မြန်မာတွင် ဆင်းရဲနွမ်းပါးသူ ခုနစ်သန်းတိုးလာ

▪︎နိုင်ငံ့လူဦး​ရေ သုံးပုံတစ်ပုံမှာလည်း ဆင်းရဲမွဲ​တေသည့်အ​ခြေအ​နေသို့​ရောက်နိုင်​ခြေမြင့်မား​နေဟုကမ္ဘာ့ဘဏ်ဆို

​ရဲခေါင်၊​စော​နွေဦး /People's Spring

မြန်မာနိုင်ငံတွင် ဆင်းရဲနွမ်းပါးသူ ခုနစ်သန်းတိုးလာကြောင်း ကမ္ဘာ့ဘဏ်က ထုတ်ပြန်သည်။

ငွေကြေးဖောင်းပွမှုနှုန်း နှင့်အလုပ်လက်မဲ့ နှုန်းများဆက်လက်မြင့်တက်နိုင်မှုနှင့်အတူ ဆင်းရဲမှုအခြေ အနေမှာ မြန်မာနိုင်ငံအနှံ့အပြားတွင် ဆိုးရွာနေမည်ဟု အသိပေးသည်။

၂၀၂၄နှစ်စတွင် လူဦးရေ၏ ၃၂ ရာခိုင်နှုန်းသည် ဆင်းရဲနွမ်း

ပါးသည့်အ​ခြေအ​နေကို ​ရောက်ရှိလာသည့်အတွက်  ၂၀၁၅က အခြေအနေသို့  ပြန်လည်ရောက်ရှိသွားခြင်းဟု 

ကမ္ဘာ့ဘဏ်က နှိုင်း ယှဥ်ပြသည်။ မြန်မာနိုင်ငံလူဦး​ရေကို ၅၄ သန်း​ကျော်ဟုသတ်မှတ်ထားသဖြင့် ၃၂ ရာခိုင်နှုန်းမှာ လူဦး​ရေ ၁၇ သန်း​ကျော်ဖြစ်သည်။

ထို့အပြင်နိုင်ငံ​၏ သုံးပုံတစ်ပုံသော လူဦးရေ ( ၁၈ သန်းဝန်းကျင်) သည်လည်း ဆင်းရဲမွဲ​တေသည့် အခြေအနေသို့ ကျရောက်နိုင်ခြေ မြင့်မား​​နေ ကြောင်းလည်း အစီရင်ခံစာ၌ ဖော်ပြသည်။

"နေရပ်စွန့်ခွာရွှေ့ပြောင်းမှုများ၊အလုပ်အကိုင်ဆုံးရှုံးမှုများ၊

ဝင်ငွေကျဆင်းမှုများ ဖြစ်လာနေခဲ့ပြီး ဆင်းရဲမှုကျဆင်းရေးအတွက်ဆယ်စုနှစ်တစ်ခုစာကြိုးပမ်းခဲ့တဲ့ ရလဒ်တွေအကုန်အလဟဿ ဖြစ်သွားရတယ်"ဟု ကမ္ဘာ့ဘဏ်၏ မြန်မာနိုင်ငံဆိုင်ရာဌာနေညွှန်ကြားရေးမှူး မာရီယမ်ရှာမမ်က ပြောသည်။

ထို့အတူ နိုင်ငံ၏စီးပွားရေးသည် ကုန်ထုတ်လုပ်မှုအပေါ် အဟန့်အတားဖြစ်စေသည့် ပဋိပက္ခများ ၊ မေခရိုသီးပွားရေး မတည်ငြိမ်မှု နှင့် နေရပ်ရွှေ့ပြောင်းရမှုတို့ကြောင့် စိန်ခေါ်မှုများကိုရင်ဆိုင်နေရပြီး စီးပွားရေးတိုးတက်မှုမှာမူလကခန့်မှန်းထားသည်ထက်ပင် နှေးကွေးနေမည်ဟု ဇွန်လ ၁၂ ရက်တွင်ထုတ်ပြန်​သော ကမ္ဘာ့ဘဏ်၏ အစီရင်ခံစာက ဆိုသည်။

၂၀၂၃ ဒီဇင်ဘာလတွင် နိုင်ငံ၏ စီးပွားရေးတိုးတက်နှုန်း

(GDP)သည် ၂ ရာခိုင်နှုန်းရှိမည်ဟုခန့်မှန်းခဲ့သော်လည်း ၁ ရာခိုင်နှုန်းသာရှိနိုင်ပြီး အရပ်သားအစိုးရလက်ထက်ကိုဗစ်

မဖြစ်ခင်ကရှိခဲ့သည့် စီးပွားရေးတိုးတက်နှုန်း​အောက်  ၉ ရာခိုင်နှုန်းနိမ့်ကျဲ​နေမည်ဟု ကမ္ဘာ့ဘဏ်ကဆိုသည်။ ဒေသ

တွင်းနိုင်ငံများနှင့် နှိုင်းယှဉ်များက မြန်မာ့စီးပွား​ရေးသည် သိသာထင်ရှားစွာနိမ့်ကျနေ​ကြောင်းလည်း​ဖော်ပြထားသည်။

စစ်ကောင်စီ၏ စစ်မှုမထမ်းမနေရ ဥပဒေက နိုင်ငံစီးပွားရေးတိုးတက်နှုန်းကျဆင်းစေရသည့် အဓိက အကြောင်းအရင်းဖြစ်သည်ဟုလည်းကမ္ဘာ့ဘဏ်ကသည်။ ထိုဥပဒေကြောင့် လူငယ်များက ပြည်ပနိုင်ငံများကို ထွက်ခွာခြင်းကြောင့် တိုင်းပြည်အတွင်း လူသားအရင်းအမြစ်ရှားပါး စီးပွားရေးကို များစွားထိခိုက်ခဲ့သည်ဟုသုံးသပ်ထားသည်။

တိုက်ပွဲများကြောင့် နယ်စပ်ကုန်သွယ်ရေးနှင့် ပြည်တွင်းကုန်စည်စီးဆင်းမှု ပြတ်တောက်သွားသည်ဟုလည်း ကမ္ဘာ့ဘဏ်ကဆိုသည်။  ယခင်နှစ်ကာလတူ ခြောက်လတာ နှင့် နှိုင်းယှဥ်ပါက ယခုနှစ် မတ်လအထိ နိုင်ငံတကာနှင့်ကုန်သွယ်​ရေးတွင်ပို့ကုန် ၁၃ ရာခိုင်နှုန်းနှင့် သွင်းကုန် ၂၀ ရာခိုင်နှုန်း အထိကျဆင်းခဲ့ကြောင်းလည်း သိရသည်။

လောင်စာဆီစျေးနှုန်းမြင့်မားခြင်း၊ချေးငွေရရှိနိုင်ရန် ခက်ခဲခြင်း၊ပဋိက္ခများကြောင့် စိုက်​ပျိုးသီးနှံအထွက်နှုန်ထိခိုက်နိုင်ခြေ မြင့်မားနေဆဲ ဖြစ်ပြီး  ၊လာမည့် ကာလတို အထိကုန်ထုတ်လုပ်မှုများအပေါ်အတားအဆီး သက်ရောက်မည်ဟု ကမ္ဘာဘဏ်က ခန့်မှန်းသည်။

စားအုန်းဆီကိုတန်းစီဝယ်​နေရ​သောပြည်သူများ။

ဓါတ်ပုံ-Getty Images