အင်အားကြီးနိုင်ငံအချို့ မြန်မာနိုင်ငံကို အနိုင်ကျင့်ဗိုလ်ကျ‌နေဟု မင်းအောင်လှိုင်ညည်းတွား

ရန်ကုန်၊ ဖေဖော်ဝါရီ ၁၇ 

လူငယ့်ခေတ် 

အင်အားကြီးနိုင်ငံအချို့သည် မြန်မာနိုင်ငံအပေါ်  ခွဲခြားဆက်ဆံခြင်းပြုလုပ်နေသည်ဟု အာဏာသိမ်းစစ်ကောင်စီဥက္ကဌ ဗိုလ်ချုပ်မှူးကြီး မင်းအောင်လှိုင်က ပြောဆိုခဲ့သည်။ 

ဖေဖော်ဝါရီလ ၁၆ ရက်တွင်ကျင်းပသည့် ရုရှား - မြန်မာ

 ချစ်ကြည်ရေးနှင့် ပူးပေါင်းဆောင်ရွက်ရေးဖိုရမ်၌ ၎င်းကအထက်ပါအတိုင်း ပြောဆိုခဲ့ခြင်းဖြစ်သည်။ 

"နိုင်ငံငယ်လေးများအပေါ် မလိုတစ်မျိုး၊ လိုတစ်မျိုးလုပ်ပြီး ဖိအားပေးအကျပ်ကိုင်မှုများ၊ အနိုင်ကျင့်ဗိုလ်ကျမှုများ၊ ခွဲခြားဆက်ဆံမှုများပြု လုပ်နေသည်" ဟု NUG အစိုးရနှင့် ဆက်ဆံရေးကောင်းမွန်သည့် နိုင်ငံကြီးများကိုရည်ရွယ်ကာ ၎င်းကထိုသို့ ညည်းတွား ပြောဆိုခဲ့သည်။ 

သို့သော် စစ်ကောင်စီအပေါ် ဖေးမရပ်တည်ပေးသည့် ရုရှားကိုကျေးဇူးတင်ရှိကြောင်းနှင့် စစ်ကောင်အနေဖြင့် ရုရှားနိုင်ငံနှင့် ချစ်ကြည်ရေး ကို အလေးထားဆောင်ရွက်မည်ဖြစ်ကြောင်း မင်းအောင်လှိုင်က မြန်မာနိုင်ငံဆိုင်ရာ ရုရှားသံအမတ်ကို တလေးတစားပြောဆိုခဲ့သည်။  

NUG အစိုးရသည် လက်ရှိအချိန်၌ အာရှတွင်အင်အားကြီးမားသည့် ဂျပန်၊ တောင်ကိုရီးယားနှင့် အမေရိကန်နိုင်ငံအပါအ၀င် ဥ‌ရောပနိုင်ငံအများအပြား၌ ၎င်း၏သံတမန်ရေးရာ ဆက်ဆံရေးရုံးများကို ဖွင့်လှစ်ထားသည်။ 

ဓာတ်ပုံ - ရုရှား - မြန်မာ ချစ်ကြည်ရေးနှင့် ပူးပေါင်းဆောင်ရွက်ရေးဖိုရမ်၌တွေ့ရသည့် အာဏာသိမ်းစစ်ခေါင်းဆောင် မင်းအောင်လှိုင်

#M02 #Lungekhit