တာမွေမှာကျဆုံးသွားတဲ့ဆေးကျောင်းသားရဲ့အမေ ဆရာဇော်ဝေစိုးသား

သူ့ခမျာဘယ်လောက်တောင်ခံစားရမလဲ ကိုယ်ချင်းစာတယ် တရုတ်မို့ မမုန်းလိုက်ပါနဲ့တဲ့ 😭😭😭 ဘယ်သူပဲသေသေ ငါတို့ရင်ထဲထိနာတယ် အားလုံးလဲ သူတို့အသက်ပေးရတာနဲ့တန်အောင် တိုက်ပွဲ ဆက်ဝင်ကြမယ် 💪🏼💪🏼 "သား ပါရဂူကြီးဖြစ်ရင် ဆင်းရဲတဲ့သူ​တွေကို အလကားကု​ပေးမှာတဲ့" ဒီ​လောက် စိတ်ထား​ကောင်းတဲ့သူကိုမှ လုပ်ရက်တယ်ကွာ💔 "အာဇာနည်ဆိုတာ နာမည်ပဲရှိတာသားရယ်၊ အန်တီ့သား​လေးက ခုမရှိ​တော့ဘူး၊ အန်တီရင်ကျိုးရချည်ရဲ့" 😔 "အန်တီ ငယ်ငယ်က ရှမ်းပြည်နယ်စပ်မှာ​​နေတာ ၊ အမြဲတမ်း စစ်ဖြစ်လို့ ​ကျောင်း​တောင် ​​ကောင်း​ကောင်းမတက်ခဲ့ရဘူး၊ ​ပြေးရပုန်းရနဲ့ ​နေလာရတာသားရယ်၊ အဲ့​တော့ အန်တီက အန်တီ့သား​လေးကို ပညာတတ်​စေချင်တယ်၊ အန်တီ မစားရ​နေပါ​စေ သား​လေးကို အ​ကောင်းဆုံး​တွေပဲ ​ပေးခဲ့တာ၊ ပိုး​​မွေးသလို ​မွေးခဲ့တာ၊ ခု​တော့ အန်တီ့သား ပညာတတ်​လေး မရှိ​တော့ဘူး၊ အန်တီ့သား ဆရာဝန်ကြီးဖြစ်တာ မမြင်ရ​တော့ဘူး၊ အန်တီ့ရဲ့ အသည်းနှလုံးတစ်ခုလုံးကို ​ဖောက်ထုတ်လိုက်သလိုပါပဲသားရယ်"💔 "အန်တီ့ သား​လေးက အရမ်းစိတ်ထား​ကောင်းတာ၊ လူကြီး​​တွေ​ရော ဆရာဆရာမ​တွေ​ရောက သိပ်ချစ်တာ၊ စာလည်း အရမ်း​တော်တာ၊ အန်တီ့သား​ကြောင့်​လေ တစ်ခါမှ မျက်နှာမငယ်ခဲ့ရဘူး သိလား၊ ခု​တော့ အသက်​ပေးလိုက်ရပြီသားရယ်၊ အန်တီ့သား​လေးကို အသက်ပြန်ရှင်ခွင့်​ပေးပါ၊ အန်တီရင်ဘက်ကို ​ကော့​​ပေးထားပါတယ်၊ အချက် ၁၀၀ ပစ်ရင်လည်း အန်တီခံပါ့မယ်သားရယ်" 😓 အန်တီက သူ့လက်က​လေး​တွေ ကြည့်ပြီး ငိုရင်း "ဒီလက်က​​လေး​တွေနဲ့​လေ အန်တီ့သား​လေးကို ဟင်းချက်​ကျွေးခဲ့တာ၊ သူကြိုက်တဲ့ဟင်း​တွေ အကုန်ချက်​ကျွေးခဲ့တာ၊ ခုအန်တီချက်​ကျွေးချင်ရင်​တောင် ​ကျွေးလို့မရ​တော့ဘူးသားရယ်" 😔 "အန်တီ့သား​လေး ကိုရင် ၁လ ဝတ်တုန်းကဆို​လေ မျက်နှာ​လေးမြင်ချင်လွန်းလို့ ဘုန်းကြီး​ကျောင်းမှာ တစ်​နေကုန် ပန်းကန်​ဆေးပြီး ​စောင့်ခဲ့တာ သားရဲ့၊ အန်တီ့သားက​လေ သိပ်​တော်တယ် သိလား၊ ကိုရင်ဝတ်​တော့ စာ​​မေးပွဲစစ်တာ အ​ယောက် ၄၀၀​ကျော်မှာ အဆင့် ၄ ချိတ်တာသားရဲ့၊ အန်တီအရမ်းဂုဏ်ယူရတဲ့သား​လေးပါ သားရယ်"😔 အန်တီက သူ့​ခြေ​ထောက်​လေး​တွေကို ကြည့်ရင်း " ဒီ​ခြေ​ထောက်​လေး​တွေနဲ့ အန်တီ့သား​လေးကို ​ကျောင်းပို့၊ ကျူရှင်ပို့လုပ်ခဲ့တာ၊ အန်တီ့သား​လေးနဲ့အတူ ​လျှောက်သွားခဲ့တာ၊ ခု​ သား​လေးမရှိ​​တော့ ဒီ​ခြေ​ထောက်​တွေနဲ့ ဘယ်လိုရပ်တည်ရမလဲသားရယ်" 😓 Dead bodyထုတ်ဖို့သွားရင်းနဲ့ လမ်းမှာ ညီ​လေး ခန့်ငြားဟိန်း ကျသွားတဲ့​နေရာနားလည်း​ရောက်​ရော " သား​ရေ ဟိုမှာ ကြည့်ပါဦး၊ နှင်းဆီပန်း​​လေး ချထားတဲ့​နေရာ​တွေ့လား၊ အဲ့မှာ အန်တီ့သား​လေးကို ပစ်သတ်သွားတာ သားရဲ့၊ ပြီး​တော့ တရွတ်တိုက်ဆွဲသွားတာ၊ အန်တီ ရင်ကွဲမတတ်ကို ခံစားရတယ် သားရယ်" 💔 "အန်တီတို့က တရုတ်စစ်စစ်ပါ သားရယ်၊ မြန်မာပြည်မှာ ​မွေးတဲ့ တရုတ်စစ်စစ်ပါ၊ အန်တီမှာချင်တာက​လေ မြန်မာပြည်က တရုတ်​တွေကို မမုန်းလိုက်ပါနဲ့၊ မြန်မာနိုင်ငံမှာ​မွေးပြီး မြန်မာစိတ်ဓါတ်ပဲရှိတာပါ၊ အန်တီတို့ စိတ်ဓါတ်က ပြည်မကြီးကတရုတ်​တွေနဲ့ ယှဥ်ရင် အကွာကြီးပါ၊ အန်တီဆို သူတို့ရဲ့မ​တော်​လောဘ​ကြောင့် အန်တီ့သား​လေးကို ဆုံးရှုံးလိုက်ရပြီ၊ တကယ် ကမ္ဘာမ​ကြေဘူး"😔 "အန်တီ့သား​လေးကို အမြဲအမှတ်ရ​နေ​ပေးပါ​နော်၊ သား​လေးအတွက် အမှတ်တရ​ဖြစ်​စေမယ့်​နေရာ​လေး​တွေလည်း လုပ်​ပေးပါ​နော်၊ အန်တီ့သား​လေးကိုလွမ်းတိုင်း အဲ့​နေရာ​လေး​တွေသွားပြီး ဂုဏ်ယူချင်လို့ပါသားရယ်၊ အန်တီ့သား ဆရာဝန်​လောင်း​လေးကို အန်တီ ဂုဏ်ယူချင်လို့ပါ သားရယ်" 😞 ကျွန်​​တော်တို့ ကူ​ငွေ​လေး​ပေးဖို့ကို အန်တီက လက်မခံဘဲ " အန်တီတို့ထက် တကယ်ပိုပြီးလိုအပ်​နေတဲ့သူ​တွေ အများကြီး ရှိပါတယ်၊ သူတို့ကိုပဲ လှူ​ပေးပါ​​နော်၊ အန်တီ့သား​လေးကို ရည်စူးပြီး​တော့ လှူ​ပေးပါ​နော်"😔 ဒီစကားတစ်ခွန်းချင်းဆီတိုင်းက ရင်ဘတ်ကို ​ဖောက်ထွက်မတတ် ခံစားရတယ်၊ သား​လေးတစ်​ယောက် ဆုံးရှုံးသွားတဲ့ မိခင်တစ်​ယောက်ရဲ့ ပူ​ဆွေးငို​ကြွေးသံ​တွေကြား တကယ် ဝမ်းနည်းရတယ်၊ ဘာမှ မလုပ်​ပေးနိုင်လို့လည်း အားနာရပါတယ်၊ ဒီမိုက​ရေစီတိုက်ပွဲအတွက် အသက်​ပေးလိုက်ရတဲ့ အန်တီ့သားကို အမြဲမှတ်မိ​​နေပါ့မယ်။ ​သေမင်းက လူ​ကောင်း သိပ်ကြိုက်တယ်ဗျာ၊ တကယ် စိတ်ထား​ကောင်းတဲ့သူကိုမှ ​ခေါ်သွားရက်တယ်။(​ကြွေလွင့်သွားခဲ့ရတဲ့ အာဇာနည်​မောင်ခန့်ငြားဟိန်းကို အ​လေးပြုလျက်) Rest in power, our hero🥀🕊 14.3.2021💔