မိုးပျံပူဖေါင်းပစ်ချမှု တရုတ်ကာကွယ်ရေးဝန်ကြီးဌာန ကန့်ကွက်

By YeYint Nge February 05, 2023

VOA

U.S. Shoots Down Suspected Chinese Spy Balloon

အမေရိကန် လေကြောင်းပိုင်ထဲရောက်နေတဲ့ သံသယဖြစ်ဖွယ် တရုတ်ထောက်လှမ်းရေး မိုးပျံပူဖေါင်းကြီးကို အမေရိကန်လေတပ်က မနေ့ ဖေဖော်ဝါရီ ၄ ရက်နေ့မှာ ပစ်ချလိုက်တဲ့အပေါ်၊ တရုတ်ကာကွယ်ရေးဝန်ကြီးဌာနက ကန့်ကွက်လိုက်ပြီး ဒါဟာ အမေရိကန်အစိုးရက လိုအပ်တာထက်ပိုပြီး တုန့်ပြန်တဲ့ လုပ်ရပ်ဖြစ်တယ်လို့ ပြောပါတယ်။

ဒီလုပ်ရပ်ကို တရုတ်နိုင်ငံက အလေးအနက် ကန့်ကွက်ကြောင်းနဲ့ အခုလို ဖြစ်သွားတဲ့အတွက် အနာဂတ်မှာ အလားတူဖြစ်ရပ်မျိုးနဲ့ ကြုံတွေ့ရမယ်ဆိုရင် တရုတ်တို့ဘက်ကလည်း တူညီတဲ့ တုန့်ပြန်မှုမျိုး လုပ်ဆောင်သွားမယ်လို့ တရုတ်ကာကွယ်ရေးဌာန ပြောခွင့်ရ Tan Kefei က ပြောပါတယ်။

တရုတ်တို့အဆိုအရ မိုးပျံပူဖေါင်းကြီးဟာ လေရဲ့သယ်ဆောင်မှုအရ အမေရိကန်နိုင်ငံအတွင်းကို မတော်တဆ ရောက်ရှိသွားတာဖြစ်ပြီး၊ အမေရိကန်တို့ စွပ်စွဲပြောဆိုနေသလို ထောက်လှမ်းရေးလုပ်တဲ့ မိုးပျံပူဖေါင်းမဟုတ်ဘဲ၊ အရပ်ဘက်သုံး မိုးလေဝသဆိုင်ရာ အချက်အလက်တွေ စုဆောင်းရေးအတွက် ဖြစ်တယ်လို့ တရုတ်အစိုးရက အစောပိုင်းမှာ ပြောထားပါတယ်။

ကျောင်းကား ၃ စင်းစာလောက် အရွယ်အစားလောက်ရှိပြီး၊ အမြင့်ပေ ၆ သောင်းလောက်မှာ ပျံသန်းခဲ့နေတဲ့ ဒီ မိုးပျံပူဖေါင်းကြီးဟာ သွားလိုရာကို မြေပြင်က ထိန်းစရာမလိုဘဲ သူ့အလိုလို မောင်းနှင်နိုင်တဲ့ စက်ပစ္စည်းတွေ အထဲမှာပါတယ်လို့ ဆိုပါတယ်။

Comments

အေးခဲထားသို စားသောက်ကုန်လုပ်ငန်းတွေ ရပ်ဆိုင်း #အေးခဲစားသောက်ကုန်လုပ်ငန်း #MilitaryCoupInMyanmar #DeltaNewsAgency ရန်ကုန်မြို့တော်အတွင်း အေးခဲထားသိုရတဲ့ စားသောက်ကုန်လုပ်ငန်းတွေဟာ ရပ်ဆိုင်းနေပြီလို့ သိရပါတယ်။ ရေခဲမုန့်၊ ရေခဲချောင်း၊ အဖျော်ယမကာ၊ ငါးပုစွန်အေးခဲလုပ်ငန်းစတာတွေဟာ လျှပ်စစ်မီးမရခြင်းနဲ့ လောင်စာဆီ ဈေးကြီးတာကြောင့် ရပ်ဆိုင်းနေကြပြီလို့ လှိုင်မြို့နယ်၊ဘူတာရုံလမ်းရှိ ကုန်စုံဆိုင်ပိုင်ရှင်က ပြောပါတယ်။ ‘ကျွန်မဆိုင်တွေကို အအေးနဲ့ပတ်သက်တာ ဘယ်သူမှလည်းလာမပို့တော့ဘူး။ ကျွန်မတို့လည်း မီးစက်ဆီဖိုး မတတ်နိုင်လို့ လာပို့လည်း မရောင်းတော့ဘူး။ မင်းအောင်လှိုင်လက်ထက် မီးပျက်တာ မဆလခေတ်ထက်ဆိုးနေပြီ’ လို့ သူက ပြောပါတယ်။ ရန်ကုန်မြို့တော်အတွင်း စံချိန်တင်မီးပျက်နေသလို ရန်ကုန်စက်မှုဇုန်တွေထဲ လျှပ်စစ်မီးလာတဲ့အချိန်တွေမှာလည်း ဝပ်အားမပြည့်တဲ့အတွက် အအေးခန်းစက်ရုံတွေ ရပ်နားထားရကြောင်း လှိုင်သာယာမြို့နယ်အတွင်းရှိ အအေးခန်းစက်ရုံအရာရှိတစ်ဦးက ပြောပါတယ်။ ‘ကျွန်တော်တို့အလုပ်တွေတောင် လကုန်ကျရင် ပြုတ်မလားဘုရားတနေရပြီ။ ရေခဲစက်တွေကျတော့ ငါးပုစွန် ရေခဲရိုက်တာတွေနဲ့ စားသောက်ဆိုင်လုပ်ငန်းတွေမှာ မဖြစ်မနေသုံးနေရတော့ ဆက်လည...

ဒေါ်အိသင်ဇာမောင် အား အမေရိကန်မှ ဆု ချီးမြှင့် ************************************

By YeYint Nge March 09, 2022

အမေရိကန် နိုင်ငံခြားရေး ဝန်ကြီးဌာနမှ အမျိုးသား ညီညွတ်ရေး အစိုးရ၏ အမျိုးသမီး၊ ကလေး သူငယ်နှင့် လူငယ်ရေးရာ ဒုတိယ ဝန်ကြီး ဒေါ်အိသင်ဇာမောင်အား နိုင်ငံတကာ သတ္တိရှင် အမျိုး သမီးများ International Women of Courage (IWOC) ဆုကို ချီးမြှင့်လိုက်ပြီ ဖြစ်သည်။ မိမိ အသက်အန္တရာယ်ကို ပဓာန မထားဘဲ အနစ်နာခံ၍ မိမိနေထိုင်ရာ လူ့အဖွဲ့အစည်း အတွက် အပြုသဘော ဆောင်သည့် အပြောင်းအလဲများ ဖေါ်ဆောင်နိုင်ရန် ထူးချွန်စွာဖြင့် သတ္တိ၊ ခွန်အား နှင့် ခေါင်းဆောင်မှု ပေးနိုင်ခဲ့သည့် ကမ္ဘာတဝှမ်း ရှိ အမျိုးသမီးများကို ၂၀၀၇ မှစ၍ IWOC ဆုကို ရွေးချယ် ချီးမြှင့်ခဲ့ခြင်း ဖြစ်သည်။ အသက် ၂၇ နှစ်ရှိ ဒေါ်အိသင်ဇာမောင်သည် ယမန်နှစ် ဖေဖေါ်ဝါရီ အတွင်း စစ်တပ်မှ အာဏာ သိမ်းခဲ့မှုအား ဆန့်ကျင်ကန့်ကွက်သည့် အကြမ်းမဖက် အာဏာဖီဆန်ရေး လူထု လှုပ်ရှားမှုတွင် ဦးဆောင်မှု အခန်းမှ ပါဝင်ခဲ့သည့် အတွက် အခြား အမျိုးသမီး ၁၁ ဦးနှင့် အတူ ရွေးချယ် ခဲ့ရခြင်း ဖြစ်သည်ဟု အမေရိကန် နိုင်ငံခြားရေး ဝန်ကြီးဌာနက ဆိုသည်။ ထိုသို့ အမျိုးသား ညီညွတ်ရေး အစိုးရ အား နိုင်ငံတကာ က အသိအမှတ် ပြုလာချိန်တွင် နေပြည်တော်ရှိ စံအိမ်ကြီး အတွင်းတွင်တော့ စစ်ခေါင်းဆောင်ကြီးသည် ကိုဗစ်၏ တို...