မအလအား စိတ်ဆင်းရဲစေသည့်ပြည်သူ့အောင်ပွဲ (၁)

 မအလတို့အား အရှက်တကွဲဖြစ်စေကာ မည်သို့မျှ မတုန့်ပြန်နိုင်တော့ပဲ အကြီးအကျယ် စိတ်ဆင်းရဲစေသည့်ပြည်သူ့အောင်ပွဲ (၁)

မင်းအောင်လှိုင်၏ စကစသည် (၇၆)ကြိမ်မြောက် UN ၌ ခွေးနေရာမရသလို ဖြစ်သွားခဲ့သည်။ မအလက ခန့်အပ်မည့် ဒေါ်ရင်ရင်နွယ်သည် UNရုံးစိုက်ရာ အမေရိကန်ကို သွားဖို့ ဖင်တကြွကြွလုပ်နေရာမှ မသွားရတော့ပဲ UNနှင့် မအလအား စိတ်ဆိုးကာ ရှက်ရှက်ဖြင့် အိမ်ပြန်အိပ်နေရသည်။ 

နေရာမြဲသွားသည့် NUG သံအမတ်ကြီး ဦးကျော်မိုးထွန်းသည် UN၏ ပထမဆုံးအစည်းအဝေး၌ စကားပြောခွင့်မရသော်လည်း နောက်ထပ်ကျင်းပသော အစည်းအဝေးမှန်သမျှတို့၌ မအလတို့ ကျုးလွန်ခဲ့သည့် ရာဇဝတ်မူ့တစ်ခု့ခြင်းစီကို အထောက်အထားခိုင်လုံစွာနှင့် တောက်လျှောက်ဖွင့်ချပြီး မိန့်ခွန်းပြော တင်ပြနေသည်။ 

မအလ၏ နိုင်ငံခြားရေးဝန်ကြီး ဝဏ္ဏမောင်လွင်သည် အစောပိုင်းက အလန့်တကြား  ပြင်းထန်စွာကန့်ကွက်ကြောင်းစာထုတ်ပြန်ခဲ့သော်လည်း မည်သည့်အဖွဲ့အစည်းကမျှ စောက်ရေးပြန်မလုပ်သည့်အဖြစ်ကို တွေ့ရသောအခါဝမ်းနည်းကြေကွဲစွာ ခံစားရ၏။ 

ထို့အပြင် NUG သံအမတ်ကြီး ဦးကျော်မိုးထွန်း၏ များပြားလှသော အစည်းအဝေးများကြောင့်  ဝဏ္ဏမောင်လွင်သည် ကန့်ကွက်စာများ ဆက်မထုတ်နိုင်တော့ပဲ ငုတ်တုတ် ထိုင်ကြည့်ကာ လက်မှိုင်ချသွားတော့သည်။ မအလသည် ထိုဖြစ်ရပ်အတွက် မချိတင်ကဲ ဒေါသထွက်ကာ "so what "ဟု့ အချိန်ရတိုင်း ပြောနေလေ၏။ စပစတစ်ဖွဲ့လုံးမကျေမနပ်ဖြင့် ယူကြုံးမရ စိတ်ဆင်းရဲနေလေသည်။

နောက်ဆုံး မအလတို့ မည်သို့ တပ်ပျက်နေသလဲ ဆိုသည်မှာစပစဥက္ကဌမင်းဟောင်လှိုင်က ကုလသမဂ္ဂအဖွဲ့ကြီးနှင့် လက်တွဲဆောင်ရွက်မည်ဟု့  (၇၆)ကြိမ်မြောက် ကုလသမဂ္ဂနေ့၌ ကုသမဂ္ဂသို့  သဝဏ်လွှာ ပို့၏။ သူ၏

ဒပဲ့ ဝဏ္ဏမောင်လွင်က ကုလမြန်မာအထူးကိုယ်စားလှယ်တင်သွင်းသောအစီအရင်ခံစာအား သဘောမတူပဲ ပြင်းထန်စွာကန့်ကွက်သည် ဟူ၏။

 

ခေတ်အဆက်ဆက် ကုလစင်မြင့်အထက်သို့ တက်ကာ မဟုတ်မမှန် ပြောခဲ့ကြားခဲ့သည့် ဝဋ်ကြွေးကို ယ္ခုအခါ

 မအလတို့ အတိုးရော အရင်းပါ ပေါင်းပြီး ပြန်ခံစားနေရသည်။ ထိုသို့ မအလတို့တစ်သိုက် စိတ်ဆင်းရဲကြီးစွာ ခံစားနေရသည်ကို မြင်ခွင့်ရခြင်းသည် ကျွန်ုပ်တို့ ပြည်သူမျာအတွက် နှစ်ထောင်းအားရ ဝမ်းသာစရာဖြစ်၏။ တန်ဖိုးရှိလှ၏။ကမ္ဘာနိုင်ငံများတွင် မြင်ရခဲလှ၏။ ဤသည်ကား ပြည်သူအောင်ပွဲဖြစ်ပေသည်တကား။

ပြည်သူအောင်ပွဲ (၁)အတွက်စွမ်းဆောင် တိုက်ပွဲဝင်ပေးသူ ဦးကျော်မိုးထွန်း ကျန်းမာချမ်းသာပါစေဗျားး

ချစ်ကိုကြီး