Saturday, June 7, 2014

ကုလသမဂ္ဂ အဖွဲ့အစည်း နောက်ထပ်တစ်ခု၏ မေးခွန်းထုတ်စရာ ရုံးခန်းငှားရမ်းမှု


Eleven Media Group
 June 6, 2014
ရန်ကုန်တိုင်း မရမ်းကုန်းမြို့နယ်၊ ၇ မိုင်ခွဲ၊ ပါရမီလမ်းနှင့် ပြည်လမ်းထောင့်တွင် ဖွင့်လှစ်ထားသည့် WHO ရုံး၏ ဌာနချုပ်အား တွေ့ရစဉ်


ယူနီဆက်ဖ် ရုံးခန်းငှားရမ်းမှု ပြဿနာအပြီး ကုလသမဂ္ဂ အဖွဲ့အစည်း နောက်ထပ်တစ်ခု၏ မေးခွန်းထုတ်စရာ ရုံးခန်းငှားရမ်းမှုအဖြစ် ယခင်တပ်မတော် ထိပ်တန်းခေါင်းဆောင်ဟောင်း တစ်ဦး၏သမီး ပိုင်ဆိုင်သည့်အိမ်ကို တစ်လလျှင် ဒေါ်လာရှစ်သောင်းနှုန်း (တစ်နှစ်လျှင် ဒေါ်လာတစ်သန်းခန့်) ဖြင့် ကမ္ဘာ့ကျန်းမာရေးအဖွဲ့ (WHO) က ငှားရမ်းထားကြောင်း သတင်းများ ထွက်ပေါ်လျက် ရှိနေသည်။

အဆိုပါသတင်းများ ထွက်ပေါ်လျက်ရှိသည့် နေအိမ်မှာ ယခုအခါ WHO ရုံး၏ ဌာနချုပ်အဖြစ် ဖွင့်လှစ်ထားပြီး ရန်ကုန်တိုင်း မရမ်းကုန်းမြို့နယ်၊ ၇ မိုင်ခွဲ၊ ပါရမီလမ်းနှင့် ပြည်လမ်းထောင့်တွင် တည်ရှိသည်။ ယင်းအိမ်မှာ ယခင်တပ်မတော် ထိပ်တန်းခေါင်းဆောင်ဟောင်း တစ်ဦး၏သမီး ပိုင်ဆိုင်သည့် အိမ်ဖြစ်ကြောင်းနှင့် တစ်လလျှင် ဒေါ်လာရှစ်သောင်း ငှားရမ်းခအဖြစ် ပေးချေရကြောင်း သတင်းများထွက်ပေါ် နေခြင်းဖြစ်သည်။

ဇွန် ၃ ရက်တွင် ထွက်ရှိခဲ့သည့် Tomorrow သတင်းဂျာနယ်တွင် လက်စောင်းထက် ကလောင်နာမည်ဖြင့် ရေးသားခဲ့သည့် “ရန်ကုန်အိမ်ခြံမြေဈေးကွက်ကို ကိုင်လှုပ်နေတဲ့ မူးယစ်ခရိုနီ” ဆောင်းပါးထဲတွင် ရေးသားခဲ့ရာ၌ “အေဒီလမ်းထိပ်က မြန်မာ့လေကြောင်းပိုင် မြေနေရာမှာ လုံးချင်းနဲ့ကွန်ဒိုတွေ ဆောက်လုပ်ခွင့်ရခဲ့တယ်။ လုံးချင်းအိမ်တွေကိုတော့ သာဂေါင်ကြီးလို့လည်းခေါ်တဲ့ သာဂိကြီးလို့လည်းခေါ်တဲ့ စစ်အာဏာရှင်ရဲ့ သမီးတွေကို တစ်လုံးစီ ဆောက်ပေးခဲ့တယ်။ အဲဒီအိမ်တစ်လုံးဆိုရင် သာဂိကြီးသမီးက ကမ္ဘာ့ကျန်းမာရေး အဖွဲ့ချုပ်ကို ငှားစားထားတာ တစ်လကို ဒေါ်လာရှစ်သောင်း (ကျပ်သိန်း ၈၀၀) လစဉ်ရနေတယ်။ ဟိုတလောက ဂျာနယ်တွေမှာပါတဲ့ ၀န်ကြီးတစ်ပါးအိမ်ကို ယူနီဆက်ဖ်က သိန်း ၈၇၀ နဲ့ ခုနစ်နှစ်ငှားတာနဲ့ နင်လားငါလားပဲ။ ဒီတော့ တိုင်းပြည်ရဲ့ ၀င်ငွေအများစုက ဘယ်သူတွေလက်ထဲ ရောက်နေလဲဆိုတာ သိလောက်ပါပြီ” ဟု ရေးသားထားခဲ့သည်။

အဆိုပါသတင်းများ ထွက်ပေါ်နေမှုနှင့် ပတ်သက်၍ အတည်ပြုချက် ရယူနိုင်ရန်အတွက် The Daily Eleven သတင်းစာအနေဖြင့် WHO မြန်မာကိုယ်စားလှယ်ထံသို့ အီးမေးလ်ဖြင့်ရော ဖုန်းဖြင့်ပါ ဆက်သွယ်မေးမြန်းခဲ့ရာတွင် ပြန်လည်အတည်ပြုချက် မရရှိခဲ့သောကြောင့် WHO ရုံးချုပ်သို့ လူကိုယ်တိုင်သွားရောက် မေးမြန်းရာတွင်လည်း တာဝန်ခံဖြေကြားပေးမည့် တာဝန်ရှိသူများ မရှိသောကြောင့် နောက်မှပြန်ဆက်သွယ်ရန်သာ ပြောဆိုခဲ့သည်။

ယခုဖြစ်စဉ်သည် နိုင်ငံတကာ NGO အဖွဲ့အစည်းများအနေဖြင့် ရုံးခန်းငှားရမ်းရန်အတွက် ငွေအမြောက်အမြား အသုံးပြုနေကြောင်း စွပ်စွဲမှုများ ထွက်ပေါ်လာပြီးနောက် ဒုတိယဖြစ်စဉ် တစ်ခုဖြစ်သည်။ မေလအတွင်းကလည်း ကုလသမဂ္ဂ ကလေးသူငယ်များ ရန်ပုံငွေအဖွဲ့ (Unicef) က စစ်အစိုးရခေတ် လယ်/ဆည်ဝန်ကြီးဟောင်း ဦးညွန့်တင်သမီးတစ်ဦး ပိုင်ဆိုင်သည့်အိမ်ကို တစ်လလျှင် ဒေါ်လာ ၈၇၀၀၀ နှုန်းဖြင့် ခုနစ်နှစ်စာချုပ်ချုပ်ဆို ငှားရမ်းထားမှုကို ဧရာဝတီသတင်းဌာနက ဖော်ထုတ်ခဲ့အပြီး ယူနီဆက်ဖ်အပေါ် ဝေဖန်မှုများ မြင့်တက်ခဲ့ကာ နိုင်ငံတကာ အဖွဲ့အစည်းများ အနေဖြင့် ပြည်သူလူထုအတွက် လှူဒါန်းထားသည့် အလှူငွေများကို မဆင်မခြင် အသုံးပြုနေခြင်းများအပေါ် ပြည်သူများအကြား ထောက်ပြပြောဆိုမှုများ ရှိခဲ့သည်။

Weekly Eleven အား ပြန်ကြားရေး ၀န်ကြီးဌာနက တရားဥပဒေအရ ဆောင်ရွက်မည်ဟု သတင်းစာရှင်းလင်း



Eleven Media Group
ဇွန် ၂ ရက်ထုတ် Weekly Eleven သတင်းဂျာနယ်၌ “အများပြည်သူ ၀န်ဆောင်မှု မီဒီယာဥပဒေက နိုင်ငံပိုင်မီဒီယာများကို သွယ်ဝိုက်သောအားဖြင့် ပြည်သူ့ဘဏ္ဍာငွေ အလွဲသုံးစားမှု ပြုလုပ်ရန် ခွင့်ပြုနေသလား” သတင်းဆောင်းပါးကို ဖော်ပြခဲ့သည်။
Weekly Eleven တွင် ဖော်ပြခဲ့သော ပြန်ကြားရေး ၀န်ကြီးဌာန၏ ပုံနှိပ်စက်ဝယ်ယူမှု အချက်အလက်များနှင့် ပတ်သက်၍ Weekly Eleven အား ပြန်ကြားရေး ၀န်ကြီးဌာနက တရားဥပဒေအရ ဆောင်ရွက်မည်ဟု သတင်းစာရှင်းလင်း

Weekly Eleven သတင်းဂျာနယ်တွင် ဖော်ပြခဲ့သော ပြန်ကြားရေး ၀န်ကြီးဌာန၏ ပုံနှိပ်စက်ဝယ်ယူမှု အချက်အလက်များနှင့် ပတ်သက်ပြီး Weekly Eleven အား ပြန်ကြားရေး ၀န်ကြီးဌာနက တရားဥပဒေဘောင် အတွင်းမှ ဆောင်ရွက်မည်ဟု ဇွန် ၆ ရက်တွင် နေပြည်တော်ရှိ ပြန်ကြားရေး ၀န်ကြီးဌာနရုံး၌ ပြုလုပ်သော သတင်းစာ ရှင်းလင်းပွဲတွင် ပြောကြားခဲ့သည်။

ဇွန် ၂ ရက်ထုတ် Weekly Eleven သတင်းဂျာနယ်၌ “အများပြည်သူ ၀န်ဆောင်မှု မီဒီယာဥပဒေက နိုင်ငံပိုင်မီဒီယာများကို သွယ်ဝိုက်သောအားဖြင့် ပြည်သူ့ဘဏ္ဍာငွေ အလွဲသုံးစားမှု ပြုလုပ်ရန် ခွင့်ပြုနေသလား” သတင်းဆောင်းပါးကို ဖော်ပြခဲ့သည်။ ထိုသတင်းဆောင်းပါးသည် မေ ၃၁ ရက်က ပြည်သူ့လွှတ်တော် အစည်းအဝေးခန်းမတွင် ပြုလုပ်သည့် “အများပြည်သူ ၀န်ဆောင်မှုမီဒီယာ ဥပဒေကြမ်းနှင့် စပ်လျဉ်းသော ညှိနှိုင်းဆွေးနွေးပွဲ” တွင် ပြည်သူ့လွှတ်တော် ဥပဒေကြမ်းကော်မတီ၊ ပြန်ကြားရေး ၀န်ကြီးဌာနနှင့် စာနယ်ဇင်းသမားများ ပြောဆိုခဲ့ကြသည့် အကြောင်းအရာများကို အခြေခံ ရေးသားခဲ့ခြင်းဖြစ်သည်။

အဆိုပါ ညှိနှိုင်းဆွေးနွေးပွဲ၌ The Daily Eleven မှ အမှုဆောင်အယ်ဒီတာ ကိုနေထွန်းနိုင်က အများပြည်သူ ၀န်ဆောင်မှု မီဒီယာဥပဒေကို အတည်ပြုမည် ဆိုပါက ဖြစ်ပေါ်လာနိုင်သည့် အခြေအနေများကို ပြောကြားခဲ့ပြီး ၎င်း၏ ပြောကြားချက်များတွင် ပြန်ကြားရေး ၀န်ကြီးဌာန၏ ပုံနှိပ်စက်ဝယ်မှု အချက်အလက်များကို ထည့်သွင်းပြောကြားခဲ့ခြင်း ဖြစ်သည်။

ကိုနေထွန်းနိုင်၏ ပြောကြားချက် အပြည့်အစုံမှာ “ကျွန်တော်တို့ သိထားတဲ့ အချက်အလက်တွေအရ အခုလောလောဆယ်မှာ နိုင်ငံပိုင်မီဒီယာ အနေနဲ့ ကြည့်မယ်ဆိုရင် ကြေးမုံက စောင်ရေရှစ်သောင်းရှိပါတယ်။ မြန်မာ့အလင်းက စောင်ရေ ငါးသောင်းရှိပါတယ်။ ဒီအတိုင်းအတာ ကာလမှာ ကျွန်တော်တို့သိရတဲ့ အချက်အလက်တွေအရ အခုဝန်ကြီးလည်း ရှိနေပါတယ်။ ပုံနှိပ်စက် သုံးလုံးကနေ ငါးလုံးအထိ (ပြန်ကြားရေးက) တင်ဒါခေါ်တယ်။ အောင်ထားတယ်။ အဲဒီ ပုံနှိပ်စက်တွေရဲ့ ဈေးနှုန်းကို ပြန်ကြည့်တဲ့အခါမှာ သတ်မှတ်ဈေးနှုန်းထက် ပိုနေတာတွေ တွေ့ပါတယ်။ ဥပမာအားဖြင့် စက်တစ်လုံးက အမေရိကန်ဒေါ်လာ ရှစ်သိန်းဝန်းကျင်ပဲ ရှိတဲ့စက်မှာ ပြန်ကြားရေးဝန်ကြီးဌာနမှာ တင်ဒါအောင်ထားတဲ့ ဈေးနှုန်းက အမေရိကန်ဒေါ်လာ တစ်သန်းကျော် ဖြစ်နေတာမျိုးတွေပေါ့။ တစ်ချို့စက်တွေဆိုရင် အမေရိကန်ဒေါ်လာ လေးငါးသိန်းလောက်နဲ့ ပြီးရမယ့်စက်က ဒေါ်လာသန်းကျော်ဖြစ်နေတဲ့ အခါကျတော့ အဲဒီကွာဟချက်မှာ ဘယ်လိုခြစားမှုတွေ၊ အလွဲသုံးစားမှုတွေ ရှိနေသလဲ။ သံသယရှိပါတယ်။ ထိုင်းမှာဆိုရင် ထိုင်းရတ်သတင်းစာက တစ်နေရာထဲမှာပဲ ပုံနှိပ်ပါတယ်။ အချိန်ခွဲပြီး၊ မျက်နှာဖုံး ရှစ်မျိုးပြောင်းပြီး (နိုင်ငံအနှံ့) ဖြန့်ပါတယ်။ ဒါကိုဘာကြောင့် ပြောရသလဲဆိုတော့ ခုနပြောတဲ့ ပုံနှိပ်စက်ဆိုတာ အများပြည်သူ ၀န်ဆောင်မှု မီဒီယာအတွက် ပြင်ဆင်တာလည်း ဖြစ်ကောင်း ဖြစ်နိုင်ပါတယ်။ အဲသလို ပြင်တဲ့အခါမှာ မလိုလားအပ်တဲ့ ကုန်ကျစရိတ်တွေ၊ မလိုလားအပ်တဲ့ အသုံးစရိတ်တွေ ပေါ်လာတယ်။ ဥပဒေအရ ရှုပ်ထွေးမှုတွေ ဖြစ်လာနိုင်သလို၊ ကောင်စီတွေ ရှုပ်ထွေးမှု ဖြစ်လာနိုင်သလို ငွေကြေးအားဖြင့်လည်း ထင်သာမြင်သာမရှိတဲ့ ရှုပ်ထွေးမှုတွေ ရှိလာနိုင်ပါတယ်။ ဒီအချက်ကြောင့်မလို့ အများပြည်သူ ၀န်ဆောင်မှု မီဒီယာဥပဒေကို စဉ်းစားတဲ့အခါ ပြည်သူ့ဘဏ္ဍာငွေ အလွဲသုံးစားပြုမှုကို တရားဝင်ခွင့်ပြုသလို ဖြစ်နေမလား။ သွယ်ဝိုက်အားဖြင့် ခွင့်ပြုနေသလားဆိုတဲ့ ထည့်သွင်းစဉ်းစားသင့်တယ်လို့ ထင်ပါတယ်” ဟု ပြောကြားခဲ့ခြင်း ဖြစ်သည်။

Weekly Eleven သတင်းဂျာနယ်တွင် ဖော်ပြခဲ့သောသတင်း၌ ပါရှိသည့် ပုံနှိပ်စက်ဝယ်ယူမှုနှင့် ပတ်သက်သော ဖော်ပြချက်များသည် ပြန်ကြားရေး ၀န်ကြီးဌာနအား စွပ်စွဲပုတ်ခတ်ထားသည့် အချက်များ ဖြစ်သည်ဟု ပြန်ကြားရေး ၀န်ကြီးဌာန၊ သတင်းနှင့် စာနယ်ဇင်းလုပ်ငန်း ညွှန်ကြားရေးမှူး (စီမံ) ဦးဝင်းဇော်ဌေးက ဇွန် ၆ ရက် သတင်းစာရှင်းလင်းပွဲတွင် ပြောကြားသည်။

“မိမိတို့ဌာနအနေဖြင့် အဆိုပါကိစ္စနှင့် ပတ်သက်၍ မြန်မာနိုင်ငံ စာနယ်ဇင်းကောင်စီ (ယာယီ)သို့လည်း ဖြေရှင်းဆောင်ရွက်ပေးရန် တင်ပြထားကြောင်းနှင့် စာနယ်ဇင်းကောင်စီ အနေဖြင့်လည်း တရားမျှတမှုကို ဖော်ဆောင်ပေးမည်ဟု မျှော်လင့်ပါတယ်။ ကျွန်တော်တို့ အနေဖြင့်လည်း Weekly Eleven ဂျာနယ်က လွဲမှားစွာ ရေးသာဖော်ပြ ဖြန့်ချိခဲ့မှုအပေါ် တရားဥပဒေ ဘောင်အတွင်းမှာ တရားမျှတမှုရအောင် ဖော်ဆောင်သွားမည် ဖြစ်ကြောင်း အသိပေးပြောကြား လိုပါတယ်” ဟု ဦးဝင်းဇော်ဋ္ဌေးက ဆိုသည်။

Weekly Eleven သတင်းဂျာနယ်၏ သတင်းဆောင်းပါး၌ ဖော်ပြခဲ့သော ၎င်း၏ပြောကြားချက်များသည် ညှိနှိုင်းဆွေးနွေးပွဲတွင် ပြောကြားခဲ့သော စကားများဖြစ်ပြီး ထိုသို့ပြောကြားနေချိန်တွင် ပြန်ကြားရေးဝန်ကြီး ဦးအောင်ကြည်လည်း ရှိနေကာ ၎င်း၏ပြောကြားချက်များမှာ မှားယွင်းနေပြီး ပြန်ကြားရေးဝန်ကြီးဌာနကို စွပ်စွဲပုတ်ခတ် ပြောကြားခဲ့သည်ဟု ဦးအောင်ကြည်က ထောက်ပြပြောဆိုခြင်း မရှိခဲ့ကြောင်း ကိုနေထွန်းနိုင်က ဇွန် ၆ ရက်တွင် ပြောကြားသည်။

“ညှိနှိုင်းဆွေးနွေးပွဲကို တက်ခဲ့တဲ့သူတိုင်း သိပါတယ်။ ကျွန်တော် ဒီစကားတွေကို ပြန်ကြားရေးဝန်ကြီး ဦးအောင်ကြည်ရှေ့မှာပဲ ပြောခဲ့တာပါ။ ကျွန်တော် ပြောတာတွေ မှားနေတယ်၊ စွပ်စွဲပုတ်ခတ်မှုတွေ ဖြစ်တယ်လို့ ဦးအောင်ကြည်က လုံးဝမပြောခဲ့ပါဘူး။ အဲဒီညှိနှိုင်း ဆွေးနွေးပွဲမှာ ရှိနေတဲ့ ပြည်သူ့လွှတ်တော် အားကစား၊ ယဉ်ကျေးမှုနဲ့ ပြည်သူ့ဆက်ဆံရေး ကော်မတီဥက္ကဋ္ဌ သူရဦးအေးမြင့်က ကျွန်တော် ပြောပြီးတဲ့အချိန် ကျွန်တော်ရဲ့ ပြောကြားချက်အပေါ် ဘာပြောစရာရှိမလဲလို့ ဦးအောင်ကြည်ကို လှမ်းမေးပါတယ်။ ဒီအခါမှာလည်း ဦးအောင်ကြည်က ဘာမှပြောစရာ မရှိဘူးဆိုပြီး ငြိမ်နေခဲ့ပါတယ်။ တကယ်လို့ အဲဒီ အချိန်မှာသာ ကျွန်တော်တို့ သိထားတဲ့ အချက်အလက်တွေ၊ ကျွန်တော်ပြောတာတွေ မှားနေတယ်လို့ ဦးအောင်ကြည်က ပြောခဲ့မယ်၊ ငြင်းခဲ့မယ်ဆိုရင် ကျွန်တော် ပြောခဲ့တာတွေကို ဂျာနယ်မှာ ပြန်ဖော်ပြချင်မှ ဖော်ပြမှာပါ။ သူကဘာမှ ပြန်မပြောခဲ့တဲ့အတွက် သတင်းဆောင်းပါးမှာ ထည့်သွင်းဖော်ပြခဲ့တာ ဖြစ်ပါတယ်” ဟု ကိုနေထွန်းနိုင်က ပြောကြားသည်။

ထို့အပြင် ယခုကိစ္စ၀န်ကြီးဌာန တစ်ခု၏ အစိတ်အပိုင်းတစ်ခုကိုသာ ပြောခြင်းဖြစ်ပြီး တိုင်းပြည်အတွက် နစ်နာနိုင်သော ဘတ်ဂျက်ငွေဖြုန်းတီးမှုများကို ပြောလိုခြင်းသာ ဖြစ်သည်ဟု ၎င်းကဆက်လက် ပြောကြားသည်။

“ကျွန်တော်တို့ရရှိတဲ့ အချက်အလက်တွေအရ ဒီလိုပုံနှိပ်စက်ကိစ္စမှာတင် ပြည်သူ့ဘဏ္ဍာငွေ နစ်နာတဲ့ကိစ္စတွေ ဖြစ်လာတယ်။ အခု သူတို့ဘက်က တရားဝင်ထုတ်ပြောလာတဲ့ ဈေးနှုန်းတွေကို ကြည့်တဲ့အခါမှာလည်း ပြည်သူ့ဘဏ္ဍာငွေ နစ်နာရတဲ့ ကွဲလွဲချက်တွေကို တွေ့ရတယ်။ စောင်ရေအများကြီးမရှိတဲ့ သတင်းစာတွေအတွက် ပုံနှိပ်စက်တွေ အများကြီး ၀ယ်ဖို့လိုသလား။ နောက်ပြီးပြန်ကြားရေး ၀န်ကြီးက သတင်းစာတွေကတစ်ဆင့် အကျိုးအမြတ်တွေရတယ်။ မြတ်တယ်လို့ ပြောတယ်။ လက်တွေ့မှာတော့ ပြန်ကြားရေး ၀န်ကြီးဌာနက ၂၀၁၃-၂၀၁၄ ဘဏ္ဍာနှစ်မှာ ငွေလုံးငွေရင်း အသုံးစရိတ်အပါအ၀င် ငွေကျပ် ၈၂ ဘီလျံကျော် ဘတ်ဂျက်ရတယ်။ ငွေကျပ် ၂၉ ဘီလျံပဲ ၀င်ငွေပြန်ရှာနိုင်တယ်။ ၅၂ ဘီလျံ ရှုံးတယ်။ ၂၀၁၄-၂၀၁၅ ဘဏ္ဍာနှစ် ဘတ်ဂျက်အတွက် ငွေကျပ် ၃၆ ဘီလျံကို ငွေလုံးငွေရင်း အသုံးစရိတ် တောင်းခဲ့တယ်။ ကိုယ့်ဘာသာ ရပ်တည်နိုင်စွမ်းမရှိဘဲ ပြည်သူ့ဘဏ္ဍာငွေကို တောင်းခံနေရတယ်ဆိုတာ အရှုံးပေါ်နေလို့ပဲ။ ပြည်သူ့အခွန်ငွေတွေနဲ့ ဘာကြောင့် အရှုံးခံနေတော့မလဲ။ တိုင်းပြည်အတွက် အရမ်းနစ်နာတယ်။ ပြည်သူ့ဘဏ္ဍာငွေတွေနဲ့ သတင်းစာရော၊ ရုပ်သံကိုပါ လက်ဝါးကြီးအုပ် ရပိုင်ခွင့်တွေယူတယ် ဆိုတာလည်း အလွဲသုံးစားမှု လုပ်နေတာပဲ။ ပြန်ကြားရေးဝန်ကြီး ပြောသလို မရှုံးဘူးဆိုရင် ပြည်သူ့ဘဏ္ဍာငွေကို တောင်းနေစရာ မလိုဘူး။ ကျွန်တော်တို့ ပြောနေတာက ပြန်ကြားရေး ၀န်ကြီးဌာန ရှိစရာမလိုတော့ဘူး။ ဖျက်ပစ်ရမှာ။ ဒီမိုကရေစီနိုင်ငံတိုင်းမှာ ပြန်ကြားရေးဝန်ကြီးဌာန မရှိဘူး။ ပြည်သူ့ဘဏ္ဍာငွေတွေနဲ့ ပြန်ကြားရေး ၀န်ကြီးဌာနကို အရှုံးခံလည်ပတ် နေတာလည်း မရှိသင့်တော့ဘူး” ဟု ကိုနေထွန်းနိုင်က ပြောကြားသည်။

ဇွန် ၆ ရက် သတင်းစာ ရှင်းလင်းပွဲတွင် သတင်းနှင့် စာနယ်ဇင်းလုပ်ငန်းမှ ညွှန်ကြားရေးမှူး (စီမံ) ဦးဝင်းဇော်ဌေးက ပုံနှိပ်စက်များ ၀ယ်ယူခဲ့သည့် အကြောင်းနှင့် တင်ဒါအောင်ခဲ့သည့် ဈေးနှုန်းများကို ထုတ်ဖော် ပြောကြားခဲ့သည်။

“၂၀၁၃-၂၀၁၄ ဘဏ္ဍာနှစ်တွင် အိန္ဒိယနိုင်ငံထုတ် 4 Hi Tower 2 Unit ရောင်စုံပုံနှိပ်စက်အား အမေရိကန်ဒေါ်လာ ၃၉၅၅၀၀ တန်ဖိုးဖြင့် နှစ်လုံး၊ အမေရိကန်ဒေါ်လာ ၄၁၈၃၆၇ ဖြင့် တစ်လုံးတို့ကို တော်ဝင်မြင့်မိုရ် ကုမ္ပဏီမှ လည်းကောင်း၊ ယခုနှစ်ဘဏ္ဍာရေးနှစ်ဖြစ်တဲ့၂၀၁၄-၂၀၁၅ ခုနှစ်မှာ အိန္ဒိယနိုင်ငံလုပ် 4 Hi Tower 4 Unit ရောင်စုံပုံနှိပ်စက် တစ်လုံးအား အမေရိကန်ဒေါ်လာ ၇၀၀၀၀၀ ဖြင့် The Printer House ကုမ္ပဏီမှလည်ကောင်း တင်ဒါအောင်မြင် ၀ယ်ယူခဲ့ပါတယ်။ ဒီလို ၀ယ်ယူခဲ့မှုကိုလည်း တင်ဒါစည်းမျဉ်း လုပ်ထုံးလုပ်နည်း အဆင့်ဆင့်နဲ့အညီ ပြန်ကြားရေး ၀န်ကြီးဌာန၊ ပြည်တွင်းပြည်ပ ပစ္စည်းများဝယ်ယူရေးနှင့် ထုခွဲရောင်းချရေး ကော်မတီမှ စနစ်တကျဖြင့် ဈေးဆစ်ပြီး အောင်မြင်သော ကုမ္ပဏီကို တထိုင်တည်း ကြေညာဝယ်ယူခဲ့ခြင်း ဖြစ်ပါတယ်” ဟု ဦးဝင်းဇော်ဌေးက ဆိုသည်။

ဦးဝင်းဇော်ဌေးက ယင်းကဲ့သို့ ပြောကြားခဲ့သော်လည်း ၎င်း၏ပြောကြားချက်တွင် ပါဝင်သော ဈေးနှုန်းများနှင့် ပတ်သက်၍ “တရားဥပဒေဘောင်ထဲက လုပ်မယ်ဆိုတာ ကောင်းပါတယ်။ ဒါပေမယ့် ဒီနေ့ ရှင်းလင်းသွားတဲ့ အထဲမှာ ပြန်ကြားရေးက 4 Hi Tower 2 Unit ကို ဒေါ်လာ ၃၉၅၅၀၀ နဲ့ ၂ လုံး၊ ဒေါ်လာ ၄၁၈၃၆၇ နဲ့ ၁ လုံး၊ 4 Hi Tower 4 Unit ကို ဒေါ်လာ ၇ သိန်းနဲ့ ၁ လုံး ၀ယ်တယ်လို့ ရှင်းတယ်။ စက် ၄ လုံးကို ဒေါ်လာ ၁ သန်း ၉ သိန်း လောက်ကျတယ်။ ကျွန်တော်တို့ ၀ယ်ထားတဲ့ 4 Hi Tower 4 Unit သုံးလုံးနဲ့ Mono တစ်လုံးရဲ့ စုစုပေါင်း တန်ဖိုးက Semi Auto က ဒေါ်လာ ၄ သိန်း၊ Auto က ဒေါ်လာ ၅ သိန်းနဲ့ ၆ သိန်းကြားပဲရှိတယ်။ သူတို့ စက် ၄ လုံးက ကျွန်တော်တို့ အမျိုးအစားဆိုရင် ဒေါ်လာ ၅ သိန်းအောက်ပဲ ကျမယ်။ အခုပြန်ကြားရေးက ၀ယ်ယူမှုတွေမှာ ပြည်သူ့ဘဏ္ဍာ ဒေါ်လာ ၁ သန်းခွဲလောက် နစ်နာနေတယ်။ ကျွန်တော်တို့ဝယ်တဲ့စက်နဲ့ Printing Quality ကလည်း မကွာပါဘူး။ ပြန်ကြားရေးက ၀ယ်တဲ့စက်တွေရဲ့ တန်ဖိုးအမှန် FOB India ကို India custom မှာ ပြန်ရှာလို့ရပါတယ်။ ပြန်ကြားရေးဝန်ကြီး အနေနဲ့ ဒီကိစ္စမှာပတ်သက်မှု မရှိဘူးဆိုရင် ဌာနတွင်းမှာရော လာဘ်ပေးလာဘ်ယူမှု ပပျောက်ရေး ကော်မရှင်ကို တိုင်ကြားပြီး သေသေချာချာ စုံစမ်းစစ်ဆေးပါ။ ပြီးမှကျွန်တော်တို့ကို တရားစွဲပါ” ဟု Weekly Eleven News Journal အယ်ဒီတာချုပ် ကိုဝေဖြိုးက ပြောပါသည်။

4 Hi Tower 4 Uni သုံးလုံး Mono တစ်လုံးပါ ဒေါ်လာ ပျမ်းမျှ ငါးသိန်းဝန်းကျင် တန်ဖိုးရှိ Eleven Media Group ၏ Web-Offset (ပုံ-၁)

တစ်လုံးတည်းအား ဒေါ်လာ ၇ သိန်း ဖြင့် ပြန်ကြားရေးက ၀ယ်ယူသည်ဟုဆိုသည့် 4 Hi Tower 4 Unit တစ်လုံးကို တွေ့ရစဉ် (ပုံ-၂)

ဒီနေ့ကာတွန်း

၄၃၆ပြင်ရန်လက်မှတ်ထိုးခြင်းဆိုင်ရာသိမှတ်ဖွယ်များ

အဖွဲ့ချုပ်ဗဟိုကော်မတီအစည်းအဝေးသို့ ဒေါ်အောင်ဆန်းစုကြည်တက်ရောက်( ဒို့ရိုးရာခန်းမ)


National League for Democracy

အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်
ပထမအကြိမ် ဗဟိုကော်မတီ တတိယအကြိမ် အစည်းအဝေးသို့ တက်ရောက် အမှာစကား ပြောကြားစဉ်
( ဒို့ရိုးရာခန်းမ ၊ ရွှေဂုံတိုင် ၊ ဗဟန်းမြို့နယ် ၇.၆.၂၀၁၄ ၊ စနေနေ့ ၀၉း ၀၀ နာရီ)



“အရေးကြီးဆုံးကိစ္စကျမပြောချင်ပါတယ်။အရေးကြီးဆုံးကိစ္စက ဘာလဲဆိုတော့ကျမတို့ထပ်တလဲလဲ ပြောနေရတဲ့ ကိစ္စပါ။ ကျမတို့ ရဲ့နိုင်ငံဟာ ပြည်ထောင်စုပါ။ တိုင်းရင်းသား မျိုးစုံနဲ့ဖွဲ့စည်းထားတဲ့ပြည်ထောင်စုဖြစ်ပါတယ်။ ပြီးတော့ ဒီနိုင်ငံမှာရေရှည်မှာငြိမ်းချမ်း ဖို့အတွက် တိုးတတ်ဖို့အတွက် အောင်မြင်ဖို့အတွက် သာယာဖို့ အတွက်ဆိုရင် ကျမတို့တိုင်းရင်းသား ညီအကိုမောင်နှမများကြားမှာ စစ်မှန်တဲ့ နားလည်မှုရှိရမယ်။ စစ်မှန်တဲ့တစ်ဦးအပေါ်တစ်ဦး လေးစားမှု တန်ဖိုးထားမှုရှိရမယ်။ ဒီအမျိုးသားဒီမိုကရေစီ အဖွဲ့ချုပ် ၀င်တွေ အားလုံးဟာ တစ်ယောက်ချင်း တစ်ယောက်ချင်း မှာ စစ်မှန် တဲ့ဒီမိုကရေစီပြည်ထောင်စု ဖြစ်ပေါ်ရေးအတွက် တာဝန် ရှိတယ်ဆိုတဲ့စိတ်ဓာတ်ကို ထားကြပါ။ကိုယ်တစ်ဦးချင်းအနေနဲ့ တိုင်းရင်းသားများနဲ့ပတ်သတ်လို့ ဆက်ဆံပုံဆက်ပုံနည်း ကိုယ့်ရဲ့အစုအဖွဲ့ အနေနဲ့တိုင်းရင်းသား များ ကျမတို့ရဲ့ ကျမတို့ နိုင်ငံရဲ့ပြည်ထောင်စု စနစ်နဲ့ပတ်သတ်လို့ သဘောထားများကို ချည်းကပ် နည်း ကျမတို့ အဖွဲ့ချုပ် အနေနဲ့ တိုင်းရင်းသားများ ကျမတို့ရဲ့ ပြည်ထောင်စု စိတ်ဓာတ်ပိုခိုင်လာဖို့အတွက် ဘယ်လိုစည်းလုံးပြီးတော့ လုပ်နိုင်မလဲဆိုတဲ့ စဉ်းစားဆင်ခြင် တဲ့ ဥာဏ်များကိုတိုးပွားအောင် လုပ်ကြပါ။ကျမတို့ အမျိုးသားဒီမို ကရေစီ အဖွဲ့ချုပ်ဟာ တနိုင်ငံလုံးအတွက် ဖွဲ့ စည်း ထားတာဖြစ်ပါတယ်။ ဒီနိုင်ငံဟာ တိုင်းရင်းသားများအားလုံးပိုင် ဆိုင်တဲ့နိုင်ငံဖြစ်တယ်။ဗမာ တွေက အများစုဆိုပေမယ့် ဒီနိုင်ငံကိုဗမာတွေပိုင်တာမဟုတ်ပါဘူး ။အားလုံးတန်းတူ ညီတူ တိုင်းရင်းသားများအားလုံးပိုင်တဲ့ နိုင်ငံဖြစ်ပါတယ်။ဒီနိုင်ငံဟာ ကျမတို့ရဲ့တိုင်းရင်းသားအားလုံး အတွက် လုံခြုံရာ လွတ်လပ်ရာ စိတ်ချမ်းမြေ့ ရာ နေရာ တစ်ခုဖြစ်ဖို့အတွက်ဝိုင်းဝန်း ပြီးတော့လုပ်ဖို့ အမျိုးသားဒီမိုကရေစီအဖွဲ့ချုပ် အဖွဲ့ ၀င်တိုင်းမှာ တာဝန် ရှိသလို အထူးသဖြင့် ဗဟိုကော်မတီ ၀င်တိုင်းမှာတစ်ယောက်ချင်းတစ်ယောက်ချင်းတာဝန်ရှိပါ တယ် လို့ကျမအနေနဲ့ပြော ချင်ပါတယ်။”
အမျိုးသားဒီမိုကရေစီအဖွဲ့ချုပ် ရဲ့ ၂၀၁၄ ခုနှစ်ပထမအကြိမ် ဗဟိုကော်မတီအစည်းအဝေးကို ပြည်နယ် နဲ့တိုင်းအသီးသီးက တတ်ရောက်ခွင့်ရှိသူ ၁၁၅ ဦးမှ ၁၁၀ ဦးတတ်ရောက်ခဲ့ပြီး ၉၆ ရာခိုင်နူန်း တတ်ရောက်ခဲ့တာကြောင့် အစည်းအဝေးအထမြောက်ကြောင်း သိရပါတယ်။ ဥက္ကဌ ဒေါ်အောင်ဆန်းစုကြည်မိနစ် ၂၀ခန့် အမှာစကားပြောကြား ခဲ့ရာ အမျိုးသားဒီမိုကရေစီ အဖွဲ့ ချုပ် ၀င်များ လိုက်နာရမယ့် စည်းမျဉ်းများနဲ့ပတ်သတ်လို့ လုပ်ဆောင်ရမယ့်ကိစ္စတွေကို ပြောကြားခဲ့ပါတယ်။ ဒေါ်အောင်ဆန်းစုကြည်က “အရေးကြီးဆုံးကိစ္စကျမပြောချင်ပါတယ်။အရေးကြီးဆုံးကိစ္စက ဘာလဲဆိုတော့ကျမတို့ထပ်တလဲလဲ ပြောနေရတဲ့ ကိစ္စပါ။ ကျမတို့ ရဲ့နိုင်ငံဟာ ပြည်ထောင်စုပါ။ တိုင်းရင်းသား မျိုးစုံနဲ့ဖွဲ့စည်းထားတဲ့ပြည်ထောင်စုဖြစ်ပါတယ်။ ပြီးတော့ ဒီနိုင်ငံမှာရေရှည်မှာငြိမ်းချမ်း ဖို့အတွက် တိုးတတ်ဖို့အတွက် အောင်မြင်ဖို့အတွက် သာယာဖို့ အတွက်ဆိုရင် ကျမတို့တိုင်းရင်းသား ညီအကိုမောင်နှမများကြားမှာ စစ်မှန်တဲ့ နားလည်မှုရှိရမယ်။ စစ်မှန်တဲ့တစ်ဦးအပေါ်တစ်ဦး လေးစားမှု တန်ဖိုးထားမှုရှိရမယ်။ ဒီအမျိုးသားဒီမိုကရေစီ အဖွဲ့ချုပ် ၀င်တွေ အားလုံးဟာ တစ်ယောက်ချင်း တစ်ယောက်ချင်း မှာ စစ်မှန် တဲ့ဒီမိုကရေစီပြည်ထောင်စု ဖြစ်ပေါ်ရေးအတွက် တာဝန် ရှိတယ်ဆိုတဲ့စိတ်ဓာတ်ကိုထားကြပါ။ကိုယ်တစ်ဦးချင်းအနေနဲ့ တိုင်းရင်းသားများနဲ့ပတ်သတ်လို့ ဆက်ဆံပုံဆက်ပုံနည်း ကိုယ့်ရဲ့အစုအဖွဲ့ အနေနဲ့တိုင်းရင်းသား များ ကျမတို့ရဲ့ ကျမတို့ နိုင်ငံရဲ့ပြည်ထောင်စု စနစ်နဲ့ပတ်သတ်လို့ သဘောထားများကို ချည်းကပ် နည်း ကျမတို့ အဖွဲ့ချုပ် အနေနဲ့ တိုင်းရင်းသားများ ကျမတို့ရဲ့ ပြည်ထောင်စု စိတ်ဓာတ်ပိုခိုင်လာဖို့အတွက် ဘယ်လိုစည်းလုံးပြီးတော့ လုပ်နိုင်မလဲဆိုတဲ့ စဉ်းစားဆင်ခြင် တဲ့ ဥာဏ်များကိုတိုးပွားအောင် လုပ်ကြပါ။ကျမတို့ အမျိုးသားဒီမို ကရေစီ အဖွဲ့ချုပ်ဟာ တနိုင်ငံလုံးအတွက် ဖွဲ့ စည်း ထားတာဖြစ်ပါတယ်။ ဒီနိုင်ငံဟာ တိုင်းရင်းသားများအားလုံးပိုင် ဆိုင်တဲ့နိုင်ငံဖြစ်တယ်။ဗမာ တွေက အများစုဆိုပေမယ့် ဒီနိုင်ငံကိုဗမာတွေပိုင်တာမဟုတ်ပါဘူး ။အားလုံးတန်းတူ ညီတူ တိုင်းရင်းသားများအားလုံးပိုင်တဲ့ နိုင်ငံဖြစ်ပါတယ်။ဒီနိုင်ငံဟာ ကျမတို့ရဲ့တိုင်းရင်းသားအားလုံး အတွက် လုံခြုံရာ လွတ်လပ်ရာ စိတ်ချမ်းမြေ့ ရာ နေရာ တစ်ခုဖြစ်ဖို့အတွက်ဝိုင်းဝန်း ပြီးတော့လုပ်ဖို့ အမျိုးသားဒီမိုကရေစီအဖွဲ့ချုပ် အဖွဲ့ ၀င်တိုင်းမှာ တာဝန် ရှိသလို အထူးသဖြင့် ဗဟိုကော်မတီ ၀င်တိုင်းမှာတစ်ယောက်ချင်းတစ်ယောက်ချင်းတာဝန်ရှိပါ တယ် လို့ကျမအနေနဲ့ပြော ချင်ပါတယ်။” လို့ပြောဆိုခဲ့ပါတယ်။
ဒေါ်အောင်ဆန်းစုကြည်၏ ယနေ့ NLD ဗဟိုကော်မတီ အစည်းအဝေး အဖွင့် အမှာစကား
Kumudra ဂျာနယ်၊ နန်းလွင်။