Thursday, January 15, 2015

သူပြောချင်တာကဒီလိုပါတဲ့

ကျိုးပေါက်နေသော လုံခြုံရေး


==============================
မြန်မာပြည်မြောက်ပိုင်း ကချင်ပြည်နယ် ၀ိုင်းမော်မြို့တွင် တရုတ်နိုင်ငံက သစ်ခိုး
ထုတ်သောအဖွဲ့တစ်ဖွဲ့ကို ဖမ်းဆီးရမိခဲ့သည်။ ဖမ်းဆီးရမိသော ယာဉ်စုစုပေါင်း
အစီးငါးရာနီးပါးရှိပြီး စုစုပေါင်း လူအင်အားလေးရာကျော်ရှိသည်။ အချို့မှာ ထွက်ပြေး
လွတ်မြောက်သွားကြသဖြင့် ထိုယာဉ်ပမာဏနှင့် တွက်ချက်ကြည့်ပါက အနည်းဆုံး လူတစ်ထောင်ခန့် ရှိမည်ဖြစ်သည်။ ထိုသူအများစုမှာ တရုတ်နိုင်ငံသားများဖြစ်ပြီး နယ်စပ်မှတစ်ဆင့် ၀င်ရောက်လာခြင်းဖြစ်သည်။

ဖမ်းဆီးရမိသော ဓာတ်ပုံများကို ကြည့်ခြင်းအားဖြင့် ၀င်ရောက်လာပြီး ရက်ပေါင်း
များစွာကြာမြင့်မှ ဖမ်းဆီးရမိခြင်းဖြစ်နိုင်သည်။ အချို့ကားများမှာ သစ်လုံးများပင် တင်ထားကြသည်ကို တွေ့ရသည်။ ပြီးခဲ့သည့်နှစ် ဧပြီလအတွင်း မြန်မာ-တရုတ်
နယ်စပ်မှတစ်ဆင့် လက်နက်ဖြင့် ၀င်လာသူများကို စစ်ကိုင်းတိုင်းဒေသကြီး
ရောက်မှပင် ဖမ်းဆီးရမိခဲ့သည်။

‘‘ဒီဖြစ်ရပ်တွေကိုကြည့်ရင် လုံခြုံရေးကျိုးပေါက်တာပေါ့’’ဟု ကရင်အမျိုးသားအစည်း
အရုံး ဗဟိုကော်မတီဝင် ဖဒိုမန်းငြိမ်းမောင်က မှတ်ချက်ပြုသည်။

‘‘ဂိတ်တံခါးတွေပွင့်နေတာ လေဆိပ်၊ ရေဆိပ်နဲ့ ဘော်ဒါ(နယ်စပ်)တွေကို မစစ်နိုင်ဘူး
ဖြစ်နေတာ။ ၀င်ချင်သလိုဝင်၊ ထွက်ချင်သလိုထွက်ဖြစ်နေတာ’’ဟု စစ်ထောက်လှမ်း
ရေးအရာရှိဟောင်းတစ်ဦးကဆိုသည်။

မကြာသေးမီ ရက်ပိုင်းအတွင်း လားရှိုးမြို့ခံ ရပ်မိရပ်ဖတစ်ဦးအား တရုတ်နိုင်ငံသား
များက လားရှိုးမြို့ထိ လာရောက်ခေါ်ယူပြီး သတ်ဖြတ်ခဲ့သည့်ဖြစ်ရပ်သည် ရှမ်းပြည်
နယ်နယ်စပ်ဂိတ်များ မလုံခြုံခြင်းနှင့် စစ်ဆေးရေးအဖွဲ့များအားနည်းခြင်းကို ပြသ
ရာရောက်သည်။

ပြီးခဲ့သောနှစ် ဧပြီလအတွင်း တရုတ်နိုင်ငံသားရှစ်ဦးကို စစ်ကိုင်းတိုင်းဒေသကြီး
တမူးမြို့တွင် လက်နက်ခဲယမ်းအပြည့်အစုံ တင်ဆောင်လာသည့်ကားဖြင့် ဖမ်းမိ
ခဲ့သည်။ ထိုဖြစ်စဉ်၏ နောက်ကွယ်မှ အကြောင်းအရာများကလည်း စိတ်ဝင်စား
စရာတစ်ပုံတစ်ပင်ရှိနေသည်။ လက်နက်ကိုင် တရုတ်နိုင်ငံသားရှစ်ဦးမှာ ရှမ်းပြည်နယ်
အရှေ့ပိုင်း မိုင်းလားမြို့တွင် စစ်သင်တန်းတက်ခဲ့ပြီး ထိုသင်တန်းမှ တပ်စုမှူးတစ်ဦး
ကိုသတ်ကာ ထွက်ပြေးလာသူများဖြစ်သည်။ ထိုမြို့မှ တမူးမြို့အထိ မြို့ပေါင်းနှစ်ဆယ်
ထက်မနည်းဖြတ်ကာ ကားတစ်စီးအတွင်း သေနတ်ရှစ်လက်နှင့် ခဲယမ်းမီးကျောက်
များ သယ်ဆောင်လာနိုင်ခဲ့ခြင်းဖြစ်သည်။ ၎င်းတို့က လမ်းခုလတ်ရှိ လားရှိုးမြို့သို့
ဝင်ကာ (၁၂)ရပ်ကွက်ရှိ လယ်ကွင်းထဲတွင် သေနတ်၊ ကျည်ဆန်၊ မိုင်းနှင့် လက်နက်
ပစ္စည်းမျိုးစုံကို မြေကျင်းတူးပြီး ၀ှက်ထားခဲ့သေးသည်။

၎င်းတို့ကိုဖမ်းမမိမီ အခြေအနေထိ ထိုတရုတ်နိုင်ငံသားများက ရှမ်းပြည်နယ်အစွန်မှ စစ်ကိုင်းတိုင်းဒေသကြီး တမူးမြို့အထိ စစ်ဆေးရေးဂိတ်များကို ထုံးလိုမွှေရေ
လိုနှောက် ရှောင်ထွက်သွားနိုင်ခဲ့သည်။ အဆိုပါဖြစ်စဉ်များနှင့် အခြားဖြစ်ပွားခဲ့သော
ဖြစ်စဉ်များကို သုံးသပ်ကြည့်ပါက နယ်စပ်ခြံစည်းရိုးများ မလုံခြုံခြင်း၊ စစ်ဆေးရေး
ဂိတ်များ အားနည်းခြင်းနှင့် တာဝန်ရှိသူများ၏ စုံစမ်းထောက်လှမ်းမှု စွမ်းဆောင်ရည် ညံ့ဖျင်းခြင်းကြောင့်ဖြစ်ကြောင်း ပေါ်လွင်စေသည်။

မြန်မာနိုင်ငံနယ်နိမိတ်၏ ဘေးပတ်ချာလည်တွင် တရုတ်၊ အိန္ဒိယ၊ ထိုင်း၊ လာအို၊ ဘင်္ဂလားဒေ့ရ်ှနိုင်ငံများနှင့် ဆက်စပ်နေပြီး နယ်စပ်ဒေသအများစုမှာ ခြံစည်းရိုးခတ်
ထားခြင်း မရှိသည့်အပြင် တိုင်းရင်းသားလက်နက်ကိုင်အင်အားစုများက ထိန်းချုပ်
ထားသည်။

တိုင်းရင်းသားလက်နက်ကိုင်အဖွဲ့များနှင့် ထိစပ်နေသောနေရာများတွင် အစိုးရ
ဘက်မှ ဖွင့်လှစ်ထားသော တရားဝင်ဂိတ်များမရှိခြင်း၊ တပ်များမချထားနိုင်ခြင်း
တို့ကြောင့် ထိုနေရာများမှ အပေါက်ကဲ့သို့ ဖြစ်နေသည်။

ထို့အပြင် သမ္မတဦးသိန်းစိန် အစိုးရတက်လာပြီးနောက် ဖြေလျှော့မှုများ ပြုလုပ်
လာခြင်းတို့ကြောင့်လည်း လုံခြုံရေးတွင် အားနည်းသွားခဲ့သည်။ ကုန်သွယ်မှု
ချောမွေ့စေရေးအတွက် လားရှိုးမြို့အနီးတွင်ရှိသော စစ်ဆေးရေးဂိတ်တစ်ခုကို
ရုပ်သိမ်းခဲ့သည်။

ထိုကဲ့သို့ ဖြေလျှော့မှုများပြုလုပ်လာသော်လည်း မြန်မာနိုင်ငံ နယ်ခြားဒေသအများစု
ကို စိုးမိုးထားသည့် တိုင်းရင်းသားလက်နက်ကိုင်အင်အားစုများနှင့် ငြိမ်းချမ်းရေး
ဆွေးနွေးပွဲများ အောင်မြင်မှုမရရှိသေးသည့်အပြင် ကချင်ပြည်နယ်နှင့် ရှမ်းပြည်နယ်
အခြေစိုက် လက်နက်ကိုင်အင်အားစုများနှင့် တိုက်ပွဲများဆက်လက်ဖြစ်ပွားလျက်
ရှိသဖြင့် နယ်စပ်ဒေသများကို မြန်မာအစိုးရက ထိန်းချုပ်နိုင်ခြင်းမရှိသေးပေ။

ထို့အပြင် ရခိုင်ပြည်နယ်အပါအ၀င် မြန်မာနိုင်ငံမြို့ကြီးအချို့တွင် ပဋိပက္ခများ
ဖြစ်ပွားပြီးနောက် ဘာသာရေးအစွန်းရောက် အကြမ်းဖက်သမားများက မြန်မာ
နိုင်ငံကို ပစ်မှတ်ထားခဲ့ကြသည်။ ကမ္ဘာကျော် အယ်လ်ကိုင်ဒါအဖွဲ့က မြန်မာနိုင်ငံ
တွင် အကြမ်းဖက်လုပ်ရပ်များ လုပ်ဆောင်မည်ဖြစ်ကြောင်း တရားဝင်ထုတ်ပြော
လာခဲ့သည်။ ထို့နောက်ပိုင်းတွင် ရှမ်းနှင့် ရခိုင်တို့မှ နယ်စပ်မြို့အချို့တွင် အကြမ်းဖက်
ဖောက်ခွဲရေးသမားဦးရေ ဆယ်နှင့်ချီ၍ ဖမ်းမိခဲ့ကြောင်း ရဲတပ်ဖွဲ့က သတင်း
ထုတ်ပြန်မှုများ ရှိခဲ့သည်။ ဇန်န၀ါရီ ၁၂ ရက်ကပင် နိုင်ငံတော်သမ္မတရုံးဝန်ထမ်း
တစ်ဦးပါဝင်သည့် အကြမ်းဖက်အဖွဲ့အစည်းနှင့် ဆက်သွယ်သူ ၂၀ ဦးကို
တောင်ကြီးခရိုင်တရားရုံးက ထောင်ဒဏ်များ ချမှတ်ထားသည့်ဖြစ်စဉ်မှာ
လောလောလတ်လတ်ပင်ရှိသေးသည်။

မြန်မာနိုင်ငံအတွင်း ၀င်ရောက်လာသော အကြမ်းဖက်သမားအချို့ကို ဖမ်းဆီးနိုင်ခဲ့
သော်လည်း ခေါင်းဆောင်များနှင့် အဖွဲ့ဝင်အချို့မှာ လွတ်မြောက်ဆဲဖြစ်သည်။

ကချင်ပြည်နယ်၊ ရှမ်းပြည်နယ်နှင့် ကရင်ပြည်နယ်များတွင် အခြေစိုက်သော တိုင်းရင်းသားလက်နက်ကိုင်အဖွဲ့အချို့တွင် အကြမ်းဖက်သမားများအား သင်တန်း
ပေးခြင်း စသည့် အချက်အလက်များရရှိထားကြောင်း စစ်ဘက်ဆိုင်ရာလုံခြုံရေး
အဖွဲ့မှ အကြီးတန်းအရာရှိတစ်ဦးက ပြောသည်။

ပြီးခဲ့သောနှစ် အောက်တိုဘာက ကရင်ပြည်နယ် ကော့ကရိတ်မြို့တွင် ဖမ်းမိခဲ့
သည့် ဘာသာခြားအမျိုးသားတစ်ဦးမှာ ဒေသတွင်း အခြေစိုက်လက်နက်ကိုင်
တပ်ဖွဲ့တစ်ခု၌ စစ်သင်တန်းပေးနေသူတစ်ဦးဖြစ်ပြီး ၎င်းကပေါက်ကွဲစေတတ်
သော ပိုတက်ဆီယမ်နိုက်ထရိတ်အိတ်ပေါင်း ရာနှင့်ချီ၍ ရန်ကုန်မြို့ရှိ ဂိုဒေါင်
သုံးခုတွင် သိုလှောင်ထားခဲ့သည်။ ရဲတပ်ဖွဲ့က ယင်းအမှုနှင့်ပတ်သက်၍
အမျိုးသားသုံးဦးကို အချိန်မီဖမ်းဆီးခဲ့သည်။ ယင်းမှာ လက်နက်ကိုင်အဖွဲ့
အစည်းများအောက်တွင် အကြမ်းဖက်သမားများ နည်းမျိုးစုံဖြင့် ၀င်ရောက်
နေသည်။

သြစတြေးလျနိုင်ငံအခြေစိုက် အဖွဲ့အစည်းတစ်ခုက ပြုလုပ်သည့် သုတေသန
စစ်တမ်းတွင် ၂၀၁၅ အတွက်အကြမ်းဖက်အန္တရာယ်တိုးပွားလာနိုင်သည့် နိုင်ငံများ
စာရင်းတွင် မြန်မာနိုင်ငံကိုလည်း ပထမဆုံးထည့်သွင်းဖော်ပြထားသည်။

တပ်မတော်အစိုးရလက်ထက်တွင် စစ်ထောက်လှမ်းရေးများမှာ ရက်စက်
ကြမ်းကြုတ်သော်လည်း ထောက်လှမ်းရေးနည်းပညာလုပ်ပိုင်ခွင့်နှင့် သတင်းေ
ပေးများ မွေးထားနိုင်၍ သတင်းအချက်အလက် ဦးဦးဖျားဖျားရရှိခဲ့သည်။သို့သော်
ဦးခင်ညွန့်ခေါင်းဆောင်သော ထောက်လှမ်းရေးအဖွဲ့ကို ဖျက်သိမ်းလိုက်ပြီး
နောက်ပိုင်း လက်ရှိထောက်လှမ်းရေးတာဝန်ယူထားသူများ လုပ်ပိုင်ခွင့်အာဏာ
နှင့် အသုံးအဆောင်တို့မှာ လျော့ကျသွားခဲ့သည်။

ထို့ကြောင့် အစိုးရအနေဖြင့် အမျိုးသားထောက်လှမ်းရေးအဖွဲ့ (NIB) ပြန်လည်
ဖွဲ့စည်းရန် စီစဉ်လာသော်လည်း မြန်မာ့တပ်မတော်ဘက်မှ အဆိုပါကိစ္စကို ချင့်ချိန်စဉ်းစားလျက်ရှိကြောင်း သတင်းရရှိသည်။ မကြာသေးမီ ရက်ပိုင်းက မြန်မာ့
တပ်မတော်နှင့် ရုရှားတပ်မတော်တို့ကြား ထောက်လှမ်းရေးနည်းပညာဖလှယ်ရန် နားလည်မှုစာချွန်လွှာထိုးခဲ့ကြသည်။

‘‘ကျွန်တော့်အမြင်ပြောရရင် ကြိုတင်သတင်းရယူတဲ့အဖွဲ့တွေမှာ အားနည်းချက်
တွေရှိနေတယ်။ ကွန်ရက်တွေ မတည်ဆောက်နိုင်ဘူးဖြစ်နေတယ်’’ဟု တပ်မတော်စစ်ထောက်လှမ်းရေးအရာရှိဟောင်းတစ်ဦးကသုံးသပ်သည်။

ထို့အပြင် မြန်မာနိုင်ငံ၏ နိုင်ငံရေးအခြေအနေအရ အရေးကြီးသော ကာလ
တစ်ခုကို ရောက်နေခြင်းကြောင့် အဖျက်အမှောင့်လုပ်သူများရှိနေကာ လုံခြုံရေး
အတွက် သတိကြီးစွာထားနေရကြောင်း ပြောသည်။

ထို့ကြောင့် လက်ရှိမြန်မာနိုင်ငံ၏ လုံခြုံရေးအခြေအနေနှင့်ပတ်သက်၍ စစ်ဘက်
ဆိုင်ရာလုံခြုံရေး အကြီးအကဲတစ်ဦးက ‘‘စိုးရိမ်စရာကောင်းတဲ့ အနေအထားမှာ
ရှိတာပေါ့’’ဟု မှတ်ချက်ပြုပြောကြားသည်။

သတင်းဆောင်းပါး- အောင်သူရ၊ အောင်သစ်လွင် ( 7 Day )

လုံးခင်းတွင် ဗုံးနှစ်လုံးပေါက်ကွဲ

လုံးခင်းရဲစခန်းနှင့် ရဲကင်းတွင် ဗုံးနှစ်လုံးပေါက်ကွဲ ကလေးငယ်တစ်ဦးအပါအ၀င်သုံးဦးဒဏ်ရာရ
By အောင်သစ်လွင်On  http://7daydaily.com/ Friday, January 16, 2015
ဇန်န၀ါရီ ၁၅ ရက် ည ၇ နာရီခန့်က ဖားကန့်မြို့နယ် လုံး ခင်းရဲစခန်းနှင့် မြို့ပေါ် ရဲကင်းတစ်ခုတွင် ဗုံးနှစ်လုံးပေါက်ကွဲခဲ့ပြီး အမျိုးသမီး နှစ်ဦးနှင့် ကလေးငယ် တစ်ဦးဒဏ်ရာရခဲ့သည်။

ဒေသတွင်း ရဲစခန်းနှင့် ရဲကင်းများတွင်သေနတ်နှင့် ကျည်အသင့်အနေအထားဖြင့် လုံခြုံရေးစောင့်နေသည်။ အဆိုပါပေါက်ကွဲမှုနှင့် ပတ်သက်၍ မည်သည့်အဖွဲ့အစည်း၏ လက်ချက်ဆိုသည်ကိုစိစစ်နေဆဲဖြစ်ကြောင်းသတင်းရရှိသည်။

ထို့အပြင်ဒေသတွင်းလုံခြုံ ရေးအခြေအနေကြောင့် ဖားကန့် -ကာမိုင်း-မိုးကောင်းလမ်းကို ဇန်န၀ါရီ ၁၅ ရက် နံနက် ၉ နာရီခန့် စတင်ကာရက်အကန့်အသတ်မရှိ ပိတ်လိုက်ကြောင်း ကချင်ပြည် နယ်အစိုးရအဖွဲ့တာဝန်ရှိသူတစ် ဦးကဆိုသည်။

ဖမ်းဆီးခံထားရသည့် ရဲတပ် ဖွဲ့ဝင် သုံးဦးကို ပြန်လွှတ်ပေးရန်ဖားကန့်မြို့နယ်အုပ်ချုပ်ရေးမှူး ဦးဆောင်သည့်အဖွဲ့ နှင့် ကေအိုင်အေက တွေ့ဆုံညှိနှိုင်းရန် ဇန်န၀ါရီ ၁၅ ရက်က ချိန်းဆိုခဲ့သော်လည်း မြစ်ကြီးနား PCG ငြိမ်းချမ်းရေးအကျိုးတော်ဆောင်အဖွဲ့ပါမှသာ ပြန်လွှတ်ပေးမည်ဟု အကြောင်းပြန်ကြောင်း သတင်းရရှိသည်။


ဇန်န၀ါရီ ၁၅ ရက်က အင်း တော်ကြီးအနောက်ဘက်က တုံ ပေရွာအနီးတွင် ကေအိုင်အေတပ်ရင်း(၂၆)နှင့် စစ်တပ်တို့တိုက်ပွဲဖြစ်ပွားခဲ့ပြီး ကေအိုင်အေ၏ တပ်ရင်း (၆)အခြေစိုက်ရာ အောင်ဘာလေရွာတွင် လက်နက်ကြီးများဖြင့်တိုက်ပွဲ အပြင်းအထန်ဖြစ်ပွားခဲ့ပြီး နှစ်ဖက်အကျအဆုံးများကြောင်း ဒေသတွင်းသတင်းရင်းမြစ်များက ပြောသည်။ စစ်တပ်က ကေအိုင်အေကို ထိုးစစ်ဆင်နေပြီး ကေအိုင်အေတပ်များ ဆုတ်ခွာလာဖွယ်ရှိသည့် လမ်းကြောင်းမှ တမခန်၊ ဆည်ဆင်း၊ ဝေခါကျေးရွာဒေသခံများက ၎င်းတို့၏ လုံခြုံရေးအတွက် စိုးရိမ်နေရကြောင်း ဒေသခံများကပြောသည်။

သီတဂူအခြားအဖွဲ့မှာမပါပါ

၄၈ဦးတွေ့ဆုံမှု ဒေါ်အောင်ဆန်းစုကြည် ဘာတွေပြောခဲ့သလဲ


Kamayut Media
BREAKING NEWS:
 (Text Report)

လက်ရှိမြန်မာပြည်ရဲ့ ဒီမိုကရေစီပြုပြင်ပြောင်းလဲမှု ရပ်တန့်နေတာဟာ အစိုးရက ဖွဲ့စည်းပုံပြင်ဆင်ဖို့ ဆန္ဒမရှိသလို၊ ပြည်သူ့ဆန္ဒကို အလေးမထားတာကြောင့်ဖြစ်ပြီး ဗဟိုချုပ်ကိုင်မှုဆက်ကျင့်သုံးတာ၊ လွှတ်တော်နဲ့ ပူးပေါင်းဆောင်ရွက်မှု အားနည်းတာနဲ့ တရားစီရင်ရေးမဏ္ဍိုင်ကို အစိုးရက ဝင်စွက်ဖက်နေတာကြောင့် ဖြစ်တယ်လို့ ၄၈ဦးတွေ့ဆုံမှုမှာ ဒေါ်အောင်ဆန်းစုကြည်ကတင်ပြခဲ့တဲ့အကြောင်း ဇန်နဝါရီ ၁၃ရက်နေ့မှာ NLD က ကြေညာချက် ထုတ်ပြန်လိုက်ပါတယ်။

၆ပွင့်ဆိုင်တွေ့ဆုံ ဆွေးနွေးဖို့ ပြည်ထောင်စုလွှတ်တော်က ဆုံးဖြတ်ထားတာကို အခုထိ ပြည်ထောင်စုအစိုးရက ဖြစ်မြောက်အောင် မဆောင်ရွက်တာ၊ အုပ်ချုပ်ရေးအဖွဲ့က ပြုပြင်ပြောင်းလဲလိုတဲ့ဆန္ဒ အားနည်းတာအပြင် ငြိမ်းချမ်းရေးဖြစ်စဉ်ပေါ်ပေါက်ဖို့အတွက် ၆ပွင့်ဆိုင် တွေ့ဆုံရေးကို ရှောင်ရှားနေတယ်လို့ ဒေါ်အောင်ဆန်းစုကြည်က ဆွေးနွေးခဲ့တယ်လို့ ကြေညာချက်က ဆိုပါတယ်။

၄၈ဦး တွေ့ဆုံမှုကို တကယ်စစ်မှန်တဲ့ တွေ့ဆုံဆွေးနွေးမှုအဖြစ် သက်မှတ်ဖို့ အခက်အခဲရှိပြီး ၂ဝ၁၅ အထွေထွေရွေးကောက်ပွဲတွေ တရားမျှတလွတ်လပ်မှုရှိရှိနဲ့ ကျင်းပနိုင်ဖို့၊ အသွင်ကူးပြောင်းမှု လုပ်ငန်းစဉ်တွေ ပေါ်ပေါက်ဖို့ ဖွဲ့စည်းပုံ ပြုပြင်ပြောင်းလဲရေး လုပ်ရမှာဖြစ်တဲ့အကြောင်း၊ အစိုးရဘက်က ရွေးကောက်ပွဲ မျှတဖို့ ဘက်မလိုက်ရမှာဖြစ်သလို စည်းမျဉ်းစည်းကမ်းနဲ့မညီတဲ့ ပြောဆိုမှုတွေကိုလည်း ရွေးကောက်ပွဲကော်မရှင်က ထိထိရောက်ရောက် ဟန့်တားဖို့လိုကြောင်း၊ နိုင်ငံရေးပါတီတွေကို အုပ်ချုပ်ရေးပိုင်းက ခွဲခြားဆက်ဆံမှုတွေ ရပ်တန့်ဖို့လိုတယ်လို့ ဆိုပါတယ်။
ဒေါ်အောင်ဆန်းစုကြည်ရဲ့ ၄၈ဦးတွေ့ဆုံမှု ဆွေးနွေးချက်တွေကို အစိုးရခေါင်းဆောင် သမ္မတဘက်က တုံ့ပြန်ဆွေးနွေးတာမရှိသလို ၆ပွင့်ဆိုင်ကို ရှောင်ရှားလိုတဲ့သဘော လုပ်တဲ့တွေ့ဆုံမှုမဖြစ်သင့်ဆိုတဲ့ ပြောဆိုချက်ကိုလည်း အစိုးရဘက်က ရေငုံနှုတ်ပိတ်ခဲ့ပါတယ်။