မတ်လ ၁၇ ရက်နေ့ လှည်းတန်းနဲ့ရန်ကင်း အခြေအနေ

 

ဒီကနေ့ ရန်ကုန်မြို့ လှည်းတန်းနဲ့ရန်ကင်း ဘက်တွေမှာ ပြည်သူတွေကာရံထားတဲ့ သဲအိတ်နဲ့အခြားအကာအရံတွေကို ရဲတပ်ဖွဲ့နဲ့စည်ပင်က လာရောက်ဖယ်ရှားတာတွေလုပ်ခဲ့ပါတယ်။အဲဒီမှာ လမ်းသွားလမ်းလာ ရပ်ကွက်နေပြည်သူအချို့ကို ခေါ်ဆောင်တာ၊အိမ်စီးကားအချိုကို တားကာ လူတွေကို ဆင်းခိုင်းပြီး အမှိုက်တွေသိမ်းခိုင်းတာ၊ သဲအိတ်တွေဖယ်ခိုင်းတာတွေလုပ်တယ်လို့ ကိုယ်တိုင်ကြုံတွေ့ခဲ့ရသူပြည်သူတွေနဲ့ မျက်မြင်ရပ်ကွက်နေပြည်သူတွေက ဘီဘီစီကို မှတ်တမ်းဓါတ်ပုံတွေနဲ့ ဗွီဒီယိုဖိုင် အချို့ပေးပို့လာပါတယ်။ အဲဒီလိုအခြေအနေနဲ့ပတ်သက်ပြီး ကိုယ်တိုင်ကြုံတွေ့ခဲ့ရသူ ရန်ကင်းမြို့နယ်နေ ကိုထက်အောင်စံနဲ့ မျက်မြင်တွေ့ခဲ့ရသူ လှည်းတန်းနေ ကိုဝိုင်းတို့ကို ဆက်သွယ်မေးမြန်းထားပါတယ်။ ဘီဘီစီမြန်မာပိုင်း