Wednesday, June 4, 2014

ရပ်ကုန်ကြီး


Soe Nyunt

လက်ရှိအစိုးရဟာ သစ်အလုံးလိုက်တင်ပို့မှုကို ဒီနှစ်ထဲမှာ ရပ်ဆိုင်းလိုက်ပါတယ်။ ရေကြောင်းကမထွက်သော်လည်း ခြံစည်းရိုးမရှိတဲ့အရှေ့မြောက်တံခါးက ထွက်ချင်တိုင်းထွက်နေပါတယ်။ ဒါတွေလည်း မင်းကြီးတာကထွက်တာပါပဲ။ အခုလည်း တာဝန်ရှိသူတစ်ဦးက မြန်မာပြည်က သဘာဝသယံဇာတထုတ်လုပ်မှုရပ်ဆိုင်းမယ့်ရက်ကို ကြေငြာလိုက်ပြန်ပါပြီ။ ဘယ်နေ့လည်းမေးကြည့်တော့ အဲဒီသဘာ၀၀ယံဇာတတွေ ကုန်တဲ့နေ့လို့ ပြန်ပြောပါတယ်။ ကုန်မှရပ်မယ့်အတွက်ကြောင့် ရပ်ကုန်ကြီးဖြစ်ကုန်ပြီပေါ့

ဒီနေ့ကာတွန်း

ဖြူဖြူ နဲ့တင်မိုးလွင်လဲသွားထိုးပြီးပြီ

ပြည်ခိုင်ဖြိုး အမျိုးသားလွှတ်တော်ကိုယ်စားလှယ် ဦးလှဆွေနှင့် တွေ့ဆုံမေးမြန်းခြင်း



‘‘မနက်ဖြန် လွှတ်တော်ထဲမှာ ဒီလိုမဲထည့်ဆိုပြီး ညပိုင်းမှာ စာရွက်လိပ်လေးတွေ တံခါးပေါက်ကနေ လိုက်သွင်းသွားတယ်’’

အိဖြူလွင်
အတွဲ (၁၃)၊ အမှတ်(၁၃)

ပြည်ခိုင်ဖြိုးပါတီ၏ အမျိုးသားလွှတ်တော်ကိုယ်စားလှယ်တစ်ဦးဖြစ်သည့် တပ်မတော်ဗိုလ်လောင်းသင်တန်းအမှတ်စဉ် (၈)ဆင်း၊ မြန်မာ့အသံနှင့် ရုပ်မြင်သံကြားမှ အငြိမ်းစားညွှန်ကြားရေးမှူး (ဗိုလ်မှူးကြီးဟောင်း) ဦးလှဆွေနှင့် 7Day News သတင်းထောက်က လွှတ်တော်အစည်းအဝေးကာလအတွင်း တွေ့ဆုံမေးမြန်းခဲ့ပါသည်။

လွှတ်တော်အတွင်းရေးရာများနှင့် အခြေခံဥပဒေ ပြင်ဆင်ရေးဆိုင်ရာ မေးခွန်းအချို့ကို 7Day က မေးမြန်း၍ ဦးလှဆွေက ဖြေကြားထားပါသည်။

မေး- အခုလုပ်နေတဲ့ NLD ရဲ့ ၄၃၆ ပြင်ဆင်ရေး လှုပ်ရှားမှုတွေပေါ်မှာ ပြည်ခိုင်ဖြိုးပါတီရဲ့ ဗဟိုကော်မတီဝင်တစ်ယောက်အနေနဲ့ ဘယ်လိုများ မှတ်ချက်ပေးချင်ပါသလဲ။

ဖြေ- ၄၃၆ တံခါးကြီးကို ဖွင့်ရမှာပေါ့။ အခြေခံဥပဒေမှာ ၄၃၆ က ဂိတ်ပေါ့၊ ဒီဂိတ်ကိုဖွင့်ရင် အထဲထဲမှာရှိတဲ့ ပုဒ်မ ၁၊ ၂၊ ၃၊ ၄၊ ၅ အဲဒါတွေကို အကုန်ပြင်လို့ရမယ်။ အဲဒီတော့ ဒီ ၄၃၆ ကို ဖွင့်ဖို့ ၇၅ ရာခိုင်နှုန်းကျော်က ထောက်ခံရမယ်။  အဲဒါကိုပြောတာက သုံးယောက်ရှိတယ်။ ကာချုပ်လည်း ပြောတယ်။ သမ္မတလည်း ပြောတယ်။ ဦးရွှေမန်းလည်း ပြောတယ် သုံးယောက်လုံးက ပြောတယ်။ ပြင်မယ်ဆိုတဲ့စကားက သူတို့သုံးယောက်လုံးပြောတာ၊ ကာချုပ်က ပြင်မယ်၊ ဥပဒေအတိုင်း ပြင်မယ်။ သမ္မတက ပြင်မယ် မလောနဲ့လို့ ပြောတယ်။ ဦးရွှေမန်းက ပြင်မယ်။ ကော်မတီဖွဲ့တယ်။ သုံးယောက်လုံးကတော့ ပြင်မယ်ဆိုတော့ ပြင်မယ်လို့ပြောကတည်းက ဒီဂိတ်ကဖွင့်ရမှာပဲ ဂိတ်မဖွင့်ဘဲနဲ့ ဘယ်လိုလုပ်ပြင်မလဲ။ ၄၃၆ ကို ဖွင့်မပေးဘူး။ ပုဒ်မ ၁၂၃၄ ကို ပြင်မယ်ဆိုလို့မှ မရတာက ၄၃၆ မဖွင့်ဘဲနဲ့ ဘယ်လိုလုပ်ပြင်မလဲ။ အဲလိုပဲ ကျွန်တော်က ယူဆတယ်။ Automactically ဖွင့်ကိုဖွင့်ရမယ်။ ၄၃၆ ကို ဖွင့်ပေးပါ ဖွင့်ပေးပါ။ ပြောစရာမလိုဘူး။ Understood ပဲ။ ကျွန်တော်က ဒီလိုမြင်တယ်။ ကျွန်တော်ကပဲ ကြိုမြင်တာလား။ သူတို့ကပဲ မမြင်ချင်ယောင်ဆောင်တာလား မသိဘူး။

မေး- တပ်မတော်ရဲ့သဘောထားကကော ဘယ်လိုများရှိနိုင်မယ်လို့ တပ်မတော်သားဟောင်းတစ်ဦးအနေနဲ့ ထင်မြင်ပါသလဲ။

ဖြေ- ၂၅ ရာခိုင်နှုန်းက သေချာတယ်။ ထည့်မှာ ဟိုက ၇၅ ထည့်ရင် တစ်ရာတောင်ဖြစ်သွားဦးမှာ ဒီ ၇၅ ထဲက မသေချာတဲ့သူရှိရင် ရှိဦးမယ်။ ဟိုက ၂၅ ကတော့ သေချာတယ်။ ကျွန်တော်က ဒီလိုကြိုမြင်ထားတာ ဘာလို့လဲဆိုရင် သူတို့သုံးယောက်ပြောတဲ့စကား ရှိတယ်လေ။ ဒီသုံးယောက်က ကျွန်တော် ထင်တယ်။ Relationship ရှိမှာပဲလေ။ သမ္မတနဲ့  တပ်ချုပ်နဲ့တော့ ရှိမှာပဲလေ။

မေး- တချို့နယ်တွေမှာ ၅၉(စ) မပြင်ဆင်ရေး၊ ပုဒ်မ ၄၃၆ မပြင်ဆင်ရေးဆိုပြီး ဆန္ဒပြနေတာတွေ ရှိပါတယ်။ အဲဒါက ပြည်ခိုင်ဖြိုးက လုပ်တာပါလား။

ဖြေ- အဲဒါ ကြံ့ခိုင်ရေးပေါ့ဗျာ။ သေချာတာပေါ့ဗျာ။ သူပဲခိုင်းမှာပေါ့။ သူတို့နယ်မြေက တောင်းဆိုလို့ အဲဒီနယ်မြေမှာရှိတဲ့ ကြံ့ခိုင်ရေးကလုပ်တာဖြစ်မယ်။ ဗဟိုကတော့ မင်းတို့နယ်မှာ ဒါလုပ်လိုက်ဆိုပြီး ပြောတာမျိုးတော့ ကျွန်တော်တို့မကြားဘူး။ ကျွန်တော်တို့လည်း အခိုင်းမခံရဘူး။ အစည်းအဝေးလည်းလုပ်တာ မကြားဘူး။ သို့သော် အဲဒီနယ်မြေမှာ အဲလိုအဲလိုတော့ ရှိနေတယ်ဆိုပြီး အဲဒီနယ်မြေကြံ့ခိုင်ရေးက လုပ်တာဖြစ်မယ်။

မေး- ၂၀၁၅ မှာ ပြည်ခိုင်ဖြိုးပါတီအနေနဲ့ ၂၀၁၀ တုန်းကလို အပြတ်အသတ်နိုင်မယ်လို့ မျှော်လင့်နိုင်သေးလား။

ဖြေ- ဘယ်လွယ်လိမ့်မလဲ။ ဒါက ဘာခေါ်မလဲ။ နယ်မြေပေါ် မတူဘူးဗျ။ တချို့ ဘုန်းကြီးတွေက ပြောတယ်။ ဒကာကြီး ကြံ့ခိုင်ရေးလည်း မကြိုက်ဘူး။ NLD လည်း မကြိုက်ဘူးတဲ့။ ကြံ့ခိုင်ရေးကျတော့ အစိုးရဖော်လံဖားတွေတဲ့ NLD ကလည်း အစိုးရနဲ့ ပြဿနာတက်ပြီး ထောင်ကျထုတ်ပစ်ခံရတဲ့ လူတွေတဲ့ ဗရုတ်သုတ်ခတွေပဲတဲ့။ အဲဒီတော့ ကြားပါတီရှိရင် ကောင်းမယ်တဲ့ ဆိုလိုတာကတော့ NLD က သူတို့ကို သိပ်ကြိုက်တယ်ဆိုတာ သူတို့ဘာသာသူတို့ သွေးနားထင်ရောက်တာ ဖြစ်မယ်။ ကျွန်တော်တို့ ကြံ့ခိုင်ရေးကတော့ သွေးနားထင်မရောက်ဘူး သိတယ်။ ပြီးခဲ့တဲ့ ၂၀၁၀ တုန်းက ကျွန်တော်တို့ Landslide နိုင်ခဲ့တယ်။ ဒါပေမဲ့ အဲဒါ NLD မပါလို့။

မေး- လွှတ်တော်ထဲမှာ စီးပွားရေးလုပ်ငန်းရှင် လွှတ်တော်ကိုယ်စားလှယ်တွေလည်း အများအပြားရှိနေတဲ့အတွက် လွှတ်တော်ရဲ့ တချို့သောလုပ်ဆောင်ချက်တွေဟာ ဒီလုပ်ငန်းရှင်တွေရဲ့ အကျိုးစီးပွားကို ကာကွယ်ပေးနေတယ်လို့ ဝေဖန်မှုတွေ ရှိလာတဲ့အပေါ်မှာ သယံဇာတကော်မတီရဲ့ အတွင်းရေးမှူးတစ်ယောက်အနေနဲ့ ဘယ်လိုပြောချင်ပါသလဲ။

ဖြေ- ဦးခင်ရွှေတို့ ဦးဌေးမြင့်တို့တော့ ကျွန်တော်မသိဘူး။ ဦးနေ၀င်းထွန်းတော့ ကော်မတီတစ်ခုတည်းမို့ သိတယ်။ အားလုံးကိုတော့ ၀ါးလုံးရှည်နဲ့ သိမ်းယမ်းလို့မရဘူး။ လွှတ်တော်ထဲမှာ တချို့ကိစ္စတွေကို ကာကွယ်တယ်ဆိုတာမျိုးကတော့ မှန်တယ်။ ဥပမာ- FDI က ၄၉၊ ၅၁ ကိစ္စဆိုရင် နိုင်ငံခြားကလာရင်က ၄၉ ပဲ လာရမယ်။ ဗမာပြည်က သူနဲ့ပေါင်းမယ့်သူက ၅၁ ရှိရမယ်ဆိုပြီး ညမှာ ကျွန်တော်တို့ကို လိုက်ပြောတယ်။ မနက်ဖြန်ကျရင် အဲလိုပဲ မဲထည့်ဆိုပြီး။ ညမှာ စာလေးတွေကို ပြည်ခိုင်ဖြိုးအမတ်များ အဆောင်တံခါးပေါက်က လာသွင်းတယ်။ ကျွန်တော်တို့ပါတီကပေါ့။ အဲဒီတော့ စဉ်းစားတယ်။ ဗမာပြည်က သူဌေးက ၅၁ နဲ့ ဒီကိစ္စတစ်ခုကို ပေါင်းလုပ်ရမယ်။ ဗမာပြည်က သူဌေးက ၅၁ ကျပ်ရှိရမယ်ဆိုတော့ ၅၁ ကျပ်ရှိတဲ့သူက နည်းနည်းလေးပဲရှိတာ ကျွန်တော်တို့က ဘယ်လိုကြိုက်လဲဆိုတော့ ကိုယ့်မှာ ၂၀ ပဲ ရှိတယ်။ ဟိုက ၈၀ လာမယ်။ ကိုယ့်မှာ ၂၀ ပဲ ရှိပေမယ့် ဟိုက ၈၀ နဲ့ ပေါင်းပြီး ဒီလုပ်ငန်းလုပ်နိုင်မယ်။ ၂၀ ရှိတဲ့လူက အများကြီးရှိတယ်။ ၅၁ ရှိတဲ့လူက နည်းနည်းလေးပဲ ရှိတယ်။ အဲဒီတော့ ၅၁ ရှိတဲ့လူတွေ ပိုချမ်းသာအောင် စောစောကပြောသလို၊ အမတ်အရှိန်အ၀ါကိုသုံးပြီး ဒီလိုပြောတယ်ဆိုတာ ဒါဖြစ်နိုင်တယ်။ အဲဒီကိစ္စမှာ ကျွန်တော်တို့က ၂၀/၈၀ ပဲ ထည့်လိုက်တော့  ပူညံပူညံဖြစ်ကုန်ကြတယ်။ အဲဒါ ကျွန်တော်တို့ လွှတ်တော်ထဲက ခရိုနီတွေရဲ့စနက်ပေါ့၊ လွှတ်တော်ထဲက ခရိုနီတွေက ၄၉/၅၁ ကို ထောက်ခံဖို့အတွက် လှုံ့ဆော်တယ်။ ဒါပေမဲ့ အမတ်တွေ နည်းနည်းပဲပါပါတယ်။

မေး- နာယကတို့၊ လွှတ်တော်ဥက္ကဋ္ဌတို့ကလည်း တချို့စီးပွားရေးလုပ်ငန်းတွေနဲ့ ဆက်စပ်တယ်။ သူတို့မှာလည်း ကိုယ်ပိုင်စီးပွားရေးလုပ်ငန်းတွေရှိတော့ တချို့ကိစ္စတွေကို လွှတ်တော်ထဲမှာ ကန့်ကွက်တဲ့အခါမှာလည်း သူတို့အကျိုးစီးပွားနဲ့ ပတ်သက်နေတယ်ဆိုပြီး ပြောကြတာတွေ ရှိပါတယ်။ အဲဒီအပေါ်ကိုကော ဘယ်လိုမြင်ပါသလဲ။

ဖြေ- ဦးရွှေမန်း တစ်ခါပြောဖူးတာရှိတယ်။ ကိုယ်ကျိုးစီးပွား ကာကွယ်စောင့်ရှောက်တာလားဆိုပြီး ထင်လာရင် တရားရုံးကိုတင်ပါ လိုက်ရှင်းမယ်လို့ ပြောဖူးတယ်။

မေး- စောစောကပြောတာကို ပြန်ဆက်ရရင် လွှတ်တော်ကိုယ်စားလှယ်တွေထဲမှာလည်း စီးပွားရေးလုပ်ငန်းရှင်တွေ ပါတယ်။ ဒီလုပ်ငန်းရှင်တွေနဲ့ လွှတ်တော်ကိုယ်စားလှယ်တွေကြားမှာ လာဘ်ပေးတဲ့သဘော မဟုတ်တောင် တန်ဖိုးကြီးလက်ဆောင်တွေနဲ့ ပတ်သက်မှုတွေ ရှိတယ်လို့ သိရတယ်။ အဲဒီပေါ်မှာကော လွှတ်တော်ကိုယ်စားလှယ်တစ်ယောက်အနေနဲ့ ဘယ်လိုပြောချင်ပါသလဲ။

ဖြေ- အဲဒီလိုပေးလို့ သူတို့ ဘာအကျိုးရှိမှာလဲ။ ကျွန်တော်ကတော့ ပေးတာမမြင်ပါဘူး။ ကျွန်တော်တို့ အမျိုးသားလွှတ်တော်မှာတော့ ၀န်ကြီးဦးဝင်းမြင့်က လွှတ်တော်တစ်ကြိမ်မှာ ထမင်းကျွေးတယ်။ နောက် ဦးခင်ရွှေက ကျွေးတယ်။ တစ်ခါတလေ ဦးနေ၀င်းထွန်း ကျွေးတယ်။ အပျော်ပေါ့။ ဒါပဲရှိတယ်။ သူတို့ အကျိုးငှာ ပစ္စည်းပေးတာတော့ ကျွန်တော်မမြင်ပါဘူး။

မေး- ခုနောက်ပိုင်းမှာ လွှတ်တော်ထဲမှာ ရေပန်းစားနေတဲ့စကားက လွှတ်တော်ထဲမှာ ဘယ်အမတ်ကတော့ မွေးစားခံလိုက်ရပြီဆိုပြီးတော့ ရှိတယ်လေ။ အဲဒီအကြောင်းတွေ ပြောပြပါဦး။

ဖြေ- မွေးစားတယ်ဆိုတာက ဥပမာ အဲဒီဘက်သားဖြစ်သွားတာပေါ့နော်။ အရင်တုန်းက ၀ူးဝါးဝူးဝါး ထပြောပြီးတော့ အခုမပြောတော့ဘဲ  ငြိမ်သွားတာပေါ့။ ဘယ်သူတွေ ဘာတွေရလဲဆိုတာ။ ကျွန်တော်တော့ မသိဘူးဗျ။ အချိုးပြောင်းသွားတာ ဘယ်သူတွေရှိလဲဆိုတော့ သိပ်မမြင်ပါဘူး။ အစတုန်းက အရမ်းကြီး ထော်လော်ကန့်လိုက် တိုက်နေရာကနေ နည်းနည်းပြောင်းသွားတာတော့ ရှိတယ်။ ဘာကြောင့်လဲတော့ မပြောနိုင်ဘူးပေါ့။

မေး- နောက်ဆုံးမေးခွန်းအနေနဲ့ကတော့ ဦးလှဆွေက မီဒီယာတွေမှာ ဖွတယ်ဆိုပြီး နာမည်ကြီးတယ်။ ဦးလှဆွေပြောစကားတွေ မီဒီယာတွေမှာ မှတ်တမ်းမှတ်ရာတွေနဲ့ ရှိနေတဲ့အတွက် ဒီစကားတွေပေါ်မှာ ဘယ်လောက်ထိ တာဝန်ယူနိုင်ပါသလဲ။

ဖြေ- ကျွန်တော်က မီဒီယာတွေကိုမကြောက်ဘူး။ ခင်မင်တယ်။ ဒါက နံပါတ် ၁ အချက်။ ဒါကြောင့် မီဒီယာတွေကလည်း ကျွန်တော့်ကိုခင်မင်တယ်။ ကျွန်တော်နဲ့ ဆက်ဆံရေးကောင်းတယ်။ မီဒီယာဆိုတာက စတုတ္ထမဏ္ဍိုင် သူတို့နဲ့ကိုယ်နဲ့ ရန်ဖြစ်နေဖို့မလိုဘူး။ ကျွန်တော်က ကိုယ့်အမြင်ကို ပြောတယ်။
သွယ်ဝိုက်ပြီးမပြောဘူး တဲ့ချတယ်။ တချို့ကတော့ သွယ်ဝိုက်ပြီး ပြောစေချင်တယ်ပေါ့။ ကျွန်တော့်စကားတွေ ကျွန်တော်တာဝန်ယူတယ်။ ကျွန်တော်တို့ကို ပါတီက မင်းဒါကိုပြော၊ ဒါမပြောနဲ့ဆိုပြီး ပိတ်ပင်တာမရှိဘူး။ ဟိုတစ်လောကတော့ ကျွန်တော့်ကို ကိုလှဆွေတဲ့ လူကြီးတွေမျက်နှာပူအောင် မလုပ်ပါနဲ့ဆိုပြီး ပြောတယ်။ သူ့ဘာသာ ပြောချင်ရာပြောပါစေ။ မင်းထပ်မပြောနဲ့တဲ့။

ကျေးဇူးတင်ပါတယ်။       ။

http://7daynewsjournal.com/article/14270

အမျိုးသားဒီမိုကရေစီအဖွဲ့ချုပ်အစည်းအဝေးသို့မီဒီယာများတက်ရောက်သတင်းရယူနိုင်


By National League for Democracy
အမျိုးသားဒီမိုကရေစီအဖွဲ့ချုပ် ပထမ ဗဟိုကော်မတီ တတိယအကြိမ်အစည်းအဝေးကို ဇွန်လ ၇ ရက်နှင့် ၈ ရက်နေ့များတွင် ဗဟန်းမြို့နယ်၊ ဒို့ရိုးရာစားသောက်ဆိုင်တွင် ကျင်းပပြုလုပ်မည်ဖြစ်ပါသည်။
အစည်းအဝေးပထမနေ့ဖြစ်သောဇွန်လ(၇)ရက်နေ့တွင် ဒေါ်အောင်ဆန်းစုကြည်အဖွင့်မိန့်ခွန်းစကားပြောကြားခြင်းနှင့် ဒုတိယနေ့ ဇွန်လ (၈ )ရက်နေ့ အစည်းအဝေးပြီးဆုံးချိန် (ခန့်မှန်းအချိန် နေ့လည် ၂ နာရီ) သတင်းစာ ရှင်းလင်းပွဲအစီအစဉ်များသို့မီဒီယာများတက်ရောက်သတင်းရယူနိုင်ပါသည်။ သတင်းရယူလိုသောမီဒီယာများအနေဖြင့် ဇွန်လ (၇)ရက်နေ့ နံနက် ၈နာရီအချိန်မှစတင်ပြီး ၀င်ရောက်နေရာယူနိုင်ပါသည်ခင်ဗျာ။ ကြိတင်စာရင်းပေးသွင်းရန်မလိုအပ်ပါ။

မိကွန်ထောလေးများ ဖတ်ဖို့



သရုပ်ဖော် ကာတွန်း - ဝေယံ (တောင်ကြီး)

ငြိမ်းချမ်းအေး


ဆုံးသွားရှာပြီဖြစ်တဲ့ ဂီတပညာရှင် ထူးအိမ်သင် ရဲ့ သမီး မိကွန်ထော ဓာတ်ပုံ ကို မီဒီယာ တခုမှာ တွေ့လိုက်ရတော့ ကိုငှက် သမီးလေးတောင် အရွယ်ရောက်ပါပေါ့လို့ သတိထားမိတယ်။  တပါတည်း သူ့ အဖေ၊ သူငယ်ငယ် လူမမည်အရွယ်မှာ ကတည်းက "သမီးကို သိုင်းသင်ပေးချင်တယ်၊ သမီးအရွယ်ရောက်လို့ သူကိုယ်တိုင် သဘောတူလို့ ဘာပဲဖြစ်ဖြစ် အရေးမကြီးဘူး၊ ဒါပေမယ့် သူမနှစ်သက်၊ အလိုမတူဘဲ ယောက်ျားတဦးဦးက အင်အားသုံးပြီး အနိုင်ကျင့်ခံရမှာကိုတော့ စိုးရိမ်တယ်" လို့ ပြောဖူးခဲ့တယ် ဆိုတဲ့ စကားကိုပါ ပြန်လည် ကြားယောင်မိတယ်။  တဆက်တည်း သိုင်းပညာရပ်ရဲ့ လူငယ်တွေအပေါ် အကျိုးသက်ရောက်နိုင်မှု ကျေးဇူးကို ဆက်လက် တွေးမိလာတယ်။

သိုင်းပညာဟာ အပေါစား ရုပ်ရှင်တွေရဲ့ ဖျက်ဆီးခြင်းခံရတဲ့ အတွက် လူအများရဲ့ စိတ်ထဲမှာ အနှစ်မပါ၊ အကြမ်းဖက်မှုသက်သက် သဘော ပုံဖော်ခြင်း ခံနေရတယ်။  တကယ်တော့ သိုင်းပညာ (Martial Arts) ဆိုတာမှာ လူတယောက်နဲ့ တယောက် ကန်ကျောက်ထိုးကြိတ်၊ သတ်ပုတ်ခြင်းဟာ အပေါ်ယံ သဘောသာဖြစ်ပြီး တကယ့် အတွင်းသဘောက တွေးခေါ်မြော်မြင်နိုင်တဲ့ ဒဿနိက တခုခု၊ ဆင်ခြင်မှု တခုခုကို အခြေပြုကာ ကိုယ်ခန္ဓာ လှုပ်ရှားမှု နဲ့ စိတ် ဝိညဉ် အသိကပ်မှု တို့ကို အချိုးကျပေါင်းစပ်ထားတဲ့ အနုပညာတရပ် ဖြစ်တယ်။

ကမ္ဘာ့လူမျိုးအသီးသီးရဲ့ သိုင်းပညာတိုင်းမှာ မိမိ အင်အားကို ရှာဖွေ၊ စုစည်းပြီး မိမိကိုယ်ကိုအောင်နိုင်ခြင်းကသာ အဓိက ပါ။  ပရမတ္တသစ္စာ (Absolute Truth) ကို မိမိ အတွင်းစိတ်မှာ ခွဲခြမ်းစိတ်ဖြာ ရှာဖွေ ရှုမှတ်တဲ့ ဘာသာတရားတွေရဲ့ အကျင့်၊ လမ်းစဉ်တွေကို သိုင်းပညာရပ်တိုင်းရဲ့ အဆင့်မြင့် နုနယ်တဲ့ အစိတ်အပိုင်းတွေမှာ တွေ့နိုင်တယ်။  ဒါဟာ မိမိရဲ့ အဇ္ဈတ္တသန္တာန် (Inner Nature) ကို ချုပ်ထိမ်းအောင်နိုင်ခြင်းဖြင့် အေးချမ်းအောင် လုပ်ခြင်း တမျိုးပါ။  အပူ၊ အအေး၊ အချစ်၊ အမုန်း၊ ငြိမ်းချမ်းခြင်း၊ စစ်ပွဲ စတဲ့ ဆန့်ကျင်ဘက် ဝိရောဓိ (Contradiction) တွေ ဆုံစည်းချုပ်ငြိမ်းရာကို ရှာဖွေခြင်း သဘောလို့ ဆိုနိုင်တယ်။

ဒီလို အခြေခံသဘောကြောင့် သိုင်းပညာဟာ လူတွေရဲ့ စိတ်ပိုင်းဆိုင်ရာ ဖွံ့ဖြိုးတိုးတက်စေဖို့ကို အများကြီး အထောက်အကူပေးနိုင်စွမ်းတယ်။  အပေါ်ယံ တိုက်ရိုက်သဘော မြင်သာတဲ့ အချက်ကတော့ ရုပ်ပိုင်းဆိုင်ရာ ဖွံ့ဖြိုး ကြံ့ခိုင် သန်စွမ်း လာမှု ဖြစ်တယ်။  ဒီလို ကာယ၊ စိတ္တ နှစ်ဖြာ တိုးတက်ဖွံ့ဖြိုးစေတဲ့ အတွက် တချို့နိုင်ငံကြီးတွေမှာဆိုရင် သိုင်းပညာရပ် တခုခု မဖြစ်မနေ သင်စေဖို့ ကျောင်းပညာရေး သင်ရိုးညွှန်းတမ်းတွေမှာ ပြဋ္ဌာန်းလေ့ရှိတယ်။

ဒါ့အပြင် သိုင်းပညာဟာ ယနေ့ခေတ်လို လူ့အခွင့်အရေးအကြောင်း၊ ဒီမိုကရေစီ သဘောတရားတွေ အကြောင်း အတွင်တွင်ပြောနေကြတဲ့ ခေတ်ကြီးမှာတောင် မတရား အနိုင်ကျင့် ဖျက်စီး၊ ကာမကို လုယူခံနေရဆဲဖြစ်တဲ့ အမျိုးသမီးငယ်လေးတွေအတွက် မိမိအခွင့်အရေး နဲ့ ဂုဏ်သိက္ခာ ကို ကာကွယ်ရာ လက်နက်တမျိုးလည်း ဖြစ်ပြန်တယ်။

    လူ့အခွင့်အရေး အကြောင်းတွေ အာပေါက်မတတ် ပြောတတ်တဲ့ ယောက်ျား ရင့်မာကြီး ဆိုသူတွေဟာ သူတို့ကို လူဖြစ်စေတဲ့ အမျိုးသမီးတွေရဲ့ ဘဝ၊ ဂုဏ်၊ မာန နဲ့  အခွင့်အရေးကိုကြတော့ ခြယ်လှယ်၊ ချုပ်ကိုင်၊ လွှမ်းမိုး၊ မတရား ပြုချင်ကြတယ်။  ယောက်ျားကြီးဝါဒ ကို မသိစိတ်အနေနဲ့ပဲ ဖြစ်ဖြစ် တွင်တွင်ကျယ်ကျယ် လက်ခံ ကျင့်သုံးချင်နေကြသေးတယ်။  လူသားမျိုးနွယ်တူ၊ မျိုးပွား အင်္ဂါ နဲ့ ဆက်စပ်တဲ့ အစိတ်အပိုင်းတချို့ကလွဲလို့ ခြေ၊လက်၊ ခေါင်း အစရှိတဲ့ အင်္ဂါစုံ အားလုံး အတူတူပါသူချင်း ခွဲခြား၊ ဖိနှိပ်၊ အနိုင်ယူချင်ကြတယ်။  ယထာဘူတ ကျကျ စဉ်းစားရင် ဒီလို လူသား တည်ဆောက်ဖွဲ့စည်းပုံအရ အားလုံးတူသူချင်း အတူတူ အနိုင်ယူစရာ၊ အခွင့်အရေးပိုယူစရာ ရှိရင် လူသားမျိုးနွယ်ကို ဖန်တီးပေးနိုင်စွမ်းတဲ့ ကြီးမြတ်တဲ့ မိခင်မျိုးနွယ်၊ မိခင် အလောင်းအလျာ အမျိုးသမီးများသာ ဖြစ်သင့်တယ်။

ဒီလို အမျိုးသမီး ဦးစားပေး သဘောဟာ ယဉ်ကျေးတဲ့ လူ့အဖွဲ့အစည်းမှာ ရှိကို ရှိရမယ့် အချက် ဖြစ်တယ်။  သို့သော် တဖက်က ပြန်စဉ်းစားကြည့်ရင် ဒီသဘောဟာ ကောင်းပေမယ့် တနည်းအားဖြင့် ဒီလို ဦးစားပေး ခြင်းကလည်း အမျိုးသမီးတွေကို ရုပ်ပိုင်းဆိုင်ရာ၊ ခွန်အားအရ အားနည်းသူမလို့ ညှာတာတဲ့ ပုံစံမျိုး၊ စွမ်းဆောင်ရည်ကွာလို့ ခွဲခြားထားသလိုမျိုးဖြစ်နေတဲ့ အတွက် တကယ့် အမျိုးသမီးဝါဒီ စိတ်ရှိတဲ့ တိုးတက်တဲ့ အမျိုးသမီးတွေက လက်ခံလေ့မရှိဘူး။  တန်းတူအခွင့်အရေးပဲ တောင်းဆိုတယ်။  သူတို့အတွက် အပို ဘာမှ စဉ်းစားပေးစရာ၊ လုပ်ဆောင်ပေးစရာ မလိုတဲ့ သဘော ဖြစ်တယ်။  ဒီလို စိတ်ဓာတ်မျိုးရှိတဲ့ အမျိုးသမီးတွေနဲ့ ကြုံတွေ့ချိန်မှာ အမျိုးသားတွေဟာ အားလုံးတန်းတူသဘောဖြစ်စေပြီး သာမန် အမျိုးသမီးတွေအတွက်တော့ ညှာတာစဉ်းစား၊ အခွင့်အရေးပိုပေးခြင်းဟာ ခေတ်သစ် ယဉ်ကျေးတဲ့ လူအဖွဲ့အစည်းမှာ ရှိရမယ့်၊ ရှိသင့်တဲ့ ကျား/မ လိင်ကွဲပြားသူချင်း ဆက်ဆံမှု သဘောဖြစ်တယ်။

မျက်မှောက်ခေတ်လို အာကာသကိုတောင် အမျိုးသမီးတွေ ခရီးဆန့် စူးစမ်းရှာဖွေ လူသားအကျိုးပြုနေတဲ့ ခေတ်မျိးမှာ ကမ္ဘာကြီးကို အကြီးအကျယ် ပြောင်းလဲ အကျိုးပြုစေတဲ့ နိုင်ငံရေး၊ လူမှုရေး အမျိုးသမီးခေါင်းဆောင်ကြီးတွေ ပေါ်ထွန်းနေတဲ့ မျက်မှောက် (၂၁) ရာစု လူ့အဖွဲ့အစည်းမှာ ဝမ်းနည်းစရာအနေနဲ့  အမျိုးသမီးတွေကို နိုင်လိုမင်းထက် လုပ်ချင်နေသေးတဲ့ ကျောက်ခေတ်က ရှေးဦး ယောက်ျားကြီးတွေ လောက် တောင် အသိဉာဏ် မရင့်သန်နိုင်သေးတဲ့၊ တနည်းအားဖြင့် မယဉ်ကျေးနိုင်သေးတဲ့ ယောက်ျားကြီးတွေဟာ ဒုနဲ့ဒေး ရှိနေဆဲ၊ စက်ဆုပ်ဖွယ် တွေ့မြင်နေရဆဲပဲ ဖြစ်တယ်။  ဒီလို လက်သင့်မခံနိုင်ဖွယ် အခြေအနေမျိုးတွေဟာ လူ့ အသိုင်းအဝန်း ဝန်းကျင်မှာ အမြစ်တွယ် ရှင်သန်နေဆဲ ဖြစ်တာကြောင့် မိမိကိုယ်ကိုယ် ကာကွယ်နိုင်စွမ်းတဲ့ သိုင်းပညာရပ်ဟာ အမျိုးသမီးလေးတွေ မိမိ အခွင့်အရေး ကို တကိုယ်ရေ ကာကွယ်နိုင်ဖို့ရာ အရေးပါတဲ့ အခန်းကဏ္ဍ မှာ ရှိနေတယ်။

[စကားချပ် - ကျောက်ခေတ် က လူသားတွေဟာ လူဦးရေ တိုးပွားမှု အင်အားလိုတဲ့ သဘောကို ကောင်းကောင်း သိတဲ့အတွက် မျိုးပွားမှုမှာ အဓိကကျတဲ့ အမျိုးသမီးတွေကို တန်ဖိုးထားတယ်၊ ကိုးကွယ်တယ်၊ အကြီးအမှုး ပြုတယ်။  မျက်မှောက်ခေတ်မှာကို တနေရာမှ တနေရာ ရွှေ့ပြောင်းသွားလာ (Nomadic) ပင်လယ်အခြေပြု ယဉ်ကျေးမှု ကျင့်သုံးတဲ့ ဆလုံလူ့အဖွဲ့အစည်းမှာ အမျိုးသမီးဗဟိုပြု အုပ်ချုပ်မှုကို တွေ့နိုင်သေးတယ်။]

ဒါကြောင့် ကာမ ကို အဓမ္မယူလိုမှု (သို့မဟုတ်) အင်အားကြီးမားမှု အားကိုးနဲ့ သက်သက် အနိုင်ကျင့်လိုမှုတွေကို အထိုက်အလျေက် ကာကွယ်နိုင် ဖို့အတွက် အမျိုးသမီးတွေဟာ ကိုယ်လုံပညာ သိုင်းပညာရပ် တခုခုကို စနစ်တကျ သင်ယူထားနိုင်ရင် ကောင်းတယ်။  အထက်မှာ ဆိုခဲ့သလို စိတ်ဓာတ်ကြံ့ခိုင်၊ ကိုယ်ကျန်းမာ မှုလည်း တွဲလျက် ရနိုင်မယ်။

ဒါ့အပြင် သိုင်းပညာရပ် တခုခုကို အမျိုးသမီးတွေလေ့လာ လိုက်စားခြင်းဟာ အမျိုးသမီးအခွင့်အရေးကို တိုက်ပွဲဝင်တဲ့ အမှတ် သင်္ကေတ လည်း ဖြစ်တယ်။  ရှေးရိုးစွဲ ဘာသာ အယူဝါဒီ တွေ ကြီးစိုးတဲ့ ကမ္ဘာ့ တချို့နိုင်ငံတွေမှာ ဆိုရင် အမျိုးသမီးငယ်လေးတွေဟာ မိမိတို့ရဲ့ လုပ်ဆောင်နိုင်စွမ်းရည် ကို ပြနိုင်ဖို့၊ သာတူညီမျှ ဖြစ်တဲ့ သဘောကို ဖော်ဆောင်နိုင်ဖို့ အတွက် သိုင်းပညာရပ်တွေကို စိတ်ဝင်တစား ကြိုးစား လေ့ကျင့်သင်ယူလာကြတယ်။

ဥပမာ - ရှေးရိုးစွဲ ဘာသာအယူဝါဒ အခြေပြု သူတွေ အာဏာရနေတဲ့ အီရန်နိုင်ငံမှာ ဆိုရင် အမျိုးသမီးငယ်လေးတွေဟာ လွတ်လပ်စွာ ဝတ်စားဆင်ယင်ပိုင်ခွင့်အပါအဝင် မိမိတို့ရဲ့ မွေးရာပါ ရပိုင်ခွင့် အခွင့်အရေးတွေ ပျက်သုဉ်း နေရတာကို ဆန့်ကျင်တဲ့ အထိမ်းအမှတ် အနေနဲ့ နင်ဂျာ သိုင်းပညာ၊ နင်ဂျစ်ဆု သိုင်းပညာတွေကို ထူးချွန်ထက်မြက်အောင် ကြိုးစား သင်ယူ လိုက်စားတဲ့ ယဉ်ကျေးမှု ခေတ်စားလာနေတယ်။  ရှေးရိုးစွဲ ယောက်ျားကြီးတွေ အဓမ္မ သတ်မှတ်ပြဋ္ဌာန်းထားလို့ ဝင်ဆင်ရတဲ့ သူတို့ရဲ့ ရိုးရာ ဝတ်ဆင်ပုံနဲ့ ဆင်တူတဲ့ ရှေးနင်ဂျာ စစ်သူရဲကောင်းတွေရဲ့ ဝတ်ရုံတွေကိုဝတ်၊ ဓားရှည်ကြီးတွေကို လက်မှာ ဝံ့ကာ၊ ဝံ့ကာ နဲ့ နင်ဂျာသိုင်းအတတ်ကို အနုပညာ အကတရပ်လို လှလှပပ ရဲရဲဝံ့ဝံ့ ကစားပြရင်းနဲ့ မိမိတို့ရဲ့ လူသား စွမ်းဆောင်နိုင်ရည် ကို ဖော်ထုတ်ရင်း ယောက်ျားကြီးတွေ့ရဲ့ နိုင်ထက်စီးနင်းလုပ်မှုကို သွယ်ဝိုက်တဲ့နည်းနဲ့ ဆန့်ကျင်ကြတယ်။

ဗမာ့ လူ့အဖွဲ့အစည်းရဲ့ အမျိုးသမီးအခွင့်အရေးကို ကြည့်ပြန်ရင်လည်း ရှေးအစဉ် အဆက်ကတည်းက နိုင်ငံအဝှမ်း အမျိုးသမီးတွေဟာ အရေးပါတဲ့ နေရာ အခန်းကဏ္ဍ မှာ ရှိနေပြီး အိမ်နီးချင်းတိုင်းပြည်များက အမျိုးသမီးများထက်စာရင် နှိမ်ချ၊ ခွဲခြားဆက်ဆံခံရမှု နည်းတယ်လို့ ဆိုနိုင်ပေမယ့် ကျားဗဟိုပြု မဟာဖို ဝါဒ နဲ့ အတွေးအခေါ်ဟာ အနည်း၊ အများဆိုသလို လူ့မှုပတ်ဝန်းကျင်မှာ တွေ့နေရတယ်။  ဥပမာ - တကမ္ဘာလုံးက အလေးထား၊ ဂုဏ်ပြုရတဲ့ အမျိုးသမီး နိုင်ငံရေး ခေါင်းဆောင်လိုမျိုး တိုင်းပြည်မှာ ထင်ထင်ရှားရှား ရှိပါလျက်နဲ့ လက်ရှိ တိုင်းပြည်ရဲ့ ဥပဒေပြုလွှတ်တော်နှစ်ရပ်မှာ ပါဝင်ခွင့်ရနေတဲ့ အမျိုးသမီး လွှတ်တော် အမတ် အရေအတွက် အင်မတန် နည်းနေသေးတယ်။

ဒါ့အပြင် နှစ်ပေါင်းများစွာ ချွတ်ခြုံကျနေတဲ့ လူမှုစီးပွား (Socioeconomic) အခြေအနေကြောင့် ဗမာ့လူ့အဖွဲ့အစည်းက အမျိုးသမီးတွေ (မိခင် နဲ့  နှမ အကြီး၊ အငယ်တွေ) ဟာ မိမိတို့ရဲ့ တကိုယ်ရေဆန္ဒ သဘောထားထက် မိသားစုအတွက် မဖြစ်မနေ ငဲ့ညှာစဉ်းစား ဦးစားပေးနေရတဲ့ အတွက် ပညာသင်ယူနိုင်မှု အခွင့်အရေး၊ ကျန်းမားရေး စောင့်ရှောက်ခံရမှု၊ ဝါသနာပါရာ အနုပညာ၊ စာပေ၊ အားကစား စတဲ့ ပင်ကိုယ် စိတ်ဗီဇ နဲ့  ဆက်စပ်တဲ့ အလုပ်တွေကို စိတ်တိုင်းကျ လုပ်ဆောင်နိုင်မှုမျိုးတွေမှာ ယောက်ျား၊ သား၊ မောင်ဘွားတွေ နဲ့  ယှဉ်ရင် အားနည်းနေပြီး မွေးရာပါ လူတဦးချင်းရဲ့ ပိုင်ဆိုင်တဲ့ အခွင့်အရေးတွေ ဆုံးရှုံးနေသလို ဖြစ်နေရတယ်။

အမျိုးသမီးတွေ အိမ်ထောင်ပြုရင်လည်း အထက်မှာ ဆိုခဲ့တဲ့ လူမှုစီးပွားအခြေအနေကြောင့် မိမိဘဝ ပင်ကိုယ် အရည်အသွေး တိုးတက်အောင်လုပ်ဆောင်နေရခြင်းမျိုး မဟုတ်ဘဲ၊ အိမ်ထောင့်စီးပွားအတွက် သက်သက် ယောက်ျားများနဲ့ ယှဉ် လမ်းထွက် စီးပွာရှာဖွေမှု တွဲလျက် လုပ်နေရခြင်းကလွဲလို့ ယဉ်ကျေးမှု၊ ရိုးရာ၊ အစဉ်အလာ  သတ်မှတ်ချက်မှာတော့ ဗမာ့လူ့အဖွဲ့အစည်းက အမျိုးသမီးတွေဟာ တကိုယ်ရေ ဆန္ဒ ဝါသနာပါရာ လုပ်ဆောင်ခွင့်ရခြင်းမျိုးမရှိဘဲ အိမ်ထောင်ထိမ်းသိမ်းမှု တာဝန်ထမ်းရွက်ဖို့ သက်သက်သာ အဓိက လို သတ်မှတ်ခံထားနေရဆဲ ဖြစ်တယ်။

    တိုင်းပြည်မှာ နှစ်ရှည်လများ ခံစားနေရတဲ့ ပြည်တွင်းစစ်မီးရဲ့ ဒဏ်ကြောင့် ပဋိပက္ခ ဖြစ်နေတဲ့ ဒေသတွေမှာ အမျိုးသမီးများဟာ သားမယားပြုကျင့်ခံရမှု အပါအဝင် အဓမ္မ လုပ်အားပေးရမှု စတဲ့ မတရားမှုဒဏ်တွေကိုလည်း ခါးစည်းခံနေရဆဲပဲ ဖြစ်တယ်။  ပဋိပက္ခဒေသ မဟုတ်တဲ့ မြို့ကြီး၊ ပြကြီးတွေမှာလည်း တိုင်းပြည်ရဲ့ အဖက်ဖက်က ယိုယွင်းပျက်စီးနေတဲ့ တရားဥပဒေ စိုးမိုးရေး မဏ္ဍိုင်၊ စာရိတ္တမဏ္ဍိုင်တွေရဲ့ ဆိုးကျိုးဆက်အနေနဲ့ အမျိုးသမီးတွေဟာ အိမ်တွင်းအကြမ်းဖက်ခံရမှုအပါအဝင် တရားမဲ့ အနိုင်ကျင့်မှုတွေရဲ့ အဓိက သားကောင်ဖြစ်နေဆဲပဲ ဖြစ်တယ်။

ဒီလို အခြေအနေမှာ စိတ်ပိုင်း၊ ရုပ်ပိုင်းဆိုင်ရာ ဖွံ့ဖြိုးမှုကို အထောက်အကူပေးတဲ့ သိုင်းပညာရပ်တခုခုကို အမျိုးသမီးငယ်လေးတွေ စိတ်အားထက်သန်စွာ လေ့လာလိုက်စားတဲ့ ယဉ်ကျေးမှုတရပ် ဗမာ့လူ့အဖွဲ့အစည်းမှာ ရှင်သန်ကြီးထွားလာခဲ့ရင် မိမိ အလိုမတူဘဲ အဓမ္မ ကာမ လုယူခံရမှု နဲ့ အကြမ်းဖက်ခံရမှု ကို ထိရောက်စွာ ပင်ကိုယ်စွမ်းရည်ဖြင့် ကာကွယ်လာနိုင်မှာဖြစ်သလို ကာယ၊ စိတ္တ ဘက်စုံဖွံ့ဖြိုးတိုးတက်တဲ့ အမျိုးသမီးကောင်းလေးတွေ တိုင်းပြည်ရဲ့ နယ်ပယ်စုံ၊ ကဏ္ဍအသီးသီးမှာ ယခုထက် ပိုမို လွှမ်းမိုးနေရာယူလာနိုင်မှာ ဖြစ်တယ်။

ဒါကြောင့် ကိုငှက် ရဲ့ သမီးငယ် မိကွန်ထောလေး အပါအဝင် နှမ၊ အမ အမျိုးသမီးငယ်များ သိုင်းပညာ တရပ်ရပ်ကို လိုက်စားခြင်းအားဖြင့် မိမိ် ပုဂ္ဂလိက ဘဝ လုံခြုံမှုကို ဖန်တီိးနိုင်ကာ အမှီအခိုကင်းကင်း ရပ်တည်၊ ကာယ၊ ဉာဏ ဘက်စုံ အစွမ်းပြကာ ဗမာ့ လူ့အဖွဲ့အစည်းမှာ ယခုထက် ပိုမိုနေရာယူပြရင်း ရုပ်ပိုင်းဆိုင်ရာ ခွန်အားကြီးရာသာ အောင်နိုင်ရာလို့ ထင်နေဆဲ ရှိတဲ့ ယောက်ျားထုကြီး အသိတရားရလာအောင် စွမ်းဆောင်နိုင်ပါစေလို့ ဆန္ဒပြုလိုက်ပါတယ်။

ငြိမ်းချမ်းအေး

(စာရေးသူ ၏ ၀၂၊ ဇူလိုင်၊ ၂၀၁၂ ရေး မိုးမခ အွန်လိုင်း ဆောင်းပါးဟောင်း ကို တည်းဖြတ် ကာ ဘက်မလိုက် ဂျာနယ် အတွဲ (၁)၊ အမှတ် (၈)၊ ၂၉၊ မေ၊ ၂၀၁၄ တွင် ပုံနှိပ်သည်။)