ပူတင်လိုကောင်မျိုးတွေ ၊ မအလ လိုကောင်မျိုးတွေ

ဆိုဗီယက်ယူနီယံပြိုကွဲတော့ ယူကရိန်းက ရုရှပြီးရင် နူကလီးယားလက်နက်အများနိင်ငံဖြစ်ခဲ့တယ်။ အမေရိကန်နဲ့ရုရှပြီးရင် တတိယအများဆုံးပေါ့။ ယူကရိန်းရဲ့ နူကလီးယားလက်နက်ပိုင်ဆိုင်မှုက တရုတ်၊ ဗြိတိန်၊ ပြင်သစ်တို့ထက်များတယ်။ ကမ္ဘာကြီးကိုငြိမ်းချမ်းစေလိုတဲ့ ယူကရိန်းဟာ ၁၉၉၄ မှာ ရုရှနဲ့လက်ဆွဲနှုတ်ဆက်ခဲ့ပြီး ရုရှကဘယ်တော့မှမကျူးကျော်ပါဘူးဆိုတဲ့ကတိနှင့်အတူ သူရဲ့နူကရီးယားလက်နက်အားလုံးကို ကမ္ဘာငြိမ်းချမ်းရေးစံနမူနာပြအဖြစ်ဖျက်ဆီးပေးခဲ့တယ်။ ရုရှက ယူကရိန်းရဲ့အချုပ်အခြာအာဏာကို လေးစားပါမယ် နယ်မြေကိုတစ်စက်မှမကျုးကျော်ပါဘူး ဆိုတဲ့ ကတိကို ၁၉၉၄ ခု ဒီဇင်ဘာလ ၅ ရက် မှာ ချုပ်တိုခဲ့တဲ့ Budapest Memorandum on Security Assurance မှာ တွေ့ရမှာဖြစ်တယ်။ ဒါပေမယ် လူယုတ်မာ ပူတင်နဲ့ တွေ့တော့ ကမ္ဘာကြီးကို ငြိမ်းချမ်းစေလိုတဲ့ ယူကရိန်းနိုင်ငံသားတွေဟာ အပြစ်မဲ့သေကျေပျက်စီးကြရတယ်။  

မြန်မာနိုင်ငံမှာလည်း မြန်မာပြည်ကို ဖွံ့ဖြိုးငြိမ်းချမ်းစေလိုတဲ့အမေစုဟာ မေတ္တာနိုင်ငံရေးလို့ပြောပြီး စစ်ဗိုလ်ချုပ်တွေနဲ့လက်ဆွဲနှုတ်ဆက်ခဲ့တယ်။ မြန်မာပြည်ငြိမ်းချမ်းရေးနှင့် ဖွံ့ဖြိုးတိုးတက်စေချင်တဲ့စိတ်နဲ့ လူသတ်သမားမင်းအောင်လှိုင်တို့ကို ကမ္ဘာအလယ်မှာကာကွယ်ပေးခဲ့တယ်။ အကြမ်းဖက်လူယုတ်မာမင်းအောင်လှိုင်တို့တစ်စုဟာ သူ့တို့ရဲ့ကျေးဇူးရှင်အမေစုအပါအဝင် ခေါင်ဆောင်တွေကို မတရားဖမ်းဆီးထောင်ချတယ်။ အပြစ်မဲ့မြန်မာပြည်သူတွေသေကျေပျက်စီးကြရတယ်။ 

လူသတ်သမားပူတင်က ယူကရိန်းကို လူသတ်အကြမ်းဖက်တယ်လို့စွတ်စွဲတယ်။ ပြည်သူဘဏ္ဏာသူခိုး မင်းအောင်လှိုင်က အမေစုကို လာဘ်စားတယ်လို့စွတ်စွဲတယ်။  တကယ်တော့ ပူတင်လိုကောင်မျိုးတွေ ၊ မအလ လိုကောင်မျိုးတွေရဲ့လက်ထဲမှာ ဖြူစင်မြင့်မြတ်တဲ့သူတွေဒုက္ခရောက်ကြရတာ အရမ်းရင်နာဖို့ကောင်းတယ်။ 

ဘာပဲဖြစ်ဖြစ် အဆိုးထဲကအကောင်းက ယူကရိန်းစစ်ပွဲဟာ  ( ရုရှပြည်သူတွေကတောင်လက်မခံနိုင်တော့တဲ့)ပူတင်ရဲ့ ကျဆုံးခန်းဖြစ်သလို ၊မအလအာဏာသိမ်းခြင်းဟာလည်း ( မခံမရပ်နိုင်တဲ့ပြည်သူတွေရဲ့အုံကြွတော်လှန်မှုနဲ့အတူ) စစ်တပ်နိုင်ငံရေးမှာဝင်ရှုတ်နေခြင်းကို အဆုံးသတ်ပေးလိုက်တာဖြစ်တယ်။ 

မျိုးရန်နောင်သိန်း

၂၈-၂-၂၀၂၂

#မြန်မာစံတော်ချိန် နေ့လည် ၁၂ နာရီ ၂၇ မိနစ်​