မြန်မာနိုင်ငံကို ဘော်စနီးယား စတိုင်လ် No-fly-zone သတ်မှတ်ရေး ခရီးစဉ်

ပင်တဂွန်က Eileen Laubacher နှင့် လက်ထောက်နိုင်ငံခြားရေးဝန်ကြီး Donald Lu ဘင်္ဂလားဒေ့ရှ် နိုင်ငံသွားကြတယ်။ မြန်မာနိုင်ငံကို ဘော်စနီးယား စတိုင်လ် No-fly-zone သတ်မှတ်ရေး ခရီးစဉ်လို့ ပြောနေကြတယ်။ အဲ့ဒီအချိန်နဲ့ ကွက်တိမှာပဲ ကြင်စိုးရဲ့ လေတပ်က ကသာ မိုးတားလေး ရွာကို ရွာလုံးကျွတ် ဗုံးမိုး ရွာပစ်လိုက်တယ်။ အလှူ ရှိတဲ့အချိန် မို့လို့ ရွာသားတွေ တော်တော် ထိကြတယ်။ တက်လာတဲ့ ပုံတွေကလည်း မမြင်ရက်စရာတွေ။

ကသာ နယ်မြေက NUG နဲ့ မဟာမိတ် KIO ရဲ့ ထိန်းချုပ်မှုအောက်ကို ရာနှုန်းပြည့် နီးပါး ရောက်ပြီးသား။ အခွန်တောင် ကောက်နေတာ ကြာပြီ။ “ဖိုး - သရီး - သရီး” အခွန် စံနစ် ဆိုတာကို NUG က သုံးတယ်။ ပြည်ထောင်စု အတွက် ၃၀%၊ ပအဖ အတွက် ၄၀%၊ ပကဖ အတွက် ၄၀% သုံးတယ်တဲ့။ တကယ်တော့ ပြည်ထောင်စုဆိုတာ MoD အတွက် အများဆုံး သုံးတာပါပဲ။  မြို့နယ် ၄၀ နီးပါးကို NUG ရဲ့ အခွန်စံနစ် သုံးနေပြီ။ ၂၀၂၂ နှစ်လည်က စပြီးတော့ လည်ပါတ်နေပြီ ဖြစ်တဲ့အတွက် စံနစ်လည်း တော်တော် ကျနေပြီတဲ့။ 

ကြင်စိုးရဲ့ တပ်တွေ ကသာဝန်းကျင်ကို စစ်ကြောင်းပြန်ထိုးတာမှာ တော်တော် အထိနာနေသတဲ့။ လက်နက်ကိုင်ချင်း မနိုင်တော့ ထုံးစံအတိုင်း ရွာတွေကို ဗုံးကျဲပစ်လိုက်တာပဲ။ တနိုင်ငံလုံး အနှံ့ အဲ့လို ကျဲနေတာပါပဲ။ ဒါကြောင့်လည်း ဒီရက်ပိုင်းမှာ No Fly Zone, Limited Fly Zone ဆိုတဲ့ အသံတွေ ထွက်လာတာပဲ။ UN ရဲ့ Resolution နောက်ဆက်တွဲ လာဖို့ ရှိသလို US ရဲ့ BURMA Act ကလည်း အွန်သဝေး မို့လား။

ဘောဇိတွေက သိတယ် ဂျပေါင်ကု လက်ထက်မှာ “ချွေတာစုဆောင်း သူဌေးလောင်း” တော့ ဖြစ်မှာ မဟုတ်ဘူး “ချွေတာစုဆောင်း ျင်ဟောင်းလောင်း” ပဲ ဖြစ်မယ် ဆိုတာကို။ တော်လှန်ရေး ပြီးတဲ့ အချိန် အက်ဒီ အခွန်စလစ်တွေနဲ့ ရှင်းကြရမှာပဲမို့ လိုလိုလားလား အခွန်ဆောင်ကြသတဲ့။ “ဂျပုပေးငွေ ကြက်သောက်ရေ၊ နတ်အုန်းရွှေချ ပြန်မရ” ဆိုသလို ကြင်စိုးဆီကနေ ဂွင် ဝေးလို့ နောင်တနဲ့၊ ဒုက္ခတွေပဲ ရကြမှာကိုး။

ဒါကြောင့်လည်း ခုဆို NUG-MoPFI က ထုတ်ရောင်းမယ့် ကွန်ဒို အသစ်ကို ကြိုရောင်းကိုးက ဒေါ်လာ ၄ သန်းဖိုး ရှိပြီ။ ဂျပေါင်ကုရဲ့ ကျဆုံးခန်း နီးလေ ဒီဖက်က သွက်လာ၊ တက်လာလေပဲ မို့လား။ ဘောဇိ များအတွက် မိုးကုတ်ရတနာမြေ လုပ်ကွက်တွေ ချရောင်းဦးမှာ။ အကျိုးအမြတ်များမှာမို့ ဝယ်ကြမှာပဲ။

ဒီဖက်က ဝင်သမျှက ဂျပေါင်ကုအတွက် ကျည်တွေ၊ ဆူးတွေ၊ မီးတွေ ပါပဲ။ ဘောဇိတွေတင်လား ဆိုတော့ မဟုတ်ဘူး။ တပ်တွင်း ဖရဲသီးတွေကလည်း ပေါမှပေါ။ နိုင်မြင်းကို ရွေးလောင်းတဲ့ ခေတ်မှာ နိုင်မြင်းအပေါ် ပုံကြပြီပေါ့ဗျား။

ဆို့စ် - ကျူးလိပေါင် သတင်းစဉ် (နိုင်မြင်းတို့၏ ဒဏ္ဍာရီ ကဏ္ဍ)