ပုသိမ်မြို့တွင် ဘုရား၊ စေတီပုထိုးများတွင် တပ်စွဲထားတဲ့ စစ်ကောင်စီတပ် သရဲခြောက်ခံရလို့ တပ်ဆုတ်မှုများ ပြုလုပ်ခဲ့ရ

ဧရာဝတီတိုင်းမ်
ဖေဖော်ဝါရီလ ၁၄ ရက်
ဧရာဝတီတိုင်း၊ ပုသိမ်မြို့မှာ တပ်စွဲထားတဲ့ စစ်ကော ပုသိမ်မြို့တွင် ဘုရား၊ စေတီပုထိုးများတွင် တပ်စွဲထားတဲ့ စစ်ကောင်စီတပ် သရဲခြောက်ခံရလို့ တပ်ဆုတ်မှုများ ပြုလုပ်ခဲ့ရ င်စီတပ်အချို့ဟာ တပ်စွဲထားတဲ့ ဘုရား၊ စေတီတွေကနေ သရဲခြောက်ခံရတာတွေကြောင့် ၂၀၂၂ ခုနှစ် နှစ်ကုန်ပိုင်းမှာ တပ်ရုတ်သိမ်းတာတွေ ပြုလုပ်ခဲ့ရတယ်လို့ စစ်ကောင်စီတပ်အသိုင်းဝိုင်းကနေ သိရပါတယ်။ 
“ သူတို့က နေတာက နေချင်သလိုနေတာလေ၊ မူးလာရင် အဝတ်အစားမဝတ်ဘဲနဲ့ အိပ်တာမျိုးတွေ ဆဲတာမျိုးတွေ လုပ်တော့ မြင်အပ် မမြင်အပ်တဲ့ ပိုင်ရာဆိုင်ရာတွေက ပညာပေးတာမျိုးပေါ့၊ ဘယ်လိုမျိုးလည်း ဆို‌တော့ ညဘက် အိပ်နေရင် မနက် အပြင်မှာရောက်နေတာမျိုးတွေ၊ ခြေထောက်တွေဘာတွေက အကောင်ကြီး ကနေ နောက်နေ့ ဆေးခန်းသွားပြရလောက်အောင် ကိုက်ခဲတာတွေ၊ အဲ့တာမျိုးတွေပေါ့” လို့ စစ်ကောင်စီတပ်နဲ့နီးစပ်သူ အမျိုးသမီးတစ်ဦးက ဧရာဝတီတိုင်းမ်ကို ပြောပါတယ်။ 
အာဏာသိမ်းပြီးနောက်ပိုင်းမှာပါ ရပ်ကွက်တွေထဲ တပ်စွဲထားတဲ့ အမှတ် ၇ ရပ်ကွက်ထိပ်နဲ့ အမှတ် ၈ ရပ်ကွက် မှာရှိတဲ့ ဧရာမင်းဓမ္မာရုံမှာတပ်စွဲထားတဲ့ စစ်ကောင်စီတပ်နဲ့ အမှတ် ၆ ရပ်ကွက် အထက ၉ စာသင်ကျောင်းမှာ တပ်စွဲထားတဲ့ စစ်ကောင်စီတပ်အပါဝင် နေရာတော်တော်များများမှာ တပ်စွဲထားတဲ့ စစ်ကောင်စီတပ်တွေဟာ ပြန်လည်း တပ်ရုတ်သွားတာလို့ ဆိုပါတယ်။ 
စစ်ကောင်စီတပ်သားတွေဟာ သရဲခြောက်ခံရတာတွေများလာပြီးနောက်ပိုင်းမှာ နေရာများများမှာ တပ်စွဲ ထားတဲ့နေရာတွေကနေ ပြန်လည် တပ်ရုတ်သိမ်းတာတွေပြုလုပ်ခဲ့ရပြီး မဖြစ်မနေထားဖို့အတွက် အရေးကြီးတဲ့ စစ်ကောင်စီခန့်ဝန်ကြီးတွေရုံးစိုက်ရာနေရာတွေ ဌာနဆိုင်ရာနေရာတွေနဲ့ ရပ်ကွက်တွေထဲမှာတော့ အမှတ် ၈ ရပ်ကွက် တံဂေါင်းဘုရားစေတီဝန်းထဲမှာ တပ်စွဲထားတဲ့ တပ်လောက်သာရှိတော့တယ်လို့ ဒေသခံတွေက ပြောပါတယ်။

ပုသိမ်မြို့ပေါ်မှာရှိတဲ့ ရပ်ကွက်တွေထိပ်မှာရှိတဲ့ ဘုရားကျောင်းတွေ၊ စေတီတွေနဲ့ စာသင်ကျောင်းတွေမှာ အာဏာသိမ်းပြီးနောက်ပိုင်း ဒီမိုကရေစီရရှိရေး တောင်းဆိုသူတွေကို ထိန်းချုပ်နိုင်ဖို့အတွက် တပ်စွဲထားတဲ့ စစ်ကောင်စီတပ်သားအချို့ဟာ တပ်စွဲတဲ့နေရာတွေမှာ အရက်သေစာသောက်စားပြီး ရမ်းကားဆဲဆိုမှု တွေကြောင့် သရဲခြောက်တာတွေခံခဲ့ရသလို ပြုစားခံရတာမျိုးတွေ ရှိလာလို့ တပ်ပြန်ဆုတ်တာတွေ ပြုလုပ်ခဲ့ရ တာလို့ စစ်ကောင်စီတပ်နဲ့ နီးစပ်သူတွေက ပြောပါတယ်။