◾ ဒဂုံတက္ကသိုလ်ကျောင်းသားနှစ်ဦးကို စစ်ခုံရုံးက ထောင်ဒဏ်တသက်နဲ့ သေဒဏ်ချမှတ်
ဒဂုံတက္ကသိုလ်၊ ဓာတုဗေဒဌာနမှ ကျောင်းသူတဦးဖြစ်သူ မဆောင်းလေပြေ (ခ) ဇူဇူး နှင့် မြန်မာမှုဌာနမှ ကိုနိုင်အောင်(ခ)Snake တို့ ၂ ဦးကို အကြမ်းဖက်စစ်အုပ်စုရဲ့စစ်ခုံရုံးက မတ်လ ၁၇ ရက်နေ့မှာ ထောင်ဒဏ်တသက်နဲ့ သေဒဏ်တွေအသီးသီးချမှတ်လိုက်ကြောင်း သိရပါတယ်။
ပြစ်ဒဏ်ချမှတ်ခံခဲ့ရတဲ့ လူငယ်တွေဟာ လှိုင်သာယာ က ၈ ဦး၊ဒဂုံဆိပ်ကမ်းမြို့သစ်က ၃ ဦးနဲ့ မြောက်ဥက္ကလာပ က ၄ ဦး ဖြစ်ပြီး လှိုင်သာယာက လူငယ် ၃ ဦးနဲ့ မြောက်ဥက္ကလာပက ၄ ဦး စုစုပေါင်း ၇ ဦးတို့ဟာ သေဒဏ်ချမှတ်ခံခဲ့ရတာဖြစ်ကာ ဒဂုံတက္ကသိုလ် ဓာတုဗေဒဌာနမှ မဆောင်းလေပြေ(ခ)ဇူးဇူး နှင့် မြန်မာမှုဌာနမှ ကိုနိုင်အောင်(ခ)Snakeလည်းပါဝင်ပါတယ်။
အဲ့ဒီလူငယ်တွေဟာ မြောက်ဥက္ကလာပအဝိုင်းမှာ အထက် တန်းပြဆရာမတဦးကို သေနတ်နဲ့ပစ်သတ်တာနဲ့ လှိုင်သာယာမြို့နယ်ထဲက ရာအိမ်မှူးကို ပစ်သတ်တဲ့အမှုတွေနဲ့ဆက်စပ်လို့ ကျူးလွန်ခဲ့တယ်ဟု စွပ်စွဲကာ သေဒဏ်ချမှတ်တာ ဖြစ်တယ်လို့ အကြမ်းဖက်စစ်အုပ်စုရဲ့ ထုတ်ပြန်ချက်မှာဖော်ပြပါတယ်။
ရန်ကုန်မြို့က စစ်အုပ်ချုပ်ရေးကြေငြာထားတဲ့ မြို့တွေမှာ စစ်ကောင်စီက ၄င်းတို့ထုတ်ပြန်ထားတဲ့ ပြစ်မှု ၂၃ မျိုးကို စစ်ခုံရုံးဖွဲ့စစ်ဆေးနေတာဖြစ်ပြီး အဲ့ဒီပြစ်မှုတွေကို အမြင့်ဆုံးပြစ်ဒဏ်များဖြင့်သာ ချမှတ်နေတာဖြစ်ပြီး လက်ရှိအချိန်ထိ မတရားအမိန့်ချခံနေရတဲ့ ကျောင်းသားပြည်သူမြောက်များစွာရှိနေပါတယ်။
ဒဂုံတက္ကသိုလ်ကျောင်းသားများသမဂ္ဂ
Comments