ရေးမြို့နယ် အထူးထောက်လှမ်းရေးဗိုလ်ကြီးညီညီအား ပစ်ခတ်ရှင်းလင်း

ရဲခေါင်/People's Spring

CDM ပြုလုပ်သူများနှင့် တော်လှန်ရေးရဲဘော်များအား အဓိကဒုက္ခပေးနေသည့် ရေးမြို့နယ် အထူးထောက်လှမ်းရေးဗိုလ်ကြီးညီညီအား ပစ်ခတ်ရှင်းလင်းခဲ့ကြောင်း ရေးပြောက်ကျားတပ်ဖွဲ့ -YGFမှတာဝန်ရှိသူ ဗိုလ်ကျန်ရစ်က ပြောသည်။

ယနေ့(ဇန်နဝါရီ ၉ ရက်) နံနက် ၆နာရီခွဲခန့်က လမိုင်းမြို့ လက်ဝှေ့ရုံအနီး၌ ဗိုလ်ကြီးညီညီအားရှင်းလင်းခဲ့ခြင်းဟု ဆိုသည်။

"ထောက်လှမ်းရေးဗိုလ်ကြီးရဲ့ ဦးခေါင်းကနေ ကျည်ပေါက်ပြီး ပြည်သူအမျိုးသမီးတစ်ဦး ထိခိုက်ခဲ့တဲ့အတွက်များစွာစိတ် မကောင်းဖြစ်ရပါတယ်။အနူးအညွှတ်လဲ တောင်းပန်ပါတယ်ဗျာ။လိုအပ်သည့် ကိစ္စများအားလုံးကိုလည်း ကျွန်တော်အပြည့်အဝ တာဝန်ယူဖြေရှင်းပေးပါမယ်"ဟု ဗိုလ်ကျန်ရစ်က အသိပေးသည်။

(YGFက ရှင်းလင်းခဲ့သည့် ဗိုလ်ကြီးညီညီအား တွေ့ရစဥ်၊ ဓာတ်ပုံ - ဗိုလ်ကျန်ရစ်)

/