မိုးမိတ်မြို့ရှိ စစ်​ကောင်စီတပ်ရင်းများကို PDF ကလက်နက်ကြီးဖြင့်ပစ်ခတ်တိုက်ခိုက်

အိုက်မောင်/People's Spring
မိုးမိတ်မြို့အခြေစိုက် စစ်ကောင်စီတပ်ရင်းများအားမိုးကုတ်ဗျူဟာတပ်ရင်းကလက်နက်ကြီးဖြင့်ပစ်ခတ်တိုက်ခိုက်ခဲ့ကြောင်းဒေသခံအချို့နှင့်တိုက်ခိုက်ခဲ့ ​သောအဖွဲ့က​ပြောသည်။ ရှမ်းပြည်နယ်မြောက်ပိုင်း၊ မိုးမိတ်မြို့ရှိ စစ်ကောင်စီတပ်ရင်း ၂၂၃၊၂၇၆နှင့်၃၄၈တပ်ရင်းများကိုဖေဖော်ဝါရီ၂၀ရက်နံနက်ပိုင်းတွင် လက်နက်ကြီးဖြင့်ပစ်ခတ်တိုက်ခိုက်ခဲ့ခြင်းဖြစ်​ကြောင်း သပိတ်ကျင်းမြို့ ပြည်သူ့ကာကွယ်ရေးတပ်ဖွဲ့၊ (Thabeikkyin PDF ) မိုးကုတ်ဗျူဟာတပ်ရင်းအ
မှတ် ၁၂၂၂ က သတင်းထုတ်ပြန် သည်။ အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန လက်​အောက်ရှိ PDF တပ်ရင်းများဖြစ်​သောမိုးကုတ်ဗျူ
ဟာတပ်ရင်း ၁၂၂၁၊ ၁၂၂၂နှင့်မိုးကုတ်ဗျူဟာလက်နက်ကြီးအဖွဲ့(တပ်ရင်းအမှတ် ၁၂၂၁၊၁၂၂၂၊၁၂၂၃) တို့ကပူပေါင်းတိုက်ခိုက်ခဲ့ခြင်းဖြစ်သည်ဟုသိရသည်။
" စစ်ကောင်စီ၏ မိုးမိတ်တပ်ရင်းများသို့ နံနက် ၇နာရီ ၄၅မိနစ်အချိန်တွင် ၆၀မမ စိန်ပြောင်းဖြင့် ပစ်ခတ်တိုက်ခိုက်ခဲ့သည်။ စစ်ကောင်စီတပ်ရင်း ၂၂၃ နှင့် ၂၇၆ ကြားတွင်တစ်ကြိမ်၊ ဂိတ်စခန်းအနီးတွင်တစ်ကြိမ်၊ ဗျူဟာရုံးအနီးတွင်တစ်ကြိမ် ပစ်ခတ်ထိမှန်ခဲ့သည်။ ထိခိုက်ကျဆုံးဒဏ်ရာရရှိမှုအခြေအနေကို
လက်ရှိအချိန်တွင်မသိရသေးပါ"ဟုတပ်ရင်းအမှတ် ၁၂၂၂ က ဖေဖော်ဝါရီ ၂၁ရက်တွင်သတင်းထုတ်ပြန်သည်။ စစ်ကောင်စီက ညနေ ၃နာရီခန့်အထိ လက်
နက်ကြီးများဖြင့်ပြန်လည်ပစ်ခတ်ခဲ့သော်လည်း ပြည်သူ့ကာကွယ်ရေးရဲဘော်များ အထိအခိုက်မရှိဘဲ ပြန်လည်ဆုတ်ခွာနိုင်ခဲ့သည်ဟု ဆိုသည်။ တိုက်ခိုက်ရခြင်း၏အဓိကရည်ရွယ်ချက်မှာစစ်ကောင်စီတပ်ဖွဲ့ဝင်များအနေဖြင့် ရှေ့တန်းစစ်မြေပြင်၌သာမကနောက်တန်းတပ်စခန်းများမှမိသားစုဝင်များ
လည်း အသက်အာမခံချက်မရှိကြောင်းနှင့်လုံခြုံမှုမရှိကြောင်း သိရှိစေရန်ဖြစ်​ကြောင်းအသိ​ပေးထားသည်။ စစ်ကောင်စီဘက်က အထိအခိုက်အကျအဆုံး
များကိုမူ အတည်ပြုနေဆဲဖြစ်ပြီးသိရပါက သတင်း ထပ်မံထုတ်ပြန်မည်ဟု ဖော်ပြထားသည်။" ပစ်တာကတော့ပြည်သူ့ကာကွယ်ရေးအဖွဲ့တွေဘက်က
ပစ်တာ"ဟု မိုးမိတ်မြို့ခံတစ်ဦးကလည်း အဆိုပါတိုက်ခိုက်မှုကိုအတည်ပြု​ပေးသည်။စစ်​ကောင်စီဘက်မှာဒေသခံပြည်သူများကို တပ်ရင်းရှိရာ​နေရာ အနီး
ဝန်းကျင်သို့ဖြတ်သန်းခွင့်မပြု၍ ​သေဆုံးထိခိုက်မှုအ​ခြေအ​နေကို သိရှိရရန်မလွယ်ကူ​ကြောင်းလည်း အဆိုပါ​ဒေသခံက​ပြောသည်။

စစ်​ကောင်စီတပ် ကသာနှင့်ထီးချိုင့်ကြားတွင်မိုင်းဆွဲတိုက်ခိုက်ခံရမိုင်းဆွဲတိုက်ခိုက်ခံရပြီးစစ်တပ်က ပြည်သူ ၂ ဦးကိုသတ်ပြီး ၃ ဦးကိုဖမ်းဆီး

ကသာနှင့်ထီးချိုင့်မြို့ကြားတွင် စစ်ကာင်စီတပ်မိုင်းဆွဲတိုက်ခိုက်ခံရသဖြင့် ၁၅ ဦးခန့်​သေပြီးနောက်  စစ်တပ်ကအရပ်သား နှစ်ဦးကို သတ်ဖြတ်သွားပြီး သုံးဦးထက်မနည်းကို ဖမ်းဆီးသွားကြောင်း ​ဒေသခံနှင့် တော်လှန်ရေးအင်အားစုများကပြောသည်။
အင်အား ၈၀ခန့်ရှိသော စစ်ကောင်စီတပ်စစ်ကြောင်းအား ကသာနှင့်ထီးချိုင့်မြို့ကြားကလုံရွာတွင် ပြည်သူ့ကာကွယ်​ရေးတပ်ဖွဲ့( PDF )များက ဖေဖော်ဝါရီ ၁၉ရက်က မိုင်းဆွဲတိုက်ခိုက်ခဲ့သည်။ "အဲ့ဒီတိုက်ပွဲမှာသူတို့ ၁၅ယောက်လောက်သေတယ်။ဒဏ်ရာရတဲ့သူတွေကို မြစ်ကြောင်းကနေ စက်လှေနဲ့ပို့ချိန်လမ်း
ကနေဖြတ်တိုက်ခဲ့ကြ‌သေးတယ်" ဟု ကသာမြို့နယ်ပြည်သူ့ကာကွယ်‌ရေးတပ်မ​တော်မှတပ်ဖွဲ့ဝင်တစ်ဦးက People's Spring သတင်းဌာနသို့ပြောသည်။ စစ်ကောင်စီတပ်သည်ထိုနေ့မှစ၍ ကလုံရွာတွင် တပ်စွဲကာ အရပ်သားများကို ဖမ်းဆီးခြင်း၊ သတ်ဖြတ်ခြင်းများ ပြုလုပ်ခဲ့သည်ဟု ​ဒေသခံအချို့က​ပြောသည်။ "သာဂရတံတားအောက်မှာအရပ်သားနှစ်ယောက်သေနေတာတွေ့တယ်။ စောင်တွေနဲ့လုံးထွေးပြီးမှသတ်ထားတာ" ဟုထီးချိုင့်မြို့မှပြည်သူ့
ကာကွယ်ရေးရဲဘော်တစ်ဦးကပြောသည်။ သေဆုံးသူနှစ်ဦးမှာဖေဖော်ဝါရီ ၁၉ရက်တွင် ဖမ်းဆီးခံရခြင်းဖြစ်ပြီးသုံးရက်အကြာယ​နေ့(ဖေဖော်ဝါရီလ ၂၂ရက်)နံနက်တွင်မှ ရုပ်အလောင်းကို တွေ့ရှိရခြင်းဖြစ်သည်။ ထိုအပြင်စစ်ကောင်စီတပ်သည် ကလုံရွာမှ ပြည်သူသုံးဦးထက်မနည်းကိုလည်း ဖမ်းဆီးထား​ကြောင်းဒေသခံများကပြောသည်။ ယခုအခါ စစ်​ကောင်စီတပ်သည်ကသာမြို့နယ်အတွင်းကျွန်းပင်ရွာ၊တမန်းဒေါင့်ရွာနှင့် ဖွက်ရွာတို့တွင် စစ်ကြောင်းသုံး
ကြောင်းခွဲ တပ်စွဲထားသည်ဟု ကသာမြို့နယ်ပြည်သူ့အုပ်ချုပ်ရေးအဖွဲ့မှ တာဝန်ရှိသူတစ်ဦးက People's Spring သို့ပြောသည်။

ဖလူးဝေါ်လေလမ်း၌ စစ်ကောင်စီယာဉ်တန်း ကော်ဘရာစစ်ကြောင်းတိုက်ခိုက်ရာ ဗိုလ်မှူးတစ်ဦးအပါအဝင် နှစ်ဦးသေ

အိုက်မောင်/People's Spring
ကော်ဘရာစစ်ကြောင်း လုံခြုံရေးယူထားသည့် ဖလူးဝေါ်လေလမ်း ဝင်ရောက်လာသည့် စစ်ကောင်စီယာဉ်တန်း တိုက်ခိုက်ခံရပြီး ဗိုလ်မှူးတစ်ဦးအပါအဝင် နှစ်ဦးသေဆုံးကာ လေးဦးဒဏ်ရာရရှိခဲ့ကြောင်း အဆိုပါ စစ်ကြောင်းက အသိပေးသည်။ ယနေ့(ဖေဖော်ဝါရီ ၂၂ရက်)နေ့လည် ၂နာရီ၁၀မိနစ်တွင် စစ်ကောင်
စီ၏ (၅၈၅) တပ်ရင်း၊ စကစ ၁၃ ထုတ်နုတ်အဖွဲ့၏ ယာဉ် သုံးစီးသည်ကော်ဘရာစစ်ကြောင်းတာဝန်ယူစောင့်ရှောက်နေသော ဖလူးဝေါ်လေလမ်းမမှ ဖြတ်သန်းစဥ်တိုက်ပွဲဖြစ်ပွားခဲ့ကြောင်း ကော်ဘရာစစ်ကြောင်းက ဆိုသည်။"တိုက်ပွဲမှာ ၁၅မိနစ်ခန့်သာ ကြာခဲ့သော်လည်း ရန်သူဘက်မှ ဗိုလ်မှူး(၁)ဦးနှင့် အခြားအဆင့်(၁)ဦးး သေဆုံးခဲ့ပြီး (၄)ဦးဒဏ်ရာရခဲ့သည်"ဟု ကော်ဘရာစစ်ကြောင်းက ထုတ်ပြန်ထားသည်။ စစ်ကောင်စီက ကားပေါ်မှ ရမ်းသမ်းပစ်ခတ်
သဖြင့် ဒုက္ခသည်စခန်းတွင် ခိုလှုံနေသော ပြည်သူတစ်ဦး ဦးခေါင်းဒဏ်ရာ ရရှိခဲ့သည်ဟု ဆိုသည်။ ကော်ဘရာစစ်ကြောင်းမှလည်း တစ်ဦးဒဏ်ရာရရှိ
ခဲ့သော်လည်းစိုးရိမ်စရာအခြေအနေမရှိကြောင်း ထပ်မံ အသိပေးထားသည်။ စစ်ကောင်စီတပ်သည် KNU တပ်မဟာ(၆)ထိန်းချုပ်နယ်မြေတွင်လည်း တိုက်ခိုက်ခံနေရသည်။ KNU တပ်မဟာ(၆)ထိန်းချုပ်နယ်မြေ၊ ထီးကပလယ်စစ်ကောင်စီတပ်စခန်းကုန်းကို KNDO တပ်ရင်း(၈)နှင့် ပူးပေါင်းမဟာမိတ်
တပ်ဖွဲ့များက ယခုရက်ပိုင်း တိုက်ခိုက်နေပြီး စစ်ကောင်စီတပ်ဘက်မှ စခန်းမစွန့်လွှတ်ရရေးအတွက် ခုခံနေရကြောင်း သတင်းရရှိသည်။ထို့အပြင် လေ
ကြောင်းပစ်ကူများ၊လက်နက်ကြီးများဖြင့် ပြန်လည်ခုခံနေရသည့်အပြင် အတွဲလိုက်ပစ် (၁၂၂)မမ မစ်ဇိုင်းဒုံးများကိုပါ အသုံးပြုခုခံနေရကြောင်းသိရသည်။