သေခါနီးအထိ ဝင်ဆို့နဲ့ထွက်ဆို့ ကြားဗျာများသူများ

NLDအမတ်ဟောင်း မအူပင် ဦးစိန်ဝင်းနှင့် ၈၈ခေါင်းဆောင် ဦးကိုကိုကြီးတို့ ပူးပေါင်းပြီး ပြည်သူပါတီအမည်ဖြင့် မှတ်ပုံတင်မည်

ရန်ကုန်၊ ဖေဖော်ဝါရီ ၂၆ 

လူငယ့်ခေတ် 

အမျိုးသားမီဒီမိုကရေစီအဖွဲ့ချုပ် NLDပါတီ အမတ်ဟောင်း မအူပင် ဦးစိန်ဝင်းတည်ထောင်ထားသည့်အမျိုးသားညီညွတ်သော ဒီမိုကရက်တစ်ပါတီနှင့် ၈၈ကျောင်းသားခေါင်းဆောင် ဦးကိုကိုကြီးတည်ထောင်ထားသည့် ပြည်သူ့ပါတီတို့ ပူးပေါင်းပြီး ပြည်သူ့ပါတီဟူ၍ စစ်ကောင်စီလက်အောက်ခံရွေးကောက်ပွဲကော်မရှင်ထံ နိုင်ငံရေးမှတ်ပုံတင်မည်ဖြစ် သည်။ 

အဆိုပါ ပါတီကို ပြည်သူ့ပါတီ ဥက္ကဌ ဦးကိုကိုကြီးက ဆက်လက်ဦးဆောင်သွားမည်ဖြစ်ပြီး အမျိုးသားညီညွတ် သော ဒီမိုကရက်တစ်ပါတီက ဝင် ရောက်ကာပူးပေါင်းလိုက်ခြင်းဖြစ် ကြောင်း NUDP ဥက္ကဌဟောင်း ဦးစိန်ဝင်းက လူငယ့်ခေတ်ကိုပြောသည်။

အဓိက ပေါင်းစည်းရခြင်းရည်ရွယ် ချက်သည် စစ်တပ်ကထုတ်ပြန် သည့် နိုင်ငံရေး ပါတီမှတ်ပုံတင်ခြင်း ဥပဒေသည် အခက်အခဲနှင့် တင်းကြပ်မှုများရှိသည့်အတွက် ယင်းအခက် အခဲများကိုကျော်လွှားနိုင်ရန် ယခုကဲ့သို့ ပူးပေါင်းလိုက်ခြင်းဖြစ်ကြောင်း ၎င်းကဆိုသည်။

“ကျွန်တော်တို့ နှစ်ပါတီမှာ အားသန်ရာသန်ရာတွေရှိပါတယ်။ မြို့ပေါ်နိုင်ငံရေးမှာဦးကိုကိုကြီးက တန်းတစ်ခုရှိတယ်ပေါ့။ ပေါင်းလိုက်ခြင်းအားဖြင့်ပြည်သူတွေအားကိုးရတဲ့ ပါတီကြီးတစ်ခုဖြစ်အောင်လုပ်မယ် ဆိုတဲ့ ရည်ရွယ်ချက်နဲ့ပါ" ဟု ဦးစိန်ဝင်းကပြောသည်။

လက်ရှိအချိန်တွင် ရွေးကောက်ပွဲ ဝင် ရေးမဝင်ရေးထက် ဥပဒေအရ သတ် မှတ်ထားသည့် ပါတီမှတ်ပုံတင်သည့်ရက်မပြည့်မှီ ပါတီတရားဝင်ဖြစ် အောင် ဆောင်ရွက်ရခြင်းဖြစ်ကြောင်းသိရသည်။

မအူပင်ဦးစိန်ဝင်းသည် ၂၀၁၀ ရွေးကောက်ပွဲတွင် ဒီမိုကရက်တစ်ပါတီ (မြန်မာ) ကိုယ်စားပြုကာ မအူပင် မြို့နယ် ကိုယ်စားပြု ဝင်ရောက်ယှဥ် ပြိုင်ခဲ့သော်လည်းရှုံးနိမ့်ခဲ့သည်။ 

ထို့နောက် ၂၀၁၁ခုနှစ်တွင် NLDပါတီသို့ ဝင် ရောက်ခဲ့ပြီးနောက် ကြားဖြတ်ရွေးကောက်ပွဲနှင့် ၂၀၁၅ ရွေးကောက်ပွဲတို့တွင် NLDပါတီကိုယ် စားပြုကာ မအူပင်မြို့နယ်လွှတ် တော်ကိုယ်စားလှယ်နေရာတွင် အနိုင်ရရှိခဲ့သူဖြစ်သည်။

၂၀၁၇ခုနှစ်တွင် NLDပါတီမှ ထွက် ခွာခဲ့ပြီးနောက် ၂၀၁၈ခုနှစ်တွင် အမျိုးသားညီညွတ်သော ဒီမိုကရက် တစ်ပါတီ တည်ထောင်ပြီး ၂၀၂၀ ပြည့်နှစ်ရွေးကောက်ပွဲကို ဝင်ရောက် ယှဥ်ပြိုင်ခဲ့သော်လည်း အနိုင်ရရှိခဲ့ခြင်းမရှိပေ။ 

မကြာသေးမှီကာလက ဦးစိန်ဝင်းဦးဆောင်သည့် အမျိုးသားညီညွတ် သော ဒီမိုကရက်တစ်ပါတီ အနေဖြင့် NLDပါတီအမတ်ဟောင်းတစ်ဦးဖြစ် သူ၊  PPPပါတီ ကထုတ်ပယ်ခံထားရသည့် တပ်မတော်အရာရှိဟောင်း ဦးကျော်ဇေယျနှင့် ပူးပေါင်းမည်ဟု သတင်းများထွက်ပေါ်ခဲ့သည်။ သို့သော်လည်း ၂၀၁၅ ခုနှစ် NLDပါတီက ကိုယ်စားလှယ်လောင်းအဖြစ် ရွေးချယ်ခြင်းမခံခဲ့ရသည့်အတွက် ပြည်သူ့ပါတီတည်ထောင်ခဲ့သည့် ၈၈ ကျောင်းသားခေါင်းဆောင် ဦးကိုကိုကြီးပါတီနှင့်သာပူးပေါင်းခဲ့ခြင်းဖြစ်သည်။ 

“ပေါင်းတယ်ဆိုတာက အဓိက ရည်မှန်းချက်ကို မျက်ဝါးထင်ထင် မြင်တွေ့ နေရပြီး ပေါင်းမှဖြစ်မယ်ဆိုတဲ့ ဆန္ဒလည်းဖြစ်ပြီဆိုတော့ နာမည် တွေ၊ တံဆိပ်တွေကျွန်တော်တို့ အတွက်တော့မလိုပါဘူး။ သူက ပြည်သူ့ဆက်ဆံရေးကောင်းတယ်။ ကျွန် တော်က စည်းရုံးရေးကောင်းတယ်။ ကျေးလက်ဒေသတွေကိုစည်းရုံးနိုင် တယ်။ ပကတိအနေအ ထားအရ ပြည့်သူ့ပါတီနာမည်နဲ့ တံဆိပ်ကို ယူ လိုက်ပါတယ်” ဟု ဦးစိန်ဝင်းကဆိုသည်။ 

ဦးကိုကိုကြီးသည့် ၂၀၁၅ခုနှစ်တွင် NLDပါတီကိုယ်စားပြု ရွေးကောက်ပွဲဝင်ရန် ကိုယ်စားလှယ်လောင်းအဖြစ် အရွေးခံခဲ့သော်လည်း NLDပါတီက ရွေးချယ်ခဲ့ခြင်းမရှိပေ။

ယင်းကြောင့် ပြည်သူ့ပါတီတည် ထောင်ကာ ဥက္ကဌအဖြစ် တာဝန်ယူပြီး ၂၀၂၀ ပြည့်နှစ် ရွေးကောက်ပွဲတွင် ဝင်ရောက်ယှဥ်ပြိုင်ခဲ့သော်လည်း အနိုင်ရရှိခဲ့ခြင်းမရှိပေ။

စစ်တပ်၏ ဥပဒေသစ်ပါ ပြဌာန်းချက်များနှင့် သတ်မှတ်ချက်များသည် ယခင် ဥပဒေကို ပိုမိုတင်းကျပ်လိုက် သည့် သဘောသက်ရောက်နေရာ စစ်ကောင်စီ လက်အောက်မှ တဆင့်ရွေးကောက်ပွဲ ဝင်ရောက်ယှဉ်ပြိုင်ရန် စိတ်ကူးနေသည့် နိုင်ငံရေးပါတီများ အခက်တွေ့နေကြသည်။

၂၀၁၀ ခုနှစ်မှ စတင် ကျင့်သုံးလာသည့် နိုင်ငံရေးပါတီများမှတ်ပုံတင်ခြင်းဆိုင်ရာ ဥပဒေအရ နိုင်ငံတစ်ဝှမ်းစည်းရုံးမည့် ပါတီ ဖြစ်ပါက ရက်ပေါင်း ၉၀ အတွင်း ပါတီဝင်ဦးရေ အနည်းဆုံး (၁၀၀၀) နှင့် တိုင်းဒေသကြီး/ ပြည်နယ် တစ်ခုအတွင်း၌သာ စည်းရုံးမည့် ပါတီဖြစ်ပါက မှတ်ပုံတင် ခွင့်ပြုသည့် နေ့မှစ၍ ရက်ပေါင်း ၉၀ အတွင်း ပါတီဝင်ဦးရေ အနည်းဆုံး ၅၀၀ ကိုစုဆောင်းရမည်သာ ဖြစ်သည်။

 

သို့သော် စစ်တပ်က ထုတ်ပြန်သည့် ဥပဒေသစ်တွင်မူ နိုင်ငံတစ်ဝှမ်း စည်းရုံးမည့် ပါတီဖြစ်ပါက နိုင်ငံရေးပါတီများ မှတ်ပုံတင်ခွင့်ပြုသည့်နေ့မှစ၍ ရက်ပေါင်း (၉၀)အတွင်း ပါတီဝင်ဦးရေ အနည်းဆုံး တစ်သိန်းအထိ စုဆောင်းရမည်ဖြစ်သည်။

“ပါတီပေါင်းပြီး မှတ်ပုံတင်ပြီးရင် ပါတီဝင် လူတစ်သိန်းရအောင် စုစည်းမယ်။ ပါတီရုံးခန်းတွေထက်ဝက် ကျော်ဖွင်နိုင်ဖို့ ကြိုးစားသွားမှာပါ။ ဖြစ်နိုင်ပါ့မလားဆိုတော့ ဒီနည်းလမ်းကလွဲပြီးတစ်ခြားနည်းလမ်းတွေ စဥ်းစားလို့မရဘူး။ ဒီနည်းလမ်းပဲရှိတဲ့အတွက် ကျွန်တော်တို့အကောင်းဆုံးခံယူချက်နဲ့ လုပ်သွားမှာပါ” ဟု ဦးစိန်ဝင်းက ပြောသည်။ 

ပြည်နယ်နှင့် တိုင်းဒေသကြီး တစ်ခုခုတွင် ဝင်ရောက်ယှဥ်ပြိုင်မည့် ပါတီများသည့် ရက်ပေါင်း (၉၀)တွင်း ပါတီဝင် ဦးရေ အနည်းဆုံး (၁၀၀၀) စည်းရုံးရမည်ဖြစ်သည်။

နိုင်ငံတစ်ဝှမ်း ကိုယ်စားပြုမည့် ပါတီများ သည့် ပါတီရန်ပုံငွေ ကျပ် သိန်းတစ်ထောင်နှင့် တိုင်းနှင့်ပြည်နယ် ကိုယ်စားပြုမည့် ပါတီအနေဖြင့် ပါတီရန်ပုံငွေ ကျပ် သိန်း(၁၀၀)တို့ကို မြန်မာ့ စီးပွားရေးဘဏ်တစ်ခုခုတွင် ငွေစာရင်းဖွင့်လှစ်နိုင်ရမည်ဖြစ်သည်။

 

ထို့အပြင် နိုင်ငံတစ်ဝှမ်း ကိုယ်စားပြုမည့် ပါတီများ သည့် ၃လအတွင်း နိုင်ငံတစ်ဝှမ်းရှိ မြို့နယ်ထက်ဝက် ကျော်တွင် ပါတီရုံးခန်းဖွင့်လှစ်ရမည် ဖြစ်ပြီး တိုင်းနှင့် ပြည်နယ်ကိုယ်စားပြုမည့်ပါတီများသည် ၅ မြို့နယ်တွင်ပါတီရုံးခန်းဖွင့်လှစ်နိုင်ရမည်ဟုလည်း သိရသည်။