ဥရောပသမဂ္ဂစစ်ဘက်အကြီးအကဲက မြန်မာဒုကာချုပ်ကို နိုင်ငံတကာဥပဒေများ လေးစားလိုက်နာဖို့ ဖုန်းဆက်ပြောဆို ကုလကိုယ်စားလှယ်၊အမေရိကန်သံအမတ်ပြီးနောက် တတိယမြောက် ဖုန်းဆက်သည့် ပြည်ပတာဝန်ရှိသူဖြစ်သည် ဥရောပသမဂ္ဂ (EU) ၏ လုံခြုံရေးနှင့် ကာကွယ်ရေးဆိုင်ရာ ထိပ်တန်းတာဝန်ရှိEU စစ်ဘက်ဦးစီးဌာန (EUMS) ညွှန်ကြားရေးမှူးချုပ်၊ ဒုတိယ ရေတပ်ဗိုလ်ချုပ်ကြီး Hervé Bléjean က မြန်မာဒုကာချုပ်ဒုဗိုလ်ချုပ်မှူးကြီးစိုးဝင်းကို ယနေ့ဖုန်းဆက်ပြီး နိုင်ငံတကာဥပဒေများ လေးစားလိုက်နာဖို့ပြောဆိုခဲ့သည်ဟု VOAသတင်းဌာနကဖော်ပြသည်။ ဖုန်းဆက်စဉ် အီးယူစစ်ဘက်တာဝန်ရှိသူကမြန်မာစစ်ကောင်စီကို အကြမ်းဖက်လုပ်ရပ်များအားလုံးကို ချက်ချင်းရပ်ရန်နှင့် ဆန္ဒပြပွဲများ ကိုင်တွယ်ရာတွင် နောက်ထပ် သွေးထွက်သံယိုဖြစ်မှုများရှောင်ရှားရန်လည်း တိုက်တွန်းခဲ့သည်ဟု အဆိုပါသတင်းဌာနကဆိုသည်။ "ဘယ်နိုင်ငံက စစ်တပ်မဆို လူထုကို အကာအကွယ်ပေးဖို့ဖြစ်တယ်"ဟု EU စစ်ဘက်ဦးစီးဌာန (EUMS) ညွှန်ကြားရေးမှူးချုပ်၊ ဒုတိယ ရေတပ်ဗိုလ်ချုပ်ကြီး Hervé Bléjean က မြန်မာဒုကာချုပ်ဒုဗိုလ်ချုပ်မှူးကြီးစိုးဝင်းကိုပြောခဲ့သည်ဟုလည်းသိရသည်။ ယင်းနောက် ရေတပ်ဗိုလ်ချုပ်ကြီး က ဒီမိုကရေစီနည်းကျ ရွေးကောက်တ