နိုင်ငံခြားရေး ဝန်ကြီး ဒေါ်ဇင်မာအောင်၏ ဝါရှင်တန် ခရီးစဉ်

နိုင်ငံခြားရေး ဝန်ကြီး ‌ဒေါ်ဇင်မာအောင်သည် အမေရိကန် ပြည်ထောင်စု သို့ တပတ်ကြာ ခရီးစဉ် အတွင်း ဘိုင်ဒင် အစိုးရ အဖွဲ့မှ အထက်တန်း အရာရှိကြီးများ၊ ကွန်ဂရက် အမတ်များ နှင့် တွေ့ဆုံ ဆွေး‌ နွေး နိုင်ခဲ့သည်ဟု ရိုက်တာ သတင်းတွင် ဖေါ်ပြလာခဲ့သည်။

ထိုသို့ တွေ့ဆုံရာတွင် စစ်အာဏာသိမ်း အဖွဲ့အား ယခုထက် ပိုမိုပြင်းထန်သည့် ပိတ်ဆို့ဒဏ်ခတ်မှုများ ပြုလုပ်ပေးရန် နှင့် ရံပုံငွေ ထောက်ပံ့ပေးရန် တောင်းဆိုခဲ့သည်ဟု ဆိုသည်။

အမေရိကန် နှင့် မဟာမိတ်များက ဇန်နဝါရီ ၃၁ တွင် နောက်ဆုံး ပြဋ္ဌာန်းလာသော စီးပွားရေး ဒဏ်ခတ်မှုများသည် လုံလောက် မှု မရှိသေးဟု ဒေါ်ဇင်မာအောင်က ထုတ်ဖေါ် ပြောဆိုခဲ့သည်။

ထို ပိတ်ဆို့ဒဏ်ခတ်မှု တွင် ရေနံ နှင့် သဘာဝ ဓါတ်ငွေ့ လုပ်ငန်းကို တိုက်ရိုက် ရည်ရွယ်ခြင်း မရှိပဲ ထို လုပ်ငန်း တွင် လုပ်ကိုင်နေသူများကိုသာ ထည့်သွင်းခဲ့ခြင်း ကြောင့်ပင် ဖြစ်သည်။

ပြီးခဲ့သည့် အင်္ဂါ‌နေ့တွင် ‌ဒေါ်ဇင်မာအောင် နှင့် အမေရိကန် ဒုတိယ နိုင်ငံခြားရေး ဝန်ကြီး မစ္စက် ဝင်ဒီ ရှားမင်း တို့ တွေ့ဆုံ ‌‌‌ဆွေးနွေးခဲ့ကြပြန်သည်။ (ပုံတွင် ရှု)

 

 

 

 

 

 

 

 

 

 

 

 

 

 

 

 

 

 

 

 

 

  

ထို ‌ဆွေးနွေးပွဲ တွင် မစ္စက် ရှားမင်း မှ စစ်အာဏာသိမ်း အဖွဲ့ကို ရှုတ်ချကြောင်း ထပ်မံ ပြောဆိုခဲ့ပြီး ၎င်းတို့ကျုးလွန်နေသော ရက်စက် ကြမ်းကြုပ်သည့် လုပ်ရပ်များအား တာဝန်ခံမှု ရှိစေရန် လှုံ့ဆော်သွားမည့် အမေရိကန်၏ အစီအစဉ်များအားလည်း ချပြသွားခဲ့သည်ဟု သိရသည်။

မည်သို့ မည်ပုံ လုပ်မည်ဟု သတင်းတွင် ဖေါ်ပြမထားသော်လည်း စစ်အရာရှိများ အတွက် အလွန်ပင် ထိတ်လန့်စရာ ကောင်းနေပြီ ဖြစ်သည်။

ထို့အပြင် လက်ရှိ အကျပ်အတည်းအား တရားမျှတ စွာဖြင့် ငြိမ်းချမ်းစွာ အဆုံးသတ်နိုင်ရန်လည်း ဖိအားများ တိုးမြှင့် ပေးသွားမည်ဟု သိရသည်။

"ယူကရိန်း ကို ထောက်ပံ့နေတဲ့ ပမာဏာရဲ့ သေးသေး မွှားမွှား ရယုံလောက်နှင့် ကျမတို့ တော်လှန်ရေး အောင်မြင်နေပြီ" ဟု လည်း ဆိုသည်။

ထို့ပြင် စစ်တပ်မှ လေကြောင်းတိုက်ခိုက်မှုများ တိုးမြှင့် ပြုလုပ်လာတော့မည် ဖြစ်၍ ကျေးရွာသားများ ဘေးလွတ်ရာသို့ ရှောင်တိမ်းနိုင်ရန် အမေရိကန်မှ ကြိုတင် သတိပေး စနစ်များ ထောက်ပံ့ပေးရန်ကိုပါ တောင်းဆိုခဲ့သည်။

အမေရိကန် တွင် ထိုသို့ ကူညီပေးရန် သမ္မတ အဆက်ဆက် အချိန်များစွာ ရနေနိုင်သော်လည်း လုံးဝ အချိန်မရ တော့သည်က မြန်မာ ပြည်သူများပင် ဖြစ်သည်။

မကြာမီက ထွက်ပေါ်လာသော စစ်တမ်း များအရ တပ်ရင်း ပေါင်း ၂၃၀ ကျော် ရှိသည့် မြန်မာ စစ်တပ်တွင် ၃၀ ခန့်သာ ဖွဲ့စည်းပုံ အပြည့် ရှိတော့သည်ဟု သိရသည်။ ထပ်၍လည်း အင်အားဖြည့်တင်းနိုင်ခြင်း မရှိတော့၊ တပ်ကို စွန့်ခွာ မှုများ၊ အမိန့်မနာခံ မှုများ နှင့် ပြည့်နှက်‌လာနေသည်။

တဖက်တွင်လည်း နှစ်ပေါင်း ၇၀ နီးပါးမျှ တကြိမ်တခါ မျှ ပူးတွဲတိုက်ပွဲဝင်ခြင်း မရှိသော တိုင်းရင်းသား လက်နက်ကိုင် အဖွဲ့များ ပူးပေါင်းလာကြသည်ကို တွေ့ရသည်ဟု မြန်မာနိုင်ငံ ဆိုင်ရာ အိန္ဒိယ သံအမတ်ကြီးဟောင်း Gautam Mukhopadhaya. က သူ၏ ဆောင်းပါးတွင် ထောက်ပြထားခဲ့သည်။

မင်းအောင်လှိုင် သစ္စာခံသော တပ်များ ယခုလို အကွဲအပြဲများ နှင့် တိုင်ပတ်နေသည့် cul-de-sac အနေအထားတွင် အမျိုးသား ညီညွတ်ရေး အစိုးရမှ နိုင်ငံရေး၊ စစ်ရေး တွင် အသာစီး ရလာအောင် ရသည့် နည်းဖြင့် အခွင့်ကောင်းယူ လှုပ်ရှားရတော့မည် ဖြစ်သည်။

ယခု အခါ နိုင်ငံတကာ ထောက်ခံမှုများ တိုး၍ ရနေသော်လည်း လက်နက်အင်အား ပိုင်းတွင် ချို့တဲ့လျှက်ပင် ရှိနေဆဲ ဖြစ်သည်၊ သို့သော် နဲနဲ နှင့် ကျဲကျဲ ဝိုင်းပြီး ရှိသည့် အင်အားကို ရသမျှ စုရုံးကာ ဖြစ်နိုင်သည့် နေရာမှ ထိုးဖောက် စစ်ဆင်ရတော့မည် ဖြစ်သည်။

အကယ်၍ ပြဿာနာ ရှည်ကြာနေမည် ဆိုက အာဆီယံ အပါအဝင် နိုင်ငံတကာက "အေး ပြီးရော" ဆိုကာ စစ်တပ် နှင့် အာဏာခွဲဝေရေး စေ့ဆပ်ရန် ဖိအားများ ထွက်ပေါ်လာနိုင်ဖွယ် ရှိနေသည်။

ထိုသို့ ဖြစ်လာသည် ဆိုစေဦး စစ်တပ်သည် ၎င်းတို့ အထက်စီးမှ ရှိနေသည်ဟု ယုံကြည်နေသမျှ ယခင် ငြိမ်းချမ်းရေး ဆွေးနွေးပွဲများလို မည်သို့မျှ အောင်မြင်နိုင်စရာ မရှိပေ။ လူထု အတွင်း သဘောထား ကွဲလွဲလာခြင်းသာ အဖတ်တင်ပေလိမ့်မည်။

ပြည်သူတို့၏ ခုခံ တွန်းလှန်စစ် မုချ အောင်ရမည်!!!

 

လှစိုးဝေ