အာဏာရှင် နိုင်ငံများတွင် ထွက်ပေါက်ကို ဖန်တီးကြသည့် လုပ်ရပ်မျိုးများသာ
ပြောချင်ရာ ပြော ************ စစ်ကောင်စီ ၏ မကြာမီက ထုတ်ပြန်ခဲ့သော ကျေညာချက်များကို ကြည့်ပါက နိုင်ငံ အစိုးရမှ ထုတ်ပြန်သော သတင်းမျိုး မဟုတ်၊ ယုတ္တိတန်၏ မတန်၏ စဉ်းစားနေစရာမလိုဘဲ ၎င်းတို့အား ထောက်ခံနေသော လက်တဆုပ်စာ လူတစု အားတက်စေရန် လိမ်ညာ နေမှုများကို လယ်ပြင်တွင် ဆင်သွားသလို ရှင်းလင်းစွာ တနေ့ထက် တနေ့ တိုး၍ပင် တွေ့မြင်လာနေရပေသည်။ ထိုမျှမကသေး ပြည်သူ့တော်လှန်ရေး သမားများကို လူထုမှ ထင်ယောင်ထင်မှား ဖြစ်စေရန် အကွက်ဆင် လုပ်ကြံ ဖန်တီးလာကြပြန်သည်။ ဤသည်ကို ရန်ကုန် မှ ဒလ သို့ သွားသည့် ခရီးသည်တင် ကူးတို့သင်္ဘော ပေါ် ဗုံးပေါက်ကွဲခဲ့မှုက သက်သေခံနေပေသည်။ ထိုသတင်းကို ဖြစ်ပွားပြီး နာရီပိုင်းမျှ အကြာမှာပင် လက်ဝေခံ မီဒီယာများ မှတဆင့် ပြည့်သူ့ ဘက်တော်သား တော်လှန်ရေး သမားများ ၏ လက်ချက်ဟု သက်သေ အထောက်အထား တစုံတရာ မပြနိုင်ဘဲ ချက်ချင်းလို စွပ်စွဲလာခဲ့ကြသည်။ သင်္ဘောပေါ်တွင် အကြမ်းဖက် စစ်တပ်မှ တဦးတလေမျှ မပါရှိပါဘဲလျှက် အသက်စွန့်၍ မစ်ရှင်လုပ်နေကြရသူများအနေနှင့် အဘယ်သို့များ စွန့်စား၍ လုပ်ဆောင်ကြပေမည်နည်း၊ ထိုသို့ လုပ်ပါက ပြည်သူများ ၏ ထောက်ခံမှု ကျဆင်းသွားမည်ကို မသိဘဲ နေလောက်အောင် အသိဉာဏ်ပညာ ကြုံလှီနေကြသူများ မ
