သတိုးမဟာ မင်းအောင်လှိုင်ဖြစ်လာမည်လော

လွန်ခဲ့တဲ့၂နှစ်ဒီနာရီမှာ လွှတ်တော်အမတ်တွေရဲ့တည်းခို

ရိပ်သာသမ္မတအိမ်တော် အမေစုအိမ် ဝန်ကြီးချုပ် ဝန်ကြီး

များ၏နေထိုင်ရာအိမ်များကိုတံခါးခေါက်ချိန်ဖြစ်သည်။

ဒီလိုဖြစ်လာမည်ဟုကြိုသိထားသောအမေစုက Printed 

Letter တစောင်ကို ဦးဝင်းထိန်ထံချန်ရစ်ခဲ့သည်၊ ထိုစာ၏

အနှစ်ချူပ်မှာ ပြည်သူ့အာဏာကို ပြည်သူ့ထံ ပြန်လည်

အပ်နှင်းခဲ့ခြင်းဖြစ်သည်။

တပတ်ခန့်ကြာသည်အထိ အခြေအနေမထူးလာသည့်

အဆုံးမှာနွေဦးတော်လှန်ရေးကြီးပေါ်ပေါက်လာခဲ့သည်မှာ ယနေ့တိုင်ဖြစ်သည်၊

ကံကြမ္မာကမျက်နှာသာပေးခဲ့သည်မှာ တည်းခိုရိပ်သာရှိ

အမတ်များကို မိမိအစီအစဉ်ဖြင့် ပြန်ရန်နှင်ထုတ်ခဲ့ခြင်း

ဖြစ်သည်။ ထိုအမတ်များသည် အိမ်သို့ပြန်မရောက်လာပဲ

CRPH မှသည် NUG ကို ဖေါ်ဆောင်နိုင်ခဲ့ခြင်းဖြစ်သည်၊

ဤနေရာတွင် နွေဦးဘက်တော်သားများ၏ ဖြစ်လိုသော

ဦးတည်ချက်မှာ သင့်စိတ်ထဲကဆန္ဒနှင့် တထပ်တည်းဖြစ်

၍ အထူးတလည် ဖေါ်ပြရန်မလိုတော့ပါ၊

အာဏာသိမ်းစစ်ခေါင်းဆောင် မင်းအောင်လှိုင်၏ လားရာ

ကို မှန်းဆကြသူအများစု ၏အမြင်များကို အင်တာနက်စာ

မျက်နှာများတွင် ပုံစံမျိုးစုံမြင်တွေ့နားဆင်ကြပြီးဖြစ်သည်၊

ကျွန်ုပ်၏အမြင်ကိုတင်ပြခွင့်ပြုပါ၊

ပြီးခဲ့သည့်အပတ်ထဲက မြန်မာနိုင်ငံဖြစ်ပေါ်လာပုံဆောင်းပါး

ကိုလိုနီနှောင်းခေတ် နိုင်ငံရေးအယူအဆနှင့်လက်ရှိကမ္ဘာ

အခင်းအကျဉ်း များကိုတင်ဆက်ခဲ့ပြီးဖြစ်ပါသည်၊

ထိုအကြောင်းအရာများသည် အာဏာသိမ်းခေါင်းဆောင်

မင်းအောင်လှိုင်၏ လားရာ ဖြစ်နေသောကြောင့်ရှာဖွေတင်

ပြခဲ့ခြင်းဖြစ်သည်၊

ရှေးခေတ်ဗမာဘုရင်များသည် မြန်မာနိုင်ငံအနှံ့ အခြား

တိုင်းရင်းသားနယ်မြေများသာမက ထိုင်းနိုင်ငံကိုပါ ကျူး

ကျော်သိမ်းပိုက်ခဲ့သည်၊ ကရင်-ဗမာ အထိကရုဏ်းအတွင်း

ဗမာ့ကာကွယ်ရေးတပ် စစ်ဦးစီးချုပ်ကရင်လူမျိုး ကို ဗိုလ်ချူပ်နေဝင်းဖြင့်အစားထိုးခဲ့သည်၊နေဝင်း

အစိုးရလက်ထက်တ္ငင် အခြားတိုင်းရင်းသား တပ်အရာရှိ

ကြီးများကို ဗမာအရာရှိများဖြင့်အစားထိုးခဲ့သည်

ကရင်တပ်ရင်း၃ရင်းတောခိုခဲ့သည်၊ ချင်းတပ်ရင်းတခု

ပြန်သွားသည်၊ ဗကပ တိုင်းရင်းသားလက်နက်ကိုင်များ

နှင့်နေဝင်းတပ်များပြည်တ္ငင်းစစ်ဆင်နွဲခဲ့သည်မှာစစ်ခေါင်းဆောင်အဆက်ဆက်ပြောင်း တိုက်ခဲ့ပြီး ယနေ့

တိုက်ခိုက်နေဆဲဖြစ်သည်၊

သန်းရွှေလက်ထက် ဗိုလ်မှူးကြီးတဦးနှင့် KIA ခေါင်းဆောင်

၃ဦးဆွေးနွေးသည့်ဖိုင်တခု ၂၀၀၉လောက်ကပေါက်ကြား

ခဲ့ဖူးသည် ထိုဗီဒီဃိုဖိုင်တွင် ဗိုလ်မှုးကြီးက အဖေနှင့်သား

ပုံစံပြောဆိုခဲ့သည်ကို ကြည့်ခဲ့ဖူးသူတိုင်းအသိဖြစ်သည်၊

NLDအစိုးရလက်ထက် ဒုတိယပင်လုံဟုတင်စားခေါ်ဝေါ်

သည့်စုံညီအစည်းအဝေးတွင် မင်းအောင်လှိုင်သည်အထက်

စီးမှပင်နေ၍ ပြောဆိုခဲ့၍ အမေစု မျက်နှာပျက်သည်အထိ

ဖြစ်ခဲ့ရသည်။

အများအမြင်မှာ မင်းအောင်လှိုင်သမ္မတဖြစ်ချင်၍ ဒီဇာတ်

ကိုကခဲ့သည်ဟု ထင်ကြသည်၊

သို့သော် မင်းအောင်လှိုင်၏ ပြောဆိုချက် နှင့် အမူအရာ

များမှာထိုကဲ့သို့မဟုတ်ပေ၊

ထိုင်းနိုင်ငံကိုသိမ်းနိုင်ခဲ့သည့်တောင်ငူမင်းဆက်များနာမည်

ကို မင်းအောင်လှိုင်ချီးမွမ်းခန်းဖွင့်ရာတွင် ဘုရင်နာမည်မှား

ပြောခဲ့တာအားလုံးအသိဖြစ်သည်၊

ယူကရိန်းကို ကျူးကျော်သည့် ရုရှားကို ထောက်ခံသည့်

၃နိုင်ငံတွင် မင်းအောင်လှိုင်က ထိပ်ဆုံးကဖြစ်သည်၊

ထိုင်ဝမ်-တရုတ်ကိစ္စ တွင်လဲ တရုတ်ဖက်ကပြောင်ပြောင်

တင်းတင်းထောက်ခံခဲ့သူဖြစ်သည်

မြန်မာနိုင်ငံ၏ ယခင်မူဝါဒမှာ ကြားနေဖြစ်သည်၊

အနှစ်ချူပ်သော် မင်းအောင်လှိုင်သည် ခေတ်သစ်ဘုရင့်

နောင်ဖြစ်ချင်သည် မြန်မာနိုင်ငံအတွင်းရှိတိုင်းရင်းသား

များကိုရှေးခေတ် ဘုရင်များနည်းတူ ဆက်ဆံချင်သည်၊

NUG PDF ကို ဗကပ NCGUB ABADF တို့နည်းတူ

ပုန်ကန်ထကြွသည့် ဗမာများအဖြစ်မြင်၍ နှိမ်နှင်းရန်

အောက်ခြေစစ်သည်များကို အမိန့်ပေး ညွန်ကြားလျက်

ရှိသည်၊ ရှေးခေတ်ဘုရင်များအတိုင်း ဗမာအမျိုးသား

ရေး (မဘသ) ကိုရှေ့တန်းတင်ခြင်း ဘုရင်တပါး ဘုရား

တဆူ တည်သည့်ကျင့်ထုံးအတိုင်း ထိုင်တော်မူဘုရား

ကို ပြီးခဲ့သည့်၂ရက်က ကရိန်းဖြင့် ဆွဲမခဲ့ပြီးဖြစ်သည်

 ဘုရင်တွေကိုးကွယ်သလိုဆရာတော်အဖြစ်သီတဂူ ကိုရွေး

ချယ်ခဲ့သည်၊  တိုင်းတားမင်းကြီးနှင့်ဆင်ဖြူရှင်မပေါင်းကြံ

ပြီးမင်းတုန်းနှင့်ကနောင်မျိူးဆက် ၃၀ခန့်ကို လုပ်ကြံသလို

မျိူး ဒေါ်အောင်ဆန်းစုကြည်နှင့် နိုင်ငံရေးအထင်ကရ

ပုဂ္ဂိုလ်များကိုနှစ်ရှည်ထောင်သွင်းအကျဉ်းချလိုက်သည်၊

နိုင်ငံရေးပရိယာဉ်အဖြစ် မဖြစ်နိုင်သောစည်းမျဉ်းများဖြင့်

ရွေးကောက်ပွဲဥပဒေကိုထုတ်ပြန်လိုက်ပြီး အိမ်နိမ့်စံဘဝက

သွေးသောက်များကိုလဲ ကန့်သတ် တားဆီးမှု လုပ်လာသည်

NCA ပုံစံမသွားပဲ သစ္စာခံ အဖွဲ့များပုံစံဖြင့်သာသွားနေသည်

လက်ရှိတွင် သစ္စာခံ ၄ဖွဲ့ရရှိပြီးဖြစ်သည်၊ သစ္စာမခံသူကို

တိုက်ခိုက်၍အညံ့ခံ ခိုင်းမည်ဖြစ်သည်၊

၄င်း၏လက်ရှိစိန်ခေါ်မှုမှာ ပုန်ကန်သူ ဗမာများဖြစ်သည်

ထိုသူများနှင့်ကပ်ငြိပါလာမည့် အမေရိကန်ကိုသူကြောက်

သည်၊  တောင်ငူမင်းဆက်လိုစတုတ္ထ မြ န်မာနိုင်ငံတော်ကို

တည်ထောင်မည့် သတိုးမဟာမင်းအောင်လှိုင်ဖြစ်လာ

မလား အလောင်းကြိုးစင်မင်းတရား ပဲဖြစ်လာမလား

ဆိုတာ နွေဦးတော်လှန်ရေးကြီး၏ အနိမ့်အမြင့်ပေါ်မူတည်

ပြီး ရလာဒ် တခုများမကြာမီ ထွက်ပေါ်လာပေတော့မည်၊

နောက်ဆုံးမှာ တရားသူသာနိုင်ကြစမြဲဆိုတာကိုတော့

အာဏာသိမ်းခေါင်းဆောင် မင်းအောင်လှိုင် ကိုသိစေ

အပ်ပါသည်။

ရဲရင့်ငယ် (နွေဦးသွေးသောက်)

၁-၂-၂၀၂၃

(နွေဦးတော်လှန်ရေး ၂နှစ်ပြည့်အမှတ်တရဆောင်းပါး)