Monday, February 16, 2015

မွေးလာမယ့် ခလေး နာမည်က

သီတဂူဆရာတော်မှနိုင်ငံတော်အစိုးရသို့ မေတ္တာရပ်ခံခြင်း..

ထုတ်သုံးလာမှာစိုးရ

******
လောက်ကိုင်မြို့မြင်ကွင်းက၈၈စက်တင်ဘာ၁၈,၁၉မြင်ကွင်းမျိုးတွေဖြစ်နေပါတယ်၊
ကိုယ့်ကိုယ်ထိလို့ပြန်လုပ်တာဆိုပေမယ့်ဒီပုံတွေကိုတင်နေတာတရုတ်မီဒီယာတွေပါ၊ တချိန်မှာဒါတွေထုတ်သုံးလာမှာစိုးရပါတယ်၊
သုံ့ပန်းဥပဒေရောသေဆုံးသူတွေအတွက်ရောစနစ်တကျဆောင်ရွက်ဖို့လိုနေပါတယ် ၊ပုံတွေတော့မတင်တော့ပါဖူးအများစုကလမ်းမပေါ်မှာပါ....၊


နောက်သတင်းတပုဒ်...
ရှမ်းပြည်တောင်ပိုင်း ဖယ်ခုံအခြေစိုက် စကခ ၇ တပ်မ ၆၆ ကို လဲဖို့ ၁၄ ရက်နေ့က ကားအစီး ၅၀ ဖားကန့် တက်လာရာ မိုးကောင်းမြို့အထွက် ၃ မိုင်တွင် ကား ၃ စီး တိုက်ခိုက်ခံရပြီး ၁၅ ရက် မနက် ဆက်လက် တက် လာရာ ဆောင်းခါကျေးရွား မရောက်မီ Lagat kawng တွင် KIA တွေပစ်တာဆိုပြီးကားပေါ်မှာပဲထိမှန်သေဆုံးပုံတွေ Kayan Times မှာတင်လာပါတယ်..။
မီဒီယာအမည်ခံတယ်ဆိုရင်ပုံတွေဆင်ဆာလုပ်သင့်ပါတယ်။
နာကျည်းမှုတွေတိုးပွားမှုမရှိအောင်ထိန်းထိန်းသိမ်းသိမ်းနှစ်ဖက်လုံးကပုံတွေတင်ကြဖို့ပြောချင်ပါတယ်။
ပြည်တွင်းစစ်မှာဘယ်ဖက်ကကျကျဝမ်းနည်းစရာကြီးပါ။

ဒေးဒရဲမှာ ကွိုင် ကြတယ်...


ဧရာဝတီကျောင်းသားစစ်ကြောင်း ကျောင်းသားခေါင်ဆောင် ကိုအောင်ကျော်

အာဖရိကမှာဗုဒ္ဓဘာဝင်ကလေးငယ်များ ဂုဏ်တော်များကို ရွတ်ဖတ်

ကိုးကန့် ဒေသနှင့် ပါတ်သက်ပြီး ဆက်သွယ်မေးမြန်းချက်များ


ကိုးကန့် ဒေသ တွင် ယခုရက်အတွင်း ဖြစ်ပေါ်လျက်ရှိသော
 နယ်စပ် စစ်ပွဲ များနှင့် ပါတ်သက်ပြီး RFA သတင်းဋ္ဌာန ၏
ဆက်သွယ်မေးမြန်းချက်များ

ကိုးကန့်ဒေသမှ တကျော့ပြန် တိုက်ပွဲများ



ByအေးသူစံOn  Sat, 2015-02-14
http://www.7daydaily.com

တိုက်ပွဲဖြစ်ရာပြ မြေပုံနှင့် ကိုးကန့်တိမ်းရှောင်တပ်များ ရှိခဲ့သောနေရာပြဓာတ်ပုံ (ဓာတ်ပုံ - MOI)



ဖုန်ကြားရှင်

မြန်မာနိုင်ငံ အရှေ့မြောက်ဒေသ သံလွင်မြစ် အရှေ့ဘက်ခြမ်းတွင် တည်ရှိသည့် ကိုးကန့်နယ်မြေ၌ ပြန်လည်အခြေချရန် ကြိုးစားခဲ့သော ဖုန်ကြားရှင်၏ တပ်ဖွဲ့နှင့် မြန်မာအစိုးရတပ်တို့ကြား တိုက်ပွဲများ ယခုရက်ပိုင်းအတွင်း ဖြစ်ပွားခဲ့သည်။


ကျောင်းသားသပိတ်အရှိန် မြင့်နေချိန်၊ လူထုက ကျောင်းသားသပိတ်ကို တစ်ခဲနက် ထောက်ခံချိန်၊ ယာယီနိုင်ငံသား လက်မှတ်ကိုင်ဆောင်သူများကို ရွေးကောက်ပွဲတွင် မဲပေးရန် ပြည်ထောင်စုလွှတ်တော်က အတည်ပြုလိုက်ချိန် စသည့် ပေါက်ကွဲရန် တာစူနေသော ဖြစ်ရပ်များကို ဖုန်ကြားရှင်နှင့် အစိုးရတပ်တို့ တိုက်ပွဲသတင်းများက ဖုံးလွှမ်းသွားခဲ့သည်။

သံလွင်အနောက်ခြမ်းရှိ KIA ထိန်းချုပ်ထားရာဆက်စပ် နယ်မြေထဲတွင် ယခုဇန်န၀ါရီ လဆန်းပိုင်းက မြန်မာအစိုးရတပ် နှင့် ဖုန်ကြားရှင်တို့ ငါးနှစ်အတွင်း ပထမဆုံးအကြိမ် တိုက်ပွဲများ စတင်ဖြစ်ပွားခဲ့သည်။ ထိုတိုက်ပွဲ အပြီးတွင် ဖုန်ကြားရှင်က KIAနှင့် ပူးပေါင်း၍ ကိုးကန့်ဒေသကို ပြန် လည်သိမ်းယူမည်ဖြစ်ကြောင်း တရုတ်ကွန်မြူနစ်ပါတီအာဘော် သတင်းစာ The Global Times တွင် ဖြေဆိုခဲ့သည်။ ယခုဒုတိယ အကြိမ်ထပ်ဖြစ်သော တိုက်ပွဲမှာ သံလွင်အရှေ့ဘက်ခြမ်းရှိ ကိုးကန့်ကိုယ်ပိုင်အုပ်ချုပ်ခွင့်ရဒေသ၊ တာရွှေထန်းတွင် ဖြစ်ပွားရာ လောက်ကိုင်တွင် ကြိုတင်စိမ့်ဝင်နေရာယူ ထားသည့် ဖုန်ကြားရှင်တပ်ဖွဲ့က အလစ်အငိုက်ယူ တိုက်ခိုက်ခြင်း ကြောင့် တပ်မတော်က တိုက်ခိုက် ရေးရဟတ်ယာဉ်ဖြင့်ပါ ပစ်ကူပေး ခဲ့ရခြင်းဖြစ်သည်။

ကိုးကန့်တပ်ဖွဲ့ ပြောခွင့်ရ ပုဂ္ဂိုလ် ဦးထွန်းမြတ်လင်းက သံလွင်အနောက်ခြမ်းမှာ နေသည့် ၎င်းတို့ကို မြန်မာတပ်က ၀င်တိုက် ခြင်းကြောင့် ကိုးကန့်ဒေသအထိ ထွက်ပြေးရခြင်းဟု ပြောဆိုသော် လည်း သုံးရက်အတွင်း တိုက်ပွဲ အားလုံးတွင် ကိုးကန့်တိမ်းရှောင် အဖွဲ့က စော့င်ကြိုတိုက်ခိုက်ခြင်း ဖြစ်ကြောင်း အစိုးရနှင့် တပ်မ တော်ပိုင် သတင်းစာတို့က ထုတ် ပြန်ခဲ့သည်။

ဖုန်ကြားရှင်ဘာလဲ

ကိုးကန့်ဒေသမှာ ကိုလိုနီ ခေတ်ကတည်းက အင်္ဂလိပ်တို့ လက်လှမ်းမမီသဖြင့် ရှမ်းပြည် စော်ဘွားများကဲ့သို့ အင်္ဂလိပ်အစိုး ရကို သစ္စာခံသော ဒေသခံ ကိုး ကန့်စော်ဘွားများအား ဆက်လက် ထားရှိအုပ်ချုပ်စေခဲ့သည်။ လွတ် လပ်ရေးရပြီးနောက် ကိုးကန့်လူ မျိုးစုခေါင်းဆောင် စစ်ဘုရင် အသီးသီးက ဆက်လက်အုပ်ချုပ် ခဲ့ပြီး ၁၉၆၀ ပြည့်နှစ်တွင် ဒေသခံ ကိုးကန့် တိုင်းရင်းသားများနှင့် ကိုးကန့်ကာကွယ်ရေးတပ်ဖွဲ့ဖွဲ့စည်းခဲ့သည်။  ထိုတပ်ဖွဲ့ကို ကိုးကန့်စစ် ဘုရင်မ  အောလစ်ယန်းက ခေါင်း ဆောင်ခဲ့သည်။  အောလစ်ယန်းကို မူးယစ်ဆေးဝါးမှောင်ခိုထုတ် လုပ်မှုဖြင့် အစိုးရက ဖမ်းဆီးလိုက် ချိန်မှစ၍ အောလစ်ယန်း၏ လက်ရုံးတပည့်ဖြစ်သူ ဖုန်ကြားရှင်က ကာကွယ်ရေးတပ်ဖွဲ့ကို ဆက်ခံခဲ့ခြင်းဖြစ်သည်။ ၁၉၆၆ တွင် ဖုန်ကြားရှင်ကို အစိုးရက ဖမ်းဆီး သဖြင့် တရုတ်သို့ထွက်ပြေးရာ တရုတ်ကွန်မြူနစ်ပါတီ၏ ဆက်သွယ်ပေးမှုဖြင့် ဗမာပြည်ကွန်မြူ နစ်ပါတီ (ဗကပ) နှင့် ချိတ်ဆက်မိ ခဲ့သည်။

၁၉၆၈ တွင် ဗကပတို့က ဖုန်ကြားရှင်ကိုစည်းရုံးပြီး ကိုးကန့်အပါအ၀င် မြန်မာပြည်အရှေ့ မြောက်ပိုင်းကိုသိမ်းယူခဲ့သည်။ ဖုန်ကြားရှင်သည် ဗကပတို့၏ အားကိုးမှုကိုရရှိခဲ့ပြီး ဗကပတပ်ရင်း (၄၀၄)ကိုးကန့်ဒေသခံတပ် ရင်း၏ တပ်ရင်းမှူးအထိနေရာ ပေးခံခဲ့ရသည်။ သို့သော်တစ်ဖက် တွင် ဗကပတို့က ဘိန်းစိုက်ပျိုးထုတ်လုပ်မှုကို အပြတ်အသတ် ချေမှုန်းမည်ဟု စီစဉ်လာချိန်တွင် တော့ ဘိန်းနှင့်မကင်းသည့် စီးပွားရေးလုပ်ငန်းများ လုပ်ကိုင်နေ သည့် ဖုန်ကြားရှင်နှင့်ဗကပခေါင်း ဆောင်ပိုင်းတို့ကြား အကွဲအပြဲ များဖြစ်လာခဲ့သည်။

ဗကပကို ၁၉၈၈ အာဏာ သိမ်းစစ်အစိုးရက အပြုတ်တိုက် ချိန်တွင် ဖုန်ကြားရှင်ကလည်း ဗကပအောက်က ခွဲထွက်ကာ ၎င်း၏ MNDAA တပ်ကို ဖွဲ့စည်းလိုက် ပြီး မြန်မာစစ်အစိုးရနှင့် ပူးပေါင်း ခဲ့သည်။ ၁၉၈၉ တွင် နဝတအစိုးရက ကိုးကန့်ဒေသကို ကိုးကန့်ကိုယ်ပိုင်အုပ်ချုပ်ခွင့်ရ ဒေသ (အထူးဒေသ ၁)အဖြစ် သတ်မှတ်ပေးလိုက်ပြီး ဖုန်ကြားရှင်ကို ကိုး ကန့်ဒေသ၏ နံပါတ်တစ်ခေါင်း ဆောင်အဖြစ် အသိအမှတ်ပြုခဲ့ သည်။ ၁၉၈၉ ဧပြီလက ဗိုလ် ချုပ်ကြီး ခင်ညွန့်ပင်လျှင် ကိုးကန့်ဒေသသို့ သွားရောက်၍ ဖုန်ကြားရှင်ကို တိုင်းရင်းသားလူမျိုးစု ခေါင်းဆောင်အဖြစ် အသိအမှတ် ပြုကြောင်း ထိုစဉ်က နိုင်ငံပိုင်သတင်းစာများတွင် သတင်းများ ဖော်ပြခဲ့ကြသည်။ ဖုန်ကြားရှင်၏ MNDAA  တပ်မှာ န၀တနှင့် ပထမဆုံးအပစ်အခတ်ရပ်စဲပြီး အစော ဆုံးငြိမ်းချမ်းရေးရယူခဲ့သည့်အဖွဲ့ ဖြစ်သည်။

ဖွဲ့စည်းပုံအခြေခံဥပဒေရေး ဆွဲရေးအတွက် ၁၉၉၃ တွင် စစ် အစိုးရက ဦးစီးကျင်းပခဲ့သည့် ဆယ်နှစ်ကျော်ကြာ ညောင်နှစ်ပင် ညီလာခံသို့ပင် ကိုးကန့်အထူး ဒေသ (၁)မှ ဖုန်ကြားရှင်၏ ညီ ဖြစ်သူ ဖုန်ကြားဖူခေါင်းဆောင် သော ကိုးကန့်ကိုယ်စားလှယ် အဖွဲ့ တက်ရောက်ခဲ့သည်။ တစ် ဖက်တွင် အမေရိကန်ပြည်ထောင်စုက ဘိန်းဘုရင်အဖြစ် ဖုန်ကြားရှင်ကို သတ်မှတ်ဆုငွေထုတ်သော်လည်းန၀တအစိုးရနှင့် ဖုန်ကြားရှင်တို့က ဘိန်းစိုက်ပျိုးမှု ပပျောက်ရေးကို အောင်မြင်စွာ ဆောင်ရွက်ခဲ့ကြောင်း အပြန်အလှန် အားပေးပြောကြားခဲ့ကြသည်။

ကိုးကန့်မှာ မြန်မာတိုင်းရင်း သား ၁၃၅ မျိုးထဲတွင်ပါဝင်သော် လည်း မြန်မာနိုင်ငံတွင်ထက် တရုတ်ပြည် ယူနန်ပြည်နယ်နှင့် သာ အကူးအသန်းအဆက်အ သွယ်များခဲ့သည်။ ၁၉၅၀ ကျော်ပြည့်နှစ်များက တရုတ်ဖြူကူမင် တန်တပ်များ အခြေချခဲ့သည့် ဒေသလည်းဖြစ်ရာ မြန်မာပြည်မ နှင့် အလှမ်းဝေးလွန်းသည်က တစ် ကြောင်း၊ တရုတ်ပြည်နယ်စပ်နှင့် နီးစပ်လွန်းသည်က တစ်ကြောင်း၊ လမ်းပန်းဆက်သွယ်ရေးခက်ခဲပြီး ကူမင်တန်တရုတ်ဖြူတို့ အမွေချန် ထားရစ်ခဲ့သည့်  ဘိန်းစိုက်ပျိုး ကုန်ကူးစီးပွားရေးဖြင့် ငွေအလွယ်တကူရှာနိုင်သည်က တစ်ကြောင်း ကိုးကန့်ဘာသာစကား သီးသန့်ရှိသော်လည်း ယခုအခါ တရုတ်စကားနှင့် တရုတ်ယဉ်ကျေးမှုတို့သာ လွှမ်းမိုးနေပြီဖြစ်သည်။

ဖုန်ကြားရှင်ဘာကြောင့် ပြည်ပြေး ဖြစ်ရသလဲ

၂၀၀၈ ဖွဲ့စည်းပုံအခြေခံ ဥပဒေအရ နိုင်ငံအတွင်း အပစ်ရပ်အဖွဲ့အားလုံး မြန်မာ့တပ်မတော် ၏ ကွပ်ကဲမှုအောက်တွင် နယ်ခြားစောင့်တပ်အသွင်ပြောင်းလဲရန် နအဖတောင်းဆိုချက်ကို ဖုန်ကြားရှင်က လက်မခံခဲ့ပေ။ ထို့ကြောင့် ဖုန်ကြားရှင်၏ ကိုးကန့်ဒေသကို ၂၀၀၉ သြဂုတ်တွင် မူးယစ်ဆေး ၀ါးထုတ်လုပ်သည့်အကြောင်းပြ ချက်ဖြင့် မြန်မာစစ်တပ်က အလုံး အရင်းဖြင့် ၀င်တိုက်ခဲ့ရာ ထိုစဉ်ကဖုန်ကြားရှင်တပ်ဖွဲ့ဒုဥက္ကဋ္ဌ ပိုင်စိုး ချိန်က မြန်မာစစ်တပ်ကို ကူညီ၍  ဖုန်ကြားရှင်ကို တရုတ်-မြန်မာနယ်စပ်အထိတိုက်ထုတ်ခဲ့သည်။ ကိုးကန့်ဒေသကို စစ်အစိုးရသိမ်း ယူလိုက်ချိန်တွင် ဒုဥက္ကဋ္ဌပိုင်စိုးချိန် ကို ခေါင်းဆောင်အဖြစ်  ပြန်လည်ခန့်အပ်ခဲ့သည်။ ၂၀၀၉ မှစ၍ ကိုးကန့်တွင် ပိုင်စိုးချိန်ဦးဆောင်သည့် ပြည်သူ့စစ်တပ်နှင့် ပြည်သူ့စစ်ကို လက်မခံသည့် ဖုန်ကြားရှင်တပ် တို့ နှစ်ခြမ်းကွဲသွားသည်။

၂၀၁၄ စက်တင်ဘာတွင် ကျင်းပခဲ့သည့် ညီညွတ်သော တိုင်းရင်းသားလူမျိုးများ ဖက်ဒ ရယ်ကောင်စီညီလာခံက ဖုန်ကြားရှင်၏ MNDAA တပ်ဖွဲ့ကို အဖွဲ့ ၀င်အသစ်အဖြစ် အသိအမှတ်ပြု ခဲ့သည်။

ဖုန်ကြားရှင်ပြည်ပြေးဖြစ်ရ ခြင်းမှာ အစိုးရက ဖုန်ကြားရှင် တို့အဖွဲ့နှင့် ငြိမ်းချမ်းရေးဆွေးနွေး ရန် လုံးဝလိုလားလက်ခံမှုမရှိခြင်း ကြောင့်ဖြစ်ကြောင်း တရုတ်-မြန်မာနယ်စပ်အရေးကျွမ်းကျင်တစ်ဦးက ဆိုသည်။

ထို့အပြင် လက်ရှိ ကိုးကန့်ဒေသ၏ အစိုးရပြည်သူ့စစ်ခေါင်းဆောင်ပိုင်စိုးချိန်က ဖုန်ကြားရှင် ကိုးကန့်ဒေသသို့ ပြန်လည်ဝင်ရောက်လာမည်ကို လုံးဝလက်မခံလိုကြောင်းနှင့် ဖုန်ကြားရှင်အား အာဏာခွဲဝေပေးလိုစိတ်မရှိကြောင်း အထက်ပါပုဂ္ဂိုလ်က ထောက်ပြသည်။

‘‘ဖုန်ကြားရှင်က သူ့အိမ်သူ ပြန်လာတာပဲ။ တရုတ်အစိုးရရဲ့ မူဝါဒကတော့ နယ်စပ်ဒေသကို တည်ငြိမ်စေချင်တယ်။ သွေးစည်း ညီညွတ်တဲ့ ကိုးကန့်ဒေသအဖြစ် မြင်ချင်တယ်။ ဒါကြောင့် ဖုန်နဲ့ ပိုင်မိသားစုကြား ဆွေးနွေးမှု၊ ညှိ နှိုင်းမှုလုပ်စေချင်တယ်။ ဒါပေမဲ့ ပိုင်စိုးချိန်က အာဏာခွဲဝေပေးရေး ကို လုံးဝမလိုလားဘူး’’ ဟု တရုတ်-မြန်မာနယ်စပ် အရေး ကျွမ်းကျင်သူတစ်ဦးက သူ၏အမြင်ကို ပြောကြားသည်။

မြန်မာအစိုးရ ထိပ်တန်း အ ရာရှိကြီးကမူ နောက်ကွယ်က အားပေးမှုနှင့် ပြန်လည်ဝင်ရောက် လာသည့် ဖုန်ကြားရှင်အဖွဲ့နှင့် ငြိမ်းချမ်းရေးဆွေးနွေးရန် အ ကြောင်းမရှိကြောင်း 7Day Daily အား ပြတ်ပြတ်သားသားပင် ဖြေ ကြားသည်။

ဖုန်ကြားရှင်တပ်ဖွဲ့ကို ဘယ်သူ တွေက ကူညီပေးနေလဲ

ဖေဖော်ဝါရီ ၉ ရက်ကစတင် ဖြစ်ပွားခဲ့သော တိုက်ပွဲများအ တွင်း နှစ်ဖက်အကျအဆုံးများခဲ့ သည်ဟု ဖုန်ကြားရှင်တပ်ဖွဲ့ကို ကူညီတိုက်ပေးနေသည့် တအောင်း (ပလောင်)တပ်ဖွဲ့မှ နိုင်ငံခြားရေး ဌာနမှူး ဦးတာပန်လကပြော သည်။ တိုက်ပွဲများအတွင်း တပ် မတော်သား ၄၇ ဦးကျဆုံးပြီး ၇၃ ဦး ဒဏ်ရာရခဲ့ကြောင်း ဖေဖော်ဝါရီ၁၂ ရက်တွင် အစိုးရကတရားဝင် ထုတ်ပြန်ခဲ့သည်။ ဖုန်ကြားရှင် အင်တာဗျူး တရုတ်မီဒီယာတွင် ဖော်ပြစဉ် နေပြည်တော်အစိုးရ အသိုင်းအဝိုင်းက တိုက်ပွဲဖြစ်ပွား နိုင်ကြောင်း စိုးရိမ်ယူဆခဲ့သော် လည်း တပ်မတော်ကမူ တိုက်ပွဲ ကို ကိုးကန့်တပ်ဖွဲ့ပြန်ပေါ်လာ ကတည်းက ကြိုပြင်ထားသင့် ကြောင်း နိုင်ငံရေးဆောင်းပါးရှင် စည်သူအောင်မြင့်က ပြောသည်။ ဖုန်ကြားရှင်တပ်ဖွဲ့မှာ ကိုးကန့်ဒေသသို့ ကြိုတင်စိမ့်ဝင်ရောက်ရှိနေခြင်း၊ သစ်လွင်သော ယူနီဖောင်းများဝတ်ဆင်ထားပြီး အသွင်သဏ္ဌာန်အရ ခရီးဝေးမှလာခဲ့ဟန်မရှိခြင်း၊ ဒုံးပစ်လောင်ချာနှင့် လက်ပစ်ဗုံးများစွာ သုံးနိုင်ပြီး လေယာဉ်ပစ် စက်သေနတ်ကြီးများကိုလည်း အသုံးပြုခြင်းကြောင့် တိုက်ပွဲကို စနစ်တကျ ပြင်ထားခြင်းဖြစ်ကြောင်း အစိုးရက ထုတ်ပြန်သည်။ လက်ရှိတွင် ဖုန်ကြားရှင်တပ်ဖွဲ့ကို KIA၊ ရက္ခိုင့်တပ်မတော်နှင့် ၎င်းတို့ TNLA ကကူညီတိုက်ပေးနေပြီး KIA ကမူ  တိုက်ပွဲဖြစ်ပွားသည့်နေရာတွင် မပါဝင်ကြောင်း ဦးတာပန်လက ပြောသည်။

‘‘ကိုးကန့်တပ်မတော်နဲ့ ကျွန် တော်တို့က စစ်ရေး၊ နိုင်ငံရေးအ ရ မဟာမိတ်တွေဖြစ်တယ်။ ဒါ ကြောင့် အကူအညီပေးနေတာပါ။ ကျွန်တော်တို့ရဲ့ မဟာမိတ်ကိုး ကန့်ဟာ သူ့အိမ်သူပြန်လာတာ ပါ။ သူတို့က အိမ်ရှင်တွေပါ။ ၂၀၀၉ တုန်းက အစိုးရတပ်က အကြမ်းဖက်နှင်ထုတ်လို့ အခုလို ဖြစ်တာ။ ဒါကြောင့် သူတို့ရည် မှန်းချက်ကို ကျွန်တော်တို့က ကူ ညီတာပါ’’ဟု ၎င်းကဆိုသည်။

ထို့အပြင် ဖုန်ကြားရှင် နောက်ကွယ်တွင် တရုတ်နိုင်ငံက အား ပေးအားမြှောက်ပြုနေကြောင်း မြန်မာအစိုးရအရာရှိကြီးများက ယူဆမှုရှိကြောင်း စစ်ရေးလေ့လာ သူအချို့က သုံးသပ်သည်။ ဖေ ဖော်ဝါရီ ၆ ရက်က တပ်မတော် ကာကွယ်ရေးဦးစီးချုပ်ဗိုလ်ချုပ် မှူးကြီး မင်းအောင်လှိုင်က တရုတ်နိုင်ငံခြားရေးဝန်ကြီးဌာန အထူး ကိုယ်စားလှယ် မစ္စတာဝမ်ရင်း ဖန်းကို နယ်စပ်ဒေသအချို့ကိစ္စ များတွင် တရုတ်နိုင်ငံက မူဝါဒအ ရ ကန့်သတ်ထားသော်လည်း အောက်ခြေအဆင့်၌ လုပ်ပိုင် ခွင့်များရနေကြောင်း ထောက်ပြ ပြောကြားခဲ့သည်။

‘‘ကာကွယ်ရေးဦးစီးချုပ် ဘာကိုဆိုလိုတယ်ဆိုတာ မှန်းဆ နိုင်ပါလိမ့်မယ်။ တရုတ်အစိုးရ အ နေနဲ့ မြန်မာနိုင်ငံရဲ့ ပြည်တွင်း ရေးမှာ ၀င်ရောက်မစွက်ဖက်ရေး ဆိုတဲ့ မူဝါဒကို ကိုင်စွဲထားတယ် ဆိုပေမယ့် အခုလို နယ်စပ်ဒေသ မှာ လှုပ်ရှားနေတဲ့ ကေအိုင်အေ၊ တအောင်း(ပလောင်)၊ ကိုးကန့် တိမ်းရှောင်အဖွဲ့တွေအနေနဲ့ လက်နက်ခဲယမ်းတွေရနေတာ၊ နယ်စပ်ဒေသမှာ သစ်ခိုးထုတ်နေတာတွေကြောင့် ဒေသအဆင့် အာဏာပိုင်တွေအနေနဲ့ ဗဟိုအစိုးရရဲ့ မူဝါဒကို ဘယ်လောက်အထိ လိုက်နာမှုရှိသလဲဆိုတာ ပြည်သူ တွေက မေးခွန်းထုတ်စရာ ဖြစ် လာလိမ့်မယ်လို့ ထင်ပါတယ်’’ ဟု သမ္မတပြောခွင့်ရ ပုဂ္ဂိုလ်ဦးရဲထွဋ် က ပြောသည်။

ဖုန်ကြားရှင်အဖွဲ့သည် ကိုးကန့်တိမ်းရှောင်အဖွဲ့၊ သောင်းကျန်းသူများဖြစ်ပြီး ဖုန်ကြားရှင်သည် လောက်ကိုင်ရှိ မျိုးနွယ်တူနေထိုင်သူများကို အခွင့်ကောင်းယူ၍ နယ်စပ်ကုန်သွယ်ရေးနှင့် ကုန်ထုတ်လုပ်မှုပြုရန် ဖောက်ထားသည့်လမ်းများကို အသုံးပြုပြီး တိုက်ပွဲကိုစနစ်တကျ ပြင်ဆင်ထားကြောင်း အစိုးရက ထုတ်ပြန်ချက်တွင်ဖော်ပြသည်။

‘‘ကျွန်တော်တို့က ကျူး ကျော်တာမဟုတ်ဘူး။ သံလွင် အနောက်ခြမ်းမှာ အေးအေးဆေး ဆေးနေနေတဲ့ ကျွန်တော်တို့ကို တပ်ကလာတိုက်လို့ ပြေးရင်းလွှား ရင်း သံလွင်အရှေ့ခြမ်း (တာရွှေ ထန်)ကိုရောက်လာတာ’’ဟု ကိုး ကန့်အဖွဲ့ပြောခွင့်ရပုဂ္ဂိုလ် ဦးထွန်းမြတ်လင်းက ဆိုသည်။

တပ်မတော်၏ ဌာနချုပ်တစ် ခုကို လာရောက်ပစ်ခတ်တိုက် ခိုက်သိမ်းပိုက်ရန် လုပ်ဆောင် ခြင်းမှာ စိန်ခေါ်ခြင်းဖြစ်ပြီး ငြိမ်း ချမ်းရေးကိုပြောနေသော်လည်း ယခုလိုတိုက်ခိုက်ခြင်းမှာ သစ္စာမဲ့ ကတိမတည်ရာရောက်ပြီး ကိုး ကန့်တိုက်ပွဲတွင် ပါဝင်ပတ်သက် သည့်အဖွဲ့အစည်းများ တာဝန်ယူ ရမည်ဖြစ်ကြောင်း ‘ဝ’၊ မိုင်းလား အပါအဝင် တိုင်းရင်းသားလက် နက်ကိုင်အဖွဲ့တို့နှင့် ဖေဖော်ဝါရီ ၁၃ ရက်တွင်တွေ့ဆုံစဉ် ကာ ကွယ်ရေးဦးစီးချုပ်က ပြတ်ပြတ် သားသားပြောကြားခဲ့သည်။

လူမှုရေးအရ ဆက်ဆံမှုသာ ရှိပြီး နှစ်ဖက်စလုံးမှ ဒဏ်ရာရသူ များကို ‘ဝ’နှင့် မိုင်းလားနယ်တို့ကို ဖြတ်သန်းခွင့်ပြုသော်လည်း တိုက်ပွဲတွင် ပါဝင်ပတ်သက်မှုမရှိ ကြောင်းနှင့် တပ်မတော်က ကြိုက် သလိုဆောင်ရွက်နိုင်ကြောင်း ‘ဝ’ နှင့် မိုင်းလားအဖွဲ့များက ကာချုပ် ကို ပြန်လည်ပြောကြားခဲ့သည်။

‘‘ဝ နယ်ထဲ ရံဖန်ရံခါသွား လိုက် လာလိုက်လုပ်ပါတယ်။ အခု တိုက်ပွဲကို ‘ဝ’က မသိဖို့များ ပါတယ်’’ဟု ဦးထွန်းမြတ်လင်းက ပြောကြားသည်။

‘‘တရုတ်ကတော့ သူမပါဘူး ပြောတယ်။ ဒါပေမဲ့ အဲဒါကို ကျွန်တော် ယုံကြည်လက်ခံဖို့ တော်တော်ခက်တယ်’’ဟု ဆွီဒင် သတင်းစာဆရာ ဘာတေးလ်လင့် တနာက ပြောသည်။

သို့သော် ဖုန်ကြားရှင်တပ်ဖွဲ့ က လက်နက်ကိုင် တိုက်နေခြင်း၏ တစ်ခုတည်းသော ရည်ရွယ်ချက် မှာ ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းကော်မ တီက NCA တွင် ကိုးကန့်အဖွဲ့လက်မှတ်ပါဝင်ရေးထိုးခြင်းကို လက်မခံခြင်းကြောင့်ဖြစ်ကြောင်း တရုတ်-မြန်မာ နယ်စပ်အရေးကျွမ်းကျင်သူတစ်ဦးက ဆိုသည်။

အမေရိကန်အပါအ၀င် နိုင်ငံတကာက ဘိန်းဘုရင်အဖြစ် သတ်မှတ်ထားပြီး အစိုးရကပြည်ပအားကိုး ပြည်ပြေးအဖွဲ့ဟု ပြောကြား နေသည့်အပေါ် ‘‘၀ တပ်ဖွဲ့မှာ ပေါက်ယူချန်း အပါအ၀င် မူးယစ်ရာဇာဆိုပြီး ခေါင်းဆောင်ခုနစ်ဦး ကို အမေရိကန်က ၀ရမ်းထုတ် ထားတယ်။ ဒါပေမဲ့ ဖုန်ကြားရှင် က သူတို့လို နယ်ခြားစောင့်တပ်ဖွဲ့ကို လက်မခံဘူး။ ဒါကြောင့် သူတို့လူ ပိုင်စိုးချိန်(လက်ရှိ အစိုးရ ပြည်သူ့စစ်ခေါင်းဆောင်)ကို ကိုးကန့်ခေါင်းဆောင်လုပ်ထားတာပေါ့’’ဟု အထက်ပါ စစ်ရေးလေ့လာသူက ဆိုသည်။

လက်ရှိတွင် ပိုင်စိုးချိန်နှင့် ဖုန်ကြားရှင်တို့ကို ညှိနှိုင်းဆွေးနွေး မှုပြုရန် ကျန်ကိုးကန့်ဒေသခေါင်း ဆောင်ပိုင်း အများစုက လက်ခံ ကြသော်လည်း ပိုင်စိုးချိန်နှင့် မြန်မာ့တပ်မတော်ကမူ လက်မခံ သည့်အတွက် ကိုးကန့်တွင် အ ခြေအနေများ ပိုမိုရှုပ်ထွေးလာ မည်ဖြစ်ကြောင်း ၎င်းက သူ၏အ မြင်ကို ပြောသည်။

တိုင်းရင်းသားများ၏ တန်း တူညီမျှ အခွင့်အရေးကို မြန်မာအ စိုးရက အသိအမှတ်မပြုသရွေ့၊ မြန်မာတပ်မတော်က နိုင်ငံရေး ပြဿနာကို အင်အားသုံးဖြေရှင်း နေသရွေ့ လက်နက်ကိုင်တိုက်ပွဲ များ ပြန်လည်ဖြစ်ပွားနေမည်ဖြစ် ကြောင်း တအောင်း(ပလောင်)တပ်ဖွဲ့ (TNLA) နှင့် ယခုကိုးကန့် တပ်ဖွဲ့ (MNDAA) တို့က သက် သေဖြစ်ကြောင်း စည်သူအောင် မြင့်က ပြောသည်။

ဘိန်းဘုရင်ဟု စွပ်စွဲချက် များအပေါ် ဖုန်ကြားရှင်ဘက်က ကူတိုက်ပေးနေသည့် တအောင်း (ပလောင်)အဖွဲ့ကမူ ၎င်းတို့မှာ ပုဂ္ဂိုလ်ရေးအရ ဆက်ဆံနေခြင်း မဟုတ်ဘဲ မဟာမိတ်သဘောအ ရ အဖွဲ့အစည်းအနေဖြင့်သာ ဆက်ဆံနေခြင်းဖြစ်ကြောင်း တုံ့ပြန်ပြောကြားသည်။

ဖေဖော်ဝါရီ ၁၁ ရက် ညနေတွင် ကိုးကန့်ဒေသလောက်ကိုင်သို့ ဖုန်ကြားရှင်ကို ၂၀၀၉ ခုနှစ်က အပြီးတိုင်တိုက်ထုတ် လိုက်သည့် တပ်မ (၃၃) ရောက်ရှိလာရာ လောက်ကိုင်မြို့ခံအားလုံး နီးပါးမှာ တရုတ်ပြည်နယ်စပ်သို့ အလုံးအရင်းဝင်ရောက်ခိုလှုံသွားပြီဖြစ်ကြောင်း လောက်ကိုင်ဒေသခံတစ်ဦးက ပြောသည်။

‘‘တပ်မ (၃၃) ကို အရမ်း ကြောက်တယ်။ အဲဒါကြောင့် မနေ့ညကတည်းက ကျန်တဲ့ဒေသ ခံတွေ အကုန်လုံးနီးပါး ဟိုဘက် (တရုတ်)ကိုသွားကြပြီ။ ပစ္စည်း တွေတော့ နိုင်သလောက်ပဲယူနိုင် တာပေါ့။ ခန့်မှန်းလူ ၃,၀၀၀ လောက်ရှိတယ်’’ဟု ၎င်းက 7Day Daily အား ဖုန်းဖြင့် ဆက် သွယ်ပြောကြားသည်။

မြန်မာအစိုးရပြောခွင့်ရ ပုဂ္ဂိုလ်ဦးရဲထွဋ်က တရုတ် အစိုးရ၏ ပြောကြားချက်နှင့် ဖုန်ကြားရှင်၏ နယ်မြေပြန်လည်ရယူမှု စစ်ဆင်ရေးကို ယခုကဲ့သို့တုံ့ပြန်သည်။

‘‘ကိုးကန့်ကိုယ်ပိုင်အုပ်ချုပ် ခွင့်ရ ဒေသတည်ငြိမ်အေးချမ်းမှု၊တရားဥပဒေစိုးမိုးမှု ရှိသည်အထိ  တပ်မတော်က လိုအပ်တဲ့ နည်း လမ်းမှန်သမျှ သုံးပြီးဆောင်ရွက် မှာပါ။ တရုတ်နိုင်ငံအနေနဲ့ နယ် စပ်အရေးကို စိုးရိမ်ဖို့ မလိုဘူး။ နယ်စပ်ဒေသမှာ အခြေခံဖြစ်ပေါ် နေတဲ့ လက်နက်ကိုင်ပဋိပက္ခများ၊ သစ်နဲ့ သတ္တုမှောင်ခိုလုပ်ငန်းများ မှာ တရုတ်နိုင်ငံက သိသိကြီးနဲ့ ခွင့်ပြုထားတယ်၊ ပူးပေါင်းဆောင် ရွက်နေတယ်လို့ မြန်မာပြည်သူ တွေ အထင်မှားမှာကိုပဲ ပိုပြီး စိုး ရိမ်သင့်တယ်လို့ ထင်ပါတယ်။ အဲဒီလို အထင်မှားမှုတွေကနေ ကာကွယ်နိုင်ဖို့က တရုတ်နိုင်ငံရဲ့ အရေးကြီး လုပ်ငန်းတစ်ခုဖြစ်လာ နေပြီလို့ ထင်ပါတယ်။ ဒါမှလည်း နှစ်နိုင်ငံချစ်ကြည် ရင်းနှီးမှု၊ ပြည် သူချင်းချစ်ကြည်ရင်းနှီးမှု တည် တံ့ခိုင်မြဲမှာ ဖြစ်ပါတယ်’’

(ကိုးကား- ဘာတေးလ်လင့်တနာ ရေးသားသော ကျောက်စိမ်းမြေ၊ ၀င်းတင့်ထွန်း ရေးသားသော မြန်မာပြည် နိုင်ငံရေးပါတီ အဖွဲ့ အစည်းနှင့် အသင်းအပင်းများ လမ်းညွှန်)

မြန်မာပြည်မြေပုံ အရှေ့ခြမ်းကို တရုတ်လက်သို့ သေခြာပေါက်



၈၈၈၈ အရေးအခင်းမဖြစ်ခင်က မြန်မာပြည်မှာ ကိုးကန့်လူမျိုးဆိုတာက တစ်သောင်း ( ၁၀၀၀၀ ) မပြည်ခဲ့ပါဘူး ဒါပေမယ့် တရုတ်ပြည်မှာတော့ သိန်းဂဏန်းကျော် ရှိနေခဲ့ပါတယ် ။ အဲ့ဒီလိုပဲ ဝ ဆိုတာက သုံးသောင်း ( ၃၀၀၀၀ ) လောက်ပဲရှိခဲ့ပါတယ် ဒါပေမယ့် တရုတ်ပြည်မှာကတော့ ဆယ်သိန်းခန့်ကျော် ( ၁၀ ) သိန်းခန့် ရှိခဲ့ပါတယ် ။

အရေးအခင်ပြီးတော့ မြန်မာစစ်အစိုးရက အနောက်နိုင်ငံကြီးများ၏ ဖိအားကိုဆန့်ကျင်နိုင်ရန် ဗွီတိုအာဏာရှိသော တရုတ်ကို ပြေးကပ်ပြီး အဖေတော်ခဲ့ပါတယ် ။ အဲ့ဒီ သခင်အဖေတော်စပ်မှု့က အပေးအယူအားဖြင့် ကိုးကန့်နဲ့ ဝ တို့ကို မြေနေရာခွဲဝေပေးရေး တိုင်းရင်းသားအဖြစ် အသိအမှတ်ပြုပေးရေးတို့ ပါဝင်ပါတယ် ။

အဲ့ဒီသဘောတူညီချက်ကြောင့် တရုတ်က နိုင်ငံတကာ၏ မြန်မာနိုင်ငံအပေါ် အရေးယူရေးကိစ္စတွေကို ဗွီတိုအာဏာဖြင့် ကုလသမဂ္ဂမှာ ပယ်ချပေးခဲ့သလို့ လိုအပ်သော လက်နှက်အင်အားများကိုလဲ တရုတ်ပြည်ကနေ အကြွေးစနစ်ဖြင့် ရောင်းချပေးပါတယ် ။

အကြွေးဆိုတာက သိကြတဲ့အတိုင် အတိုးကြီးစွာ အရစ်ကျပေးဆပ်ရတာ သဘာဝဖြစ်ပါတယ် ၊ အဲ့ဒါကြောင့် မြန်မာပြည်ဟာ တရုတ်ထံသို့ ပြန်ပေးစရား သန်းပေါင်းထောင်ပေါင်းများစွာ အကြွေတင်ရှိသွားပါတော့တယ် ။

ထို့အတူ တရုတ်ကို မျက်နှာလုပ်နေရသဖြင့် မြန်မာနိုင်ငံမှ အဖိုးတန် တွင်းထွက်ပစ္စည်းများ တောထွက်ပစ္စည်းများ ရေထွက်ပစ္စည်များ ဓာတ်ငွေ့များစသည်တို့ကိုလဲ ဈေးပေါပေါနှင့်ရောင်းချပေးခဲ့ရပါတယ် ။ အဲ့ဒီ ရောင်ချမှု့တွေအတွက် စစ်အာဏာရှင်များက အရိုးစုတ်ရတဲ့ အမြတ်ငွေရရှိပြီး တရုတ်တွေကတော့ အသားစားသွားခဲ့တာ ပြည်သူအများ သိကြတဲ့အတိုင်း တောပြောင် တောင်ပြုန်းပြီး မြန်မာပြည်ကြီးမှ ထွက်သမျှအဖိုးတန်များကို ကျေးဇူးရှင်ကြီးအဖြစ် ပေးဆပ်လိုက်ရပါတော့တယ် ။

အခုကျန်နေတာက အတော်အတန်ဖဲ့ယူထားပြီးသားဖြစ်တဲ့ မြန်မာမြေပုံဖြစ်ပါတယ် ။ အဲ့ဒီမြေပုံကို ခေါင်းပိုင်းထပ်ချိုးဖို့အတွက် အရှေ့ပိုင်းကို ဖြတ်ယူဖို့အတွက် ကိုးကန့်နဲ့ ဝ အမည်ခံတွေကို စစ်လက်နှက် အပြည့်အဝ ထောက်ပံပေးပြီး ယူကရိမ်းက ခရိုင်မီယာကဲ့သို့ ဖြစ်ပွားလာအောင် ဖန်တီးနေခြင်း ဖြစ်ပါတယ် ။

ဝ နှင့် ကိုးကန့်တို့က ခွဲထွက်ရေးကြေငြာပြီး တရုတ်ကထောက်ခံ၍ ရုရှားကဲ့သိုနည်းတူ ဝ ဒေသ ကိုးကန့်ဒေသတို့တွင် တရုတ်စစ်တပ်ထိုင်လိုက်ပြီဆိုပါက မြန်မာနိုင်ငံ၏ စစ်အင်အားသည် မည်သို့ပင် အသေခံနိုင်ပါသည် သတ္တိရှိပါသည်ဟု ပြောနေစေကာမူ အသေသာအဖတ်တင်၍ ပြန်၍ရနိုင်တော့မည်မဟုတ်ပါ ။ ( ယူကရိမ်း ခရိုင်မီယာ အရေးအခင်ကို နမူနာ ယူစေလိုသည် ) ။

ထို့ကြောင့် ယခုအခြေအနေတွင် ပြစ်ပေါ်ခဲ့သော စစ်ကြောင်းအနေအထားနှင့် ပြင်ဆင်ထားသော စစ်ရေးအခြေအနေများအရ လက်ဦးမှု့ရယူ၍ ကိုးကန့်နှင့် ဝ နယ်ကို မိမိ၏ နိုင်ငံတော်အချုပ်အခြာ အာဏာ၏ လက်အောက်သို့ အမြန်ဆုံး ပြန်လည်ရောက်ရှိစေရန် လုပ်ဆောင်ရမည်ဖြစ်သည် ။

အချုပ်အားဖြင့် မူလက သောင်းဂဏန်မပြည့်သော ကိုးကန်လူဦးရေသည် တရုတ်များဝင်ရောက်လာပြီး သိန်ဂဏန်း ဖြစ်သွားခဲ့ပြီး ၊ မူလက သောင်ဂဏန်းရှိသော ဝ လူဦးရေသည် တရုတ်များဝင်ရောက်လာပြိး ငါသိန်းခန့်ရောက်ရှိနေပြီးဖြစ်သလို တိုင်းရင်းသားဆိုသည်မှာလည်း မြန်မာပြည်မှာ မွေးသူတိုင်းကို တိုင်းရင်းသာအဖြစ် သတ်မှတ်၍ မရသလို၊ ကျူးကျော်လာသူတွေ များတိုင်းလည်း တိုင်းရင်းသားဖြစ်ခွင့်မရှိပါ ။

ထို့ကြောင့် ယခုဖြစ်ပေါ်ဆဲ အခြေအနေပေါ်တွင်မူတည်ပြီး ပြတ်သားစွာ အရေးယူခြင်း မပြုလုပ်ပါက ထိုသူတို့အား သတ်မှတ်ပေးထားသော ပြည်နယ်ဧရိယာအတိုင်း မြန်မာပြည်မြေပုံ အရှေ့ခြမ်းကို တရုတ်လက်သို့ သေခြာပေါက် အပိုင်ပေးလိုက်ရတော့မည်ဖြစ်ကြောင်း မြန်မာတနိုင်ငံလုံးအား မြန်မာနိုင်ငံသားများအား အသိပေး ပြောကြားလိုက်ရပါကြောင်း ။

( ဦးနိုင်ဝင်း လန်ဒန် )

( ဝှိုက်ကတ်) ကိုင်ဆောင်ထားသူများ ဆန္ဒမဲပေးခွင့်ပြု ခြင်းအခြေခံဥပဒေနှင့် ညီညွတ်ခြင်းမရှိခုံရုံး အကြောင်းပြန်

Eleven Media Group
ယာယီသက်သေခံလက်မှတ် ( ဝှိုက်ကတ်) ကိုင်ဆောင်ထားသူများ ဆန္ဒမဲပေးခွင့်ပြု ခြင်းသည် ဖွဲ့စည်းပုံအခြေခံဥပဒေနှင့် ညီညွတ်ခြင်းမရှိဟု လွှတ်တော်သို့ ဖွဲ့စည်းပုံအခြေခံဥပဒေဆိုင်ရာခုံရုံး အကြောင်းပြန်

ယာယီသက်သေခံလက်မှတ် ( ဝှိုက်ကတ်) ကိုင်ဆောင်ထားသူများ ဆန္ဒမဲပေးခွင့်ပြု ခြင်းသည် ၂ဝဝ၈ ဖွဲ့စည်းပုံအခြေခံဥပဒေနှင့် ညီညွတ်ခြင်းမရှိကြောင်း နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးမှ ပြည်ထောင်စုလွှတ်တော်သို့ ဖေဖော်ဝါရီ ၁၆ ရက်တွင် အကြောင်းပြန်ကြားခဲ့သည်။

ပြည်ထောင်စုလွှတ်တော်မှ ဖေဖော်ဝါရီ ၁ဝ ရက်တွင် အတည်ပြု ပြဠာန်းခဲ့သော ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ (၂ဝဝ၈) ကို ပြင်ဆင်သည့် ဥပဒေကြမ်း အတည်ပြုရေး ပြည်လုံးကျွတ်ဆန္ဒခံယူပွဲဥပဒေ ပုဒ်မ ၁၁ ပုဒ်မခွဲ (က) ပါ ယာယီသက်သေခံလက်မှတ် ကိုင်ဆောင်ထားသူများ ပြည်လုံးကျွတ်ဆန္ဒခံယူပွဲတွင် ဆန္ဒမဲပေးခွင့်ရှိသည်ဟူသည့် ပြဠာန်းချက်အား ဖွဲ့စည်းပုံအခြေခံဥပဒေနှင့် ညီ မညီ ပြည်ထောင်စုလွှတ်တော်မှ ခုံရုံးသို့ သဘောထား တောင်းခံခြင်းအပေါ် ယခုကဲ့သို့ ပြန်ကြားခဲ့ခြင်း ဖြစ်သည်။

ဖေဖော်ဝါရီ ၂ ရက်က ပြုလုပ်သည့် ပြည်ထောင်စုလွှတ်တော် အစည်းအဝေး၌ ပြည်လုံးကျွတ် ဆန္ဒခံယူပွဲတွင် ဝှိုက်ကတ် ကိုင်ဆောင်ထားသူများ မဲပေးခွင့်ပြုသင့်သည်ဟု နိုင်ငံတော်သမ္မတ၏ သဘောထားမှတ်ချက်ကို ပြည်ထောင်စုလွှတ်တော်က မဲခွဲပြီး အတည်ပြုခဲ့သည်။

မြန်မာနိုင်ငံအတွင်း အသက် ၁၈ နှစ် ပြည့်သော လူများအနက် ယာယီသက်သေခံလက်မှတ် (ဝှိုက်ကတ်) ထုတ်ပေးထားသူ စုစုပေါင်း ၅၉ဝ,ဝ၁၆ ယောက်ရှိကြောင်း ပြည်ထောင်စုဝန်ကြီး ဦးခင်ရီက ပြောကြားထားသည်။ အဆိုပါ ယာယီသက်သေခံလက်မှတ်အများစုကို ရခိုင်ပြည်နယ်တွင်ရှိသည့် ဘင်္ဂါလီလူမျိုးများကို ထုတ်ပေးထားသည်။

ယာယီသက်သေခံလက်မှတ် (White Card) များ သက်တမ်းကုန်ဆုံးရက် သတ်မှတ်ခြင်းနှင့် ပြန်လည်အပ်နှံခြင်း အစီအစဉ် နှင့် ပတ်သက်၍ နိုင်ငံတော်သမ္မတရုံးမှ အမိန့်ကြော်ငြာစာအမှတ်- ၁၉/၂ဝ၁၅ ကို သမ္မတဦးသိန်းစိန်၏ အမိန့်ဖြင့် ဖေဖော်ဝါရီ ၁၁ ရက် နေ့စွဲဖြင့် ထုတ်ပြန်ခဲ့ပြီး မြန်မာအသံနှင့် ရုပ်မြင်သံကြားသတင်းတွင် ထုတ်လွှင့်ခဲ့သည်။

အဆိုပါ အမိန့်ကြော်ငြာစာအရ ယာယီသက်သေခံလက်မှတ်များသည် ၂ဝ၁၅ ခုနှစ် မတ် ၃၁ ရက်တွင် သက်တမ်းကုန်ဆုံးမည်ဖြစ်ပြီး သက်တမ်းကုန်ဆုံးသည့် လက်မှတ်များ အပ်နှံခြင်းအား ၂ဝ၁၅ ခုနှစ် မေ ၃၁ ရက် နောက်ဆုံးထား ဆောင်ရွက်ရမည်ဖြစ်သည်။

ယင်းအပြင် လက်မှတ်များအပ်နှံခြင်း၊ စိစစ်မှုခံယူခြင်းတို့အား သက်ဆိုင်သည့် ဥပဒေ၊ နည်းဥပဒေပြဠာန်းချက်များကို လိုက်နာ၍ နည်းလမ်းတကျ ဆောင်ရွက်ရမည်ဖြစ်ကြောင်း အမိန့်ကြော်ငြာစာတွင် ဖော်ပြပါရှိသည်။

လောက်ကိုင် အခြေအနေ


အေးဆေးတည်ငြိမ်ရန် ခက်ခဲနေကြောင်း
ကွမ်းလုံ-လားရှိုး စစ်ဘေးရှောင်များကို
အခမဲ့ သယ်ပို့နေသော မော်တော်ယာဉ်များကို
လမ်းကြေင်းလုံခြုံရေး အရ ပိတ်ထားလိုက်ပါသည်။
တာရွှေထန် ကျောင်းအုပ်ဆရာမကြီး ဒေါ်အမာစိန် အား
သဂြိုလ်ရန် ၄င်း၏ မောင်တော်စပ်သူ ကွမ်းလုံးသို့ ရောက်ရှိနေသောလည်း
လော်က်ကိုင်ဖက်သို့ ဆက်လက်ထွက်ခွာရန် အခက်အခဲများ ဖြစ်နေပါသည်။
ကွမ်းလုံမြို့တွင်လည်း စစ်ဘေးရှောင် များကို စားဝတ်နေရေး
 ဆောင်ရွက်ပေးသည်မှာ တစ်မြို့လုံးနီးပါး ဖြစ်သောလည်း
နေ့စဉ်ရောက်ရှိလာသော လူအုပ်စုများအတွက် မြို့ငယ်လေးအနေဖြင့်
အခက်အခဲများဖြစ်ပေါ်လာပါသည်။
အစားအစာ / အနွေးထည်နှင့် စောင်များ လိုအပ်လျှက်ရှိနေပါသည်။
ယနေ့ ဆိုပါက ကွမ်းလုံသို့ စစ်ဘေးရှောင် ၄၀၀ ဦးခန့် ရောက်ရှိလာရန် ရှိပါသည်။

ဖုန်ကြားရှင်အဖွဲ့သည် တစ်ဖက်နိုင်ငံ ဒုက္ခသည်စခန်း ဖွင့်ထားသော
နမ့်စမ်း(တရုတ်) မှ ညနေပိုင်းများတွင် အရပ်ဝတ်များဖြင့် လက်နက်ငယ်ကိုယ်စီ
ကိုင်ဆောင်ကာ အဖွဲ့ငယ်များဖြင့် ၀င်ရောက်လေ့ရှိကြောင်း။
ခိုးပေါက်များမှ ၀င်လာကြောင်း မြို့ထဲရောက်မှ ဖွက် ထားသော ကားဆိုင်ကယ် များကို
အသုံးပြုပြီး ပျောက်ကျား တိုက်ပွဲများဖြစ်နေကြောင်း
လောက်ကိုင်မြို့အနေဖြင့် တပ်မတော် စစ်ကြောင်းများ စစ်ပန်းအောင်
တိုက်ပွဲငယ်များကို ဖန်တီးနေပြီးတိုက်ပွဲများအီလာသည့် အချိန် ၊ ရက်ကြာလာပါက
တပ်မတော် စစ်ကြောင်းများ၏ အားနည်းချက် နေရာများကို
အလုံးအရင်းဖြင့် တိုက်စစ်ဆင်သွားနိုင်ကြောင်း
လောက်ကိုင်မြို့မှ ပြန်လည်ထွက်ခွာလာသည့်
စစ်ဘေးရှောင်များထံ သတင်းရရှိပါသည်။
Lisu Ko ko