ဒေါ်အောင်ဆန်းစုကြည်ကို ထောင်ဒဏ် ၃၃ နှစ်ချမှတ်မှု အမေရိကန်နှင့် ဥရောပသမဂ္ဂက ရှုတ်ချ ၊

နိုင်ငံတော်၏ အတိုင်ပင်ခံပုဂ္ဂိုလ်ကို
 နိုင်ငံရေးကဖယ်ထုတ်ရေး 
စစ်တပ်က ကြိုးစားနေ

ရန်ကုန်၊ ဒီဇင်ဘာ ၃၁  ခေတ်သစ်မီဒီယာ

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို စစ်ကောင်စီက  ထောင်ဒဏ်အ ၃၃ နှစ်ချမှတ်မှုအပေါ် အမေရိကန်နှင့်ဥရောပသမဂ္ဂက ရှုတ်ချ လိုက်ပြီး ဒေါ်အောင်ဆန်းစုကြည်ကို နိုင်ငံရေးက ဖယ်ထုတ်ရေး စစ်တပ်က ကြိုးစားနေကြောင်း ဥရောသမဂ္ဂက တရားဝင် ထုတ်ပြန်သည်။ 

အမေရိကန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူက “နိုင်ငံတော် အတိုင်ပင် ခံ ပုဂ္ဂိုလ် ဒေါ်အောင်ဆန်းစုကြည်အပေါ် ချမှတ်တဲ့ နောက်ဆုံးစီရင် ချက်ဟာ တရားမျှတမှုနဲ့ တရားဥပဒေစိုးမိုးရေးကို ဆန့်ကျင်ပါတယ်” ဟု ပြောဆိုသည်။ 

ဥရောပသမဂ္ဂကမူ စစ်တပ်အနေဖြင့် ဒေါ်အောင်ဆန်းစုကြည်ကို နိုင်ငံရေးမှ ဖယ် ထုတ်ရန် ကြိုးစားနေသည့် လုပ်ရပ် ဖြစ်ကြောင်း တရားဝင် ထုတ်ပြန် သည်။ 

“ဒီစစ်ဆေးမှုတွေဟာ ဥပဒေလုပ်ထုံးလုပ်နည်းနဲ့ လိုအပ်တဲ့ တရားစီရင်ရေး ဆိုင်ရာ အာမခံချက်တွေကို လေးစားမှုမရှိဘဲ ဒီမိုကရေစီနည်းကျ ရွေးချယ် တင်မြှောက်ထားတဲ့ ခေါင်းဆောင်တွေကို နိုင်ငံရေးဘဝကနေ ဖယ်ထုတ်ဖို့  ကြိုးပမ်းမှုဖြစ်တယ်" ဟု ဥရောပသမဂ္ဂ ပြောခွင့်ရပုဂ္ဂိုလ်က ပြောဆိုသည်။ 

ပြင်သစ်နိုင်ငံကမူ  ဒေါ်အောင်ဆန်းစုကြည်၊ သမ္မတဦးဝင်းမြင့် အပါအဝင် မတရားဖမ်းဆီးခံထားရသူများ အားလုံးကိုချက်ချင်းပြန်လွှတ်ပေးရန် ဒီဇင်ဘာလ ၃၀ ရက်နေ့တွင် တရားဝင် သတင်းထုတ်ပြန် တောင်းဆိုသည်။ 

ကုလသမဂ္ဂလုံခြုံရေးကောင်စီက နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင် ဆန်း စုကြည် အပါအဝင် နိုင်ငံရေးအကျဉ်းသားများအားလုံးကို ချက်ချင်း လွှတ် ပေးရန်၊ စစ်တပ်၏ အကြမ်းဖက်မှုများကို ရပ်ဆိုင်းရန် အပါအဝင် မြန်မာ့အရေး ဆုံးဖြတ်ချက်တစ်ရပ်ကို ချမှတ်ခဲ့ပြီးဖြစ်သော်လည်း အကြမ်းဖက် မင်းအောင် လှိုင် နှင့် စစ်တပ်က လိုက်နာရန် ငြင်းဆန်နေသည်။