ကြင်စိုးရဲ့ တပ်ကတော့ ကြက်နီမ (ဥကုန်ကြက်) ဘဝ ဖြစ်နေပြီ

NUG ရဲ့ MOD အောက်မှာ PDF လှုပ်ရှား တပ်ရင်းတွေ ရှိတယ်။ PDF အထိုင် တပ်ရင်းတွေ ရှိတယ်။ ပကဖ၊ ပအဖ တွေ ရှိတယ်။ နယ်မြေအလိုက် LPDF တွေ ရှိတယ်။ Chain of Command အောက်မှာ အကုန်ရှိနေတယ်လို့ မဆိုလိုဘေမက် မအလ တပ်တွေကို ကျားကုတ်ကျားခဲ Tတ်ဖြတ် နေတာချင်းတော့ တူတယ်။ 

PDF လှုပ်ရှား တပ်ရင်းဆိုရင် လူ ၃၀၀ လောက် Equipment အပြည့်နဲ့ တပ်ရင်းကြီးဟာ တနေရာကနေ ဖျိုးကနဲ ဖျတ်ကနဲ ပျောက်သွားပြီး နောက်တစ်ဒေသမှာ အုံနဲ့ကျင်းနဲ့ သွားဝုန်းနိုင်တဲ့ အထိ မြန်တယ်။ အထိုင်တပ်ရင်းတွေက ခရိုင်အလိုက် ထိုင်နေပြီး နယ်မြေတွေကို စိုးမိုးထားတယ်။ PDF တပ်ရင်း နံပါတ်တွေ ရှိတယ်။ ဥပမာ - ရှမ်းတောင်က တပ်ရင်းတွေ ဆိုရင် “၁၀” နဲ့ စတယ်၊ ရှမ်းမြောက်က တပ်ရင်းတွေ ဆိုရင် “၁၂” နဲ့ စတယ် (ကျန်တာတွေကတော့ သားလည်း မသိဘု)။ ကဲ .. PDF တပ်တွေကတော့ တိုက်ကြက်မဒန်းလို တောင်ပံတဖြန်းဖြန်းခတ်လို့ ခွပ်လက်ချနေပြီ။

စစ်ဒေသ ၃ ခုလုံးရဲ့ စစ်ဒေသမှူးတွေက ERO ခေါင်းဆောင်တွေလို့ MOD ကလည်း ပြောထားတယ်။ စစ်ရေးနဲ့ ပါတ်သတ်တဲ့ မဟာဗျူဟာတွေကို စစ်ဒေသ အတွက် တာဝန်ယူထားတဲ့ သက်ဆိုင်ရာ ERO ခေါင်းဆောင်တွေက ဆွဲတယ်။ မစ်ရှင် တစ်ခုလုပ်ရင် နယ်မြေခံ အထိုင်တပ်နဲ့ လှုပ်ရှားတပ်တွေ ပေါင်းလုပ်တဲ့အပြင် ပကဖ၊ LPDF တွေရဲ့ မိုင်းဒဏ် ကိုလည်း ကြင်စိုးရဲ့ တပ်တွေ ခံရတယ်။ ဘိုဂျပန်ရဲ့ အိမ်မှာ မိုင်းတွေဆင်ပြီး ဖြုတ်သွားတဲ့ အဖြစ်အပျက်မျိုးက အပုံအပင်။ ရွာထဲကို မီးဝင်အရှို့မှာ တစ်ရွာလုံး မိုင်းကွင်း ဖြစ်နေလို့ ရွာထဲက ပြန်မထွက်နိုင်တော့ပဲ ရွာနဲ့အတူ ပြာဖြစ်သွားတဲ့ စကစ စစ်ကြောင်းတွေလည်း အညာမှာ မနဲတော့ဘူး။ 

ဒီရက်ပိုင်း ဝုန်းနေတဲ့ တင်နီလာအေး အဖွဲ့ထဲမှာလည်း အင်အားပြည့်တဲ့ PDF တပ်ရင်းတွေ ရှိနေတာပဲ။ ၁၂၀၁၊ ၁၂၀၂၊ ၁၂၀၄၊ ၁၂၀၅ တပ်ရင်းတွေ ထိုင်နေကြတယ်။ NUG ရဲ့ အလယ်ပိုင်း စစ်ဒေသမှာ ပါတဲ့ တပ်ရင်းတွေပေါ့။ 

ကြင်စိုးတို့ရဲ့ ထောက်လှမ်းရေးကိုလည်း လျှော့တွက်လို့မရ။ သူတို့လည်း ကိုယ့်တပ်တွေ ဘယ်နေရာမှာ ရှိတယ်၊ ဘာတွေ လုပ်နေတယ်ဆိုတာ တော်တော် တိတိကျကျ ထောက်လှမ်းမိတယ်။ ပေါ့ဆလို့ မရ။

ဒါကြောင့် TNLA ဂွင်ထဲမှာ PDF တပ်ရင်းတွေ အခြေစိုက် ခါစမှာ လက်ဦးမှု ယူပြီး Air Strike တွေ ဖိသုံးတယ်။ လေကြောင်းချီ တပ်တွေ သုံးပြီး တက်ထိုးတယ်။ TNLA, AA, PDF တပ်တွေကပေါင်းပြီး ပြန်ချလို့ ကြင်စိုးရဲ့ Airborne Commando တပ်ရင်း တရင်းလုံး ပြုတ်သွားတယ်တဲ့။ အခု ကြင်စိုးက စခန်းကို တက်သိမ်းဖို့ ဝေး၊ သူ့ တိုရှည်တွေကို ပြန်ဆွဲထုတ်ဖို့ လုပ်နေသတဲ့။

ERO, PDF တွေချည်း ဆိုရင်တော့ သူတို့ရဲ့ လေယာဉ်ဗုံးက မထိရောက်လှဘူး။ ဝေါ ... ဝရော .. ဆိုတာနဲ့ ပေ ၁၀၀ ခြား လူခွဲပြီးသား။ ရန်သူ သိသွားမျယ် မကြွယ်နက်လို့ လာမပျော့နက်။ အက်ဒါက ဗီယက်နမ် စစ်ပွဲတုန်းကတည်းက နည်းဗျူဟာ။ ဗုံးတန်ချိန် သန်း ၈၀ ကျော် ကျဲခဲ့တဲ့ USA တောင်မှာ အဲ့နည်းဗျူဟာကို ကောင်တာ မလုပ်နိုင်ခဲ့။ ကုန်ကျစားရိတ်နဲ့ ထိရောက်မှုက မတန်လို့။ ကြင်စိုးလို ချွတ်ခြုံကျနေတဲ့ လဘာဂျာက ဘယ်‌လောက်ခံနိုင်မှာလဲ။ သူ့ SU-30 တွေက ဗုံးတခါကျဲ သိန်း ၄၀၀၀ လောက် ကျွတ်နေတာ။ သို့သော် .. လှုပ်ရှားမှု နှေးတဲ့ သာမာန် အရပ်သားတွေ၊ ကလေးသူငယ်တွေ၊ လူကြီးသူမတွေအတွက်ကျတော့ Air Strike ကငရဲပဲ။

ကြင်စိုးကတော့ ခုထိ ဘူမသိ ကိုးမသိ နဝေတိမ်တောင် ဖြစ်နေတုန်းပဲ။ ရုရှ၊ အိန္ဒိယ တို့နဲ့ သီရိစံလို့ ကောင်းတုန်းပဲ ရှိသေးတယ်။ ဟိုကောင်က လာလည်ရင် အမြီးလေး နှံ့ပြလိုက်။ ဒီကောင်က ကုလားတန် ဆိပ်ကမ်း ပြန်စမယ်ဟေ့ ဆိုရင် လျှာလေးထုတ်ပြလိုက်နဲ့ ပျော်နေတုန်းပဲ။

ကြင်စိုးရဲ့ တပ်ကတော့ ကြက်နီမ (ဥကုန်ကြက်) ဘဝ ဖြစ်နေပြီ။ ဥညှစ်ထုတ်လို့လည်း ကုန်ရော ပြုတ်မနူး အသားတွေချည်း ချရောင်းနေရတဲ့ အခြေအနေ။ 

မကြာခင် သံလွင်မြစ်ကမ်းဘေးက စကစ တပ်စခန်း အကုန် နိမ်းတော့မှာ။ မောင့်ရဲ့ နန်းဖော့ဝါကို သီချင်းထဲကလို သံလွင်မြစ်ကမ်းဘေးမှာ ထိုင်စောင့်ဖို့ မလိုတော့ဘူး။ သံလွင်တကျောမှာ စပိဘုတ် စုန်-ဆန် စီးပြီး လိုက်ရှာရုံဖဲ။

ကြင်စိုးရဲ့ မပဋာဇာတ်က Climax ရောက်လာပြီ။ Burma Act က အောက်လွှတ်တော်ကို ကျော်သွားပြီ။ အားတက်စရာကောင်းတာက Burma Act ထဲမှာ ERO, PDF တွေကို ထောက်ပံ့ဖို့အထိ ပေါ်တင် ထဲ့ရေးထားတယ်။ တရက်တည်းမှာပဲ စကစ နဲ့ သံတမန် ဆက်ဆံရေး အဆင့်နှိမ့်ချ ပစ်လိုက်တယ်။ US ကလည်း Russia နဲ့ China ရဲ့ ခြေလှမ်းကို တန်ပြန်ချင်လို့ ဒီအကွက်တွေ ဖော်လာတာပဲ မို့လား။ 

ဒီတော်လှန်ရေးက ခုချိန်ထိ “ငါတို့မှာ ငါတို့ပဲ ရှိတယ်” ဆိုပြီး ရုန်းနေရတာမို့၊ အပြင်ကနေ ဘာရရ ဘောနပ်စ် ပါပဲ။

ဆို့စ် - ကျူးလိပေါင် သတင်းစဉ် (ကြက်မဒန်း တပ် Vs ကြက်နီမ တပ် ကဏ္ဍ)#...