စစ်ကိုင်းနဲ့ မကွေးတိုင်းတွေမှာ တိုက်ပွဲပြင်းထန်၊ စစ်ကောင်စီ လေကြောင်းသုံး တိုက်ခိုက်
VOA
မကွေးတိုင်း၊ ပေါက်မြို့နယ်၊ ကုက္ကိုစုကျေးရွာမှာ စစ်ကောင်စီထောက်ခံတဲ့ ပျူစောထီးတွေနဲ့ ဒေသခံကာကွယ်ရေး
တပ်ဖွဲ့အကြား တိုက်ပွဲဖြစ်ပွားခဲ့ပြီး စစ်တပ်က လေကြောင်းကနေ ပစ်ခတ်တာတွေ လုပ်ခဲ့ပါတယ်။ စစ်ကိုင်းတိုင်း
ခင်ဦးမြို့နယ် အင်ပတ်ကွေ့မှာလည်း လက်နက်ကြီးထိမှန်လို့ အရပ်သား ထိခိုက်ဒဏ်ရာ ရတာတွေရှိခဲ့ပါတယ်။
မကွေးတိုင်းနဲ့ စစ်ကိုင်းတိုင်းတွင်း တိုက်ပွဲအခြေအနေတချို့ သတင်းပေးပို့တာကို မမြသဇင်အောင်က တင်ပြပေး
ပါမယ်။
မကွေးတိုင်း ပေါက်မြို့နယ်ထဲက ကုက္ကိုစုကျေးရွာမှာ ဖေဖော်ဝါရီ ၂၂ ရက် မနက် ၄ နာရီခန့်ကဒေသခံကာကွယ်ရေး
တပ်ဖွဲ့တွေနဲ့ စစ်ကောင်စီထောက်ခံတဲ့ ပျူစောထီးတပ်ဖွဲ့တွေ တိုက်ပွဲဖြစ်ပွားခဲ့တာပါ။ တိုက်ပွဲဟာ မနက် ၇ နာရီခွဲ
အထိ ၃ နာရီကျော် ကြာမြင့်ခဲ့ပြီး မနက် ၈ နာရီလောက်မှာ စစ်တပ်က ရဟတ်ယာဉ် ၂ စီးနဲ့ လာရောက်ပစ်ခတ်ခဲ့တယ်
လို့ ဒေသခံတဦးက ပြောပါတယ်။
“မနက် ၄ နာရီမထိုးခင်က စဖြစ်တာ ပျူရွာကိုဝင်သိမ်းတာ မနက်ကျ လေယောဉ်တွေနဲ့လာပစ်တာ။ မနက်က
၈ ခွဲလောက်မှာ လေယာဉ်က လာပစ်သွားတယ်။ အဲ့သူတို့ရဲ့ ကုက္ကိုစုနဲ့ပတ်ဝန်းကျင်အနားတွေပေါ့။ သူတို့ကုက္ကိုစုကို
ဒီဘက် PDF တွေက ပျူရွာကို ဝင်သိမ်းချင်တာ လေယာဉ်နဲ့ပစ်ခတ်ချိန်က နာရီဝက်လောက်တော့ ကြာမယ်။
လေယာဉ်က တော်တော်ကို ပစ်သွားတာ။ ကျွန်တော်တို့ဆီက ဒီအတိုင်းကို ကြားနေရတာ ဗောင်းဗောင်းနဲ့။”
ကုက္ကိုစုရွာဟာ စစ်တပ်ကို အားပေးထောက်ခံတဲ့ ပျူစောထီးကျေးရွာဖြစ်တယ်လို့လည်း ဒေသခံတွေက ပြောပါတယ်။
ဒါကြောင့် ကာကွယ်ရေး အဖွဲ့တွေက ဝင်ရောက်တိုက်ခိုက်တာလို့ ယူဆနေကြပါတယ်။ တိုက်ပွဲဖြစ်ပွားပြီးတဲ့နောက်
ညနေပိုင်းမှာ ကုက္ကိုစု ကျေးရွာအနီးက ရေပြာကျေးရွာမှာ စစ်တပ်က အင်အား ဖြည့်တင်းနေပြီး နယ်မြေရှင်းလင်းဖို့
လုပ်ဆောင်နေတယ်လို့ ဒေသခံတွေက ပြောပါတယ်။
“ရေပြာကိုရောက်နေပြီ ရေပြာဆိုတာ ပေါက်မြို့နယ်ရဲ့ ရဲစခန်းရှိတဲ့ရွာပေါ့ ကား ၂ စီးနဲ့ စစ်သားပေါင်း အယောက်ဦးရေ
၇၀ လောက် ခန့်မှန်းပေါ့ ရေပြာကိုရောက်နေပြီ စစ်သားပေါင်း ၇၀ ပေါ့။”
တိုက်ပွဲကြောင့် အနီးအနားက ကျေးရွာက ဒေသခံတွေက ထွက်ပြေးတိမ်းရှောင်နေရပြီး စစ်တပ်က နယ်မြေရှင်းလင်း
ရေးလုပ်လာမှာကို စိုးရိမ်နေပါတယ်။ ဒါက မကွေးတိုင်းက အခြေအနေပါ။ စစ်ကိုင်းတိုင်း ခင်ဦးမြို့နယ်မှာဆိုရင်လည်း
ဖေဖော်ဝါရီ ၂၁ ရက် ညပိုင်းက အင်းပတ်ကျေးရွာထဲကို စစ်တပ်က လက်နက်ကြီးနဲ့ ပစ်ခတ်ခဲ့တဲ့အတွက် အရပ်သား
ဦး ထိခိုက် ဒဏ်ရာ ရရှိခဲ့ပါတယ်။ တိုက်ပွဲဖြစ်ပွားတာမရှိဘဲ ပစ်ခတ်ခဲ့တာလို့ ဒေသခံတဦးက ပြောပါတယ်။
“ညက ၈ နာရီကျော်လောက်က အင်းပတ်ရွာထဲကို လက်နက်ကြီးနဲ့ထုတာပေါ့လေ။ လက်နက်ငယ်တွေနဲ့လည်း
ရမ်းပစ်တယ်ပေါ့။ သူက လက်နက်ငယ်မှန်ပြီး အသက် ၃၀ အရွယ် အမျိုးသား တဦး ပေါင်ကိုမှန်တယ်ပေါ့နော်။
အသက် ၆၀ လောက်ရှိတဲ့ အမျိုးသမီးကြီးက အိမ်ထဲမှာ ထိုင်နေတာပေါ့နော်။ အိမ်ထဲမှာ ထိုင်နေတာကို အိမ်ထဲကျပြီး
တော့ နောက်ကျောကိုမှန်သွားတယ်ပေါ့နော်။ တိုက်ပွဲလည်းဖြစ်ပွားခြင်းလည်းမရှိဘူး။ ဒါပေမယ့် သူတို့က အင်းပက်
ဘက်ကို ပုံမှန်လိုလို ထုကြတယ်ပေါ့နော်။”
၂၀၂၁ ခုနှစ်တုန်းကလည်း လက်နက်ကြီးတွေ ပစ်ခတ်ပြီး အင်းပက်ရွာထဲကို လက်နက်ကြီးတွေနဲ့ကျရောက် ပေါက်ကွဲခဲ့
လို့ အမျိုးသား ၁ ဦးသေဆုံးခဲ့ပါသေးတယ်။ အင်းပက်ကျေးရွာဟာ စစ်တပ်ရဲ့ နယ်မြေရှင်းလင်းမှုအတွင်း မီး ၂ ကြိမ်အ
ရှို့ခံခဲ့ရပြီး နေအိမ် ၂၀၀ ကျော်မီးလောင်ဆုံးရှုံးခဲ့တဲ့ ကျေးရွာလည်းဖြစ်ပါတယ်။
.jpg)
.jpg)
Comments