၂ရက်ကို မွှင်းငါးပွဲ၆၀ကျော်​၏

ကောလင်း ယနေ့တိုက်ပွဲတွင် စစ်ကောင်စီဘက်မှ ၂၅ ဦး ​သေဆုံး၊ ယမန်နေ့ သေဆုံးသော စစ်ကောင်စီတပ်ဖွဲ့ဝင် ၄၀ ဦးတွင် တပ်မ ၈၈ လက်အောက်ခံ ခလရ ၁၀ မှ  ဗိုလ်မှူးရဲထွဋ်ဦး(ကြည်း-၄၃၉၈၀) ပါဝင်၊ အလောင်းဖြစ်သလို မြှုပ်ပြီး အမိန့်ဖြစ်သလို ပြန်ထားခဲ့

ရန်ကုန်၊ အောက်တိုဘာ ၂၈

ခေတ်သစ်

စစ်ကိုင်းတိုင်း ကောလင်းမြို့နယ်အရှေ့ခြမ်း ဖလဲရွာအနီးတွင် စစ်ကောင်စီတပ်များနှင့် ကောလင်း PDF တို့ ယနေ့ အောက်တိုဘာလ ၂၈ ရက်နေ့တွင် တိုက်ပွဲဖြစ်ပွားရာ စစ်ကောင်စီဘက်မှ ၂၅ ဦးခန့် သေဆုံးပြီး ကောလင်း PDF မှ ၃ ဦးကျဆုံးကြောင်း Kawlin Revolution-KRက လူမှုကွန်ရက်တွင် သတင်း​ဖော်ပြသည်။

ယမန်နေ့ အောက်တိုဘာလ ၂၇ ရက်နေ့ ကောလင်း PDF နှင့် စစ်ကောင်စီတပ်များ  ကောလင်းမြို့နယ် အရှေ့ဘက်ခြမ်း၊ ကျောက်ပြင်သာရွာနှင့် ကချင်ကုန်းရွာကြားတွင် တိုက်ပွဲဖြစ်ပွားခဲ့ကြောင်း၊ ယင်းတိုက်ပွဲတွင် ခလရ ၁၀ မှ ဗိုလ်မှူးရဲထွဋ်ဦး (ကြည်း-၄၃၉၈၀) ပါ ပါဝင်ကြောင်း၊ ယင်းတိုက်ပွဲတွင် စစ်ကောင်စီတပ်ဖွဲ့ဝင် ၄၀ ခန့် သေဆုံးခဲ့ကြောင်း သိရှိရသည်။ 

ဗိုလ်မှူးရဲထွဋ်ဦး၏ အလောင်းကို ဖြစ်သလို မြှုပ်နှံထားသည့်အတွက် ဒေသခံများနှင့် ဒေသ ကာကွယ်ရေးတပ်က ကောင်းမွန်စွာ သဂြိုလ်ပေးနိုင်ရန် ပြန် လည်ဖော်ကြည့်ရာမှ ခလရ ၁၀ မှ ဗိုလ်မှူးရဲထွဋ်ဦး( ကြည်း ၄၃၉၈၀) ဖြစ် ကြောင်း သိရှိခဲ့ရပြီး ကောင်းမွန်စွာ ပြန်လည် သဂြိုလ်ပေးခဲ့သည်ဟု ကောလင်း KR သတင်းက ဆိုသည်။

သေဆုံးသွားသော ဗိုလ်မှူးရဲထွဋ်ဦး သည် တပ်မ ၈၈ လက်အောက်ခံ မကွေး တိုင်း၊ စကုအခြေစိုက် အမှတ် ၁၀ ခြေလျင်တပ်ရင်းမှဖြစ်ကြောင်း သိရှိရသည်။