ရုရှားကို နိုင်ငံတကာငွေလွှဲစံနစ်ကနေ ဖယ်ထုတ်ဖို့ အကြောင်းပြချက်ရသွား

​နိုင်ငံတကာအရေးအခင်းတွေဟာ အပေါ်ယံမြင်ရတာထက် နက်နဲပေမယ့် တကယ်တမ်းမှာ ယူကရိန်းလူငယ် သမ္မတဟာ အယုံလွယ်ခဲ့တယ်ထင်မိတယ်။ 

ဘိုင်ဒင်အစိုးရဟာ ယူကရိန်းကို ကူညီပါတယ်။ ဒါပေမယ့် သူ့ကူညီမှုဟာ ယူကရိန်းလိုအပ်နေတဲ့အရာ မဟုတ်ဘဲ သူက ရုရှားကို ကမ္ဘာ့ပါဝါ အဆင့်တခုကနေ လျှော့ချဖို့ လုပ်တာနဲ့တူနေတယ်။ ရုရှားဟာ ယူကရိန်းကို ဝင်တိုက်တဲ့ အတွက် နိုင်ငံတကာ စာမျက်နှာမှာ သိုးမဲဘဝရောက်သွားပါတယ်​။ 

ဒီစစ်ပွဲဟာ တချိန်က ကိုးရီးယားစစ်ပွဲမှာ တရုတ်ဝင်စွက်ဖက်ခဲ့တာနဲ့ ဆင်တူနေပါတယ်။ ကိုးရီးယားကျွန်းဆွယ်စစ်ပွဲမှာ တရုတ်က ဝင်တိုက်ပြီး ပထမ အဆင့်တွေမှာ အောင်မြင်ခဲ့ပေမယ့် နောက်ပိုင်းမှာ စစ်ထောက်ပို့ ပြဿနာတွေကြောင့် ကြီးမားတဲ့ ဆုံးရှုံးမှုတွေ ဖြစ်ခဲ့ပါတယ် ။

အခု ပြဿနာက ယူကရိန်းကို ဝင်တိုက်တဲ့ အတွက်ရုရှားကို နိုင်ငံတကာငွေလွှဲစံနစ်ကနေ ဖယ်ထုတ်ဖို့ အကြောင်းပြချက်ရသွားစေပြီး ရုရှားအနေနဲ့ ရေရှည်မှာ အထိနာနိုင်တဲ့ အခြေအနေပါ။ ယူကရိန်းကတော့ ကြေမွပျက်စီးသွားနိုင်တယ်။ ယူကရိန်း သမ္မတက အခု Neutrality ကို ထုတ်ပြောလာတဲ့ အတွက် အရှေ့ဥရောပနိုင်ငံတွေမှာ အမေရိကန်နဲ့ အနောက်ဥရောပ ပါဝါတွေအပေါ် ယုံစားရမှုဟာ ကျဆင်းလာမလားတွေးမိတယ်။ 

NATO နဲ့ အမေရိကန်ရဲ့ အရွေ့ဟာ အာဆီယံအပေါ် သက်ရောက်မှုကြီးနိုင်ပါတယ်။ အဓိက မေးခွန်းက တကယ်တမ်း ပြဿနာတက်လာတဲ့အခါ အနောက် ကမ္ဘာရဲ့ တိတ်ဆိတ်မှုဟာ ကိုးစားနိုင်ပါ့မလားဆိုတဲ့ သံသယကို ဖြစ်စေတာပါ။

စစ်ပွဲက အခုမှအစဆိုတော့ ပြောဖို့ စောပါသေးတယ်​။ ဘိုင်ဒင်လိုချင်တာက ရုရှားရဲ့ စီးပွားရေးခန်းခြောက်ပြီး ကမ္ဘာ့ပါဝါ အဆင့်က လျော့ကျဖို့ဆိုရင် သူဆင်တဲ့ ခွင်က ရုရှားအတွက် အန္တရာယ်များတယ်လို့ ပြောရမယ့်အနေအထားပါ။

ဒါပေမယ့် Western Power တွေဟာ တကယ့်အခြေအနေမှာ ကိုးစားရပါ့မလားဆိုတဲ့ မေးခွန်းဟာ ပစိဖိတ်ဒေသတိုင်းပြည်တွေမှာ ဖြစ်လာနိုင်ပါတယ်။

#Photo_Crd