Friday, April 8, 2011

၈.၄.၂၀၁၁ ရက်နေ့ရဲရင့်ငယ်ဒိုင်ယာရီ


http://openeyeproxy.appspot.com/yeyintnge.com
မွန်းကြပ်ခြင်းမှကင်းဝေးပါစေ။
ပြည်တွင်းမေးလ်များသို့ တဆင့်ပို့ ၍မီဒီယာတိုက်ပွဲဆင်နွဲကြပါစို့..။

2 attachments — Download all attachments  
8 April yeyintnge's Diary.pdf8 April yeyintnge's Diary.pdf
2191K   View   Download  
8 April yeyintnge's Diary.doc8 April yeyintnge's Diary.doc
1963K   View   Download  
http://www.mediafire.com/file/pv58i3cmig783y3/8%20April%20yeyintnge%27s%20Diary.doc
http://www.mediafire.com/file/a82m3wveln4foux/8%20April%20yeyintnge%27s%20Diary.pdf

8 April yeyintnge's Diary

ရှေ့ဆောင်လမ်းပြသူ အမျိုးသမီးဆု ဒေါ်အောင်ဆန်းစုကြည်ကို ချီးမြှင့်


2011-04-08
အမေရိကန် ပြည်ထောင်စု အခြေစိုက် Vita Voices Global Partnership အဖွဲ့က သူတို့ရဲ့ ၁၀ ကြိမ်မြောက် Global Leadership Award ဆုရှင် ၆ ဦးထဲက တဦးအဖြစ် ဒေါ်အောင်ဆန်းစုကြည်ကို ၂၀၁၁ ခုနှစ် အတွက် ရွေးချယ် ချီးမြှင့်ကြောင်း ကြေညာလိုက်ပါတယ်။
(Photo: AFP)
၂ဝ၁၁ ခုနှစ် ဇန်နဝါရီလ ၂၈ ရက်နေ့က ဆွစ်ဇာလန်နိုင်ငံ ဒါဗို့စ်မြို့၌ ပြုလုပ်သည့် ကမ္ဘာ့စီးပွားရေး ညီလာခံတွင် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ပေးပို့သည့် သဝဏ်လွှာမိန့်ခွန်း အသံသွင်းတိတ်ခွေကို ဖွင့်ပြခဲ့ပါသည်။ (Photo: AFP)
ဆုရှင် ၆ ဦးထဲမှာ ၁၀ ကြိမ်မြောက် အထူးဆုအဖြစ် Trail-Blazerလို့ခေါ်တဲ့ ရှေ့ဆောင်လမ်းပြသူ အမျိုးသမီးဆုကိုတော့ ဒေါ်အောင်ဆန်းစုကြည်ကို ချီးမြှင့်မယ်လို့ သိရပါတယ်။ ဒီဆုအတွက် ဒေါ်အောင်ဆန်းစုကြည်ကို ရွေးချယ်ခဲ့ရတာနဲ့ ပတ်သက်ပြီး အဖွဲ့ရဲ့ပြောခွင့်ရသူ Ms. Flavia Draganus က အခုလို ပြောပြပါတယ်။
မြန်မာနိုင်ငံမှာ ဒီမိုကရေစီနဲ့ လူ့အခွင့်အရေးတွေ ရရှိရေးအတွက် ဒေါ်အောင်ဆန်းစုကြည်က ငြိမ်းချမ်းတဲ့ နည်းလမ်းတွေနဲ့ ဖော်ဆောင်ဖို့ ကြိုစားနေတာကြောင့်မို့ စွန့်ဦးတည်ထွင်သူအမျိုးသမီးဆု ချီမြှင့်ဖို့ ရွေးချယ်ခဲ့ရတာပါလို့ သူက ပြောပြသွားပါတယ်။
ဒီဆုဟာ အမျိုးသမီးတွေကိုပဲ နှစ်စဉ်ရွေးချယ် ချီးမြှင့်နေတဲ့ဆုဖြစ်ပြီး၊ ဒေါ်အောင်ဆန်းစုကြည်နဲ့အတူ Global Leadership Award ဆုကို ရတဲ့ အမျိုးသမီး ၅ ဦးကတော့ အိန္ဒိယနိုင်ငံက လူကုန်ကူးမှုတိုက်ဖျက်ရေး ခေါင်းဆောင် အမျိုးသမီး မစ္စ ဆုနီသာ ခရစ္စနမ် ၊ အစ္စရေး-ပါလက်စတိုင်း ငြိမ်းချမ်းရေး ဆောင်ရွက်နေတဲ့ အမျိုးသမီး ၂ ဦး၊ ကင်မရွန်နိုင်ငံက စီးပွားရေးလုပ်ငန်းရှင် ခါ ဝေါ်လာ ၊ အာဖဂန်နစ္စတန် နိုင်ငံက စီးပွားရေး လွတ်လပ်ခွင့်အတွက် လှုပ်ရှားနေသူ ဖာတမာ အက်ခ် ဘာရီတို့ ဖြစ်ကြောင်း သိရပါတယ်။
ဆုပေးပွဲကို ဧပြီလ ၁၂ ရက်နေ့ အမေရိကန် ပြည်ထောင်စုမြို့တော် ဝါရှင်တန်ဒီစီမြို့မှာ ရှိတဲ့ ဂျွန်အက်ဖ် ကနေဒီ စင်တာမှာ ကျင်းပမှာ ဖြစ်ပြီး၊ အမေရိကန် နိုင်ငံခြားရေးဝန်ကြီး ဟီလာရီ ကလင်တန် ကိုယ်တိုင် တက်ရောက် ဆုချီးမြှင့်မယ်လို့ သိရပါတယ်၊ ဒါ့အပြင် လူမှုရေးလုပ်ငန်းတွေ လုပ်နေတဲ့ နာမည်ကျော် ဟောလီးဝုဒ် ရုပ်ရှင်မင်းသမီးတွေနဲ့ CNN လို ရုပ်သံဌာနက နာမည်ကျော် ပုဂ္ဂိုလ်တွေလည်း တက်ရောက်မယ်လို့ သိရပါတယ်။
http://www.rfa.org/burmese/news

Quintana နဲ့ ဗမာအစိုးရ



By ဦးအောင်ခင် & မညိုညိုလွင် သောကြာ, 08 ဧပြီ 2011
အစိုးရတင်သွင်းတဲ့ အစီရင်ခံစာနိဂုံးပိုင်းမှာ လူ့အခွင့်အရေးကောင်စီနဲ့ ပူးပေါင်းဆောင်ရွက်မယ့်အကြောင်း ဖော်ပြထားပါတယ်။ ကုလသမဂ္ဂလူ့အခွင့်အရေး အထူးကိုယ်စားလှယ်ကို ပြည်ဝင်ခွင့်ပေးတာကို ပူးပေါင်းဆောင်ရွက်မှုအဖြစ် ဗမာအစိုးရက သတ်မှတ်ထားပုံရပါတယ်။ လူ့အခွင့်အရေး အထူးကိုယ်စားလှယ်တွေဖြစ်တဲ့ မစ္စတာ ယိုဇို ယိုကိုတာ (Yozo Yokota) ကို (၄) ကြိမ်ဝင်ခွင့်ပြုပြီး၊ မစ္စတာ ပင်ညဲရိုး (Paulo Sergio Pinheiro) ကို (၇) ကြိမ်၊ မစ္စတာ ကင်တားနား (Tomás Ojea Quintana) ကို (၃) ကြိမ် ပြည်ဝင်ခွင့်ပေးတာကို ဗမာအစိုးရအစီရင်ခံစာမှာ ဖော်ပြထားပါတယ်။ သူတို့ရဲ့  တောင်းဆိုချက်တွေကို လစ်လျူရှုထားတာကိုတော့ မဖော်ပြပါဘူး။

မစ္စတာကင်တားနား မြန်မာပြည်ကို (၃) ကြိမ် သွားရောက်ခဲ့ပေမယ့် သူ့ရဲ့  ထောက်ခံတင်ပြချက်ကို ဗမာအစိုးရက ဂရုမစိုက်တဲ့အတွက် ပြီးခဲ့တဲ့ အစီရင်ခံစာတွေမှာ တောင်းဆိုခဲ့တာတွေကိုပဲ ဆက်လက်တောင်းဆိုတယ်လို့ မတ်လ (၇) ရက်နေ့က တင်သွင်းတဲ့ အစီရင်ခံစာမှာ ဖော်ပြပါတယ်။ အပြည်ပြည်ဆိုင်ရာ လူ့အခွင့်အရေး စံသတ်မှတ်ချက်ကို ရိုသေလေးစားဖို့၊ တရားဥပဒေ စိုးမိုးရေးကို အာမခံနိုင်ဖို့အတွက် တရားရေးဌာနကို လွတ်လပ်စွာ တသီးခြားထားရှိဖို့၊ နိုင်ငံရေးအကျဉ်းသားတွေ လွတ်ပေးဖို့နဲ့ စစ်မှုထမ်းတွေကို လူ့အခွင့်အရေးသင်တန်း တက်ခိုင်ဖို့ မစ္စတာကင်တားနား က အကြံပြုခဲ့ပါတယ်။

လူ့အခွင့်အရေးသဘောတရားတွေကို ဗမာအစိုးရအမှုထမ်းတွေ နားလည်စေဖို့အတွက် ၂၀၀၀ ခုနှစ်က ၂၀၀၃ ခုနှစ်အထိ၊ Australia အစိုးရက မြန်မာပြည်မှာ ရက်တိုသင်တန်းတွေ ပေးခဲ့ပါတယ်။ အစိုးရအမှုထမ်းအချို့  Australia နိုင်ငံမှာ သင်တန်းတက်နိုင်အောင်လည်း စီစဉ်ပေးခဲ့ပါတယ်။ ဒီပဲရင်း အကြမ်းဖက်မှု ၂၀၀၃ မေလ (၃၀) ရက်နေ့မှာ ဖြစ်ပွားခဲ့တဲ့အတွက် ဇွန်လကစပြီး လူ့အခွင့်အရေးသင်တန်းတွေကို ရပ်ပစ်လိုက်ရပါတယ်။ အဲဒီအချိန်အထိ လူ့အခွင့်အရေး သင်တန်းပေါင်း (၁၂) ခု ကျင်းပနိုင်ခဲ့ပါတယ်။ သင်တန်းတခုမှာ သင်တန်းသား (၂၅) ဦး တက်ကြပြီး သုံးပုံတပုံးက အမျိုးသမီးများ ဖြစ်ပါတယ်။ အစိုးရအမှုထမ်းအရပ်သားတွေသာ သင်တန်းတက်ကြပြီး စစ်မှုထမ်းတွေ မပါတာတွေ့ရပါတယ်။ လူ့အခွင့်အရေးသင်တန်းတက်တဲ့ စစ်မှုထမ်းက လူ့အခွင့်အရေးချိုးဖောက်ရင် သင်တန်းဆရာနာမည်ပျက်မှာ စိုးရိမ်တာကြောင့် Australia အစိုးရက စစ်မှုထမ်းကို သင်တန်းတက်ခွင့် မပေးတာလို့ သိရပါတယ်။

ကုလသမဂ္ဂ သတ်မှတ်ထားတဲ့ အဆင့်အတန်းအတိုင်း အကျဉ်းသားတွေကိုထားနိုင်ဖို့ ပြည်ထဲရေးဌာနက အစွမ်းကုန်ကြိုးပမ်းနေကြောင်း၊ နေရာထိုင်ခင်းသန့်ရှင်းရေး၊ အကျဉ်းသားပညာရေး၊ ကျန်းမာရေး စတာတွေကို ကုလသမဂ္ဂ စံချိန်မီထားတဲ့အပြင် တရားထိုင်ဖို့အတွက် စီစဉ်ပေးကြောင်း၊ ဗမာအစိုးရ လူ့အခွင့်အရေး အစီရင်ခံစာမှာ ဖော်ပြပါတယ်။ မစ္စတာ ကင်တားနားကတော့ နိုင်ငံရေးအကျဉ်းသားတွေကို စည်းမျဉ်းအတိုင်း ဆေးဝါးကုသခွင့်ပေးသင့်ကြောင်း အကျဉ်းသားကို ဒုက္ခပေးတဲ့အနေနဲ့ ဝေးကွာတဲ့ အကျဉ်းထောင်ကို ပြောင်းရွေ့ တဲ့စနစ်ကို ရပ်ဆိုင်းသင့်ကြောင်း ဖော်ပြထားပါတယ်။ ချက်ချင်းဆေးကုပေးဖို့ လိုအပ်နေတဲ့ အကျဉ်းသား (၁၄၂) ယောက်ရှိတာကိုလည်း ဖော်ပြပါတယ်။ နှိပ်စက်ညှဉ်းပမ်းခံရလို့ ဆေးဝါးကုသဖို့ လိုအပ်နေတဲ့ အကျဉ်းသား (၄) ဦးရဲ့  အမည်ကိုလည်း ဖော်ပြထားပါတယ်။

(၈၈) မျိုးဆက် မနီလာသိန်းအကြောင်း မစ္စတာကင်တားနား က အထူးဖော်ပြပါတယ်။ (၃) ကြိမ်တိုင် အကျဉ်းကျနေသူ ဖြစ်ပါတယ်။ ၂၀၀၈ ခုနှစ် စက်တင်ဘာလမှာ နောက်ဆုံးဖမ်းဆီးခံရပြီး လုပ်ဖော်ကိုင်ဖက် (၁၃) ဦးနဲ့အတူ ထောင် (၆၅) နှစ်ကျနေသူ ဖြစ်ပါတယ်။ ခင်ပွန်းဖြစ်သူ ကိုကျော်မင်းယုလည်း (၆၅) နှစ်ထောင် ဒဏ်ကျခံနေရပါတယ်။ ၂၀၀၈ နိုဝင်ဘာလမှာ မနီလာသိန်း ကို သရက်ထောင်ကို ပြောင်းရွှေ့ လိုက်ပြီး ကိုကျော်မင်းယု ကို တောင်ကြီးထောင်ကို ပို့လိုက်တဲ့အတွက် သူတို့နဲ့ မိသားစုတွေ့ဖို့ ခက်ခဲသွားပါတယ်။ အထူးသဖြင့် (၃) နှစ်အရွယ် သမီးလေးနဲ့ တွေ့ဖို့ခက်ခဲသွားတာကြောင့် လင်မယားကို ထောင်တခုတည်းထားဖို့ မနီလာသိန်း က နေပြည်တော်ကို စာရေးပန်ကြားပေမယ့် အကြောင်းမထူးပါဘူး။ မနီလာသိန်းရဲ့  ကျန်းမာရေး အခြေအနေဆိုးဝါးနေပြီး ဆေးကုသခွင့်မရဘူးလို့ ဖော်ပြထားပါတယ်။

လူ့အခွင့်အရေးနဲ့ ပတ်သက်ပြီး ဗမာအစိုးဘက်က မလိမ့်တပတ်ပြောနေတာကို လူ့အခွင့်အရေးကောင်စီ က လက်မခံနိုင်ပါဘူး။ မြန်မာပြည်က လူ့အခွင့်အရေးအခြေအနေဟာ စိုးရိမ်စရာ ဖြစ်နေတယ်လို့ မစ္စတာကင်တားနားရဲ့  အစီရင်ခံစာမှာ ဖော်ပြပါတယ်။ ဆုံးဖြတ်ချက်ချတဲ့ အာဏာပိုင်တွေက နိုင်ငံရေးစိတ်ဓါတ်ပြင်းထန်ပြီး သက်ဆိုင်ရာနိုင်ငံအဖွဲ့အစည်းအားလုံး တက်တက်ကြွကြွ ပါဝင်နိုင်မယ်ဆိုရင် တိုးတက်မှုရဖို့အတွက် အခုအချိန်ဟာ အခွင့်အလမ်း အကောင်းဆုံးပဲလို့ ဆိုပါတယ်။ ရွေးကောက်ပွဲမှာ တိုင်းရင်းသားအချို့ နဲ့ အဓိက အတိုက်အခံပါတီကို ပါဝင်ခွင့်မပြုတဲ့အတွက် သူတို့ရဲ့  သဘောထားအမြင်ကို ကြားသိနိုင်အောင် စီစဉ်ပေးဖို့ အရေးကြီးတယ်လို့ ဆိုပါတယ်။

လက်ရှိ လူ့အခွင့်အရေး ချိုးဖျက်မှုတွေကို ရပ်ဆိုင်းပြီး အရင်က ကျူးလွန်ခဲ့တဲ့ လူ့အခွင့်အရေး ချိုးဖျက်မှုတွေကို တာဝန်ယူနိုင်မှသာ တိုးတက်မှု ရရှိနိုင်မယ်လို့ မစ္စတာကင်တားနား က ဆိုပါတယ်။ ဒုက္ခသည်တွေ တိုးပွားနေတာကိုကြည့်ရင် မြန်မာပြည်က လူ့အခွင့်အရေး ချိုးဖျက်မှုဟာ ဒေသဆိုင်ရာ ပြဿနာဖြစ်နေတာ တွေ့နိုင်ပါတယ်။ ဗမာအစိုးရ လူ့အခွင့်အရေး အစီရင်ခံစာနဲ့ ကွဲပြားခြားနားတဲ့ အမြင်ရှိသူ မစ္စတာကင်တားနား ကို အခုအချိန်အထိ ပြည်ဝင်ခွင့် မပေးသေးကြောင်း သိရပါတယ်။
http://www.voanews.com/burmese/news/news-analysis/news_analysis_04-09-2011-119485919.html