အာဆီယမ် အမေရိကန်ထိပ်သီးဆွေးနွေးပွဲ ရွှေ့ဆိုင်း

​

၉/၃/၂၀၂၂

အာဆီယမ် အမေရိကန်ထိပ်သီးဆွေးနွေးပွဲကို ရွှေ့ဆိုင်းလိုက်ကြောင်း ကမ်ဘောဒီးယားနိုင်ငံခြားရေး၀န်ကြီးက ပြောပါတယ်။ မူလက အခုလ ၂၈ နဲ့ ၂၉ ရက်နေ့တွေမှာ ဝါရှင်တန်မှာ ကျင်းပဖို့ရှိပေမယ့် အာဆီယမ်ခေါင်းဆောင်တချို့က ခရီးသွားဖို့ အဆင်မပြေတဲ့အတွက် ဆွေးနွေးပွဲရွှေ့ဆိုင်းရတာလို့ ဆိုပါတယ်။ 

ဂျာကာတာအာဆီယမ်အတွင်းရေးမှူးချုပ်ရုံးက အမည်မဖေါ်လိုသူအရာရှိတဦးကတော့ လက်ရှိ ယူကရိန်းအရေးနဲ့ပတ်သက်ပြီး အမေရိကန်နဲ့ ရုရှား ထိပ်တိုက်တွေ့နေသလိုဖြစ်နေချိန်မှာ အာဆီယမ်ခေါင်းဆောင်တချို့က ဝါရှင်တန်ကို မသွားရဲဘူးဖြစ်နေတာလို့ ဆိုပါတယ်။ ဘယ်နိုင်ငံတွေဆိုတာကိုတော့ သူက ပြောပြဖို့ ငြင်းဆိုပါတယ်။ 

တချို့အာဆီယမ်ခေါင်းဆောင်တွေကတော့ မိတ်ဖက်နိုင်ငံတွေနဲ့ဆွေးနွေးပွဲတွေမှာ မြန်မာနိုင်ငံက နိုင်ငံရေးကိုယ်စားမပြုသူကိုပါ ပါဝင်တက်ရောက်ခွင့်မပေးချင်တော့တဲ့အခြေအနေဖြစ်နေတယ်ဆိုပါတယ်။ အမေရိကန်အစိုးရကတော့ အာဆီယမ်ဆုံးဖြတ်ချက်အတိုင်း နိုင်ငံရေးကိုယ်စားမပြုသူတက်ရောက်နိုင်ကြောင်းပြောဆိုထားတယ်ဆိုပါတယ်။

ပြီးခဲ့တဲ့ ရက် က ကုလသမဂ္ဂမှာ ရုရှားကို ဆန့်ကျင်ရှုတ်ချတဲ့ မဲခွဲပွဲမှာ ဗီယက်နမ်နဲ့ လာအိုတို့က မဲမပေးပဲ ကျန်နိုင်ငံအားလုံးက ထောက်ခံမဲပေးခဲ့ပါတယ်။ အာဆီယမ်ထဲမှာ ရုရှားကို ပိတ်ဆို့အရေးယူတဲ့နိုင်ငံကတော့ စင်္ကာပူဖြစ်ပြီး အပစ်အခတ်ရပ်စဲဖို့ တောင်းဆိုတဲ့နိုင်ငံကတော့ အင်ဒိုနီးရှားဖြစ်ပါတယ်။ယူကရိန်းပြည်သူတွေကို ထောက်ခံတာကတော့ ဖိလစ်ပိုင်နိုင်ငံဖြစ်ပါတယ်။ ယူကရိန်းနိုင်ငံတကာတပ်ဖွဲ့ကို မဝင်ဖို့ တားမြစ်ထားတာကတော့ ကမ်ဘောဒီးယားနိုင်ငံဖြစ်ပါတယ်။

# BNN James ဖနွမ်းပင်