ဗိုလ်ချုပ်ကြီးမိုးအောင်၊ ဗိုလ်ချုပ်ကြီးမောင်မောင်အေး၊ ရန်ကုန်စီးပွားရေးကြီး မျိုးမြင့်အောင်၊ ဗိုလ်ချုပ်ကိုကိုမောင် အပါအဝင် လူပုဂ္ဂိုလ် ၉ ဦး၊ ကုမ္ပဏီအဖွဲ့ ၇ ခုကို ဥရောသမဂ္ဂက ဒဏ်ခတ် ပိတ်ဆို့

ရန်ကုန်၊ ဖေဖော်ဝါရီ ၂၁ 

ဥရောပသမဂ္ဂ(EU) က ဗိုလ်ချုပ်ကြီး မိုးအောင်၊ ဗိုလ်ချုပ်ကြီး မောင်မောင်အေး၊ ရန်ကုန်စီးပွားရေး ဝန်ကြီး မျိုးမြင့်အောင်၊ မြောက်ပိုင်းတိုင်းမှူး ဗိုလ်ချုပ်ကိုကိုမောင်  အပါအဝင် လူပုဂ္ဂိုလ် ၉ ဦး၊ ကုမ္ပဏီ ၇ ခုကို ထပ် မံ စီးပွားရေးပိတ်ဆို့လိုက်ကြောင်း ဖေဖော်ဝါရီ ၂၀ ရက်နေ့ တွင် တရားဝင် သတင်းထုတ်ပြန်သည်။ 

စစ်အာဏာသိမ်းပြီးနောက် EU က ဒဏ်ခတ်ပိတ်ဆို့များ ဆက်တိုက် ဆောင်ရွက်လျက်ရှိရာ ယမန်နေ့ အရေးယူခံရသူများတွင် စစ်ကောင်စီ စွမ်းအင်ဝန်ကြီး ၊ စစ်တပ်အတွက် လက်နက်နှင့်နည်းပညာများ ဝယ်ရာတွင် ပါဝင်ခဲ့ကြသည့်  စီးပွားရေးသမားများနှင့် စစ်အရာရှိကြီးများ ပါဝင်‌ေ‌ြာကာင်း သိရှိရသည်။ 

၂၀၂၂ ခုနှစ် ဇူလိုင်လတွင်  ကိုဂျင်မီ၊ ကိုဇေယျာသော် အပါအဝင် ဒီမိုကရေစီအရေး တက်ကြွလှုပ်ရှားသူ၄ ဦးကို  သေဒဏ်ပေး ကွပ်မျက်ရေး လုပ်ငန်းစဉ်တွင် ပါဝင်ခဲ့သည့် ရန်ကုန်တိုင်းအစိုးရ စီးပွားရေးဝန်ကြီး မျိုးမြင့်အောင်ကို လည်း  EU က ဒဏ်ခတ်ပိတ်ဆို့ အရေးယူလိုက်ကြောင်း သိရှိရသည်။ 

EU က ပိတ်ဆို့မှု ချမှတ်သူ လူပုဂ္ဂိုလ် ၉ ဦးတွင် 

၁-ဗိုလ်ချုပ်ကြီး မိုးအောင်
ကာကွယ်ရေးဦးစီးချုပ်ရေ 

၂-ဗိုလ်ချုပ်ကြီး မောင်မောင်အေး 
ကြည်း၊ ရေ၊ လေ ညှိနှိုင်း ကွပ်ကဲရေးမှူး

၃- ဒုတိယဗိုလ်မှူးကြီးဟောင်း မျိုးမြင့်အောင်
ရန်ကုန်တိုင်းစီးပွားရေးဝန်ကြီး
( ကိုဂျင်မီ၊ကိုဇေယျာသော် အပါအဝင် ဒီမိုကရေစီလှုပ်ရှားသူ ၄ ဦးကို စီရင်ဆုံးဖြတ်ချ၊ ကြိုးပေး စီရင်သူ)

၄-ဗိုလ်ချုပ်ဇင်မင်းထက်
  ဒုဝန်ကြီးနှင့် ရဲချုပ်
  ပြည်ထဲရေးဝန်ကြီးဌာန 

၅- ဗိုလ်ချုပ်ကိုကိုမောင်
မြောက်ပိုင်းတိုင်းမှူး

၆-မျိုးမြင့်ဦး 
စွမ်းအင်ဝန်ကြီး ၊ စစ်ကောင်စီ

၇-အောင်လှိုင်ဦး
စစ်တပ်အတွက် နည်းပညာနှင့် လက်နက်ပွဲစား
MCM ဥက္ကဋ္ဌ 

၈-စစ်တိုင်းအောင်
စစ်တပ်အတွက် နည်းပညာနှင့်လက်နက်ပွဲစား
Yatanarpon Aviation Support Company နှင့် Suntac Technologies Co.,ltd

၉-ကျော်မင်းဦး
စစ်တပ်အတွက် နည်းပညာနှင့် လက်နက်ပွဲစား
ဒါရိုက်တာ၊ Sky Aviator   တို့ပါဝင်သည်။ 

ထို့ပြင် EU က ပိတ်ဆို့မှု ချမှတ်သည့် အဖွဲ့ ၇ ခုတွင်  ကာကွယ်ရေး ဝန်ကြီးဌာနလက်အောက်ခံ စစ်ထောက် ချုပ်ရုံး၊ ကာကွယ်ရေး ပစ္စည်းစက်ရုံများ ညွှန်ကြားရေးမှူးရုံး၊ ကာကွယ်ရေး ပစ္စည်းဝယ်ယူရေးရုံး၊ Asia Sun Group ၊ Dynasty International Company Limited ၊ International Gateways Group of Company Limited (IGG) နှင့် Sky Aviator Company Limited တို့ပါဝင်ကြောင်း သိရှိရသည်။ 

စစ်တပ် အာဏာသိမ်းပြီးနောက် EU က ပိတ်ဆို့ ဒဏ် ခတ်အရေးယူထားသူ စစ်တပ်နှင့်ပတ်သက်သော လူပုဂ္ဂိုလ် စုစုပေါင်း ၉၃ ဦးနှင့် အဖွဲ့အစည်း ၁၈ ခု ရှိလာပြီ ဖြစ်သည်။