စစ်ရေးထွက်ပေါက် တံခါးတစ်ချပ်သာ ဟ'တော့သည်။

ဘရူနိုင်း၊ အင်ဒိုနီးရှား၊ မလေးရှားတို့က စစ်ကောင်စီအဆိုပြုတဲ့ ထိုင်းကိုယ်စားလှယ်အစား ဘရူနိုင်းကိုယ်စားလှယ်ကိုသာ ခန့်အပ်လိုက်ခြင်းမှာ အာဆီယံအနေနဲ့ မြန်မာပြည်တွင်းရေးကို နောက်ပိုင်းမှာ ယခင်ကထက် ပိုစွက်လာမယ့်အကြောင်း၊ ရိုဟင်ဂျာ ပဋိပက္ခနဲ့ပက်သက်လို့ အရင်က အင်ဒိုနီးရှားဟာ အာဆီယံလမ်းကြောင်းက တစ်ဆင့် ဝင်စွက်လာခြင်းကို သံသယရှိခဲ့ခြင်း၊ ယခုအခါတွင်လည်း အာဆီယံ ကိုယ်စားလှယ်ရဲ့ လုပ်ပိုင်ခွင့်ကို တဖြည်းဖြည်း ချဲ့ထွင်ပြီးတော့ ရခိုင်အရေးကိုပါ ဆွဲသွင်း လာလိမ့်မယ်လို့ စစ်တပ်ဘက်က သံသယ ရှိနေတဲ့ သုံးချက်ဖြစ်သည်။

(သုံးရက်တာ ထိပ်သီးဆွေးနွေးပွဲမှာ ၎င်းတို့သံသယ ရှိခဲ့တဲ့ ထို (မွတ်ဆလင်) သုံးနိူင်ငံရဲ့ စစ်ခေါင်းဆောင်တွေအပေါ် ခြေတစ်လှမ်းကြို ဖိအားပေးခဲ့တာကို မြင်ခဲ့ရပြီး ဖြစ်သည်။) စစ်တပ်အတွက် ဒေသတွင်း ကြီးမားတဲ့ကျရှုံးခန်းနဲ့ ပဋိပက္ခကို ဖြေရှင်းနိူင်တဲ့ သံတမန်နည်း တစ်နည်း မှေးမှိန်သွားရခြင်းလည်း ဖြစ်သည်။

စစ်ခေါင်းဆောင် ကိုယ်တိုင် အထင်သေးစွာ ပြောဆိုဆက်ဆံခဲ့ဖူးသော အဖွဲ့အစည်း နှစ်ခုက ယခုတော်လှန်ရေးကို ဦးဆောင်နေသည်ကို ငြင်းလို့မရနိူင်ပါ။ တစ်ခုမှာ အနိုင်ရ လွှတ်တော်အမတ်များ နေပြည်တော်ရိပ်သာမှာ ရောက်နေတုန်း ပထမဖမ်းထားခဲ့ပြီး အာဏာသိမ်းပြီး သုံးရက်အကြာ နိူင်ငံအနှံ့ ငြိမ်သက်နေခြင်းကို စိတ်ကြီးဝင်ပုံရကာ ချက်ချင်းပြန်ခိုင်းခဲ့ခြင်းဖြစ်သည်။ ဆက်ရှိ​နေရင် ပစ်မိန့်ပေးထားပြီး ယခုလို တော်လှန်ရေးကို အခန်ကဏ္ဍတစ်ခုက ဦးဆောင်နိူင်လိမ့်မည်မဟုတ်ဟု ထပ်အထင်သေးခဲ့ခြင်းဖြစ်သည်။(နောက်ကိုပြန်သွားလို့ရရင်ဖြင့် အဲ့ဒီနေ့ကို စစ်ခေါင်းဆောင် ပြန်အသွားချင်ဆုံးဖြစ်လိမ့်မယ် ထင်တယ်။ ယခု ရရှိနေသော နောင်တများနဲ့ ကျဆုံးနေမှုများကို ချေဖျက်နိူင်လိမ့်မည်လည်း ဖြစ်သည်။)

နောက်တစ်ခုမှာ CNF ဖြစ်သည်။(ယခု ခုခံနေတဲ့စစ်ပွဲများမှာ အစုံဖြစ်ပေမယ့် ကြီးမားတဲ့ စစ်ဆင်ရေးကို ပြင်လာခြင်းမှာ အခြေကျ စစ်သင်တန်းများနဲ့ ထိုအဖွဲ့ချုပ် ဆိုက်ရာ ဗစ်တိုးရီးယားကို ဖြစ်သည်။) NCA ကို CNF ဝင်လာတုန်းကဆိုရင် တပ်ချုပ်ကိုယ်တိုင် အင်အားနည်းခြင်းကို စကားမှာ အကြောင်းပြပြီး အထင်မြင်သေးစွာ အခြား EAOs များလို တန်းတူဆက်ဆံခြင်း မရှိခဲ့တာပါ။ အာဏာသိမ်းပြီး နောက်ပိုင်း NUG အစိုးရနဲ့ ပထမဦးဆုံး လက်တွဲတိုက်ခိုက်ခဲ့သော အဖွဲ့ဖြစ်နေခြင်းအပြင် ထိုအဖွဲ့ရဲ့ သုတ်သင်ခြင်း ခံခဲ့ရတဲ့ စစ်ကောင်စီတပ်သားများသည် ချင်းတောင်တန်းကို ထိန်းချုပ်နိူင်ရေး တပ်ချုပ်အတွက် ကြီးမားစွာ ဆုံးရှုံးခဲ့သည်။

အဆိုးဝါးဆုံးသော စစ်တပ်ရဲ့သမိုင်းမှာ တာဝန်ရှိ စစ်ခေါင်းဆောင်များဟာ တာဝန်ခံရမှုကို ကြောက်ရွံ့၍ လက်ရှောင်ကြခြင်းဖြစ်သည်။ နိူင်ငံတကာဖိအားများကို လိုက်နာမည်ထားတော့ တာဝန်ခံရမှုဟာ ကြိုးစင်ပါ။ ပြည်တွင်းမှာ ၎င်းတို့ဘက်က အကြမ်းဖက်နေမှုကို ရပ်ပစ်ခဲ့ပြီ ဆိုပါစို့ ပြည်သူများရဲ့ နာကျည်းမှုဟာ မရပ်မယ့်အပြင် ၎င်းတို့အတွက် ပိုထိခိုက် ပိုဆုံးရှုံးဖို့သာ ဖြစ်လာနိူင်ပြီး ထပ်မိုက်နေမှသာ ခံသာရုံရှိဦးမည်။ အကျိုးကို မြင်လို့ စားပွဲဝိုင်းပေါ်တက်မည် ဆိုဦးတော့ နိူင်ငံခေါင်းဆောင်များကို လွှတ်ပေးခဲ့သည်ရှိသော် ကြိုးစင်ထက်ပိုဆိုးပြီး မိသားစုမှာ အခြေတည်နေတဲ့ အရာအားလုံး ဆုံးရှုံးရမှာပင်ဖြစ်သည်။ ဘယ်အခြေအနေပဲ ဖြစ်ဖြစ် တာဝန်ခံရမှု ပမာဏဟာ ကြီးမားလွန်းပြီး သေဖော်များနှင့် အဆုံးထိသွားကာ စစ်ရေးအရ နှိမ်နှင်းနိူင်ခဲ့ရင်ဖြင့် သက်ဆိုးရှည်နိုင်လိမ့်မယ်လို့ မျှော်လင့်ချက် ဝါးဝါးလေးနဲ့ ရှေ့ဆက်ရန်သာ ရှိသည်။

ဧပြီလ လောက်ကစလို့ ၎င်းတို့ ယန္တရားတည်ဆောက်နိုင်ရေးနဲ့ စစ်တပ်ရဲ့ ပုံရိပ်ကို အဓိက ဒုက္ခအပေးနိူင်ဆုံး ဖြစ်လာတဲ့အတွက် နိူင်ငံအနှံ့ ပြည်သူ့ကာကွယ်ရေးတပ်များကို မတားဆီးနိူင်ရင် ကျဆုံးရမည်ဟု ယူဆထားပုံရသည်။ နိူင်ငံရေးနည်းနဲ့ ဖြေရှင်းမှာဆိုရင် ကြိုးစင်ရှိနေပြီး စစ်ရေးမှာဆိုရင်တော့ဖြင့် နှစ်ပေါင်းများစွာ ကျွမ်းကျင်ထားပြီးလို့ ထင်မြင်ထားတဲ့ လက်နက်ကိုင်အဖွဲ့အစည်းဖြစ်လို့ အားသာကောင်းနိူင်လောက်မည့် အထင်နဲ့ ရွေးချယ်ရခြင်းသာ ဖြစ်သည်။ ထိုကျွမ်းကျင်သည်ဟု ယူဆထားသော စစ်ဆင်ရေးဗျူဟာကို \"ဖြတ်လေးဖြတ်\" လို့ကြုံးဝါးနေသော်လည်း တကယ့်လက်တွေ့တွင် ကျင့်သုံးနေသည်မှာ အကုန်မီးရှို့၊ အကုန်သတ်၊ အကုန်လုယက် နေတဲ့ \"ဖျက်သုံးဖျက်\" သာ ဖြစ်နေပြီး စစ်အသုံးစရိတ် ဘတ်ဂျတ်များနဲ့ ကမ္ဘာ့အဆင့် သတ်မှတ်စံနှုန်းများကို အားနာဖို့ကောင်းလှသည်။

လုံခြံရေးတပ်သားများ ရာကျော်နဲ့ မြို့တွင်းမြို့ပြင် ချထားပြီးဖြစ်တဲ့ ပူတာအိုခရီးစဥ်ကို နှစ်ကြိမ်တိုင် ဖျက်သိမ်းလိုက်ခြင်းအားဖြင့် စစ်ရေးစွမ်းရည်ကို ခန့်မှန်းနိူင်ပြီး မဖြစ်မနေရွေးချယ်ရတဲ့ လမ်းသာဖြစ်ခြင်းကို တပ်တွင်းသေဖော်များ အားလုံး နားလည်ပြီး ဖြစ်မည်ထင်သည်။ မင်းအောင်လှိုင်ရဲ့ တပ်ချုပ်ရာထူးရယူပြီး ယခုအချိန်အထိ စစ်ဦးစီးချုပ်ဖြစ်နေပါရက် ရင်ဆိုင်ရမယ့် ရန်သူများကို အထင်သေးခြင်း စိတ်ကြီးဝင် သန္ဓေတည်နေတာပါ။ ပြိုင်ဆိုင်မှုမှာ အဓိကကျတဲ့ ထိုအရေးကြီးသည့်အချက်သည် ယခုကျရှုံးခန်းကို မီးမောင်းထိုးပြနေပြီ ဖြစ်သည်။

အစဥ်အလာအရ စစ်ဘက်နဲ့ အရပ်ဘက် ရဲ့ သီးခြားနိူင်ငံရေးရည်မှန်းချက်များကို စားပွဲဝိုင်းပေါ်မှာ အဖြေရှာရတာ အခက်ဆုံးပါ။ ထိုသို့ အဖြေရှာရာမှာလည်း အကျိုးကိုမြင်မှသာ စားပွဲဝိုင်းပေါ်တက်မည်ကိုလည်း သတိပြုရမည် ဖြစ်သည်။

ဖြေလျော့မရတော့သော ပြည်သူက တောင်းဆိုနေတဲ့ နိူင်ငံရေးဆန္ဒ၊ မျိုးဆက်အလိုက် ပြုပြင်ပြောင်းလဲရေး ကဏ္ဍ၊ လွတ်လပ်သော ကိုယ်စီ နိူင်ငံရေးရည်မှန်းချက်များသည် စစ်ရေးနဲ့ ဖြေရှင်းမှသာ ပြေလည်နိူင်တော့မည်ဖြစ်ပြီး အပြီးတိုင် နောက်ဆုံးထွက်ပေါက်ဟုလည်း သတ်မှတ်ရမယ့် အချိန်အခါပါပဲ ။

NN🇬🇧