ရဲရင့်ငယ်🌹

မြေလတ်အသံ၊ ဇန်နဝါရီ၉၊ ၂၀၂၃။ စစ်ကိုင်းတိုင်း၊ ဒီပဲယင်းမြို့နယ်မှာ စစ်ကောင်စီက ပြီးခဲ့တဲ့ ဒီဇင်ဘာ ၁လတည်းမှာ ကျေးရွာပေါင်း ၃၀ကို မီးရှို့ဖျက်စီးခဲ့တာကြောင့် လူနေအိမ် ၃ထောင်ကျော် မီးလောင်ဆုံးရှုံးခဲ့ရပါတယ်။ ဒီဇင်ဘာလ ၁ရက်ကနေ ၁၀ရက်အထိ ကျေးရွာပေါင်း ၁၉ရွာကို မီးရှို့ခဲ့ပြီး ဒီဇင်ဘာ ၂၂ရက်ကနေ ၃၀ အထိ နောက်ထပ် ကျေးရွာ ၁၁ခုကို မီးရှို့ခဲ့တာကြောင့် တလအတွင်း ဒီပဲယင်းနယ်ထဲက ရွာပေါင်း ၃၀ ကို စစ်ကောင်စီတပ်သားတွေမီးရှို့ခဲ့တယ်လို့ ဆိုပါတယ်။ အဲ့ဒီကျေးရွာ ၃၀ စလုံးကို မီးရှို့ခဲ့တဲ့ စစ်ကောင်စီ စစ်ကြောင်းဟာ  ရေဦးမြို့နယ်နဲ့ ရွှေဘိုမြို့နယ်ဘက် လာတဲ့ ခမရ ၃၆၄နဲ့ ခလရ ၇၀၁တပ်ရင်းတွေကဖြစ်ကာ အင်အား ၁၀၀ ဝန်းကျင်ပါတယ်လို့ ဆိုပါတယ်။ အိမ်တွေမီးရှို့ခံလိုက်ရလို့ လူဦးရေ ၃သောင်းကျော် နေရပ်စွန့်ခွာထွက် ပြေးနေခဲ့ကြရပြီး အဲဒီထဲမှာ လူဦးရေ ၁၂၀၀၀ ကျော် အိုးမဲ့၊အိမ်မဲ့ဖြစ်သွားခဲ့ရပါတယ်။ အဲ့ဒီရွာတွေက သောင်းနဲ့ချီတဲ့ ပြည်သူတွေကို ဒီပဲယင်းညီနောင်များအဖွဲ့က အိမ်ထောင်စု တခုကို ဆန် ၂ပြည်နဲ့ ငွေကျပ် တသောင်းစီ ထောက်ပံ့ပေးနေတာ ၁၆ ရွာအထိ ထောက်ပံ့ပေးထားနိုင်ပြီး ကျန်ရွာတွေကို ထောက်ပံ့နိုင်ဖို့ ပြည်တွင်း ပြည်ပ အလှူရှင်တွေလိုအပ်နေဆဲဖြစ်ပါတယ်

VOA ဧရာဝတီတိုင်း၊ ပုသိမ်အကျဉ်းထောင်က နိုင်ငံရေးသမားတချို့ နှိပ်စက်၊ ညှင်းပန်းခံရပြီးနောက် သေဆုံး၊ ဒဏ်ရာရခဲ့တဲ့ကိစ္စကို ကုလအပါအဝင် နိုင်ငံတကာ အဖွဲ့အစည်းတွေဆီ ပေးပို့သွားမယ်လို့ NUG ရဲ့ လူ့အခွင့်အရေးဆိုင်ရာဝန်ကြီးဌာနက ထုတ်ပြန်ထားပါတယ်။ ဒီဖြစ်ရပ်ကို စုံစမ်းလေ့လာခဲ့သူတချို့ကတော့  ဒါဟာ နိုင်ငံရေးအကျဉ်းသားတွေအပေါ် ရည်ရွယ်ချက်ရှိရှိကျူးလွန်ခဲ့တဲ့ စစ်ကောင်စီရဲ့အကြမ်းဖက်မှု ဖြစ်တယ်လို့ ပြောပါတယ်။ ဒီအကြောင်း ပေးပို့ချက်ကို မသိင်္ဂီထိုက်က တင်ပြပေးထားပါတယ်။ ပုသိမ်အကျဉ်းထောင် အကြမ်းဖက်မှုဖြစ်စဉ်ကို နိုင်ငံတကာအဆင့် အဖွဲ့ အစည်းတွေဆီပေးပို့သွားမယ်လို့ အမျိုးသား ညီညွတ်ရေးအစိုးရ၊ လူ့အခွင့်အရေးဆိုင်ရာဝန်ကြီးဌာနက ထုတ်ပြန်ထားပါတယ်။ ဇန်နဝါရီလ ၅ ရက်နဲ့ ၆ ရက်မှာဖြစ်ပွားခဲ့တဲ့ ဒီအကြမ်းဖက်မှုဖြစ်စဉ်မှာ အကျဉ်းသားတယောက် သေဆုံးပြီး နောက်ထပ်၇၀ လောက် ဒဏ်ရာရခဲ့ကြပါတယ်။ မြန်အောင်မြို့က နိုင်ငံရေးအကျဉ်းသား ကျောင်းဆရာတဦးကို သေဒဏ်စီရင်ဖို့ ထောင်အာဏာပိုင်တွေပြင်ဆင်နေတာကို အကျဉ်းသား ၈ ယောက်က ကန့်ကွက်ခဲ့တဲ့အတွက် ရိုက်နှက်၊ တိုက်ပိတ်တာကနေ ဒီပြဿနာ စတင်ခဲ့တာပါ။ အကျဉ်းသား ၇ ယောက်ကို တိုက်ပိတ်ခဲ့ပေမဲ့ အကျဉ်းသား ဝင်းမင်းထက်ကတော့

မဲခေါင်၊ ဇန်နဝါရီ ၉  စစ်ကောင်စီက ပုသိမ်ထောင် အတွင်းမှာ နိုင်ငံရေး အကျဉ်းသားတွေကို အကြမ်းဖက် ညှဉ်းပန်း နှိပ်စက်တာ၊ သတ်ဖြတ်တာတွေ အတွက် တရားမျှတမှု ရရှိဖို့ ဆောင်ရွက်မယ်လို့ အမျိုးသား ညီညွတ်ရေး အစိုးရ၊ ကာကွယ်ရေးဝန်ကြီးဌာန၊ ဧရာဝတီတိုင်း စစ်ဒေသခွဲ ကွပ်ကဲရေးအဖွဲ့က ဒီနေ့ ရက်စွဲနဲ့ ထုတ်ပြန်လိုက်ပါတယ်။ ဇန်နဝါရီလ ၅ ရက်က ပုသိမ်အကျဉ်းထောင် အတွင်း စစ်အုပ်စု လက်အောက်ခံ ထောင်အာဏာပိုင်တွေက မတရား ဖမ်းဆီးခံ နိုင်ငံရေး အကျဉ်းသားတွေကို လူကို သေစေနိုင်တဲ့ လက်နက်တွေနဲ့ ပစ်ခတ်တာ၊ အသံဗုံး ခွဲတာ၊ အုပ်စုလိုက် ဝိုင်းဝန်း ရိုက်နှက်တာ၊ လက်ပြန်ကြိုးတုပ်ပြီး အပြင်းအထန် ရိုက်နှက်တာတွေကြောင့် နိုင်ငံရေး အကျဉ်းသား အနည်းဆုံး တစ်ဦး သေဆုံးခဲ့ရပြီး ပျောက်ဆုံးသူ တစ်ဦးနဲ့ အများအပြား အပြင်းအထန် ဒဏ်ရာရရှိကာ အသက်အန္တရာယ် စိုးရိမ်ရသူ တွေလည်း ရှိတယ်လို့ ကြေညာချက်မှာ ဖော်ပြထားပါတယ်။ ဒီလုပ်ရပ်တွေက အကျဉ်းထောင် လုပ်ထုံးလုပ်နည်း‌တွေကို ကျော်လွန် လုပ်ဆောင်တာ ဖြစ်ပြီး မတရား ညှဉ်းပန်း နှိပ်စက်မှုနဲ့ ဥပဒေမဲ့ သတ်ဖြတ်တာဖြစ်လို့ ကြီးမားတဲ့ ရာဇဝတ်မှု ကျူးလွန်လိုက်တာ ဖြစ်ပြီး အကြမ်းဖက် နှိပ်စက်မှုတွေမှာ အင်အား ၅၀ ခန့်ရှိ ထောင်အာဏာပိုင်နဲ့ ထောင

၂၀၂၃ ရွေးကောက်ပွဲအတွက် စစ်ကောင်စီ လူဦးရေစာရင်း စတင်ကောက်ယူ ~~~~~ ■ ၂၀၂၀ ရွေးကောက်ပွဲမှာ မဲစာရင်းအမှားတွေရှိခဲ့တယ်လို့ စွပ်စွဲထားတဲ့ စစ်ကောင်စီဟာ ၂၀၂၃ ဩဂုတ်လ ရွေး ကောက်ပွဲမတိုင်ခင် မဲစာရင်းအမှန်ရနိုင်ဖို့ ငြိမ်းချမ်းတဲ့ ဒေသတချို့မှာ လူဦးရေစာရင်းတွေ စတင်ကောက်ယူ နေပြီလို့ လုံခြုံရေးအရအမည်မဖော်လိုတဲ့ နေပြည်တော်နယ်မြေ လူဝင်မှုကြီးကြပ်ရေးဌာန အရာရှိတစ်ဦးက RFA ကို ပြောပါတယ်။ စစ်ကောင်စီအဖွဲ့ ရုံးစိုက်ရာ နေပြည်တော်ကောင်စီနယ်မြေ၊ ရန်ကုန်တိုင်း၊ မန္တလေးတိုင်းနဲ့ ရခိုင်ပြည်နယ်က မြို့နယ်၊ ရပ်ကွက်၊ ကျေးရွာတွေမှာ အရင်ဆုံး စတင်နေပြီး ဒီနေ့ ဇန်နဝါရီ ၉ ရက်ကနေ ၃၁ ရက်နေ့အထိ ကောက်ယူသွားမယ်လို့ အဲဒီလဝက အရာရှိက ရှင်းပြပါတယ်။ ၂၀၂၃ ရွေးကောက်ပွဲအတွက် လဝကဌာနကပြုစုထားတဲ့ eID စနစ်ထဲက အချက်အလက်တွေနဲ့ ရပ်ကွက်အလိုက်၊ ကျေးရွာအလိုက် အိမ်ထောင်စုတွေမှာရှိနေတဲ့ လူဦးရေစာရင်း ကိုက်ညီမှု ရှိမရှိ လိုက်လံစစ်ဆေးနေတာလို့ သူက ဆိုပါတယ်။ ၂၀၂၀ ရွေးကောက်ပွဲ မဲစာရင်းမှာ အမှားများစွာရှိခဲ့တဲ့အတွက် အခုလို မြေပြင်ကွင်းဆင်း ကောက်ယူတဲ့စနစ်ကို ပြန်လုပ်နေတာလို့ ရခိုင်ပြည်နယ် ရွေးကောက်ပွဲကော်မရှင်အဖွဲ့ဝင် ဦးသူရိန်ထွဋ် က RFA ကို ပြောပါတယ်။ “အဓိ

RFA ■  မြန်မာနိုင်ငံမှာ ငြိမ်းချမ်းရေးအတွက် ချမှတ်ထားတဲ့ အာဆီယံအသင်းနဲ့ ဘုံသဘောတူညီချက်ငါးချက်ကို အကောင်အထည်ဖော်ဖို့ အင်ဒိုနီးရှားနဲ့ မလေးရှားနှစ်နိုင်ငံခေါင်းဆောင်တွေက ဒီနေ့တိုက်တွန်းလိုက်ပါတယ်။ အင်ဒိုနီးရှားသမ္မတ ဂျိုုကိုဝီဒိုဒိုနဲ့ မလေးရှားဝန်ကြီးချုပ် အဏ္ဏဝါအီဘရာဟင်တို့ အင်ဒိုနီးရှားနိုင်ငံ ဘိုဂေါမြို့မှာ ဒီနေ့တွေ့ဆုံပွဲကနေ ပူးတွဲတိုက်တွန်းလိုက်တာပါ။ မြန်မာစစ်တပ်အနေနဲ့ အာဆီယံနဲ့ဘုံသဘောတူညီချက် ငါးရပ်ကို အကောင်အထည်ဖော်ဖို့ ပြောဆိုတာ ဖြစ်ပါတယ်။ အာဆီယံအသင်းကို ပိုပြီးအားကောင်းမောင်းသန်ဖြစ်အောင် ကြိုးစားကြမယ်လို့ ဒီနေ့တွေ့ဆုံပွဲကနေ ကတိကဝတ်ပြုလိုက်ကြသလို၊ အင်ဒို-ပစိဖိတ်ဒေသငြိမ်းချမ်းရေး၊ တည်ငြိမ်ရေးနဲ့ ကြွယ်ဝချမ်းသာရေး ဆောင်ရွက်တဲ့အခါမှာ အာဆီယံအသင်းဟာ အဓိကကျတဲ့ အခန်းကဏ္ဍကနေ ဆက်ရှိနေရမယ်ဆိုတာ နှစ်နိုင်ငံခေါင်းဆောင်တွေသဘောတူကြတယ်လို့ လက်ရှိအာဆီယံအသင်းဥက္ကဋ္ဌလည်း ဖြစ်တဲ့ အင်ဒိုနီးရှားသမ္မတ ဂျိုကိုဝီဒိုဒိုက ပြောပါတယ်။ အလားတူ မြန်မာနိုင်ငံနဲ့ပတ်သက်လို့လည်း ဘုံသဘောတူညီချက်ငါးရပ် အကောင်အထည်ဖော်ရေးဟာ အရေးကြီးတယ်ဆိုတာကို နှစ်နိုင်ငံလုံးက အမြင်တူကြပြီး ဒါကိုအကောင်အထည်ဖော်ဖို့ တိုက်တွန်းတယ်လို့ သမ

https://youtu.be/4jhdnBZKB1 4 မင်းအောင်လှိုင်ကို  ဗိုလ်ရှုခံ ချီတက် အလေးပြုစဉ် လေထီးခုန် စစ်သည် အမျိုး သမီး ကြိုးပြတ်သေဆုံးခဲ့ပြီး ဒဏ်ရာရသူများလည်းရှိ ရန်ကုန်၊ ဇန်နဝါရီ ၉ ခေတ်သစ် အကြမ်းဖက်စစ်ခေါင်းဆောင် မင်းအောင်လှိုင်ကို  ဗိုလ်ရှုခံ ချီတက် အလေးပြု စဉ် လေထီးခုန် စစ်သည် အမျိုးသမီး ကြိုးပြတ်သေဆုံးခြင်း၊ နံနက်အစော ချီတက်လေ့ကျင့်လမ်းလျှောက်စဉ် ဝန်ထမ်းတစ်ဦး လဲကျသေဆုံးမှုများ ရှိခဲ့ပြီး စစ်ကောင်စီက သတင်းမပြန့်ရန် ပိတ်ပင်ခဲ့ကြောင်း နေပြည်တော်ဝန် ထမ်းအသိုင်းအ၀ိုင်းက ရန်ကုန်ခေတ်သစ်သတင်းဌာနထံသို့ ပြောဆိုသည်။  ဒီဇင်ဘာလ ၂၉ ရက်နေ့ နံနက် ၂ နာရီ မင်းအောင်လှိုင်ကို ချီတက်အလေး ပြုမည့် ဝန်ထမ်းစစ်ကြောင်းက လေ့ကျင့်ရေး အတွက် စစ်ကြောင်းပုံစံ လမ်းလျှောက်စဉ် ဝန်ထမ်းတစ်ဦး လဲကျသေဆုံးခဲ့ကြောင်း၊ ယင်းနောက် ယင်းနေ့တွင် လေ့ကျင့်ခန်းများ ရပ်နားခဲ့ပြီး ဝန်ထမ်းတစ်ဦးလျှင် ပင်ပန်း စရိတ်ဟုဆိုကာ ငွေကျပ် ၁ သောင်း ပေးခဲ့ကြောင်း သိရှိရသည်။  "လွပ်လပ်ရေးနေ့အတွက်ဝန်ကြီးဌာနပေါင်းစုံကဝန်ထမ်းတွေကို စစ်ရေးပြနေ စဥ်လေ့ကျင့်ခိုင်းနေခဲ့တာ။ ဒီဇင်ဘာလ ၂၉ ရက်နေ့ နံနက် ၂ နာရီ လောက် ထသွားရင်းနဲ့ ဝန်ကြီးဌာနရဲ့ အမျိုးသမီးဝန်ထမ်း တစ်ဦး ဦးန

PDFတပ်ဖွဲ့၏ ဒရုန်းများကို ကြောက်ရွံ့၍  နေပြည်တော်၊ ရန်ကုန်၊ မန္တလေး လေတပ်နှင့် လေဆိပ် များတွင် ဒရုန်းထိန်းချုပ်မှု ဖြတ်တောက်သည့် Jammer များ  စစ်ကောင်စီက တပ်ဆင်  ရန်ကုန်၊ ဇန်နဝါရီ ၉  အကြမ်းဖက်စစ်ကောင်စီက နေပြည်တော်၊ ရန်ကုန်၊ မန္တလေး လေတပ်နှင့်လေဆိပ်များတွင် ဒရုန်း များ၏ ထိန်းချုပ်မှုကို ဖြတ်တောက်သည့် Jammer များ တပ်ဆင်ပြီးစီးပြီဖြစ်ကြောင်း စစ်တပ် သတင်းရင်းမြစ်တချို့ထံမှ သိရှိရသည်။  စစ်ကောင်စီက လေတပ်များအပေါ်သို့  PDF တပ်များ၏ ဒရုန်းဖြင့် ဗုံးကျဲမှု၊ဒရုန်းဖြင့် ထောက်လှမ်း မှုများကို ကြိုတင်ကာကွယ်ရန်နှင့် ကြောက်လန့်သည့်အတွက် ဒရုန််ထိန်းချုပ်မှုစနစ်ကို ဖြတ် တောက် သည့် Jammer များ တပ် ဆင်လိုက်ခြင်းဖြစ်ကြောင်း သိရှိရသည်။  လေတပ်များသာမက လေဆိပ်များတွင်ပါ ဒရုန်းထိန်းချုပ်မှု ဖြတ်တောက်သည့် Jammer များ တပ် ဆင် ခြင်းဖြစ်၍ ခရီးသည်တင်လေယာဉ်များ၏ အဆင်း၊ အတက် တာဝါတိုင်နှင့် ဆက်သွယ် မှုများ အပေါ် အနှောင့်အယှက်များဖြစ်စေကြောင်း၊ သို့ရာတွင် စစ်ကောင်စီက လုံခြုံရေးအတွက် အထူး ဦးစားပေးသဖြင့် Safety ပိုင်းတွင် အားနည်းချက်များစွာ ဖြစ်ပေါ်နေကြောင်း လေကြောင်း သတင်း ရင်းမြစ်တချို့က ဆိုသည်။  "လေတပ်နေရာတိုင်း

ဧရာဝတီ၊ ဇန်နဝါရီ ၉၊ ၂၀၂၃ မြန်မာ့စီးပွားရေးသည် ၂၀၂၁-၂၂ ဘဏ္ဍာနှစ်အတွင်း၌ ၈ ရာခိုင်နှုန်းခန့် ပြန်လည် တိုးတက်လာခဲ့ကြောင်း ပြီးခဲ့သည့်ရက်ပိုင်းအတွင်း စစ်ကောင်စီခန့် ပြည်ထောင်စုဝန်ကြီးများနှင့် တွေ့ဆုံစဉ် အာဏာသိမ်း စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ထည့်သွင်း ပြောဆိုသည်။ ၎င်းတို့ တာဝန်ယူချိန်တွင် ကိုဗစ် ၁၉ ရောဂါဖြစ်ပွားမှု၊ ကမ္ဘာ့စီးပွားရေး ကျဆင်းမှုနှင့် ယခင်အစိုးရလက်ထက် စီးပွားရေး ကျဆင်းခဲ့မှုများကြောင့် မြန်မာ့စီးပွားရေးသည် အနုတ် ၅ ဒသမ ၉ ရာခိုင်နှုန်းအထိ ကျဆင်းခဲ့ပြီး ယခု ၂၀၂၁ -၂၂ ခုနှစ် ပထမ ၆ လတာကာလအတွင်း၌ အပေါင်း၂ ဒသမ ၄ ရာခိုင်နှုန်း ပြန်လည် တိုးတက်ခဲ့ပြီး ဒုတိယ ၆ လတာတွင်လည်း ၃ ဒသမ ၄ ရာခိုင်နှုန်းအထိ ပြန်လည် တိုးတက်လာခဲ့ကြောင်း စစ်ခေါင်းဆောင်က ဆိုသည်။ နိုင်ငံစီးပွားရေး ပြန်လည် တိုးတက်လာခြင်းသည် ပြည်တွင်း စီးပွားရေးလုပ် ငန်းများကို အားပေးဆောင်ရွက်ခဲ့ ခြင်းကြောင့်ဖြစ်သလို ရေသယံဇာတနှင့် မြေသယံဇာတများ၊ လယ်ယာ၊ သားငါးကဏ္ဍ၊ သစ်တောကဏ္ဍ၊ လူသားအရင်း အမြစ်များကို အသုံးချ ဆောင်ရွက်နိုင်ခြင်းတို့ကြောင့် ဖြစ်ကြောင်း ဗိုလ်ချုပ်မှူးကြီး မင်းအောင်လှိုင်က ပြောဆိုသည်။ ကမ္ဘာ့ဘဏ်မှ ပြီးခ

နန်းနောင့်နောင့် ၊ ၂၀၂၃ ဇန်နဝါရီ ၉ ရက် သျှမ်းပြည် တောင်ကြီးခရိုင် ရပ်စောက်မြို့နယ် အခြေစိုက် စစ်ကောင်စီ၏ ခြေမြန်တပ်ရင်း (ခမရ - ၅၀၈) တပ်သား ၂၀ ကျော်တို့သည် လက်နက်ခဲယမ်း နှင့်အတူ ထွက်ပြေးသွားကြောင်း စုံစမ်းသိရှိရသည်။ ပြီးခဲ့သည့် ၂၀၂၂ ခုနှစ် ဒီဇင်ဘာလ ၂၉ ရက်နေ့တွင် ရပ်စောက်မြို့ အဝင်ရှိ စစ်ကောင်စီတပ် ခမရ ၅၀၈ လက်အောက်ခံ တပ်သား ရဲဘော် နှင့် အရာရှိ အပါအဝင် လူဦးရေ ၂၀ ကျော်သည် လက်နက်ခဲယမ်းနှင့် အတူ ထွက်ပြေးတိမ်းရှောင်နေခဲ့ကြောင်း သိရသည်။ “ရှေ့တန်းထွက်ရမှာ မထွက်ချင်လို့ ထွက်ပြေးသွားတယ်လို့ သိရပါတယ်။ အိမ်ထောင်ရှိတဲ့သူတွေက အခုသူတို့ မိသားစုဝင်တွေ တပ် အပြင်ထွက်ခွင့်မရှိဘူး၊ တချို့လည်း မိသားစုလိုက် ပြေးတဲ့သူရှိတယ်၊ စုစုပေါင်း ၂၄ ဦးရှိတယ်၊ အရာရှိလည်းပါတယ်” ဟု ဗထူးတပ်နှင့် နီးစပ်သူ အမျိုးသား တစ်ဦးက သျှမ်းသံတော်ဆင့်ကို ပြောသည်။ လက်ရှိတွင် စစ်ကောင်စီ ဗထူးတပ်မှ အထက်အရာရှိများက လက်နက်နှင့်အတူ ထွက်ပြေးသွားသည့် တပ်သား နှင့် အရာရှိများကို ရှာဖွေရန် အမိန့်ထုတ်ပြန်ထားပြီး တပ်တွင်း အဝင်အထွက်ကိုလည်း တင်းကြပ်ထားကြောင်း သိရသည်။ ထို့အပြင် ပြီးခဲ့သည့် သြဂုတ်လကတည်းမှ ရှေ့တန်းစစ်မျက်နှာပြင် ထွက်ရသည့် ခမရ ၅၀၈ လက်အောက်ခ

တရုတ်မှာ ကိုဗစ်ကြောင့်လူ ၆သိန်းကျော်သေပြီးတာမို့ US&EU နိုင်ငံတွေကသူတို့ဆီလာမယ့်လေကြောင်းလိုင်း တွေပိတ်သိမ်းနေကြပြီး ဂျပန်ကလည်းသူ့ဆီဝင်မယ့်  တရုတ်တွေကိုအထူးတင်းကြပ်မယ်လို့ဆိုတယ်။ အခုဂျပန်မှာ အကောင်းစား ကာကွယ်ဆေး၄ကြိမ်ထိုးထားတဲ့သူ တောင်ကူးစက်ခံရတဲ့ စာဖတ်ရသေးတယ်။ တို့ဆီမှာတော့ အနီးဆုံးဖြစ်ပါလျှက်နှင့် မပိတ်တဲ့ အပြင် တရုတ်ဖက်ကနယ်စပ်ဂိတ်တွေ  ဖွှင့်ဘို့လုပ်နေတဲ့သတင်းမြင်မိတယ် ။ "သတိထားကြပါ၊ အခုပိုးကလက္ခဏာ မပြဘူးလို့ကြားမိတယ် ။ " ThanphyoNaing.

မကွေးတိုင်း မင်းဘူးမြို့နယ် ပြည်သူ့လွှတ်တော် ကိုယ်စားလှယ် ဦးဝင်းဝင်း၊ ဇနီးဖြစ်သူနဲ့ သားသမီး သုံးဦးကို ဇန်နဝါရီလ ၈ ရက် ဒီမနက် ၄ နာရီဝင်းကျင်မှာ သူတို့ တိမ်းရှောင်နေတဲ့ နေအိမ်ထိ စစ်ကောင်စီတပ်သားတွေက လာရောက်ဖမ်းဆီးသွားတယ်လို့ မိသားစုနဲ့ နီးစပ်သူတစ်ဦးက RFA ကို ပြောပါတယ်။ စစ်အာဏာသိမ်းပြီးကတည်းက ဦးဝင်းဝင်းဟာ မိသားစုနဲ့အတူ မကွေးတိုင်း ပွင့်ဖြူမြို့နယ် ရှားတောကျေးရွာက ဆွေမျိုးတွေရဲ့နေအိမ်မှာ သွားရောက်တိမ်းရှောင်နေတာပါ။ ဒီကနေ့မနက်မှာတော့ ရှားတောကျေးရွာက နေအိမ်ကို စစ်ကောင်စီတပ်တွေ ရောက်လာပြီး ဖမ်းဆီးခဲ့တာလို့ မိသားစုနဲ့နီးစပ်သူ တစ်ဦးက ပြောပါတယ်။ “သူတို့ကို လင်းအားကြီးအချိန်မှာ ဝင်ရောက်ဖမ်းဆီးခဲ့တာ။ အဲဒီနောက် ဘယ်ကိုခေါ်သွားလဲ ဆိုတာတော့ ကျနော်တို့ မသိဘူး။ စစ်တပ်က ဦးဝင်းဝင်းကို ရာဇသတ်ကြီးဥပဒေပုဒ်မ ၅၀၅ (က) နဲ့ ဖမ်းဝရမ်းထုတ်ထားတယ်လို့တော့ သိရတယ်” စစ်ကောင်စီတပ်တွေက ဦးဝင်းဝင်းအပြင် ဇနီးဖြစ်သူ ဒေါ်တိုးတိုးဝေ၊ အသက် ၁၇ နှစ်အရွယ် မောင်သန့်ဇင်ဝင်းဝေဟိန်း၊ အသက် ၁၃ နှစ်အရွယ် မနှောင်းရတီဝင်းဝေထွေးနဲ့ အသက်သုံးနှစ်အရွယ် မောင်လပြည့်ဝင်းတို့ကိုပါ ဖမ်းဆီးခဲ့တာလို့ ဆိုပါတယ်။ ဒါနဲ့ ပတ်သက်လို့ စစ်ကောင်စီက သတင်း

အိမ်ရှိလူအတွက်ပြဿနာမဟုတ်ပေမယ့် အိမ်မှာလတ်တလောမရှိတဲ့သူအတွက် ပြဿနာ အနည်းနဲ့အများရှိနိုင်ပါတယ်၊ မှတ်ပုံတင်တွေ နဲ့ သန်းကောင်စာရင်းမူရင်း တွဲပြရမယ် ပြောတယ်၊ အမှန်အကန်ဖြစ်စေ လှည့်ဖျား၍ဖြစ်စေ အိမ်မှာမရှိသူတွေရဲ့မှတ်ပုံတင်မပြမိဖို့လိုပါ တယ်သူတို့ယူသွားလို့ပြစရာမရှိဖြေရန်၊ ဖားကန့် မန္တလေး ရန်ကုန် ယုံလောက်မယ့် နေရာတခုခု မှာအလုပ်သွားလုပ်တယ် လို့ ပြောရာမှာအထောက်အထားတောင်းတာ မျိူးရှိနိုင်ပေမယ့်ဖြစ်နိုင်ခြေနည်းပါတယ်၊ ဒီနေရာမှာ စကစဖက်က တချက်ခုတ်နှစ် ချက်ပြတ် လုပ်တာပဲဖြစ်တယ်။ ရွေးကောက်ပွဲအကြောင်းပြုပြီး PDF ရှာ ပုံတော်ဖွင့်တာဖြစ်လို့ အိမ်မှာမရှိကြောင်း ပြောရာမှာ အကြောင်းပြချက်က ယုံကြည် ဖို့လိုပါတယ်၊ NUG ထုတ်ပြန်တဲ့စာမှာအပေါ် ကအချက်တွေမပါလို့ထပ်ဖြည့်ပေးတာပါ၊ ထိပ်တိုက်ရင်ဆိုင်ရမယ့် မိဘတွေ အကိုအမ တွေက ဖြေကြားရာမှာ တည်ငြိမ်ဖို့ စကားကို ရှေ့နောက်ညီဖို့လိုပါတယ်၊  နိုင်ငံခြားသွားသူတွေအတွက် ဘယ်နေ့ ဘယ် နိုင်ငံ ဘာအတွက်နဲ့ ပတ်စ်ပို့နံပါတ်ပါတောင်း လာနိုင်လို့ ယုံကြည်အောင်ပြောနိုင်ဖို့လိုပါတယ်၊ အပြန်အလှန်ပြောတာတွေ Voice Record ခိုးယူ ထားနိုင်ရင်ယူထားစေလိုပါတယ်၊ ဘာလို့လဲဆိုတော့ပြည်သူလိုလားတဲ့ရွေးကောက် ပွဲမဟုတ်လို့

ကိုကိုလေး/ဧရာဝတီတိုင်းမ် (သရက်ချောင်း)၊ ဇန်နဝါရီလ ၈ ရက် တနင်္သာရီတိုင်း၊ ထားဝယ်ခရိုင်၊ သရက်ချောင်းမြို့နယ်အခြေစိုက် စစ်ကောင်စီတပ်များဖြစ်သည့် ခမရ ၄၀၃၊ ၄၀၄၊ ၄၀၅ တပ်ရင်းများအတွင်း ကြာနီကန်ဆရာတော်၏ အောင်ခြင်းရှစ်ပါး၊ပဌာန်းနှင့်ဓာရဏပရိတ်တရားများပါ ဝင်သည့် တရားခွေကို လော်စပီကာဖြင့် နေ့ရောညပါ ဖွင့်လှစ်နေကြောင်း ဒေသခံများထံကသိရသည်။ အဆိုပါ သရက်ချောင်းအခြေစိုက်တပ်ရင်းများသည် ကရင်ပြည်နယ်အတွင်းတိုက်ခိုက်ရေးဝင်ရောက်နေသည့်တပ်ရင်းများဖြစ်ပြီး ပြီးခဲ့သည့် ဒီဇင်ဘာလ ၁၅ ရက်နေ့က ဖာပွန်ခရိုင်အတွင်းရှိ မဲဝိုင်စခန်းကိုစစ်ကူ သွားရောက်ရန် ခမရ ၄၀၅ ကို အမိန့်ပေးစေခိုင်းမှုအား ငြင်းဆန်ခဲ့မှုကြောင့် ခမရ ၄၀၅ မှ တပ်ရင်းမှူး ဒုဗိုလ်မှူးကြီး လှိုင်မင်းထွဋ်အပါအဝင် အကြီးတန်းအရာရှိ ၃ ဦးဖမ်းဆီးခံခဲ့ရပြီးနောက်ပိုင်းကာလများတွင် ယင်းတပ်ရင်း ၃ ရင်းမှ တရားခွေများကိုနေ့စဥ်ဖွင့်လှစ်နေခြင်းဖြစ်သည်ဟု ဆိုသည်။ "၄၀၅ ရင်းမှူး အဖမ်းခံရပြီး ဒီဇင်ဘာလဝက်လောက်နောက်ပိုင်းကနေ နေ့တိုင်းဖွင့်တာ ကြာနီကန်ဆရာတော်ရဲ့ အောင်ခြင်းရှစ်ပါး ဂါထာ၊ ပဌာန်း၊ ပရိတ်ကြီး၊ဓာရဏပရိတ် အဲ့တာတွေနေ့ရောညရောဖွင့်တာ။ သူတို့တွေဖြစ်ပျက်နေတာမြို့ပေါ်နေတဲ့သူတွေကတော့သိ

ဧရာဝတီတိုင်းမ် ဇန်နဝါရီလ ၈ ရက် ဧရာဝတီတိုင်း၊ ပုသိမ်မြို့မှာ ဇန်နဝါရီလ ၆ ရက်နေ့က ပုသိမ်အကျဉ်းထောင်မှာ စစ်ကောင်စီလက်အောက်ခံ ရဲတွေ အကြမ်းဖက်ပစ်ခတ်မှုတွေကြောင့် အကျဉ်းကျခံနေရတဲ့ ကိုဝေယံဖြိုး ဦးခေါင်း သေနတ်ကျည် ၃ ချက် မှန်ပြီသေဆုံးခဲ့တယ်လို့ အကျဉ်းထောင်နဲ့နီးစပ်သူတွေဆီက သိရပါတယ်။  ကိုဝေယံဖြိုးသေဆုံးတဲ့နေမှာ ချောင်းသာမှာနေထိုင်တဲ့ မိသားစုဝင်တွေကို ဆက်သွယ်ခေါ်ယူခဲ့ပေမယ့် မိသားစု ဝင်တွေနဲ့ တွေ့ခွင့်ပေးတာမျိုးမရှိဘဲ စစ်ကောင်စီတပ်ဖွဲ့ဝင်တွေက မီးသဂြိုလ်ခဲ့တာလို့ မိသားစုဝင်တွေနဲ့ နီးစပ်သူတွေက ပြောပါတယ်။  “ မိသားစုဝင်တွေက ၆ ရက်နေ့ ညထဲကရောက်တာ လပြည့်ဝန်းဟိုတယ်ရှေ့မှာ ထိုင်စောင့်နေတာ၊ အဲ့တာကို စစ်ကောင်စီက လုံးဝကို တွေ့ခွင့်မပေးတာ၊ တစ်ယောက်မေးရင် တစ်မျိုးပြောတာ အလောင်းကဆေးရုံကြီး ပို့လိုက်ပြီပြောလိုက် ရင်ခွဲရုံမှာပြောလိုက် ထောင်မှာပြောလိုက်ပေါ့ဗျာ အဲ့လိုမျိုးလုပ်တာ”လို့ မိသားစုဝင်တွေနဲ့ နီးစပ်တဲ့ ဒေသခံတစ်ဦးက ဧရာဝတီတိုင်းမ်ကို ပြောပါတယ်။  ကိုဝေယံဖြိုးရဲ့ အလောင်းကို စစ်ကောင်စီက ဇန်နဝါရီလ ၇ ရက်နေ့က သရောင်းချောင်းသုသာန်မှာ မီးသဂြိုလ် ခဲ့တာဖြစ်ပြီး မိသားစုဝင်တွေကို အဝေးကပဲ ကြည့်ခွင့်ပေးခဲ့တယ်လို့ နီးစပ်သူတ

ဧရာ၀တီတိုင်းမ် ဇန်နဝါရီလ ၈ ရက် ရန်ကုန်တိုင်း၊ လှိုင်သာယာမြို့နယ်တွင် စစ်ကောင်စီလက်အောက်ရှိ စစ်ဖက်ရေးရာထောက်လှမ်းရေးအဖွဲ့  (စရဖ)များက စစ်ကောင်စီ ချိတ်ပိတ်ခဲ့သောနေအိမ်များကို ပြန်ဖွင့်ပေးရန်အတွက် အထက်ကို အသနားခံစာ စာတင်ပေးမည်ဟုဆိုကာ အိမ်ရှင်များထံမှ ငွေကျပ်သိန်းဆယ်နှင့်ချီ၍ လိမ်လည်တောင်းခံမှုများ ပြုလုပ်နေကြောင်း သတင်းရရှိသည်။ “စရဖတွေက ချိတ်ပိတ်ခံရတဲ့အိမ်ရှင်တွေကို ချဉ်းကပ်ပြီးတော့ ခင်ဗျားတို့အိမ် ချိတ်ပိတ်ထားတာကို ပြန်ဖွင့်ပေးဖို့ အထက်ကိုအသနားခံစာတင်ပေးမယ်၊ အဲ့အတွက် ပိုက်ဆံပေးဆိုပြီး လိမ်တောင်းနေတာ။ တချို့အိမ်ရှင်တွေဆို သိန်းဆယ်နဲ့ချီ ပေးလိုက်မိပြီး အလိမ်ခံရတာတွေ ဖြစ်နေတယ်။ ချိတ်ပိတ်ခံရတဲ့ အိမ်ရှင်တွေကျတော့လည်း သူတို့အိမ်က သိန်းရာဂဏန်း၊ ထောင်ဂဏန်းတန်တဲ့အိမ်တွေဆိုတော့ စာတင်ရင် ပွင့်လိုပွင့်ငြား အကုန်ခံကြတာ။ စရဖတွေကလည်း အဲ့အကွက်ကိုနင်းပြီး အိမ်ရှင်တွေဆီက လိမ်စားနေတာ။ ကျနော့်မိတ်ဆွေတယောက်ဆို သိန်း ၅၀ ကျော်ပါသွားတာ”ဟု လှိုင်သာယာမြို့ခံ အမျိုးသားတစ်ဦးက ဧရာ၀တီတိုင်းမ်ကို ပြောသည်။ စစ်ကောင်စီက အာဏာသိမ်းပြီးနောက် ဆန္ဒပြပွဲ ဦးဆောင်သူများ၊ နိုင်ငံရေးတက်ကြွလှုပ်ရှားသူများ၊ လွှတ်တော်ကိုယ်စားလှယ်များ

ပုသိမ်ထောင်တာဝန်ရှိသူတွေရဲ့ ထောင်တွင်းလူသတ်မှုအကြောင်း (သတင်းဆောင်းပါး) ဆလိုင်းသန့်စင်/ဧရာ၀တီတိုင်းမ် ဇန်နဝါရီလ ၇ ရက် ဧရာ၀တီတိုင်း၊ ပုသိမ်မြို့က ပုသိမ်အကျဉ်းထောင်မှာ ဇန်နဝါရီလ ၆ ရက်နေ့က ထောင်ဆူပူမှုနဲ့ အဓိကရုဏ်းတချို့ ဖြစ်ပွားခဲ့ပြီး နိုင်ငံရေးအကျဉ်းသား ၁ ဦး သေဆုံးကာ အကျဉ်းသားအများအပြား ဒဏ်ရာရရှိခဲ့တဲ့ဖြစ်စဉ် ဖြစ်ပွားခဲ့ပါတယ်။ ဧရာ၀တီတိုင်းမ်သတင်းဌာနအနေနဲ့ စုံစမ်းသိရှိရတဲ့အချက်အလက်တွေအရ ထောင်ဆူပူမှုဖြစ်စဉ်ဟာ မြန်အောင်မြို့နယ်က သေဒဏ်ချမှတ်ခံခဲ့ရတဲ့ မူလတန်းပြကျောင်းဆရာ ကိုကောင်းခန့်ကျော်(ခ) စောကျော်စုကိစ္စနဲ့ ပတ်သတ်ပါတယ်။ မြန်အောင်မြို့နယ်၊ ထိပ်ပုတ်ကုန်းကျေးရွာ အထက်တန်းခွဲ ကျောင်းမှာ မူလတန်းပြအဖြစ် စာသင်ကြားပြီး စစ်တပ်အာဏာသိမ်းပြီးနောက်ပိုင်း စစ်အာဏာရှင်စနစ်ဆန့်ကျင်ကာ CDM ပြုလုပ်ခဲ့တဲ့ ကျောင်းဆရာ အသက် ၂၅ နှစ်အရွယ် ကိုကောင်ခန့်ကျော်(ခ)စောကျော်စုကို မြန်အောင်ခရိုင်တရားရုံးကနေ ဒလန်သတ်တယ်ဆိုပြီး ဒီဇင်ဘာလ ၃၀ ရက်နေ့မှာ သေဒဏ် ချမှတ်ခဲ့ပါတယ်။  သေဒဏ်ချမှတ်ခံထားရတဲ့ ကျောင်းဆရာ ကိုကောင်းခန့်ကျော်ကို စစ်ကောင်စီက ဧရာ၀တီတိုင်းမှာ အကြီးဆုံးထောင်ဖြစ်တဲ့ ပုသိမ်ထောင်မှာ ပြောင်းရွှေ့ချုပ်နှောင်ခဲ့ပါတယ်။ ဒီရ

လုပ်ကြံသတ်ဖြတ်ခံရတဲ့ ALP စစ်ဦးစီးချုပ် နဲ့ တပ်မှူး ၂ ဦး စျာပန ကျင်းပ အာဇာနည်တွေ အဖြစ်သတ်မှတ် ဇန်နဝါရီ ၈ - ၂၀၂၃ ဇန်နဝါရီ ၄ ရက် လွတ်လပ်ရေးနေ့ မနက်ပိုင်းက စစ်တွေမြို့မှာ သေနတ် နဲ့ ပစ်သတ် လုပ်ကြံခြင်း ခံခဲ့ရတဲ့ ရခိုင်ပြည်လွတ်မြောက်ရေးပါတီ ALP ဗဟိုအလုပ် အမှုဆောင်နဲ့ စစ်ဦးစီးချုပ်ဖြစ်သူ ဗိုလ်ချုပ်ခိုင်စိုးမြ နဲ့ တပ်မှူး ၂ ဦး တို့ ရဲ့ စျာပန ကို ဒီကနေ့ မနက် ၁၁ နာရီ က ပြုလုပ်ခဲ့ပြီး မီးသင်္ဂြုဟ်ခဲ့ ကြောင်း  ALP သတင်းထုတ်ပြန်ပါတယ်။ သူတို့ ၃ ဦးကို အာဇာနည်တွေ အဖြစ် မှတ်တမ်းတင်ပြီး အရိုးပြာတွေကို သိမ်းဆည်းထားကာ  အထိမ်းအမှတ်ကျောက်တိုင် သို့မဟုတ် ကျောက်ရုပ်များ စိုက်ထူ သွားမယ်လို့လည်း ဖေါ်ပြထားပါတယ်။ စျာပန အခမ်းအနားကို EAO တွေ နိုင်ငံရေးပါတီတွေနဲ့ လူမှု အဖွဲ့အစည်း တွေ က ဝမ်းနည်းကြောင်း သဝဏ်လွှာတွေ ပေးပို့ခဲ့တယ်လို့လည်း သိရပါ တယ်။ THN freelance journalist

▪️︎စစ်​ရေးတင်းမာ​နေပြီး PDF နှင့် စစ်တပ်/ရှမ်းနီတပ် တပ်ဆိုင်ထား ဇန်နဝါရီလ ၈ ရက် စစ်ကိုင်းတိုင်းဟုမ္မလင်း-ဖောင်ပြင်လမ်းမှPDF စစ်ဆေးရေးဂိတ်ကို စစ်ကောင်စီတပ်နှင့် ရှမ်းနီတပ်ဖွဲ့က စစ်ကြောင်းထိုးလာ၍ ပြည်သူ့ကာကွယ်ရေးမဟာမိတ်များ​ကတိုက်ခိုက်ခဲ့ရာ စစ်ကောင်စီတပ်စစ်ကြောင်းမှူးအပါအဝင် ဆယ်ဦးသေဆုံးသွား​ကြောင်း​ဒေသတွင်းသတင်းရင်းမြစ်များက​ပြောသည်။ ဟုမ္မလင်း-ဖောင်ပြင်လမ်းပိုင်းရှိ နတ်နန်းကျေးရွာမှPDF စစ်ဆေးရေးဂိတ်ကိုစစ်ကောင်စီတပ်နှင့် ရှမ်းနီတပ်ဖွဲ့(SNA)က ဇန်နဝါရီ ၅ရက်မှစတင်၍ စစ်ကြောင်းထိုးလာ​သောကြောင့်ခန္တီးခရိုင်ပြည်သူ့ကာကွယ်ရေးတပ်ဖွဲ့နှင့် မဟာမိတ်များက တိုက်ခိုက်ခဲ့ရာ စစ်ကောင်စီအထိနာပြီး ဖရိုဖရဲထွက်ပြေးသွားကြောင်း ပြည်သူ့ကာကွယ်ရေးရဲတပ်ဖွဲ့ဝင်တစ်ဦးကပြောသည်။ "နတ်နန်းဂိတ်ကိုလာသိမ်းတာ။ကျွန်တော်တို့က၁၅မိနစ်လောက်သတင်းကြိုရတော့ ရှောင်ပေးလိုက်တယ်။ ပြီးမှ ပြန်ချတာ။ စစ်ကောင်စီဘက်က စစ်ကြောင်းမှူးကျပြီး အုပ်ချုပ်မှုဖရိုဖရဲဖြစ်သွားပြီး ပြန်ပြေးတယ်။လက်ရှိ နတ်နန်းဂိတ်ကို ကျွန်တော်တို့ ရထားတယ်" ဟုခန္တီးခရိုင် ပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။ ဇန်နဝါရီလ ၅ရက်တိုက်ပွဲတွင်  စစ်ကောင်စီတပ်နှင့် ရှမ်းနီအဖ