ကာချုပ်မင်းအောင်လှိုင်ကိုကိုးကျွန်းကို ဒီနေ့ တကယ်သွားခဲ့လား?

......................................... ဒီနေ့နေ့လည်ပိုင်းက မင်းအောင်လှိုင်နဲ့အဖွဲ့ဟာ ကိုကိုးကျွန်းကို သွားရောက်ခဲ့တယ်လို့ သတင်းတွေ ထွက်နေပါတယ်။ ဒီမတိုင်မီက အမေရိကန်၊ ဂျပန် တို့ ဦးဆောင်တဲ့ quard နဲ့ ပြင်သစ်ပူးပေါင်း ရေတပ်ဟာ မြန်မာ့ ကမ်းရိုးတန်းနဲ့ မဝေးလှတဲ့ အက်ဒ်မန် ကျွန်းစုတွေ နားမှာ စစ်ရေး မလေ့ကျင့်မီ ကိုကိုးကျွန်းက ရေဒါစနစ်တွေ အလုပ်မလုပ်တော့ဘူး ဆိုတဲ့ သတင်းတွေ ထွက်ခဲ့ပါတယ်။ ကိုကိုးကျွန်းဟာ Quard သာ တကယ်လို့ မြန်မာကို လေကြောင်းတိုက်ခိုက်ရင် အရင်ဆုံး ချေမှုန်းခံရမယ့် နေရာမျိုး ဖြစ်ပါတယ်။ ဒီနေရာမျိုးကိုမှ ကာချုုပ် မင်းအောင်လှိုင် ရဲရဲရင့်ရင့် သွားခဲ့တယ်လို့ ဆိုပါတယ်။ မြေပြင် အခြေအနေမှာတော့ မင်းအောင်လှိုင်ဟာ ဟိုနေ့က အာဆီယံကာချုပ် online အစည်းအဝေးကိုတောင် ဇာတ်ထဲက မညီမညာ ဆက်တင်ဆင်ထားသလို သုံးထပ်သားတွေကိုဖြစ်သလို ဆေးသုတ်ထားတဲ့ အမည်မသိ ခပ်စုတ်စုတ် နေရာကနေပဲ တက်ခဲ့တာပါ။ ဟိုတစ်လောက သတင်းစာ ရှင်းလင်းပွဲကိုလည်း မှိုတက်နေတဲ့ မြေအောက်ခန်း တစ်ခုကနေ စကားပြောခဲ့ပါတယ်။ သေချာတာကတော့ မင်းအောင်လှိုင်ဟာ သူ့ စစ်တပ်တွေ အကာအကွယ်တွေ ဝိုင်းနေပြီး ဟီးဟီးထအောင် ဆောက်ထားတဲ့ နေပြည်တော် စစ်ဌာနချုပ်မှာတောင် မနေရဲပါဘူး။ နေပြည်တော်မှာတောင် ပေါ်ပေါ်ထင်ထင် မနေရဲတဲ့သူက အမေရိကန်ရဲ့ လေကြောင်းစိုးမိုးမှု လက်တကမ်းမှာ ရှိတဲ့ ကိုကိုးကျွန်းကို ဒီလိုအချိန်မှာ သွားတယ်ဆိုတာက တကယ့် ဆိုက်ဝါးအကြီးစားကြီး ဖြစ်ဖို့များပြီးဒီဆိုက်ဝါးကလည်း ကိုယ့်တပ်ကို ကိုယ်ပြန်ထည့်တဲ့ သဘောပါ။ အာဏာသိမ်းပြီး နှစ်လနီးပါး ကြာတဲ့အထိ မင်းအောင်လှိုင်ဟာ ဘာမှ ပီပီပြင်ပြင် မလုပ်နိုင်သေးပဲ နိုင်ငံတကာရဲ့ ပြင်းထန်တဲ့ ဖယ်ကျဥ် အရေးယူမှုတွေ၊ စီးပွားရေး ဆုံးရှုံးမှုတွေ ၊ ပြည်တွင်းက ခါးခါးသီးသီး ဆန့်ကျင် ရွံရှာမှုတွေပဲ ရထားပါတယ်။ အခုဆိုရင် KNU လို တိုင်းရင်းသား တပ်ဖွဲ့ဟာ သမိုင်းမှာ မရဖူး မကြုံဖူးတဲ့ တစ်ပြည်လုံး ထောက်ခံမှုတွေနဲ့အတူအာဏာသိမ်း စစ်တပ်ကို ထိုးစစ် ဆင်နေပြီ ဖြစ်ပါတယ်။ ဒီအနေအထားကြောင့် တပ်တွင်းမှာ စိတ်ဓါတ်ကျမှုတွေ မရေရာမှုတွေနဲ့ မင်းအောင်လှိုင်ကို ထောက်ခံမှု အလွန်အမင်း ကျဆင်းနေပါတယ်။ တပ်ပြေးတွေ များနေပါတယ်။ ပုန်းနေတဲ့ မင်းအောင်လှိုင်ကို ဝေဖန် နေကြပါတယ်။ အနားယူသွားတဲ့ စီနီယာ ဗိုလ်ချုပ်တွေရော ၊သူတို့နဲ့ ရင်းနှီးတဲ့ တပ်တွင်း ဗိုလ်ပေါက်စတွေပါ နေ့တိုင်း မေတ္တာ ပို့နေပါတယ်။ ဒါကြောင့် မင်းအောင်လှိုင်ဟာ သူပုန်းနေတာ မဟုတ်ကြောင်း ၊ ရဲရင့်ကြောင်း စစ်တပ်ကို ဆိုက်ဝါး ထည့်ချင်လို့ ကိုကိုးကျွန်း ကို သွားတယ်ဆိုတဲ့ သတင်းကို ဖန်တီးလိုက်ပုံ ရပါတယ်။ သူ့စီနီယာကြီး ဆက်ဒန်ဟူစိန်တို့ တဲရစ်အဇစ်တို့ US ဝင်တိုက်တုံးက ဘဂ္ဂဒက်မြို့ ပြာကျခါနီး ဆိုက်ဝါး လုပ်ခဲ့သလို ကိုကိုးကျွန်း သတင်းကို ဖြတ်ညှပ်ကပ် ပုံဟောင်းတွေနဲ့ စစ်တပ် မီဒီယာတွေ ကနေတောင် ထုတ်ပြန်နိုင်ပါတယ်။