ခင်ဦးမှာ စစ်ကောင်စီ စစ်ကြောင်းထိုးလို့ ဒေသခံ ၁၀၀၀၀ ကျော် ဘေးလွတ်ရာကိုထွက်ပြေးနေရ

မဲခေါင်၊ ဖေဖော်ဝါရီ ၂၆

ခင်ဦးမြို့ပေါ်ကနေ စစ်ကောင်စီတပ် အင်အား ၁၀၀ လောက်နဲ့ ခြေလျင်စစ်ကြောင်း ထိုးလာတာကြောင့် ဒေသခံရွာသား ၁၀၀၀၀ ကျော်ဟာ ဘေးလွတ်ရာကို ထွက်ပြေးတိမ်းရှောင်နေရတယ်လို့ သိရပါတယ်။

စစ်ကောင်စီ စစ်ကြောင်း ၂ ကြောင်းဟာ ခင်ဦးကနေ မနေ့ကထွက်လာတာဖြစ်ပြီး ဒီကနေ့ ဖေဖော်ဝါရီ ၂၆ ရက်နေ့မှာ ခင်ဦး-ရေဦး လမ်း နားက တဲစုကျေးရွာကို လက်နက်ကြီးငယ် တွေနဲ့ ပစ်ခတ်ဝင်ရောက်နေသလို ခင်ဦးမြို့နယ် အနောက်ခြမ်း အင်းပတ်ကွေ့ ဈေးတန်းနဲ့ ရွာသစ်ကုန်းပျူခြံနဲ့ ချမ်းသာကုန်းကျေးရွာဘက်ကိုလည်း လက်နက်ငယ်တွေနဲ့ ပစ်ခတ် ဝင်ရောက်နေတယ်လို့ သိရပါတယ်။

အဲ့ဒီ စစ်ကြောင်းတွေကြောင့် ဗအိုး၊ အင်တိုင်းကြီး၊ ကံသစ်၊ ဂွေးကုန်း၊ မြစ်တော်၊ တဲစု၊ ကင်းပြစ်၊ သာဂရ၊ သရက်ကုန်း၊ သာဝတ္ထိ၊ မြင်းဒေါင်း၊ မြင်းကျ၊ အင်းပတ်၊ ချမ်းသာကုန်း၊ ညောင်ပင်ခြံနဲ့ ဆည်ကြီး စတဲ့ ကျေးရွာပေါင်း ၁၆ ရွာက ဒေသခံ ၁၀၀၀၀ ကျော်ဟာ ဘေးလွတ်ရာကို ထွက်ပြေးတိမ်းရှောင် နေရတယ်လို့ ခင်ဦးမြို့နယ် သတင်းမှန်ပြန်ကြားရေး ကထုတ်ပြန်ထားပါတယ်။

MK-001

#MekongNews 

#ခင်ဦး

#ကျေးရွာပေါင်း၁၆ရွာ 

#ဒေသခံ၁၀၀၀၀ကျော်

#ဘေးလွတ်ရာကိုထွက်ပြေး