Thursday, February 27, 2014

ခရိုင်အဖွဲ့ချူပ်များသို့ဖြန့်ဝေရန်

သမ္မတရွေးတဲ့လာဘ်ပေးလာဘ်ယူမှုပပျောက်ရေးကော်မရှင်အဖွဲ့ဝင်၅ဦးကျမ်းလာမကြိမ်


Eleven Media Group
လာဘ်ပေးလာဘ်ယူမှုပပျောက်ရေးကော်မရှင်အဖွဲ့ဝင်များ လွှတ်တော်၌ကတိသစ္စာပြုမှုအစီအစဉ်ပျက်ပြယ်၊ သမ္မတရွေးချယ်ထားသောအဖွဲ့ဝင်ငါးဦးမလာရောက်ခဲ့

တာဝန်သိစိတ်ဖြင့် နုတ်ထွက်ခြင်း



Eleven Media Group

#emg_opinions

(Written by: သစ်ထွဋ်)

ယနေ့မြန်မာနိုင်ငံရဲ့ ပြုပြင်ပြောင်းလဲရေး ဖြစ်စဉ်မှာ နယ်ပယ်အသီးသီးမှာ မကြာခဏ ကြားနေရတဲ့ စကားတစ်ခွန်းကတော့ စိတ်နေစိတ်ထား (Mindset) တွေပြင်ဖို့ လိုတယ်ဆိုတဲ့ သတိပေးစကား ဖြစ်ပါတယ်။ စိတ်ထားတွေ ပြင်ဖို့ဆိုရာမှာ နှစ်ရှည်လများ အသားကျနေခဲ့သူတွေ အတွက်တော့ လွယ်မယောင်နဲ့ခက် တိမ်မယောင်နဲ့နက် ဖြစ်ရပါတယ်။

တာဝန်သိသိ နုတ်ထွက်ခြင်း နှစ်ပေါင်း ၅၀ ကျော် အုပ်ချုပ်သူနဲ့ အုပ်ချုပ်ခံများအကြား သဟဇာတ မဖြစ်ခဲ့မှုက ယနေ့ပြုပြင်ပြောင်းလဲရေး ဖြစ်စဉ်ကို သွားနေဆဲမှာပင် ယခင်အမူအကျင့် အချို့ကို လက်မလွှတ်နိုင်သေးတဲ့ အပြုအမူများကို အချို့က ပြုလုပ်နေဆဲ ဖြစ်ပါတယ်။ အထူးသဖြင့် အများပြည်သူများနဲ့ သက်ဆိုင်တဲ့ လုပ်ငန်းတွေမှာ ဆောင်ရွက်နေသူတွေအတွက် စိတ်နေစိတ်ထားတွေ ပြုပြင်ပြောင်းလဲဖို့ နှိုးဆော်ကြပေမယ့် မပြုပြင်သေးကြတဲ့ စိတ်ထားတစ်ခုကိုတော့ သတိပြုမိပါတယ်။

ဒီစိတ်ထားက အထူးအဆန်းတော့ မဟုတ်ပါဘူး။ ကမ္ဘာ့နိုင်ငံ အများစုက အများပြည်သူများနဲ့ သက်ဆိုင်တဲ့လုပ်ငန်းတွေ လုပ်ကိုင်နေသူတွေ လိုက်နာကျင့်သုံး ခံယူတဲ့ စိတ်ထားလေးတစ်ခုပါ။ ဒါကတော့ လုပ်ငန်းအပေါ် တာဝန်ယူမှု၊ တာဝန်ခံမှု ထားရှိခြင်းဖြစ်ပြီး အကယ်၍ မိမိရဲ့အပြုအမူ လုပ်ရပ်တစ်ခုက အများပြည်သူများအပေါ် ထိခိုက်နစ်နာမှု ရှိသွားခဲ့မယ် ဆိုပါက တာဝန်သိသိ နုတ်ထွက်ခြင်းဆိုတဲ့ စိတ်ထားလေးတစ်ခုပါ။

ယဉ်ကျေးတဲ့ လူ့အဖွဲ့အစည်း၏ လက္ခဏာ

ပြုလုပ်မိတဲ့ အမှားတွေကြောင့် တာဝန်ယူနုတ်ထွက်ကြတဲ့ သတင်းတွေဟာ ယနေ့ကမ္ဘာ့ သတင်းများမှာ မကြာခဏ ပါဝင်နေလေ့ ရှိပေမယ့် မြန်မာနိုင်ငံမှာတော့ အဆိုပါသတင်းမျိုးကို နယ်ပယ်အသီးသီးမှာ ယနေ့အချိန်အထိ မြင်ရကြားရ နည်းပါးလေ့ ရှိပါတယ်။ မှားယွင်းသော စီမံခန့်ခွဲမှု သို့မဟုတ် စကားကျွံမှုများကြောင့် ရာထူးမှ နုတ်ထွက်ခဲ့ရတဲ့ ဖြစ်ရပ်တွေဟာ နိုင်ငံတွေရဲ့ အုပ်ချုပ်သူ အစိုးရအဖွဲ့ဝင်များ အပါအ၀င် စီးပွားရေး အဖွဲ့အစည်းများ၊ လူမှုရေး အဖွဲ့အစည်းများ အစရှိတဲ့ နယ်ပယ်အသီးသီးမှာ ဖြစ်လေ့ဖြစ်ထရှိတဲ့ ဖြစ်ရပ်တွေလို့ ဆိုနိုင်ပါတယ်။ -

အမှားတွေအပေါ် တာဝန်ရှိသူတွေက တာဝန်ယူ နုတ်ထွက်မှုတွေကြောင့်လည်း အဆိုပါ အဖွဲ့အစည်းများအပေါ် အများပြည်သူများရဲ့ ယုံကြည်ကိုးစားမှုများ ပိုမိုတိုးတက်လာကာ နောက်လူများအဖို့လည်း သတိပြု ဆင်ခြင်နိုင်စရာ ဖြစ်ရသလို အမှားပြုမိသူများ အပေါ်လည်း မျှတတဲ့ ကိုယ်ချင်းစာတရားနဲ့ ဆက်ဆံလေ့ရှိကြတဲ့ အပြုအမူကို ယဉ်ကျေးတဲ့ လူ့အဖွဲ့အစည်းရဲ့ လက္ခဏာဆိုတာ လက်ခံကြရမှာ ဖြစ်ပါတယ်။

တာဝန်ယူသူများ

တာဝန်ယူနုတ်ထွက်မှုများနဲ့ ပတ်သက်ပြီး ဂျပန်နိုင်ငံမှာ ၂၀၁၁ ခုနှစ်အတွင်းက ဖြစ်ပွားခဲ့တဲ့ အင်အားပြင်း မြေငလျင်ဘေးဒဏ်ကြောင့် ဖြစ်ပေါ်လာတဲ့ ဆူနာမီကတစ်ဆင့် နျူကလီးယား ဓာတ်အားပေး စက်ရုံများကိုပါ ထိခိုက်ခဲ့မှုကို ပြန်လည်တည်ဆောက်ရေး လုပ်ငန်းများ လုပ်ဆောင်ရာတွင် အောင်မြင်မှု မရှိခဲ့ကြောင်း ဝေဖန်မှုများ ရှိလာပြီးနောက် ယင်းကာလတွင် ၀န်ကြီးချုပ်အဖြစ် တာဝန်ယူသူ နာအိုတိုကန်ကိုယ်တိုင် တာဝန်ယူနုတ်ထွက်ခဲ့ရတဲ့ အဓိက အကြောင်းအရာ ဖြစ်စေခဲ့ပါတယ်။ နာအိုတိုကန်ရဲ့ နုတ်မထွက်ခင်မှာ ငလျင်ဘေးသင့် ဒေသတွေမှာ ပြန်လည်တည်ဆောက်ရေး လုပ်ငန်းများ ဆောင်ရွက်ရာတွင် စီမံမခန့်ခွဲမှု မအောင်မြင်ခဲ့ခြင်းကြောင့် ပြန်လည်တည်ဆောက်ရေးဆိုင်ရာ ၀န်ကြီးဖြစ်သူမှာ အရင်နုတ်ထွက်ခဲ့ရတာ ဖြစ်ပါတယ်။

ယင်းကဲ့သို့ တာဝန်ယူနုတ်ထွက်မှုများ ကမ္ဘာ့စာမျက်နှာများတွင် တွေ့ရလေ့ရှိသလို အဂတိ လိုက်စားမှုများနဲ့ ပတ်သက်လာပါကလည်း နုတ်ထွက်ရသည့်အပြင် တရားစွဲဆိုခြင်းကိုလည်း ခံရလေ့ ရှိပါတယ်။ အထူးသဖြင့် စကားကျွံမှုများကြောင့် နိုင်ငံရေးနယ်ပယ်မှ နုတ်ထွက်သွားရသူများ ရှိခဲ့သလို ဘောလုံးအားကစားကဲ့သို့ နယ်ပယ်များတွင်ပင် အလွန်အကျွံ ပြောဆိုမှုများကြောင့် တောင်းပန်ရလေ့ရှိတဲ့ ဖြစ်ရပ်များကို ကမ္ဘာ့သတင်းစာမျက်နှာတွေမှာ မကြာခဏ ပါလေ့ရှိခဲ့ပါတယ်။

အာဏာကို မဖက်တွယ်ခဲ့သူ

ယင်းကဲ့သို့ အာဏာကို ဖက်တွယ်မထား တာဝန်ယူနုတ်ထွက်မှုတွေ ရှိခဲ့တဲ့နေရာမှာ အများသူငှာ မက်မောတဲ့ အာဏာကို မမက်မောဘဲ နုတ်ထွက်ဖို့ ဆန္ဒကို ထုတ်ဖော်ပြောခဲ့တဲ့သူ မြန်မာနိုင်ငံရေး ခေါင်းဆောင်ကြီတစ်ဦးကတော့ မြန်မာနိုင်ငံရဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်း ဖြစ်ပါတယ်။

အာဏာကို လက်ကိုင်ထားနိုင်မယ့် အခွင့်အရေး ရှိနေသော်လည်း အာဏာကို မဖက်တွယ်ဘဲ နိုင်ငံလွတ်လပ်ရေး ရပြီးပါက နိုင်ငံရေးနယ်ပယ်က နုတ်ထွက်ပြီး စာရေး၊ စာဖတ်လုပ်ဖို့ ဆန္ဒရှိကြောင်း ပြောကြားခဲ့သူ ဖြစ်ပါတယ်။

အာဏာနိုင်ငံရေးကို မနှစ်သက်တဲ့အတွက် နိုင်ငံရေးက နုတ်ထွက်လိုကြောင်း ဘွင်းဘွင်းပြောခဲ့သူ ဗိုလ်ချုပ်အောင်ဆန်းဟာ တကယ်ပဲ တိုင်းပြည်လွတ်လပ်ရေးရဖို့အတွက် အသက်ပေး ကြိုးပမ်းခဲ့သူ အာဇာနည်တစ်ဦးဖြစ်ပြီး တာဝန်ယူမှု အတိုင်းအတာ ကြီးမားသလို အာဏာကို တွယ်ဖက်မထားတဲ့ အလေ့အကျင့်ကိုလည်း မြန်မာနိုင်ငံသားတွေအတွက် ရှေ့ဆောင်လမ်းပြအဖြစ် လမ်းပြနိုင်ခဲ့သူ ဖြစ်ခဲ့ပါတယ်။

တကယ်တော့ အများသူငှာနဲ့ သက်ဆိုင်တဲ့ လုပ်ငန်းတစ်ခုကို ဆောင်ရွက်ရာတွင် မှားယွင်းချွတ်ချော်မှုများ ရှိလာခဲ့ပါက တာဝန်ယူမှု၊ တာဝန်ခံမှုနဲ့ မဆောင်ရွက်တဲ့ ဓလေ့ဟာ အာဏာရှင်နိုင်ငံတွေမှာသာ ကျင့်သုံးလေ့ရှိပြီး ဒီမိုကရေစီနိုင်ငံမှာတော့ တာဝန်ယူမှု၊ တာဝန်ခံမှု အလေ့အကျင့်က အသက်တမျှ အရေးကြီးတာ ဖြစ်ပါတယ်။

ယနေ့ ဒီမိုကရေစီ ပြုပြင်ပြောင်းလဲရေး လမ်းကြောင်းကို သွားနေတဲ့ မြန်မာနိုင်ငံမှာလည်း နယ်ပယ်အသီးသီးမှာ အများပြည်သူများနဲ့ သက်ဆိုင်တဲ့ လုပ်ငန်းကိစ္စရပ် တစ်ခုခုကို ဆောင်ရွက်ကြတဲ့ သူတွေဟာလည်း ရလာတဲ့ လုပ်ပိုင်ခွင့်တွေကိုသာ ဖက်တွယ်မက်မောမနေကြဘဲ မှားယွင်းမှုများ၊ လွဲချော်မှုများကို တာဝန်ခံခြင်း၊ တာဝန်ယူခြင်း အဆုံးစွန်ဆုံးအနေဖြင့် လိုအပ်ပါက နုတ်ထွက်ခြင်းဖြင့် တာဝန်ကိုသိသော၊ တာဝန်ကို ယူတတ်သော စိတ်ထားများ ထားနိုင်ကြပါစေလို့ တိုက်တွန်းလိုက်ရပါတယ်။

ဒီနေ့ကာတွန်း

သမ္မတရုံးဝန်ကြီး ဦးစိုးမောင်အား လွှတ်တော်၏ ဂုဏ်သိက္ခာကို ထောက်ထား၍ ဖြေကြားခြင်းပြုရန် လွှတ်တော်ဥက္ကဋ္ဌ သတိပေး



Eleven Media Group

လွှတ်တော်သည် ဟန်ပြရုပ်ပြ တည်ဆောက်ထားခြင်း မဟုတ်ကြောင်း၊ ထို့ကြောင့် လွှတ်တော်၏ ဂုဏ်သိက္ခာကိုထောက်ကာ မေးခွန်းများ မေးမြန်းခြင်း၊ ဖြေကြားခြင်းများ ပြုလုပ်ရန် ပြည်သူ့လွှတ်တော်ဥက္ကဋ္ဌ သူရဦးရွှေမန်းက လွှတ်တော်သို့ သတိပေး ပြောကြားသည်။

ဖေဖော်ဝါရီ ၂၆ ရက်က ပြည်သူ့လွှတ်တော် အစည်းအဝေးတွင် ဒိုက်ဦးမဲဆန္ဒနယ်မှ ဦးမင်းဆွေ၏ မေးမြန်းမှုကို သမ္မတရုံးဝန်ကြီး ဦးစိုးမောင်က ပြန်လည်ဖြေကြားပြီးနောက် ဥက္ကဋ္ဌက ထိုသို့သတိပေး ပြောကြားခဲ့ရခြင်းလည်း ဖြစ်သည်။

ဦးမင်းဆွေက မြန်မာနိုင်ငံမှ သယံဇာတများကို တစ်ဖက်နိုင်ငံသို့ တရားမ၀င် ထုတ်ယူနေမှုများအပေါ် တာဝန်မဲ့ ဆောင်ရွက်နေသည့် ၀န်ထမ်းများအား မည်ကဲ့သို့ အရေးယူမည်နှင့် ဆုံးရှုံးခဲ့သည့် နိုင်ငံသယံဇာတများနှင့် ပတ်သက်၍ ခိုးထုတ်သွားသည့် ကုမ္ပဏီများထံမှ ပြန်လည်ရရှိရေး ဆောင်ရွက်ရန် အစီအစဉ်ရှိမရှိ မေးမြန်းချက်ကို ပြန်လည်ဖြေကြားရာတွင် အဆိုပါကိစ္စအား မေးခွန်းမေးမြန်းရုံနှင့် မလုံလောက်ဘဲ ပြည်သူများ ပါဝင်ဆောင်ရွက်ရန် ကိုယ်စားလှယ်များအနေဖြင့် စည်းရုံးခြင်း၊ ပူးပေါင်းတားဆီးခြင်းနှင့် တင်ပြကာကွယ်ကြမှသာ ဖြစ်မည်ဟု ထည့်သွင်းပြောကြားသည်။

ဦးမင်းဆွေကလည်း ယင်းသို့ပြောကြားမှုကို ထပ်ဆင့်ပြန်လည်တုံ့ပြန် ပြောကြားခဲ့သည်။

ထို့ကြောင့် ပြည်သူ့လွှတ်တော်ဥက္ကဋ္ဌ သူရဦးရွှေမန်းက မေးခွန်းမေးမြန်းသည်မှာ လွှတ်တော်ဥက္ကဋ္ဌက မေးသင့်သည်ဟု ထင်မြင်သောကြောင့် ခွင့်ပြုခြင်းဖြစ်ကြောင်း၊ အစိုးရအဖွဲ့ အနေဖြင့်လည်း ဖြေနိုင်သည်ဟု အကြောင်းပြန်လာသည့်အတွက် အစီအစဉ်တွင် ထည့်သွင်းခြင်းဖြစ်ကြောင်း၊ မေးမြန်းခြင်း၊ ဖြေကြားခြင်းမှာ လွှတ်တော်ဥက္ကဋ္ဌမှတစ်ဆင့် ဆောင်ရွက်ခြင်းဖြစ်သည် ဆိုသည်ကို နားလည်ရမည်ဖြစ်ကြောင်း၊ လွှတ်တော်၏ ဂုဏ်သိက္ခာ၊ ဥက္ကဋ္ဌ၏ ဂုဏ်သိက္ခာကို နားလည်လက်ခံ ရမည်ဖြစ်ကြောင်း ပြောကြားသည်။

လွှတ်တော်ကိုယ်စားလှယ်များသည် လွှတ်တော်ကိုယ်စားလှယ်များကဲ့သို့ ကျင့်သုံးဆောင်ရွက်ရန်၊ သက်ဆိုင်ရာ တာဝန်ရှိသူများကလည်း လွှတ်တော်တွင်း၌ ဆောင်ရွက်ရမည့် ကိစ္စများကို တစ်ဖက်နှင့်တစ်ဖက် လေးစားတန်ဖိုးထား ဆောင်ရွက်ရန်လည်း ထည့်သွင်းပြောကြားသည်။

“မေးတဲ့နေရာမှာ မထီတထီ မေးသလို မထီတထီ ဖြေပြီးတော့ တစ်ဖက်ဖက်ကို ဂုဏ်သိက္ခာအားဖြင့် လည်းကောင်း၊ မထီမဲ့မြင်ဖြစ်တဲ့ အဖြစ်မျိုးတွေ မဖြစ်ဖို့ လိုပါတယ်။ ခုနကဖြေသွားတဲ့ နေရာမှာ မေးခွန်းကို မေးခွန်းလိုဖြေပြီးတဲ့ အခါမှာ နောက်ပိုင်းကိစ္စတွေက မလိုဘဲ ဆက်ပြောတဲ့ကိစ္စက တစ်ဖက်နဲ့တစ်ဖက် အထင်လွဲစရာတွေ ရှိပါတယ်။ မေးခွန်းဖြေပြီးပြီပဲ။ ကျန်တဲ့တာဝန်တွေ လုပ်စရာတွေကို ထည့်ပြီးတော့ ပြောစရာ သင့်မသင့် စဉ်းစားဖို့ လိုပါတယ်။ မေးခွန်းကို မေးခွန်းအတိုင်းပဲ ဖြေဖို့နဲ့ ရိုးသားစွာ ပွင့်လင်းစွာဖြေဖို့ပဲ လိုပါတယ်” ဟု ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားသည်။

ထို့အပြင် မေးခွန်းမေးမြန်းသူကလည်း မေးခွန်းများမှာ ပြည်သူ့အကျိုး နိုင်ငံအကျိုးအတွက်ဖြစ်ရန်၊ လိုအပ်ပါက လွှတ်တော်ကကူညီရန် လိုအပ်သည်ဆိုသည်ကို သိရှိရန် လိုအပ်ကြောင်း၊ သို့မှသာ ဒီမိုကရေစီစနစ်ကို ပိုမိုပီပြင်မည်ဖြစ်ကြောင်း ဆက်လက်ပြောကြားသည်။

လွှတ်တော်ကိုယ်စားလှယ်များ အနေဖြင့် နိုင်ငံ့အကျိုး ပြည်သူ့အကျိုးအတွက် မဟုတ်ဘဲ မတင်ပြဖို့ လိုအပ်သကဲ့သို့ ဖြေကြားသူ အုပ်ချုပ်ရေးအဖွဲ့မှ တာဝန်ရှိသူများကလည်း တာဝန်အရ ပြန်လည်ဖြေကြားရာတွင် နည်းလမ်းမှန်ကန်စွာနှင့် ပြန်လည်ဖြေကြားရန် လွှတ်တော်ဥက္ကဋ္ဌက သတိပေးပြောကြားခဲ့ပြီး မှတ်တမ်းတင်ကြောင်း ကြေညာခဲ့သည်။

သမ္မတရုံးဝန်ကြီး ဦးစိုးမောင် ပြည်သူ့လွှတ်တော်၌ လာရောက်ဖြေကြားနေသည်ကို ဖေဖော်ဝါရီ ၂၆ ရက် လွှတ်တော်အစည်းအဝေး၌ တွေ့ရစဉ်


Eleven Media Group

သစ်နှင့် သတ္တုသယံဇာတများကို တရုတ်လူမျိုးများက တရားမ၀င် ထုတ်ယူနေမှုများနှင့် ပတ်သက်၍ တရုတ်နိုင်ငံခြားရေးဝန်ကြီးဌာနသို့ တရားဝင်ကန့်ကွက်ထားကြောင်း သမ္မတရုံးဝန်ကြီး ပြောကြား

မြန်မာနိုင်ငံရှိ သစ်နှင့်သတ္တု သယံဇာတများကို တရုတ်လူမျိုးများက တရားမ၀င် ထုတ်ယူနေမှုများနှင့်ပတ်သက်၍ တရုတ်နိုင်ငံခြားရေးဝန်ကြီးဌာနသို့ တရားဝင်ကန့်ကွက်ထားပြီးဖြစ်ကြောင်း နိုင်ငံတော်သမ္မတရုံး ပြည်ထောင်စုဝန်ကြီး ဦးစိုးမောင်က ပြောကြားသည်။
ဖေဖော်ဝါရီ ၂၆ ရက်တွင် ကျင်းပသည့် ပြည်သူ့လွှတ်တော်အစည်းအဝေးတွင် ပဲခူးတိုင်းဒေသကြီး ဒိုက်ဦးမဲဆန္ဒနယ်ပြည်သူ့ လွှတ်တော်ကိုယ်စားလှယ် ဦးမင်းဆွေ မေးမြန်းသည့် “မြန်မာနိုင်ငံမှ သယံဇာတများကို တစ်ဖက်နိုင်ငံသို့ တရားမ၀င် ထုတ်ယူနေမှုများကို နိုင်ငံတော်အစိုးရမှ သိပါသလား”ဆိုသည့်မေးခွန်ကို ပြန်လည်ဖြေကြားရာတွင် ယခုကဲ့သို့ ထည့်သွင်းပြောကြားခဲ့ခြင်း ဖြစ်သည်။
ဦးစိုးမောင်က ပြောကြားရာတွင်“နိုင်ငံခြားရေးဝန်ကြီးဌာနအနေဖြင့် မြန်မာနိုင်ငံနှင့် တရုတ်နယ်စပ် ကချင်ပြည်နယ်အတွင်း မြို့နယ်များရှိ ကြိုးဝိုင်း၊ ကြိုးပြင် ကာကွယ်တောများတွင် တရားမ၀င်သစ်နှင့် သတ္တုများ ထုတ်ယူနေမှုနှင့် ပတ်သက်၍ သံတမန်နည်းလမ်းဖြင့် ဖြေရှင်းဆောင်ရွက်ခြင်း၊ ကန့်ကွက်ပြောကြားခြင်းများအပါအ၀င် နှစ်နိုင်ငံ နယ်စပ်ဆွေးနွေးပွဲများတွင် ထည့်သွင်းဆွေးနွေးခြင်းများအား ပုံမှန်ဆောင်ရွက်လျက် ရှိပါတယ်။ ငြိမ်းချမ်းရေးရယူထားတဲ့ အဖွဲ့အစည်းဝင်ပုဂ္ဂိုလ်များနှင့် သစ်တောဝန်ကြီးဌာနမှ ရရှိသောအချက်အလက်များအရ ချီဖွေမြို့နယ်နှင့် ဆော့လော်တွင် တရုတ်နိုင်ငံဘက်မှ တရုတ်လူမျိုးများ တရားမ၀င် ၀င်ရောက်လုပ်ကိုင်မှုများနှင့်ပတ်သက်ပြီး နိုင်ငံခြားရေးဝန်ကြီးဌာနအနေဖြင့် ရရှိထားသည့် ဓာတ်ပုံ၊ မြေပုံ၊ စာရွက်စာတမ်းများနှင့် တကွ တရုတ်နိုင်ငံခြားရေးဝန်ကြီးဌာနသို့ သံတမန် နည်းလမ်းများဖြင့် ဆောင်ရွက်ခဲ့ပါတယ်”ဟု ပြောကြားသည်။
ဆက်လက်၍ “နိုင်ငံခြားရေးဝန်ကြီး ဌာန၊ နိုင်ငံတကာရေးရာ ဦးစီးဌာန၊ ဒုတိယညွှန်ကြားရေးမှူးချုပ်မှ ရန်ကုန်မြို့ရှိ၊ တရုတ်နိုင်ငံသံရုံး၊ ယာယီတာဝန်ခံ မစ္စတာ ချန်ချန် အားဆင့်ခေါ်၍ ၁၃-၁၁-၂၀၁၃ ရက်တွင် တွေ့ဆုံခဲ့ပြီး တရားဝင် အသိပေးအကြောင်းကြား ကန့်ကွက်ခဲ့ပါတယ်။ ပေကျင်းမြို့၊ မြန်မာနိုင်ငံသံရုံးမှ သံမှူးကြီး ဦးစိုးဟန်သည် တရုတ်နိုင်ငံခြားရေးဝန်ကြီးဌာန၊ အာရှရေးရာဦးစီးဌာန၊ ဒုတိယညွှန်ကြားရေးမှူးချုပ် မစ္စတာပိုင်ထျန်းအား ပေကျင်းမြို့၊ နိုင်ငံခြားရေးဝန်ကြီးဌာနတွင် ၁၈ -၁၁-၂၀၁၃ ရက် တွင် တွေ့ဆုံ၍ ကန့်ကွက် ပြောကြားခဲ့ပါတယ်။ တရုတ်နိုင်ငံဘက်မှလည်း နှစ်နိုင်ငံဆက်ဆံရေးအတွက် အစဉ်ရှေးရှုပါကြောင်း သက်ဆိုင်ရာသို့ ဆက်လက်အကြောင်းကြားမည် ဖြစ်ကြောင်းနှင့် အခြားသိရှိရသည့် အချက်အလက်များရှိပါက ထပ်မံဆက်သွယ် ပြောကြားစေလိုကြောင်း ပြန်လည်ဖြေကြားခဲ့ပါတယ်”ဟု ဦးစိုးမောင်က ပြောကြားသည်။
လမ်းပန်းဆက်သွယ်ရေး ခက်ခဲသော နေရာဒေသများနှင့် ငြိမ်းချမ်းရေးရယူရန် ဆောင်ရွက်နေဆဲ နေရာဒေသများတွင် နိုင်ငံတော်၏ သယံဇာတများကို တရားမ၀င်ခိုးထုတ်ရောင်းချမှုများရှိသဖြင့် ဥပဒေနှင့်အညီ အရေးယူဆောင်ရွက်နေဆဲ ဖြစ်သည်ဟုလည်း ထည့်သွင်းပြောကြားသည်။

ကချင်ပြည်နယ် ရေခူးမန်ခံကျေးရွာမှ တရုတ်နိုင်ငံသို့ တစ်နိုင်တစ်ပိုင် သစ်တင်ပို့နေသူများကို တွေ့ရစဉ်

သူမလုပ်ရင်ဘယ်သူလုပ်လဲ...



DVB TV News

အမျိုးဘာသာ သာသနာ စောင့်ရှောက်ရေးအဖွဲ့ ဥက္ကဋ္ဌ နိုင်ငံတော်သြ၀ါဒစရိယ ဘဒန္ဒ တိလောကာ ဘိဝံသ လက်မှတ်ထိုး ပေးပို့ထားတဲ့ ဥပဒေ ၄ရပ်ကို ဥပဒေ ပြဌာန်းပေးဖို့ ဖေဖော်ဝါရီ ၂၅ ရက် ရက်စွဲနဲ့ သမ္မတက ပြည်ထောင်စုလွှတ်တော်ထံ ပေးပို့တာပါ။ ဒီဥပဒေတွေက ကိုးကွယ်ရာ ဘာသာ ကူးပြောင်းခြင်းဆိုင်ရာ ဥပဒေ၊ လက်ထက်ထိမ်းမြားခြင်းဆိုင်ရာ ဥပဒေ၊ တလင်တမယားစနစ် ကျင့်သုံးခြင်းဆိုင်ရာ ဥပဒေနဲ့ လူဦးရေတိုးပွားနှုန်း ထိန်းညှိခြင်းဆိုင်ရာ ဥပဒေတွေ ဖြစ်ပါတယ်။
အမျိုးစောင့်ဥပဒေတွေ ပြဌာန်းနိုင်ရေးအတွက် သက်ဆိုင်ရာ ၀န်ကြီးဌာနတွေက တဆင့် ဥပဒေကြမ်း တင်ပြဆောင်ရွက်သွားဖို့ ပြည်ထောင်စု လွှတ်တော်နာယက က ပြောကြားလိုက်ပါတယ်။
ဖေဖော်ဝါရီလ ၂၇ ရက်နေ့ ကျင်းပတဲ့ ပြည်ထောင်စုလွှတ်တော်မှာ သမ္မတ ပေးပို့လာတဲ့ အမျိုးဘာသာ သာသနာဆိုင်ရာ ဥပဒေ ၄ ရပ် ပြဌာန်းရေးကိစ္စနဲ့ ပတ်သက်ပြီး ပြည်ထောင်စု လွှတ်တော်နာယက သူရဦးရွှေမန်းက သမ္မတဆီ သ၀ဏ်လွှာ ပြန်လည် ပေးပို့တဲ့အထဲမှာ ပြောကြားထားတာ ဖြစ်ပါတယ်။ အမျိုးဘာသာ သာသနာ စောင့်ရှောက်ရေးအဖွဲ့ ဥက္ကဋ္ဌ နိုင်ငံတော်သြ၀ါဒစရိယ ဘဒန္ဒ တိလောကာဘိဝံသ လက်မှတ်ထိုး ပေးပို့ထားတဲ့ ဥပဒေ ၄ရပ်ကို ဥပဒေ ပြဌာန်းပေးဖို့ ဖေဖော်ဝါရီ ၂၅ ရက် ရက်စွဲနဲ့ သမ္မတက ပြည်ထောင်စုလွှတ်တော်ထံ ပေးပို့တာပါ။
ဒီဥပဒေတွေက ကိုးကွယ်ရာဘာသာ ကူးပြောင်းခြင်းဆိုင်ရာ ဥပဒေ၊ လက်ထက်ထိမ်းမြားခြင်းဆိုင်ရာ ဥပဒေ၊ တလင်တမယားစနစ် ကျင့်သုံးခြင်းဆိုင်ရာ ဥပဒေနဲ့ လူဦးရေတိုးပွားနှုန်း ထိန်းညှိခြင်းဆိုင်ရာ ဥပဒေတွေ ဖြစ်ပါတယ်။ ဒီဥပဒေတွေကို ပြဌာန်းနိုင်ဖို့ သက်ဆိုင်ရာဝန်ကြီးဌာနတွေက ဥပဒေကြမ်းရေးဆွဲဆောင်ရွက်ဖို့ လွှတ်တော် နာယက သူရဦးရွှေမန်းက ပြောကြားခဲ့တာလို့ လွှတ်တော်ကိုယ်စားလှယ် ဦးဖေသန်းက ပြောပါတယ်။

အမျိုးဘာသာသာသနာစောင့်ရှောက်ခြင်းဥပဒေပြဌာန်းပေးရေးဥပဒေမူကြမ်းတင်ပြပေးရန်ကိစ္စကို လွှတ်တော်က သမ္မတထံပြန်လွှဲ၊ သက်ဆိုင်ရာဝန်ကြီးဌာနများနှင့်ဥပဒေကြမ်းရေးဆွဲကာ အစိုးရအဖွဲ့ စိစစ်ချက်ဖြင့်ပြန်ပို့ရန်လွှတ်တော်၌ဆုံးဖြတ်


သမ္မတပေးပို့သည့် အမျိုး၊ ဘာသာ၊ သာသနာဆိုင်ရာ သဝဏ်လွှာကြောင့် အရေးပေါ် အစည်းအဝေး ကျင်းပခဲ့ရ

နေပြည်တော်၊ မဇ္ဈိမ။ ။ နိုင်ငံတော်သမ္မတက ပြည်ထောင်စုလွှတ်တော်သို့ ဖေဖော်ဝါရီလ ၂၅ ရက်စွဲဖြင့် ပေးပို့သည့် အမျိုး၊ ဘာသာ၊ သာသနာဆိုင်ရာ သဝဏ်လွှာကြောင့် အရေးပေါ် အစည်းအဝေး တစ်ရပ်ကို ကျင်းပခဲ့ရသည်ဟု ပြည်ထောင်စု လွှတ်တော် နာယက သူရဦးရွှေမန်းက ဖေဖော်ဝါရီလ ၂၇ရက်တွင် ပြောကြားသည်။
ပြည်ထောင်စုလွှတ်တော်နာယက သူရဦးရွှေမန်းက "သမ္မတရေးသားတဲ့ စာနဲ့ ပတ်သက်၍ မနက်က အရေးပေါ် အစည်းအဝေး တစ်ရပ် ပြုလုပ်ခဲ့ရပါတယ်" ဟု လွှတ်တော် အစည်းအဝေး စတင်ချိန်၌ အတည်ပြုပြောကြားသည်။
၎င်းက "အရေးပေါ်အစည်းအဝေးရဲ့ တင်ပြဆုံးဖြတ်မှုနဲ့ လွှတ်တော်ဥက္ကဋ္ဌ၊ ပြည်ထောင်စုလွှတ်တော် နာယက က နိုင်ငံတော် သမ္မတထံ တင်ပြမယ့်စာအတိုင်း စာရေးဖော်ပြပါတယ်"ဟု ဖြည့်စွက်ပြောသည်။
လွှတ်တော်အစည်းအဝေးများကို နေ့စဉ်ပုံမှန် နံနက် ၁ဝနာရီတွင် တိတိတွင် ကျင်းပသော်လည်း ယနေ့(ဖေဖော်ဝါရီ ၂၇ရက်) တွင်မူ အရေးပေါ်အစည်းအဝေးကြောင့် ၁ဝ နာရီ၊ ၄၅ မိနစ်ခန့်မှသာ ကျင်းပနိုင်ခဲ့ပြီး လွှတ်တော်တွင်း အရေးပါသည့် ဥပဒေကြမ်း၊ အဆိုများ၊ အရေးကြီးအဆိုများ တင်သွင်းရာတွင် ယခုကဲ့သို့ နောက်ကျ၍ ကျင်းပသည့် အစည်းအဝးအချို့ ရှိခဲ့သည်ဟု ကိုယ်စားလှယ်အချို့က ပြောသည်။ ယနေ့ ပြုလုပ်ခဲ့သည့် အရေးပေါ် အစည်းအဝေးသို့ အမျိုးသားဒီမိုကရေစီ အဖွဲ့ချုပ် ပါတီကမူ ဥက္ကဋ္ဌ ဒေါ်အောင်ဆန်းစုကြည် မတက်ရောက်ဘဲ အတွင်းရေးမှူး (ပြည်သူ့လွှတ်တော် တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီ) ဦးဝင်းမြင့်သာ တက်ရောက်ခဲ့သည်ဟု အမျိုးသားဒီမိုကရေစီအဖွဲ့ချုပ်ပါတီ၊ ဥတ္တရသီရိမြို့နယ်၊ ပြည်သူ့လွှတ်တော်ကိုယ်စားလှယ် ဦးမင်းသူ က ပြောသည်။
ပုသိမ်မြို့နယ်၊ ပြည်သူ့လွှတ်တော်ကိုယ်စားလှယ် ဦးဝင်းမြင့်က အစည်းအဝေးသို့တက်ရောက်ခဲ့သည်ဟု အတည်ပြုပြောကြား သော်လည်း အစည်းအဝေးတွင် မည်သည့်အကြောင်းအရာများကို အသေးစိတ်ဆွေးနွေးခဲ့သည်ကိုမူ ပြောကြားရန် ငြင်းဆိုခဲ့ သည်။
"ဆွေးနွေးတာက လွှတ်တော်ဥက္ကဋ္ဌ ရှင်းပြသွားတဲ့ အတိုင်းပါပဲ"ဟု ၎င်းက တယ်လီဖုန်းမှတစ်ဆင့်ဖြေကြားသည်။
အဆိုပါ အရေးပေါ်အစည်းအဝေးသို့ လွှတ်တော်မှ ဖွဲ့စည်းထားသည့် ကော်မတီ၊ ကော်မရှင်များမှ ဥက္ကဋ္ဌ သို့မဟုတ် အတွင်းရေးမှူး များနှင့် အရေးပါသည့် လွှတ်တော် ကိုယ်စားလှယ်များ တက်ရောက်ခဲ့ကြသည်ဟု အမည်မဖော်လိုသူ ကိုယ်စားလှယ်တစ်ဦးက အတည်ပြုပြောကြားသည်။
ယနေ့ကျင်းပသည့် ပြည်ထောင်စုလွှတ်တော် အစည်းအဝေးသို့ တက်ရောက်ခွင့်ရှိသူ ၆၄၂ ဦးအနက် ၅ဝ၁ ဦး တက်ရောက်ပြီး ၁၁ဝဦး ခွင့်ယူခဲ့သည်။

သမီးကလေးရွာက မိသားစုတွေကို မြေအစားပြန်ပေးဖို့ မရှိ



 Published on Feb 27, 2014

DVB TV - 27.02.2014 -
 သမီးလေးကျေးရွာကလူတွေကို မြေအစားပြန်ပေးဖို့ မရှိဘူးလို့  ရန်ကုန်တိုင်းဒေသကြီး အစိုးရက ပြောပါတယ်။
 ဒီသတင်းကို ဒေါ်လှလှဝင်းပေးပို့ထားပါတယ်။

ဥူးဝီရကပြောတာလား.....ဂျာနယ်တွေကပြောတာလား....

အဖွဲ့ချုပ် ဗဟို ရုံးသစ် ဆောက်လုပ်ရန်အတွက် (၅, ၁၁၅, ၅၀၀) ကို လက်ခံရရှိပြီး ဖြစ်


By ဗမာ့ သားကောင်း

ယခုချိန်အထိ စင်ကာပူနိုင်ငံရောက် စေတနာရှင်များထံမှ စုစုပေါင်း လှူဒါန်းငွေကျပ် ၅၁-သိန်းကျော် (၅, ၁၁၅, ၅၀၀) ကို လက်ခံရရှိပြီး ဖြစ်ပါသည်။ အလှူရှင်များ အားလုံးကို ကျနော်/ကျမတို့ အဖွဲ့မှ အထူးပင် ကျေးဇူးတင် ဂုဏ်ယူ ဝမ်းမြောက်မိပါသည်။

အလှူရှင်များ အနေဖြင့် Account Transfer စနစ်ဖြင့် အောက်ပါ ဘဏ်အကောင့်တ်များသို့ ပေးပို့ခြင်း။ DBS Saving 017-9-103082 ဦးတင်မောင်ဝင်း ( Ph: 9757 7641 ) ၊ ကိုဝဏ္ဏစောသိန်း ( Ph: 9227 6490 ) OCBC Saving 558 820 130 001 ကိုစိုးထွန်း ( Ph: 9487 4413 ) ၊ မမေကျော်စိုးညွန့် ( ( Ph: 9721 3593 ) ဖြင့် ဆက်လက် ပါဝင် လှူဒါန်းကြရန် စင်ကာပူနိုင်ငံရောက် မြန်မာ့ အမျိုးကောင်းသား အမျိုးကောင်းသမီးတို့အား လေးစားစွာ ပန်ကြားအပ်ပါသည်။

မြန်မာ ဆက်သွယ်ရေး ရဲ့  ထူးခြားတဲ့ ၀န်ဆောင်မှု တစ်ခု




လွန်ခဲ့ တဲ့  (၁၀) နှစ်လောက်က ဦးလေး (ညွန်ကြားရေးမှူး) တစ်ဦးက
ဂျီအက်စ်အမ် ဟန်းဖုန်း တစ်လုံး ရ လို့  ပြန်ရောင်းမယ်
ဆိုတော့ အမေလုပ်တဲ့ လူ က ၀ယ်လိုက်တယ်၊
အားလုံးပေါင်း (၃၂) သိန်း လောက်ကုန်သွားတယ်၊ ပြီးတော့
တစ်လကို ၅-သောင်းလောက်နဲ့  ပွဲစားက တဆင့် ငှားစားလိုက်တယ်။
တနှစ်လောက် ကြာတော့  ဆက်သွယ်ရေးက စာနဲ့  အကြောင်းကြားတာက
လူကြီးမင်းရဲ့  ဖုန်းကို လိုင်း ပိတ်လိုက်ကြောင်း သိရလို့ 
ဘာ့ကြောင့် အရေးယူသလဲ စုံစမ်းတော့ သုံးစွဲမှု့  အလွန်များလို့ ပါတဲ့၊
ပွဲစားက တဆင့် ငှားသွားတဲ့ လူက လည်း
ဖုန်းကို ဘယ်လောက်တောင် သုံးသလဲဆိုရင်
မူဆယ် နဲ့  ရန်ကုန် ပြောထားတဲ့ ဖုန်းဘေလ် တွေက လစဉ် သိန်းကျော်တယ်၊
(၃၂) သိန်း နဲ့  ၀ယ်ထားရတဲ့ ဖုန်းဆိုတော့ အဆုံးမခံခြင်တာနဲ့ 
ဖုန်းဘေလ် တွေ ကျသလောက် အကုန်ဆောင်ပါမယ်
(စုစုပေါင်း ဖုန်းဘေလ်က ၈ - သိန်းနီးပါး လို့  သိရသည်)
လိုင်းပြန်ဖွင့် ပေးပါဆိုတာ  ဘူးဆို ဖရုံ မသီးတော့တဲ့  မြန်မာဆက်သွယ်ရေးက
ဘယ်လို မှ တောင်းပန် လို့ မရဘဲ အပြီး အပိုင် လိုင်းပိတ်လိုက်တာ ခံလိုက်ရပါတယ်၊
စာရင်းချုပ်လိုက်တော့ အမေ့ မှာ ၃၂-သိန်း ပလုံသွားပါတယ်၊
ဒီဇာတ်လမ်း ကို ဒီမှာ ရပ်ပြီး မေ့ ထားခဲ့တာ ကြာပါပြီ။
နောက်ထပ်လည်း ဖုန်းတွေ မ၀ယ်ရဲတော့ပါဘူး။

အခု မြန်မာပြည်မှာ ဟန်းဖုန်းတွေ ကျပ် ၁၅၀၀ နဲ့  ရနေပြီ၊
သိပ်မကြာခင် နော်ဝေ က တယ်လီနော နဲ့  ကာတာ က အူရဒူး တို့ 
ကလည်း ဖုန်းတွေ စရောင်းတော့မယ်
ဆိုတော့မှ ဇာတ်လမ်း ပြန်စလာတယ်၊ ဆက်ဖတ်ကြည့်ပါ၊
ဘယ်လောက် ချစ်စရာကောင်းပြီး ၀န်ဆောင်မှု့ ကောင်း တဲ့
မြန်မာ့ ဆက်သွယ်ရေး ဆိုတာ သိရအောင်လို့ ပါ၊

လွန်ခဲ့တဲ့ တပါတ်လောက်က ဆက်သွယ်ရေးက ပို့ လိုက်တဲ့ စာရောက်လာပြန်တယ်၊
အထဲမှာ ရေးထားတာက ပေးဆောင်ရန် ကျန်နေတဲ့ ဖုန်းဘေလ် ၈-သိန်း ကိုဆောင်ရင်
အဲဒီ လိုင်းပိတ်ထားတဲ့ ဖုန်းကို ပြန်ပေးမယ်လို့  ဆိုထားပါတယ်။
ဒီနေ ရာမှာ ထပြီး ဖြည့်စွက် ပြောခြင်တာက တော့
ဖုန်းနာမည်ပေါက်တဲ့ ဦးလေး လည်း ကွယ်လွန်သွားပါပြီ၊
သူ့ ဆီက နေ တဆင့် ၀ယ်တဲ့ အမေ လည်း ကွယ်လွန်သွားပါပြီ။

ကျနော် ပြောခြင်တာလည်း ဒါပါဘဲဗျာ
ကိုင်း - ခင်ဗျား သာ ကျနော့ နေရာမှာ ဆိုရင် ဘာလုပ်မလဲ

မှတ်ချက်။ စာလေးနေမည် စိုးသဖြင့် ဖုန်းဘေလ်တွေ သိန်းချီ အောင်
ဘာကြောင့် ဘာတွေ ဖြစ်ကြသည် ဆိုတာ ကို ချန်ထားခဲ့ပါသည်။
သို့ သော် ဖုန်းများများ ဆက်ခြင်းသည် အမှားကျူးလွန်သည်ဟု မထင်ပါ၊
နိုင်ငံခြား တွင် ဖုန်းများများ ခေါ်ပါက လက်ဆောင်များပင် ပေးကြပါသည်၊
များများ ဖုန်းပြောလေ ပိုကြိုက်လေ ဖြစ်ရမှာကို  မြန်မာပြည်မှာတော့
ဖုန်း အပြော များလို့  လိုင်းပိတ် တာ ခံရပါကြောင်း ဝေမျှလိုက်ရပါသည်၊

တကယ်လို့  ဖုန်းဘေလ် များများမခေါ်စေခြင်ရင်လည်း
တစ်လအတွက် ဖုန်းခေါ်ချိန် မိနစ်ပေါင်း ဘယ်လောက်ဆိုပြီး
သတ်မှတ်၊ ဒီထက်ပို ခေါ်လာ ရင် လူကြီးမင်း ဒီလအတွက်
အချိန်ပြည့်သွားပြီ နောက်လမှ ခေါ်ပါ ဆိုရင်လည်း ပြီးတာမဟုတ်လား၊
ဘာကိစ္စ - ဖုန်းလိုင်း ကို အပြီး ပိတ်ရမှာလဲ၊