မြန်မာနိုင်ငံဆိုင်ရာ အမေရိကန်သံအမတ်ကြီး သောမတ်စ် အယ်လ်ဗိုက်ဒါ ပြောစကား

မြန်မာပြည်သူများသည် လူ့အခွင့်အရေးနှင့် ဒီမိုကရေစီကို ပိုင်ဆိုင်မည်ဟု ယုံကြည်ကြောင်း အမေရိကန် သံအမတ်ပြောကြား

CJ Platform

https://cjplatform.com/?p=4368

မြန်မာပြည်သူများသည် လူ့အခွင့်အရေးနှင့် ဒီမိုကရေစီကိုပိုင်ဆိုင်မည်ဟု ယုံကြည်ကြောင်း တာဝန်ပြီးဆုံးတော့မည့် မြန်မာနိုင်ငံဆိုင်ရာ အမေရိကန်သံအမတ်ကြီး သောမတ်စ် အယ်လ်ဗိုက်ဒါက ယနေ့တွင်ပြောကြားသည်။

ပြီးခဲ့သည့် ၂နှစ်အတွင်း မြန်မာနိုင်ငံဆိုင်ရာ အမေရိကန် သံအမတ်အဖြစ် တာဝန်ထမ်းဆောင်ခဲ့ရသည်ကို ဂုဏ်ယူကြောင်း၊ သမ္မတဦးဝင်းမြင့်နှင့် ဒီမိုကရေစီနည်းကျ ရွေးကောက်တင်မြှောက်ထားသည့် အစိုးရကို ၂၀၂၁ ဇန်နဝါရီ ၁၉ရက်တွင် သံအမတ်ခန့်အပ်လွှာပေးအပ်နိုင်ခဲ့ခြင်းသည် ဆုလာဒ်တစ်ခုဖြစ်သည်ဟု သံအမတ်ကြီးက ပြောကြားသည်။

ထို့နောက် စစ်တပ်သည် အရပ်သားအစိုးရကိုဖြုတ်ချပြီး အကြမ်းဖက်ဖိနှိပ်ချုပ်ခြယ်မှုလမ်းစဥ်ကို စတင်ခဲ့သည်မှာ ယနေ့ထိဖြစ်ကြောင်း၊ ဆယ်စုနှစ်အတွင်း မြန်မာနိုင်ငံ၏ ထူးခြားအောင်မြင်မူများသည် ဆိတ်သုဥ်းပျောက်ကွယ်ခဲ့ကြောင်း အမေရိကန်သံအမတ်က ပြောကြားသည်။

"တရားမျှတမှုဆီရောက်ဖို့ အချိန်ကြာမြင့်တတ်ပေမယ့် စကြာဝဠာကြီးက. တရားမျဌတမှုဆီကိုပဲ ဦးတည်ရွေ့လျားနေတယ်လို့ မာတင်လူသာကင်းဂျူနီယာကပြောခဲ့ဖူးပါတယ်။ အချိန်တွေကြားကောင်းကြာပေမယ့် မြန်မာပြည်သူတွေဟာ နောက်ဆုံးမှာ မိမိတို့ရဲ့ မွေးရာပါလွတ်လပ်ခွင့်၊ လူ့အခွင့်အရေးနဲ့ဒီမိုကရေစီကို အသေအချာပိုင်ဆိုင်နိုင်လိမ့်မယ်လို့ ကျွန်တော်ယုံကြည်ပါတယ်။ ဒါဟာသင်တို့အမှန်တကယ် တောင်းဆိုနေတာဖြစ်ပြီး သင်တို့နဲ့ထိုက်တန်တဲ့အရာလည်းဖြစ်ပါတယ်"ဟု အမေရိကန်သံအမတ်က ပြောကြားသည်။

မြန်မာပြည်သူများ၏ သူရသတ္တိ၊ ခံနိုင်ရည်နှင့် စိတ်ဓာတ်ကြံခိုင်မှာသည် လေးစားအတုယူဖွယ်ဖြစ်ကြောင်း၊ ပြည်သူများသည် အသက်မွေးမှု၊ ပညာရေး၊ လွတ်လပ်ခွင့်နှင့် အများကောင်းစားရေးအတွက် အသက်တောင် စတေးကြသည်ကို မျက်မြင်တွေ့ရပြီး ယခုလိုကြိုးပမ်းအားထုတ်မှုသည် ဆုလာဒ်နှင့်ထိုက်တန်ကြောင်း ယင်းကဆိုသည်။

ထို့ကြောင့် အာဏာရှင်အဖွဲ့အစည်းကို သံတမန်ရေး၊ စီးပွားရေးအရ ဖိအားပေးခြင်း၊ ယင်းတို့ကျူးလွန်ခဲ့မှုများနှင့် ဆက်လက်ကျူးလွန်နေသည့် နှိပ်စက်မှုမျာအတွက် အာဏာရှင်အဖွဲ့အစည်းကို တာဝန်ယူ၊ တာဝန်ခံမှုရှိစေရန် နှင့် အကူအညီလိုအပ်နေသည့် လူသန်းပေါင်းများစွာအတွက် လွတ်လပ်ခွင့်ရရှိနိုင်ရန်ကြိုးစားနေသည် မြန်မာနိုင်ငံသားများကို နိုင်ငံတကာ မိတ်ဖက်များနှင့်အတူ အားပေးထောက်ခံရန် ဆက်လက်လုပ်ဆောင်သွားမည်ဟု အမေရိကန်သံအမတ်က ပြောကြားသည်။

🖋️မွန်လေး

Website Link: https://cjplatform.com/

Telegram Link: https://t.me/cjplatform

YouTube Link: https://www.youtube.com/@cjplatform

Twitter Link: https://twitter.com/CjPlatform

#CjPlatform #အမေရိကန် #သံအမတ်