ယောက် ဖြစ်တယ်။ သခင်အောင်ဆန်းနဲ့လည်း ရင်းနှီးတယ်။ သခင်အောင်ဆန်းကိုလည်း ကျောင်းသား ဘဝကတည်းက ကြည်ညိုလေးစားခဲ့သူ ဖြစ်တယ်ဆိုပြီး ရွေးချယ်လိုက်တာပါပဲ။ သခင်အောင်ဆန်း နဲ့ မရင်အေးတို့ ဇာတ်လမ်းကလေးဟာ တော်တော်ကလေး ရင်နင့်စရာ ကောင်းတဲ့ အဖြစ်အပျက်ကလေးလို့ ဆိုလိုက်ချင်ပါတယ်။ ဒီဇာတ်လမ်းကလေးဟာ ကာယကံရှင်တွေ မဆိုထားနဲ့ ၊ စပ်ကြားက ဇာတ်ဆရာလုပ်မိတဲ့ ကျွန်တော်တောင်မှ ရင်နာခဲ့ရပါတယ်။ ဒီနေရာမှာ ဇာတ်လမ်းအစကို ပြန်ကောက်ရပါလိမ့်မယ်။ သခင်အောင်ဆန်းဟာ အခုလို ဘဝကြင်ဖေါ် ဖူးစာဘက်ကို ရှာဖို့တို့ ၊ ဘာတို့ကို လုံးဝ စိတ်ဝင်စားခဲ့တဲ့လူ မဟုတ်ပါဘူး။ သူ့စိတ်ဟာ ဟိုတစ်ချိန်တုန်းက ဖြစ်ပေါ်နေတဲ့ နိုင်ငံရေး အခြေအနေ နဲ့ ဗမာပြည်သူတစ်ရပ်လုံး ရင်ဆိုင်နေရတဲ့ ပြဿနာတွေထဲမှာဘဲ အာရုံ စူးစိုက်နေရတဲ့လူ ဖြစ်ပါတယ်။ ဘေးကရဲဘော်တွေက ဒီလို ဒီလိုလုပ်ရမယ် ဆိုလို့သာ သူကသဘောတူလိုက်ရတယ်။ သူ့သဘောကတော့ ဒီကိစ္စကို ရေးကြီးခွင်ကျယ် မထားဘူး။ ဒီကိစ္စဟာ လုပ်ဖြစ်ချင်မှ လုပ်ဖြစ်ချင်မှ လုပ်ဖြစ်မှာဘဲလို့လဲ သဘောထားဟန် တူပါတယ်။ ဘာကြောင့်လည်းဆိုတော့ မော်လမြိုင် ညီလာခံပြီးတဲ့ နောက်တစ်လကျော်လောက်အကြာမှာ ကျွန်တော် ရန်ကုန်ကိုရောက်လာပါတယ်။ သခင်အောင်ဆန်းအတွက် မှန်းထားတဲ့ ` သတို့သမီး မရင်အေး ´ ရဲ့ ဓာတ်ပုံကိုလည်း မရင်အေးတို့မြို့ကို သွားပြီး ယူခဲ့ပါတယ်။ မရင်အေး နဲ့ တွေ့တော့လည်း ကျွန်တော့်အပေါ်မှာ အစ်ကိုအရင်းလို ခင်မင်နေတဲ့ မိန်းခလေး ဖြစ်တဲ့အတွက် ကျွန်တော်က .... `` ဟေ့ ... မရင်အေး ၊ ညည်းရဲ့ နောင်ရေးအတွက် အကိုကြီး အစီအစဉ်တစ်ခု လုပ်နေတယ်။ ညည်းဘာမှ ဂျီးမများရဘူးနော်။ အကိုကြီးသဘောအတိုင်း စီစဉ်လိုက်မယ်။ ညည်းဓာတ်ပုံ တစ်ပုံသာ ပေးလိုက်ပေတော့ ´´ မရင်အေးက ရှက်ကိုး ရှက်ကန်းနဲ့ .... `` ဟာ ... အကိုကြီးကလည်း ရှက်စရာကြီး။ ညီမအတွက် ဒီလို အလုပ်မျိုးကို လုပ်နေရသလား ´´ လို့ ပြောပြီး သူ့ဓာတ်ပုံကို ထုတ်ပေးလိုက်ပါတယ်။ ဒို့ဗမာ အစည်းအရုံးဌာနချုပ်မှာ သခင်အောင်ဆန်း နဲ့ တွေ့ကြတော့ ကျွန်တော်က ... `` ကဲ ... ဆရာကြီး ၊ ခင်ဗျားနဲ့ မှန်းထားတဲ့ သတို့သမီးလောင်းကလေးရဲ့ ဓာတ်ပုံကို ယူလာခဲ့တယ်။ ခင်ဗျားကတော့ ကြိုက်သလား ၊ မကြိုက်ဘူးလား မသိဘူး။ ကျွန်တော့်မှာတော့ တကူးတကန့် သွားယူခဲ့ရတယ်။ ထမင်းကြွေးမယ်သာ ကြံပေတော့ ´´ လို့ ပြောလိုက်တော့ သခင်အောင်ဆန်းက .... `` ဟေး ... ခင်ဗျားတို့ ဒီကိစ္စကို တစ်ကယ်လုပ်နေကြတာလား။ ကျုပ်က ဒီကိစ္စဟာ အလကား ပြောနေကြတာလို့ ထင်နေတာဗျ။ မော်လမြိုင်မှာ ပြောပြီးကတည်းက ကျုပ်ဖြင့် တစ်ခါမှ မစဉ်းစားမိပါဘူးဗျာ ´´ သခင်အောင်ဆန်းဟာ အိမ်ထောင်ရေးထက် ဗမာ့ လွတ်လပ်ရေးကိုသာ အလေးအနက်ထားတယ် ဆိုတာဟာ ထင်ရှားပါတယ်။ နောက်ပြီး သခင်အောင်ဆန်းက ပြောသေးတယ်။ `` အဟုတ်ပြောတာပါဗျာ။ ကျုပ်တော့ မိန်းမယူဖို့ စိတ်မကူးသေးဘူး။ ခင်ဗျားတို့ ပြောတာတွေကိုလည်း မယုံမိဘူး။ အခု ခင်ဗျားက ဓာတ်ပုံတွေ ဘာတွေ ယူလာတော့ အပျက်ပျက်နဲ့ နှာခေါင်းသွေးထွက် ဆိုသလိုများ ဖြစ်နေတာလားဗျာ ´´ လို့ ပြောပြီး ဓာတ်ပုံကို သေသေချာချာ စိုက်ကြည့်နေပါတယ်။ ပြီးတော့ သက်ပြင်းရှည်ကြီး ချလိုက်ပြီး .... `` ခက်တာပဲဗျာ။ သူကလေးကို မြင်ရတာ ကျွန်တော်လိုကောင်နဲ့ မတန်ပါဘူးဗျာ။ သနားစရာ ကောင်းပါတယ်။ ကျုပ်တို့က ရှေ့လျှောက်ပြီး ဘာတွေလုပ်လို့ ၊ ဘာတွေ ဖြစ်မယ်မှန်း မသိနိုင်တဲ့လူစားတွေဗျ။ သူတို့လို နုနုနယ်နယ်ကလေးတွေနဲ့ ကျုပ်တို့ရဲ့ ခရီးကြမ်းနဲ့ မဖြစ်သေးပါဘူးဗျာ။ ပြီးတော့လည်း ကျုပ်တို့က တစ်ကယ့် မေတ္တာနဲ့ ချစ်လို့ ကြံစည် ကြတာလဲ မဟုတ်။ သူ့ကိုယူပြီး သူ့ပိုက်ဆံ နဲ့ နိုင်ငံရေးလုပ်ဖို့ ကြံကြတာ။ ဒါဟာ မတရားဘူးဗျ။ မှန်လည်း မမှန်ဘူး ´´ လို့ ဇွတ်ငြင်းနေပါတော့တယ်။ အဲဒီလိုနဲ့ နောက်မကြာခင်မှာပဲ မရင်အေးတို့ ခရိုင်မှာ ဒို့ဗမာအစည်းအရုံး ညီလာခံ ကျင်းပတယ်။ အဲဒီ ညီလာခံကို သခင်အောင်ဆန်းနဲ့ ကျွန်တော်တို့နှစ်ယောက် ဌာနချုပ်ကိုယ်စားလှယ်အဖြစ် တက်ရောက်ကြပါတယ်။ ကျွန်တော်ကတော့ ညီလာခံကို သွားကတည်းက စိတ်ထဲမှာ ` တစ်ချက်ခုတ် ၊ နှစ်ချက်ပြတ် ´ သဘောနဲ့ တက်ခဲ့တာ ဖြစ်ပါတယ်။ ညီလာခံအပြီးမှာ မရင်အေးတို့အိမ်ကို ကျွန်တော်တို့ သွားကြပါတယ်။ ညီလာခံ ကျင်းပတဲ့ မြို့နဲ့က သိပ် မဝေးလှဘူး။ မရင်အေးတို့အိမ် ရောက်လို့ မရင်အေး ကိုလည်းတွေ့လိုက်ရော ၊ သခင်အောင်ဆန်းဟာ ` မျက်စိပျက် ၊ မျက်နှာပျက် ´ နဲ့ .... `` ဟေ့လူ .. ဘယ်လို လုပ်လိုက်တာလဲ။ ခင်ဗျား ကျွန်တော့်ကို တကယ် ဂျောက်ကျအောင် လုပ်နေပြီ ထင်တယ် ´´ လို့ ပြောပါတယ်။ မရင်အေး ခမြာမှာတော့ ဘာအကြောင်းမှ မသ်ိရှာသေးဘူး။ သူ့ ဓာတ်ပုံကို ကျွန်တော်ယူလာတုန်းက ဘယ်သူ ဘယ်ဝါကို ပြဖို့ ဆိုတာ မပြောခဲ့တော့ အခြေအနေမပျက် ကျွန်တော်တို့ စားဖို့၊ သောက်ဖို့တွေကိုသာ လုပ်ကိုင်နေရှာပါတယ်။ မရင်အေးတို့ အမေကြီးကတော့ ကျွန်တော်တို့လူငယ်တွေ လွတ်လွတ်လပ်လပ် နေကြနိုင်အောင် ဘုန်းကြီးကျောင်းကို ထွက်သွားပါတယ်။ အကြောင်းမသိသေးတဲ့ မရင်အေးက အိနြေ္ဒ မပျက်ပေမယ့် သခင်အောင်ဆန်းကတော့ မနေတတ် ၊ မထိုင်တတ်နဲ့ အိမ်အပြင်ဘက်ကိုသာ စိုက်ကြည့်နေပြီး ငိုင်နေရှာပါတယ်။ ထမင်းစားသောက်ပြီးတော့ ကျွန်တော်တို့နှစ်ယောက်က အိမ်ခေါင်းရင်းခန်းမှာ ပက်လက်ကုလားထိုင်နှစ်လုံးနဲ့ ထိုင်နေကြတယ်။ မရင်အေးက လဖက်ရည်ကြမ်းနဲ့ အချို အချဉ်ပွဲ လာချတော့မှ ကျွန်တော်က မရင်အေးကို စကားပြောကြရအောင် ဆိုပြီး အနားမှာ ထိုင်ခိုင်းလိုက်ပါတယ်။ မရင်အေးကလည်း ရိုရိုသေသေ အကိုကြီး အရင်းတွေကို ပြုစုကျွေးမွေးနေရသလို ပြုံးပြုံးရွှင်ရွှင်နဲ့ဘဲ အနားမှာ ထိုင်ရှာပါတယ်။ ကျွန်တော်က မရင်အေး နဲ့ သခင်အောင်ဆန်းကို မိတ်ဖွဲ့ပေးလိုက်ပါတယ်။ မရင်အေးကလည်း သခင်အောင်ဆန်းမှန်း သိပါတယ်။ သတင်းစာထဲမှာ ဓာတ်ပုံကို မြင်ဘူးပါတယ်လို့ ပြန်ပြောလိုက်ပါတယ်။ အဲဒီအချိန်မှာ သခင်အောင်ဆန်းက ဆိုင်းမဆင့် ၊ ဗုံမဆင့် နဲ့ .... `` ဒီမယ် ... မရင်အေး ၊ ခင်ဗျား အကိုကြီး သခင်တင်မောင်ဟာ ကောင်းတဲ့လူ မဟုတ်ဘူးဗျ။ ခင်ဗျား ဓာတ်ပုံကိုယူလာပြီး ကျွန်တော့်ကို ပြတယ်ဗျ။ ကျွန်တော်က ဘာမှ သိရတာလည်း မဟုတ်ဘူး။ သူတို့တစ်တွေက အကြံကြီး ကြံနေကြတယ်။ ခင်ဗျားရဲ့ ပိုက်ဆံနဲ့ ကျွန်တော် နိုင်ငံရေးလုပ်အောင် ဆိုပြီး စီစဉ်နေကြတယ်ဗျ ´´ လို့ ပြောချလိုက်ရော။ ကျွန်တော်လည်း အံ့အားသင့်နေပြီး ဘာမှ မပြောတတ်အောင် ဖြစ်နေတုန်းမှာ မရင်အေးဟာလည်း တခါထဲ မီးဖိုခန်းထဲကို ဝင်ပြေးပါလေရော။ မရင်အေးနောက်ကို ကျွန်တော် ဝင်လိုက်သွားပြီး အစအဆုံး ကျွန်တော်တို့ရဲ့ စီမံကိန်းကို ဖွင့်ဟ ဝန်ခံလိုက်ပါတယ်။ မရင်အေးကိုလည်း စိတ်မဆိုးဖို့ တောင်းပန်ရပြန်ပါတယ်။ မရင်အေးဟာ တော်တော်ကြာကြာကြီး တွေနေပါတယ်။ နောက်တော့ သူ့ဟာသူ အိမ်ရှေ့ခန်းကို ထွက်သွားပြီး သခင်အောင်ဆန်း အနားမှာဘဲ သွားထိုင်ပါတယ်။ ကျွန်တော်ကတော့ လိုက်သွားရ ကောင်းမလား ၊ မလိုက်ဘဲ နေရ ကောင်းမလား ဆိုပြီး ဝေခွဲလို့ မရခင်မှာဘဲ မရင်အေးက ကျွန်တော့်ကို လှမ်းခေါ်လိုက်ပါတယ်။ ကျွန်တော်လည်း ထိုင်မိရော၊ မရင်အေးက တည်တည်ငြိမ်ငြိမ်နဲ့ ပြောလိုက်ပုံကတော့ ....့့  `` ဒီမယ် ... အကိုကြီး ၊ အကိုကြီးတို့ နှစ်ယောက်စလုံးကို အကိုအရင်းလိုဘဲ ကျွန်မ သဘောထားပါတယ်။ မောင်လေးကလည်း အကိုကြီးတို့ကို သိပ်ချစ်တယ်။ သိပ် ကြည်ညိုတယ်။ မေမေ ဆိုတာကလည်း အကိုကြီးတို့တစ်တွေကို အင်မတန် လေးစားပါတယ်။ ဒီတော့ အခုလို အကိုကြီး စီစဉ်တာဟာ ဘာမှ အပြစ်ပြောစရာ မရှိပါဘူး။ ဒီကိစ္စမှာ ကျွန်မသဘောကတော့ အကိုအောင်ဆန်း နဲ့ ကျွန်မနဲ့ဟာ မတန်ပါဘူး။ ကျွန်မတို့ဟာ တောသူတွေပါ။ တောမှာနေပြီး တောသူပီပီဘဲ နေတတ်´ စားတတ်ပါတယ်။ အကိုအောင်ဆန်းတို့ကတော့ နောက်ဆိုရင် တိုင်းပြည်ရဲ့ ခေါင်းဆောင်ကြီးတွေ၊ တိုင်းပြည် အုပ်ချုပ်တဲ့ ဝန်ကြီးတွေ၊ ဘာတွေ ဖြစ်ကြဦးမှာပါ။ ဒီတော့ ကျွန်မတို့လို တောသူတွေနဲ့ဆိုရင် မဖြစ်ပါဘူး။ ဒီလိုပြောတာဟာ အကို အောင်ဆန်းကို ကျွန်မ မချစ်လို့၊ မခင်လို့ ပြောတာ မဟုတ်ပါဘူး။ အကိုအောင်ဆန်း တို့ ပါရမီကို ညီမလေးတစ်ယောက် အနေနဲ့လည်း ဖြည့်လို့ ရပါတယ်။ ပိုက်ဆံလိုချင်ရင်လည်း တောင်းကြပါ။ မေမေ သိအောင်တစ်မျိုး၊ မသိအောင်တစ်မျိုး ပေးရင်လည်း ပေးလို့ ရပါတယ်။ ကျွန်မရော၊ မောင်လေးကရော အကိုကြီးတို့ နိုင်ငံရေး လုပ်တာကို လေးစားနေကြတာပဲ။ နောက်ဆုံး ... အကိုကြီးတို့လိုတဲ့ ငွေက သိပ်များ နေရင် မေမေ မသိအောင် ညီမပေးမှာပေါ့ ´´ လုိ့ ပွင့်ပွင့်လင်းလင်း ပြောလိုက်ပါတယ်။ ကျွန်တော်က ဘယ်လို ပြန်ပြောရမလဲလို့ စဉ်းစားနေတုန်း သခင်အောင်ဆန်းက .... `` ဟုတ်တယ်။ ခင်ဗျားပြောတာ မှန်တယ်။ မှန်တယ် ဆိုတာက နိုင်ငံရေးပါရမီကို ဘယ်အနေနဲ့ဘဲ ဖြစ်ဖြစ်၊ ဖြည့်ဆည်းလို့ ရတယ်ဆိုတာကို ပြောတာ။ ခင်ဗျား ပြောသလို ညီမတစ်ယောက် အနေနဲ့ပဲ ဖြည့်ပါမယ် ဆိုတာကို ကြိုက်ပါတယ်။ ဒါပေမယ့် ကျုပ်တို့က ဝန်ကြီးတွေ၊ ဘာတွေ ဖြစ်မှာမို့ ခင်ဗျားတို့လို တောသူတွေနဲ့ မတန်ပါဘူး ဆိုတဲ့ဟာကတော့ မဟုတ်သေးဘူး။ ဝန်ကြီး ဆိုတဲ့ကောင်ကရော ဘာကောင်မုိ့လဲ။ မိုးကျ ရွှေကိုယ်လည်း မဟုတ်ပါဘူး။ တောသား ပါပဲဗျ။ တောရွာ ဇနပုဒ်က တောမှာ မွေးခဲ့တဲ့ အကောင်ပါဗျ။ ခင်ဗျားပြောတဲ့ တောသူမို့လို့ မတန်ပါဘူး ဆိုတဲ့စကားကို ပြန် ရုပ်သိမ်းလိုက်ပါဗျာ ´´ ဆိုပြီး ဟဲ ဟဲ ... ဟဲဟဲ နဲ့ သဘောကျနေပါတော့တယ်။ ကျွန်တော့် ဝမ်းထဲမှာတော့ ကိုယ့်လူက ဒီလိုတော့လည်း အပြေလည်သားပါကလား။ ချစ်ရေးဆိုပုံကလေးကလည်း မခေပါကလားလုိ့ ပီတိ ဖြစ်လိုက်မိပါတယ်။ ကျွန်တော်တို့ ပြန်ခါနီးမှာ မရင်အေးက သူ့မေမေဆီမှာ ကျွန်တော်တို့အတွက် အထွေထွေသုံးဖို့ငွေ ၁၀၀ ကျပ် ပေးလိုက်မယ်လို့ ပြောပြီး ကျွန်တော်တို့ကို စာအိတ်နဲ့ ထည့်ထားတဲ့ ပိုက်ဆံကို ပေးလိုက်ပါတယ်။ သင်္ဘောပေါ်ရောက်လို့ ဖွင့်ကြည့်လိုက်တော့မှ ရာတန် ( ၃ ) ရွက် ဖြစ်နေတာကို တွေ့ရပါတယ်။ ဟိုခေတ်က ငွေ ၃ဝဝ ကျပ်ဆိုတာ နည်းနည်းနောနော တန်ဖိုး မဟုတ်ပါ။ သခင်အောင်ဆန်း နဲ့ မရင်အေး တို့ ဇာတ်လမ်းကတော့ အခုအတိုင်းဘဲ အဆင်ပြေပြေနဲ့ စခဲ့ကြတာပါပဲ။ ဒါပေမယ့် မကြာပါဘူး။ အဲဒီညီလာခံမှာ ဟောခဲ့တဲ့တရားကြောင့် သခင်အောင်ဆန်းဟာ ဆုငွေ ( ၅ ) ကျပ် အထုတ်ခံရတဲ့ ဘဝကို ရောက်ခဲ့ရပါတယ်။ အဲဒီ ဝရမ်းကို ရှောင်ရင်းတိန်းရင်းကနေပြီး ဗမာပြည်အပြင်ဘက်ကို ရောက်သွားရတယ်။ နောက် ရဲဘော်သုံးကျိပ်ကို ဦးဆောင်လာခဲ့တဲ့ ဗိုလ်ချုပ်အောင်ဆန်း၊ ဗမာ့ လွတ်လပ်ရေး တပ်မတော် စစ်သေနာပတိ ဗိုလ်ချုပ်အောင်ဆန်း အဖြစ်နဲ့ ဗမာပြည်ကို ပြန်ရောက်တဲ့ အချိန်မှာ မရင်အေးကတော့ မျှော်သလင့်လင့်နဲ့ ရှိနေရှာပေမယ့် ဗိုလ်ချုပ်အောင်ဆန်း ကတော့ အထက်ဗမာပြည် သ်ိမ်းပိုက်နိုင်ဖို့အတွက် ဆက်လက် စစ်ချီနေရှာပါတယ်။

သ ခင် တင် မောင် ( ကျုံ မ ငေး )
 အိုးဝေ ဂျာနယ် ၊ အမှတ် - ၂၅ ။ ( ၁၅. ၈. ၁၉၆၉ ) နေ့ထုတ်မှ
credit... တို့ဗမာအစည်းအရုံး Dobama Asiayone


မောင်အောင်ဆန်း ၏ ပွဲဦးထွက်သတ္တိ...
===================

ယခု တင်ပြမည့် ဆောင်းပါးတွင် ဗိုလ်ချုပ်အောင်ဆန်း၏ ကိုယ်ရေးအတ္ထုပ္ပတ္တိများတွင်၎င်း၊ အခြားသူများ ဟောပြော တင်ပြကြသော ဗိုလ်ချုပ်၏ အတ္ထုပ္ပတ္တိများတွင်၎င်း၊ မပါဝင်သေးသော အကြောင်းအချင်းအရာများကို ဖတ်ရှုရမည် ဟု ထင်မြင်မိပါသည်... လွန်ခဲ့သည့် အနှစ်လေးဆယ်ကျော်က အိုးဝေဂျာနယ်တွင် စည်သူကျော်ထင် ရေးသားခဲ့သော " မောင်အောင်ဆန်း ၏ ပွဲဦးထွက်သတ္တိ..." ဆောင်းပါးအား ပြန်လည် ကောက်နှုတ် ဝေမျှလိုက်ပါသည်.
ဗိုလ်ချုပ် အောင်ဆန်းငယ်ရွယ်စဉ် နတ်မောက်မြို့ ဦးသောဘိတ ကျောင်းသားဘ၀ မရောက်မီ ကလေးဘ၀က ကိုအောင်ဆန်းသည် တစ္ဆေ သရဲကို အလွန်ကြောက်တတ်ကြောက်တတ်ကြောင်း နတ်မောက်မြို့ပေါ်၌ ၀ါတွင်းတွင် အတီးအမှုတ် အကအခုန်တို့ဖြင့် အဖိတ်နေ့တိုင်း အလှူခံထွက်ရာ လူတစ်ယောက်က ဖိုးသူတော်ရုပ်ကြီးထဲဝင်ပြီး ကခုန်သည်ကိုမြင်လျှင်လည်း ကြောက်ရွံ့သဖြင့် အိမ်ခန်းတွင်းသို့ ၀င်ရောက် ပုန်းအောင်းနေတတ်ကြောင်း ၊ ကာကာ ဆိုင်သို့လာလျှင် ကာကာကုလားကိုလည်း ကြောက်သဖြင့် ကာကာဆိုင်သို့ပင် မသွားကြောင်း အစရှိသည့် ငယ်ရွယ်စဉ် ကလေးဘ၀ အကြောက်ကြီး ကြောက်တတ်ပုံတို့ကို " အောင်သန်း၏ အောင်ဆန်း" စာအုပ်တွင်၎င်း ၊ " အောင်ဆန်း မိသားစု" စာအုပ်တွင်၎င်း စာရှုသူများ တွေ့ဘူး ဖတ်ဘူးခဲ့ကြပေလိမ့်မည်...

ဤနေရာတွင် ကြောက်စိတ်ဟူသည် လူ့ဘ၀တလျောက်လုံး လူ့ခန္ဓာအတွင်း၌ ရာသက်ပန် ကိန်းအောင်း တည်ရှိ နေနိုင်သော အခြင်းအရာမျိုး မဟုတ်ကြောင်း ပြောကြားလိုပါသည်.. ကြောက်လျှင်လွဲ ရဲလျှင်မင်းဖြစ် ကြောက်မွေးပါ ဇာဂနာ ဖြင့်နှုတ် ဟူသော စကားနှင့် အညီ ကြောက်စိတ်ကို ရဲစိတ်ဖြင့် တွန်းလှန်ချေမှုန်းပစ်လျှင် လုံးဝကင်းစင် ပပျောက်ပြီး အာဇာနည် သူရဲကောင်းဘ၀သို့တိုင် ရောက်အောင်ပင် တက်လှမ်းနိုင်တတ်ပေသည်။ ကြောက်သွေးဟူသမျှကို ရဲဆေးဖြင့် သုတ်သင်ဆေးကြောပစ်နိုင်သဖြင့် မြန်မာ့လွတ်လပ်ရေးကို လက်ဝယ်ပိုင်ပိုင် အနိုင်ရအောင် တိုက်ယူနိုင်စွမ်းရှိခဲ့သည်ကို ဗိုလ်ချုပ်အောင်ဆန်းကိုယ်တိုင်က သက်သေထူလျက်ရှိပေသည်။ ရဲသွေး ရဲမာန် နှင့် သတ္တိ ဗျတ္တိ ဟူသည် လေ့ကျင်ပျိုးထောင်၍ ရနိုင်ကောင်းသော အခြင်းအရာမျိုးဖြစ်ပေသည်။ ထိုသို့သော သတ္တိမျိုးကို ဗိုလ်ချုပ်အောင်ဆန်း ကောလိပ်ကျောင်းသား ဖြစ်ပြီးကာစ အသက်(၁၇)နှစ်သား အရွယ်က လေ့ကျင့်ပျိုးထောင်ခဲ့ပေသည်။

ကိုအောင်ဆန်း မည်သို့ လေ့ကျင်ပျိုးထောင်ခဲ့ပါသနည်း.....

အချိန်ကား မြန်မာလွတ်လပ်ရေး ဗိသုကာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းဟူ၍ နိုင်ငံဥသျှောင်ကြီးတဆူဖြစ်လာမည့် ကျောင်းသားကိုအောင်ဆန်းသည် ရန်ကုန်တက္ကသိုလ်တွင် အိုင်အေဂျူနီယာ (ခေါ်) ဥပစာအောက်တန်း (ထိုစဉ်က ပထမနှစ် မခေါ်သေး)တွင် တစ်နှစ်တာ ပညာသင်ကြားပြီး၍ အတန်းတင်စာမေးပွဲများ ဖြေဆိုပြီးကာ နွေရာသီ ကျောင်းပိတ်ရက်အရောက်တွင် နတ်မောက်မြို့ရှိ မိခင်ကြီးအမေစုထံသို့ ပြန်ရောက်လာသော အခါသမယပေတည်း ....

နတ်မောက်မြို့ကလေးသည် တောမြို့ကလေးတမြို့ ဖြစ်ရကား ထိုစဉ်က မြို့ပေါ်ရှိ များစွာသော အမျိုးသမီးကြီးများသည် အားလပ်သောအချိန်များတွင် တစ္ဆေ မှင်စာ သရဲသဘက် ဘုတ် ပြိတ္တာ စသည်တို့၏ အကြောင်းကို ဒဏ္ဍာရီ ပုံပြင်များ သဖွယ် အကျယ်ချဲ့ကာ ပြောလေ့ ပြောထ ရှိတတ်ကြပေ၏။ ထို့အတူ နတ်မောက်မြို့ အရှေ့ပိုင်းရပ်ရှိ အမေစု ၏ အိမ်ဝန်းကျင်မှ ဒေါ်ကြီး ဒေါ်လေးတို့သည်လည်း ထိုသို့သော သရဲသဘက်ပုံပြင်များကို အားပါးတရ လျှာလိပ်ပါးလိပ် ပြောကြလေရာ ကိုအောင်ဆန်းအဖို့ ထိုဒဏ္ဍာရီဇာတ်လမ်းများကို မကြားချင်အဆုံး ဖြစ်၍နေလေတော့သည်။

မည်သို့ပင် နားလျှံအောင် ကြားရသော်လည်း ကိုအောင်ဆန်းအဖို့ ယင်းသို့သော နာနာဘာဝ များကို အကောင်အထည်နှင့်တကွ တွေ့မြင်ရခြင်း မရှိသဖြင့် လုံးဝအယုံအကြည် မရှိခဲ့ပေ။ ပူအိုက်လှသော နွေရာသီ နေ့တစ်နေ့တွင် ကိုအောင်ဆန်းသည် ဦးသောဘိတ ကျောင်းတွင်နေစဉ်က သူနှင့် ကျောင်းနေဘက်သူငယ်ချင်းများဖြစ်ခဲ့ကြသော ကြွက်ကဒိုး (ကုန်သည်ကြီး ဦးဘအေး) ၊ ဖိုးနီ(ကျောင်းဆရာ ဦးဖိုးနီ)၊ မောင်ညာ(ကုန်သည် ဦးညာပွား)၊ မောင်ညို(မြွေအလမ္ပယ်ဆရာ ဦးညို) နှင့် ရန်ဒါး (ယခုရန်ကုန်မြို့ ကမာရွတ်တွင်နေထိုင်သူ ကပေါင်းကုန်းကြီးရွာသား ရန်ဒါး) စသော သူငယ်ချင်းများ နှင့် ဂျင်းသုပ်သည် ဒေါ်စော အိမ်တွင် စုဝေးကာ ထွေရာလေးပါး စကားစမြည်များ ပြောဆိုလျှက် နေကြပေ၏ ..

ထိုလူစုအနက် ကိုအောင်ဆန်းက စတင်၍ ..

ဆန်း ... ဒီလောကမှာ တစ္ဆေ သရဲရှိတယ်ဆိုတာ မင်းတို့ ယုံကြသလား ..ငါတော့ လုံးဝ မယုံဘူး .. ဒါကြောင့် .. ငါ ဒါတွေကို ကြောက်လဲ မကြောက်ဘူး ..ဂရုလဲ မစိုက်ဘူး...

ထိုစကားကို ကြားလျှင် ၎င်းတို့တွင် အသက်ကြီးဆုံးဖြစ်သူ ကြွက်ကဒိုးက ကြားဝင်၍..
ဒိုး ...... မယုံ မရှိနဲ့ မောင် ..တခါက ငါ့ကို မြို့ရဲ့ အရှေ့ဖျားက မယ်စာပင် ခေါ်တဲ့ သရက်ပင်ကြီးအောက်က သရဲခြောက်လို့ ပြေးလိုက်ရတာ တင်ပါး နဲ့ ဖ၀ါး တသားထဲကျသွားတာပဲ ..

ဆန်း .... အဲဒါ သရက်ပင်အောက် ခွေးတစ်ကောင်က မင်းကိုမြင်လို့ လန့်ပြေးတာ ..မင်းက သရဲခြောက်တယ်ထင်ပြီး ထွက်ပြေးတာ ဖြစ်မှာပေါ့ .. သရဲဆိုတာ တကယ် မရှိဘူး ...

ထိုသို့ ကြွက်ကဒိုး နှင့် ကိုအောင်ဆန်းတို့ ဆွေးနွေးပြောဆိုနေကြသည်ကို ကြားလျှင် ပျော်ပျော်နေတတ်သူလည်းဖြစ်၍ သူငယ်ချင်းတစ်စု လူရည် အလည်ဆုံးလည်း ဖြစ်သော မောင်ညာက မျက်နှာမဲ့ရွဲ့ကာဖြင့် ...
ညာ .... အောင်ဆန်း မင်း တစ္ဆေ သရဲ ရှိတယ်ဆိုတာကို တကယ် မယုံဘူးလား...
ဆန်း ... လုံးဝ မယုံဘူး ..ရှိလဲ မရှိဘူး ... ဒါကြောင့် ကြောက်စရာလဲ မလိုဘူး .....

ညာ ..... ကောင်းပြီ..ဒီလိုဆိုရင် ည(၁၀)နာရီအချိန်လောက်မှာ မင်းတစ်ယောက်တည်း သင်္ချိုင်းကို သွားရဲလား ..
ဆန်း ... သွားရုံမက .. ဟိုဘက် ဆယ်ဘူတာလောက်လွန်သွားသေးတယ်..ငါသွားရဲရင်..မင်းတို့က ငါ့ကို ဘာများ ဆု ပေးကြမလဲ ...

ညာ ... မင်း သွားရဲရင် မင်း ရန်ကုန်ကောလိပ်ကျောင်း အပြန်မှာ နတ်မောက်-ရန်ကုန် မီးရထား မထမတန်း လက်မှတ်ကို ဒို့တတွေက စုဝယ်ပေးမယ် ..ကဲ ဘယ်နှယ့်လဲ ..
ဆန်း ... ကောင်းပြီ..စိန်လိုက်..

ညာ .... မင်း .. ဒီည (၁၀)နာရီ တိတိမှာ မြို့လည်ခေါင်ဝတ်ဇရပ်နားက ဂုံးတံတားက စထွက်ပြီး သင်္ချိုင်းအလယ်မှာရှိတဲ့ မင်းဖခင် ဦးဖာရဲ့ အုတ်ဂူပေါ်မှာ ဦးဖာရဲ့ သက်စေ့ ဖရောင်းတိုင် ထွန်းညှိရမယ်..ဖရောင်းတိုင် အားလုံးထွန်းပြီးရင်
ဒီတံတားကို ပြန်လာရမယ်.. ဒီတံတာမှာ ဒို့ အသင့်စောင့်နေမယ်.. မင်းပြန်ရောက်ရောက်ခြင်း မင်းတကယ် လုပ်မလုပ် ဒို့အားလုံး ပြန်သွားကြည့်မယ်..မင်းသွားရင်တော့ အဖော်တစ်ယောက်မှ ခေါ်မသွားရဘူး ..

ဆန်း.... ကောင်းပြီ..ည(၁၀)နာရီ ငါ့အဖေရဲ့ အုတ်ဂူပေါ်မှာ သက်စေ့ဖယောင်းတိုင်(၆၄)တိုင် နဲ့ မီးညှိဘို့ မီးခြစ်သာ အဆင်သင့်ပြင်ထားကြ .. ငါလာခဲ့မယ်.. ဒီတချီတော့ တစ္ဆေ သရဲ ယုံတဲ့ မင်းတို့တတွေကို ငါ ကျွတ်အောင် ချွတ်ပြမယ်...

ထိုနေ့ညဦးစောစောကပင် ကြွက်ကဒိုး၊ ဖိုးနီ၊ မောင်ညာ ၊ မောင်ညို နှင့် ရန်ဒါး တို့သည် ဒီပင်္ကရာကျောင်းတိုက်အနီးမှ ကုန်စုံဆိုင်ဖြစ်သော ကြတ်တန်ဘိ ခေါ် ကိုမောင်ကလေး၏ ကုန်မျိုးစုံဆိုင်မှ ဦးဖာသက်စေ့ ဖယောင်းတိုင်(၆၄)တိုင်နှင့် မီးထွန်းညှိရန် မီးခြစ်တို့ကို အဆင်သင့်ဝယ်ယူထားပြီး အဆိုပါ တံတားထိပ်မှ စောင့်ဆိုင်းလျက်နေကြလေသည်..

ည(၁၀)နာရီထိုးရန် ၁၅ မိနစ်အလိုတွင် ကိုအောင်ဆန်း ရောက်၍ လာပါချေပြီ ...ည(၁၀)နာရီ သံချောင်းခေါက်သည်နှင့် တပြိုင်နက် ကိုအောင်ဆန်းသည် ကတိအတိုင်း ဖခင်၏ သက်စေ့ဖယောင်းတိုင် (၆၄)တိုင် နှင့် မီးခြစ်တို့ကို ယူဆောင်ကာ နတ်မောက်မြို့ အနောက်ဖက်ရှိ သုဿာန်သို့ တယောက်တည်း ချက်ခြင်း ထွက်သွားလေသည်.. ကိုအောင်ဆန်းသည် ဥပါဒါန်လည်းမကပ် စိုးစဉ်းမျှလည်း တုန်လှုပ်ခြောက်ခြားခြင်း မရှိဘဲ သုဿာန် သင်္ချိုင်းသို့သွားကာ ဖခင်ဦးဖာ၏ အုတ်ဂူပေါ်တွင် သက်စေ့ဖယောင်းတိုင်(၆၄)တိုင်ကို စိမ်ပြေ နပြေ ထွန်းညှိလေတော့သည်..

ထွန်းညှိပြီးနောက် သူငယ်ချင်းများစုဝေးရာ မြို့လယ်တံတားသို့ ပြန်ရောက်ချိန်တွင် ည(၁၁)နာရီ ထိုးသည့် သံချောင်းပင်ခေါက်လေပြီ.. ထိုအခါတွင် မှ ကျန် သူငယ်ချင်းငါးယောက်တို့သည် ကြည့်ရှု စစ်ဆေးရန် ဓါးများ၊ လှံများကို ကိုင်ဆောင်၍ သွားကြည့်ကြသည်.. ဓားလှံများ ယူဆောင်သွားရခြင်းမှာ တစ္ဆေ သရဲရှိသည်ဟု ယုံကြည်သူများဖြစ်ကြ၍ ရင်ဆိုင်တွေ့ရလျှင် ခုခံရန် ယူဆောင်သွားကြခြင်းဖြစ်သည်..

ကိုအောင်ဆန်းသည် သူငယ်ချင်းများ ပေးလိုက်သော ဖယောင်းတိုင် တစ်ခုမကျန် အကုန် ထွန်းညှိခဲ့ကြောင်းတွေ့ရပြီး မြို့လယ်တံတားသို့ ပြန်လာကြလေသည်..။

သူငယ်ချင်း ငါးယောက် ကိုအောင်ဆန်း နှင့် ပြန်လည်ဆုံတွေ့ကြသောအခါ မောင်ညာကစတင်၍..
ညာ..... မောင်ရင့် သတ္တိကျု ကိုယ်တို့တကယ် ချီးကျူးပါတယ်...မောင်ရင် ငယ်စဉ်ကနဲ့..ခုနဲ့ ..ပြဒါးတလမ်း သံတစ်လမ်းဘဲ..
ဆန်း... မင်းတို့ကို ငါပြောထားသားဘဲ.. တစ္ဆေ သရဲဆိုတာ တကယ်မဟုတ် လံကြုတ်တွေရဲ့ လုပ်ဇာတ်ပါလို့...

ညာ..... မောင်ရင် လက်တွေ့ ပြပေလို့ ..တို့တွေလဲ အမှန်ကို လက်တွေ့သိရပြီ.မောင်မင်းကြီးသား ရန်ကုန်ပြန်တဲ့အခါ ပထမတန်းလက်မှတ်ကိုသာ မကပဲ ပါသမျှ အထုပ်အပိုးတွေကိုပါ ကိုယ်တို့တတွေ ထမ်းပြီ ရထားပေါ်တင်ပေးပါ့မယ်..

ဆန်း... ဒါတွေကို အသာထားစမ်းပါမောင်ညာ ..ရှင်းရှင်းပြောရရင် မင်းတို့ အယူမှားတွေကို ဒီတချီ ငါ အကျွတ်ချွတ်လိုက်ရလို့ ကျေနပ်တယ်ကွာ...

အထက်ပါ အဖြစ်သနစ်ကို သေချာစွာ အကဲခတ်သည်ရှိသော် ကိုအောင်ဆန်းသည် ငယ်ရွယ်စဉ်က မည်မျှပင် ကြောက်တတ်သည် ဟု ဆိုစေကာမူ ကျောင်းသားဘ၀ရောက်ရှိပြီး အဆိုး အကောင်းကို အကျိုး အကြောင်းနှင့် တကွ ဆင်ခြင် စဉ်းစားလာတတ်သောအရွယ်တွင်မူကား ကြောက်မွေးဟူသမျှကို ဇာဂနာဖြင့် အပြောင်အစင် သုတ်သင် နှုတ်ပါယ်ပြစ်ကာ ရဲစိတ် ရဲမာန်တို့ တဖွားဖွား ပေါ်ပေါက်လာအောင် ပြုစုပျိုးထောင်မွေးမြူနိုင်ပြီး အမိမြန်မာနိုင်ငံကြီး သူ့ ကျွန် ဘ၀မှ လွတ်မြောက်လာသည်အထိ စွမ်းစွမ်းတမံ ခေါင်းဆောင်တိုက်ခိုက်ကာ လွတ်လပ်ရေး အောင်ပန်းကို ဆွတ်လှမ်းပေး ခဲ့ကြောင်းကို ပြည်သူအပေါင်းတို့ အသိပင် ဖြစ်ချေသည်...။

စည်သူကျော်ထင်(အိုးဝေဂျာနယ်)
credit... တို့ဗမာအစည်းအရုံး Dobama Asiayone

ဦးကိုနီကို ပညာရှင်တစ်ဦးအဖြစ်နဲ့သာ မြင်စေလို



Ven Ravika

ဦးကိုနီ ရေးတဲ့ "ဖွဲ့စည်းပုံအခြေခံဥပဒေကို ဘယ်လိုပြင်ကြမှာလဲ"ဆိုတဲ့စာအုပ်ကို အစအဆုံး ဖတ်လိုက်တယ်။ အဲဒီလိုဖတ်နေတဲ့အချိန်မှာ မူစလင်တစ်ယောက်ရေးတဲ့စာအုပ်ဖြစ်တယ်ဆိုတာ မေ့ထားပြီး ဥပဒေပညာရှင်တစ်ဦး ရေးတဲ့ ဥပဒေအမြင်များဖြစ်တယ်လို့ ခံယူခဲ့ပါတယ်။ သူ့လို မြန်မာဗုဒ္ဓဘာသာပညာတတ်တွေ အများကြီး ရှိနေမှာပါ။ ဒါပေမဲ့ ဗမာစကားကို ရှင်းအောင် သူ့လောက် မပြောနိုင်ကြပါဘူး။ ဒါမှမဟုတ် စစ်အာဏာရှင်စနစ်ကို ကြောက်လို့ မပြောဝံ့ကြတာလည်း ပါချင်ပါမယ်။ မိမိက ဦးကိုနီကို လေးစားခြင်းမှာ သူက စစ်အာဏာရှင်ကို ဥပဒေအမြင်ကနေ ပြတ်ပြတ်သားသား ဆန့်ကျင်နေတဲ့ ဥပဒေပညာရှင်တစ်ဦးအဖြစ်နဲ့သာ ဖြစ်တယ်။

ခုံရုံး ဆုံးဖြတ်မည့်ကိစ္စ လွှတ်တော်ဘက်က မှန်မည်ဟု ဒေါ်အောင်ဆန်းစုကြည်ဆို





The Voice Weekly

နိုင်ငံတော်သမ္မတနှင့် ပြည်ထောင်စု လွှတ်တော်အကြား အချင်းများနေသော ဥပဒေများကို အခြေခံဥပဒေနှင့် ညီညွတ်မှုရှိ မရှိ ဖွဲ့စည်းပုံ အခြေခံဥပဒေဆိုင်ရာ ခုံရုံးမှ အဓိပ္ပာယ် ဖွင့်ဆိုပါက လွှတ်တော်ဘက်က မှန်မည်ဟု အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်က ပြောကြားသည်။
“လွှတ်တော်ဘက်က မှန်မယ်လို့ ထင်ပါတယ်” ဟု ၎င်းကဆိုသည်။

နိုင်ငံတော်သမ္မတ လက်မှတ် ရေးထိုးပြီးဖြစ်သော ဥပဒေနှင့် လက်မှတ် ရေးထိုးခြင်းမရှိဘဲ အတည်ဖြစ်နေသော ဥပဒေ ရှစ်ခုတွင် အခြေခံဥပဒေနှင့် မညီသော အချက်များ ပါရှိနေသောကြောင့် အခြေခံဥပဒေနှင့် ညီညွတ်မှုရှိ မရှိ ဖွဲ့စည်းပုံ အခြေခံဥပဒေဆိုင်ရာ ခုံရုံးကို အဓိပ္ပာယ် ဖွင့်ဆိုစေမည် ဖြစ်ကြောင်း သတင်းထုတ်ပြန်ရေး အဖွဲ့က ဇန်နဝါရီ ၂၇ ရက်တွင် ထုတ်ပြန်ထားသည်။

အခြေခံဥပဒေ၏ အဓိပ္ပာယ် ဖွင့်ဆိုမှုသည် ခုံရုံးအပေါ်တွင် မူတည်နေသော်လည်း လွှတ်တော်၏ သြဇာလွှမ်းမိုးမှုကို သံသယ ဖြစ်လာနိုင်စရာ အကြောင်းရှိပြီး ၎င်းတို့၏ ဆုံးဖြတ်ချက်သည် နိုင်ငံတော်၏ တရားစီရင်ထုံး ဖြစ်နေသောကြောင့် သမိုင်းတွင်မည့်ကိစ္စ ဖြစ်ကြောင်း နိုင်ငံတော်သမ္မတရုံးမှ တာဝန်ရှိသူတစ်ဦးက ပြောကြားသည်။
“ခုံရုံးအဖွဲ့ဝင်တွေရဲ့ သုံးပုံနှစ်ပုံက လွှတ်တော်က ခန့်ထားတာ ဖြစ်နေတယ်။ အမှီအခို ကင်းကင်းနဲ့ မှန်မှန်ကန်ကန် အဓိပ္ပာယ် ဖွင့်ဆိုနိုင်ခြင်းရှိ မရှိဆိုတာ မသိသေးဘူး” ဟု ၎င်းကဆိုသည်။

၂၀၁၂ ခုနှစ်အတွင်း ဖွဲ့စည်းပုံ အခြေခံဥပဒေဆိုင်ရာ ခုံရုံးအဖွဲ့ဝင်ဟောင်း များကို စွပ်စွဲပြစ်တင်၍ ရာထူးမှ နုတ်ထွက်စေခြင်းသည် ခုံရုံး၏ လုပ်ပိုင်ခွင့်ကို လွှတ်တော်မှ ကျော်လွန်ရာ ရောက်ကြောင်း ၎င်းကပြောဆိုသည်။

နိုင်ငံတော်သမ္မတရုံး အနေနှင့် ဥပဒေရှစ်ခုကို ခုံရုံးသို့ပေးပို့ရန် ရက်အတိအကျ သတ်မှတ်ထားမှု မရှိသေးသော်လည်း သတင်းထုတ်ပြန်ထားသည့် အတိုင်း ဆက်လက် လုပ်ဆောင်သွားမည် ဖြစ်ကြောင်း ၎င်းကထပ်လောင်း ပြောဆိုသည်။

ယင်းကိစ္စနှင့် ပတ်သက်၍ လွှတ်တော် ကိုယ်စားလှယ်များကို မေးမြန်းရာတွင် ခုံရုံး၏ အဓိပ္ပာယ် ထွက်ဆိုမှု မရှိသေးသည့် အချိန်တွင် လွှတ်တော်ဘက်မှ ကိုယ်စားပြု၍ ဖြေဆိုရန် မဖြစ်နိုင်သေးကြောင်း ပြည်သူ့လွှတ်တော် ကိုယ်စားလှယ် သူရဦးအောင်ကို (တရားစီရင်ရေးနှင့် ဥပဒေရေးရာ ကော်မတီ ဥက္ကဋ္ဌ) အပါအဝင် လွှတ်တော် ကိုယ်စားလှယ်များက ပြောကြားသည်။

ပုဂ္ဂလိက အမည်ခံကာ အစိုးရပိုင်အဖြစ်မှ ကိုယ်ပိုင်အဖြစ်သို့ ပြောင်းလဲ



Burmar Pyi Thar
အခုတလော မြန်မာပြည် စီးပွားရေးလောကမှာ သိပ်ခေတ်စားနေတဲ့ အစိုးရ စီးပွားရေးလုပ်ငန်းများအား ပုဂ္ဂလိကပိုင် လုပ်ငန်းအဖြစ် လွှဲပြောင်းလုပ်ကိုင်ခွင့် ပေးနေတယ်ဆိုတာကြားလို့တော့ အကောင်းသားဗျ ပြောရလျှင် ပုဂ္ဂလိက အမည်ခံကာ အစိုးရပိုင်အဖြစ်မှ ကိုယ်ပိုင်အဖြစ်သို့ ပြောင်းလဲနေခြင်းပါ
ဥပမာ - ဦးတေဇရဲ့ Air Bagan လေကြောင်းပို့ဆောင်ရေးတဲ့၊ ဒါပေမဲ့ Air Bagan ရဲ့ လေယာဉ် တဝက်ကျော်ကျော်လောက်ကို ဦးသန်းရွှေသမီးက ပိုင်ဆိုင်တယ်။ ဦးတေဇက တရားဝင် လုပ်ငန်းရှင်သာ ဖြစ်တယ်။ အခွန်ဆောင်တယ်။ ဝင်ငွေအားလုံး ငွေဖြူဖြစ်တယ်။ အကြောင်းတစုံတရာကြောင့် ဦးသန်းရွှေကို အဂတိလိုက်စားမှုနဲ့ တရားစွဲ၊ လူကိုသာ ထောင်ထဲ ပို့လို့ရမယ်။ ဦးတေဇ၏ Air Bagan ကိုတော့ ထိမ်းလို့ မရ။ အားလုံးက တရားဝင် လည်ပတ်နေတဲ့လုပ်ငန်း ဖြစ်နေတာကိုး။ မပိုင်ဘူးလား။

ပုဂ္ဂလိကပိုင် လုပ်ငန်းလို့ ကြားရတာနဲ့တင် နားအရသာ ရှိလှပေတယ်။ ကိုယ်မပိုင်ရင်နေ၊ ပုဂ္ဂလိကပိုင်ဆိုတဲ့ စကားလုံးကတင် ကိုယ့်ကို ကိုယ်စားပြုသလို ခံစားရတယ်လေ
တကယ်လည်း ပုဂ္ဂလိကပိုင် လုပ်ငန်းများ တွင်ကျယ်လာမှုက နိုင်ငံတစ်ခု တိုးတက်မှုရဲ့ အဓိက ရေသောက်မြစ်ဘဲ ဖြစ်ပါတယ်။ ဒါကြောင့် ကြိုဆိုပါတယ်၊ အားပေးပါတယ်၊ သို့ရာတွင်ပေါ့လေ။ ပုဂ္ဂလိကဘဏ်များ ဖွင့်လှစ်ခွင့် ပေးတော့မယ်လို့ ကြေငြာလို့မှ မဆုံးသေး၊ လျာထားချက် ပြည့်သွားပြီ။ အစိုးရ စက်သုံးဆီဆိုင်များ ပုဂ္ဂလိကသို့ လွှဲပြောင်းပေးတော့မည်၊ ကြေငြာလို့မှ မပြီးသေး၊ ချထားခွင့် ပြည့်သွားပြီ
လက်မြန်ခြေမြန်နဲ့ ဘယ်သူတွေကများ လက်ဦးမှု ယူသွားကြပါလိမ့်၊ ရှည်ရှည်ဝေးဝေး စဉ်းစား မနေပါနဲ့၊ ယခု မြန်မာပြည်မှာ ကျင်းပနေတဲ့ Myanmar National League ဘောလုံးပြိုင်ပွဲက အသင်းပိုင်ရှင်များလို့သာ မှတ်လိုက်ပါတော့။

ဟိတ်တစ်လုံး ဟန်တစ်လုံးနဲ့ ချချပေးနေတဲ့ ပုဂ္ဂလိကလုပ်ငန်းတွေဟာ အဲဒီ ၁၀ ဦးမျှလောက်သော သူဌေးကြီးများကသာ ပြိုင်ဘက်မရှိ အညီအမျှ ခွဲဝေယူနေကြတာ ဖြစ်ပေတော့တယ်။
ကျွန်တော်ပြောတာကို မယုံရင် ကိုယ်တိုင် လေ့လာကြည့်ပါ။ ယခု မြန်မာပြည်က အလွန်ကြီးမားတဲ့ စီးပွားရေးလုပ်ငန်း တစ်ခုရဲ့ ပိုင်ရှင်၊ မြန်မာပြည်ရဲ့ အကြီးဆုံး စားသောက်ကုန် လုပ်ငန်းပိုင်ရှင်၊ မြန်မာပြည်ရဲ့ သွင်းကုန်ထုတ်ကုန် လုပ်ငန်းပိုင်ရှင်၊ ဘယ်သူတွေများပါလိမ့်လို့ ရှည်ရှည်ဝေးဝေး သိပ်ပြီး အတွေးခေါင် မနေပါနဲ့၊ Myanmar National League မှာ အားလုံး တစ်စုတစ်စည်းထဲ တွေ့နိုင်ပါလိမ့်မယ်။
လူဦးရေ သန်း ၆၀ လောက်ရှိတဲ့ မြန်မာပြည်ကြီးမှာ ဒီ ၁၀ ဦးလောက်ကဘဲ ပုဂ္ဂလိက ဖြစ်နေတာကတော့ မနိပ်လှဘူးဗျို့။

စီးပွားရေးသမားမို့ လာဘ်မြင်တာမျိုး မဟုတ်ဘဲ နောက်ဖေးလမ်း လာဘ်မြင်သလိုမျိုးကြီးဗျ။ သူတို့ဟာက ရန်ကုန်ဘူတာကြီးမှာ လက်မှတ် ရောင်းသလိုမျိုး ဖြစ်နေတယ်။ လက်မှတ်ရောင်းချိန်က နံနက် ၇:၀၀ နာရီတဲ့၊ ဒါပေမဲ့ ၇:၀၀ နာရီက မထိုးသေးဘူး “ကုန်ပြီ” ဆိုတဲ့ စာတမ်းက အစီအရီ ဘယ်အချိန် ဘယ်လို ကုန်အောင် ရောင်းလိုက်သည်မသိ။ အဘယ်မျှ မျက်စိရှင်အောင် ထားထား၊

ဒါက ရှင်းပါတယ်။ “ခေတ်သစ် အာဏာရှင် စည်းစိမ်ဖွက်နည်း” ဖြစ်ပါတယ်။ ယခင်ခေတ်ကာလက အာဏာရှင်များဟာ သူတို့ မတရားယူထားတဲ့ စည်းစိမ်ငွေမဲတွေကို ဆွစ်ဇာလန်နိုင်ငံ ဘဏ်သို့ အပ်မယ်။ နိုင်ငံတကာမှာ အိမ်တွေ၊ ခြံတွေ ဝယ်မယ်။ အဲ့ဒီလိုနည်းနဲ့ စည်းစိမ်ဖွက်ကြတယ်။

အခု စစ်အာဏာရှင်တွေကတော့ ဒီလိုနည်းနဲ့ စည်းစိမ်မဖွက်ကြတော့။ ထိုနည်းများက ဦးနေဝင်း လုပ်ခဲ့တဲ့နည်းတွေ။ စိတ်မချရတော့။ ပြန်လည် သိမ်းဆည်းခံရနိုင်တယ်။ ယခုကြည့်ပါ၊ အီဂျစ်သမ္မတဟောင်း မူဘာရက်၏ ပိုင်ဆိုင်မှုများကို ဆွစ်ဇာလန်နိုင်ငံက ထိမ်းချုပ်လိုက်ပြီ ဖြစ်ပါတယ်။ အခုနောက်ဆုံးပေါ် စည်းစိမ်ဖွက်နည်းကတော့ ငွေကို အရှင်ထားခြင်း ဖြစ်တယ်။

အလားတူ မြန်မာပြည်ရဲ့ ဝဏ္ဏစည်သူ အနာထပိန် ဘာဘွဲ့ရ ညာဘွဲ့ရ သူဌေးတိုင်းရဲ့ လုပ်ငန်းတိုင်းမှာ မြန်မာပြည်ရဲ့ စစ်ဗိုလ်ချုပ်သမီးတွေ ရှယ်ယာ ပါပြီးသား။ ဤသို့ ဤပုံ မြန်မာစစ်ဗိုလ်ချုပ်များက ကွက်ကျော်မြင် ဂွင်ကျော် ရိုက်ထားတတ်ကြတယ်။ ပုဂ္ဂလိက ခေါင်းစဉ်တပ်လိုက်၊ သူတို့က ယူလိုက်နဲ့ မြန်မာပြည်ကို အိမ်တိုင်ပါ ချွတ်ရောင်းတဲ့ပုံ ပေါက်နေကြတယ်။ ပိုပြီး စိုးရိမ်စရာ ကောင်းတာက အခြေအနေ အပြောင်းအလဲကြောင့် စစ်အစိုးရ ပြုတ်ကျလျှင်တောင်မှ ပြည်သူတွေနဲ့ဆိုင်တဲ့ နိုင်ငံပိုင် စီးပွားရေးလုပ်ငန်းများ မရှိတော့တဲ့ အခြေအနေပင်။

အလွန်တရာ ကလိန်စေ့ ငြမ်းဆင်နိုင်သော လှည့်ကွက်ပင် ဖြစ်ပါတယ်။။ သူတို့ ပြုတ်ကျခဲ့ရင်တောင်မှ မြန်မာပြည်အား အခွံဘဲ ချန်ခဲ့မယ်ဆိုတဲ့ ဘယ်သူသေသေ ငတေမာပြီးရော ဆိုသည့် စိတ်ဓါတ်မျိုးဘဲ ဖြစ်ပါတယ်။

ထိုသို့ (၁၀) ဦးသော ပုဂ္ဂိုလ်ကြီးများမှာ တေဇ၊ ဇော်ဇော်၊ ထွန်းမြင့်နိုင်၊ အောင်ကိုဝင်း၊ စိုင်းစံထွန်း၊ ချစ်ခိုင်၊ ဌေးမြင့်၊ ဝင်းမြင့်၊ ခင်ရွှေ၊ မောင်ဝိတ်လို့ ခန့်မှန်းရပြီး သူတို့ရဲ့ ပုဂ္ဂလိက လုပ်ငန်းကြီးများ မြန်မာပြည်မှာ ကြီးထွားလာတာနဲ့အမျှ အကျိုးဆက်က မတွေးရဲလောက်အောင် ဖြစ်ပါတယ်။ ပုဂ္ဂလိက လုပ်ငန်း ဖြစ်သည့်အတွက် ဈေးကစားတာတွေ ကြုံရမယ်။ မကျေနပ်လို့ ပုဂ္ဂလိကလုပ်ငန်းက ဈေး (၁၀) ဆ တက်စေဦးတော့ ဘာမျှ ပြောမရ။ အစိုးရပိုင်လုပ်ငန်းက ဈေးတက်သွားပြီဆိုရင် ဆူပူမှုတွေ ဖြစ်သွားနိုင်တယ်။

ထိန်းထိန်းညှိညှိ လုပ်ရတဲ့ သဘာဝရှိတယ်။ အဲဒီလို ခြားနားချက်များကြားမှာ (၁၀) ဦးပိုင် ပုဂ္ဂလိကလုပ်ငန်းကြီးတွေ တွင်ကျယ်သွားရင်ဖြင့် မြန်မာပြည်သူတွေ အငတ်ဘေး ဆိုက်သွားနိုင်ချေရှိတယ
သူတို့ သူဌေး (၁၀) ဦးလောက်က ကြွယ်ဝပြီးရင်း ကြွယ်ဝ၊ ချမ်းသာပြီးရင်း ချမ်းသာပါ
အချုပ်ဆိုရရင် စစ်အာဏာရှင်တွေ အနေနဲ့ လူကြားကောင်းအောင် ပုဂ္ဂလိက ချပေးနေတယ်ဆိုတာကို သွားမယုံလိုက်ပါနဲ့။ အမှန်မှာတော့ ပုဂ္ဂလိက ချပေးနေခြင်း မဟုတ်ပါ။ နီးစပ်ရာကို အကျိုးတူ လုပ်ပိုင်ခွင့်များ ချပေးနေခြင်းသာ ဖြစ်ပါတယ်။
စစ်အစိုးရ အနေနဲ့ နိုင်ငံပိုင် စီးပွားရေးလုပ်ငန်းများကို အဂတိ လိုက်စားနေရတာကို ကျောမလုံပါ။ ဒါ့ကြောင့် စစ်ဗိုလ်ချုပ်သား/သမီးတွေ ရှယ်ယာပါတဲ့ ကုမ္ပဏီများ၊ နိုင်ငံပိုင်လုပ်ငန်းများကို ပုဂ္ဂလိကနာမည် တပ်ပေးလိုက်တဲ့အတွက် လွတ်လွတ်လပ်လပ်ကို စားချင်တိုင်း စားလို့ ရသွားလေတော့တယ်။
နောက်ဆုံးပေါ် လူလည်ကျနည်း ဖြစ်ပါတယ်။ အလျဉ်းသင့်ရင်လည်း အချိန်နဲ့တပြေးညီ ဖေါ်ကောင် လုပ်ပေးပါဦးမယ်ဲ

၅၉(စ) မပြင်ဖို့ နေမျိုးဝေက ဦးဆောင် ဟောပြောမယ်


ထန်းသီးကျွေခိုက်ကျီးနင်းခိုက်ပါကွာ လန့်မနေနဲ့ ငါ့ညီတွေ ပြောစေချင်လို့ လုပ်ပေးရတာ ငါမပြောလည်း
 မင်းတို့အမေ ဘာမှဖြစ်မလာဘူး ဟိုလူတွေပြင်ပေးပါလိမ့်မယ်အားကြီးကြီး

ပုံ
နေမျိုးဝေ
ဥက္ကဌ
မတူကွဲပြားခြင်း နှင့် ငြိမ်းချမ်းရေးပါတီ

==================================

 ဘာသာမဲ့ လို့ ကြွေးကြော်ထားသူကအမျိုးဘာသာသာသနာဆိုင်ရာ ဟောပြောပွဲကို  ဟောပြောမည်

ဦး နေမျိုးဝေ ......

ခင်ဗျား ...ဘာသာမဲ့ ....လို့ .....

ဘယ်အချိန်...ဘယ်ကာလ.....ဘယ် ..နေရာမှာ .... ပြောခဲ့သလဲ ....... ပြန် သတိရပါ ...။


ဆရာတော် အရှင်သူမြတ်တို့ဘုရား ...။

၂၀၁၅ မှာ သမ္မတဖြစ်လို့ ဒေါ်စုကြောင့် အမျိုးဘာသာ သာသနာ တကယ်ညိုးနွမ်းမယ်ဆိုရင် ..တပည့်တော်တို့ ကိုယ်တိုင် ဦးဆောင် ဖြုတ်ချပါ့မယ် အရှင်ဘုရား..။
သူ့သက်တမ်းက ငါးနှစ်ထည်းပါ...။

တိုင်းပြည်ကို စုတ်ပြတ်သတ်အောင်ဖန်တီးပြီး သာသနာကို သေနတ်နဲ့ချိန်ပြီး စောင့်ရှောက်ခဲ့သူကြီးရဲ့ မွေးနေ့မှာ
အမျိုးသာသာ သာသနာ အကြောင်းပြပြီး အဲဒီ လူကြီးပြဌာန်းခဲ့တဲ့ .. ဒီပုဒ်မကို ခိုင်မာအောင် ကြိုးစားမယ့် နိုင်ငံရေး သတ်ကွက်ကိုတော့ တပည့်တော်တို့ လက်မခံပါဘူး ဘုရား ..။

(ငရဲသား)

====================================

Nik Nayman

အာဏာရှင်စနစ် သက်တမ်းရှည်စေမည့် လုပ်ရပ်မှန်သမျှ ဆန့် ကျင်ကြ။

အာဏာရှင်စနစ် သက်တမ်းရှည်စေမယ့် ဖွဲ့ စည်းပုံအခြေခံဥပဒေ ပုဒ်မ (၅၉) အား ထောက်ခံခြင်း ပြုလုပ်မည့် အစီအစဉ်အား အာဏာရှင်လက်ပါးစေများမှ အကွက်ချ စည်းရုံးဆောင်ရွက်ခြင်းအား လုံးဝ ကန့် ကွက်လိုက်သည်။

မြန်မာပြည်သူလူထုအနေဖြင့် ဖေဖေါ်ဝါရီလ (၂) ရက်နေ့  (အာဏာရူး သန်းရွှေ၏ မွေးနေ့ ရက်တွင်မှ တမင်သက်သက် စီစဉ်သည့်) အဆိုပါ အာဏာရူးတို့ ၏ ဖွဲ့ စည်းပုံအခြေခံဥပဒေ ပုဒ်မ (၅၉) ထောက်ခံဆန္ဒထုတ်ဖေါ်ပွဲအား ဆန့် ကျင်ကြပါရန် တိုက်တွန်းအပ်ပါသည်။

နေစရာအိမ်မရှိသူများနှင့် သွားစရာနေရာမရှိတော့သည့် လူဦးရေတစ်ရာကျော်



ဓာတ်ပုံ- ကျော်ဇင်သန်း
-------------
ရေးသားသူ- ငြိမ်းချမ်း
7Day

နေစရာမရှိ အနာဂတ်မရှိ

နေစရာအိမ်မရှိသူများနှင့် သွားစရာနေရာမရှိတော့သည့် လူဦးရေတစ်ရာကျော်သည် ချောင်းပတ်လမ်းရှိ ကွန်ကရစ်လမ်းပေါ်တွင် အသေးစားယာယီတဲများထိုးကာ နေထိုင်နေသည်။

ထိုတဲများဘေးတွင်ရှိသည့် စွန့်ပစ်အမှိုက်ပုံများပေါ်တွင် ကလေးငယ်များက ပျော်မြူးစွာဆော့ကစားနေပြီး လူကြီးများကတော့ အရုပ်ကြိုးပြတ်ထိုင်နေကြသည်။ ထိုမြင်ကွင်းသည် ဇန်န၀ါရီ ၂၂ ရက်က လှိုင်သာယာမြို့နယ် အမှတ် ၁၅ ရပ်ကွက် ချောင်းပတ်လမ်းဘေးရှိ ကျူးကျော်တဲတစ်ထောင်ဝန်းကျင်ကို အာဏာပိုင်များက ဖယ်ရှားပြီးနောက် ဇန်န၀ါရီ ၂၆ ရက် နံနက်ခင်းက တွေ့ခဲ့ရသည့် မြင်ကွင်းဖြစ်သည်။

“ကိုယ့်ကိုယ်ကိုယ် အဆုံးစီရင်ဖို့အထိ တွေးထားတယ်”ဟု ယခင်က လှိုင်သာယာမြို့နယ်တွင် အိမ်ငှားနေရာမှဆင်းလာပြီး ပိုက်ဆံခြောက်သောင်းအကုန်အကျခံကာ ကျူးကျော်တဲထိုးနေထိုင်ခဲ့၍ အာဏာပိုင်များ၏ ဖယ်ရှားခံရမှုကြောင့် ဆက်နေချင်စိတ်မရှိတော့သည့်အကြောင်းကို ဒေါ်အုံးရင်ကငိုရင်းပြောသည်။

၎င်းကျူးကျော်သမားများ၏ နေထိုင်ရေးသည် နည်းလမ်းကုန်နေပြီဖြစ်သည်။ မြန်မာနိုင်ငံ၏ စည်ပင်ပိုင်မြေနေရာနှင့် အိုးအိမ်ပိုင်မြေနေရာများတွင် ၎င်းတို့ကို ၀င်ရောက်နေထိုင်ခွင့်မပြု။ ရန်ကုန်မြို့၏ အိမ်ငှားသူများနှင့် အခန်းငှားသူများက ကျူးကျော်သမားများကို လုံးဝလက်မခံ။ လှိုင်သာယာမြို့နယ်ရှိ ရပ်ကွက်များကလည်း ၎င်းတို့ကို လာရောက်နေထိုင်ခြင်းမပြုလုပ်ရန် ငြင်းဆန်ထားသည်။ ၎င်းတို့လက်ရှိနေထိုင်သည့် ချောင်းပတ်လမ်းနေရာတွင်လည်း အမြန်ဆုံးဖယ်ရှားပေးရန် အာဏာပိုင်များက အမိန့်စာထုတ်ထားပြန်သည်။

ဇန်န၀ါရီ ၂၂ ရက်က တဲများဖယ်ရှားခံရမှုကြောင့် သွားစရာနေရာမရှိသည့် အိမ်ထောင်စု ၅၂ စုမှ လူဦးရေ ၁၀၉ ဦးရှိသည်။ ကလေးငယ် ၂၀ ၀န်းကျင်နှင့် နေ့စေ့လစေ့ ကိုယ်ဝန်ဆောင်လေးဦးရှိနေသည်။ တဲများဖယ်ရှားခံရမှုကြောင့် ယခုလက်ရှိ ပြောင်းရွှေ့နေထိုင်သော ချောင်းပတ်လမ်းနေရာသည် သာမန်လူတစ်နာရီထက်ပိုမနေနိုင်သော နေရာဖြစ်ပြီး အမှိုက်ပုံများ၏အနံ့ကြောင့် နံစော်နေသည်။

“ဒီနေရာလေးမှာရရင် နေချင်ပါသေးတယ်။ ကလေးတွေကလည်း ကျောင်းမပြီးသေးဘူး။ ဒီနေရာကနေ ပြောင်းပေးရမယ်ဆိုရင် ဘယ်နေရာကို ပြောင်းရမယ်မှန်းမသိသေးဘူး။ နေစရာအတွက် လမ်းဆုံးဖြစ်နေပြီ”ဟု နာဂစ်မုန်တိုင်းဒဏ် ရိုက်ခတ်ခံရပြီးနောက်တွင် ဖျာပုံမြို့နယ်၊ ကျုံးကတွတ်ကျေးရွာမှ ရန်ကုန်မြို့သို့ ပြောင်းရွှေ့လာပြီး ကျပန်းလုပ်ကိုင်နေသည့် ဒေါ်ရီဝင်းက သူကလေးငယ်များ၏ အနာဂတ်နှင့်ပတ်သက်ပြီး စိုးရိမ်ပူပန်စွာပြောသည်။

ကျူးကျော်သမားများသည် ၎င်းတို့သားသမီးများ၏ အနာဂတ်အတွက် စိတ်ပူနေပြီး လက်ရှိ ရှိနေသော ကလေးငယ် ၂၀ ထဲမှ အနာဂတ်တွင် ပညာတတ်များဖြစ်လာနိုင်သူများ ရှိနိုင်သည်ဟု ကလေးနှစ်ဦး၏ဖခင်ဖြစ်သူ ဦးတင်ဝင်းကဆိုသည်။

လှိုင်သာယာမြို့နယ်အတွင်းရှိ ကျူးကျော်တဲဝင်ရောက်ထိုးသူများကတော့ ဧရာဝတီတိုင်းဒေသကြီးမှ အများစုဖြစ်ပြီး နာဂစ်မုန်တိုင်းဒဏ်ကြောင့် ဘ၀ပျက်ကာ အလုပ်ရရှိရန်အတွက် ရန်ကုန်မြို့သို့တက်လာကြောင်း ၎င်းတို့ကဆိုသည်။ ရန်ကုန်မြို့တွင် စက်ရုံလုပ်သား၊ ပန်းရန်၊ ကျပန်း စသည့်လုပ်ငန်းများ လုပ်ကိုင်နေကြသည်။ သို့သော် ယခုအခါ စက်ရုံအလုပ်ရုံများနှင့် အခြားအလုပ်စေခိုင်းသူများက ကျူးကျော်သမားများကို အလုပ်စေခိုင်းခြင်းမရှိတော့ကြောင်း ၎င်းတို့ကဆိုသည်။

“အခုဆို ကျွန်မတို့ရဲ့သားတွေသမီးတွေကို ကျူးကျော်ဆိုပြီး ဘယ်သူမှအလုပ်မခိုင်းတော့ဘူး။ နေစရာကမရှိဘူးဆိုမှ အလုပ်ကမရှိတော့ ပိုဆိုးတာပေါ့”ဟု မိသားစုဝင်ရှစ်ဦးရှိသည့် ဒေါ်အုံးရင်က ၎င်းမိသားစု၏ လက်ကျန်တစ်ထောင်တန်တစ်ရွက်ကိုင်ကာ နေ့လယ်စာအတွက်စီစဉ်ရင်း ပြောသည်။

ကျူးကျော်တဲဆောက်လုပ်ရာတွင် တဲတစ်လုံး ကျပ်ခြောက်သောင်းဝန်းကျင်ကုန်ကျပြီး မိသားစုတွင် ရှိသမျှပိုက်ဆံဖြင့် စုဆောင်း၍ တဲဆောက်ခြင်းဖြစ်သည်။ ကျူးကျော်သမားများသည် နာမည်ပျက်နေခြင်းနှင့် မိသားစုဝင်ကလေးများနေခြင်းကြောင့် ၎င်းတို့ကို ရပ်ကွက်အတွင်း၌ အခန်းငှား၊ အိမ်ငှားခြင်းမပြုပေ။

ရန်ကုန်မြို့အတွင်း ကျူးကျော်တဲများ ၀င်ရောက်ထိုးသူများအနက် နေစရာအိမ်မရှိသည့် တဲထိုးသူများနောက်တွင် နေစရာအိမ်ရှိပြီး မြေတစ်ကွက်ရရှိရန် တဲထိုးသော အခွင့်အရေးသမားအများစု လာရောက်နေရာယူမှုကြောင့် ကျူးကျော်တဲများ များပြားလာခြင်းဖြစ်ကြောင်း ချောင်းပတ်လမ်းဘေးတွင် ယာယီတဲထိုးနေထိုင်သည့် ကျူးကျော်များကဆိုသည်။

ရန်ကုန်မြို့ လှိုင်သာယာမြို့နယ်တွင်ပင် ကျူးကျော်တဲများ ၀င်ရောက်နေရာယူသည့် နေရာ ၁၀ ခု ထက်မနည်းရှိပြီး ၎င်းတို့အားလုံးကို အကုန်ဖယ်ရှားမည်ဟု အာဏာပိုင်များက ပြောဆိုထားသည်။ ဇန်န၀ါရီ ၁၄ ရက်နှင့် ၁၅ ရက်တွင် ပန်းလှိုင်တံတားအနီးနှင့် တွံတေးမြို့သို့သွားသော လမ်းဘေးရှိ ကျူးကျော်တဲ ၅၀၀၀ ကျော်ကို အာဏာပိုင်များက စတင်ဖယ်ရှားခဲ့သည်။

ဇန်န၀ါရီ ၂၀ ရက်တွင် မန္တလေးမြို့ ဧရာဝတီမြစ်ကမ်းဘေး တောပေါင်းကျိုးအနီးရှိ ကျူးကျော်တဲ ၇၀ ကို ထပ်မံဖယ်ရှားခဲ့ပြီး ရန်ကုန်မြို့ လှိုင်သာယာမြို့နယ်ရှိ နေရာနှစ်ခုတွင် ဆက်တိုက်ဖယ်ရှားခဲ့သည်။

နိုင်ငံတော်၏ စီမံကိန်းနယ်မြေများနှင့် နီးစပ်ခြင်း၊ အာဆီယံဥက္ကဋ္ဌတာဝန်ယူနေချိန်တွင် သက်ဆိုင်ရာမြို့နယ်များ၏ မြို့အင်္ဂါရပ်နှင့်ညီစေရန်အတွက် မြန်မာနိုင်ငံ၏ အဓိကမြို့ကြီးများမှ ကျူးကျော်များကို စတင်ဖယ်ရှားရန် သက်ဆိုင်ရာဝန်ကြီးဌာနများ အပါအ၀င် ဒေသဆိုင်ရာအာဏာပိုင်များနှင့်ပူးပေါင်းပြီး အင်အားသုံးဖြေရှင်းရန် စီစဉ်နေရခြင်းဖြစ်ကြောင်း မြို့ရွာနှင့် အိုးအိမ်ဖွံ့ဖြိုးမှုဦးစီးဌာနမှ ညွှန်ကြားရေးမှူးတစ်ဦးက ဇန်န၀ါရီ ၂၂ ရက်တွင် ပြောသည်။

ကျူးကျော်များကို ဖွံ့ဖြိုးဆဲနိုင်ငံများတွင် အမျိုးအစားလေးမျိုး ခွဲခြားလေ့ရှိသည်။ ပထမအမျိုးအစားသည် အစစ်အမှန်ကျူး (Real squatter) ဖြစ်ပြီး ဒုတိယအမျိုးအစားသည် ကျူးမြေကို အရင်ရောက်ပြီး နောင်မှရောက်ရှိလာသူများကို ပြန်ငှားစားသည့် အိမ်ငှားကျူး (Landlord squatter) ဖြစ်သည်။ တတိယအမျိုးအစားမှာ စီးပွားဖြစ်ကျူး (Professional squatter) ဖြစ်ပြီး စတုတ္ထအမျိုးအစားသည် မင်းမဲ့စရိုက်ကျူး (Anarchistic squatter) ဖြစ်သည်ဟု စာရေးဆရာမြင့်မိုရ်ဆွေ ရေးသားထားသည့် စီးပွားရေးမြို့တော်လော၊ ကျူးမြို့တော်လော ဆောင်းပါးတွင် ဖော်ပြထားသည်။

ပထမအမျိုးအစားသည် မြို့ပြဒေသရှိ အလွန်ဆင်းရဲနွမ်းပါးသည့် မိသားစုများနှင့် အလုပ်အကိုင်ကို အကြောင်းပြုပြီး ကျေးလက်မှ မြို့ပြသို့ ပြောင်းရွှေ့ခိုဝင်လာသူများပါဝင်သည်။ ရန်ကုန်မြို့တွင်ရှိသော ကျူးကျော်နေထိုင်သူများမှာ ယခင်က ပထမအမျိုးအစားကျူးများသာ အများစုဖြစ်နေရာ ၂၀၁၃ နှစ်ဆန်းမှစပြီး စတုတ္ထအမျိုးအစား မင်းမဲ့စရိုက်ကျူးများ နေရာအနှံ့မှာ အလုံးအရင်းမင်းမူလာကြောင်း အဆိုပါဆောင်းပါးတွင်ဖော်ပြထားသည်။

သက်ဆိုင်ရာအာဏာပိုင်များသည် ကျူးကျော်တဲများကို ဖယ်ရှားရန်သာ ပြုလုပ်နေကြပြီး ဖယ်ရှားခံကျူးများအား ပြန်လည်နေရာချထားပေးရန်အတွက် လုပ်ဆောင်ခြင်းမျိုး မရှိသေးပေ။

ရန်ကုန်မြို့တွင် နေထိုင်စရိတ်ကြီးမားလာမှုကြောင့် အိုးမဲ့အိမ်မဲ့များအပေါ် ယနေ့အထိ နေထိုင်စရာ မပေးနိုင်သည်မှာ ပေါ်လွင်နေကြောင်း ဆောက်လုပ်ရေးဝန်ကြီးဌာန အငြိမ်းစားညွှန်ကြားရေးမှူး ဦးမြင့်စိုးကသုံးသပ်သည်။

“သူတို့ကိုနေဖို့ အစိုးရကပေးရမှာ။ ဒါဆိုရင် ဒီပြဿနာ ဖြစ်လာစရာမရှိဘူး”ဟု ဦးစိုးမြင့်ကပြောသည်။

“နေစရာမရှိတိုင်း နေလို့မရဘူး။ ဥပဒေဘောင်အတွင်းကပဲ နေရမယ်။ နေလို့မရမှန်းသိရက်နဲ့ လာနေကြတာ”ဟု လှိုင်သာယာမြို့နယ် အထွေထွေအုပ်ချုပ်ရေးမှူးဦးထိန်စိုးကပြောသည်။

“ကျူးတွေနဲ့ပတ်သက်ပြီးတင်ပြဖို့ အစီအစဉ်မရှိဘူး။ ဒီကိစ္စက သံသရာဆုံးမှာမဟုတ်ဘူး။ စီးပွားရေးသမားတွေပါနေတာ တွေ့ရတယ်။ ဒီလူတွေကို နေရာပေးရင်လည်း နောက်ထပ် ထပ်ကျူးနေဦးမှာပဲ”ဟု ကြံ့ခိုင်ရေးနှင့် ဖွံ့ဖြိုးရေးပါတီမှ လှိုင်သာယာမြို့နယ် ပြည်သူ့လွှတ်တော်ကိုယ်စားလှယ် ဦးမြ၀င်းကပြောသည်။

ဇန်န၀ါရီ ၂၂ ရက် နံနက်တွင် ၎င်း၏တဲဖယ်ရှားခံရမည်ကို ကြိုတင်သိနေသော ဒေါ်အုံးရင်သည် ထိုည လင်းအားကြီးအချိန်တွင် အာဏာပိုင်များက အင်အား ၂၀၀၀ ကျော်ဖြင့် တဲများဖျက်ဆီးသွားခဲ့သည်ကို မည်သို့မျှတားဆီးနိုင်ခြင်းမရှိဘဲ ထိုင်ကြည့်နေခဲ့ရသည့် မြင်ကွင်းကို အမြဲပြန်မြင်ယောင်နေသည်ဟု ဒေါ်အုံးရင်ကဆိုသည်။

ကျူးကျော်တဲများကို ဖယ်ရှားရုံမျှဖြင့် ကျူးကျော်ပြဿနာ အဖြေထွက်လာမည်မဟုတ်ပေ။ အိမ်ရာမဲ့ဖြစ်နေသည့်ကျူးများမှာ အခြားနေရာလွတ်များကိုရှာဖွေ၍ ဆက်လက်နေထိုင်ကြဦးမည်သာ ဖြစ်သည်။

“ဒီလိုပဲ လွတ်တဲ့နေရာတွေ လိုက်ရှာဦးမှာပဲ”ဟု ဒေါ်အုံးရင်ကပြောသည်။

လက်ရှိ အိမ်ရာမဲ့ဖြစ်နေသော ကျူးများသည် ၎င်းတို့၏ စွန့်ခွာလာသောဇာတိမြေသို့ ပြန်လည်ဝင်ရောက်ရန် ရှက်မိသည့်အတွက် ပြန်မသွားလိုကြောင်း ပြောဆိုသည်။

“ရေလုပ်ငန်းလည်း ပြန်မလုပ်ချင်တော့ဘူး။ ပြန်လုပ်ဖို့ရာလည်း နာဂစ်မှာ အကုန်ပါသွားလို့ မရှိတော့ပါဘူး”ဟု ဧရာဝတီတိုင်းမှ လာရောက်နေထိုင်သူ ဒေါ်ရီဝင်းကပြောသည်။

ပြည်ပသို့ အိမ်အကူ သွားရောက် လုပ်ကိုင်မည့်သူများတွင် ဘွဲ့ရများသာမက စာတမ်းပြုစုသူနှင့် အင်ဂျင်နီယာများလည်းပါ




Mizzima - News in Burmese

ပြည်ပသို့ အိမ်တွင်းမှုအကူအဖြစ် သွားရောက် လုပ်ကိုင်မည့်သူများတွင် ဘွဲ့ရ၊ စာတမ်းပြုစုနေသူများနှင့် အင်ဂျင်နီယာများပင် ပါဝင်နေသည်ဟု ပြည်ပအလုပ်အကိုင်ရှာဖွေရေး အေဂျင်စီအချို့မှ တာဝန်ရှိသူများ က ပြောသည်။

အိမ်အကူလုပ်ဖို့ လာတဲ့သူတွေထဲမှာ လေးတန်းကနေ ဘွဲ့ရ၊ အင်ဂျင်နီယာတွေအထိ ပါတယ်။ အင်ဂျင်နီ ယာတွေဆိုပေမယ့် ဒီမှာက မိသားစုက ဆင်းရဲတယ်။ လစာ ၈၀,၀၀၀၊ ၁၀၀,၀၀၀ နဲ့ ကုမ္ပဏီတွေမှာ မလုပ်နိုင်ဘူး။ သူတို့မိသားစုတွေကို သူ မထောက်ပံ့နိုင်ဘူး။ ဒါကြောင့် ဟိုမှာ တစ်လ လေးသိန်းလောက် ရတော့ သုံး၊ လေးနှစ် သွားပြီး အနစ်နာခံ ရှာမယ်။ ပြီးတော့မှ ပြန်လာမယ်ဆိုတဲ့ သူမျိုးတွေပေါ့”ဟု ထက် မာန် အုပ်ချုပ်မှုဒါရိုက်တာ ဦးသောင်းထူးက မဇ္ဈိမကို ပြောသည်။

လက်ရှိတွင် မြန်မာအိမ်အကူများကို စင်ကာပူနှင့် ဟောင်ကောင်တို့မှ ခေါ်ယူလိုမှု မြင့်တက်နေပြီး ဇန်န၀ါ ရီ ၂ ရက်နှင့် ၃ ရက်များကလည်း ဟောင်ကောင်မှ အိမ်အကူလုပ်သားခေါ်ယူလိုသည့် အဖွဲ့များ၊ မြန်မာ ပြည်ပအလုပ်အကိုင် ၀န်ဆောင်မှုအဖွဲ့ချုပ်နှင့် အေဂျင်စီများ တွေ့ဆုံ ဆွေးနွေးခဲ့သည်။

GOLD MINE ပြည်ပအလုပ်အကိုင်အေဂျင်စီမှ သင်တန်းအုပ်ချုပ်မှုဒါရိုက်တာ ဦးဖုန်းမြင့်က “အနိမ့်ဆုံး ပညာအရည်အချင်းအဆင့်ကို ရှစ်တန်းက စတယ်။ တချို့ဆို စာတမ်းတင်ဖို့ လုပ်ထားတဲ့ကလေးတွေပါ ပါတယ်။ အမှန်တကယ်တော့ သူတို့ကို မသွားစေချင်ပါဘူး။ ဒါပေမဲ့ သူတို့ကိုပြန်မေးကြည့်တဲ့အခါမှာ သူ တို့ ဒီမှာ နှစ်နှစ်ဆိုတဲ့အချိန်က မကြာဘူးဆိုတဲ့အတွက် အဲဒီအတွင်း သူတို့ ငွေရှာချင်တယ်။ ပြီးတော့မှ ပြန်လာပြီး သူတို့ပညာရေးအတွက် ဆက်လုပ်မယ်လို့ ပြောကြပါတယ်”ဟု ဆိုသည်။

ဟောင်ကောင်သို့ သွားရောက် အလုပ်လုပ်ကိုင်မည့် အိမ်အကူများသည် တစ်လလျှင် အမေရိကန်ဒေါ် လာ ၅၀၀ ရရှိကြောင်းနှင့် စင်ကာပူတွင်မူ မြန်မာအိမ်အကူလုပ်သား လစာငွေ စင်ကာပူဒေါ်လာ ၃၅၀ မှ ၄၅၀ ကြား( ကျပ် ၂၈၀,၀၀၀ မှ ၃၀၀,၀၀၀) ရလေ့ရှိပြီး ဖိလစ်ပိုင်လုပ်သားများအနေဖြင့် အနိမ့်ဆုံးလစာ စင်ကာပူဒေါ်လာ ၅၀၀ ရရှိကြောင်း ပြည်ပအလုပ်အကိုင်ရှာဖွေရေး အေဂျင်စီများက ထုတ်ဖော်ပြောကြား ထားသည်။

ဟောင်ကောင်မှ မြန်မာအိမ်အကူလုပ်သားတစ်ဦးအတွက် ဟောင်ကောင်နှင့်မြန်မာအေဂျင်စီများက တစ် ဖက်လျှင် အမေရိကန်ဒေါ်လာ ၁၀၀၀ စီ ခွဲဝေရယူရန်ရှိသော်လည်း ယခင်က အေဂျင်စီအသင်းချုပ်၏ တောင်းဆိုညှိနှိုင်းမှုအရ ပြည်တွင်းအခြေစိုက် မြန်မာပြည်ပအလုပ်အကိုင်အေဂျင်စီအား အမေရိကန်ဒေါ် လာ ၁,၁၆၀ ပေးမည်ဖြစ်သည်။

ဟောင်ကောင်နိုင်ငံအနေဖြင့် အိမ်အကူလိုအပ်ချက် သုံးသိန်းခန့်ရှိလာမည်ဖြစ်သည်ဟု ဇန်န၀ါရီလ ပထ မပတ်အတွင်းက နှစ်ဖက် ညှိနှုိင်းမှုများအရ ဟောင်ကောင် အေဂျင်စီတစ်ခုက ထုတ်ဖော် ပြောဆိုထား သည်။

ထို့ပြင် စင်ကာပူနိုင်ငံမှလည်း မြန်မာအိမ်အကူလုပ်သားများ ပိုမိုခေါ်ယူရန်လိုပြီး စင်ကာပူတွင် ရောက်ရှိ နေသော မြန်မာအိမ်အကူလုပ်သားများမှာ ၂၅,၀၀၀ မှ ၃၀,၀၀၀ ခန့်ရှိနိုင်ကြောင်း စင်ကာပူရှိ အိမ်အကူ လုပ်သားအင်အား၏ ၁၆ ရာခိုင်နှုန်းခန့်ရှိကြောင်း ရွှေ့ပြောင်းလုပ်သားရေးရာ လှုပ်ရှားသည့် လူမှုအဖွဲ့အ စည်းများအချို့နှင့် Home Hunanitarian Organization for Migration Economics မှ ဒေါက်တာသိန်း သန်းဝင်းက ပြောသည်။

ဓာတ်ငွေ့ပိုက်လိုင်းကြားစခန်း မီးရှို့မှု မူးယစ်နေသော မြန်မာလုပ်သား တစ်စုကြောင့်သာဟု ကုမ္ပဏီဆို




Popular Myanmar News Journal

ရခိုင်ပြည်နယ် အမ်းမြို့နယ်ရှိ ကျောက်ဖြူ-ကူမင်း သဘာဝဓာတ်ငွေ့ ပိုက်လိုင်း၏ ကြားခံစခန်းတစ်ခု မီးရှို့ခံရ မှုမှာ တရုတ်နှင့်မြန်မာ အလုပ် သမား တို့ကြား ပဋိပက္ခဖြစ် ပွားခြင်းကြောင့် မဟုတ်ဘဲ အရက်မူးနေေ သာ မြန်မာ လုပ်သားတစ်စု၏လက်ချက်သာဖြစ် ကြောင်း ကုမ္ပဏီကဆိုသည်။

”အဓိကကတော့ သူတို့ (မြန်မာ လုပ်သား ၃ဝ ခန့်)က အဲဒီအချိန်မှာ မူးနေတာ။ ပြီးတော့ တရုတ်လုပ်သား တွေက အပေါ်ကနေ သေးပေါက်ချတာ လည်း မဟုတ်ဘူး။ လုပ်ငန်းခွင်စည်း ကမ်းအရဆို ည ၁ဝ နာရီကျော်ရင် အရက်သောက်ခွင့် မရှိတော့ဘူး။ ဘာ ပဋိပက္ခမှ မဖြစ်ဘူး။ သူတို့က မူးနေလို့ သာ ဆီပုံးတွေ မီးရှို့တော့ ဆီပုံးတွေက အဆောင်နဲ့နီးတော့ အဆောင်ပါ မီး ကူးလောင်တာ” ဟု အရှေ့တောင်အာရှ ရေနံပိုက်လိုင်းနှင့် အရှေ့တောင် အာရှ သဘာဝဓာတ်ငွေ့ ပိုက်လိုင်း (SEADP/SEAGP) မှပြောခွင့်ရ မစ္စတာကျောင် က ပြောသည်။

ဇန်နဝါရီလ ၂၇ ရက်နေ့ထုတ် သတင်းစာများက အဆောင်၏အပေါ် ထပ်နေတရုတ်လုပ်သားများက အောက် ထပ်ရှိ မြန်မာလုပ်သားများ ကို ရေဖြင့် ပက်ခဲ့ကြောင်း (အချို့သတင်းစာများက ဆီးဖြင့် ပန်းချခဲ့သည် ဟု ဖော်ပြခဲ့ကြ သည်) ထို့ကြောင့် မြန်မာလုပ်သား ၃ဝ ခန့်က အပေါ်ထပ်သို့တက်သွား၍ ရေ ဖြင့် ပက်သူကို ပြန်တောင်းပန် ခိုင်းရန် စကားပြန်မှတစ်ဆင့် ပြောဆိုခဲ့သည်ဟု ဆိုကြသည်။ သို့ရာတွင် တရုတ်လုပ်သား တို့ကတောင်းပန်ခြင်းမပြု၍ မကျေမနပ် ဖြစ်ကာအဆောင် အနီးရှိ ဆီပုံးများကို စတင်မီးရှို့ခဲ့ရာမှ အဆောင်ကိုပါ မီးကူး စက်ခဲ့ကြ သည်ဟု ဖော်ပြကြသည်။

”တရုတ်နဲ့မြန်မာလုပ်သားတွေ ကြားမှာ ဘာပဋိပက္ခမှ မဖြစ်ဘူး။ ရိုက်တာနှက်တာလည်းမရှိဘူး။ ဘယ်သူ တစ်ဦးမှလည်း ထိခိုက်ဒဏ်ရာ ရတာမရှိ ဘူး”ဟု မစ္စတာကျောင်က ပြောသည်။

ရခိုင်ပြည်နယ် အမ်းမြို့နယ်တွင် ဇန်နဝါရီလ ၂၇ ရက်နေ့ညက ဖြစ်ပွား ခဲ့သော အဆိုပါကြားခံစခန်းမီးရှို့မှု ကြောင့်ရဲတပ်ဖွဲ့က မြန်မာလုပ်သား ၁၄ ဦးကို ဖမ်းဆီး ထိန်းသိမ်းထားပြီး မြန်မာ လုပ်သားအချို့မှာ ထွက်ပြေး ပုန်းရှောင် နေသည်ဟု သိရသည်။

ပိုက်လိုင်းကုမ္ပဏီက ယခုကဲ့သို့ ပြောသော်လည်း တရုတ်လုပ်သားများ က မြန်မာလုပ်သားများအပေါ် ဖိနှိပ်မှု ကြောင့် မကျေနပ်ခြင်းမှ အစပြုသည် ဟု သတင်းစာအချို့ က ရေးသားဖော် ပြသည်။

”တရုတ်တွေက အနိုင်ကျင့်တာ များပြီလို့ဆိုတယ်။ အရင်ကလည်း အ ပေါ်ကနေ အန်ချတာတွေရှိတယ်လို့ ပြော တယ်”ဟုလုပ်သားများ ၏ ပြောဆို ချက်ကို ရခိုင်တိုင်းရင်း သားများ တိုး တက်ရေးပါတီ ဗဟိုအလုပ်အမှုဆောင် ကော်မတီဝင်ဒေါ်သွယ်သွယ်စိုးက ပြန် လည်ကိုးကားခဲ့ကြောင်းThe Voice Daily က ဖော်ပြထားသည်။

ဒီမိုကရေစီကျိန်စာ

မောင်တော ဒုချီးရားတန်းမီး ရှို့မီးဖြစ်ကြောင်း အာဏာပိုင်များပြော



(နိရဉ္စရာ- ၂၉ ဇန်န၀ါရီလ ၂၀၁၄)
ရခိုင်ပြည်နယ် မောင်တောမြို့နယ် ဒုချီးရားတန်း အနောက်ရွာတွင် ယမန်နေ့ညနေက လောင်ခဲ့သော မီးမှာ ရှို့မီး ဖြစ်ကြောင်း မောင်တောခရိုင် ကွပ်ကဲရေးမှူး ရဲမှူးကြီး ဦးတင်ကိုကိုက နိရဉ္စရာသို့ ပြောကြားသည်။

၎င်းမီးသည် ဒုချီးရားတန်း အနောက်ရွာတွင် ညနေ ၈ နာရီ ၄၅ မိနစ်တွင် လောင်ကျွမ်းခဲ့ခြင်း ဖြစ်ပြီး ညနေ ၁၀ နာရီတွင် မီးညွှန့်ကျိုးကာ ငြိမ်းသွားခဲ့သည်ဟု သိရသည်။

ယခု မီးလောင်မူမှာ ရန်ကုန်မြို့ နိုင်ငံခြားရေး ၀န်ကြီးဌာနတွင် နိုင်ငံခြားရေးဝန်ကြီးဌာနမှ ဦးဆောင်ပြီး ဇန်န၀ါရီလ ၁၃ ရက်နေ့က ဒုချီးရားတန်း (အလယ်ရွာ) တွင် ဖြစ်ပွားခဲ့သောပြဿနာနှင့် ပတ်သက်ပြီး နိုင်ငံခြား သံတမန်များနှင့် ကုလသမဂ္ဂကိုယ်စားလှယ်များအား ရှင်းလင်းပွဲ အပြီး နာရီပိုင်းအကြာတွင် ပေါ်ပေါက်ခဲ့ခြင်း ဖြစ်သည်။

မီးလောင်မူကြောင့် အိမ်ကြီး ၄လုံး အပါအ၀င် တဲသာသာသာ အိမ် ၁၂ လုံး၊ စုစုပေါင်း ၁၆ လုံး မီးထဲပါသွားခဲ့သည်။

ယခုမီးမှာ ရှို့မီးဖြစ်ကြောင်း ရဲမှူးကြီး ဦးတင်ကိုကိုက ယခုလို ပြောသည်။

“ မီးလောင်တယ်ဆိုတာက အိမ်ဘဲ လောင်ရမယ်။ အခု ခြံစည်းရိုးတွေပါ တပြိုင်တည်း လောင်တယ်။ ဒါထုံးစံမရှိဘူး။ အခု မီးလောင်တာက မြောက်ဘက် အစွန်ဆုံးအိမ်၊ အိမ်ရော၊ ခြံစည်းရိုး တပြိုင်တည်း လောင်တယ်။ ဒါ ထူးဆန်းတာ တစ်ချက်။ နောက်တစ်ချက်က မီးလောင်တဲ့ နေရာက တောင်ဘက်ကို ကိုက်၂၀၀ အကွာ ရွာအလယ်မှာ မီးထလောင်ပြန်တယ်။ အဲဒီအချိန်မှာ လေက အရှေ့ကနေတိုက်နေတယ်။ ဘယ်လိုနည်းနဲ့မှ ရွာလယ်မှာ မီးထလောင်ဖို့ မဖြစ်နိုင်ဘူး။ ဒါက ဒုတိယ တချက်။ ကျွန်တော်တို့က မီးသတ်ဖို့သွားတာ။ ခုလို ဖြစ်နေတော့ ဘယ်လိုမှ မသတ်နိုင်ဘူး” ဟု ဆိုသည်။

ယင်းပြင် မီးလောင်သော နေအိမ်များထဲတွင်လည်း ထင်းပုံများကို စုပုံ၍ တွေ့ရှိရကြောင်း၊ အခြေအနေအရပ်ရပ်ကို သုံးသပ်ပါက ရှို့မီးဖြစ်ကြောင်း ရဲမှူးကြီး ဦးတင်ကိုကိုက ပြောသည်။

ယခု အချိန်ထိ တစ်ဦးတစ်ယောက်ကိုမှ ဖမ်းဆီးခြင်း မရှိ်သေးကြောင်း၊ ရွာထဲတွင် ရွာသား တစ်ဦးမှ မရှိဘဲ အမျိုးသမီးကြီး တစ်ဦးကို တွေ့ရှိရသဖြင့် ဖမ်းထိန်းထားကြောင်း ရဲမှူးကြီးက ဆက် ပြောသည်။

( မီးလောင်မူကို ဒေသဆိုင်ရာ အာဏာပိုင်များမှ ယခုလို ရိုက်ကူး မှတ်တမ်းတင်ခဲ့သည်။)

ပုံမှန်အတိုင်း မီးလောင်ပါက အနီးအနားရှိ ဒေသခံများက ၀ိုင်းဝန်းမီးငြိမ်းသတ်လေ့ရှိပြီး ယခုမီးလောင်မူတွင် မီးလောင်နေစဉ် ရွာသား တစ်ဦးမှ မရှိဘဲ ထွက်ပြေးသွားကြသည်ကို ထောက်ရှု့ခြင်းအားဖြင့် မီးမှာ ရှို့မီးဖြစ်နိုင်ကြောင်း ပိုမို ထင်ရှားစေသည်ဟု အာဏာပိုင်များက ဆိုသည်။

မီးလောင်မူ ဖြစ်ပွားချိန်တွင် မြို့နယ် အဆင့် တာဝန်ရှိသူများ၊ မီးသတ်ဖွဲ့များ ရောက်ရှိလာပြီး မီးငြိမ်းသတ်ခဲ့ကြသည်ဟု သိရသည်။

ယခုမီးလောင်သော ဒုချီးရားတန်း အနောက်ရွာတွင် အိမ်ခြေ (၃၀) ခန့်ရှိပြီး ရဲတပ်ကြပ်ကြီး ဦးအောင်ကျော်သိန်း အသတ်ခံခဲ့ရသော ဒုချီးရားတန်း (အလယ်ရွာ)မှ ၂ ဖါလုံခန့်ဝေးကြောင်း သိရှိရသည်။

ဘင်္ဂလီရွာသားများက ကိုယ်အိမ်ကိုကိုယ် မီးရှို့ကြခြင်းဖြစ်သော်လည်း အနီးအနားရှိ ရခိုင်ရွာသားများကို မဆီမဆိုင် စွပ်စွဲလာမည်ကို ဒေသခံများက အထူးစိုးရိမ်နေကြသည်ဟု ၎င်းရွာအနီးရှိ ခရေမြိုင်ရွာသားများက ပြောဆိုသည်။

( မီးလောင်မူကို ဒေသဆိုင်ရာ အာဏာပိုင်များမှ ယခုလို ရိုက်ကူး မှတ်တမ်းတင်ခဲ့သည်။)