အာဆီယံဘုံသဘောထားထောက်ခံမှု တရုတ်ကို အင်ဒိုကျေးဇူးစကားဆို

By YeYint Nge February 22, 2023

ဖေဖော်ဝါရီ ၂၂၊ ၂၀၂၃ (ဗွီအိုအေ၊မြန်မာ)

မြန်မာ့အရေး အာဆီယံ ဘုံသဘောတူညီချက် ၅ ချက်ကို ထောက်ခံတဲ့အတွက် တရုတ်နိုင်ငံကို ကျေးဇူးတယ်လို့ အင်ဒိုနီးရှားနိုင်ငံခြားရေးဝန်ကြီး Retno Marsudi ကပြောပါတယ်။ အင်ဒိုနီးရှားနိုင်ငံကိုရောက်ရှိနေတဲ့ တရုတ်နိုင်ငံရေးခြားရေးဝန်ကြီး Qin Gang နဲ့ တွေ့ဆုံအပြီးမှာ၊ အင်ဒို နိုင်ငံခြားရေးဝန်ကြီး Retno က အခုလို ပြောတာပါ။ ဘုံသဘောတူညီချက်၅ရပ်ကို တရုတ်က ထောက်ခံတဲ့အတွက် အင်ဒိုနီးရှားနိုင်ငံအနေနဲ့ ကျေးဇူးတင်ကြောင်းပြောဆိုပြီး၊ ဒါဟာ မြန်မာနိုင်ငံရဲ့ နိုင်ငံရေးအကျပ်အတည်းကို ကူညီဖြေရှင်းဖို့ အာဆီယံရဲ့ အဓိက ရပ်တည်ချက်ဖြစ်ပါတယ်လို့ အင်ဒိုနီးရှားနိုင်ငံခြားရေးဝန်ကြီးက ပြောခဲ့ပါတယ်။

အင်ဒိုနီးရှားဟာ အာဆီယံအလှည့်ကျဥက္ကဌအဖြစ် မြန်မာနိုင်ငံရဲ့ အဓိကကျတဲ့ အစုအဖွဲ့အားလုံးနဲ့ ထိစပ်ဆက်ဆံသွားမယ်လို့လည်း အင်ဒို နိုင်ငံခြားရေးဝန်ကြီးက ပြောသွားပါတယ်။ မြန်မာနိုင်ငံမှာ ၂၀၂၁ ခုနှစ် စစ်တပ်ကအာဏာသိမ်းပြီးနောက် ကြုံလာရတဲ့ နိုင်ငံရေးအကျပ်အတည်းကို ကူညီဖြေရှင်းဖို့ အာဆီယံက အချက်၅ ချက်ပါ ဘုံသဘောထားကို ချမှတ်ခဲ့ပါတယ်။ ဒါပေမယ့်လည်း ဒီသဘောတူညီချက်ကို မြန်မာစစ်ကောင်စီဖက်က လိုက်နာဆောင်ရွက်ဖို့ ပျက်ကွက်နေတာကြောင့် အာဆီယံအသင်းကြီးက အတော်စိတ်ပျက်လာတဲ့ပုံရှိပါတယ်။ ဒီ ၅ ချက်ဟာ အကြမ်းဖက်မှုတွေကိုချက်ခြင်းရပ်တန့်ပြီး တွေ့ဆုံဆွေးနွေးကြဖို့ အဓိက တိုက်တွန်းထားတာပါ။

ဒါပေမယ့် မြန်မာနိုင်ငံတွင်း စစ်ရေးပဋိပက္ခတွေ အရှိန်မြင့်လာသလို၊ မြန်မာစစ်ကောင်စီကလည်း အတိုက်အခံနဲ့ တိုင်းရင်းသားလက်နက်ကိုင်တွေအပေါ် စစ်ဆင်ရေးတွေ တိုးမြှင့်လာပါတယ်။ စစ်အုပ်ချုပ်ရေးသက်တမ်းကို တိုးမြှင့်လိုက်သလို၊ အခုနှစ်ကျင်းပမယ့် ရွေးကောက်ပွဲဟာလည်း မရေမရာအခြေအနေမှာရှိလာပါတယ်။ တဖက်မှာတော့ မြန်မာ့အရေး အာဆီယံ ဘုံသဘောတူညီချက်အကောင်အထည်ပေါ်လာဖို့ အမေရိကန်ပြည်ထောင်စုအပါအဝင် အနောက်နိုင်ငံတွေရော၊ တရုတ်အပါအဝင် အိမ်နီးချင်းနိုင်ငံအများစုကပါ ထောက်ခံထားကြပါတယ်။

ပြီးခဲ့တဲ့ မြန်မာ့အရေးကုလသမဂ္ဂလုံခြုံရေးကောင်စီဆုံးဖြတ်ချက်အမှတ် ၂၆၆၉ မှာလည်း အာဆီယံ ဘုံသဘောတူညီချက် လက်တွေ့အကောင်အထည်ဖော်ဖို့ တိုက်တွန်းထားတာပါ။ တရုတ်နိုင်ငံခြားရေးဝန်ကြီးဟာ အင်ဒိုနီးရှားနိုင်ငံကို ဖေဖော်ဝါရီ ၂၁ရက်နေ့ကနေ ၂၃ ရက်နေ့အထိရောက်ရှိနေတာဖြစ်ပြီး၊ ဒေသတွင်းအငြင်းပွားနေတဲ့ တောင်တရုတ်ပင်လယ်ပြင်ဒေသ စည်းမျဉ်းစည်းကမ်း အပြီးသတ်ချမှတ်နိုင်ရေးဆွေးနွေးဖို့ဖြစ်တယ်လို့သိရပါတယ်။ မြန်မာနိုင်ငံနဲ့ပတ်သက်လို့ နှစ်နိုင်ငံခေါင်းဆောင်နှစ်ဦး ဘာတွေ အသေးစိတ်ဆွေးနွေးလဲဆိုတာတော့ အတိအကျမသိရပါဘူး။

Comments

ဘုရားသုံးဆူမြို့ရှိ ရဲစခန်းအားပစ်ခတ်တိုက်ခိုက်၊ထမင်းစားဆောင် မီးလောင်

By YeYint Nge February 25, 2023

ဘုရားသုံးဆူ ရဲစခန်းကို ဝင်ရောက်တိုက်ခိုက်မှု စစ်ကောင်စီတပ်ဖွဲ့ဝင် ၁၁ ဦးသေဆုံးပြီး PDF ရဲဘော်တစ်ဦး ကျဆုံး ရန်ကုန်၊ ဖေဖော်ဝါရီ ၂၅ ေခတ်သစ် ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူမြို့ ရှိ နယ်မြေခံ ရဲစခန်း ကို ယနေ့ နံနက်ပိုင်း ဝင်ရောက်တိုက်ခိုက်မှု စစ်ကောင်စီတပ်ဖွဲ့ဝင် ၁၁ ဦးသေဆုံးပြီး PDF ရဲဘော်တစ်ဦး ကျဆုံးကြောင်း နဂါးနီစစ်ကြောင်းက သတင်းထုတ်ပြန်သည်။ ယနေ့ နံနက် ၆ နာရီခန့်အချိန်မှစတင်၍ ဘုရားသုံးဆူ နယ်မြေခံရဲစခန်းကို နဂါးနီစစ်ကြောင်းနှင့် မဟာမိတ် ပူးပေါင်းတပ်များက စတင်တိုက် ခိုက်ခဲ့ ကြောင်း၊ တိုက်ပွဲစတင်ဖြစ်ပွာပြီး မကြာမီ ဘုရားသုံးမြို့အတွင်းမှ စစ်ကောင်စီ ခလရ ၂၈၄ ၊ ခလရ ၉၇ တပ်များမှ ထုတ်နှုတ်အင်အား ၃၀ ခန့်က တိုက်ပွဲဖြစ် ပွား ရာ နေရာသို့ စစ်ကူ လာရောက်သဖြင့် မဟာမိတ်ပူးပေါင်းတပ်များနှင့် နံနက် ၇ နာရီ ဝန်းကျင် အချိန်တွင် ထပ်မံ တိုက်ပွဲဖြစ်ပွားကြောင်း ၊ နံနက် ၈ နာရီ ခန့် တွင် မဟာမိတ်တပ် များ ပြန်လည်ဆုတ်ခွာနိုင်ခဲ့ပြီး စုစုပေါင်း တိုက် ပွဲကြာချိန် ၂ နာရီခန့် ကြာမြင့်ခဲ့ကြောင်း သိရှိရသည်။ တိုက်ပွဲအတွင်း ရဲစခန်း နှင့် စစ်ကောင်စီတပ်များဘက်မှ စစ်ကောင်စီ တပ် ဖ...

မြန်မာ သည် ရုရှား၏ အစောင့်ရှောက်ခံ နိုင်ငံ အဖြစ် ဦးတည်နေပြီလော

By YeYint Nge February 07, 2023

ထိုမေးခွန်းသည် ရုပ်ပိုင်းဆိုင်ရာ အရ မဟုတ်သော်လည်း စိတ်ပိုင်းဆိုင်ရာ အဖြစ် ကမ္ဘာက ယူဆလာအောင် အာဏာသိမ်း စစ်တပ်သည် ကြံရာမရ ဖြစ်လာသည်နှင့် အမျှ ဖန်တီး တည်ဆောက်ပေးနေပြီ ဖြစ်သည်။ ရုရှားဖက်ကတော့ ဝေးကွာလှသည့် အပြင် ၎င်းတို့ နကိုယ်ကတည်းက နိုင်ငံရေး စစ်ရေး အရ တက်တက်ကြွကြွ လှုပ်ရှားခဲ့ခြင်း မရှိသည့် အရှေ့တောင် အာရှ နိုင်ငံ ဖြစ်သော မြန်မာ နိုင်ငံ ကို အမေရိကန် တို့ စိတ်ထဲ ကျလိကျလိ ဖြစ်အောင် ကလိပေးချင်သည့် စိတ်ထက် မပို ဆိုသည်ကို အာဏာသိမ်း အဖွဲ့က ရိပ်မိကောင်း ရိပ်မိနိုင်သော်လည်း ၎င်းတို့ အပေါ် လူ ရှိန်လာစေရန် အတင်း လုပ်ယူနေခြင်း မျိုးသာ ဖြစ်သည်။ ထိုသို့ အရှက် နှင့် မဟုတ်ပဲ အသက်နှင့် လူလုပ်နေကြသည့် နောက်ထပ် အဖြစ်တခုကား လှိုင်တက္ကသိုလ် နယ်မြေ ဝန်း အတွင်း နျူကလီယား စွမ်းအင် သတင်းသုတေသန ဌာန ဖွင့်လှစ် လိုက်ခြင်းပင် ဖြစ်သည်။ ထိုဌာနအား ရုရှား အစိုးရပိုင် အနုမြူ စွမ်းအင် ကော်ပိုရေးရှင်း ကြီး ဖြစ်သော ရိုဆာတွန် ၏ ညွှန်ကြားရေးမှုး ချုပ် အယ်လက်ဆီ ယူဂင်နီဗစ်ချ် လီကာချက် တက်ရောက်ပြီး ဖွင့်လှစ်ပေးခဲ့သည်။ ဆန်းကြယ်နေသည်ကား ထိုအခမ်းအနားသို့ နိုင်ငံ၏ ဝန်ကြီးချုပ် ကြီး ဟု မိမိကိုယ် မိမိ ခံယူထားသူ မင်းအောင်လှိုင် သည် ထို...

မြန်မာစစ်လက်နက်ပွဲစား ထွန်းမင်းလတ်ရဲ့ အရှုပ်တော်ပုံမှာ နက်နက်ရှိုင်းရှိုင်း ပါဝင်ပတ်သက်နေတဲ့ ထိုင်းအထက်လွှတ်တော်အမတ်

By YeYint Nge February 17, 2023

By Prachatai ခေတ်သစ် တရားမဝင် မြန်မာစစ်အာဏာသိမ်းခေါင်းဆောင် မင်းအောင်လှိုင်နဲ့ နီးကပ်တဲ့ ဆက်ဆံရေးရှိတဲ့ ခရိုနီသဌေး ထွန်းမင်းလတ်နဲ့ စီးပွားရေးဆက်နွှယ်မှုများ မရှိကြောင်း ထိုင်းစစ်တပ် ခန့်အပ်ခံ အထက်လွှတ်တော်အမတ် ဥပကစ် ပချာရီရန်ကွန်းက လူသိရှင်ကြား အကြိမ်ကြိမ်ငြင်းဆိုခဲ့ပေမဲ့ မကြာသေးမီက ထိုင်းလွှတ်တော်ဆွေးနွေး မှုအတွင်းမှာတော့ ၎င်းတို့အကြား စီးပွားရေးဆက်နွှယ်မှုများ ပေါ်ထွက်လို့ လာပါတယ်။ ဒီအကြောင်းတွေတဲ့ ပတ်သက်ပြီး ၂၀၂၃ ခုနှစ် ဖေဖော်ဝါရီလ ၁၅ ရက်နေ့ လွှတ်တော်အစည်းအဝေးအတွင်း ထိုင်း Move Forward Party (MFP) အမတ် Rangsiman Rome က ဆွေးနွေးတင်ပြခဲ့တာပါ။ ၄င်းက ဝန်ကြီးချုပ် ဗိုလ်ချုပ်ကြီး ပရာယွတ်ချန်အိုချာအနေနဲ့ အကျင့်ပျက်ခြစားနေတဲ့ ပုဂ္ဂိုလ်တွေနဲ့ အကျွမ်းတဝင် ဆက်ဆံနေပြီး မူးယစ်ဆေးဝါးနဲ့ ပတ်သက်တဲ့ ပြဿနာတွေကို စနစ်တကျ ကိုင်တွယ်ဖြေရှင်းမယ်လို့ ပြောထားတဲ့ သူ့ရဲ့ကတိကို လျစ်လျူရှုခဲ့တယ် လို့ စွပ်စွဲပြောဆိုခဲ့ပါတယ်။ ဥပကစ်ဟာ ထိုင်းအခြေစိုက် Allure Group (P&E) Co Ltd ရဲ့ တည်ထောင်သူလည်းဖြစ် အဓိကရှယ်ယာရှင်တစ်ဦး ဖြစ်ခဲ့သူသာမက၊ ထွန်းမင်းလတ်နဲ့အတူ Myanmar Allure ကို ပူးတွဲတည်ထောင်ခဲ့သူ ဖြစ်ကြောင်း Ran...

တနင်္သာရီမြို့နယ်တွင် စစ်ကောင်စီခန့်အုပ်ချုပ်ရေးမှူး ရှင်းလင်းခံရ၊ မောတောင်နှင့်တနင်္သာရီမြို့ပေါ်သာ စစ်ကောင်စီယန္တရားလည်ပတ်နိုင်တော့ဟုဆို ဧရာဝတီတိုင်းမ် (တနင်္သာရီ)၊ ဖေဖော်ဝါရီလ ၂၆ ရက် တနင်္သာရီတိုင်း၊ တနင်္သာရီမြို့နယ်၊ ဆင်ခြေဖုံးကျေးရွာအုပ်စု အုပ်ချုပ်ရေးမှူး ရန်အောင်စိုးအား ယမန်နေ့ ဖေဖော်ဝါရီလ ၂၅ ရက် နံနက်ပိုင်းတွင် တနင်္သာရီမြို့နယ်ပြည်သူ့ကာကွယ်ရေးတပ်ဖွဲ့ (တောင်ပံနီ)က ပစ်ခတ်ရှင်းလင်းခဲ့ကြောင်း သိရသည်။ တနင်္သာရီမြို့ပေါ်မှ တစ်မိုင်ခန့်သာဝေးကွာသည့်ဆင်ခြေဖုံးကျေးရွာအုပ်စုသို့ပြန်လာသည့် လမ်းတွင် အုပ်ချုပ်ရေးမှူးရန်အောင်စိုးအား တနင်္သာရီ(ပကဖ) မှပစ်ခတ်ရှင်းလင်းခဲ့ရာ နေရာတွင်ပင် သေဆုံးခဲ့ကြောင်း သိရသည်။ "အဓိကကတော့ စစ်ကောင်စီရဲ့သစ္စာခံဖြစ်တာရယ်၊ စစ်ကောင်စီလက်အောက်ခံအုပ်ချုပ်ရေးမှူးဖြစ်တာရယ် ပါတယ်။ (ပကဖ)ကနေ စကစခန့် အုပ်မှုးတွေနှုတ်ထွက်ဖို့လည်း စာထုတ်ထားပီးဖြစ်ပါတယ်။ လာတ်စားပီး စကစကိုဘောမတဲ့ အုပ်ကြီးတစ်ယောက်ပါ။" ဟု တနင်္သာရီ(ပကဖ)မှ ဧရာဝတီတိုင်းမ်ကိုပြောသည်။ စစ်အုပ်ချုပ်ရေးကြေညာထားသည့် တနင်္သာရီမြို့နယ်တွင် တနင်္သာရီမြို့ပေါ်နှင့် မောတောင်မြို့ပေါ်မှလွဲ၍ ကျန်သည့်...

နိုင်ငံကူးလက်မှတ်အတွက် လူ ၈၅၀၀ ကျော် အွန်လိုင်းမှတစ်ဆင့် လျှောက် ထား ပြီး နောက် Online Booking စနစ် ရပ်ဆိုင်းသွားပြန်

By YeYint Nge February 26, 2023

ရန်ကုန်၊ ဖေဖော်ဝါရီ ၂၇ ခေတ်သစ် အကြမ်းဖက်စစ်ကောင်စီက နိုင်ငံကူးလက်မှတ် ထုတ်ပေးရာတွင် အွန်လိုင်းမှ တစ် ဆင့် လျှောက်ထားခိုင်းသည့် စနစ်ကို ဖေဖော်ဝါရီလ ၂၄ ရက်နေ့တွင် စ တင် ခဲ့ပြီး ၃ ရက်အတွင်း လူ ၈၅၀၀ ကျော် လျှောက်ထားပြီးနောက် Online Booking စနစ်ကို ခေတ္တရပ်ဆိုင်းလိုက်ကြောင်း သိရှိရသည်။ ဖေဖော်ဝါရီလ ၂၇ ရက်နေ့ နံနက်ပိုင်းတွင် ပြည်သူများက နိုင်ငံကူးလက်မှတ် များ လျှောက်ထားကြရန် https://www.passport.gov.mm/ ဝင်ရောက် သောအခါ ငွေသွင်းပြီး ရက်ချိန်းမရသူများသာ ရက်ချိန်း ရက် ကြည့်ရှုနိုင် မည်ဖြစ်ပြီး အသစ်လျှောက်ထားလိုသူများအနေဖြင့် စနစ်အား ပြင်ဆင်မွမ်းမံမှု များ ပြုလုပ်နေကြောင်း၊ နိုင်ငံကူးလက်မှတ် Online Booking ဝန်ဆောင်မှု ပြန်လည် စတင်ဖွင့်လှစ်မည့်အချိန်ကို ကြေညာပေးသွားမည်ဖြစ်ကြောင်း ကြေညာ ထားသည်။ "ဖေဖော်ဝါရီလ ၂၄ ရက်နေ့မှာ စဖွင့်တယ်။ ၂၄ ရက်နေ့ တစ်ရက်တည်းပဲ တင်လို့ ရလိုက်တယ်။ ၂၅ ရက်နဲ့ ၂၆ ရက်နေ့မှာက ဝင်မရ ပြုမရနဲ့ ။ သူတို့ ကြေညာ ထားတာက ဖေဖော်ဝါရီ ၂၄ ရက်နေ့ကနေ ၂၆ ရက်နေ့အထိ လူပေါင်း ၈၅၂၉ ဦး လျှောက်ထားတယ်။ ဒီမနက်ကျတော့ ငွေသွင်းပြီး ရက်ချိန်းမရသူ တွေပဲ ရက်ချိန်းကြည့်လို့ရတယ်။ အသစ်...

ကမ္ဘာ့ စာနယ်ဇင်းကြီးက ချီးကြူးလာသော မြန်မာတို့၏ တွန်းလှန် ခုခံစစ်

By YeYint Nge October 28, 2021

လန်ဒန် အခြေစိုက် အီကော်နော်မစ် မဂ္ဂဇင်းကြီးပါ "Rebels fighting Myanmar\"s junta are doing better than expected" မှ ကိုးကားသည်။ ဇွန် လ အတွင်း က ဖြစ်သည်။ ပုလဲ မြို့နယ်ရှိ လယ်သမားများ အများစု ပါဝင်သော ရွာသား နှစ်ထောင်ခန့်သည် လုပ်သေနတ် ရိုင်ဖယ်များကို ကိုင်စွဲကာ စစ်ကောင်စီ တပ်များကို စတင်တိုက်ခိုက်လာခဲ့ကြသည်။ ထိုသူတို့သည် စစ်ပွဲ အတွေ့အကြုံ လားလားမျှ မရှိဘဲ နှစ်ပေါင်း ၇၀ နီးပါး တိုင်းရင်းသား လူမျိုးစု များအပေါ် တိုက်ခိုက်ရင်း အတွေ့အကြုံ ရင့်ကျက် လာနေသော စစ်တပ်ကို ခုခံ တိုက်ခိုက် ရန် ဆုံးဖြတ်ခဲ့ကြသည်။ စစ်ကောင်စီ တပ်များသည် ၎င်းတို့ ကျင့်သုံးနေကျ လမ်းစ‌ဉ် အတိုင်း ရွာများကို မီးရှို့၊ အိမ်များကို လုယက် ဖျက်ဆီး၊ အမျိုးသမီးများကို အဓမ္မ ပြုကျင့်ခြင်း နည်းလမ်းဖြင့် တုန့်ပြန် လာခဲ့ကြသည်။ သို့သော် တော်လှန်ရေး ခေါင်းဆောင် ဗိုလ်နဂါး ၏ ဦးဆောင်မှု အောက်တွင် တော်လှန်ရေး တပ်များက စစ်ကောင်စီ တပ်များကို ပုလဲ မြို့ အတွင်း မှ အောင်မြင်စွာ မောင်းထုတ်နိူင်ခဲ့ကြသည်။ တိုက်ပွဲများ အတွင်း စစ်ကောင်စီ တပ်သား ၄၀၀ အား သုတ်သင်နိုင်ခဲ့ပြီး မိမိတို့ဖက်မှ ငါးယောက်သာ ကျဆုံးသွားခဲ့သည်ဟု ဗိုလ်နဂါးက ဆိုသည်။ စစ်...

Search This Blog

ရဲရင့်ငယ်🌹