လိုင်းပေါ်မှာ ဒီလိုပျံ့နေတယ်
လိုင်းပေါ်မှာလေ ...
ဟို NUG ဝန်ကြီးက ဟိုလိုပြောတယ်။
ဟို EAO ခေါင်းဆောင်က ဟိုလိုပြောတယ်
တော်လှန်ရေးက အောင်တော့မှာ
ဘယ်နိုင်ငံက ဘယ်လိုကူတော့မှာ
စတာတွေ ခဏခဏ တွေ့။
ကျနော်တို့လည်း အဟုတ်ကြီးမှတ်ပြီး
လိုက်ဝမ်းတွေသာ။
ပြီးတော့ အဲ့ဒီ နာမည်တပ်ခံရတဲ့
ကာယကံရှင် ဝန်ကြီးတွေ၊
ခေါင်းဆောင်တွေကို ပြေးမေး၊
လိုင်းပေါ်မှာ ဒီလိုပျံ့နေတယ်
ဟုတ်လား ခင်ဗျာ ... ဆိုတော့
မဟုတ်ဘူး၊ မပြောဘူးတွေချည်း ပြန်ရ။
တခါလည်း မဟုတ်၊
နှစ်ခါလည်း မဟုတ်။
ကိုယ့်ဖာကိုယ် ထင်ရာဖြန့်ရင်လည်း
လူကြီးတွေ နာမည် မတပ်ပဲ
ဖြန့်ကြပါလားဗျာ။
အိပ်မက်အရ ... တို့
အထက်ပုဂ္ဂိုလ်ကြီးက ပေးတယ် ... တို့ပေါ့။
ခုတော့ ...
အလကား နေရင်းထိုင်ရင်း
တာဝန်ရှိသူတွေလဲ အပြောအဆိုခံရ
ကျနော်တို့လဲ ဟက်ကော့ကြီးဖြစ်
ဟုတ်လဲ မဟုတ်ဘူး။
(သွန်းနေစိုး)
Comments