နိုင်ငံတစ်ဝန်း စစ်သား ၉၀ နီးပါး သေဆုံး

က မင်းတပ်တွင် စစ်ကား ၄၃ စီးပါ စစ်ကြောင်းကို CDF က ရှေ့နောက် ညှပ်တိုက်စဉ် နောက်ဆုံးစစ်ကား မောင်းပြေး၍  အကာအကွယ်မဲ့ပြီး တပ်သား ၂၀ ခန့် သေဆုံး၊ နိုင်ငံတစ်ဝန်း စစ်သား ၉၀ နီးပါး သေဆုံး

By ရန်ကုန်ခေတ်သစ်

နိုင်ငံတစ်ဝန်း ယမန်နေ့နှင့်ယနေ့တိုက်ပွဲများတွင် စစ်ကောင်စီတပ်သားများ ၉၀ နီးပါး သေဆုံးကြောင်း ဒေသခံ ကာကွယ်ရေးတပ်များထံမှ သိရှိရသည်။ 

ချင်းပြည်နယ်၊ မင်းတပ်တွင် စစ်သား ၂၅ ဦးခန့် သေဆုံးပြီး ဒဏ်ရာရသူ များပြား၊ စစ်ကားမောင်းပြေးမှုကြောင့် စစ်သားများ အသေအဆုံးများ

=========================================

နိုဝင်ဘာလ ၄ ရက်နေ့ ချင်းပြည်နယ် မင်းတပ်မြို့နယ်တွင် တိုက်ပွဲ ၂ နေရာဖြစ်ပွားပြီး စစ်ကောင်စီတပ်သား ၂၅ ဦးခန့် သေဆုံးပြီး ဒဏ်ရာရရှိသူများပြားကြောင်း မင်းတပ် CDF ၏ ပြောရေးဆိုခွင့်ရှိသူ ကိုယောမန်က သတင်းထုတ်ပြန်သည်။ 

နိုဝင်ဘာလ ၄ ရက်နေ့ နံနက်ပိုင်း‌တွင် မြို့အနောက်ဘက် မင်းတပ်-မတူပီလမ်း မိုင်တိုင် ၆ မိုင် အကျော်တွင်  စစ်ကြောင်းထိုးလာသော စစ်ကောင်စီတပ် နှင့် CDF-MINDAT တိုက်ပွဲဖြစ်ပြီး  CDF-MINDAT ထောင်ထားသော ပဒေသာမိုင်းကြောင့် စစ်ကောင်စီ ၅ ဦး ခန့် ကျဆုံးပြီး ဒဏ်ရာရသူ များလည်းရှိကြောင်း သိရှိရသည်။ 

ယင်းနေ့တွင်ပင် မင်းတပ်-မတူပီလမ်း မိုင်တိုင် ၄၃ တွင် သံချပ်ကားပါ စစ်ကောင်စီ ယဉ်တန်းရှည်ကို CDF-MINDAT က မွန်းလွဲ ၂ နာရီခန့်တွင် ရှေ့နောက်ညှပ်တိုက်ရာ စစ်ကောင်စီ ၂၀ ဦးခန့်ကျဆုံးပြီး ဒဏ်ရာရသူ အများအပြားရှိခဲ့ကြောင်း သိရှိရသည်။ 

အဆိုပါတိုက်ပွဲတွင် စစ်ကြောင်းအနောက်‌ဘက်မှ CDF က ဝင်တိုက်သော အခါ စစ်ကောင်စီယာဉ်တန်း၏ နောက်ဆုံးကား မောင်းပြေးသဖြင့် ကားအောက်ဝင်ပုန်းနေသော စစ်ကောင်စီတပ်သားများ အကာအကွယ်မဲ့ပြီး အကျအဆုံးများခြင်းဖြစ်ကြောင်း၊ ယဉ်မောင်းက ကားမောင်းထွက်သွားသဖြင့် ကားအောက်တွင်နေရာယူသော တပ်သားများ စစ်ကား‌နောက်အမီ အူးယားဖားယား ပြေးလိုက်နေချိန်တွင် CDF-MINDAT ၏ ဝိုင်းဝန်း ပစ်ခတ်မှုကြောင့် အကျဆုံး များခြင်းဖြစ်ကြောင်း သိရှိရသည်။

စစ်ကိုင်းတိုင်း၊ တန့်ဆည်မြို့နယ်တွင် ဗုံးဖြင့် စစ်တပ်ကို တိုက်ခိုက်

===========================================

စစ်ကိုင်းတိုင်း ဆန့်ဆည်မြို့ လမ်းဆုံရှိ အခြေခံပညာအထက်တန်းကျောင်း အ.ထ.က ၂ တွင် ယနေ့ နိုဝင်ဘာလ ၅ ရက်နေ့ နံနက် ၈နာရီ ၂ဝမိနစ်၌ ကင်းပုန်းချနေသော အကြမ်းဖက် စစ်ကောင်စီယဉ်ကို Myanmar Defense Force (Taze - Tiger) အဖွဲ့က ဖောက်ခွဲ တိုက်ခိုက်ကြောင်း သိရှိရသည်။

ဗုံးခွဲမှုဖြစ်ပွားပြီးနောက် အကြမ်းဖက် စစ်ကောင်စီ တပ်ဖွဲ့များ ရမ်းသမ်းပစ်ခတ်ခြင်းကြောင့် အမျိုးသမီး ၁ဦး ကျည်ထိမှန် သေဆုံးခဲ့ကာ စစ်ကောင်စီ တပ်ဖွဲ့ဝင်များ သေဆုံးမှု အခြေအနေကို မသိရှိရသေးကြောင်း Myanmar Defense Force (Taze - Tiger) အဖွဲ့ထံမှ သိရသည်။

စစ်ကိုင်းတိုင်း၊ ထီးချိုင့်မြို့နယ်တွင် မိုင်းဆွဲတိုက်ခိုက်မှုများ ဖြစ်ပေါ် 

===========================================

စစ်ကိုင်းတိုင်း ထီးချိူင့်မြို့နယ် မြောက်ပြင်ဘက် ကွင်းကြီး တံတားအနီးတွင် ယနေ့ နိုဝင်ဘာလ ၅ရက်နေ့ နံနက် ၅နာရီ ၅၅မိနစ်တွင် အကြမ်းဖက် စစ်ကောင်စီ စစ်ကားအား ထီးချိူင့် PDFအဖွဲ့က မိုင်းဆွဲတိုက်ခိုက်ခဲ့ပြီး စစ်ကောင်စီ တပ်ဖွဲ့ဝင်များ ထိခိုက်သေဆုံးမှု အခြေအနေကို မသိရှိရသေးကြောင်း ထီးချိုင့် PDF အဖွဲ့ထံမှ သိရှိရသည်။ 

စစ်ကိုင်း ထီးချိုင့်မြို့နယ်အတွင်းရှိ ကွင်းကြီးတံတား အနီးတွင် ယနေ့ နိုဝင်ဘာလ ၅ရက်နေ့တွင် ခရီးသည်ကားဖြင့် လိုက်ပါလာသော အကြမ်းဖက် စစ်ကောင်စီ တပ်ဖွဲ့များ ဗုံးခွဲ တိုက်ခိုက်ခံရပြီး ထိခိုက် သေဆုံးမှု အခြေအနေ မသိရှိရသေးကြောင်း ဒေသခံပြည်သူများ ပြောဆိုချက်အရ သိရသည်။

စစ်ကိုင်းတိုင်း ထီးချိုင့်မြို့နယ် မြတောင်နှင့် မောင်းကုန်းကြားတွင် ကင်းလှည့်နေသည့် အကြမ်းဖက် စစ်ကောင်စီ တပ်ဖွဲ့များ ယနေ့ နိုဝင်ဘာလ ၅ ရက်နေ့တွင် မိုင်းဆွဲတိုက်ခိုက်ခံရပြီး ထိခိုက်သေဆုံးမှု အခြေအနေ မသိရှိရသေးကြောင်း ဒေသခံပြည်သူများ ပြောဆိုချက်အရ သိရသည်။

စစ်ကိုင်းတိုင်း၊ ကန့်ဘလူမြို့နယ် စစ်ကောင်စီသတင်းပေးဟု စွပ်စွဲခံရသူ မျိုးကျော် အသတ်ခံရ 

===========================================

စစ်ကိုင်းတိုင်း ကန့်ဘလူမြို့နယ် သရက္ကံကြီးကျေးရွာအုပ်စု ကြာဖက်ကန်ကျေးရွာနေ အကြမ်းဖက် စစ်ကောင်စီ သတင်းပေး ဒလန် မျိုးကျော်ကို ယနေ့ နိုဝင်ဘာလ ၅ရက်နေ့တွင် KBU-UG နှင့် မဟာမိတ် ပူးပေါင်းအဖွဲ့များက ပစ်ခတ်တိုက်ခိုက်ခဲ့ပြီး ပွဲချင်းပြီး သေဆုံးခဲ့ကြောင်း အဆိုပါ အဖွဲ့များက သိရသည်။  

စစ်ကိုင်းတိုင်း၊ အရာတော်မြို့နယ်တွင် Mytel တာဝါတိုင်များ ဖောက်ခွဲ ဖျက်ဆီးခံရ

===========================================

စစ်ကိုင်းတိုင်း အရာတော်မြို့နယ် ဝက်ခဲကျေးရွာနှင့် ငါးရဟိုးကျေးရွာအနီးရှိ အကြမ်းဖက် ခေါင်းဆောင် မင်းအောင်လှိုင် မိသားစုပိုင်  Mytel တာဝါတိုင်ကို နိုဝင်ဘာလ ၄ ရက်နေ့ ည (၉)နာရီတွင် အရာတော်တော်လှန်ရေး အင်အားစု (ARA)နှင့် Falcon Force(စွန်ရဲတပ်ဖွဲ့)တို့က ဖောက်ခွဲ ဖျက်ဆီးခဲ့ကြောင်း သိရသည်။  

စစ်ကိုင်းတိုင်း၊ မုံရွာတွင် ရဲတစ်ဦး ဦးခေါင်းကျည်ထိသေပြီး အများအပြားဒဏ်ရာရ

===========================================

စစ်ကိုင်းတိုင်း မုံရွာမြို့ အမှတ်၂ ရဲစခန်းနှင့် အမှတ် ၁ ရဲစခန်းကို ယနေ့ နိုဝင် ဘာလ ၅ ရက်နေ့ ညနေပိုင်းက  PDF-South Monywa အဖွဲ့က လက်လုပ်လက်ပစ်ဗုံး ပစ်ထည့်တိုက်ခိုက်ခဲ့ပြီး အကြမ်းဖက် စစ်ကောင်စီ တပ်ဖွဲ့ဝင် ရဲများ အများအပြား ထိခိုက်ဒဏ်ရာရရှိကာ ရဲတပ်ဖွဲ့ဝင် ၁ဦး ဦးခေါင်းကျည်ထိမှန် သေဆုံးခဲ့ကြောင်း  PDF-South Monywa အဖွဲ့ထံမှ သိရသည်။  

စစ်ကိုင်းတိုင်း မုံရွာမြို့ ကျောက္ကာလမ်းရှိ အကြမ်းဖက် စစ်ခေါင်းဆောင် မင်းအောင်လှိုင် မိသားစုပိုင် Mytel ရုံးအစောင့် စစ်ကောင်စီ တပ်ဖွဲ့ဝင် ၁ဦး ဆိုင်ကယ်ဖြင့် ပြန်လာစဉ် ယနေ့ နိုဝင်ဘာလ ၅ရက်နေ့ ညရနာရီတွင် PDF-South Monywa က ပစ်ခတ်တိုက်ခိုက်ခဲ့ပြီး သေဆုံးမှု ရှိမရှိကို မသိရှိရသေးကြောင်း PDF-South Monywa အဖွဲ့ထံမှ သိရသည်။

ရန်ကုန်တိုင်း မရမ်းကုန်း၊လှိုင်သာယာနှင့်ကမာရွတ်မြို့နယ်တို့တွင် ဗုံးကွဲပြီး ပစ်ခတ်မှုများဖြစ်ပေါ်

===========================================

ရန်ကုန်တိုင်း လှိုင်သာယာမြို့နယ် အမှတ်(၇)ရပ်ကွက် တေးဥယျာဉ် (၃)လမ်းထိပ် ၊ မီးခွက်ဈေး(၅)ထိပ်အနီး ယနေ့ နိုဝင်ဘာလ ၅ ရက်နေ့ နံနက်ပိုင်းက ပစ်ခတ်မှုဖြစ်ပွားခဲ့ကာ ထိခိုက် သေဆုံးမှု အခြေအနေကို မသိရှိရသေးကြောင်း ဒေသခံပြည်သူများ ပြောဆိုချက်အရ သိရသည်။  

ရန်ကုန်တိုင်း လှိုင်သာယာမြို့နယ် ရရပ်ကွက်အတွင်း နေထိုင်သော အကြမ်း ဖက် စစ်ကောင်စီ သတင်းပေးဟု သတ်မှတ်ခံထားရသူ စမ်းသီတာကို ယနေ့ နိုဝင်ဘာလ ၅ ရက်နေ့တွင် Black Eagle Ranger အဖွဲ့က ပစ်ခတ် တိုက်ခိုက်ခဲ့ခြင်းကြောင့် ပွဲချင်းပြီး သေဆုံးခဲ့ကြောင်း BER အဖွဲ့ထံမှ သိရသည်။

ရန်ကုန်တိုင်း ကမာရွတ်မြို့နယ် ၂ ရပ်ကွက် ပြည်လမ်းမ မာလာကားမှတ်တိုင်အနီးရှိ KBZ Bank ရုပ်ချုပ်အနီး တွင် ယနေ့ နိုဝင်ဘာလ ၅ရက်နေ့ နံနက် ၉နာရီက ပေါက်ကွဲမှုဖြစ်ပွားခဲ့ပြီး ထိခိုက် ဒဏ်ရာရမှု မရှိကြောင်း၊ မရမ်းကုန်းမြို့နယ်ရှိ မင်းဓမ္မလမ်းရှိ KBZ ATM တွင်လည်း ဗုံးပေါက်ကွဲကြောင်း ဒေသခံပြည်သူများ ပြောဆိုချက်အရ သိရသည်။  

ရန်ကုန်တိုင်း၊ တွံ့တေးမြို့နယ် စစ်ကောင်စီခန့်အုပ်ချုပ်ရေးမှူး ချစ်ဝင်း သားအဖ အသတ်ခံရ

===========================================

ရန်ကုန်တိုင်း တွံတေးမြို့နယ် ကျွန်းဘက်ကျေးရွာ စစ်ကောင်စီခန့် အုပ်ချုပ်ရေးမှူး ချစ်ဝင်း ကို၎င်းနေအိမ်၌ နိုဝင်ဘာလ ၄ရက်နေ့ ည၉နာရီက အမည်မသိ သေနတ်သမားများ ဝင်ရောက်ပစ်ခတ်ခဲ့ပြီး ချစ်ဝင်း၏ သားဖြစ်သူ ပွဲချင်းပြီးသေဆုံးကာ ချစ်ဝင်းမှာလည်းဆေးရုံတွင် သေဆုံးသွားကြောင်း ဒေသခံပြည်သူများ ပြောဆိုချက်အရ သိရသည်။        

မန္တလေးတိုင်း၊ မဟာအောင်မြေ ကျောက်၀ိုင်း ဗုံးပေါက်

=========================================

မန္တလေးတိုင်း မဟာအောင်မြေမြို့နယ် ကျောက်ဝိုင်းအနီး ၃၈ လမ်း၊ ၈ရလမ်းနှင့် ၈၈ လမ်း ကြား ဦးပေစိ ဘုရားအနီးတွင် အကြမ်းဖက် စစ်ကောင်စီ တပ်ဖွဲ့များ ဘုရားဝင်းအတွင်း ဝင်ရောက်သွားပြီးနောက် ယနေ့ နိုဝင်ဘာလ ၅ရက်နေ့ နေ့လည် ၁၂ နာရီခန့်၌ ပေါက်ကွဲမှု ဖြစ်ပွားခဲ့ကာ ထိခိုက် ဒဏ်ရာရရှိမှု အခြေအနေ မသိရှိရသေးကြောင်း ဒေသခံပြည်သူများ ပြောဆိုချက်အရ သိရသည်။  

ကချင်ပြည်နယ်၊ ဖားကန့်တွင် ရဲကားတစ်စီး ဗုံးခွဲခံရ 

========================================

ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စု မှော်စီစာကျေးရွာ အ.ထ.က (ခွဲ) ကျောင်းအနီးတွင် ရပ်ထားသည့် အကြမ်းဖက် စစ်ကောင်စီ တပ်ဖွဲ့ ဝင် ရဲကားတစ်စီးကို ယနေ့ နိုဝင်ဘာလ ၅ရက်နေ့ နံနက် ၈ နာရီ ၃ဝမိနစ်၌ ဗုံးခွဲတိုက်ခိုက်ခံရကာ ကားပျက်စီးသွားသော်လည်း လူမရှိခြင်းကြောင့် ထိခိုက် ဒဏ်ရာရရှိသူ မရှိကြောင်း ဒေသခံပြည်သူများ ပြောဆိုချက်အရ သိရသည်။      

စစ်ကိုင်းတိုင်း၊ကလေးမြို့နယ်တွင် စစ်ကောင်စီတပ်သား ၂ ဦးသေဆုံး

===========================================

စစ်ကိုင်တိုင်း၊ ကလေး-ဂန့်ဂေါလမ်းပိုင်းတွင် စစ်ကား ၃ စီးပါ စစ်ကောင်စီယာဉ်တန်းအား သာယာကုန်းရွာနှင့် ထောက်ကြံ့ကျေးရွာကြားတွင် ကလေးမြို့ပြည်သူ့ကာကွယ်ရေးတပ်ဖွဲ့က  ယနေ့ နိုဝင်ဘာလ ၅ ရက် နံနက် ၈ နာရီခွဲခန့်၍ မိုင်းဆွဲတိုက်ခိုက်ခဲ့ပြီး စစ်ကား ၁ စီး မိုင်းထိမှန် ပက်လက်လန်သွားကာ စစ်ကောင်စီတပ်သား ၂ ဦးသေဆုံး၊ အများအပြားဒဏ်ရာရသွားကြောင်း Kalay-PDF က သတင်းထုတ်ပြန်သည်။

ယမန်နေ့တွင် စစ်ကောင်စီ စစ်ကား ၃၀ ပါ ယာဉ်တန်းသည် ကလေးမြို့ဘက်မှ တောင်ဘက်သို့ ထွက်ခွာခဲ့ပြီး ကလေး-ဂန့်ဂေါလမ်းရှိ မှန်တောရွာအတွင်း အများပြည်သူ နေအိမ် ၁၁ လုံးအတွင်းက ရွှေ၊ ငွေ၊ ဆိုင်ကယ်၊ အဖိုးတန်ပစ္စည်း သိန်း ၂၀၀ ခန့်အား ခိုးယူသွားခဲ့ကြောင်း ကလေးမြို့ PDF ထုတ်ပြန်ချက်တွင် ဖော်ပြထားသည်။

မကွေးတိုင်း၊ဂန့်ဂေါမြို့နယ်တွင် ရဲနှင့်စစ်သား ၁၅ ဦးသေဆုံး

===========================================

မကွေးတိုင်း၊ ဂန့်ဂေါမြို့နယ်တွင် ယခုရက်ပိုင်းအတွင်း ဂန့်ဂေါမြို့ အခြေစိုက် ခလရ ၅၀ မှ စစ်သား ၁၀ ဦး ထွက်ပြေးရာ ယင်းထွက်ပြေးသည့် စစ်သား ၁၀ ဦး ကို လိုက်လံရှာဖွေရင်း ဂန့်ဂေါမြို့မရဲစခန်းမှ စခန်းမှူး အောင်ကျော်သန်း အပါအဝင် ရဲ ၄ ဦး မိုင်းဆွဲခံရပြီး သေဆုံးသွားကြောင်း ဂန့်ဂေါဒေသ သတင်းရင်းမြစ် Yaw Eagle က ပြောဆိုထားသည်။ 

အလားတူ ကလေး-ဂန့်ဂေါလမ်းပိုင်းတွင် ဒေသခံကာကွယ်ရေးတပ်များနှင့် စစ်ကောင်စီတပ်များ တိုက်ပွဲဖြစ်ပွားရာ စစ်ကောင်စီတပ်သား ၁၁ ဦးယနေ့ သေဆုံးကြောင်း ဂန့်ဂေါဒေသတင်းရင်းမြစ်က ဆိုသည်။ 

စစ်ကိုင်းတိုင်း၊ ပုလဲမြို့နယ်တွင် စစ်သား ၄ ဦးသေ

=====================================

စစ်ကိုင်းတိုင်း ယမန်နေ့ ပုလဲမြို့နယ် မင်းတိုင်ပင်ရွာတွင် သေနတ်များပစ်ဖောက်ကာ နေအိမ်များ ဖျက်ဆီးခဲ့သော အင်အား ၃၀ ခန့်ရှိ စစ်ကောင်စီတပ်ဖွဲ့ဝင်များကို  ယနေ့ နံနက်ပိုင်းသပြေကုန်းရွာ အနောက်ဘက်တွင် ပုလဲ-PDF က မိုင်း ၆ လုံးဆွဲ တိုက်ခိုက်ခဲ့ပြီး စစ်ကောင်စီတပ်သား ၂ ဦးသေဆုံးကာ အများအပြား ဒဏ်ရာရရှိကြောင်း၊ သေဆုံး၊ဒဏ်ရာရ တပ်သားများကို ပုလဲမြို့နယ်ရဲစခန်းက  ကားဖြင့် လာရောက်သယ်ဆောင်သွားကြောင်း ပုလဲမြို့နယ် ပြည်သူ့ကာကွယ်ရေးတပ်ဖွဲ့ PPDF က သတင်းထုတ်ပြန်သည်။

အလားတူ ဦးနှောက်ကျေးရွာအနီး ရောက်ရှိလာသော စစ်ကောင်စီတပ်များကို PRA အပါအဝင် ပုလဲ PDF စုပေါင်းတပ်များက ၀ိုင်းဝန်း တိုက်ခိုက်ကြရာ စစ်ကောင်စီဘက်မှ အသေအပျောက်စာရင်း ရှိ၊ မရှိ အတည်ပြုမရနိုင်ကြောင်း သိရှိရသည်။ 

အလားတူ ကန်ဒေါင့်ကျေးရွာဘက်မှ ဆိုင်ကယ် ၆ စီးဖြင့် ထွက်ခွာလာသော စစ်ကောင်စီတပ်ဖွဲ့ဝင်များကို လှိုင်းချောင်းလမ်းခွဲအနီးတွင် ပုလဲ PDF  က မိုင်းဆွဲတိုက်ခိုက်ခဲ့ရာ ဆိုင်ကယ် ၁ စီး မိုင်းထိခဲ့ပြီး စစ်ကောင်စီတပ်သား ၂ ဦးသေဆုံးကြောင်း၊ စစ်ကောင်စီတပ်သားများ  ကန့်ဒေါင့်ရွာဘက်သို့ ပြန်လည်ဆုတ်ခွာသွားကြောင်း PPDF ထုတ်ပြန်ချက်အရ သိရှိရသည်။

စစ်ကိုင်းတိုင်း၊ တမူးမြို့နယ်တွင် စစ်သား ၁ ဦးသေ 

=======================================

စစ်ကိုင်းတိုင်း၊ တမူးမြို့နယ်၊ ရန်လင်းဖိုင်ကျေးရွာနှင့် ဝိတုပ်ကျေးရွာကြားတွင် စစ်ကောင်စီယာဉ်တန်းအား ယနေ့ မွန်းလွဲ ၁ နာရီခန့်၌ တမူးပြည်သူ့ကာကွယ်ရေးတပ်ဖွဲ့ တပ်ရင်း ၃ က မိုင်းဆွဲတိုက်ခိုက်ခဲ့ပြီး နှစ်ဖက်အပြန်အလှန်ပစ်ခတ်မှုဖြစ်ပွားကာ စစ်ကောင်စီ တပ်သား ၁ ဦးသေဆုံးကာ ထိခိုက်ဒဏ်ရာရသူများရှိကြောင်း တမူး PDF တပ်ရင်း ၃ ထံမှ သိရသည်။

စစ်ကိုင်းတိုင်း၊ ကသာမြို့နယ်တွင် စစ်သား ၃၀ ခန့်သေဆုံး

===========================================

စစ်ကိုင်းတိုင်းဒေသကြီး ကသာမြို့နယ် အထက်ဝဲကြီးကျေးရွာသို့ သွားသည့်လမ်းတွင် ယနေ့ ညနေ ၄နာရီခွဲခန့်အချိန် မင်းကျောင်းကုန်းဘက်မှ စစ်ကြောင်းထိုးလာသော စစ်ကောင်စီတပ် အင်အား ၁၀၀ ကျော်နှင့် ကသာ PDF တို့ တိုက်ပွဲဖြစ်ပွားရာ စစ်ကောင်စီဘက်မှ ၃၀ ခန့် သေဆုံးကြောင်း ကသာမြို့သတင်းရပ်ကွက်များထံမှ သိရှိရသည်။ 

ခြေကျင်ဆင်းလာသော စစ်ကောင်စီတပ်များကို ကသာPDF က မိုင်း ၅ လုံးဆွဲ၍ လမ်းဘေး ဝဲယာမှ တစ်ပြိုင်တည်း ပစ်ခတ်တိုက်ခိုက်ကြောင်း၊ မိနစ် ၄၀ နီးပါး ပစ်ခတ်မှုများဖြစ်ပေါ်ခဲ့ပြီး စစ်ကောင်စီဘက်မှ ၃၀ ဦးခန့် သေဆုံးနိုင်ကြောင်း ကသာPDF နှင့်နီးစပ်သော ဒေသခံများထံမှ သိရှိရသည်။ 

KIA သတင်းရင်းမြစ်ကမူ ကသာ မြို့နယ်၊ အထက်ဝဲကြီးကျေးရွာ အနီးတိုက်ပွဲမှာ KIA နှင့် PDF ပူးပေါင်း တပ်နှင့် စစ်ကောင်စီတပ်များ တိုက်ပွဲ ဖြစ်ပွားခြင်းဖြစ်ပြီး စစ်ကောင်စီဘက်မှ သေဆုံးမှု စာရင်းကို အတည်မပြုနိုင်ဟုဆိုသည်။ 

ချင်းပြည်နယ်၊ တီးတိန်တွင် စစ်သား ၂ ဦး သေဆုံးပြီး လက်နက်များ သိမ်းဆည်းရမိ

===========================================

ချင်းပြည်နယ်၊ တီးတိန်မြို့နယ်၊ ကနေဒီတောင်ခြေတွင် အကြမ်းဖက်စစ်ကောင်စီတပ်နှင့် ပြည်သူ့ကာကွယ်ရေးတပ်ဖွဲ့-Zoland၊ Chinland Defense Force - Kalay Kabaw Gangaw ၏ တပ်ရင်း ၂ CDM-Siyin ပူးပေါင်းတပ်ဖွဲ့ကြား ယနေ့ နိုဝင်ဘာလ ၅ ရက် မွန်းလွဲ ၃ နာရီခွဲခန့်၌ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ၂ ဦး သေဆုံးကာ လကနက်အချို့သိမ်းဆည်းရမိကြောင်း PDF-Zoland က သတင်းထုတ်ပြန်သည်။

ပြည်သူ့ကာကွယ်ရေးပူးပေါင်းတပ်ဖွဲ့ဝင် ၁ ဦး ကျည်ထိမှန် ဒဏ်ရာရကြောင်း၊ စစ်ကောင်စီတပ်မှ ၂ ဦးကျဆုံးကာ အချို့မှာ ဒဏ်ရာများဖြင့် ထွက်ပြေးသွားကြောင်း Civic Defense Militia - Siyin (CDF-KKG)အဖွဲ့ထံမှလည်း သိရှိရသည်။

ဖယ်ခုံတွင် တိုက်ပွဲများဖြစ်၊ စစ်တပ်သား ၁၀ ဦးသေဆုံး

====================================

ရှမ်းပြည်နယ်-ကယားပြည်နယ် နယ်စပ် ဖယ်ခုံမြို့နယ် ခေါင်းအိကျေးရွာဘက်သို့ တိုက်ပွဲ အဆက် မပြတ် ဖြစ်ပွားပြီး အကြမ်းဖက်စစ်ကောင်စီတပ်က လက်နက်ကြီး ရမ်းသန်းပစ်၍ ကျေးရွာနေပြည်သူများ၏ အိုးအိမ်ပျက်စီးခဲ့ကြောင်း တိုး တက်သော ကရင်နီပြည်သူ့အင်အားစုPKPF က ပြောသည်။

ဖယ်ခုံတွင် နိုဝင်ဘာ ၅ ရက်နေ့  နံနက် ၈ နာရီ အချိန် မှညနေ ၂နာရီ အချိန်ထိတိုက်ပွဲပြင်းထန်ခဲ့ပြီး  စစ်ကောင်စီတပ်များက လက်နက်ကြီးအများအပြားပစ်ခတ်အသုံးပြုကာ ခေါင်းအိကျေးရွာ၊စက်တော်ကျေးရွာတို့ကိုပစ်ခတ်ခဲ့သဖြင့် လူနေအိမ် ၆  လုံးခန့်ပျက်စီးခဲ့ကြောင်း၊  ပူးပေါင်းတပ်ဖွဲ့ဘက်မှ တစ်ဦးထိခိုက်ဒဏ်ရာရခဲ့ကြောင်း၊ စစ်ရှောင်စခန်းကို စကခ ၇ က လက်နက်ကြီး ဖြင့်ပစ်ခတ်ခဲ့ပြီး  ပြည်သူတစ်ဦး ထိမှန်ဒဏ်ရာရခဲ့ကြောင်း ဖယ်ခုံ PDF က သတင်းထုတ်ပြန်သည်။ 

ဖယ်ခုံမြို့နယ် ခေါင်းအိကျေးရွာအုပ်စု စက်တော်ကျေးရွာတွင် အာဏာသိမ်းအကြမ်းဖက်စစ်ကောင်စီတပ်နှင့် ဒေသခံကာကွယ်ရေးတပ်များဖြစ်သည့် ကရင်နီတပ်မတော် (KA)၊ ကရင်အမျိုးသားကာကွယ်ရေးတပ်(KNDF)တို့အကြား ယနေ့  တိုက်ပွဲအပြင်းအထန်ဖြစ်ပွားပြီး အကြမ်းဖက်စစ်ကောင်စီတပ်ဘက်မှ ၁၀ဦးသေဆုံးခဲ့ကြောင်း ၊ ကရင်နီတပ်သား ၁ ဦးလည်း ကျဆုံးခဲ့ရကြောင်း KNDF ကသတင်းထုတ်ပြန်သည်။

ရွှေကူမြို့နယ်တွင် ဗိုလ်ကြီးတစ်ဦးအပါအဝင် ၅ ဦးသေဆုံး

=================================

နိုဝင်ဘာလ ၅ ရက်နေ့ နံနက် ၇  နာရီဝန်းကျင်အချိန် ကချင်ပြည်နယ်၊ ဗန်းမော်ခရိုင်၊ ရွှေကူမြို့နယ်အဝင် အောက်လေးလမ်းဆုံ ၆၀၂ တပ်အနီးရှိ စစ်ကောင်စီတပ်နှင့် ရဲများ စုပေါင်းစစ်ဆေးရေးဂိတ်ကို KIA တပ်မဟာ ၃ တပ်ဖွဲ့ဝင်များက ဝင်ရောက်ပစ်ခတ်တိုက်ခိုက်ရာ စစ်ကောင်စီဘက်မှ ဗိုလ်ကြီး ၁ ဦးအပါအဝင် စစ်သား ၃ ဦးနှင့် ရဲ ၂ ဦးသေဆုံးကြောင်း KIA သတင်းရင်းမြစ်က ပြောသည်။ 

ဒေသခံများ၏အဆိုအရမူ ရွှေကူမြို့ပြင် အောက်လေးလမ်းဆုံ ၆၀၂ တပ်အနီး စစ်ဆေးရေးဂိတ် ဗုံးခွဲတိုက်ခိုက်ခံရခြင်းဖြစ်ပြီး​ ဗိုလ်ကြီးတစ်ဦးနှင့် ရဲဘော်တစ်ဦး သေဆုံးကြောင်း ပြောဆိုကြသည်။ 

ရေစကြိုမြို့နယ်တွင် စစ်ကောင်စီတပ်များ မိုင်းခွဲတိုက်ခိုက်ခံရပြီး ၂ ဦးသေဆုံး

===========================================

မကွေးတိုင်း၊ ရေစကြိုမြို့နယ်၊ ရေလယ်ကျွန်းက ပြန်လာသည့်စစ်ကောင်စီအဖွဲ့ကို နိုဝင်ဘာလ ၄ ရက်နေ့ ည ၉ နာရီခွဲ အချိန်ဝန်းကျင် ပခန်းကြီးနှင့် ပခန်းငယ်ကြားတွင် ရေစကြို PDF က မိုင်းဆွဲတိုက်ခိုက်သဖြင့် စစ်သား ၂ ဦး သေဆုံးကြောင်း ဒေသ ကာကွယ်ရေးတပ်က ပြောဆိုသည်။ 

မိုးကုတ်၊ စစ်ဆေးရေးဂိတ် ဗုံးခွဲခံရပြီး စစ်သား ၁ ဦးသေဆုံး

===========================================

မန္တလေးတိုင်း မိုးကုတ်မြို့ အနောက်ပိုင်း မြို့ဦးလွင်အနီးတွင် တပ်စွဲထားသော စစ်ကောင်စီတပ်ဖွဲ့ကို ယနေ့ နံနက် ၁၀ နာရီ ၄၅ မိနစ်အချိန်တွင် ဒေသ ကာ ကွယ်ရေးတပ်ဖွဲ့က ဗုံးဖြင့် တိုက်ခိုက်ရာ စစ်ကောင်စီတပ်သား ၁ ဦးသေဆုံးသွားကြောင်း ဒေသခံများထံမှ သိရှိရသည်။ 

ခေတ်သစ်မီဒီယာ

ဓာတ်ပုံ- ချင်းပြည်နယ်၊ ဟားခါးသို့ အောက်တိုဘာလအတွင်း ဝင်ရောက်လာသော စစ်ကောင်စီယာဉ်တန်း။ 

Photo Credit - ချင်းဒေသမီဒီယာများ